رواية عودة بعد فراق كاملة

رواية عودة بعد فراق كاملة 

بأكبر الفروع بمومباي..

كان الفرع مكركب كتير...كل شرطين عم يطلعو ببعض بسبب صوت لواء أكاش يالي مسموع لبرا...

أكاش بعصبيه:وبعدين معكم انتو تنين...كم مره خبرتكم مابدي استخدام اسلحه بخطتنا..مابدي استخدام اسلحه..مابدي اطلاق نار..اشتبكو مع بعض واتصاوبو كتير من شرطى يالي عنا..شو تبريركم

ارناف:بعتزر منك سيدي بس لو مااستخدمنا الاسلحه كانو هربو

أكاش:طيب..وينهم هلا..هااا احكيلي وينهم..

اطلع ارناف على اسد وهو كاتم ضحكته بصعوبه..

ارناف:هربو..

ماقدر أكاش يكتم ابتسامته..

اكاش:هربو حكيت..فخور بحالك

ارناف:بعتزر

اكاش:رح اسحب منكم الملف...رح سلمه لفادي

ابتسم فادي وهو عم يطلع بأنتصار على اسد وارناف..

فادي:رح كون عند حسن ظنك فيني سيدي..

أكاش:وانا واثق فيك فادي...لا تفكرو حالكم خلصتو انتو تنين مني..

تركهم ومشي اطلع أكاش عليه..

أكاش:وقف لسا ماسمحتلك تمشي..

وقف وهو مو عاجبه شي..

أكاش:يعطيك العافيه فادي...فيك ترجع على شغلك

فادي:حاضر سيدي..

طلع فادي وأكاش اطلع على اسد ..

أكاش:اسد ارجع لمكانك

اطلع ارناف على اسد وراح لعنده..

ارناف بهمس:بشرفك لا تخلي الحاله تجيك هلا...امسك حالك شوي لنطلع ..

أكاش:اسد..

برم اسد لورا واطلع على اكاش..

اكاش:في ملف تحول لعنا على الفرع..والوزير شخصيا وكلني بهي المهمه...لازم نمسك أكبر تاجر مخدرات واسلحه..عليه قضايه كتييره..بهرب مخدرات على الحدود واسلحه وحرس الحدود ماعم يطلع معهم شي...لازم نحنا نتحرك فورا ونلقي القبض عليه...هاد شخص مهرب خطير كتير بدنا ندير بالنا منه..

ارناف:مين هو

أكاش:سوراج ميهرا..

بأحد الأحياء راقيه..

جنه على الأرض..قصر عيله ميهرا..اكبر قصر بكل الهند وأجملهم هو قصر عيله ميهرا..

من الباب الخلفي للباب رئيسي كله حراس مسلحه..سيارات صافين جنب بعض أشكال وألوان...

بحره بنص شجر يالي مزينه المكان...مسبح كبير..

بندخل لجوا القصر كان مليان خدم..شي بنضف وشي بحضر بلفطور...

نزلت بنت صغيره على درج وهي لابسه فستان زهر فاتح..وهي عم تنط من هون لهون...

انفتح الباب ودخل سوراج وشاد معه...ركضت عليهم وسوارج عطى شاد الملف ونزل وحضنها بقوة وحملها..

سوراج:زهرتي وجوهرتي..

بيلا:صباح الخير بابا

سوراج:صباح الفراوله لخدودك الحمر..

بيلا:صباحك عسل متل لون عيونك شادو

شاد ضحك:صباح النور ياروحي...

سوراج:شو وين اختك

بيلا:مابعرف..اصلا انا ماعم شوفها..بتروح على جامعه..بترجع بتبدل تيابها ومابترجع للمسا..وقتها انا بكون نايمه..

سوارج:امممم..هلا بشوفها..

نزلت زويا لتحت ..كانت لابسه بنطلون بجامه لونه رمادي مع بلوزه بحمالات عريضه..جامعه كل شعرها على شكل كعكه..

زويا:صباح الخير..

اطلع شاد عليه وابتسامته صارت لورا ادنيه...

