-->

رواية خيانة زوج اعمي الفصل السابع 7 بقلم مصطفي مجدي

رواية خيانة زوج اعمي الفصل السابع 7 بقلم مصطفي مجدي

    رواية خيانة زوج اعمي الفصل السابع 7 بقلم مصطفي مجدي


    خيانة زوج اعمى.. الحلقة السابعة

    مبقتش عارفة اتصرف ازاى ، واول حاجة فكرت فيها انى اتكلم مع عادل واشوف يمكن يكون عنده الحل
    كلمته فى التليفون وقولتله اتصدم وقالى:
    = ايه اللى بتقوليه ده؟! مش انتى قايلالى انك عاملة حسابك كويس وواخدة بالك ؟ ازاى ده حصل؟
    .. اهو اللى حصل وخلاص ياعادل ، هو انا بكلمك علشان تقولى كده
    قفلت السكة ومديتوش الفرصة انه يتكلم لانى حسيت انه متضايق اكتر مابيحاول انه يحل وانا مش فى مود خالص انى اسمع منه اى اسئلة واجاوب عليه، لكن بعدها فضل يرنلى لحد مارديت عليه وقالى :
    = انا اسف انى اتعصبت عليكي ، الموضوع كان مفاجئ بالنسبالى ، مفيش قدامك غير حاجة من الاتنين ، انك تطلقى من هانى ونتجوز حتى لو فى السر دلوقتى ، والحل التانى انك تنزليه
    قفلنا وقعدت افكر فى كلامه واتصرف ازاى لحد ماوصلت لفكرة انى اواجه هانى واطلب منه الطلاق ، وفعلا وبدون اى مقدمات قولتله:
    = انا عايز اتطلق ، لو سمحت طلقنى
    سرح شوية من مفاجأة الموضوع خاصة انى من دقايق كنت بعامله كويس وقالى:
    .. كده من الباب للطاق يعنى هي طقت فى دماغك فجأة وعايزة تطلقى ، فى ايه؟
    = مفيش اى حاجة ، انا مش قادرة اعيش معاك على وضعك ده ، ومش علشان انت مابتشوفش لكن علشان انت معملتش حسابى وانت جاي تتجوزنى ، معملتش حساب انى بنت لسه صغيرة ومن دور عيالك وليا حق انى افرح بالحياة واحس بيها وحتى لو نصيبى اعيش مع راجل خدامة بتمن الاكل والشرب فده يدينى الحق انى على اقل تقدير اختاره ، وانا مش عايزاك
    .. والمهر اللى دفعته فيكي؟
    = خده من ابويا ، انا لو خدت منك حاجة كنت اديتك
    .. يبقى انتى اللى تجيبيه من ابوكى
    = انا مش هرجع البيت اصلا ، وبعدين اعتبر انى ماليش اهل ، كل اللى اقدر اعمله معاك انى اتنازلك عن اى حقوق تخصنى فى مقابل انك تعتقنى لوجه الله ، مش عايزة اعمل حاجة اندم وانت تندم عليها فى يوم من الايام
    .. هتخونينى يعنى لو مرضيتش؟
    = اه هخونك ، وبعدين ايه اللى ضمنك انى مبعملش كده ؟!
    .. يبقى حلال فيكي القتل
    = اللى انا فيه ده هو القتل بعينه ، انا مش واقفة قصادك ومستنية قرارك ، انا قرارى نهائى ومش هرجع فيه وصدقنى لو موافقتش ولا انت ولا اهلى هتعرفولى طريق وهرفع عليك قضية وهكسبها وهخلعك وانت ماشاء الله عندك مليون سبب يخلينى اخلعك قبل مااغمض عيني وافتحها
    سرح شوية وبعد كده قالى :
    = ادينى مهلة ادبر امورى واحاول الاقى واحدة تراعيني على اقل تقدير وبعد كده هطلقك وارجو انك متفتحيش الموضوع تانى لحد مااظبط حالى
    .. مفيش مشكلة ، لكن عايزاك تعرف انى مش هستنى عليك كتير ، يعنى لو هتبدأ فياريت يكون من النهاردة .
    كلامى معاه كان قاسى بس هو ميستحقش ان كلامى يكون حلو معاه ، ومش هو بس ، اى واحد يفكر انه يشترى واحدة اد بنته لمجرد ان عاداتها وتقاليدها بتسمحله انه يستعبدها ويشتريها بدون اى مراعاة لاحساسها ومشاعرها وحقها فى الحياة ، يستاهل كلام ومعاملة اسوء من كده بكتير.
    ورغم انى قررت انفصل عن هانى واتفقنا على كده ، قولت لعادل انى هنزل الجنين وطلبت منه يجبلي ادوية علشان تسقطنى ، وفعلا خدت الادوية والحمل سقط وقعدت اسبوعين نفسيتى زى الزفت وجالى نزيف اكتر من مرة لكن مكنش يستحق انى اروح مستشفى .
    طول الايام اللى تعبانة فيها صاحب هانى كان بييجي على غير العادة وياخده وينزلوا تحت يقعدوا بالساعات ومعرفش الاتنين بيعملوا ايه وبيتفقوا على ايه ، لكن قلبي مكنش مطمن من ناحيتهم ....

    إرسال تعليق

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .