رواية اتعبتني ولكن (امل ويوسف ) كاملة بقلم يوتة
ابطال الروايةةة ::
امل بطلة الروايةة وهي بنت قمة في الذوووق والاناقةة بنت محبوبة لذا الجميع وقريبةة من القلب جدا
امل من مواليد 94 طالبةة جامعيةة تخصص كيمياء ..
اما بخصوص ترتيبها العائلي ف هيا البنت الاصغر للعيلةة ..
عائلة امل تتكون من ::
_اب امل واسمه (سالم )وهوا الاقرب لامل من جميع النواحي
._والدة امل (سامية) وهي القدوة الاكبر ل امل في الحياةة .
_محمد اخ امل الاكبر وهوا من مواليد 90.
_امال اخت امل الاكبر مواليد93.
_احمد اخ امل الاصغر م 92.
يوسف بطل الروايةة من مواليد 88 خريج كلية العلووم
و حاليا يشتغل استاذ في الجامعةة وهوا يحب مهنته جدا وتعب وسهر الليل
بس لحت يكون في هذا المستوي المناسب ليه..
لهذا السبب هوا استحق رتبةةة استاذ جامعي وعن جداره
اما بخصوص حياته الشخصيه
فلا يسعني القول الا انه من الاشخاص المميزين بجد في هالدنيا لذلك كل شئ جميل متوقع منه ...
عائلةة يوسف تتكون من ::
اب يوسف (محمد) . لاسف متوفي من سنتين ومن يومها ويوسف متكفل بكل شئ يخص عيلته
والدةة يوسف (فاطمة). هيا المكان الوحيد المؤمن
ل يووسف ومهما كان ضعيف بوجود امه يقوي
اخت يوسف اماني م 94 طالبةة جامعيةة تخصص كيمياء ,
اماني تعتبر في يووسف امانها وحياتها الحلوووة رغم كم الظروف لواجهتها الا انها كانت قوية بحضوره
وبالفعل غياب بوها كان صعب عليها بس وجود يوسف قدر انه يقويها ويخليها متمسكه بالحياةة من جديد
وهاذي هي عائلة يوسف الصغيرة بس مميزة ...
الحلقه الاوله
,امل .. صباحووو ماميتي
كيف حالك اليوم قعده حاسه بصدااع
ام امل... صباحك ورد غاليتي لا الحمدلله سلم بنيتي يااربي
امال,, هيا امل وقت علي الجامعه رااه خفي رووحك محمد من بكري يستنا فينا
امل ,, أي أي هي اطلعي وانا جايه وراااك
امال ,, هيا مش تعطلي عاد
امل ,, لالاه اهو جايه وراااك طول قتلك غير دقيقة بس
هي يالغاليةة نستأذنك تواا وعينك من نفسك وردي بالك اتعبي روحك
ام امل ,, سلمهالي العسوله يارب ربي يسهلك بنوتي ويفتحها قدامك ياارب
وباسة ع امها وطلعةة لخوها
في طريق
محمد,, امته اتكملوو اليوم
امل ,, انا مش عارفة الحق زي ماتعرف اليوم اول يوم جامعه بس ع اغلب مع س1 انكمل
امال ,, انا زي كل يوم ع 2 انكمل
محمد ,, اهااا امل معناها انتي تاكدي من الموعد ولوو صار وبتروح متاخر كلميني اما لوو قعد الموعد ع س1كلمي احمد يجي يروح بيك لانه انا عندي شغل اليوم وممكن نتاخر
اما انتي ي امال موعد نهاية دوامك مناسب ليا راح انجيك اكيد
امل وامال ,,, به تمام
طبعا امال خرجةة كلية التقنيه طبيه تخصص مختبرات طبيةة وهي حاليا تشتغل في عيادة
اما محمد خريج كلية الاقتصاد قسم محاسبه وهوا يشتغل في المصرف
وبعد تحديد المواعيد انتلقوو
امل وصلت لجامعه وامال للعيادة ومحمد للمصرف ,,,
عند يوسف
ناض توضه وصله وفطر مع اهله ومشي لجامعه هوا واماني اخته
في الجامعه
امل ,, اوووف وين البنات والله مانشوف في وحده من هالزحمه
هوا اصلا اكله مني يعني انا وين كان عقلي وقت انسيت تلفوني الصبر ياااربي كيف بنتصرف توووا هي
عند اماااني
وصلت لجامعه هيا وخوها يووسف
يوووسف ,,, اسمعي ردي بالك من نفسك وردي بالك من الرفقه لمش كويسه اهوو قتلك
انا عارف انك مش حابه الجامعه هاذي وانك اتحولتي بس علي خاطري بما اني استاد هنا وماتبي اتعبيني معاك في المواصلات لكن معليشي ي غالية تحملي هالسنه وهيا اخر سنه وبإذن الله حتمشي كل الامور علي خير وهي توا بينا هااتف اكيد
