رواية احبني مدير شركتي الفصل الثاني 2
*الفصل التانى*
وصلت ملك البيت وهي خايبه للامل تاني
أميرة: اخيرا يابنتي عامله ايه وحشتيني
سعاد:ملك حبببتي مالك مضايقه ليه
ملك :مفيش يا امي مخنوقه شويه
سعاد:عملتي ايه طيب في المقابله احكيلي
ملك:معملتهاش لانه اصلا لقوا موظفه
أميرة بضحك :احسن
ملك بدهشه: انتي فرحانه فيا يابت انتي انتي محسساني اني مرات ابوكي
أميرة بضحك شديد:يابنتي هما ميستهلوكيش اصلا
ملك :لا والله
أميرة وهي بتقوم من الكرسي :لانه انا لقيتلك شغل
ملك بذهول :بجد ياميرة انا مش مصدقه بجد
أميرة:اه والله يابنتي خطيبي عبد الرحمن طالبين في الشركة الفرع التاني عندهم واحدة للشغل
ملك من الفرحه بتتنطط وعماله تحضن في اميرة من السعادة
ملك: مش مصدقه شكرا بجد ياميرة ربنا يخليكي ليا بجد انتي اختي بالظبط ربنا ميحرمنيش منك يارب
أميرة: يابت خليني اكمل كلامي وبطلي بوس فيا الله عبد الرحمن لو شاف كدا هيقتلك هههههه
ملك : كتر خيره بجد والله ،وكمان ابوسك يابنتي وهو ماله خليه على اعصابه كدا لانه مش قادر يقرب منك زي ههه
أميرة بتضحك على كلام ملك:طب ياستي لازم احكيلك على الشغل انتي شغلك مش هتبقي مجرد موظفه انتي هتبقي سكرتيره المدير
والمقابله يوم الخميس يعني بكرا ولازم تحصلي على الوظيفه دي انا واثقه فيكي وعارفه انك ذكيه وانتي قدها ياروحي
ملك :ان شاء الله ياقلبي
أميرة:طب هستأذن ياطنط وهكون على اتصال بكرا معاكي ماشي ياملك
سعاد: طب اشربي القهوة انتي مكملتهاش
أميرة : المره الجايه ياطنط
أميرة اخدت ملك بالحضن وبتودعها
ملك : مش هتقعدي معايا شويه
أميرة: ما للاسف هروح اغير هدومي لاني خارجة مع عبد الرحمن (قالتها وبتغمز بعينيها)
جريت ملك على الفون بتاعها بترن على عبد الرحمن
عبد الرحمن : الو ملك عامله ايه
ملك: شكرا جدااا بجد على الوظيفه
عبد الرحمن : اشكريني لما تحصلي عليها
ملك: اوكي تمام ايه الاوراق الي طالبنها مني
حكالها عبد الرحمن على الاوراق والوقت المظبوط تكون 9 صباحا في الشركة لانهم بيهتموا بالمواعيد جدااا ووصفلها الطريق للشركة لانه هو مش بالفرع الي هتروحه
ملك : خلاص تمام كدا بس هو ازاي المدير هيقابلني وهيبقى في نفس الوقت بالشركة التانيه عندكم
عبد الرحمن : المدير مش بيجي الا نادرا عندنا وفيه واحد ماسكله المكان هنا وبيروح للمدير المكان التاني لما يكون في حاجة ضروريه والفرع دا كله رجاله والستات العواجيز هنا اما الشركة الام دي انتي هتروحيها وهتقابلي المدير هناك وهناك الصراحه مروحتهاش ولا مره بس اعرف من صحبي الي راحها قبل كدا انه كل الي بيشتغلوا اكترتهم بنات حلويين وشويه موظفين شباب مش اكتر من كدا واه المدير شاب دا الي سمعته
ملك بخبث :اهااا بنات حلوين والله هقول لاميرة ونازله ضحك
عبد الرحمن بخوف :لا بالله عليكي دي ممكن تقتلني انا بقولك بس على الي سمعته
ملك بضحك: اوكي سماح المره دي لكن احذر المره الجايه دا الي معاه أميرة ميقدرش يبص لحد تاني
عبد الرحمن: اه انتي هتقولي ياختي
وفضلوا يضحكوا على كلامهم
......صباح يوم الخميس
صحيت ملك واخدت دوش كعادتها ولبست بنطلون جينز كحلي مع بلوزه بيضاء دخلته جوا الجيبه ووضعت بعض الكحل في عينيها لتوضح اللون السماوي لعينيها وروج خفيف لون شفايفها الورديه ورفعت شعرها الي كان طول ضهرها وعملته كحكة
لاحظت ملك في المرايه ان تليفونها بينور ولاقيت عبد الرحمن بيرن
ملك: الو عبد الرحمن صباح الخير
عبد الرحمن بعصبيه:يابت انتي عقدتيني كام مره ارن عليكي دايما تحبي تعملي الفون صامت ودا مينفعش دا انتي علمتي أميرة العادة دي وشلتني بسببها
ملك : معلش والله دي عادة عندي من فتره
عبد الرحمن : لا حاولي تغيريها لانه بعد كدا هيبقى غلط عليكي ماشي
ملك :اوكي تمام
عبد الرحمن: اوكي متتأخريش على المقابله
ملك : تمام سلام
نزلت ملك من اوضتها وهي طالعه من باب البيت
مسكها ابوها من ايديها بعنف: على فين ياهانم
ملك : رايحه اقدم في شغل
عصام : وهو كل يوم تنزلي كدا بحجة الشغل بتقابلي مين بالحجة دي
ملك بحزن: انا بنتك ازاي تقول عليا كدا
عصام : لا والله التمثيل دا مش عليا
سعاد: عصام سيبها ابوس ايدك سيبها
عصام: حاضر هسيبها بس لو ملاقيتيش شغل انا هجوزك حسين
ملك مسكت ايد ابوها وبعدتها عن ايديها : عاوز تجوزني واحد في مقام جدي انت ايه حرام عليك كل دا علشان صاحب البار الي بتروح فيه تسكر وحابب تعمل كدا علشان مزاجك
عصام ضربها بالقلم: اخرسي انتي هتتجوزيه يعني هتتجوزيه
سعاد : ارجوك سيبها تمشي ارجوك
ملك خرجت من البيت ودموعها على خدها من ابوها
وقفت تاكسي وركبته ووصفت للسواق على المكان ومسحت دموعها وهديت من الي حصل ولا كانه حصل
