رواية اتعبتني ولكن (امل ويوسف ) الفصل العشرون 20 بقلم يوتة
حلقة 20 و الأخيرة
قراءة ممتعة للجميع
امل وبعد تفكير ،،،،، اسفة مش راح نقدر انكمل معاك
يوسف ،،،، لا حتكملي وحتعيشي معاي وحتكوني حبيبتي
و خطيبتي و عروستي و ام صغاري فوقها شن رايك هي ؟؟
امل ،،،، هههههه لا متاكد انت هلبا الواضح ^^
يوسف ،،،، متاكد للحد الذي لا حد له يعني تقدري تقولي واثق مش غير متاكد إنك حتكوني ليا انا وبس
امل ،،، ههههه به يا عبد الواثق شن الشى ل خليك واثق ومتأكد لهدرجة إني انا حنكون ليك او حتى نقبل بيك
يوسف ،،،،، ببساطة لإني نحبك و نحبك ونحبك ونحبك ونحبك ونحببببببببببببك
امل حطت يدها بطريقة عفويه على فم يوسف وقالت ،،،، هووووس اسكت ي مجنون فضحت بينا
يوسف هايم فى امل وفرحان بيها حاول انه يرد عليها بس امل كانت امسكره بيدها على فمه ،،،،، امممممم مممو امممم
امل ومش حاسه بنفسها ،،، شن امممم خيرك احكي كويس
يوسف قعد يأشر بيده على يد امل بقصد كيف راح نحكي وانتي امسكره عليا
.أمل على طول اوعت لنفسها و بسرعة سحبت يدها ونزلت راسه لوطه
يوسف بجدية ،،،، والله نحبك ي امل
امل ،،،، كيف تقدر تحب وحده مش معروف يكون ليها نصيب تعيش اولا ...
يوسف حط يده بسرعة على فم امل ،،،،، هوووس معاش تقولي هكي انتي حتكوني بخير وانا حنكون معاك على طول انتي حتكوني ليا وانا راح نفرح بيك انتي راح تصحي و تعيشي وتفرحي و بعتالي انا وانتي بحالتك هاذي راح نحبك اكثر واكثر عارفة ليش ؟؟؟
امل حاولت انها تتكلم بس يد يوسف على فمها
يوسف ،،، ها شن تقولي مافهمتش عليك
امل دارت نفس لقطة يوسف أشارت بيدها على فمها
يوسف ،،،، هههههه اسف اسف نسيت هي احكي توا
امل ،،،،،، مجنون اي قولي ليش فى حالتي هاذي بدأت راح تحبني اكثر واكثر
يوسف ،،، ببساطة لاني نحبك والواحد وقت يحب بصدق ماعنده وقت معين يحب فيه ، يعني حنقعد نحبك بكل حالاتك لأنك انتي وبصدق ي امل اسكنتي هنا و أشار على قلبه
امل تحشمت هلبا من كلام يوسف وقعدت حايره شن حترد عليه او حتى شن تقول اكتفت انها تنزل راسه تحت وخلاص
يوسف على طول قام راس امل بيده وقال ،،،،، امل انا مش راح نغصبك على شي بس انا واثق انك مش راح تخليني بروحي لأنك تحبيني امل انا نعرف انك تحبيني زي ما انا نحبك يلا امل بالله عليك خلينا نبدوا حياة جديدة مع بعض حياة كله حلوة ونكونوا فيه يد بيد
امل بخوف ورعشة ،،،، بس يوسف انا مريضة توا ياريت كان الوقت وظروف عكس ما هيا عليه ياريت كانت صحتي كويسة كنت على طول قبلت بيك وفرحت بيك
اي معاك حق انا نحبك يوسف وبس لاني نحبك مش راح نقدر انكون معاك لإني مريضه يوسف والمرض ل نعاني منه مش هين هذا خبيث يعني انا ما نبي نظلمك معاي أو حتى نجرحك انا نبيك تعيش حياتك مبسوط ومرتاح وفرحان
يوسف ،،،، بس انا حنكون فرحان معاك و حنكون مرتاح معاك و حنكون انسان جديد معاك