سوراج:صباح النور..

شاد:صباح الورد..

سوراج:شو هلحكي يالي عم اسمعه

زويا:أي حكي..بحقي

سوراج:اي

زويا:شو خبرتك هي الفساده

سوراج:لا تحكي هيك عنها..ليكي زويا انا عاطيكي حريتك بكل شي..لبسك اختياراتك العشوائيه...مصروفك..كل شي متل مابدك انتي..كل شهر بتسافري لبلد..كل فتره بتغيري سياره ماعندي مشكله ابدا..على قلبي احلى من العسل ...بس اوعك مره تانيه اسمعك انك تأخرتي على البيت...على ساعه تسعه كل يوم بدي شوفك قاعده معنا على العشا...

زويا:انتو مابتقدرو..لازم تعكرولي مزاجي..انا بفرجيكي يافسفوسه..

طلعت لفوق وهي عم تحكي مع حالها...

شاد:لا تنزعج عمي..انت بتعرف طبعها كتير منيح..

سوراج:هلبنت دلال رح يخربها..بس مافيني ازعلها مني..

بلفرع..

أكاش:سوراج مابهمه شي...خود منه شو مابدك...بس بناته تنتين خط احمر..بسلمك حياته بس لا تاخد شعره وحده من راس بناته...الكبيره سنه اخيره جامعه تخصصها طب اسمها زويا...الصغيره اسمها بيلا بلمدرسه طبعا خاصه...حراس بياخدوها وبرجعوها...في مرافقه مع زويا وين بتروح وين بتجي..متل خيالها..احنا اذا بدنا نوجع سوراج..لازم نضرب بناته..لازم نمسكه من ايده يالي بتوجعه..

ارناف:واحنا شو دخلنا بسيرته ذايته..ابعت دوريه تمسكه وخلصت القصه

أكاش:شغله مو هيك وبس..هاد سوراج عنده معارف واصلين كتييير..يعني جبناه من هون بيطلع بنفس ثانيه..مارح نستفاد شي..بدنا نمسك عليه ممسك مايطلع من سجن ابدا من بعدها..شو اسد ماسمعت صوتك ابدا

اطلع اسد عليه..

اسد:انا بقول خلي زلمه يسترزق ...لانه رسول حكى قطع الاعناق ولا قطع الأرزاق...

ضحك ارناف اطلع اكاش عليه وارناف سكت..

اكاش:في خطه لازم نمشي عليها..رح تشتغل بهي المهمه انت وارناف وعاشق

اسد:خطه شو

اكاش:بدي تجيبولي زويا..

اندق الباب انفتح ودخل عاشق..

عاشق:احترامي سيدي

اكاش:تفضل..

ارناف:كيف بدنا نجيبها

سوراج:انا لهون بدي اوصل...اقعدو لنحكي

بقصر عيله ميهرا..

كان الكل عم يفطر والمربيه عم طعمي بيلا..

بيلا:ايمته بدي اكل لحالي...صرت كبيره شوي وبوصل لعند كتف شادو..

سوراج:لما توصلي رح خليكي تاكلي لحالك..بعدين الاكل سخن بخاف تكبي على حالك وتنحرقي..

المربيه:يلا تعالي لطلعك مشان تروحي على المدرسه..

بيلا:شادو..حبيبي وصلني انت

شاد:انا

بيلا:اي..

سوراج:لا حبيبتي..الحراس بياخدوكي بدي ياه لشاد انا..

بيلا:بابا امانه..امانه بس اليوم..

سوراج:طيب..بس اليوم ها

بيلا:هيييي..

ركضت وحضنت شاد وهي مبسوطه..

زويا:الحمد الله..انا رح اطلع على جامعتي..

اخدت شنته تبعها وطلعت..ركبت سيارتها ومشيت وسياره الحرس وراها..

بعد فتره من الوقت..

وصلت على جامعه نزل الحارس وفتحلها الباب...مشيت والحرس وراها ماتركوها لحظه...

كان كل شباب جامعه حاطين عيونهم عليها من جمالها يالي ولا بنت عندها ياه..واذا عندها جزء صغير منه بتكون فاقده شي اهم منه..

بلفرع..

عاشق:انا

اكاش:اي انت..لازم تعمل شي يالي حكيتلك عنه

عاشق:بس انا متزوج..والله بصير من عصافير جنه اذا عرفت مرتي بهاد شي

اكاش:ليك عاشق..احنا هون بشغل..مشان هيك بدك تترك الحياه شخصيه عن العمليه..في حياه كتير ناس عم تروح بسبب سوراج ميهرا ورجاله..مشان هيك لازم نستعجل بهي المهمه كتييير..

عاشق:طيب سيدي..ممكن طلب

اكاش:تفضل

عاشق:خلي اسد..هو عدم المؤاخذه عادي مابتفرق معه هي شغلات...

اكاش:انت ارناف..

ارناف:خليني على مهمتي الأولى احسن..

اكاش:شو اسد

اسد:مابتفرق معي..المهم سوراج يصير عنا

اكاش:تمام..رح تكون لقائاتنا كتييره..مشان هيك بدي منكم كل خطوه بتاخدوها تخبروني فيها بلأول..وبتخبروني بنتائجها بعد ماتخلص..

ارناف:حاضر

اكاش:فيكم ترجعو على شغلكم..

طلعو هم التلاته...راح اسد على مكتبه وعاشق اطلع على ارناف..

عاشق:شبه

ارناف:ليش بشرفك ايمته كان مافيه شي..هاد من خياله بينزعج..

عاشق:شو صار بليله مبارح بعد ماطلعت

ارناف:ولا شي..قعدنا شوي وطلعنا...بعدين انت من ايمته بتخاف من مرتك..ومبارح كنت سهران معنا بنادي..

عاشق:ولك مو خوف..بس اطلع اسهر معكم وهي بتعرف..احسن ماروح طبق بنت وحببها فيني..والله بتعلق مشنقتي على باب الفرع وهي عم تضحك...هدول البنات مكيودين بيطلع منهم كل شي...

ارناف ضحك:روح على شغلك المسا بنشوف شو بصير..

راح كل واحد على شغله..

وقف سياره واطلع على بيلا..

شاد:يلا ياورده..تفضلي

بيلا:شادو..تعال خدني كمان

شاد:اذا ماكان عندي شغل بجي باخدك..اتفقنا

بيلا:اتفقنا

اجو الحراس ونزلوها...شغل شاد سياره ومشي...دخلوها لجوا وضلو واقفين جنب باب صف ناطرينها لتخلص وتطلع..

المسويات..

طلعت زويا من جامعه..ركبت سيارتها ومشيت...بعد فتره من الوقت وقفت سيارتها ونزلت..

زويا:لا حدا يدخل معي..بدي ادخل لوحدي

الحارس:بس يامدام

اطلعت زويا عليه وهو سكت فورا..دخلت زويا على المقبره..راحت على قبر امها..

زويا:الله يرحمك يارب..

قرئتلها الفاتحه وطلعت..

رجعت على القصر ودخلت..

زويا:بيلا..شو عم تعملي

بيلا:تعالي شوفي..المعلمه تبعي حكت نرسم بابا وماما واخواتنا..

زويا:وانتي شو رسمتي..

بيلا:رسمت بابا..وانتي وشاد وانا...وماما

زويا:ماما..

بيلا:اي..

مشيت زويا وراحت لعندها...قعدت جنبها واخدت الورقه ..كانت راسمه صندوق على الاساس قبر...

بيلا:شوفي..عندي ألوان كتير مابعرف أي لون رح يطلع حلو..ممكن تساعديني

زويا:انا بقول تلوني بلألوان الفاتحه..

بيلا:كيف يعني

زويا:شوفي هدول الألوان لا تلوني فيهم..لانه لونهم غامق كتير..لوني بهدول...شوفي في اصفر واحمر وزهر..هي اخضر..وفي ازرق

بيلا:وين بابا وشاد

زويا:مابعرف..بكون عندهم شغل

بيلا:كان نفسي خلي بابا يلون معي..بس هو ماعم يفضالي..شاد وعدني وحكالي رح اجي اخدك من المدرسه...بس مااجى..

