رواية امير الرجال الفصل الثامن 8 بقلم مروة عبدالجواد
تخرج ساره وتجلس علي مكتبها وهي شارد ( ياتري عايزني ليه، وايه الموضوع المهم اللي شاغله اوي كده ، ومحتاجني فيه ، يمكن عايز ياخد رايي في حاجه مثلا ، وهو هياخد رايي انا ليه ،بجد امير دا انسان يحير اي حد ، مره يبقي كويس ويضايق علشان حد ضايقني ،ومره يبقي رخم ويمضيني ع شرط جزاء من غير مااعرف ، انا فعلا حيرانه ، بس اقابله ولا مقبلوش) وتضع يدها علي خدها وتتكأ بيدها علي المكتب .
يخرج امير من المكتب وينظر ل ساره انا ماشي .
منار : تمام يافندم .
ساره : تنظرله في صمت .
ذهب امير.
ساره تجلس وتفكر وتنظر لساعه يدها ، عدي من الوقت ساعه
ساره : منار انا مضطره امشي.
منار : بس لسه ساعه علي الخروج من الشغل .
ساره : معلشي مش قادر اقعد اكتر من كده .
منار : خلاص امشي كده ، كده مستر امير مشي ومفيش حاجه مهمه.
ساره : شكرا يامنار
منار ،: علي ايه.
في المطعم علي الجهه الاماميه النيل وبالجانب الاخر الخضره والاشجار ، يجلس امير في ركن جانبي هاديء حيث الهواء النقي ، ينظر الي النيل حيث تسحره جمال وطبيعه المكان متحيرا ، ويفكر هل ستاتي ساره بعد تاخير ساعه ونصف ؟؟!!
ساره : تاتي من خلفه مستر امير.
امير : ( يلتفت لها وبفرحه طفل قال لها) ساره باابتسامته الجذابه. ( وقف امير وشد الكرسي الاخر لها) اتفضلي .
ساره : (تنظر له بااستغراب) اسفه علي التاخير .
امير : وحشتيني.
ساره : بدهشه نعم ؟!
امي : ثم يجلس وينظر لها عايز اتامل فيكي شويه.
ساره : هو حضرتك جايبي علشان كده اسفه معطلكش .
امير : يخربيت كده. خرجتني من المود.
ساره : بااستهزاء انت جايبني هنا علشان مودك .
امير : يضحك لا علشان اشاهد جمالك.
ساره : طيب استاذن انا بقي ، وتبدا بالنهوض
امير : اقعدي بس.
ساره : في حاجه مهمه ؟!
امير : اه مهمه جدا علي الاقل بالنسبالي.
ساره : تجلس خير يامستر امير .
امير : تتغدي ايه ؟
ساره : لا شكزا .
امير : يلا قولي .
ساره : ولا حاجه بجد، انا جايه علشان اعرف حضرتك عايزني ليه.
امير : حاضر هقولك ، ثم يشاور للجرسون .
ياتي الجرسون اؤمر یافندم
امير : تحبي تتغدي ايه ؟ ( ساره : بجد مش عايزه ) ينظر امير للجرسون ، اتنين استيك ، واتنين نجرسكو بالوايت صوص والسلطات وهتلنا العصير جريب فروت فريش لحد ما الغدا يجهز ، ثم ينظر لساره عايزه حاجه تاني .
ساره : لا شكرا .
امير : ينظر للجرسون خلاص ، ثم ينظر لساره انا بجد مبسوط اوي انك قاعده معايا .
ساره : مستر امير ياريت تدخل في الموضوع علي طول .
امير : حاضر ، ثم ينظر لها تعرفي انك من وقت الحادثه مروحتيش عن بالي خالص .
ساره : ياسلام ، انت جيبني علشان كده ، لدرجادي حاسس بالذنب .
امير : يضحك ، تخيلي اني حلمت بيكي كمان .
ساره : بااستغراب حلمت بيا انا.
امير : اه ، حلم جميل اوي ، ذيك بالظبط .
ساره : تبتسم بسخريه وياتري حلمت باايه .
امير : حلمت انك لابسه فستان حلو كله ورد وقاعده في وسط الورد وعماله تضحكي وانتي بتتمرجحي وبتمديلي ايدك وتقوليلي تعالي .
