رواية عريس احلامي الفصل السابع 7 بقلم مديحة عارف
الفصل السابع من اسكريبت عريس احلامى 
خلص اليوم بسعادة جدا والمفروض الفرح بعد شهرين وانا كنت مبسوطة جدا بوجود معاذ جمبى ورغم انى شبه عارفة انه واخد باله من معاملتى ليه الا انه كان بيحاول يتواصل لحل معايا علشان يرضيني ويومها بابا وماما اصروا ان احنا نبات عندهم لان الوقت متاخر
حمدى:خليكوا انهاردة يا ولاد هنا وروحوا بكرة
حور:ايوة يا لمار ابوكى معاه حق خليكوا هنا
رغم انى كنت موافقة على كلامهم الا انى محكمتش راى وقولتلهم
لمار:الى يشوفه معاذ يا ماما انا موافقة عليه
معاذ سمعنى وابتسم ابتسامة خفيفة وقال
معاذ:شكرا يا عمى بدعوتك لينا بس اخاف نعمل قلق ولا حاجه ونلبخكم
حور:ولا قلق ولا حاجة واوضه لمار هتروح فين اقعدوا فيها انا كل يوم اوضبها زى ما تكون قاعدة بالظبط
معاذ:تمام يا طنط مفيش مشاكل واسفين هنزعجكم
حمدى:لا ازعاج ولا حاجة ولو قصدك على اللبس لؤى هيجبلك بيجامة من عنده
لؤى:ايوة طبعا يا بابا من غير ما تقول ثانية هجبلك حاجه تلبسها وارجع على طول
معاذ:ماشى
حور:يلا يا حبيبتى ودى جوزك على اوضتك
لمار:حاضر يا ماما اتفضل
معاذ: دخلت اوضة لمار وانا مبسوط انى شفت عالمها عامل ازاى وكانت اوضة رقيقة جدا ما لمار فعلا بنت رقيقة جدا بس شقية شوية وعليها مقالب حلوة جدا هى فاكرة انى مش واخد بالى من حاجه بس حسابها معايا بعدين
لمار:دخلته الاوضة واخدت هدوم من دولابى كنت سيباها علشان لو احتجتها هنا وروحت ابدل هدوم فى الحمام وكان لؤى وانا خارجة جاب بيجاما لمعاذ وانا خارجة ماما ندهت عليا وروحتلها المطبخ
لمار:نعم يا ماما
حور:خدى الصينية دى على الاوضة معاكى
لمار:ولوزمها ايه يا ماما ما نتعشى كلنا على السفرة
حور:اسمعى الكلام واضح على جوزك انه محرج اصلا خديه الاوضة سوا واحنا خلاص اتعشينا واخوكى نازل اصلا وهيتعشى بره
لمار:حاضر يا ماما خدت الصينية وانا جاية ادخل الاوضة كان معاذ طالع من الاوضة وقالى
معاذ:عنك
لمار:واخد منى الصينية وهو بيخدها ايده لمست ايديا وجسمى كله قشعر من لمسته وانتفضت وهو ابتسم ودخلها وسالنى على الحمام وورتهوله ودخلت الاوضة استنيته علشان نتعشى سوا اتعشينا وهو راح يغسل ايده وانا وقفت فى بلكونة الاوضة وسرحت فى كل لحظة عدت انهاردة وكان معاذ جه ولاقانى سرحانة حضنى من ضهرى قالى
معاذ:الجميل سرحان فى ايه
اتكسفت قوى من قربة ليا ومسكت ايده الى كانت على وسطى ونزلتها ودخلت قعدت على السرير
معاذ:انا اسف لو ديقتك
لمار:لا ابدا بس...
