رواية اصبحت اسيرته الفصل الرابع 4 بقلم سمسم
((أصبحت أسيرته))
الجزء الرابع
تالين.....اطفى النور
چواد...... يعنى مغمضة عنيكى وعيزانى اطفى النور ليه كل ده يعنى
تالين...... علشان مش عايزة اشوف وشك
بعد نطقها هذه الكلمات ساد الصمت فى الغرفة وعندما فتحت عينها وجدت چواد قد ترك الغرفة
تالين....هو راح فين ده
استغربت تالين خروج چواد من الغرفة وتوقعت ان يعود مرة اخرى ولكن انتظارها قد طال
............
فى غرفة الالعاب الرياضية
كان چواد يمارس رياضة الجرى على المشاية الكهربائية
وعندما يتذكر كلمات تالين يزيد السرعة حتى وصلت الى اقصى درجة واصبح كأنه فى سباق للجرى وكان يتملكه الغضب والغيظ لان كلماتها احييت فى نفسة ذكرى أليمة كان يريد نسيانها
اصبح العرق يتصبب من جبينه نتيجة الجهد الزائد الذى يفعله
چواد.....ماشى يا تالين اصبرى عليا انا هوريكى
اثناء ذلك دخلت ديما
ديما.....ايه ده انت بتعمل ايه
چواد.....وانتى مالك انتى روحى نامى
ديما.....هى لحقت تزهقك كده بسرعة
چواد.....ديما امشى على اوضتك احسن مغيرلك ملامح وشك
ديما بدلع.....ورينى كده هتعمل ايه
چواد.....استغفر الله العظيم انتى عايزة إيه
ديما.....ولا حاجة اصل بحب اتفرج عليك وانت بتلعب رياضة
چواد.....يلا روحى نامى
ديما......معقولة يجيلى نوم وانت لسه صاحى
چواد.....انا هخلص وهروح انام
ديما.....امال تالين عروستك فين
چواد......شىء ميخصكيش
ديما....الظاهر كده طفشتك يا حرام معندهاش نظر
چواد.....زيك بالزبط يا ديما
انهى چواد تمرينه
چواد.....تصبحى على خير
ديما....وانت من اهله يا قاسى
لم يعود چواد الى تالين وانما نام فى غرفة اخرى
.......
فى الصباح
استيقظت تالين من النوم على حركة فى الغرفة فتذكرت ما حدث ووجدت زوجها يلبس ملابسه ويستعد للخروج
تالين.....صباح الخير
چواد....صباح النور
تالين.....انت بتلبس ورايح فين
چواد....رايح الشركة عندى شغل
تالين....فى حد يروح الشغل تانى يوم جوازه
چواد.....وهو فين الجواز اللى اتجوزته ده
تالين....ولو ماما وبابا جم وسألوا عليك هقولهم ايه
چواد.....قوليلهم على اللى انتى عملتيه امبارح
تالين.....انت ردودك مستفزة أوى
چواد....مش اكتر منك يا باردة
تالين....انا باردة
چواد...وابرد من لوح التلج كمان
وبعد ذلك خرج چواد من الغرفة ولكن تالين كانت فى قمة غضبها بسبب كلامه لها
استعدت تالين للنزول ووجدت حماتها وديما
كريمة بابتسامة....صباح الخير يا حبيبتى مبروك
تالين....الله يبارك فيكى يا طنط
كريمة.....خلاص قوليلى يا ماما
تالين.... حاضر يا ماما
ديما.....مبروك يا عروسة
تالين.....الله يبارك فيكى عقبالك
كريمة.....عن اذنكم علشان اقولهم يعملوا غدا ايه علشان لو اهلك جايين يا تالين
تالين....اتفضلى يا ماما
بعد خروج والدة چواد كانت ديما تنظر لتالين بمكر
تالين.....فى حاجة بتبصيلى ليه كده
ديما..... اصل ده مش شكل واحدة كان فرحها امبارح
تالين.....امال عايزة شكلى يبقى ازاى
ديما....تبقى مبسوطة وفرحانة اصل انا مجربة الجواز وعرفاه
تالين.....منك نستفيد
ديما.....اه صحيح متبقيش تخلى چواد يعمل تمارين كتير كده اصله كان عرقان موت اوى يا حرام امبارح
تالين.....عرقان وانتى اش عرفك بقى
ديما.....اصل سمعت صوت فى اوضة الالعاب الرياضية ورحت لاقيته بيعمل تمارين وكان يا حرام متنرفز اوى لدرجة انه كان هيكسر المشاية
تالين فى سرها.....كاتك كاسر رقبتك يا شيخة
متخافيش بعد كده هخليه ميبقاش يعمل تمارين كتير
ديما.....الصراحة مشوفتش حد عنده لياقة زى لياقة چواد واه لو تشوفيه وهو راكب الحصان بتاعه وااااو يجنن
تالين بصوت منخفض......طب اعمل معاها ايه دى اقوم اديها بالجزمة ولا اعمل ايه معاها دى
ديما.....انتى بتقولى ايه
تالين.....ولا حاجة عن اذنك اشوف ماما كريمة
لا تعرف تالين لماذا تشعر بالانزعاج من كلام ديما عن چواد
كانت ديما سعيدة انها استطاعت ان تحرج تالين
........