زويا:بكون بابا عطاه شغل مهم وماقدر يجي..

بيلا:حكيت لرفقاتي انه حبيبي رح يجي ياخدني

زويا ضحكت:شو حكيتي

بيلا:اي..انا بحبه لشاد..

زويا:هههههه والله

بيلا:اي...متل ماهو بحبك..انا بحبه فيها شي عيب

زويا:لا..مافيها شي..بس لسا صغيره ياقطه على الحب..

بيلا:زهره حكتلي قصه سندريلا والامير...

زويا:صحيح وين زهره

بيلا:عم تجهزلي الحمام..حكتلي رح جهزلك الحمام مشان تتحممي وتنامي..

زويا:تغديتي

بيلا:اي..

زويا:تمام..تصبحي على خير

بيلا:وانتي بخير..

قامت زويا وطلعت لفوق..دخلت على غرفتها كانت كلها صورها..اخدت بجامتها ودخلت على الحمام..

على ساعه اربعه ونص الفجر..

دخل شاد على القصر وطلع لفوق...كان رح يدخل على غرفته بس انتبه على ضو غرفه زويا شغال...راح لعندها..دق الباب ودخل..

شاد:زويا

اطلع عليها بكل الغرفه مالقاها...طلع على تراس كانت غفيانه على المرجوحه...ابتسم ومشي لعندها حملها ودخلها لجوا...حطها على تخت وهي فتحت عيونها...

زويا:شاد

شاد:شفت ضو غرفتك شغال...قلت لشوف شو عم تعملي

زويا:ايمته اجيت

شاد:من شوي

زويا:وين بابا

شاد:بشغل

زويا:لهلأ

شاد:ليش غفيانه برا

زويا:كنت عم اقرأ كتاب..

شاد:شو اسمه

زويا:حب من منعطف خاطئ..

شاد:امممم..

سكتت وهي عم تطلع بعيونه ..

زويا:ليش هيك عم تطلع فيني..

حط ايده على خدها ومسح عليه بنعومه...قرب منها ليبوسها بس هي بعدت راسها...اطلع عليها كانت مغمضه عيونها ومبعده راسها...قام وطلع من الغرفه...

تسطحت زويا ورجعت غفيت...

تاني يوم صبح..

كانت زويا عم تفطر هي وبيلا...نزل شاد وبيلا اطلعت وابتسمت...استغربت زويا برمت لورا وشافته نازل لعندهم..

زويا:ماعرفتك..من ايمته طابسه فيه

بيلا:من زمااان

زويا:طيب طنشيها..زلمه اذا طنشتيه بصير يركض وراكي

بيلا:يعني بصير يحبني

زويا:اي اكيد..

شاد:صباح الخير

زويا:صباح النور..

شلح جاكيته وهو عم يطلع على بيلا

شاد:صباح الخير بلبل

دارت بيلا وجها وزويا كتمت ضحكتها..

شاد:مين مزعلك

ماردت عليه قرب منها وباسها من خدها..ابتسمت وحضنته وزويا انصدمت..

بيلا:صباحك عسل..

شاد:ليش كنتي زعلانه

بيلا:كنت زعلانه وهلا رضيت بلبوسه..

شاد:اممممم

قامت زويا وشاد اطلع عليها..

شاد:لوين

زويا:على المصح العقلي

شاد:ليش

بيلا:بدها تشوف رفقاتها

شاد:بلمصح

بيلا:ليش مابتعرف انه زويا مجنونه كمان

زويا:بيلا

شاد:ليش بدك تروحي لهنيك

زويا:في عندي كم شغله..بكملهم وبرجع

تركتهم وطلعت...

بعد فتره من الوقت..

وصلت على المصح ونزلت...

زويا:خليكم هون..

الحارس:يامدام بترجاكي انتي هيك عم تعارضي أوامر سيد سوراج

زويا:المرضى اذا شافوكم رح يخافو من سلاحكم...خليكم هون لا تدخلو...