ساره : اممم ياسلام .
امير: خلاص مش هكملك الحلم .
ساره : بااستهزاء ، لا كمل ، مش قادره ، لازم تكمل، هيجرالي حاجه لو مكملتش .
امير : بقي كده بتتريقي .
ساره : سوري يامستر امير ، بس كلامك ميتعقلش ، وسوري كمان مره كلامك ميدخلش جيبي بجنيه .
امير: يعني ايه .
ساره : يعني لو جيبني هنا علشان تسرح بيا يبقي معطلكش ، وتبدا بالنهوض وتقف
امير :ينظر لها ويمسك يدها ، ساره ارجوكي اسمعيني بجد انا محتاجلك ، علي الاقل اسمعيني للاخر وبعد كده اعملي اللي انتي عيزاه .
ساره : تنظر له وهو يترجاها ثم تشد يدها بعيدا عنه ،اتفضل اتكلم بس لو سمحت قول كلام يتعقل ، مبحبش حد يستخف بيا.
امير : اهدي بقي كده وسبيني اكمل كلامي ، انا اول مره ...
ساره : تقاطعه ، ماتكمل هو في حد ماسكاك.
امير :بضيق وبصوت مرتفع قليلا عارفه لو سكتي شويه بس وهديتي هتلاقيني بقول كل حاجه ، ثم يااخذ نفس عميق وبصوت واطي ، ساره بجد انا اول مره شفتك فيها يوم الحادثه صورتك مرحتش عن بالي خالص ، الصراحه وقتها معرفش ان كان دا حب ولا احساس بالذنب ناحيتك .
ساره : بااستخفاف وتحرك يدها ها وبعدين .
امير : (بضيق )تاني ، بطلي تريقه علي كلامي بقي ، انا مبهزرش دلوقتي.
ساره : تمام خليني وراك ، اومال ايه اللي حصل بقي.
امير : يتردد امير في الكلام ، انا كان نفس اقولك علي اللي جوايا بس فعلا انتي واخده كلامي كله تريقه وهزار وانا مبحبش الاسلوب دا .
ساره : لان كلامك ميتخدش جد .
امير : ليه !! انتي شيفاني عيل.
ساره : ترفع حاجبها ،انت اللي بتقول مش انا .
امير : بضيق ، انتي ليه كده كل حاجه حلوه بتقابليها بعند ومكابره ، انا مش فاهمك بجد .
ساره : تفهم ايه ، انت جيبني لحد هنا وعمال تحور وتلف في كلام مش مفهوم.
امير : (بصوت عالي وقوي )اهدي شويا بقي واسمعيني ومعنتيش تردي عليا، ( وقد دوي صوته العالي مسمع كل من كان موجود في المطعم والتفتوا له)
ساره : تنظر له بخوف وخضه ، مما حدث
امير : يااخذ نفس عميق ، كل مره كده بتخرجيني عن شعوري .
ساره : تنزل دمعه من عينيها .
امير : يشعر بالندم ويجلس بالكرسي الذي بجانبها ، بصوت هادي انا اسف .
ساره : انا لازم امشي.
امير : بجد اسف بس نفسي تسمعيني مره واحده للاخر ،اديني فرصه اتكلم معاكي بهدوء ، واعطاها منديلا ،لكي تمسح دموعها .
ساره : تنظر له وعيناها مترغرغتان بالدموع ، اتفضل اتكلم .
امير : مش هعرف اتكلم وعيونك كلها دموع.بس لازم اتكلم لاني لو متكلمتش دلوقتي مش هعرف اكلمك تاني
، ساره انا الكام شهر اللي فاتوا مكنتش بنام من التفكير فيكي انا معرفش حصلي ايه من وقت ماشفتك حتي لما بكلمك علي طول بتصديني ( تنظر له بتعجب) طيب تعرفي لما كلمتيني مسدقتش نفسي وكنت اليومين دول بفكر اتواصل معاكي ازاي ، خصوصا ان ميعاد فك الجبس بتاعك كان عدي عليه اسبوع.
ساره : (بدهشه ) وتمسح خدها من اخر دمعه ،وانت عرفت ازاي اني فكيت الجبس بقالي اسبوع.
امير : كنت فاكر اليوم اللي الدكتور قالك عليه علشان تفكي الجبس.
ساره : ابتسمت وبكل براءه ، بس انا اتاخرت في الميعاد وفكيته متاخر يومين ،كاان بقالي تلات ايام بس فكاه .
امير : يبتسم طيب عارفه لما جيتي الشركه ،،( ساره ها) ،حسيت ان روحي ردت فيا معرفش ازاي.
ساره : بس انت يومها مقابلتيش .
امير : علشان كنت متاكد انك لو شفتيني هتعملي معايا مشكله.
ساره : بقمصه ، يعني انا بتاعت مشاكل.
امير: يبتسم ،ابدا خالص انتي ارق واحن بنت في الدنيا ،بس عناديه اووي واللي يكلمك كلمه تردهاله عشره.
ساره : تضحك امممم ،طيب خليني معاك للاخر كده ، قولي بقي عرفت ازاي واتاكدت من مشاعرك
دخل الجرسون وبدا في تقديم الغدا علي الترابيزه وانصرف.
امير : يلا علشان ناكل انا جعان جدا ، مكلتش من امبارح وبدا يمسك الشوكه والمعلقه
ساره : شربت رشفه من العصير ، بس انا مش جعانه ،اتغدا انت .
امير : ترك الشوكه والسكين ، مش هاكل من غيرك
ساره : بجد مش جعانه .
امير : خلاص نكمل كلامنا ، كنا بنقول ايه.
ساره : ابتسمت بخجل انت فاكر كنا بنقول ايه
امير : ضحك اه فاكر ، اما الزفت وائل دا جه المكتب وبصلك كده وبعدها عرفت انه ضايقك ، وقتها كنت هتجنن كان نفسي اديله بوكس في عينه علشان بعد كده ميشفش بيها وبعدين ارميه من الشباك بقي .
ساره : تضحك ، ترميه علشان بصلي.
امير : انا مبحبش حد يبص لحاجتي .
ساره : حاجتك!!
امير : ساره انتي بقيتي ملكي خلاص واي حد هيقربلك هفرمه.
ساره : بااستغراب ياسلام.
امير : انا مش بتاع كلام ولاحتي كنت بتاع بنات ، والايام هتثبتلك دا ، ومع الوقت هتتاكدي من كده .
ساره : طب وانت عرفت منين اني مثلا مش مرتبطه او بحب حد.
امير : قلبي ، اللي قالي مبتحبيش حد، اما بالنسبه للارتباط لان مفيش في ايدك دبله.
ساره : نظرت الي يدها اه مش لابسه دبله ( وتذكرت ايمن)
امير : وبردوا انتي مش البنت اللي تحب واحد وتخرح مع واحد تاني ، انا قلبي اول ماشافك قالي خلاص انك هتبقي ليا .
ساره : طيب مفكرتش اني انا ممكن احبك ولا لا.
امير : مش مهم ، انا هعرف ازاي اخليكي تحبيني.
ساره : بمكر ،اممم هو اللي بيحب حد بمضيه علي شرط جزاء بمليون جنيه
امير : ضحك ، اطمني ياساره انتي ممضتيش علي حاجه من دي خالص هو عقد الشغل وبس.
ساره : بااستغراب ازاي انت قلتلي في شرط جزاء مليون جنيه.
امير : انا قلت كده لما لقيتك مصممه انك تسيبي الشغل ، الفكره دي جت علي بالي فقلتهالك علشان متمشيش.
ساره : يعني لدرجادي كنت عايزني مسبش الشغل.
امير : اه تخيلي.
ساره : ابتسمت ثم نظرت لساعه يدها ، انا لازم امشي اتاخرت اوي
امير : طيب نتغدي وخليكي معايا شويا.
ساره : ماما هتقلق عليا لو اتاخرت اكتر من كده .
امير : اتصلي عليها قوليلها انك هتتاخري شويا.
ساره : مينفعش مره تانيه.
امير : يبتسم ، يعني في مره تانيه
ساره : تشعر بالخجل ، لا انا مقصدش اقصد بعدين يعني.
امير : يضحك ، يعني في بعدين .
ساره : تضحك ، وبعدين معاك بقي.
