رواية سهرة منتصف الليل كاملة بقلم يارا رشدي
لفصل الاول
خرجت من المرحاض وهي تخفي جسدها بالمنشفه ، جلست علي الفراش ثم تناولت هاتفها وبدات تعبث به
علي الناحيه الاخري يجلس امام الحاسوب الخاص به صفر باعجاب واضح عندما ظهرت له صوره تلك الفتاه منذ ايام قام بتهكير جهازها باكمله واصبح هاتف تلك الفتاه هو المتحكم به بالاضافه الي الكاميره الاماميه والخلفيه يستطيع رؤيتها من خلالهم وكل ذلك عن طريق رابط مزيف يخبرها انها تضغط عليه حتي تفوز بهاتف ايفون ..
انزلقت المنشفه من علي جسدها فقامت برفعها سريعآ بيديها وبعد ذلك تركت هاتفها ونهضت حتي ترتدي ثيابها
ابتسم وهو بتابع كل ذلك من حاسوبه هاتفآ :
قايمه تلبسي هدومك بعد ايه يا اختي ما كان من الاول عاجبك كده يعني وانتي بيتسجلك كل ده فيديو مبسوطه كده !!!
وصل اليه صوتها وهي تلحن بعض كلمات اغنيه ما :
و ريني لو ناسيني و هات عينك في عيني يا حبيبي أنت خايف لتخونك الشفايف وتقول أنك فاكرني وتسلم و تناديني يلي زمان انا كنت حياتك شلت زمان ليه من حسباتك
اغمض عينيه وعاد براسه للخلف وهو يستمع الي كلماتها تلك وعندما انتهت هي هتف هو :
غني يا برنسيسه وافرحيلك يومين عشان الي مستخبيلك ورا تقيل اووووي
_ بتتفرج علي مين الايام دي ؟!
قالها رفيقه الذي دلف توءآ للغرفه اعتدل عمر في جلسته وهو يقول :
واحده صاروخ اول مره اختار عمياني كده وتطلع حلوه كل بت بهكر موبيلها بتكون حاطه صورتها فيس وعارف شكلها لكن دي مش حاطه صورها بس طلعت ايه يا سيف صاروخ ملهاش حل
_ وريني شكلها كده
اغلق عمر الحاسوب قبل ان ينظر اليه سيف هاتفآ :
بعدين يا سيف خلينا في المهم البت نوجا عملت ايه في حكايه البنات
_ مفيش اهي بتنزل بوستات علي فيس تقول شغل وكده ولما بنات تعلق تدخلهم خاص وتقولهم شروط الشغل في الي بيعمل بلوك وفي الي بيشتم طبعاا ونادرآ ما حد يوافق اهو بقالنا شهرين في القصه دي ومفيش غير اربعه الي وافقوا بس
اشعل عمر سيجارته وهو يقول :
تلاقي نوجا خايبه مبتعرفش تغريهم كويس
_ لا والله دي بتغريهم علي الاخر وكمان مزوده المبلغ وبتقولهم 30 الف في شهر استني اوريك رساله شروط الشغل الي بتبعتها ليهم
اخرج سيف من هاتفه وبدا في العبث به ثم ناوله اياه بدا عمر يقرا المكتوب امامه
بصي هو شغل في Night club عباره عن سهره قي نص الليل بيدا من ساعه 12 نص الليل كده، هتنزلي من بيتك بلبسك العادي وهناك هتغيري هدومك وتلبسي لبس بتاع شغل احنا هندهولك هيكون لبس مكشوف طبعا عشان تظهري جمالك وهتقعدي مع زبائن تضحكي وتهزري معاهم وهترقصي ومتخافيش مش هتكوني لوحدك طبعا في بنات كتير انا شغلتها وبجد شغل مكسبه كبير كانك شغاله في شركه واي وقت تحبي تسيبي الشغل تعرفيني وبتاخدي بقيت فلوسك وبتسيبيه تمام هو شغل سهل جدا رقص وضحك مع الزباين وبس اهم حاجه يكون شكلك كويس وجسمك كويس هتاخدي 30 الف في شهر ده غير التبس والهدايا طبعا في ال Night club ممنوع التصوير نهائيآ بلس ان اول ما تستلمي الشغل هنطلعلك فيزا دي هيجيلك عليها القبض ده غير المكافات الي هتجيلك كلها هتتحولك علي الفيزا تمام الشغل كله عباره انك هتضحكي وتهزري مع الزباين وترقصي محدش هيقربلك نهائي
حاولي بقي تظبطي مع اهلك موضوع انك تخرجي بليل وكده لو انتي بتدرسي في جامعه وقاعده في سكن ممكن تسيبي السكن وتيجي تعيش في ال Night Club ولو مخلصه وكده قولي لاهلك انك لقيتي شغل وهتسكني في سكن مع بنات يعني كل حاجه سهله جدا اهي والشغل كمان سهل وهيعجبك
انتهي عمر من قراءه الموجود امامه علي شاشه ثم هتف وهو يضحك بسخريه :
يااخي البنات دي غريبه تقلع بمزاجها لواحد مرتبطه بيه زي الست ليلي بتاعتك لكن عند الشغل كل واحده تعمل فيها الطاهره الشريفه
_ وايه الي جاب سيره ليلي دلوقتي وبعدين دي محترمه واي حاجه بتحصل بينا بتبقي باسم الحب الي بينا
قهقه بقوه وهو يقول :
سلامات يا حب
زفر سيف بضيق هاتفآ :
ممكن تخلينا في الموضوع بتاعنا هنشغل ال Night club ازاي واحنا مش مجمعين غير كام بنت بس اغلب البنات الي نوجا بتكلمهم بيرفضوا
_ هيوافقو غصب عنهم كل واحده هكرت موبيلها هساومها يا اما صورها تنزل يا تيجي تشتغل
_ بس كده هتبقي بتظلم المحترمه
ليقول عمر :
يا عم هو في بنت محترمه علي وش الارض؟! البنت الي تمسك موبيل ونت وتدخل سوشيال ميديا مستحيل تكون محترمه
_ الي انت شايفه اعمله يا عمر اسيبك انا بقي دلوقتي
_ رايح تقابل السنيوره بتاعتك ولا ايه ؟!!