اماني,, لالا عادي ي خوي مادور شي اصلا انا واثقه انه هالمكان خير ليا وماتنسا اني تحولت برغبتي وهيا توا امشي وانت مطمن ي غالي وبينا هاتف اكيد
ومشي يووسف للإداره بينما اماني وقفت حائره بين هالكم من العالم ومعاش عرفت من وين تبدا
وبعد تفكير وخووف شااافت ع جنب اتلاقي امل بنفس الوضعيه وهنا اماني ابتسمة وتلقائيا امشتلهااا
اماني ,, صباح الخير
امل,, صباح النور
اماني ,, شكلك زي حالاتي مش عارفه من وين تبدي هههه
امل ,, هههه كيف عرفتي لهدرجة واضح عليا يعني
اماني ,, هههه هوا الصراحه هلبه مش شوي
امل ,,, لكن ع فكرة ماتبعديش ليا هلبه هههه وضعي من وضعك
اماني ,, هههه الله غالب هوا الحق انا جديدة عليا الجامعه هاذي هذا ليش هكي صاير فيا
امل,, اهااا قولي هكي هوا تبي الحق انا ل ليا 3 سنوات وهاذي 4 فيها وخوفت بروحي مانلوومكش انتي لاول مرة
اماني ,,, بكل تعرفي
أي ع فكرة انا اسمي اماني
امل ,,, ي جمالووو وانا امل
اماني ,,, هههه ربي يخليك ي امل أي قولي شن تخصصك
امل ,,, كيمياء ااااكيد
اماني ,,, ههههه لا هكي اوووفر وانا كيمياء واخر سنه
امل ,,, هههه اهلا وسهلا بيك حبيبتي
اسمعي انا حبيتك راااه وياريت بما انك جديدة اتكوني من ضمن صديقااتي
اماني ,,, وبدون أي تردد اااكيد وليا الشرف اموووله
امل,,, به هي تعالي انشوفوو الجدول وضعيةة المواد
اماني ,,, اااي هيا
ومشت اماني وامل للإدارة
امل ,, اماني تعالي نسالوو ااي استاد من هنا بلكي يكون عنده علم هل ف قرايه اليوم ولا لا
اماني ,, لالاه انا نتحشم الحق اهو امشي انتي وانا اهو نستنا فيك
امل ,,, اشي هااذي يابنتي بنسألو ونرجعوو مش راح ياكلونا هما
اماني ,,, لالاه فوتيني انا هي امشي وانا اهو نستنا
ومشت امل وقفة ع باب وطقة
طق طق
امل ,,, عفوااا ي دكتور من بعد إذنك في دراسه اليوم ولامافيش
وطبعا هالغرفه كان فيهااا يوسف وبس
يوسف ,, اولا انا استاد وليس دكوتر وان شاءالله انكون دكتور ف يووم
ثانبا في حد يجي من حووشه وهوا مش عارف في دارسه ولا لا
وثالثا وكيف بيتكلم
امل ,,, عفوووا بس انا اسالت ويااريت من بعد اذنك اترد ع حسب السؤال
يوسف ,, والله شنووو به ياستي ع مااعتقد شوفتي الاعلان لنزل ع صفحة الكليةةة بانه اليوووم يوم دراسة رسمي
ليش لحت تجي وضعي في الوووقت هنا بدل ماتكوني ف قاعتك توا
يلا سلم اوخيتي امشي لقاعتك وع اكيد الدكتور ولا الاستاذ مش راح يعطل عليكم
امل ,,, انقهرت من طريقة كلامه وتعصبت بس اتماسكة نفسها وكتفت بقوول شكرا وطلعةة وهي في كامل تعصيبها
بينما يووسف ف هاللحظه حس بانه زودها والمفروض كان جاوب ع قد السؤال
ناض وتنرفز من نفسه عشان اخلط بين مشاكله الشخصيه والعماليه
طلعت امل وهي متعصبه
اماني ,, بسم الله خيرك شن في
امل ,, ووواك شن الناس هاذي بكل تعرفي الواحد سال سؤال اطلع بمجلد نصائح
اماني ,, كيف مافهمتش وخيرك هكي تقولي
امل ,, لا شي ولايهمك خلينا نمشوو للقاعه ونستنووو توا لو في دراسه او لا
اماني ,,, به هي بس ع كلا انتي مش ع بعضك
امل ,, ولايهمك هي نمشووو
ومشووو لبنات وستنوو ع امل يجي دكتورولا استاد بس بلا جدوووه
وهنا امل زااااد تعصيبها من يوووسف وبدات اتمتم بينها وبين نفسها ,,,,ههههه حالة عجيبه الصراحه هالامل
وبعد انتظار لا جدوه منه
امل ,, امووونه بالله اعطيني هاتفك خلي نتصل ب خوي الواضح انه مافيش قرايه
غير انا ماجبتش هاتفي
امااني ,,, ااي اكيد لحظه بس
وهنا كانت المفاجأااة
,,,,,,,,,,,,,,,,,,,,,,,,,,,,,, يتبع
