-->

رواية عودة بعد فراق الفصل الثاني 2

رواية عودة بعد فراق الفصل الثاني 2

    رواية عودة بعد فراق الفصل الثاني 2 


    انيتا:لون عيونه كان ازرق فاتح..بس فجاءه بصير لونهم اخضر غامق..هو ابيض..عنده غمازات كمان...يالله شو كنت حب في شغلتين..لا لا تلاته..الأولى لون عيونه...وتاني دقنه طويله..وتالته شعراته..كيف ماتحرك كانو ينزلو على عيونه ويدايقوه..كنت حب ارفعله ياهم ..كنت اعشق نظره عيونه ألي..كان يضل يحكي معي لحتى اغفى..كان يلعب بشعراتي..هههه كان يحكيلي اذا يتمدي ايدك علر شعرك بدي قصها لرقبتك..هو صح مابيعرف يحكي كلام حب..بس كنت اعشق كلامه يالي بيحكيه بدون مايفكر..ماكان بحب تصنع ابدا بيحكي كل شي يالي على راس قلبه بكون على راس لسانه ...اليوم بعد سنه من فراقنا ماحدا عم يصدق وجوده كل رفقاتي خبروني انه رح اتحسن وقت اطلع من هون...كيف بدي فهمهم واقنعهم انه بليله مبارح اجى لعندي...صحيت لقيته عم يلعب بشعراتي..كان مبتسم وفرحان...صرت ابكي واترجاه لحتى يخبرهم انه هو موجود مانه وهم او خيال...حكيتله بترجاك خبرهم انك حقيقي..حضني وشدني لصدره متل كل مره..حكالي لا تبكي..انا موجود معك وين ماكنتي..


    مسحت زويا دمعتها وهزت براسها..
    زويا:انا مصدقتك..شيفاي عايش مانه ميت..
    انيتا:عنجد عم تحكي ولا عم تكذبي علي
    زويا:عيونك فاضحتك...دقه قلبك مسموعه...انا متأكده ميه بلميه انه شيفاي عايش..يمكن يكون هلا بشي مكان..يمكن عنجد مانه ميت..بوعدك لأعمل كل جهدي لدورلك عليه ورجعلك ياه..
    انيتا:شكرا الك..شكرا الك..
    حضنتها بقوة وزويا ابتسمت..
    بعدت انيتا عنها..
    انيتا:وانتي
    زويا:شبني انا
    انيتا:ايمته بدك تتزوجي..
    زويا:مو لحتى يجي شخص مناسب لألي
    انيتا:في كتير..بس انتي مغمضه عيونك
    زويا بأبتسامه:يمكن..صار لازم امشي..بكرى اذا كنت فاضيه بجي لعندك تمام
    انيتا:تمام
    قامت زويا وبرمت لتمشي
    انيتا:ئد ماكنتي قويه رح يجي شخص يغيرك...وئد ماكنتي عصبيه رح يجي ويطلع الحنيه يالي جواتك...ئد ماكان راسك كبير رح يجي ويكسرلك ياه...يمكن بصوره..او بغزل..او ببهدله..

    برمت زويا واطلعت عليها..
    زويا:هاد الوقت رح يمضى ..بمرور شاحنه ضخمه فوق صدرك بس رح يمضى..انا متأكده من هاد شي..

    تركتها وطلعت بسرعه ....حطت ايدها على صدرها وهي عم تاخد نفسها بصعوبه...ركضو عليها الحرس..
    الحارس:فيكي شي مدام
    زويا:لا...لا

    بلفرع..
    كان اسد عند لواء عم ياخد منه تفاصيل الخطه..
    أكاش:بتطلع من بيتها على ساعه سته صبح...بتعمل رياضه..بترجع على ساعه تمانه..على ساعه تسعه ونص بتطلع على جامعتها...بترجع من جامعتها على ساعه خمسه ونص العصر...على ساعه عشره المسا بتطلع ومابترجع لساعه خمسه الفجر..بتكون بأحد نوادي ليليه..
    اسد:اذا الاب معروف مارح ننصدم من البنت كيف رح تطلع..
    أكاش:احنا مو مشكلتنا شو الاب وشو البنت...المهم انه نقدر نمسك البنت لنقدر نعرف تحركات سوراج...
    اسد:انا مابعرف كيف لهلا ماانكشف
    اكاش:سبق وخبرتك..هو بيشتغل في غيره بنضفله وسخه من بعده...أله معارف كبار عم يدعموه..
    اسد:لتخريب البلد
    اكاش:بزبط...
    اسد:بس اذا مسكنا سوراج في الف سوراج بلهند..
    اكاش:معك حق..بس احنا خلينا نقدر نمسك هاد..بعدين بنفكر بتانيين
    اسد:تمام..
    اكاش:يعطيك العافيه..
    اسد:احترامي..