تجاهل سيف كلماته الاخيره واستدار ليرحل وهو يقول :
سلام
قام بتشغيل حاسوبه مره اخري ثم قام بمتابعه تلك الفتاه ضغط علي شفتيه بعدم رضا عندما ظهر امامه صوره سقف الغرفه ومن الواضح انها تاركه هاتفها في مكان ما ...
_ طيب يا برنسيسه هتروحي مني فين انا قاعدلك
____________________
في سكن الطالبات
_ مش هتنزلي يا ليلي اجازه بردو؟
حركت راسها بالنفي هاتفه :
انتي عارفه عمي صدق ما خلص ده بيستحملني بالعافيه في اجازه نص السنه واخر السنه
_ طيب يا بنتي هتقعدي لوحدك تعملي ايه كلنا هننزل
لتقول صديقتها الاخري :
سولي ليلي معاها حبيب القلب سيف يعني ميفرقش معاها كفايه عليها هو دي تلاقيها مبسوطه عشان هتعرف تكلمه براحتها
تنهدت سالي وهي تقول :
انا مش خايفه غير من سيف ده ابعدي عنه يا ليلي شكله مش مظبوط والله
_ حرام عليكي يا سالي انتي ظالمه والله سيف طيب وبيحبني واول ما اخلص كليه هيجي يخطبني
لتقول سالي :
مش عارفه ليه مش برتاح كل ما بشوفه حرصي منه يا ليلي عشان خاطري
___________________
بعد مرور عدده ايام
_ نعم يا روح امك تاخدي فلوس علي ايه فين البنات الي انتي جبتيها اصلا
اجابته نوجا بضيق :
محدش بيوافق انا اعمل ايه يعني صدقني يا عمر والله حاولت
_ والله حاولتي محاولتيش ميخصنيش تجيبي بنات هقبضك غير كده معنديش
حركت راسها بالايجاب ثم اقتربت منه بدلال وهي تبعث برقبه قميصه :
هو انت ليه مش قادر تحس بحبي ليك امته قلبك القاسي ده هيحس بيا خلينا نتجوز ونبقي مع بعض ونعمل بيت وعيلة سوا
زفر بضيق وهو يبعد يديها قائلا :
خفي سهوكه وحيات امك وريحي نفسك مش انتي الي ممكن اتجوزها او حتي ابصلها
_ ليه ان شالله وحشه ولا مشبهش
قالتها بانفعال واضح ليجيبها :
مش عايز اشوف وشك هنا تاني اي حاجه عايزه تقولهالي بلغي سيف وهو يقولهالي مفهوم
_ عمر انا بحبك بجد
تمسك بالحاسوب الخاص به ثم قال ;
اطلعي براه يا نوجا ومتجيش شقتي تاني عشان مزعلكيش
ضغطت علي شفتيها بضيق وهي تقول :
ماشي يا عمر بس الي ميندمش بعدين هتحفي ورايا ووقتها انا الي هقولك اسفه
_ اه في المشمش اخفي من وشي يلا
خرجت نوجا ونيران تشتعل بداخلها اما عمر بدا بمتابعه تلك الفتاه التي يراقبها كعادته لم تظهر صورتها امامه وضع السماعه علي اذنيه
وصل اليه صوتها وهي تتحدث مع والدتها بزعيق ..
لسه بتحبيه وبتفكري فيه بعد ما رماكي انتي وبنتك الي كان عمرها سنه وسافر لمراته الاولي وعياله انتي ازاي كده انا مش قادره اصدق بجد وابويا الي عيشتي معاه سنين نسيتيه بسهوله دي ؟!!! طفح الدم في شغله عشان يحققلك كل الي نفسك فيه وبعد ما مات مهانش عليكي تستني حتي لما يعد سنه علي وفاته
_ كفايه يا فريده حرام عليكي كفايه
قالتها والدتها بتعب لتقول فريده :
كفايه انتي يا شيخه ماسكه صورته وبتفكري فيه ده غير مكالمات الي بتقوليله فيها انه يرجعلك اوعي تفتكري اني مش عارفه ايه الي بيحصل لا انا عارفه كل حاجه ورحمه ابويا لو مبطلتيش الي بتعمليه انا هطفش وهسيبلك البيت ليكي وللمحروسه بنتك
نطقت فريده جملتها الاخيره وهي تجذب هاتفها من الاريكه ثم رحلت الي غرفتها وصفعت الباب بقوه خلفها
انتفض جسد عمر عندما وصل اليه صوت صفعه الباب فهتف :
ما براحه يا برنسيسه في ايه
علي الناحيه الاخري ..
القت بجسدها علي الفراش ثم صاحت باكيه وهي تقول :
مكنتش تستاهلك ولا تستاهل حب واحد زيك يا بابا
تمسكت بهاتفها عندما وصل اليها رساله من صديقتها تخبرها عن شئ ما ..
هتف عمر عندما ظهرت صورتها امامه علي الحاسوب :
شكلك بتحبي العياط انا بقي هخليكي تعيطي بدل الدموع الجميله دي دم يا فريده
مش طريقه دي تكلمي امك بيها، اكتشفت انك ناقصه تربيه ومحتاجه تتربي وانا بقي يا برنسيسه الي هربيكي
___________________
