رواية وفرقتنا الايام الفصل الثاني 2 بقلم ميمو مصطفي
حلقة التانية
سما بغضب : وايه اللي جايبة دا هو مبيزهقش خالص
الشخص : ازيك يا سما اخبارك ايه
سما بنرفزة : نعم يا احمد عايز ايه افندم وايه اللي جابك هناز
احمد : وحشتيني فقولت لازم اجيلك عشانزاشوفك
سما بتريقة : لا والله ومراتك سابتك كدا عادي يا حرام
احمد : سما انا عايزك انتي بجد انتي عارفة اني اتغصبت علي الجوازة دي وانتي عشتي معايا الفترة دي كلها
سما بدموع : اها لما كنت خطبني وفجاة اسمع انك خطبت وهتتجوز بنت عمك بعد اسبوع وكسرت قلبي ومهمكش عادي وجيت تقولي اصل ابوها مات وبقت وحدنيا وانا اولا بيها وتعالي اتجوزكم انتو الاتنين ليه حد قالك عليه اني عايزة اتجوز وخلاص انا اللي احبه يبقي جوزي انا يبقي حبيبي انا يبقي ليا انا وبس محدش يشركني في يالا يا احمد امشي بقي مش كل شوية هفضل اقول نفس الكلام
احمدبحزن : فكري تاني يا سما انا لسة شريكي
سما بقوة : وانا خلاص بيعت اللي بعني خلاص ومش عايزة اشوفك تاني لاما هبلغ مراتك اوك
احمد بصلها انا همشي يا سما حاضر
منة بضحك : يخربيت سنينك سلختي الرجل يا حرام بس بصراحة هو بجح محسسني انه طفل بيجبرو علي اي حاجة
سما :سيبك منه دا مريض
( في فيلا الحديدي )
الفت بفرحة : حبيب قلبي وحشتني اوي ياقلبي
شريف وبيبوس ايد امه : وانتي يا ست الكل وحشتني موت والله
سهيلة بتكبر شوية : ازيك يا طنط اخبارك ايه
الفت راحت نحيتها :الحمدلله يا حبيبتي وحشتيني جدا
شريف بيدور علي اخواته : ومال فين العيال دول وبابا
الفت : مهاب وباباك في الشركة ومنة في الجامعة
شريف : طيب تمام لغايت منريح شوية يكونو هما وصلو
الفت بابتسامة : طيب يا ابني اطلعو انتو ريحو شوية يكونو هما جم والاكل جهز كمان
شريف بابتسامة : تسلم ايديك يا ست الكل وحشني اكلك موت
الفت : يا حبيبي بلاش كل شوية في كلامك كلمت موت دي مبحبهاش
شريف بضحكة : برضو يا ماما لسة اللي فيكي فيكي ههههه هتوحشيني موت بقي
وباسها وجري
الفت ضحكت : ربنا يحميكم يارب يا ولادي يارب ومشفش فيكم مكروهة ابدا
( في شركة نصر الدين الحديدي )
في غرفة الاجتماعات
مهاب قاعد علي المكتب عمال يتمطع ويحرك في ايدو شمال ويمين
مهاب بتعب : اليوم نهاردة كان متعب جدا ايه دا يا اخي
سيف بتعب ايضا : اه يا عم دا يوم ممل بس الحمدلله العقد تم علي خير في الصفقة الجديدة كنت قلقان جدا والله
مهاب : الحمدلله
( سيف بخبث جي جنب مهاب وعايز يكلم في حاجة )
مهاب بصله : ها عايز ترغي في ايه وراك نصيبة اكيد قول قول علي طول يا خويا
سيف بكسوف : احم هو انا علي طول مفقوس كدا
مهاب بضحك : مانا شكلك بيبقي اهبل اوي لما بتكون عايز تقول حاجة اخلص ارغي
سيف : ماشي يا عم هوبا المهم عملت ايه في الموضوع اللي كلمتك في
مهاب بعدم فهم او عامل نفسة مش فاهم : موضوع موضوع ايه
سيف بنرفزة : هنستعبط بقي من اولها
مهاب : ايه دا دا بتقولي انا بستعبط طيب ماشي يا سيف انا ماشي واسيبك كدا علي نار واروح اشوف اخويا اللي راجع من شهر العسل دا سلان
سيف بعصبية : مهاب مهاب استني ونبي يلا رد عليه
مهاب شوحلو ومشي
سيف : وربنا لما امسك يا مهاب اها العيلة كلها مجانين وهيجننوني معاهم
في الجامعه منة : انا همشي بقي يا سماسيمو عشان شريف اخويا جاي انهاردة من شهر العسل ولازم كلنا نبقي موجودين علي الغدا
سما بتبوسها من خدها : ماشي يا قلبي خلي بالك من نفسك ماشي
منة : وانتي كمات متيجي اوصلك في سكتي
سما : لا يا حبيبتي انا بابا جيلي دلوقتي يا روحي انتي عشان مش تتاخري
( في فيلا الحديدي )
دخلت منة : ماما يا ماما مااااما
خرجت الفت : في ايه يابت انتي
منة :ومال فين شريف وسهيلة جم ولا لسة
الفت : اه جم من بدري وطلعو يرتاحو شوية من السفر
منة جريت عشان تطلع تصحي : انا هطلع اصحي طيب
مسكت ايديها الفت : خدي هنا يا بت عيب هو شوية كدا وهينزل عشان الغداء
منه بزعل طفولي : يووووو يا ماما وفيها ايه لما اطلع انا اصحيهم وحشني اوي مش متعودة عليه انه يغيب عننا كل دا
( وانا نزلك بنفسي ولا تتعبي نفسك يا حياتي )
لتلتفت الفت ومنة لمصدر الصوت وتجري منة
منة بفرحة : حبيبي وحشتني موت والله
شريف بيضحك : وانتي اكتر يا قلبي انا ( ثم يهمسلها ) بس بلاش موت دي عشان امك بتتدايق منها
الفت بغيظ وبتقرص منة براحة في كتفها : مش قولت مبحبش كلمة موت دي 100 مرة
منة وتتدعي الوجع : اااااه خلاص خلاص
يضحك شريف : خلاص يا ماما سبيها وفيها ايه يعني ما كلنا هنموت هو حد هيعيش
الفت بوجع : متنكدوش عليه مبحبش اسمعها وخلاص
شريف : مهاب وبابا باين عليهم جم صوت عربيتة
منة : صح ومال فين سهيلة
شريف : بتلبس ونزلة
( دخل مهاب والاب )
مهاب بفرحة :حبيبي وحشتني حمدلله علي سلامتك ويارب تكون رحلة سعيدة
شريف : الله يسلمك يا هوبا وعقبالك يارب بابا اخبارك ايه يا سيد الكل
نصر : الحمدلله يا بني حمدلله ع سلامتكم
( دخلت الام يالا حبايبي الاكل جاهز )
( في بيت منة )
علي طاولة الغداء
سمية : ايه رايكم في الاكل
سليم بحب : تسلم ايديك يا ام البنات اي حاجة منك جميلة حتي لو مية
مريم تغمز سما : شايفة ابوكي بيسبل لامك قدامنا ازاي
سما : متخليكي في حالك انتي مالك انتي يا ساتر يارب من عنيكي تسلم ايديك يا ماما الاكل تحفة
مريم بهزار : ايوا ايوا ياختي اقعدو طبلولها انتو بابا
سمية بغيظ : طيب قومي يا بت انتي مفيش اكل ليكي
مريم : طيب اكل حتة البشاميل دي بس
سمية : ولا ربع حتة امشي محرومة من الاكل النهاردة
سما : تستهلي بصراحة
سليم بضحكة : انتي اللي جنيتي علي نفسك ملناش دعوة
مريم وتتصنع الزعل : يعني كلكم اتفاقته عليه هي هي هي يا عيني عليكي يا مريومة ياللي محدش بيجي في صفك
سمية : كلي يابت وانتي سكتا انتي لسة هتمثلي
مريم بفرحة : يعني اكمل اكل
سما : كملي يا ختي كملي جتك فجع
سليم : ايه اخبارك انهاردة في الجامعة يا سما
سما : الحمدلله يا بابا كل شي تمام
(في فيلا الحديدي )
الكل متجمع علي طاولة الغداء
نصرالدين : حمدلله ع سلامتكم يا بنتي
سهيلة : الله يسلمك يا انكل
نصر : يالا شدو حيلكم يا ولاد عشان اشوف عوضكم
مهاب بهزار : ههههه علي طول كدا يا بابا خلاص يا شريف هات ليهم بيبي من سوبر ماركت عشان هما مستعجلين
الفت : هو دا اللي واخدينو منك التريقة يا مهاب شد يحيلك يا خويا انت كمان عشان نشوف عوضك مهاب : احم انا اقوم احسن عشان هتقلب عليه انا اناايه خلاني اتكلم اصلا
منة بالش :ايوا ايوا عايزين نشوفلو عروسة عشان انا زهقت منه وعايزة واحدة تيجي تريحني منو بقي
مهاب : يا سلام يارب يجي عريس ياخدك ويريحنا منك
شريف : انتو لسة زي مانتو قط وفار يالا الحمدلله اقوم اغسل ايدي عقبال متخلصو ونشرب القهوة مع بعض
جي يقوم شريف جتلو دوخة ووقع علي الارض
الكل جري عليه شششششريف
الفت بصويت :ابني شريف