شوفى امل ما تحاولي تمنعيني إني نحبك لأني نحبك
و حنحبك على طول وحنقعد وراك وراك لعند ما تقبلي بيا
امل عيونها تعبوا دموع وخلاص معاش قدرت تمسك نفسها
حب حياتها قدامها و يعترف ليها بحبه بس للأسف الظروف والوقت كان متاخر هلبا فى نظر امل
قعدت تبكي وتشهق بصوت مسموع
اما يوسف اكتفاء انه ياخد امل فى حضنه بكل حب وخوف
يوسف ،،،، امولتي حبيبتي حرام تعدبي نفسك
خلاص معاش تبكي انت حتكوني بخير وهذا وعد مني وحتشوفي كيف راح تكوني بخير
امل حبيبتي وراس كل من هوا غالي عليك خلاص بطلي دموع اهو انا معاك وحنكون معاك وحنقعد ليك انت بس وراح نستناك على طول
اما امل بعد كل كلمة من يوسف خلاص ضعفت وسلمت امرها كله ليه ولله قرارت انها تكون مع يوسف ضد هالمرض اللعين قرارت انها تعيش حياتها عادي تحب وتنحب ولا كانه فى شى يعذب فيها قرارت وبعد غصة من الوجع انها تكون مع يوسف وتقبل بيه وتكون ليه
امل بعد ربع ساعة من البكاء فى حضن يوسف بعدت من عليه وقالت ،،،، يوسف
يوسف ،،، نعم ي عيون يوسف
امل ،،،، توعدني إنك حتكون معاي وحتكون ليا على طول توعدني انك تكمل معاي كل الايام والسنين لحتكون من عمري
توعدني انك حتحبني مهما كان شكلي او حتي مزاجي
توعدني انك راح تقعد تحبني على طول ومش راح تقلق مني
يوسف بفرح ،،،، اي نوعدك والله نوعدك طول عمري نوعدك وحنقعد قد هالوعد على طول وعد انك حتعيشي معاي كيف ما تحبي وعد انك حتكوني اميرتي وعد اني حنكون راجل ليك مش عليك وعد اني حنحبك طول مافي نفس وعد وعد هلبا هلبات ي روحي انتي
امل بضحكة وفرح ،،، معناها تم انا موافقة بيك و حنقعد ليك على طول
والمرض ل فيا حنعتبره منافسي عليك وحنربح عليه اكيد مهما حاول انه يكسرني اتعبني راح ننتصر عليه يوسف وهوا مش مصدق ،،،، هيااااااااا هوا ذا
قعد يدور وفرحان ومش عارف حتي شن يقول
يدور ويرجع يمسك فى يد امل ويقوله انا نحبك وانا معاك وينوض من جديد وهكذا
اما امل قعدت تضحك على حركات يوسف وخلاص
اول مرة تشوف يوسف الأستاذ الرزين العاقل هكي
ضحكت وفرحت وبكت من قلبها فى هذا اليوم
اما يوسف بعد ما رجع لحالته الطبيعية قرب من امل
و امسك وجها بيده وقلها كلمة فعدة تتردد فى سمع امل لعند اليوم
امولتي هالمرض ل هوا فيك توا حيكون مهناش بعد فترة
نوعدك ي غالية راح نربح انا عليه نوعدك حنفوز انا بيك وحيكون هوا المهزوم وعد ي غالية
امل ،،،، يارب
نحبك يوسف
يوسف ،،،، الله الله وانا نحبك ي قلبي انا
وهكي فات الوقت وروح يوسف واماني وعبدو ونسيبة وقعدت اماني مع امل
فات الليل بطوله على الكل وكل حد فيهم كان يفكر فى حاجة
امل كانت تفرح فى حياتها و كيف حتكون مع يوسف
اتفكر انها حتكون قد الوعد انها حتفوز على المرض وتكون من نصيب يوسف ام حتضعف وتفشل وتخسر
