رواية احببت زوجة اخي الفصل السادس 6 بقلم وفاء كامل
بقلمي
وفاء كاملالفصل
السادس 
------------________-------------
"اللهُمّ طاقة، طاقة بها نعيش، ونتحمّل، ونرضى، ونتأقلم، ونتقبّل، ونهوّن، ونتجاهل، ونغفر، ونسامح، ونغامر، ونجازف، ونصبر كثيراً.."
ـــــــــــــــــــــــــــــــــــــــــــــــــــــــــــــــ
وصلنا الفصل ال فات عندما دخلت حنان الي نور ورأتها تحتضن ملابس احمد وتبكي
نظرت لها بحزن وقالت.. انسيه يابنتي
ماينفعش كده ال انتي فيه ده
انتي علي الحال ده بقالك سنه
النهارده سناويه احمد
بلاش كدا
نور .. انساه ازاي يا ماما
احمد مكنش جوزي وبس
احمد كان حياتي كلها
حنان كان يا بنتي
احمد خلاص مات الله يرحمه
عشان كده انا جايه اتكلم معاكي
نور.. خير يا ماما فيه ايه
ترددت حنان كثيرآ قبل ان تتكلم ولكنها استجمعت قواها لتقول
حنان.. انا .... عايزاكي تتجوزي يابنتي
نور بصدمه.. ايـــــــــــــــــــــــه
صدمت نور من هذا الطلب الغير متوقع تمامآ ففزعت قائلهنور..انتي بتقولي اي ياماما
انا اتجوز...... طيب واحمد
حنان بحزن.. احمد مات خلاص
هبت نور واقفه وهي تصرخ قائله ..
احمد مامتش
ايوه مامتش ولسه عايش
عايش جوايا
احمد جزء مني
وقفت حنان مقابله وهي تقول.. احمد خلاص مات يا نور
فوقي بقي ... هتفضلي لحد امتي عايشه في الوهم ده
لحد ما تفوقي تلاقي نفسك عندك 50 سنه
انتي للاسف معندكيش عيل ولا تيل
ومعندكيش حد غيري انا ومحمد وحسام
جلست نور علي الفراش والحزن والانكسار يبدوان عليها بشده فتمتمت قائله ..
ماقدرش ... ماقدرش اعيش مع حد غير احمد
مش هستحمل قربي منه
ولا انه يلمسني
اظلم انسان مالوش ذنب معايا ليه
حنان.. يابنتي حرام عليكي
انا عايزه اريحك وافقي انتي بس يا بنتي وصدقيني عمرك ما هتظلمي حسام معاكي
وقع هذا الاسم علي اذان نور كصدمه اكبر من صدمة طلب الزواج فقالت متسائله ..
حسام ... حسام مين
حنان.. حسام اخو احمد ابن جوزي
ابني اي نسيتيه ولا ايه
نور.. انتي عوزاني اوافق اني اتجوز حسام
اخو جوزي وال بعتبره اخويا م زمان مستحيل حسام ده اخويا
حنان.. لاااا حسام مش اخوكي حسام اخو احمد وبس
انتي بنتي انا زي ما هما اولادي بس م اب غير والدك ومن ام غير ولدتك
ذي ما احمد حللك واتجوزتيه اخوه كمان بيحللك ولازم تتجوزيه
واحمد ما بقاش جوزك خلاص .
حياتك من سنه حاجه وحياتك دلوقتي حاجه تانيه خالص
ولازم توافقي علي الجوازه دي
نور بالم.. اوافق غصب عني
تنهدت حنان بنفاذ صبر ثم جلست علي الاريكه واجلست نور بجانبها قائله ..