    طلع من المكتب وتقابل هو وارناف..
    ارناف:شو صار
    اسد:ولا شي..
    ارناف:اخدت تفاصيل منه
    اسد:اي..
    ارناف:شبك
    اسد:وين فادي..
    ارناف:شو بدك بفادي
    اسد:خلصني وينه
    ارناف:اخد دوريه وطلع..

    بقصر عيله ميهرا..
    دق الباب ودخل على غرفه زويا..
    شاد:خبروني انك بدك ياني
    زويا:اي..تعال
    دخل وقعد جنبها على تخت..
    زويا:شاد ممكن اطلب منك طلب
    شاد:بتأمري انتي
    زويا:في شب بدي ياك دور عليه
    شاد:شب !!مين هو
    زويا:اي..هو بكون زوجها لرفيقتي..حرام هي هلا بلمصحه العقليه لانه تعبت من فكره انه يكون متوفي
    شاد:مافهمت شي..
    زويا:ليك..زوجها بكون ضابط..وفي ناس مابدهم ياه يضل عايش..مشان هيك فخخو سيارته..الكل عم يحكيلها انه مات..بس هي واثقه انه عايش
    شاد:انتي مجنونه شي..ركضي ومالقيتي غير ضابط
    زويا:شاد لو سمحت..
    شاد:اذا عرف عمي بهاد الحكي بتعرفي شو بيعمل فيكي..واذا عرف اني بدي ساعدك بتعرفي شو بيعمل فيني انا..
    قربت منه وحطت ايدها على خده وهو تخربط ..ودقات قلبه عليت وصارت مسموعه..
    زويا:شاد لو سمحت..هو يمكن ميت..ويمكن عايش..بس بدي تسئل معارفك عنه..لو سمحت..انا زعلانه ومقهوره كتير على البنت..لو تشوف حالتها كيف..رح تجن عنجد اذا ضلت بين هدول المجانين..

    بلع ريقه بصعوبه وهو عم يطلع بعيونها..
    شاد:شو اسمه..
    زويا بأبتسامه:شيفاي...ضابط شيفاي أوبروي..

    تغيرت كل تعابير وجهه وقت سمع اسمه...قام من جنبها فورا
    زويا:شبك شاد
    شاد:مافيني ساعدك بشي..

    طلع من الغرفه فورا...قامت زويا ولحقته...
    زويا:شاد..شاد وقف شوي...شاد
    شاد:زويا بكفي..اذا عرف ابوكي بهاد الكلام رح يكون أخر يوم بعمري وعمرك...وبدك نساعد ضابط..
    زويا:شاد لو سمحت..انت اذا ماخبرت بابا هو مارح يعرف..
    سوراج:شو هو يالي مارح اعرفه..

    سكتت زويا وهي مصدومه...برمت لورا هي وشاد كان سوراج واقف وراهم..
    سوراج:شبكم..احكو شي...ليش سكتو وقت شفتوني..
    زويا:بابا..
    شاد:اهلين عمي..
    سوراج:شو هو شي يالي مابدكم ياني اعرفه..

    بلعت زويا ريقها بصعوبه واطلعت على شاد..
    شاد:انا رح احكيلك كل القصه..
    اطلعت زويا عليه وهزت راسها..
    شاد:زويا بدها ياني ساعدها ..
    سوراج:بشو
    شاد:المسا في حفله لعيد ميلاد رفيقتها..وبدها ياني ساعدها لأقنعك مشان تروح..لانه الحفله على ساعه 12 بليل..

    مشي لعندها وحط اديه على خدودها ..
    سوراج:يانور عيوني انتي..مابدك موافقه مني لتروحي...رح وافق بس بشرط
    زويا:شو هو..
    سوراج:بعد بكرى عندي شغل ضروري انا وشاد..فابدي منك ضلي مع بيلا طول الوقت اتفقنا
    زويا:شغل شو
    سوراج:بدي سلم شاحنه لأصحابها..ولازم كون انا موجود..بتعرفي هديك المره شو عملو شباب بدوني..خصبو دنيه..
    زويا:تمام متل مابدك..
    سوراج:يلا روحي جهزي حالك..