معاذ:مكسوفه
لمار:يعنى
ابتسملى وقالى مع الوقت هتاخدى عليا
لمار:باذن الله
معاذ:كنتى سرحانة فى ايه
لمار:لا ابدا سرحت فى اليوم الجميل دة
معاذ:مبسوطة بيه
لمار:جدا بابا وماما وحشتنى القعدة معاهم
معاذ:وبابا وماما بس
لمار: ابتسمت وانا خدودى حمرة من الكسوف وقلتله اه
معاذ:ماشى يا ستى
لمار:ممكن اسال سؤال
معا:اتفضلى
لمار:هو انتا عرفت منين ان دة الفستان الى عجبنى فى المول
معاذ:الصراحة شفتك وانتى بتتفرجى عليه وحسيت انك عايزاه ومعرفش ايه حصلى لقيت نفسى اشتريته
لمار:شكرا
معاذ:تانى تانى شكرا
لمار:ابتسمت وقولتلك تسلملى ممكن سؤال تانى
معاذ:ابتسم وقالى قولى
لمار:ليه جبت عقد غالى كدة
معاذ قرب منى وحط ايده على راسى وباسنى وقالى مفيش حاجه تغلى عليكى
لمار:بس ما يرضنيش انك تخسر فلوسك على حاجة زى دى
مسك ايدى وقالى انتى اغلى عندى من فلوس الدنيا على قد ما كنت مبسوطة من كلامه على قد ما قلبى بيدق بسرعه ومش عارفه اعمل ايه بس احساسى بيقولى انى ارمى نفسى فى حضنه واقوله سامحنى على كل مدايقة ليه
معاذ: لمار سرحتى فى ايه تانى
رميت نفسى فى حضنه وغمضت عنيا وقولتله انا اسفة سامحنى يا معاذ حضنى جامد وقالى هشش اهدى ومتقوليش حاجة وبعد لحظة بعدني عنه وقالى بتعتذريلى على ايه
لمار: على كل الى عملته فيك من يوم ما اتجوزنا
معاذ: وعملتى كدة ليه
لمار: علشان كنت حاسة انى مغصوبة لانك قولتلى هتتجوزنى غصب ومن غير رائى والى عملته فيا فى شركة الادوية كان مخلينى مش طياقاك
معاذ: ابتسم وقالى ولا يهمك انا الى اسف على كل لحظة وجع سببتهالك بس صدقينى من غيرتى عليكى مكنتش بستحمل اشوفك مع حد غيرى كنت بتخنق كل الى كنت بعمله معاكى دة اثر حبى ليكى
لمار: قولت ايه
معاذ: ابتسم وقال ايوة يا لمار انا بحبك بحبك قوى من اول يوم واول مره شوفتك فيها ما تتخيليش خوفى يوم ما وقع عليكى الشاى بسببى وشعورى بالذنب لحد ما شوفتك تانى وقربت منك وحسيت انتى قد ايه انسانة جميلة جدا وحبيتك ومكنتش عارف اقولك ازاى لحد ما جه حازم واستغل نقطة ضعفى فى انى بحبك
لمار:هو كان عارف مشاعرك نحيتى
معاذ:ايوة وكان بيدايقنى ويهددنى بيكى لانى مكنش عندى الجراءة انى اقولك انى بحبك لحد ما حصل الى حصل فى الشركة لما شوفته حاطط ايده عليكى فقدت اعصابى لكن انا مكنش قصدى ادايقك
لمار:ولا يهمك انا مسمحاك يا حبيبى
معاذ:قولتى ايه
لمار:بصيت فى عينه جامد وقولتله يا حبيبى ابتسم من الفرحة وقام واخدنى فى حضنه جامد قال
معاذ:بحبك بحبك يا لمار
لمار:وطى صوتك بابا وماما هيسمعونا
معاذ:طب ما تيجى نروح بيتنا
لمار:ابتسمت وقولتله نروح فين دلوقتي الساعة 12 الصباح رباح
