رواية تزوجت طفلة الفصل السادسة والعشرون 26 والاخيرة بقلم ريناد
زوجت طفله الحلقه ٢٦ والاخييره
صفاء طلعت جرى بتاخد كل اللى فوشها وياسر زق مونى قلبها من على المكتب وجرى ورا صفاء لكن ملقهاش
ولقى عربيتها واقفه فى مكانها ياسر فضل يدور عليها زى
المجنون فى كل مكان
وطلع الشركه تانى صفاء كانت مستخبيه بتعيط فى مدخل
مبنى تانى اول ماياسر طلع بعربيته وبعد هى طلعت
وركبت عربيتها ومشيت
بس مش عارفه تروح فين فضلت سايقه ومش عارفه تعمل
ايه لغايه ماوصلت بلدها
صفاء راحت على قبر باباها ومامتها وفضلت تعيط
معقوله ياماما ياسر يعمل كده طب ليه وعشان ايه طب
انا عملت ايه غلط معاه
صفاء فضلت تعيط لغايه منامت فوق القبر حلمت بمامتها
جايه وصفاء راحت تسلم عليها وتحضنها وبتقولها وحشتينى
بس سعديه مش بترد عليها وسابتها ومشيت
صفاء صحيت بعد شويه حزينه جدا انتى زعلانه منى ليه
ياامى معقوله عشان سبت ياسر بس هو خانى وشفت
ده بعنيا بعنيا يا امى
فى مصر ياسر عامل زى المجنون فضل يدور عليها فى كل مكان ممكن تروحه وسأل علا اللى قالتله انها متعرفش
عنها اى حاجه وتليفونها مقفول وخلاها تدور فى كل
مكان ممكن تروحه صفاء
وخلى ناس تدور عليها فى اسكندريه لكن محدش عرف
يوصلها وفجاه ركب عربيته وطلع على البلد
وفكر انها اكيد هتروح هناك طول مفيش فى اى مكان
وصل ياسر البلد ودور على صفاء فى كل مكان لكن ملقهاش
ولا لقى حد شافها من ناس البلد
ياسر احبط جدا وكان خايف على صفاء لدرجه الرعب
ومش عارف يعمل ايه
ياسر اتصل بقدرى عشان يساعده فى انه يلاقيها
لكن قدرى معرفش مكانها لانها كانت قافله التليفون
ومستعملتش الفيزا فى اى مكان
عدو ٣ ايام ياسر مش بينام ولا ياكل بس بيدور ويدور
لغايه مقرب ينهار ورجليه مبقتش شيلاه
علا وايمان وكل شخص فى الشركه كان بيدور عليها
نذل اعلان فى الجرنال بس محدش عرف عنها حاجه
فلاش باك
صفاء فى المقابر
مين ست صفاء هانم تعيشى وتفتكرى يابتى الف رحمه ونور
ع الغوالى متبكيش ياحبيبتى
صفاء :تعيشى يام احمد اخبارك ايه انتى والولاد
ام احمد :فى نعمه ياست وكله من فضلت خيرك المرتب الشهرى اللى حضرتك رصداه للعيال ساترنا والحمد لله
ربنا يسترك دنيا واخره وابو العيال بيتعالج وكله تمام
صفاء ممكن اطلب منك طلب يام احمد
ام احمد :انتى تؤمرينى امر ياغاليه يابت الغاليين
صفاء :عاوزه اقعد عندك كام يوم بس محدش يعرف طريقى
ام احمد :ياسلام دى لو الارض مشالتكيش نشيلك فوق دماغنا احنا فديك الساعه ياست
صفاء راحت مع ام احمد
ام احمد :يااهلا يااهلا الدار نورت
صفاء منوره بصحابها
صفاء فضلت هناك ٣ ايام ولا تاكل ولا تشرب الا اللى يعيشها
وام احمد زعلانها عليها قوى ووشها بقا اصفر
ياسر بيصرخ بعد ماكل محاولاته فشلت يعنى ايييه راحت
فييبين جرالها اييييه
علا :عايزه اقولك حاجه صفاء لما جريت وقع منها الورق ده