    طلعت زويا لفوق ودخلت على غرفتها...بدلت تيابها ونزلت ...
    زويا:بدك شي بابا
    سوراج:انتبهي على حالك...تعالي عطيني حضن قبل ماتطلعي..
    ابتسمت زويا وراحت وحضنته..

    طلعت زويا وركبت بسيارتها ومشيت..راحت على المصح العقلي..
    زويا:لا تدخلو خليكم هون..
    الحرس:حاضر مدام
    دخلت زويا لجوا...طلع الحارس تلفونه واتصل على سوراج..
    الحارس:اي يابيك..
    سوراج:وين انتو هلا
    الحارس:بلمصح العقلي..
    سوراج:ابعتلي عنوانه..
    الحارس:حاضر يابيك..

    دقت الباب ودخلت ...
    زويا:كيفك
    انيتا:اهلين زويا..
    قعدت زويا جنبها وباستها من خدها..
    زويا:شو اخبارك
    انيتا:بخير..وانتي
    زويا:كتير منيحه..عندي ألك خبر يمكن يعجبك
    انيتا:شو هو
    زويا:بعد بكرى..رح اجي لعندك من صبح للمسا انا واختي الصغيره..
    انيتا:عنجد عم تحكي
    زويا:اي..
    انيتا:زويا ممكن اسئلك سؤال
    زويا:تفضلي
    انيتا:شو صار معك..سئلتي عن شيفاي..
    زويا:اي..لسا عم دور..بوعدك اذا كان عايش رح يكون معك بأقرب وقت..
    انيتا:زويا..زويا صدقيني هو عايش..انا حاسه فيه..لو ميت كنت حسيت..كان قلبي مابدق بهي طريقه..
    زويا:يالله الحب شو بيعمل بصاحبه..
    انيتا:انتي ليش ماحبيتي..
    زويا:سبق وخبرتك عم انطر شخص المناسب..
    انيتا:في كتير اشخاص بكون مقربين منا بطريقه مو معقوله..بحبونا بس احنا مو شايفين حبهم ألنا..يمكن لانه تعودنا على وجودهم...احنا بعادتنا بنركض ورا شخص يالي مابده يانا..وبنترك شخص يالي دابح حاله لنحكي معه حرف واحد..
    زويا ضحكت:كأنك عم تحكي عن شاد..
    انيتا:مين شاد
    زويا:شاد بكون ابن عمي..نظراته ألي بدل انه بحبني..مو بس حب..بيعشقني بجنون...
    انيتا:هاد شي منيح..
    زويا:ابدا..مانه منيح ابدا..انا تعودت على وجوده كأنه أخ..انا وياه تربينا مع بعض..اهله توفو من هو وصغير وبابا اعتنى فيه وكبرنا مع بعض..
    انيتا:جربتي تعيشي بدونه شي يوم..
    زويا:لا..
    انيتا:جربي عيشي بدونه يوم واحد..شوفي قلبك شو بده..لا تخسريه اذا عنجد بحبك..
    زويا:بتعرفي..هي الأيام عم تمر بطريقه بارده كتير..مافي شي عم يعجبني..ماعم انتظر حدا و ولا حدا عم ينتظرني...مافي شي مهم..حتى مابعرف اذا كنت بخير او لا...انا ماعم حس بشي ابدا...برغم من كل هاد..كل شي عم يصير معي ماعم يزعجني...حاسه حالي بنص...ماني قادره امشي وكفي طريقي ولا قادره ارجع ورجع شريط ذكرياتي معي..ضايعه وماني قادره اتصرف بشي...انتي هون بسبب الحب..بسبب عشقك المجنون لزوجك..يمكن احساسك يكون صحيح ويطلع عايش..ويمكن بسبب حبك زايد أله ماعم تقدري تتقبلي فكره انه هو ميت..عم تخليه عايش جواتك...انتي عم تجبري حالك على الحياه لانك متأمله ببكرى..بكرى يالي رح يجي وحامل معه خبر رجعه زوجك...بس انا ماعندي دافع يخليني اتأمل لبكرى..ماعندي رغبه بهي الحياه...متوفر عندي كل شي..مصاري..عيله..