دخلت لجوا وهي مبسوطه انه رح تشوف رفيقتها...

زويا:يعطيكي العافيه

الممرضه:الله يعافيكي

زويا:وين بقدر شوف انيتا هلا..

الممرضه:من شوي طلعتها الممرضه لتتمشى...خمس دقايق بلكتير وبتدخل

زويا:اوك..

وقفت سياره ونزل وهو بكامل اناقته..شال نضارات ودخل لجوا ..

اسد:يعطيكي العافيه..

الممرضه:الله يعافيك..

اسد:وين انيتا

الممرضه:اهلين سيد اسد من شوي طلعت تتمشى مع الممرضه..فيك تطلع تشوفها برا...

اسد:تمام..

مشي اسد وزويا كانت عم تطلع على صور يالي معلقه على الحيطان...رجعت لورا وخبطت فيه..

زويا:انا اسفه..

تركها ومشي بدون مايشوفها او يحكي حرف معها..

زويا:استغفر الله..

رجعت تشوف صور ..

طلع اسد على الحديقه انتبه على انيتا كانت قاعده على الكرسي راح وقعد جنبها...اطلعت عليه وابتسمت..

انيتا:مالك حق تجي لعندي..

اسد:انا اسف..تأخرت عليكي..بس شغلي اخد كل وقتي

انيتا:حتى انا ..

اسد:اخدت اجازه ساعتين لاجي شوفك...طمنيني عنك انتي منيحه..

انيتا:منيحه

اسد:جبتلك معي غراض ألك...دخلتهم على غرفتك بس تدخلي بتشوفيهم..

انيتا:اسد انا مابدي غراض..بدي ياك ألك...بدي حس انه في حدا عم يهتم فيني..بدي شوفك عم تهتم فيني وتخاف علي..

اسد:لو ماني خايف عليكي ماكنت جبتك لهون..

انيتا:انا ماني مجنونه..ماني مجنونه ليش ماحدا عم يصدق كلامي..

اسد:وفاه شيفاي أثرت عليكي..مشان هيك مكانك المناسب بهاد الوقت هون..

مسكت انيتا اديه واطلعت عليه..

انيتا:عم يعذبوني..عم يخلوني اخد ادويه وابر ..اسد هم رح يجننوني بزياده...صدقني انه شيفاي عايش ليش ماعم تصدقو..

قام اسد وانيتا قامت وراه...

انيتا:اسد صدقني شيفاي عايش مو ميت..انا حاسه فيه..قلبي لسا عم يدق متل أول مره تقابلت فيها انا وياه..

اسد:انا تأخرت..

تركها ومشي ..اجت الممرضه لعندها..

الممرضه:خلينا ندخل لعندك..زويا وصلت

انيتا:زويا..واخيرا اجت..

دخلت لجوا فورا ..

انيتا:زويا..

برمت زويا لورا واطلعت عليها...راحت انيتا وحضنتها بقوة...

بعد فتره من الوقت كانو قاعدين بلغرفه تبع انيتا...

زويا:شبك هيك مزعوجه..

انيتا:زويا انا ماني مجنونه...ليش الكل بده ياني ضل هون..انا ماني مجنونه انا بكامل قواي العقليه...حكو اني مجنونه بس لانه حكيت انه شيفاي لسا عايش..

زويا:ياروحي..شيفاي ميت..مو انتي حكيتي انه سبب وفاته قنبله كانت مزروعه بسيارته...

انيتا:صحيح..بس هو لسا عايش..هو مانه ميت..صح جابولي تيابه..وغراضه بس هو عايش..ليكي هو ماكان يرد علي..حكيتله ياشيفاي اترك شغلك..اترك شغلك ماكان يرد..هو ضابط قد دنيه والاعداء كتار...والكل بده موته...مارد علي ..

زويا:احكيلي عنه شوي..

انيتا:مافيني اوصفلك جزء من جنه..كيف بدك ياني اوصفلك جنه كلها..

ابتسمت زويا وانيتا تنهدت بقوة

الثاني من هنا

تعديل المقال