كانت تفكر هلبا بس رغم كل هالتفكير كانت فرحانه هلباااا لانه حبيب حياتها اليوم معاها
يوسف كان تفكيره مش بعيد عن امل تقدروا تقولوا تفكير واحد وايضا حتى هوا رغم التفكير ل مسيطر عليه إلا انه كان فرحان ومبسوط لانه واخيرا لقي البنت ل طول عمره يحلم بيها يعني لقي فتاة احلامه كلها فى امل
محمد واماني كان يفكروا فى امل ويوسف وكيف حنكون الايام الجاية معاهم او ضدهم
وهكي فات الليل وجي يوم جديد
يوم كله بديات 
أمل ،،، صباحو ورد امول
امال ،،، صباحو فل
امل ،،، مليت فديت خلاص من المستشفى
امال ،،، معليشي حبيبتي اهو اليوم اخر يوم اكيد
وتفتكي ان شاء الله
امل ،،، ياريت والله استاحشت امكاني استاحشت حوشنا استاحشت دارنا استاحشت كل التفاصيل
امال ،،،، خلاص اهو هانت ي قلبي
امل ،،، ان شاء الله يارب
عند يوسف واماني
يوسف ،،، هي اماني تاخرنا نبي نشوف امل قبل ما تطلع من المستشفى
اماني ،،،، هي هي اهو جيت
جت اماني وركبت فى السيارة وطلعوا علي طول للمستشفي
اماني ،،،، يوسف قولي شن شكلها القصة اطورت بينكم
يوسف ،،،، اطورت هلبا
اماني ،،،، قول والله ل اي درجة ترا
يوسف ،،،، لدرجة الخطوبة
اماني ،،،، تبصر يس يس واخيرا ي عني
يوسف ،،،، ههههه مجنونة
عند امل وامال
كانوا مكسدين و يهدرزوا
شوي هكي و وصلوا اماني ويوسف
دخلت اماني ل امل بس يوسف قعد البرا
طق طق
امل ،،، تفضل
اماني ،،،، صباحو فل
امل ،،، صباح الورد اهلا اهلا
اماني دخلت وسلمت على امل وامال
بينما امل قعدت كان تشوف للباب وخلاص يعني تستنا فى يوسف يدخل
و اماني كانت مركزة على امل ف قالت
اماني ،،، على من ادوري بضبط امول
امل ،،،، ها لالاه على شي
امال واماني ،،،، ههههه صدقنا
امل ،،، مبسلكم انتم على فكرة
اماني ،،، هي تعالي امال خلى نتمشوا البرا وخلي امل ترتاح
امال ،،، اي هي
امل عرفت انه اماني فاهمه عليها و عارفه انه اماني طلبت من امال طلع معاها بس لحت يوسف يدخل ل امل
وفعلا طلعوا البنات من هنا ودخل يوسف على طول ل امل
و بمجرد ما دخل يوسف ل أمل عيونها ولوا قلوب قلوب
وكل ما يقرب منها قلبها يدق ثلاث دقات
يوسف ،،، صباح الورد غلاي كيف حالك اليوم
امل ،،، صباح الفل الحمد لله انت ؟؟
يوسف ،،، انا كويس على طول ما انتي معاي
امل تحشمت ونزلت راسها لوطه على طول
يوسف ،،،، يخليها ليا الحشومية يارب
امل ،،،، ربي يحفظك ليا ي غالي
يوسف ،،،، ويحفظك ليا حبيبي
شن قالك الدكتور اليوم ؟؟
امل ،،، لعند توا قاعد ما جاش
يوسف ،،،،، غريبة
شوي هكي وطق الباب
امل ،،،، تفضل
الدكتور ،،، صباح الخير
امل يوسف ،،،، صباح النور
يوسف ،،، دكتور بنسالك شن حيصير فى وضع امل
الدكتور ،،، والله القرار بيدها واهو انا اليوم جاي ناخد فى القرار منها ^^
يوسف ،،، شن قصدك ؟؟
الدكتور ،،، والله شن ينقلك امل نسبة شفائها من هالمرض كبيرة
يوسف ،،،، اوووه الحمدلله يارب سمعتي امل يعني بعون الله حتكوني بخير
