recent
روايات مكتبة حواء

رواية صبر عاشقة الفصل السادس 6 بقلم روما

رواية صبر عاشقة الفصل السادس 6 بقلم روما


لارا.. ايه دا انت سيبتنى ورحت فين

،، شعر فارس بالتوتر كانت جنه تنظر له ولها منتظره إجابة منه لكن سرعان مانظرت لارا ليديه لتجدها ممسكة بيدها فهمت على الفور من تكون،،

لارا.. احم مش حضرتك سألتنى عن أفضل محل ممكن تشترى منه بدلة فرح

فارس.. اه ايوه بس لقيتك مشغوله مع زباين تانيه فمشيت

لارا.. أها طب عن إذنكم

،، بعد انصراف لارا،،

جنه.. ايه دا هو فى ايه

فارس.. ولا حاجه دخلت أشترى منها برفيوم وسألتها عن مكان أشترى منه بدله

جنه.. ياسلام وهو لما تسألها عن مكان تقوم تخرج وراك مخصوص علشان ترد عليك

فارس.. ممكن تكوت كدا كدا كانت خارجه عادى ولا انتى بتغيري بقى

،، لأول مره تشعر جنه بالغموض منه لم يطمأن قلبها لكنها لم ترد صنع مشكله..،،

جنه.. حقى أغير مش جوزى وملكى

،، لم ينكر فارس أثر الكلمتين زوجها وملكها لما الخيانه إذن،،

فارس.. حقك طبعا تعالى بصى المحل دا تحفه

،،ـــــــــــــــــــــــــــــــ،،

صابر.. أهو ياسيدى خرجنا بعيد عن البيت خير

عمر.. شاهين يابابا

صابر.. تصدق إن قلبى كان حاسس مادام بعدتنى عن سهير يبقى هتتكلم فى الموضوع دا اسمع ياعمر موضوع شاهين دا تقفله تماما وعمرى ماهقبله طول ما أنا عايش فاهم

عمر.. بس انت عارف ان جنه

صابر.. ولا كلمه لعب العيال بتاعكم دا بعيد عنى انا مش هقتنع بأى كلمه تقولها

عمر.. طب إهدا إحنا فى الشارع

صابر.. طب اتفضل قدامى ع البيت

،، ـــــــــــــــــــ.،،

<يوم الفرح>

عادل.. ها ياعريس ايه الحلاوه والجمال دا

،، مسكه فارس من ياقته.. عادل حاول بقدر الإمكان تتجنبنى لأنى مش طايق نفسى

عادل.. ليه يابنى البنت زى الفل انا قولت إنت خلاص هتستقر معاها دى ماتتعوضش

،، شعر فارس بالغيره. طب إسكت خالص بقى بدل ما تحضر الفرح من غير لسان

وليد.. ايه ياشباب اتأخرتو كدا ليه رشا كلمتنى بتقول جنه جاهزه من زمان

زفر فارس بضيق كيف ل وليد أن يذكر إسمها هكذا ماذا يحدث لماذا يشعر بالغيره لما هذه الفرحه التى بداخله لأنها سوف تنتقل لبيته سوف يراها ليلا نهارا لكنه يشعر بالضيق لما فعلته ويشعر بعدم الذنب لما ينوى فعله معها،،

فارس.. انا فى سؤال بجد محيرنى

وليد.. خير ياحبيبى إسألنى أنا خبره وأفيدك

عادل.. بس ياعم إنت إتنيل إسألنى أنا يا أبو الفرسان

إقترب فارس منهم.. ايه ألوان الكراڤت المعفنه اللى إنتو لابسينها دى

وليد.. حكم القوى ياخويا حسبي الله ونعم الوكيل دا إنتو عيله تجيب الضغط أختك ياأخويا صممت يكون لون فستانها

فارس.. إمممم لا مسيطر طمنتنى على مستقبلك وإنت يا أبو الرجال

عادل.. ينفع ما أجاوبش

فارس.. من غير ما تجاوب ياسبع البرمبه باينه يلا بينا إتأخرنا

،،ــــــــــــــــ،، ـــــــــــــــــــ،،

أمام البيوتى سنتر

فارس.. هما مش بيطلعو ليه

وليد.. ياصبر أيوب إنت ياحبيبى اللى هتدخل تجيبها

عادل.. إخلص ياعم عاوز أشوف ليلى عامله إزاى

،، دخل الثلاثه إلى البيوتى سنتر تحت أنظار الفتيات العامله يتهامسون فيما بينهم عن مدى وسامة هؤلاء الشباب حاسدين جنه على هذا الشاب،،

ليلى.. إيه دا إتأخرتو كدا ليه

أطلق عادل صافرة ثم أمسكها من يدها وقام بلفها.. لا لا إيه الجمال دا قمر ياأخواتى متجوز قمر وربنا مال القمر مكشر ليه ياقلبى

ليلى.. تصدق إنت رايق شوف ياخويا فستان أختك الأول وشوفها عامله إزاى

عادل.. يوووه ياستى إحنا مالنا المهم انك فى عينى أحلى واحده

ليلى.. اسكت ياعادل يلا بينا من هنا

،،،

رشا.. بس بس بس

وليد.. إيه دا حضرتك تشبهى واحده أعرفها

رشا.. إمممم مين بقى

وليد.. مراتى

رشا.. آمممم وأنا أحلى ولا هى

وليد.. هى قمر وإنتى قمرين إيه الجمال دا كله

رشا.. إنت أحلى

وليد.. طب وربنا قلبى من جوا يا ناس يلا بينا قبل ما نتحسد

،،،

إقترب فارس من جنه نبضات قلبه تزداد إن كانت ليلى ورشا إزدادو جمالا فكيف ستكون من خطفت قلبه إذا فعلت مثلهم يدعو بداخله أن يبقى على ثباته ولا يغره أيا ما كان سيراه.. كانت نبضات قلب جنه تتسارع متشوقه لرؤية رد فعله إقترب منها وقام برفع طرحتها سرعان مااغمض عينيه ثانية ثم ابتلع ريقه بصعوبه حسنا ليتنحى الانتقام جانبا الأن ما اافعله تمثيل لا ما أفعله هو ما بقلبى لا إنه تمثيل أيا ما كان لندع العقل جانبا الأن،،

فارس.. ما شاء الله إيه دا

،، لم تنكر إعجابها الشديد به إحمرار وجنتيها زادها جمالين على جمالها،،

جنه.. دا اللى هو إيه

فارس.. أنا قولت لك قبل كدا إنك أجمل بنت شوفتها

جنه.. توء توء

فارس.. لا يبقى أنا غلطان إنتى أجمل بنت شوفتها وأجمل من أى بنت ممكن أشوفها فى حياتى

جنه.. كل دا علشان شكلى حلو

فارس.. جمالك من جوا اللى ظاهرك جمالك من برا.. جنه عيشى معايا النهارده إنسي أى حاجه إمبارح وماتفكريش فى بكرا النهارده عاوزه أجمل ذكرى بينا طول حياتى ممكن

جنه.. ان شاء الله النهارده واللى جاى كله فرح

فارس.. المهم خلينا فى النهارده

،، أخذ يدها لتتوسط ذراعه وتسير معه تحت نظرات الجميع ليذهب بها إلى أجمل قاعة يدخل بها يشعر بفخر كونها زوجته لكن الغيره تأكل قلبه لا يريد أن يراها كل هؤلاء ليس لأحد حق رؤيتها او تملكها غيره،،

فارس.. هو إنتى لازمك الفرح دا فى حاجه

جنه.. تقصد إيه

فارس.. أنا بقول تعالى وانتى زى القمر كدا نروح مكان لوحدنا

جنه.. ايه اللى انت بتقوله دا بس ماينفعش

فارس. خلاص اوك نفرح بالفرح أهى ليله

،، بعد السلامات والمباركات جاء موعد رقصة slow ليصعد للمكان كلا من العروسين جنه وفارس يليهم وليد ورشا يليهم عادل وليلى،،

،، قبل بدأ الرقصة قامت رشا بقلب طرحة جنه على وجه فارس لتغطى الطرحه وجههم معا،،

فارس.. تعرفى البت رشا دى بتفهم

شعرت جنه بالحرج كثيرا لم تجيب

فارس.. عارفه ياجنه انتى شاطره

جنه.. ازاى مش فاهمه

فارس.. قدرتى تحركى فيا حاجات كنت فاكرها ماتت حتى لو مش قاصده دا

جنه.. ليه حاسه بغموض فى كلامك

فارس.. ليه بتقولى كدا انا واضح أهو وبقول اللى حاسس بيه

جنه.. بجد

فارس.. بجد.. تقدرى تفتحى قلبك انتى كمان وتقولى اللى جواه

جنه.. انا بح

فارس.. شششش ماتقوليهاش ياجنه غير لما تتأكدى منها

جنه.. أنا متأكده منها هو إنت مش متأكد لسه من مشاعرك إتجاهى يافارس

فارس.. هيبان ياجنه

جنه.. فارس أنا قلبى مقبوض وحاسه ان فرحتى ناقصه

فارس.. قولت لك ماتفكريش عيشي اللحظه

،، ابتسمت جنه بحزن لم تختلف ابتسامتها عن ابتسامته،،

،،،،

وليد.. برقص مع أجمل بنت فى الدنيا ياناس

رشا.. وليد بتحبنى بجد

وليد.. دا سؤال دا انا كنت شويه وهعيط لابوكى علشان يوافق حد يتقدم لحد سبع مرات غيرى يامفتريه

رشا.. يعنى مش بتزعل منى لما أتخانق معاك

وليد.. بزعل لما يكون الكلام منك انتى لكن من حد تانى لا

رشا.. حد تانى ازاى

وليد.. بصى خلينا فى اللحظه الحلوه دى وبلاش نفتح فى الكلام دا اعرفى انى بحبك وبس

رشا.. وانا بحبك اوى والله ياليدو

وليد.. قلب ليدو

،،،

عادل.. فوكى بقى التكشيرة دى ياستى حقك عليا أنا

ليلى.. عادل انا مش زى باقى بنات العيله ليه رغم ان المفروض أكون أحسن منهم

عادل.. لا حول ولاقوة الابالله انتى تعرفى منين المفروض ياستى ربك هو اللى بيعطيكى اللى تستحقيه انتى المفروض تبقى راضيه وتحمدى ربنا هو انا مش كفايه ليكى

ليلى.. اه كفايه اوى ارقص ارقص ياعادل انت عمرك ماهتتغير بتبص تحت رجليك

عادل.. ليلى أحنا هنسافر وهتبعدى عن كل دا وترتاحى خالص

ليلى.. ماهو دا اللى مصبرنى

،، ـــــــــــــــــــــ،،

بعد إنتهاء الفرح

فى سيارة فارس

جنه.. ليه ماقولتش اننا مش رايحين شقتنا

فارس.. عنصر المفاجأه بقى

جنه.. طب رايحين فين

فارس.. هتعرفى بعد شويه

،، بعد قليل فى شاليه خاص بفارس،،

فارس.. إدخلى برجلك اليمين ياعروسه

جنه.. بسم الله الرحمن الرحيم

،، دخلت جنه الشاليه لكنها تفاجئت بمن تجلس أمامها،،

جنه.. ايه دا مين دى

فارس.. أقدم لك لارا خطيبتى 


السابع من هنا

google-playkhamsatmostaqltradent