ياسر جرى خطف الورق من ايدها قراه لقاها حامل
ياسر بصوته كله اااااااااااااااااه
ووقع على ركبه على الارض وبيبكى بطريقه هستيريه
علا قعدت تهدى فيه شويه وبعدين سابته وروحت
علا فى الشركه انا خايفه عليها اوى ومش عارفه ايه سبب
اللى هى عملته ده
ياسر قاعد فى الفيلا ومغمض عنيه ومرجع دماغه لورا وبيفكر
ياترى انتى فين ياصفاء وحصلك ايه
وهو سرحان سمع احلى صوت ممكن يسمعه
قول انك معملتش كده قول ان عنيا بيكدبو قول انى كان بيتهيألى
ياسر وهو مغمض اخد نفس عميييييق وكأن الروح بعد ماطلعت ردت فيه تانى
ياسر فتح عنيه وبص لصفاء ومتكلمش بس قام مره وحده
ومسك صفاء من ايدها وبيشد فيها لبره
صفاء واخدنى لفين طب بالراحه
ياسر افتكر انها حامل وشالها وطلع بيها وحطها فى العربيه
وطلع بيها على الشركه
وشالها وطلع بيها الشركه وسط دهشه كل الموظفين وطلع
بيها المكتب قعدها على المكتب
وشغلها الكمبيوتر المتوصل بشاشات المراقبه وشغلها
التصوير بتاع اليوم اللى دخلت فيه المكتب والتصوير
كان صوت وصوره صفاء بتتفرج ومبتسمه وبصت لياسر
اللى ساب المكتب من غير ولا كلمه وخرج فضلت تنادى
عليه بس مش بيرد
صفاء روحت البيت وهى فرحانه وحزينه بنفس الوقت
فرحانه عشان ياسر مخنهاش
وحزينه عشان شكت فيه وجرحته جامد
ياسر كان قاعد على السفره وبياكل ودخلت قعدت جمبه
وقعدت بصاله طب حتى اكلنى معاك انا بقالى ٣ ايام مكلتش
ياسر مش بيرد عليها
صفاء طب مش عشانى عشان ابنك جعان
ياسر سمع الكلمه دى وقلبه رفرف ودق بسرعه وكان هاين
عليه يقوم يحضنها هى وابنه بس مسك نفسه ومرضيش
حتى يبتسم
سابها وطلع الاوضه صفاء طلعت وراه وبتكلم فيه وهو مش
بيرد
صفاء طب حط نفسك مكانى وبعدين انا حزرتك قبل كده
وقلتلك غيرتى وحشه وكويس انى مموتكش انتا وهى
ياسر مش بيرد ابدا وباصص بعيد
صفاء بزعل طب خلاص مش هفرض نفسى عليك اكتر من
كده بعد ازنك
صفاء قامت ومشيت وصلت باب الاوضه
وفجأه لقيت ياسر نط قدامه وقفل الباب واخدها فى حضنه
وضمها جامد وكأنها عايز يدخلها بين ضلوعه وهى اتنهدت
وغمضت عنيها
وفجأه شالها مره وحده وفضل يلف بيها وهى تضحك وتصرخ يامجنون دوختنى نزلنى اااااااه
علا اتصلت بياسر بعد ماعرفت ان صفاء رجعت
ياسر اهى معاكى كلميها بنفسك
صفاء :ايوه ياعلا
علا :اخص عليكى ياكلبه حتى انا متعرفنيش مكانك ياجزمه
كنتى هتموتينى من الخضه عليكى انا جيالك
صفاء :بصوت عالى بتقولى ايه جيالى دلوقتى
ياسر :خطف السماعه منها جايه يابت انتى مشوفش وشك
غير بكره فى الشركه سامعه وقفل السماعه وصفاء فضلت
تضحك
ياسر بصلها جامد وقرب منها و هيييييييييح
علا :ايه ده طب ماشى ياياسر انتا وصفاء بتدلقونى طييييييب
صفاء وياسر عاشو ٨ شهور فى سعاده الدنيا كلها ياسر
مكنش بيخلى صفاء تتحرك وبيأكلها باديه دايما وحريص
انها تتغذى ووزنها ذاد ٨ كيلو وكل ماتبص فى المرايه
تصرخ
ياسر :عجبانى كده وبحبك كده وبموت فيكى كده