اتغاظ من كلامى كان فاكر انى من شوقى ولهفتى ليه هوافق على كلامه انا موافقة والله بس كنت متوترة شوية علشان كدة ضيعت حماسه وقولتله يخليها الصبح ونمنا وهو حاضنى زى ما يكون خايف يصحى ويلاقى لمار تانى غير الى كانت معاه وكنت مبسوطة جدا وانا معاه صحينا ولبسنا وخرجنا فطرنا مع بابا وماما علشان نروح
حمدى:ايه يا ولاد كنتوا نمتوا شوية ولا زهقتوا مننا وعاوزين تمشوا
معاذ:لا يا عمى والله القعدة معاكم حلوة قوى وبصلى وهو بيقولها
حور:برضوا القعدة معانا هى الى حلوة طيب ماشى خد مراتك ويلا روحوا بدل شغل تلقيح الكلام دة ربنا يسعدكم
معاذ:ويخليكى لينا يا اجمل ام فى الدنيا
حور:شوف الواد طيب مع السلامة يا حبايبى
روحنا البيت واستغربت انه ما نزلش راح الشغل وغيرنا هدومنا وكنا قاعدين قدام التلفزيون
لمار:انتا مش رايح الشغل
معاذ:لا انهاردة اجازة
لمار:بس انهارده مش الجمعة
معاذضحك وقالى انا خدته اجازة يا ام مخ تخين
لمار:طيب تحب اعملك حاجه تاكلها
معاذ:بصلى وضحك وقال اه بمناسبة الاكل هو مش انتى مبتعرفيش تطبخى
لمار:ها اه
معاذ:ضحك وقال هههه اه صحيح تسلم ايدك على الجاتوه كان يجنن
لمار:الله يسلمك عجبك
معاذ:جدا مش هو بس
لمار:وايه كمان
معاذ:هو والمكرونة المحروقة وعلبة الشاور جل موضوع العذر
لما:هو انتا كنت عارف
معاذ:اه
لمار:طيب وسكت ليه
معاذ:ما لولا الى عملتيه مكنتش قربت منك كدة حاجة جاية لصالحى
لمار:بقى كدة بتستغلنى يعنى
معاذ:الصراحة اه
لمار:بقى كدة طيب عن ازنك وسبته ودخلت الاوضة ومفيش لحظة ودخل ورايا
معاذ:انتى زعلانة ليه دلوقتي
لمار:مفيش
معاذ:طيب ولو اتكلمت معاكي مش كنتى هتخافي منى اكتر
لمار:ايوة
معاذ:طب وليه اخوفك منى وانا عايز سوء التفاهم الى بينا ينتهى وبعدين علشان مكنش غاصبك على حاجة نفذت رغبتك ومقربتلكيش زى ما انتى كنتى عايزة ليه بقى عملاها زعلة فكى بقى
لمار:طيب
معا:فين دة مشط شايف ابتسامة لو مضحكتيش هزغزغك
لمار: وبداء معاذ يذغذغنى وانا احاول انزل ايده لحد ما فردنى على السرير.وانا عماله اضحك وبعد عنى وانا لسة بضحك ولقيته بصصلى ومركز وهو مبتسم بطلت ضحك وقولتله مالك بتبصلى كدة ليه
معاذ:اول مره اشوفك بتضحكى كدة من قلبك
لمار:اه
معاذ:مبسوطة
لمار:ايوة معاذ قرب منى وفضل باصص فى عنيا وقلبي فضل يدق بسرعة لدرجة ان صوت ضربات قلبى وصله باسنى فى راسى وقالى
معاذ:بحبك
لمار: سمعتها وارتحت شوية من التوتر وقولتله وانا كمان بحبك وابتدا يقرب منى اكتر وطبع قبلة طويله على شفتاى تذوقت بها معنى السعادة الحقيقة مع انسان بحبه ونسيت اى حاجه كانت مديقانى منه وعشت معه الحب واجمل لحظات فى حياتى وانا معه وبين يداه
الثامن من هنا