الدكتور ،،، بس اكيد من غير الكماوي مش راح تقدر تتعافي منه المرض
وانا امس طلبت من المريضه انها تجهز نفسها للكماوي بس هيا طلبت انها تفكر وترد عليا
امل ،،،، بس دكتور بنسالك شى بخصوص هالموضوع
الدكتور ،،، تفضلي ؟؟
امل ،،، يعني مش عارفة شن بنقلك بس لازم نسألك
يعني توا لو درت الكيماوي شن المضاعفات لممكن إسبابها
ليا
الدكتور ،،، مش مهمه كيف راح ياثر عليك المهم كيف هوا راح ياثر على المرض
مش هكي ي امل عاد انتي لازم تكوني قوية زي ما عرفتك اول يوم لازم تتغلبي على هالشى
حتى لو اثر الكيماوي على شعرك سيورك حتبري و حيطول شعرك
حتى لو اثر على جسمك سيورك حتبري وتولي احسن من قبل
امل نصيحة ما تخليش الهوس يقضي عليك انتي عندك فرصة انك تتحسن حالتك اهون من غيرك حاربي على خاطر نفسك على خاطر هالشبوب ل واضح انه يحبك وما تحطي الكيماوي سبب لتعاستك اعتبريه بنادول و خليه يخترق جسمك باش يشفيك
وتكوني بخير امل بعد كلام الدكتور ارتاحت نوعا ما بس مزال سؤال فى خاطرها تسأله ؟؟
امل ،،، دكتور بنسالك به مستقبلا لو انا تحسنت وتعافيت وتجوزت نقدر نحمل ونكون ام
الدكتور ،،،، ما فيش شى صعب على ربي
هوا صح الكيماوي صعب لكن قدرت ربي كبيرة وانتي جرعاتك اثنين بس يعني مش هلبه
احتمال كبير انك تولي امي وتتعافي منه نهائي بس زي ما قتلك اعتبريه مرض عادي وتعاملي معاه كويس باش تقدري تتغلبي عليه
امل ،،،، ان شاء الله
يوسف كان قاعد ويسمع وخلاص مش قادر ادير شي بس اكتفاء انه يمسك يد امل ويعطيها رسالة انه انا معاك وخلاص
امل ،،،، تمام دكتور امتي راح نبدا فى الجرعات
الدكتور ،،،، الاسبوع الجاي حتكون اول جرعة ليك
اما الجرعة الثانيه راح تتحدد بنيابة على الجرعة الاوله
امل ،،،، ان شاء الله خير به توا نقدر نطلع صح
الدكتور ،،،، اكيد راح نعطيك ورقة خروج وتقدري تطلعي من توا
امل ،،، شكرا دكتور
الدكتور ،،،، العفو هذا واجبي وان شاء الله لا باس عليك
امل ،،،، ان شاء الله
طلع الدكتور و قعدت أمل مع يوسف
يوسف ،،، ما تخافيش انا معاك
امل ،،،، مش خايفة اصلا لإني قوية
يوسف ،،، هاذي هيا حبيبتي
امل،،،، نحبك
يوسف ،،،، نموت فيك
شوي هكي وجي محمد وقع على ورفة الخروج
و بينما امل تجهز فى نفسها دخل يوسف امسكها من يدها وقلها كلمه قعدت تفكر فيها طول النهار وطلع
خلاها مصدومة ومش عارفة شن تفكر حتى
قلها ^^ اليوم حتكوني ليا قدام الكل ^^
ضحكت امل و وطلعت روحت
و إلا صار انها ما فهمتش قصد يوسف إلا وقت
رن باب حوشهم
ترن ترن
امال ،،، من جاينا زعما فى هالوقت
سامية ،،، مش عارفة
مها ،،، به نوضي شوفى
امال ،،، اي هي
امشت امال فتحت الباب وتلاقي اماني وامها جاين
وما سكين فى يدهم بوكي ورد الشوكولا
امال بإستغراب ،،، اهلا اهلا تفضلوا
اماني ،،، سلمها يارب اهو اوصلنا
دخلت اماني وامها وسلموا على العيلة و تحمدوا على سلامة امل
اماني ،،، إلا وين امل ؟؟؟
امال ،،، راقدةة
اماني ،،، ميه ميه ي عمتي سامية امي جاية اليوم تبيك فى موضوع
فاطمة ام يوسف ،،، اي ي سامية الحق جاية اليوم نطلب يد امل ل يوسف
وهنا الكل مصدوم
سامية ،،، الحق صدمتيني ي فاطمه بى هالخبر
فاطمه ،،، اي ي سامية ولدي يبي بنتك وجاية اليوم نطلبها منكم على سنة الله ورسولة
سامية ،،، والله شن بنقولك الراي راي امل وشوره شورة بوها
فاطمه ،،، معاك حق
على دخلت محمد
محمد ،،،، والبابا موافق ي امي توا الراي راي امل
امال ،،، وامل موافقة
سامية ،،،، هههههه معناها ربي يقدر ل فيه الخير
اماني ،،، خلى نمشي نشوفها
امال ،،، اي تفضلي
مشت اماني تنوض فى امل
اماني ،،، امولتي
امل ي امول ي عروسة هي نوضي
امل ،،، امممم ي امال خليني كيف رقدت انا
اماني ،،، نوضي بلا جو
امل ،،،، تفتح فى عيونها بصعوبه
هوا انتي امتي جيتي ؟؟
اماني ،،، على طول حضنت امل
ي سلملي مرت اوخي ياربي
امل ،،، شن تقولي انتي
اماني ،،، يلا نوضي بلا كسل وألبسي واطلعي لعمتك ي عروسة
امل ،،، شن تقولي انتي ؟؟
اماني ،،، اي زي ما سمعتي اليوم جاين وبطلب من يوسف نخطبوا فيك
امل ،،،، قولي والله ههههه تي كيف صار هكي
اماني ،،،، ههههه هكي صار يلا اطلعي بسرعة
امل ،،، هههه وحق ربي فرحانه هلبااا
اماني ،،، ربي يدوم عليكم الفرحة حبيبتي
امل ،،، اعطيني خمسة بس نلبس ونجيك
اماني ،،، تمام نستنا فيك
طلعت اماني وعلى طول خدت امل الهاتف وبعتت ل يوسف مسج
^^ تعرف إنك انسان مافيش منه بكل ، يعني اليوم عرفت وتأكدت إني بجد محظوظة بيك وفيك هلبه ربي يحفظك ليا ويخليك ليا ي حلالي ^^
عند يوسف
كان مكسد مع محمد و فجأة يجي مسح
على طول يوسف فتح المسج وضحك ضحكة جميلة جدا
طلعت امل وكانت حلوة بكل سلمت على ام يوسف
وهدرزوا شوي وروحوا
طبعا بهكي امل انخطبت ل يوسف وكل العيلة صار عندهم علم واتفقوا انهم اديروا بيان فى الايام الجاية
و بعد دوشة هاليوم كله جي الوقت ل يهدرز فيه يوسف على امل
يوسف على طول اول ما وصل اتصل ب امل
بينما امل كانت تستنا فى يوسف وبمحرد ما تصل بيها ردت على طول كانت فرحانه هلبااااا ويوسف نفس الشي كان فرحان هلبا
قعدوا يهدرزوا ويضحكوا ويتفكروا فى كل الايام لكانوا فيها مع بعض
وهكي فاتت هالليلة على امل و يوسف كله فرح بفرح
وفاتت معاها الايام طبعا امل طول هالفترة لفاتت كانت تتقرب من يوسف اكثر ف اكثر وكانت تتقبل فى وضعها وكانت كل يوم اقوي من اليوم ل قبله
رجعت ل دراستها وكانت داخله فى فترة إمتحانات دارت كل جهدها باش تلحق وتكون قد الامتحانات ويوسف ساعدها هلبا كانوا امتحاناتها بعد جرعتها الاولي على طول
فات هالايام وجي يوم اول جرعة ل امل
كان معاها يوسف وبوها وامال ومحمد كان الكل معاها
وفى الوقت ل كانت تاخد فيه امل فى الجرعة كان يوسف ماسك يدها
كان معاها خطوة بخطوة خدت امل جرعتها الاولي وكانت تعبانه بكل روحت على طول رقدت
بينما يوسف كان فى كل قطرة من الكيماوي يدعي من قلبه ان امل تكون كويسة وبخير وتتحسن
فات هاليوم بكل الم فيه وجي الاسبوع ل فيه امتحانات امل
قرت ودارت جهدها كله ويوسف وكل اهلها كانوا معاها خطوة بخطوة من اول امتحان لعند اخر امتحان
وهكي تمت امل امتحاناتها وكانت قوية فيهم هلبا
كانت قوية ودارت جهدها كله رغم انه صحتها كانت مش كويسة بس درات كل جهدها واكثر
فات هالاسبوع
وبعد مراجعة ل امل فى المستشفى طلبوا منها ان الجرعة الثانية تكون بعد الشهر هذا
وطول هالفترة وامل كانت تتمسك ب يوسف وبالحياة اكثر من قبل امل كانت قوية وماخلت هالمرض يكون نقطة ضعفها بلعكس كانت قوية قوية لدرجة
يوم بيانها قصة شعرها اي قصة شعرها رغم انه شعرها كان اطيح بشكل بس قصاته لحت تثبت لنفسها ولغيرها انه سقوط الشعر مش نهاية بلعكس سيوره الشعر راح يرجع لو ربي كات ليها عمر امل كانت قوية هلباااااا وكانت فى مفاجأة احلى يوسف فى هذاكة اليوم حلق شعره علي خاطر امل
امل فرحت هلبااااا بتصرف يوسف ومن هذاكة اليوم عرفت انه خياره كان صح وانها راح تتغلب على هذا المرض عاجلا ام اجلا
فات هالشهر وجي عرس امال لكانت راح تأجله على خاطر اختها بس امل كانت ضد التأجيل
عرس امال كان حلووو وتم على خير فرحت امل هلبه لانها حضرت عرس اختها فرحت هلبه لانها قدرت تفرح بيها
وتشوفها بالأبيض وهكي فات عرس امال ومشت امورها مع علي وكانت فرحانه معاه هلبه
فاتت الايام وجي يوم الجرعة الثانيه ل امل
ونفس الشي كان والدها وامها ومحمد ويوسف معاها
وحاولوا يخففوا عليها هالوجع صح تعذبوا لأنهم يشوفوا فى قطعة من قلبهم تتالم قدامهم ومش قادرين اديرولها شى بس رغم هالشي كانوا معاها وما خلوهاش بروحها بكل
امل بعد هالجرعة حاولت انها تكون قوية وحاولت انها تقنع نفسها انها حتكون كويسه عطت ل نفسها الامل وعطت ل غيرها امل
فاتت الايام ومعاها شهر
امشت امل تراجع طلبوا منها تحاليل ثانية قالولها حتطلع بعد ثلاث اسابيع النتيجة وان شاء الله خير
وفى الوقت هذا امل كانت تمتحن فى إمتحاناتها النهائية
امتحنت امل وكان يوسف معاها خطوة بخطوة وبرضوا اماني كانت معاها خطوة بخطوة
امل كانت تتمنه انها تنجح بس على خاطر اهلها
فاتت إمتحانات امل وفاتوا الثلاث اسابيع
وجي اليوم المنتظر
نتيجة التحاليل ونتيجة الدراسة
امشت امل هيا وكل احبابها تشوف فى نتيجة التحاليل وبعدها حتمشي تشوف النتيجة الدراسية
المفاجأة امل تعافت ولله الحمد من المرض ومش هكي وبس نجحت الاولي على دفعتها يعني صدمة امل و فرحتها فى هاليوم مستحيل يقدر اي شخص يصفها
كانت فرحانه هلبا هلبااااات
ومن هذاكه اليوم امل طلبت من الكل انهم معاش يفكروها بكل شي صار واعتبرت مرضها انه برده وتعافت منها والسلام
يعني شوفوا سبحان الله كانت تتمنى تنجح بس وتتخرج تلاقي روحها متخرجة بإمتياز
و كانت تتمني تتعافه بس ربي كرمها بفرحتين فرحة التخرج وفرحة الصحه
فرحة امل وعيلتها كانت كبيرة هلبااااا
وهكي امل قعدت تردد فى كلمة انتصرت انتصرت
ولله الحمد انتصرت
نتفكر فى امل كانت ديما فى عز وجعها اتردد #اتعبتني_ولكن_سأنتصر و هكي امل انتصرت على مرضها وانتصرت بتخرجها وانتصرت بحبها انتصرت لانها كانت واثقة من قوتها كانت واثقة من رحمة ربي ليها
وبعد ٧ شهور
اتحدد موعد زفاف امل ويوسف ومحمد واماني
وطول هال٧ شهور امل كانت ادير فى فحوصات وكانت تطلع امورها تمام والحمدلله
وكان يوسف وكل عيلتها معاهااما امال جابت ولد زي العسل وسماته نور
بينما مروة ندمت هلبااا و رجعت اتصلح من أخطائها
و تقريبا انخطبت ل ولد خالتها
اما نسيبة اكتشفت انها تحب فى احمد و احمد اكتشف انه يحب فى نسيبة وتوا قعدين على حب وبس لكن امفكرين انهم يخطبوا عن قريب
وبعد اسبوع
امل ،،،، قوليلي كيف طالعة
امال ،،، تهبلي والله
امل ،،، قولي والله
امال ،،،، هههه وحق ربي يوسف راح يهبل عليك
امل ،،، مابسلك انتي
امل ،،، زعما اوصل هوا توا وحق ربي قلبي خلاص
امال ،،، مش عارفة خليك انت توا امقعمزة هنا وانا شوي ونجيك
أمل ،،، باهي
--------------------
اماني ،،،، خايفة وحق ربي
امها ،،، ما تخافيش سلم بنيتي بسم الله ماشاء الله عليك
بلسم بنت خالت اماني ،،، اي والله طالعة طرف ي بنت
اسمعي هي قعمزة شكله محمد جي
وهنا اماني خلاص قلبها معاش قادرة
دخل محمد وانفتحت الأغنية
ﺍﺧﻴﺮﺍً ﻗﺎﻟﻬﺎ ﻗﺎﻝ ﺃﺣﺒﻚ ﻗﺎﻟﻬﺎ
ﻭﺃﻧﺎ ﻗﻠﺒﻲ ﻗﻠﺒﻲ ﻗﻠﺒﻲ ﻗﻠﺒﻲ ﺗﻮﻗﻒ ﺑﻌﺪﻫﺎ
ﺃﺧﻴﺮﺍً ﻛﺎﻟﻬﺎ ﻛﺎﻝ ﺃﺣﺒﻚ ﻗﺎﻟﻬﺎ
.………………………………………
ﺍﺧَﻴْﺮﺍً ﻗﺎﻟَﻬﺎ ﻗﺎﻝَ ﺃَﺣِﺒّﻚِ ﻗﺎﻟَﻬﺎ
ﻭَﺃَﻧﺎ ﻗَﻠْﺒَﻲْ ﻗَﻠْﺒَﻲْ ﻗَﻠْﺒَﻲْ ﻗَﻠْﺒَﻲْ ﺗُﻮﻗَﻒ ﺑَﻌْﺪَﻫﺎ
ﺃَﺧْﻴَﺮﺍ ﻗﺎﻟَﻬﺎ ﻛَﺎﻝ ﺃَﺣِﺒّﻚِ ﻗﺎﻟَﻬﺎ
.………………………………………
ﻣﻦ ﻓﺪﻳﺖ ﺃﻧﺎ ﺍﻟﻌﻴﻮﻥ ﻗﺎﻝ ﺃﺣﺒﻚ ﻭﺑﺠﻨﻮﻥ
ﻭﺩ ﺃﻃﻴﺮ ﻭﺩ ﺃﻋﻴﺶ ﻓﻲ ﺍﻟﺪﻧﻴﺎ ﺑﻘﺮﺑﻬﺎ
ﻭﺍﺣﺪ ﺃﺣﺒﻪ ﻣﻦ ﺯﻣﺎﻥ ﻣﺎ ﻳﺤﺲ ﺃﺣﺒﻪ ﻛﺎﻥ
ﻭﺃﻧﺎ ﻛﻨﺖ ﺍﻋﺎﻧﻲ ﻣﻦ ﺯﻣﺎﻥ ﺍﺗﺎﻧﻲ ﺣﺲ ﺑﻮﻗﺘﻬﺎ
ﺃﺧﻴﺮﺍً ﻗﺎﻟﻬﺎ ﻗﺎﻝ ﺃﺣﺒﻚ ﻗﺎﻟﻬﺎ
.………………………………………
ﺍﻟﻔﺮﺣﺔ ﻳﻤﻪ ﻟﻘﻴﺘﻬﺎ ﺻﻌﺐ ﺟﺪﺍً ﻭﺻﻔﻬﺎ
ﻫﻮ ﻗﻠﺒﻲ ﻭﻫﻮ ﻧﺒﻀﻪ ﻭﺃﺣﻠﻰ ﻧﺒﻀﻪ ﻗﻠﺒﻲ ﻳﺪﻗﻬﺎ
ﺍﻟﻔﺮﺣﺔ ﻳﻤﻪ ﻟﻘﻴﺘﻬﺎ ﻗﺎﻝ ﺍﺣﺒﻚ ﻗﺎﻟﻬﺎ
.………………………………………
ﺍﻟﻔَﺮْﺣَﺔ ﻳَﻤُﻪ ﻟُﻘْﻴﺘﻬﺎ ﺻَﻌْﺐ ﺟَﺪّﺍ ﻭَﺻَﻔَﻬﺎ
ﻫُﻮَ ﻗَﻠْﺒَﻲْ ﻭَﻫُﻮَ ﻧَﺒْﻀﻪُ ﻭَﺃُﺣَﻠَّﻰ ﻧَﺒْﻀﻪُ ﻗَﻠْﺒَﻲْ ﻳَﺪُﻗّﻬﺎ
ﺍﻟﻔَﺮْﺣَﺔ ﻳَﻤُﻪ ﻟُﻘْﻴﺘﻬﺎ ﻗﺎﻝَ ﺃَﺣِﺒّﻚِ ﻗﺎﻟَﻬﺎ
.………………………………………
ﺍﻳﻪ ﺻﺤﻴﺢ ﺍﻧﻲ ﻫﻮﻳﺖ ﺣﺘﻰ ﺍﺳﻤﻲ ﺍﻧﻲ ﻧﺴﻴﺖ
ﻟﻤﺎ ﻗﺎﻝ ﺍﻱ ﺗﻌﺎﻝ ﺍﺣﻀﻨﻲ ﺑﻮﻗﺘﻬﺎ
ﺍﺩﺭﻱ ﻣﺎﻳﻜﻔﻲ ﺍﻟﻜﻼﻡ ﺟﻨﻦ ﺇﺣﺴﺎﺱ ﺍﻟﻐﺮﺍﻡ
ﻭﺍﻧﻲ ﻣﻐﺮﻡ ﺍﻧﺎ ﺍﺣﺒﻪ ﺍﻧﻲ ﻋﺎﺷﻖ ﻳﺤﺒﻨﻲ ﻗﺎﻝ
ﻭﺍﺧﻴﺮﺍ ﻗﺎﻟﻬﺎ ﻗﺎﻝ ﺃﺣﺒﻚ
كانت الاغنية بطلب من اماني لانه هالأغنية تعنيلها هلبا هي ومحمد