اه بالمناسبه صفاء كشفت وطلع فيها بنت
وفى ليله وهما قدام ال TV ياسر قام هعمل حاجه سخنه
نشربها اعملك حاجه معايه
صفاء :ااااااه
ياسر :ولا اعملك حاجه ساقعه
صفاء :ااااااه
ياسر :ارسى على بر سخن ولا ساقع
صفاء :اااااااااااااااااااااااااه
ياسر جرى عليها فيه ايه
صفاء :بوللللللللللدددددددد ااااااااااااااه
ياسر شالها وجرى بيها على العربيه واتصل بعلا وايمان يجولو
على المستشفى
وصلت صفاء وقعدت ساعه ودخلوها كشك الولاده وياسر دخل معاها ومسبش ايدها لحظه
وكل ماتتالم يحس انو قلبو بيتقطع معلش معلش اسف
اسف اسف
وحاجه منتهى الرومانسيه
جاتنا نيله فحظنا الهبابالمهم صفاء ولدت وجت بنت زى القمر واخده كتيير من مامتها
صفاء شالت بنتها وحضنتها وياسر بيبصلهم هما الاتنين
ومبتسم بس دموعه بتنزل من الفرحه
اخدو البنت يلبسوها
وصفاء خرجوها الاوضه وعلا وايمان استقبلوها وباركولها
وجت الممرضه بالنونه وهى داخله بيها ياسر افتكر صفاء
وهى داخله بيها الممرضه وابتسم بحب
علا وايمان جريو اخدوها منها وفضلو يتفرجو عليها الله
قمر بنت ال وبصو لياسر وضحكو
ياسر :بت انتى وهى محدش يشتم بنتى اوعو كده
واخد البنت منهم وراح بيها لصفاء اللى اتعدلت وشالتها
علا :هاه هتسموها ايه
صفاء :ايه رايكم نسميها جاسمين
علا وايمان بصوت واحد وندلعها جيسى هههههههههه
ياسر :لااااااااااائه الاسم ده مينزكرش قدامى
بت ياصاصا احنا هنسميها وعد وندلعها بسوسو ازاى معرفش
بس هى كده
علا وايمان وصفاء بصو لبعض وضحكو وياسر ضحك
روحو بيتهم بالسلامه وصفاء اتفرغت لتربيه وعد وياسر
مسك شركه التصدير
وشركه المقاولات مسكها للباشمهندس مصطفى وعلا
اه صحيح نسيت اقولكم انهم اتقابلو كذا مره وحبو بعض
واتجوزو
ايمان لسه مستنيه ابن الحلال
وعد بقى عندها ٣ سنين وبتتكلم وكانت ماليه حيات صفاء
وياسر سعاده وحب
ياسر بقى اسعد راجل فى العالم وبيقضى وقت فراغه كله
يلعب مع وعد وهى متعلقه بيه لدرجه متتخيلوهاش
صفاء :مش كفايه لعب بقى وندخل ننام عشان مامى عاوزه
بابى
وعد :عاوزه بابى فأيه
صفاء :هقوله كلمه فبوقه
وعد بصتلها :اسمها وتنه
صفاء :طب اى حاجه المهم نامى بئه
وعد :لا مش انام ومش اسيب ياسر ياسر بتاعى انا بس
ياسر بص لصفاء وكاتم ضحكه
صفاء مسكتها من هدومها تعرفى انتى الوحيده اللى اسمحلها
تشاركنى ياسو وانا مبسوطه
ياسر :انا مش عارف ليه الانانيه فيها ايه لما ياسر يبقا بتاع كله
صفاء بصتله وديقت عنيها وقامت مره وحده بس هو قام
قبلها وجرى واحتمى ورا الكراسى
صفاء :عايز تبقا بتاع كله هاه طيب انا هوريك تعالى هنا
مش هسيبك وفضلو
يجرو ورا بعض ووعد تضحك وتسقف وتتنطط
وفجأه داخت صفاء وجرى ياسر سندها
مالك ياصاصا
صفاء :لا ابدا اصلى حامل ياسر شالها وفضل يلف بيها
وصوت ضحكهم واصل لاخر الشارع
مش عارفه ايه اللف دا كله دانا دوخت
المهم توته توته وخلصت الحدوته