امير : خلاص يلا اوصلك
ساره : لا بجد مينفعش يامستر امير
امير : ليه ، وبعدين بلاش مستر امير ديه .
ساره : يعني علشان محدش يتكلم.
امير : طيب وبالنسبه لمستر امير دي.
ساره : مالها .
امير : عايزك تقولي امير علي طول .
ساره : تضحك.
امير : علشان خاطري.
ساره : بخجل حاضر ياامير .
امير :طالعه من شفايفك تهوس.
ساره : تلتقط شنطتها وتقف
امير : استني. ويدفع حساب الاكل ،ويخرجوا سويا ، اتمني تكوني حسيتي بيا .
ساره: تصمت وتبتسم
امير : يستوقف تاكسي ، ويقول لساره خلي بالك من نفسك ( ساره اتهز راسها باابتسامه وخجل حاضر وتركب في الكرسي الخلفي في التاكسي ) ، ثم يضع يده في جيبه وينطر امير الي السائق ويعطيه مائه جنيها ، سوق علي مهلك ووصلها للمكان اللي هتقولك عليه.
السائق : حاضر ياباشا.
#في بيت ساره
تدخل ساره سعيده وفرحانه تجد والدتها في الصاله
ساره : اذيك ياماما.
الام : حمدلله علي السلامه ياحببتي ، اتاخرتي ليه.
ساره : المواصلات ياماما ،هدخل اغير هدومي
الام : هحضرلك الغدا لحد ما تغيري ، وكمان مي لسه جايه من الجامعه بتغير هدوما .
ساره : اوكي ، وتدخل الغرفه علي مي .
تجد مي بالبيجامه وتمسك الهاتف ، فترمي شنطه يدها علي مي بضحك اذيك ياميمي .
مي : ميمي!! من امتا الدلع دا، خير ياحلوه اللي اداكي يدينا.
ساره : مش هتتخيلي ايه اللي حصل النهارده .
مي : تضحك لا معاكي اتوقع كل حاجه منك.
ساره : نو.. نو .
مي : اشجيني ياروحي عملتي مصيبه مع مين النهارده .
ساره : بدات تروي لها ماحدث ،امير عزمني النهارده علي الغدا ،وكلامه كان مريح خالص ، حاسه اني كنت ظلماه .
مي : بدهشه اهو دا اللي مكنتش اتوقعه فعلا ، والله واشطرنا وبقينا نعرف نمشي امورنا اهو.
ساره : امشي امور ايه بس ، انا قلت اديله فرصه واسمعه، يعني يمكن اكون فعلا مكنتش فهماه .
مي : بخبث وفهمتيه .
ساره : تضحك ، بطلي لماضه ويلا علشان نتغدي وتتركها وتخرج
مي : انتي هتتغدي تاني .
ساره : يلا ماما بتنادي.
#في فيلا امير ابو الدهب
في الليفنج يجلس احمد ابو الدهب ونور
يدخل من باب الفيلا امير ويتفاجا بوالده الذي ميعاد رجوعه من السفر بعد ثلاثه اسابيع .
امير : بدهشه ،بابا حمدلله علي السلامه ويذهب ويحتضنه.
احمد : الله يسلمك ياحبيبي ويحتضنه ، وحشتني ياامير.
امير : اذيك ياست الكل ، مقلتليش بابا جاي يعني.
نور : اذيك ياميرو ، اتفاجات بيه زيك بالظبط.
امير : يوجه كلامه لابيه ، مين جابك من المطار كنت عرفني اجي اخدك ، انت مش مااكد عليا هتيجي بعد الشحنه ماتطلع.
احمد : اتصلت بالسواق وانا في المطار خلصت الاجراءات كان جه ( امير : مقليش يعني) ، فعلا كنت هستني ، بس خلصت كل الاجراء والورق والجمارك ، لقيت وجودي ملوش لازمه ،( ثم ينظر لنور زوجته )وبعدين نينو وحشتني اوي .
نور : تنظر لزوجها وتبتسم وانت كمان وحشتني اوي .
امير : يضحك ،طيب انا يعني العزول ، هطلع انا بقي منها واروح علي اوضتي ،ويقف حتي يذهب لغرفته .