قرب محمد من اماني وقام الطرحة وسلم عليها وعطاها بوكي الورد وقعمز جنبها
محمد ،،،، طالعة تهبلي
اماني متحشمة هلباااا من محمد ومش قادرة تقول شي
محمد ،،، مش قادر نصبر عندك علم الحمد لله يارب انك كنتي ليا ومن نصيبي عارفه وله قريب ناخدك ونطلع بيك خليهم هما يحتفلوا بروحهم
اماني ،،،، ههههههه ماقدرتش تمسك ضحكتها بعد هالكلام
عند امل
كانت قعدة تستنا وبعدها تسمع فى هرجة عرفت انه يوسف اوصل نزلت الطرحة واستهدت وقعدت تستنا عاد
كيف دخل يوسف وفتحوا الاغنية ل كانت تعنيلهم هلبا
ﻳﺎ ﺣﺒﻴﺒﻲ ﻣﻦ ﺍﻟﻠﻴﻠﻪ ﺩﻱ ﺣﺘﻜﻮﻥ ﻋﻠﻰ ﻃﻮﻝ ﻗﺼﺎﺩﻱ
ﻓﺮﺣﺔ ﻋﻤﺮﻱ ﺍﻟﻠﻴﻠﻪ ﺩﻱ ﺑﺪﺃﺕ ﻭﺍﻧﺎ ﺑﻴﻦ ﺍﻳﺪﻳﻚ
ﺍﻧﺎ ﻋﺎﻳﺸﻪ ﺍﻟﻠﺤﻈﻪ ﺩﻳﺎ ﻓﺮﺣﺎﻧﻪ ﺑﻴﻚ ﻭﺑﻴﺎ
ﺣﻠﻮﻩ ﺍﻟﺪﻧﻴﺎ ﻓﻰ ﻋﻴﻨﻴﺎ ﻋﻠﺸﺎﻥ ﺷﺎﻳﻔﺔ ﺑﻌﻴﻨﻴﻚ
ﻗﻮﻟﻲ ﺍﻧﺎ ﺣﺘﻤﻨﻲ ﺗﺎﻧﻰ ﺍﻳﻪ ؟ ﻛﻞ ﺍﻟﻠﻰ ﻧﻔﺴﻲ ﻭﺑﺤﻠﻢ ﺑﻴﻪ
ﻗﺪﺍﻡ ﻋﻴﻮﻧﻲ ﻣﻌﺎﻙ ﺑﻼﻗﻴﻪ ﻣﻦ ﻗﺒﻞ ﺣﺘﻲ ﻣﺎ ﺍﻓﻜﺮ ﻓﻴﻪ
ﻛﺎﻥ ﺣﻠﻢ ﻏﺎﻟﻲ ﻭﺑﺘﻤﻨﺎﻩ ﻭﺍﺩﻱ ﺍﻟﻨﻬﺎﺭﺩﻩ ﻣﻌﺎﻙ ﻋﺎﻳﺸﺎﻩ
ﻓﻲ ﻋﻴﻮﻥ ﻛﻞ ﺍﻟﻨﺎﺱ ﺷﺎﻳﻔﻪ ﺑﺲ ﺍﻟﻠﻴﻠﻪ ﺩﻱ
ﺍﻧﺎ ﻃﺎﻳﺮﻩ ﻣﻦ ﺍﻟﻔﺮﺣﺔ ﻛﺪﻩ ﻭﺍﻧﺎ ﻻﺑﺴﻪ ﺍﻟﻄﺮﺣﺔ
ﻣﺎ ﺗﻘﻮﻟﻲ ﺍﻳﻪ ﻓﻲ ﺍﻟﻌﻤﺮ ﺍﺣﻠﻲ ﻣﻦ ﺍﻟﻠﻴﻠﻪ ﺩﻱ
ﺟﺎﻳﻪ ﻭﺟﺎﻳﺒﻪ ﺍﻟﻨﻬﺎﺭﺩﻩ ﻣﻠﻴﻮﻥ ﻭﺭﺩﺓ ﻭ ﻭﺭﺩﺓ
ﻭﻣﻔﻴﺶ ﻓﻰ ﺍﻟﺪﻧﻴﺎ ﻭﺍﺣﺪﺓ ﺍﺳﻌﺪ ﻣﻨﻲ ﺑﻬﻮﺍﻙ
ﺍﻫﻲ ﺩﻱ ﻓﺮﺣﺔ ﺣﻴﺎﺗﻲ ﻭﺍﺣﻠﻔﻠﻚ ﺍﻧﺎ ﺑﺤﻴﺎﺗﻲ
ﺣﻔﻀﻞ ﺍﺣﺒﻚ ﻟﻴﻼﺗﻲ ﻭﺍﻓﻀﻞ ﻋﻠﻰ ﻃﻮﻝ ﻣﻌﺎﻙ
ﻗﻮﻟﻲ ﺍﻧﺎ ﺣﺘﻤﻨﻲ ﺗﺎﻧﻰ ﺍﻳﻪ ؟ ﻛﻞ ﺍﻟﻠﻰ ﻧﻔﺴﻲ ﻭﺑﺤﻠﻢ ﺑﻴﻪ
ﻗﺪﺍﻡ ﻋﻴﻮﻧﻲ ﻣﻌﺎﻙ ﺑﻼﻗﻴﻪ ﻣﻦ ﻗﺒﻞ ﺣﺘﻲ ﻣﺎ ﺍﻓﻜﺮ ﻓﻴﻪ
ﻛﺎﻥ ﺣﻠﻢ ﻏﺎﻟﻲ ﻭﺑﺘﻤﻨﺎﻩ ﻭﺍﺩﻱ ﺍﻟﻨﻬﺎﺭﺩﻩ ﻣﻌﺎﻙ ﻋﺎﻳﺸﺎﻩ
ﻓﻲ ﻋﻴﻮﻥ ﻛﻞ ﺍﻟﻨﺎﺱ ﺷﺎﻳﻔﻪ ﺑﺲ ﺍﻟﻠﻴﻠﻪ ﺩﻱ
ﺍﻧﺎ ﻃﺎﻳﺮﻩ ﻣﻦ ﺍﻟﻔﺮﺣﻪ ﻛﺪﻩ ﻭﺍﻧﺎ ﻻﺑﺴﻪ ﺍﻟﻄﺮﺣﻪ
ﻣﺎ ﺗﻘﻮﻟﻲ ﺍﻳﻪ ﻓﻲ ﺍﻟﻌﻤﺮ ﺍﺣﻠﻲ ﻣﻦ ﺍﻟﻠﻴﻠﻪ ﺩﻱ
دخل يوسف وقام الطرحة وباس على امل فى جبتها بحب وحمد وشكر لله كبير وبعدها قدم بوكي الورد وقعمز جنبها
يوسف ،،،، عارفه انك غزالة واحلا من اي يوم عارفة اني اسعد انسان فى العالم لانك وليتي حلالي
امل ،،، وعارف انك تعبتني هلبا بس فى الاخير قدرت ننتصر بيك وقدام هالعالم لتشوفه فيه كله
يوسف ،،، ربي يخليك ليا ي فرحة عمري انتي
امل ،،، ويخليك ليا ي كل عمري انت
وهكي كانت هالليلة على يوسف وامل واماني ومحمد
من اجمل الليالي يعني كل واحد فيهم قدر انه يفوز بحب الثاني رغم كثرة المشاكل ورغم كمية البعد لكانت بينهم بس قدروا وبفضل من الله انهم يكونوا لبعض
بعد سنه ونص
محمد ،،،، عارفه ي امل الولد هذا نسخه من يوسف
يوسف ،،، حتى انا بوه ههههه
امل ،،،، وشن الجديد يعني من كثر حبي فيك باش تشوف جي ولدك نسخه منك
اماني ،،،، لكن ي امل بنتك هاذي نسخه منك
يوسف ،،،، ههههه باش تشوفي قداش نحبك
امل ،،،، ما اسرعك الصراحة
محمد واماني ،،،،، هههههه انتم وله مستحيل تتغيروا
يوسف ،،،، لكن وله ولدك هذا ي محمد شكله حاط عينه على بنتي
اماني ،،،، هههههه من زيه ي حنه
الكل ،،،، ههههههه
^^امل كانت خايفة انها ما تجيب بس ربي رزقها بتوم ولد وبنت شوفتوا قداش رحمة ربي كبيرة
^^النهاية