    بيت..سياره..مأمنه وظيفه حتى قبل ماأتخرج..كل شهر بسافر لبلد..حرس معيين خصوصي مشان يحموني...بس انا ماني مبسوطه من جواتي..حاسه في شي ناقص..انيتا المصاري ماعم تقدر تخلقلي الفرحه وسعاده...صح بضحك وبحكي ويالي بشوفني بفكرني تافهه..بس في جواتي بركان..في جواتي تعاسه مو سعاده..يالي بشوفني من برا بيحسدني على عيشتي..بس هم مو عايشين صراع يالي عم عيشه هلا..في شخص خلق ألي..مابعرف اذا كان قريب او بعيد..خلق ليخلق الحب جواتي ويعيشني أجمل ايام عمري..بدعي لله انه يقربه مني..بأي صدفه..او أي طريقه..بس سؤالي ياترى رح يقدر يتقبلني متل ماانا..رح يقدر يتأقلم او يحب شي يالي عم يصير جوا قصر عيله ميهرا..
    انيتا:سوراج ميهرا..
    اطلعت زويا عليها وهي مستغربه..
    زويا:شو عرفك..
    انيتا:مين مابيعرف عيله ميهرا..سوراج ميهرا..اكبر تاجر مخدرات واسلحه بكل الهند..كل مره بينمسك فيها في ناس من فوق بطلعوه..لانه اله واسطات كبيييره..
    زويا تنهدت:سوراج ميهرا..ابي
    انيتا:بتعرفي..انتي قلبك طيب..بس البيئه يالي انخلقتي فيها أثرت عليكي كتير..اسلحه..مخدرات..حراس..وشرطى..ملاحقه من هون وهون..خلتك تصيري سيئه بنظر ناس..بنت بعمرك مالازم تحمل سلاح..بس انتي حامله ليش..لانه ابوكي بخاف عليكي...علمك على حمل السلاح مشان يحميكي..صح طريقه غلط..بس في حب بلموضوع..حب ابوكي ألك..هو صح شغله وكل شي فيه غلط..بس بحبك لو مابحبك ماكان عين كل هدول الحراس ألك..والمسدس..انتي عندك كل شي بتحتاجه اي بنت..بس مو قادره تبسطي حالك..
    اطلعت زويا عليها..
    زويا:بلمخدرات..
    انيتا ضحكت:اكيد لا..
    ضحكت زويا معها ..
    حطت انيتا ايدها على قلب زويا..
    انيتا:رح يجي..رح يغير كل حياتك..بعيد قريب هو خلق لزويا وبس..رح يكون لزويا وبس..لا تخافي بسؤالك اذا كان رح يتأقلم او يحبك بسبب شغل ابوكي..هو لو ماانخلق ألك ماكنت حكيت هاد شي..انا كنت بعيده كل البعد عن شرطى والمخافر والفروع..بس شيفاي انخلق ألي..ليكي كيف القدر جابه لعندي..الله هو يالي بيخلق الحب جواتنا لشخص..اذ كان منيح او سيئ..اذا انخلق هاد الحب لشخص سيئ ..معناتها لازم نعمل كل جهدنا لنساعده..يعني الله جابك لعنده لتساعديه..لطلعيه من قوقعته...
    زويا:واذا ماطلع
    انيتا ضحكت:بكون تيس..

    بلبيت عند اسد..
    دخل على البيت ورمى جاكيته على الكنبه..
    ارتمى على الكنبه وحط ايده على راسه..رن تلفونه فتح عيونه وجلس..
    اسد:اي
    ارناف:وينك
    اسد:بلبيت..
    ارناف:رح نطلع نسهر انا وعاشق..شو رأيك
    اسد:تعبان..تصبح على خير..
    فصل الخط وقام دخل على الغرفه وهو عم يشلح قميصه ...