فى الشركة
السكرتيرة......چواد بيه چواد بيه
چواد....ايوه فى ايه
السكرتيرة......بقول لحضرتك ورق الصفقة اهو يا فندم
چواد..... ماشى سيبيه هبقى اشوفه وخليهم يجبولى فنجان قهوة
السكرتيرة.......حاضر
كان لايستطيع التركيز فى الشغل فقرر الذهاب الى المنزل
السكرتيرة......القهوة يا فندم
چواد.....خلاص مش عايز انا ماشى
السكرتيرة بصوت منخفض.....هو ماله ده فى عريس ييجى شغله تانى يوم ومين دى اللى تسيب واحد زى ده ينزل شغله على طول كده
........
حضر اهل تالين للاطمئنان عليها
زينب......حبيبتى وحشتينى مبروك يا قلبى
تالين..... الله يبارك فيكى يا ماما
جلال....حبيبة بابا مبروك
تالين.....يبارك لنا فى عمرك يا حبيبى ازيك يا بسام
بسام .....الحمد لله
زينب.....امال جوزك فين
ديما.....چواد راح الشغل
زينب.....راح الشغل يوم الصباحية
ديما.....مش عارفة والله يا طنط
ولكن اثناء حديثهم حضر چواد
چواد.....اسف بس كان عندى شغل مستعجل وحشتينى يا تالين يا حبيبتى
استغربت تالين من لهجته الودية معها
چواد بهمس لتالين.......انا بس بعمل كده علشان اهلك موجودين وميبقاش شكلك وحش قدامهم
بعد اطمئنان اهل تالين عليها وذهابهم
كريمة.....عن اذنكم هدخل ارتاح شوية
چواد.....اتفضلى يا امى
ديما.....جيدو انت هتعمل ايه دلوقتى
چواد.....عايزة ايه
ديما.....ولا حاجة انا بس بطمن عليك
چواد.....عن اذنكم
صعد جواد الى الغرفة ومن خلفه تالين كان ينظر اليها ولا يتكلم
تالين.....انت بتبصلى كده ليه
چواد....ولا حاجة انا هغير هدومى وانزل الاسطبل
تالين.....براحتك انا مسألتش انت رايح فين
چواد..... ماشى يا باردة
تالين بنرفزة...... متقوليش كده تانى ماشى
چواد..... مش هى دى الحقيقة عن اذنك
بعد ذهاب چواد كانت تالين تريد خبطه باى شىء ولكنها تمالكت اعصابها
شاهدت تالين چواد من شباك غرفتها وهو يمتطى الحصان فكان يشبه الفرسان ولكن ما ضايقها وجود ديما وهى تمتطى حصان اخر ولا تدرى ما هذا الاحساس البشع بالغيرة الذى اصابها
استمرت الحياة بين تالين وچواد بدون تغيير فدائما ما ينرفزها بكلامه وهى ايضا ترد عليه بالمثل
تالين.....الدراسة هتبدأ وانا هروح الكلية من بكرة
چواد....مع السلامة
تالين....ايه مع السلامة دى هو انا مسافرة
چواد....عيزانى اقولك ايه
تالين.....لا تقولى ولا اقولك انسان مستفز
چواد.....بس يا بومة
تالين.....بتقولى انا يا بومة
چواد....والله عندك حق دا المفروض البومة هى اللى تزعل مش انتى
تالين.....وايه لزمة الكلمة دى دلوقتى بقى
چواد.....ولا حاجة اه صحيح يا تالين
تالين.... خير فى ايه
چواد.....هو انتى معندكيش غير الاسدال ده تلبسيه
تالين.....وانت مالك
چواد....ومستغربة انى بقولك بومة
تالين.....لو مش عاجبك متبصش
چواد.....هبص على ايه يا حسرة ما انا حفظت الاسدال ده خلاص
تالين..... اذا كان عجبك
چواد.... خلاص اسكتى ونامى دى جوازة تقصر العمر هو ايه اللى انا عملتو فى نفسى ده
تالين.....واتجوزتنى ليه
چواد....انتى عارفة اتجوزتك ليه
تالين.....هو ده اللى عندى اذا كان عجبك
چواد.....خليكى لحد ما صبرى ينفذ منك ومش هتعرفى اللى هيجرالك
تالين...... لاء والله خوفتنى
چواد....احسنلك تخافى لو لسه باقية على عمرك
شعرت تالين بالخوف من كلامة فالتزمت الصمت
.........
فى الجامعة
سمر......عروستنا الحلوة ايه ده يا ساتر يا رب ده شكل عروسة امال لو جاية من جنازة هتبقى عاملة ازاى
تالين.....بطلى خفة دم
سمر.....لاء بجد ايه الالوان الغم اللى انتى لابساها دى
تالين.....مالها يعنى
سمر.....مالهاش يلا نحضر المحاضرة
بعد انتهاء المحاضرة
تالين......سمر تعالى معايا البيت اقعدى معايا شوية
سمر....امال جوزك فين
تالين ......فى الشغل مبيرجعش الا باليل
سمر...... ماشى بس مش هتاخر علشان اروح بدرى
تالين.....ماشى
.......
فى المنزل
حضرت تالين مع صديقتها سمر ولكنهم رأوا ديما ترتدى مايوة وتجلس على حرف حمام السباحة
سمر بعيون متسعة.....يالهوووى مين دى يا تالين
تالين.....دى عملى الاسود فى الدنيا ديما قريبة جوزى
سمر ....وهى بتلبس كده عادى قدام جوزك
تالين.....قليلة الادب اعمل فيها ايه
سمر ....يعنى هى تلبس كده وانتى ريلاكس كده انتى مش غيرانة على جوزك
تالين فى سرها.....دا انا هفرقع
اعملها ايه يعنى هى حرة فى نفسها تربية اوروبا عايزة ايه يعنى
سمر ......المهم خلى بالك من جوزك
بعد ذهاب سمر ظلت تالين تفكر فى كلامها بانها يجب الحفاظ على زوجها من ديما
تالين.....طب اعمل ايه بقى اه ابتدى اغير فى لبسى شوية بلاش الاسدال اللى اتخنق منه ده
.......
فى المساء واثناء العشاء
ديما بلهجة استفزازية.....جيدو حبيبى شغلك كان عامل ايه النهاردة
چواد....عايزة تعرفى ليه يعنى ليكى فيه
ديما.....بطمن بس اصلى شيفاك مرهق اوى اليومين دول
چواد.....قلبك فيه الخير اوى
كريمة بهمس لتالين.....هو المفروض مين يسأله انتى ولا هى
تالين.....اعملها ايه اقوم اضربها ولا اعمل ايه
كريمة....هو ده اللى طلع منك
تالين.....ماما كفاية تحريض فيا انا نفسى اقوم احط وشها فى طبق الشوربة اصلا
چواد.....انتوا بتقولوا ايه
كريمة....ابدا يا روحى بس بسأل تالين على حاجة
چواد..... ماشى عن اذنكم هطلع فوق
ديما.....لسه بدرى هتنام من دلوقتى
تالين فى سرها......نامت عليكى حيطة يا بعيدة
چواد.....عندى شغل هخلصه
ديما.....تحب اعملك قهوة
چواد.....هو انتى بتعرفى تجيبى لنفسك كوباية ماية لما هتعمليلى قهوة
ديما....اتعلم علشان خاطرك
چواد....متشكر تالين ابقى تعالى علشان عايزك
صعدت تالين خلف زوجها الى الغرفة
تالين......ايوة خير فى حاجة
چواد.............