نور واحمد يضحكوا
احمد : كويس ان عندك احساس ، ويشاورله اقعد بس شويا مش هتتجوز بقي علشان تخليلي الجو مع نينو.
امير : بضحك واهزار هو علشان تتبسط انت ، البس انا.
نور :بجد ياميرو هفرحك بيك امتا بقي.
امير : بضحك انتوا قاعدين تتفقوا عليا بقي ، وبعدين ياحببتي انتي مش فرحانه بيا دلوقتي ولا ايه.
احمد : امير محدش بقول لنور حببتي غيري انا ، روح شوفلك حبيبه غيرها ، وينظر لها دي حببتي انا بس، ويقبل يدها .
نور : تضحك ، مش وقته يااحمد.
احمد : اومال امتا ياقلب احمد.
امير : يظهر فعلا اني لازم اتجوز ، انا شكلي بقي وحش اوي.
نور : بفرحه يبقي نتفق مع جمال وشروق علي الشهر الجاي ،يادوب .
امير : لا .
احمد : ايه مش مستعد، ويضحك .
امير : لايابابا .
نور : اومال امتا ياحبيبي ( بضيق يقاطعهاا احمد : ماقلنا بلاش حبيبي دي غير ليا بس ) ، تضحك وتنظر لاحمد، مش وقته بقي ، ثم تنظر ل امير كل حاجه جاهزه ولو عايز تغير اي ديكوريشن في الفيلا او اي حاجه اعمل اللي نفسك فيه ياميرو.
. امير : انا مش عايز اتجوز نيللي.
احمد : ايه الكلام دا .
نور : في ايه ياميرو انتو زعلانين مع بعض .
امير: انا بحب بنت تانيه .
احمد : انت اتجننت ، اومال خطبت نيللي ليه .
امير : انا مخطبتهاش ، انتوااللي اصريتوا عليا اني اخطب وانا وافقت علشان متزعلوش ، لكن فعلا انا مبحبهاش ومبحسش ناحيتها بااي حاجه ، فاهمني يابابا.
نور : بتحب مين ياميرو، بنت نعرفها ونعرف اهلها .
احمد : يرد مسرعا يحب ايه ،انتي جايه وقت الاتفاقات والناس مستنيه تحديد ميعاد الجواز وتقوليلي بتحب مين .
نور : في ايه يااحمد انت عايز تجوزه واخده مبحبهاش
احمد : اومال لو مش بنت صحبتك .
نور : تنظرلاحمد ، تفتكر انا هبني سعاده بنت صحبتي ، علي حزن ابني ، ثم تنظر لامير انا عندي سعاده وفرح ابني بالدنيا كلها ( امير يبتسم ويهمس بشفايفه بموت فيكي) ثم احنا لسه في الاول مفيش جواز لسه وتغمز له.
احمد : انا معرفش الكلام دا ، شوفي بقي هطلعينا من الورطه دي ازاي ، وتقوليلهم ايه.
نور : تنظر لامير ، ولا يهمك يابيبي قولي بقي مين اللي بتحبها دي وشفتها فين.
في حديقه الفيلا يتمشي امير مع والدته نور.
نور : لكن علي كلامك دا ياميرو انت لسه معرفتهاش ، ومبقلكوش كتير مع بعض
امير : ممكن كلامك يبقي صح ، لكن انا بجد حبتها معرفش امتا ولازاي ، لكن خطفت قلبي اوي.
نور : طيب خد وقتك ياحبيبي ،برضوا متستعجلش ،انا مش ضدك بس مش عيزاك تتسرع ، ممكن يكون مجرد اعجاب
امير : انا مش صغير ياماما علشان معرفش الحب من الاعجاب
نور : اوكي ياحبيبي انا واثقه فيك وهقف معاك ، بس من كلامك انهم ناس علي قدهم ، والدك مش هيوافق بسهوله
امير : دورك دا بقي ياماما تقنعيه ، وتخلصيني بااسرع وقت من موضوع نيللي دا خالص
نور : حاضر ياحبيبي، انت ابن عمري ياميرو ، وانامقدرش اشوفك حيران وزعلان ، واسكت .
امير : يمسك يدها ويقبلها ، ربنا يخليكي ليا .