    بقصر عيله ميهرا..
    شاد:عمي شبك..
    سوراج:انا سمعت حديثك مع زويا
    شاد:عمي انا..
    سوراج:حطيت جهاز تنصت بشعر زويا...هي راحت للمصح العقلي..عم تقابل بنت اسمها انيتا بتكون مرته لشيفاي..
    شاد:صحيح..
    سوراج:وانت رح تساعدها..
    شاد:مافهمت..
    سوراج:رح تروح لعندها وتخبرها انك موافق تساعدها..
    شاد:عمي كيف هيك..
    سوراج:بتنفذ يالي عم احكيلك عليه وبس
    شاد:متل مابدك..
    سوراج:بدي زويا توثق فيك كتيير..لحتى تخبرك بكل تحركاتها...هي الفتره عم توصلني تهديدات كتير..وانا خايف على زويا ..هلبنت عليها عين كتير كبيره...اعدائي اذكياء..وهم عارفين اذا بدهم يوجعوني رح يأذوني بزويا...خوفي على زويا اكتر من خوفي على بيلا...بيلا مأمنلها كل الحمايه...خمس حراس معها...سياره فيها وسياره مرافقه الها...الحراس مسلحه..من البيت للمدرسه ومن المدرسه للبيت..بس زويا..زويا طلعاتها عم تكتر...
    شاد:لا تقلق عمي..بوعدك انه رح كون متل خيالها..اذا بصرلها شي بكون انا سبب فيه..بوعدك لحطها بدل رموش عيوني..
    ربت سوراج على كتفه..
    سوراج:انا واثق فيك..لا تخيب ظني..
    شاد:تربايتك عمي..بس انت على شو ناوي..
    سوراج:شي يالي عملته مؤقت..بس لازم نتحرك فورا..
    شاد:شو عملت..

    بلبيت عند اسد..
    طلع اسد من الحمام وهو عم ينشف شعره..اخد تيابه ولبسها..قعد على طرف تخت واخد تلفونه...فتحه كان في مسجات ومكالمات..
    فتح على المسجات كان صور انيتا وهي قاعده هي وزويا..كان مبين بس ضهر زويا..اجت عيون اسد فورا على ضهر زويا كان المسدس على خصرها..قام متل الملسوع..

    طلع ركض من البيت ركب سيارته ومشي..
    اسد:رد ياغبي رد..
    عاشق:الو
    اسد:فورا بتجو ومعكم دوريه..
    عاشق؛لوين
    اسد:على المصح يالي فيه انيتا...بسرعه عاشق بسرعةة...

    ارناف:شوفي
    عاشق:مابعرف..قال نجيب دوريه ونروح على المصح يالي موجوده فيه انيتا..
    ارناف:قوم قوم..
    طلعو من المطعم فورا...طلبو دوريه شرطه وكملو هم على المصح..

    بلمصح العقلي..
    زويا:يلا انيتا..انا صار لازم امشي..بدك شي
    انيتا:لا ياروحي..سلامتك بس لا تتأخري علي لانه عم مل لحالي..
    زويا:تمام..اذا ماصحلي بكرى..على الأكيد بعد بكرى رح اجي انا وبيلا..
    انيتا:انتبهي على حالك..

    طلعت زويا من غرفه انيتا...تنهدت بقوة وهي مبتسمه..
    زويا:يالله ليش هيك رتحت وقت حكيت معها..
    حطت ايدها على قلبها وهي مبسوطه..طلعت من الباب وخبطت باسد...
    زويا:يالله مو شايف..

    كمل لجوا فورا..انحنت زويا واخدت المسدس تبعها..رجعته لمكانه وطلعت...
    الحارس:مدام خلصتي..

    دخلت سياره ارناف وعاشق وراهم سيارات شرطى..
    الحارس:مدام خلينا نمشي احنا..
    زويا:شو صاير هون
    الحارس:مدام لو سمحتي خلينا نمشي..مادخلنا احنا..

    سحبوها وطلعوها على سياره ومشيو فورا...

    اسد:انيتا..
    راح لعندها وحضنها..
    انيتا:اسد..شبك..