بصي يابنتي انا وانتي وحسام خلاص مابقيلناش حد غير محمد بعد ربنا
كان نفسي اطمن عليكي قبل ما اموت
والحمدالله جوزتك للشخص ال بتحبيه ال يحافظ عليكي
كنت مطمنه عليكي طول ما احمد معاكي
بس احمد اتوفي
راح للاحسن مني ومنك
وانا يابنتي خلاص ... ومش هعشلك طول العمر
وعاوزه اطمن عليكي انتي وحسام قبل ما اموت
نور.. بعد الشر عليكي يا ماما
متقوليش كدا ربنا يديكي طول العمر
بس صدقيني ماينفعش ... سيبك مني انا
حسام شاب كويس وطيب واكيد ف حد ف حياته وبيحبها وحتي لو مش بيحب ليه تظلميه وتبليه بواحده زيي ... ارمله
شردت حنان للحظه عندما اكتشفت حب حسام لنور
واد ايه هو بيحبها
وهيحافظ عليها بس نور متعرفش
انا بعمل الصح
انا عايزه احافظ ع بنتي وع حسام
الاتنين بيضيعوا مني كفايه احمد
حنان تفي من بوقك يا بنتي ... بلوة ايه كفالنا الشر
انتي شابه وجميله والف مين يتمناكي
وفجاه سمعوا صوت بالخارج بجوار غرفه نور فأدركوا انه حسام ف غرفته مجاوره لها
انه عاد من عمله
فهمست نور .. انسي الكلام ده يا ماما
انسيه وماتجبيش سيرته تاني حتي لو مع نفسك
زفرت حنان في ضيق من الامر و خرجت من غرفة نور لتستقبل ابنها حسام
وطرقت بابه
فتح لها الباب وقاله بابتسامه يداري بها تعبه والمه.. مساء الخير يا ماما حنان
حنان.. يسعد مساك يابني
تعالى ياحبيبي اقعد جمبي عشان عوزاك في موضوع مهم
حسام.. خير يا ماما حنان ف اي
خضع حسام الي امر والدته وذهب وجلس بجوارها ع الفراش
حسام.. خير يا ماما حنان ف ايه
حنان.. انت مش ناوي تتجوز يا حسام
حسام.. ايه ال فتح الموضوع ده فجأه كده
حنان.. يابني انت قربت تقفل ال30 سنه
انت دلوقتي بقا عندك 27 حرام عليك
حسام.. هو انا بنت يا ماما
انا راجل ومايعبنيش سني يعني
حنان بهدوء.. انا عارفه يا حبيبي
حسلم بضحك.. شكلك كدا بتخططي لحاجه يا حاجه اعترفي
ترددت حنان قليلآ لتقول ..عايزاك انت ونور تتجوزوا
لم يستوعب حسام ما قالته حنان قبل ثواني فأردف قائلآ ..نور مين لامؤاخذه
حنان.. نور بنتي
حسام.. قصدك مرات اخويا
حنان.. كانت مرات اخوك دلوقتي هي ارملته
حسام.. دا انتي بتتكلمي جد بقي ومش بتهزري
حنان.. وهو انا عيله عشان اهزر معاك في موضوع مهم زي ده
حسام.. لأ يا ماما غلط وماينفعش ازاي اتقرب منها بصفتي جوزها وانا بالنسبه ليها مش اكتر من اخ
طول عمرها وهي معتبراني اخوها
انا عارف انك عارفه اد اي انا بحبها
بس مقدرش اخون احمد يااماما
حنان.. بس يا ابني...
قاطعها حسام بحزم قائلآ ..خلاص يا ماما حنان
قولتلك نور بتعتبرني اخوها
وهتفضل طول عمرها كدا معتبراني اخوها
خرجت حنان من غرفته وعلامات الغضب تبدو عليها بشده وتوجهت الي غرفتها
لتترك حسام في غرفته الخاصه ليتسطح علي فراشه متنهدآ بقوه مستعيدآ الذكريات التي جمعت بينه هو ونور واحمد شقيقه الله يرحمه
دائمآ ما كانوا معآ ثلاثتهم منذ الصغر منذ ان دخلت حياتهم وتزوج محمد حنان
اجتماعهم هذا كان كفيلآ ان يجعل قلبه ينبض لها حبآ
فقد كان منذ الصغر وهو يحبها ولكن شائت الاقدار ان يحرم منها
وتتزوج احمد
انا لازم اطلعها م دماغي انا مش هقدر اخونك يااحمد مش هقدو المسها وانت لامسها قبلي
هي مش بتحبني هي بتحبك انت وبس
اما حبي ليها
مكتوب عليه يتقفل
ــــــــــــــــــــــــــــــــــــــــــــــــ
ف صباح يوم جديد
ذهب حسام لصدقه خالد ف المشفي متجاهلا حنان
حتي لا تفتح له الموضوع مره اخرى
خالد.. حبيبي عامل اي دلوقتي
حسام.. الحمدالله بس الصداع بيذيد
خالد.. انت منتظم ف العلاج
حسام.. ايوه
خالد.. يبقا الورم بيذيد ياحسام ولازم عمليه
حسام.. لا اكتبلي بس ع مسكن اقوى
خالد.. واخرتها اي ياحسام حرام عليك المسكن ده شئ مؤقت لازم نوقف انتشار الورم
حسام.. سيبك مني المهم عامل اي مع الموزه
خالد.. الحمدالله
انا بشكر ربنا انها ف حياتي
حسام.. هي اسمها اي
خالد.. ساره
حسام.. وعلي كدا ساكنه فين
خالد.. ف ..........
حسام.. اي ده انت قولتلي ساره تكونش شاره احمد
خالد.. ايوه عرفت منين
حسام بضحك.. دي صديقه نور وكانت دايما تيجي عندنا بس م يوم فرحها انا مشوفتهاش تاني
خالد.. اه ما هي سفرت امريكا تكمل دراستها
حسام.. تصدق نور مكملتش السنه الاخيره م كليتها
خالد.. ربنا يعينها ال حصلها مش سهل
المهم سيبك مني بقي قولي انت فيك ايه شكلك متغير متاكد انك مش تعبان
تنهد حسام بأسي دليلآ علي انه يحمل الكثير من الحديث ولكنه اختصر كل ما يكون في قلبه
حسام.. تصور .... ماما حنان عايزه تجوزني انا ونور بنتها
خالد.. ياااااااه ... بعد السنين دي كلها
حسام.. انت بتقول اي ياخالد
دي بتقولي عايزه تطمن عليها وعليا قبل ما يجرلها حاجه ذي احمد
خالد.. وانت كان ردك ايه
حسام.. طبعآ رفضت
خالد.. ليه يا حسام انت طول عمرك كنت بتحبها
حسام بحزن.. ماينفعش ياصاحبي
انا انسان مكتوب عليه الموت
ازاي بس اربطها واعلقها بيا وفي الاخر اسيبها واموت ذي احمد وتعاني م بعدي والمره دي ممكن تروح فيها
انا انكتب عليا اعيش وحيد واواجه موتي
ازاي بعد ما كانت مرات اخويا الله يرحمه تبقي مراتي
خالد بحزن ع صديقه.. بص ياحسام
ال انت فيه ده اختبار م ربنا
ولازم تواجه المرض مش تستسلم كدا للموت
لازم تتعلق بالحياه عشان خاطر نور
واحمد الله يرحمه خلاص يا حسام ... والحي ابقي من الميت
حسام.. طب هقرب منها ازاي ؟
المسها ازاي ؟
هخدها بين احضاني وهي من قبلي كانت بين احضان اخويا ازاي ازاي ازاي ازاااااااااي ؟
العلاقه دي بالنسبه ليا هتبقي زي حبل اعدام بيلف حوالين رقبتي
كفايه الاعدام ال مستنيه بسبب مرضي
خالد.. معقول للدرجه دي
حسام.. واكتر م كدا كمان
ارجوك ياخالد متحاولش تفتح الموضوع ده تاني
خالد بحزن.. براحتك ياصاحبي
ــــــــــــــــــــــــــــــــــــــــــــــــ
ف الفيلا
حنان.. يامحمد اي رايك ف ال قولتهولك
محمد.. بس انتي كدا بتعملي المستحيل
حنان.. انا عارفه انا بعمل اي كويس جدا
بكره هيشكروني
محمد.. بس انا خايف ع نور
حنان.. متخافش دي بنتي وعرفاها كويس
مع الوقت هتحس بحبه ال مخبيه جواه سنين
وانا متاكده ان احمد الله يرحمه هيبقا مرتاح ف تربته لما يعرف انها بقت تخص اخوه مش حد تاني
محمد.. ع بركه الله
ــــــــــــــــــــــــــــــــــــــــــــــــ
كانت نور تجلس في غرفتها تحتضن صوره لها مع زوجها
دلفت اليها حنان
حنان.. وبعدين يانور
نور.. ف اي تاني يا ماما
حنان.. ف ان حالك ده مايسرش عدو ولا حبيب
ولا يرضي ربنا
نور.. تاني يا ماما
حنان.. تاني وتالت وعاشر كمان
انا خلاص خدت قرار انا ومحمد وهيتنفذ برضاكي او غصب عنك انتي وحسام
نور.. قرار ايه ده
حنان.. انتي وحسام هيتكتب كتابكم النهارده
والمأذون تحت مع محمد
صدمت نور بسبب ما سمعت فقالت بذهول..
اي ال انتي بتقوليه ده يا ماما
هو حسام وافق
حنان.. لا ما وافقش
نور.. يعني لا انا موافقه ولا حسام موافق هتجوزينا ازاي بس
حنان.. ال يهمني اني اطمن عليكم قبل ما اموت انا ومحمد
واقسم بالله يا نور لو الجوازه دي ما تمتش لا هجوزك لابن عم سليمان
جارنا
اختاري بقا حسام ولا ابن سليمان
ثم تركتها خلفها تبكي بحرقه وهي تحتضن صورة زوجها الحبيب وتضمها الي قلبها
ــــــــــــــــــــــــــــــــــــــــــــــــ
وصل حسام البيت وكان متعرق جدا ومتعب
والصداع يذيد بشده
انه لم ياخذ العلاج اليوم
تفاجئ ب والده محمد يجلس ومعه مأذون واثنين م الشهود فعلم بما يجري
حسام بالم.. مساء الخير
الجميع.. مساء النور
محمد.. تعالي ياحسام
توجه اليه وهو يعلم ما ينتظره
ورفض بشده هذه الجوازه لكن والده اصر عليه
وفجاه مسك قلبه
محمد.. ااااه
حسام بصدمه.. باباااااا
فحمله وصعد به لغرفته
وقام بالاتصال ع صديقه خالد
وعندما راته حنان جريت عليه هي ونور وهما يبكوا عليه
بعد فتره قصيره جاء خالد وقام بالكشف ع محمد
حنان.. طمني يابني
خالد.. بلاش الزعل والانفعال عليه هو مش مستحمل ياجماعه
اقترب اليه حسام وقبل يده وهو يبكي
حقك عليا يابابا
انا السبب
انا مستعد اعمل اي حاجه المهم تقوم بالسلامه
وضع محمد يده الاخرى ع رأس حسام وقال له وافق يابني خاليني اطمن عليكم قبل ما اموت
نور ببكاء.. بعد الشر عليك يابابا
خلاص انا موافقه
حسام.. وانا موافق
حنان.. خلاص ياحج هما عرفوا غلطتهم قوم بقا
محمد.. ع بركه الله نادي ع الماذون ياخالد يابني
وتم بالفعل عقد زواج حسام ع نور
وعندما ذهب الجميع
توجهوا حسام ونور الي غرفه حسام
ــــــــــــــــــــــــــــــــــــــــــــــــ
في داخل الغرفه
حسام وهو جالس على السرير بانتظار نور التي دخلت الحمام
وهو يعلم جيدا انها تبكي بالداخل
حسام.. يارب انا مش عايز اظلمها و لا هقدر اعاملها كزوجه و مش عارف اعمل ايه
في هذه اللحظه خرجت نور من الحمام وعيونها منتفخه م كثره البكاء
برغم حزنها الا انها كانت جميله جدا
انها ترتدي بيجامه نوم وشعرها الذي ينسدل ع ظهرها
حسام نسي نفسه و هو بيبصلها و انبهر بجمالها
ف ها هي حبيبته امامه وزوجته
لكن للحظه قد انتبه على نفسه
وقال لها.. نور ممكن تيجي تقعدي جمبي
انا كنت عايز اكلمك في موضوع بس مش عايز انك تزعلي مني علشان انا بعمل ده لمصلحتك
نور.. خير ياحسام
حسام.. انا عارف انك بتعتبريني ذي اخوكي بالظبط
وانتي لسه بتحبي احمد الله يرحمه
هنا عندما سمعت نور اسم زوجها الله يرحمه نزلت دموعها تلقائي
ثم اكمل حسام قائلا.. انتي عارفه ان بابا وماما حنان طول عمرهم بيعاملونا كويس
وكل طلبتنا مجابه
واحنا لازم نيجي ع نفسنا ونسعدهم
بما بابا قلبه تعبان وانا بخاف عليه ليحصله حاجه عشان كدا بس انا وافقت
نَور.. وانا كمان ياحسام وافقت عشان كدا
هما اجبرونا على الجواز
وانا مقدرتش ارفض عشان بابا محمد وتعبه
حسام.. عشان كدا اي رايك جوازنا ع الورق بس
وقدامهم نحاول ميعرفوش حاجه ع اتفاقنا ده
نور.. متشكره اوي ياحسام انك تفهمت الموضوع
حسام.. المهم يلا عشان تنامي وانا هنام هنا ع الاريكه
اومأت راسها بالموافقه ونامت ع الفور فهي اطمئنت بعد كلام حسام
لكنها لا تعلم كم هو يتالم ع هذا القرار ف حبيبته امامه ولا يقدر ان ينام بحضنها
ياعالم القدر مخبلكم اي
خلص فصلنا السادس
توقعاتكم