    دخل ارناف وعاشق..
    اسد:انيتا مين كان في عندك..
    انيتا:ماكان في حدا..
    اسد:انيتا لا تكذبي ..مين كان في عندك..
    انيتا:اسد والله ما..
    سكتت وقت ورجاها صور ..
    اسد:مين هي البنت..شو كانت عم تعمل معك..معها سلاح..هي أذتك شي..
    انيتا بتلبك:اه..
    اسد بحده:انيتا احكي..مين هي البنت..
    انيتا:هي..هي رفيقتي من اياام جامعه..واجت تزورني
    ارناف:مين هي..شو اسمها..
    انيتا:اسمها..
    اسد:ليكي..اقسم بالله اذا بتكذبي لتندمي...مين هي البنت
    عاشق:طول بالك اسد..ليكي انيتا احنا من خوفنا عم نحكي هيك...احكي مين هي البنت..
    انيتا بتوتر:ز..زوياا
    اسد:مين زويا..
    انيتا:حكيت رفيقتي..
    اسد:عيلتها..
    انيتا:مابعرف..
    ارناف:معقول مابتعرفي عيله رفيقتك يالي كانت معك بجامعه...
    اسد:ليش عم تكذبي..من شو خايفه
    انيتا:لا.ماني خايفه..
    اسد:رفيقتك دائما معها مسدس
    انيتا:اي
    عاشق:هي شرطيه ولا بنت مسئول
    انيتا:لا مانها..اي مبلا هي بنت مسئول..
    ارناف:مين هو..
    اطلعت انيتا على اسد كان صافن بعيونها..
    انيتا:ليش هيك عم تطلع
    اسد:لشوف لوين رح توصل كذبتك...بدك تحكي مين هي البنت ولا خليكي تحكي على طريقتي..
    انيتا بخوف:زويا..زويا سسوراج ميهرا..

    انصدمو من كلامها واسد قام من جنبها فورا...
    اسد:زويا سوراج ميهرا حكيتي..
    هزت براسها وهي خايفه منهم..
    ارناف:بنت تاجر المخدرات..
    هزت راسها واسد تذكر وقت دخل وخبط ببنت..
    اسد:هاي هي..

    طلع من المصح ركض وارناف وعاشق طلعو وراه...
    عاشق:اسد..اسد انطر شوي
    وقف اسد وهو عم يطلع يمين وشمال..
    ارناف:اكيد مارح تلاقيها..
    اسد:يالله دخيلك..كنت قريب منها كتيير..وماانتبهت عليها..
    ارناف:ليك هي اكيد رح ترجع مره تانيه..خلينا ندخل نحكي مع انيتا..

    وصلت زويا على القصر..
    دخلت لجوا وسوراج قام فورا وحضنها..
    سوراج:خوفتيني عليكي..الحرس خبروني انه شرطه وصلت للمصح يالي انتي فيه..
    بعدت زويا عنه وهو خبى جهاز تنصت بجيبته..
    زويا:بابا انت شو عرفك..
    سوراج:سوراج ميهرا بيعرف كم نمله بقصره..ووين هم هلا..معقول مااعرف وين مكان بنتي..وانتي بخير..

    مشيت زويا وطلعت لفوق..اطلع سوراج على شاد واشرله انه يلحقها..

    بلمصح العقلي..
    عاشق:يعني هي خبرتك انه رح تجي بعد بكرى..
    انيتا:اي..حكت رح تجي هي واختها..
    ارناف:اها..
    انيتا:لو سمحتو لا تأذوها..بترجاكم..هي مادخلها..هي قلبها طيب والله مو ذنبها بشغل ابوها..بترجاكم لا تعملو شي غلط لا ألها ولا لأختها...

    كان اسد واقف جنب الباب وعم يسمع كلامها...
    اسد ضحك بمسخره:قلبها طيب حكيتي..

    بقصر عيله ميهرا..
    زويا:شاد أحلف..
    شاد:والله عم احكي صدق..
    زويا:انت ..انت كيف عرفت..
    شاد:معقول يخفى علي شي..
    زويا:يالله دخيلك...

    ركضت عليه وحضنته بقوووة..
    زويا:شكرا الك شاد...شكرا الك
    شاد تنهد:واجبي كم زويا عندي..
    زويا:فضلك مارح انساه ابدا...
    بعدت عنه غمض عيونه وقت شعرها لمس وجهه...
    زويا بتلبك:انا اسفه..
    فتح عيونه واطلع عليها..
    قرب منها خطوه..حط اديه على خدودها..باسها من شفايفها بحنيه وهي عقدت حواجبها..بعد عنها واطلع عليها...
    شاد بهمس:بحبك..اذا طلبتي روحي بعطيكي ياها..انتي بس طلبي وتمني..وكل شي بدك ياه بصير تحت أجريكي...

    تركها وطلع وزويا قعدت على طرف تخت...

    الثالث من هنا

    إرسال تعليق

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .