رواية وفرقتنا الايام الفصل الخامس عشر 15 بقلم ميمو مصطفي
حلقة 15
سهيلة بتتكلم في التليفون : اعمل ايه يا ماما شكلي هطلع من كل حاجةام سهيلة ميرفت :لا اعملي اي حاجة بس اوعي تخرجي من الفيلا اوعي
سهيلة بخبث : ومين قالك اني هطلع منها
ميرفت بضحكة شريرة :ايوا كدا عايزاكي تبقي ناصحة زي مامتك
سهيلة : هخليكي تسمعي خبر حلو اوي قريب
( في شركة الحديدي )
مهاب : انا لازم اتجوز سما في اقرب فرصة لازم تبقي معايو مبقتش قادر ابعد عنها
سيف :باذن الله ربنا يجمعكم في الخير وسيبك بقي من الذنب اللي انت مشيلو لنفسك دا
مهاب : اااه والله يا سيف حاسس بذنب جدا حاسس اني انا اللي فرقت مرات اخويا من اخويا بس اللي مستغربلو انه كان فرحان جدا ودا كان باين عليه اوي
سيف :معرفش ليه مش مستريح لمرات اخوك دي
مهاب بزعيق : سيف مسمحلكش انا بحذرك اول واخر مرة اسمعك بتتكلم كدا تاني
سيف : مهاب انا مقصدش والله
مهاب بعصبية سابه ومشي : تقصد ولا متقصدش انا ماشي
( في بيت سما )
سما بفرحة : مريم انا فرحانة اوي
مريم بفرحة لاختها : ربنا يفرحك كمان وكمان احكيلي ايه اللي حصل
سما : انا اكتشفت اني بحب مهاب جدا وهو كمان بيحبني فوق الخيال
مريم بهزار : وايه الجديد ماحنا عارفين انكم بتعشقو بعض
سما : لا انا كل يون بكتشف حبنا لبعض اكتر واكتر تعرفي يا مريم انا حاسة ان مهاب دا عوض ربنا عن كل القرف اللي شوفتو قبل كدا انا حاسة كاني لاول مرة اتخطب عمري ماحسيت كدا خالص مع احمد بجد مهاب دا حاجة تانية ربنا ما يحرمني منك ابدا
مريم بتذكير :صح احمد راح انهاردة لبابا الشغل
سما بعدم فهم : راح ليه يعني
مريم بضحك : بابا كان بيحكي ييقول قال كان عايز يرجعلك
سما بخنقة : هو ايه مش بيزهق من ام الاسطونة المشروخة دي
مريم : دا مريض
( في فيلا الحديدي )
( سهيلة قاعدة في الجنينة منتظرة مهاب واول ما لمحته فضلت تعيط )
مهاب بستغراب : قاعدة كدا لية يا سهيلة وفيكي ايه بتعيطي ليه مين زعلك
سهيلة وبتمثل العياط و بتشهق : لا لا م ممم فيش حاجة متشغلش بالك انت يا مهاب
مهاب بخضة :ازاي مشغلش بالي يا سهيلة انتي زي منة ومرات شريف اخويا وابويا قولي مالك احكيلي
سهيلة في بالها ( زي منة لا انا مش هبقي زي منة انا هبقي زي سما ) : مش عايزة اشغلك بي مشاكلي يا مهاب انت مش فاضي عندك مسؤليات وخطيبتك مش فاضيلي
مهاب : احكي بس متقلقنيش عليكي
سهيلة بتمثل البكاء اكتر راحت رامت نفسها في حضنة : انا تعبانة اوي يا مهاب نفسي اموت نفسي تعبت جدا بعد شريف الدنيا كلها جت عليه مش عارفة اعمل ايه ولا ارضي مين
مهاب بحزن : في ايه بس مين جي عليكي
سهيلة بشهقة : ماما وبابا كلموني انهاردة وقالولي مينفعش تبقي موجودة في الفيلا وفيها شاب متجوز وانتي شابة والناس هتتكلم وقالو لازم تيجي امريكا
مهاب : انا ممكن اسيب الفيلا عادي انا كدا كدا هتجوز هاخد اي مكان برة لكن دا بيت جوزك وابنك وانتي لازم تبقي موجودة
سهيلة في بالها
الله يخربيت كدا تمشي ايه بس ) لا هما مش عايزني افضل في مصر كدا وانا ارمله من غير رجل بابا بيقول ان جيابلي عريس ولازم اتجوز لان معندناش حد يعيش لوحدو من غير رجلمهاب بستغراب : عايزين يجوزوكي دلوقتي وجوزك لسة مكملش حتي شهر
سهيلة بارتباك : لا طبعا لمل اكمل العدة بس يعني هما بيعرضو عليه الفكرة
مهاب :وانتي ايه رايك
سهيلة بدموع تماسيح : لا طبعا انا لو عليه عمر مافي راجل يدخل حياتي بعد حبيبي شريف ابدا بس هما قلقانين عليه وعايزين يطمنو عليه وانا محتارة ما بينهم وما بين ماما الفت والبيبي ومبين ذكرياتي مع شريف في الفيلا وسافري امريكا
مهاب في حيرة : انابصراحة مش عارف اقولك ايه بس كل اللي انا طلبو منك لو اهلك كلموكي تاني قولولهم انا جيلي عريس
سهيلة بابتسامة صفرة وبعدين دموع تماسيح : اي اي ايه اللي انت بتقولو دا انت عايزني اتجوز غير شريف واخرج من الفيلا وذكريات شريف لا لا مكنش العشم انا اجيب لابني جوز ام يعذب في
مهاب : مين قال كدا انا استحالة اجيب لابن اخويا جوز ام مهما كان
سهيلة بخيث : ومال ازاي اقولهم كدا
مهاب بسرحان : قوليلهم كدا بس و هتعرفي بعدين
( في غرفة منة )
( منة بتتكلم في التليفون )
سيف بحب : حبيبتي انا عايز اشوف ابتسمتك بقي وحشتني فين هزارك
منة بابتسامة : والله بحاول اخرج من اللي انا في
سيف : طيب اثبتيلي
منة بعدم فهم : اثبتلك ازاي طيب
سيف بحب : اثبتيلي بي حاجة من حبك الجميل يعني انا بعشقك يا منة بحبك فوق الخيال وعايزك بقي تبقي معايا في اقرب وقت يالا اثبتي
منة بضحكة : مش محتاجة اثبت قد اية انا بعشقك انت اللي مصبرني علي كل شي انت اللي بتقدر تخليني اضحك رغم كل الوجع والحزن اللي جوايا
( في بيت سما )
سليم بيكلم سمية : احنا كدا مش عارفين هيعملو ايه في الخطوبة عدا اسبوعين واكتر علي موت اخو ومحدش اتكلم في حاجة
سمية : برضو يا سليم لسة مجروحين اكيد شوية وهيفتح الموضوع
سليم : ان شاء الله ربنا يسهل ويصبرهم
€في فيلا الحديدي £
مهاب في غرفته عمال رايح جاي ودماغة دماغو هتنفجر من التفكير مشيل نفسة ذنب مرات اخو وشيل هم ان اي حاجة هيعملها هيشيل برضو ذنب سما )
( جري مهاب مسك الفون واتصل علي سما )
مهاب بحب : الو ازيك يا عمري وحشتيني اوي
سما بابتسامة : الحمدلله يا حبيبي وانت وحشتني جدا وفي كل ثانية بتوحشني وببقي عايزة اسمع صوتك في كل لحظة وكل ثانية مش عايزاك تغيب عن عيني ابدا خليك جنبي يا مهاب اوعي في يوم تغدر وتسبني انا ممكن اموت الا انت
(مهاب سمع كلامها دا غمض عينه بالم ومش قادر يطلع اي حاجة من اللي عايز يصرحها بي )
مهاب : سما وانا بحبك اووووي ومقدرش استغني عنك انتي حياتي وروحي ومينفعش حد يعيش من غير روحه صح
سما : انت كنت فين من زمان ليه مظهرتش من زمات ليه محبتنيش كدا من زمان نفسي اعوض كل اللي فاتني من غير دلوقتي نفسي مضيعش لحظة بعيدة عن حبك مش عايزة يبقي في زعل عايزة حياتنا كلها تبقي حب في حب وبس وانا اوعدك دلوقتي وبعد جوازنا هخليك اسعد رجل في الدنيا
مهاب بحب : وانتي كان فين حبك دا من زمان ليه كنتي بتخبي مشاعرك ليه يا سما ليه سما انا عايز اتجوزك انهاردة قبل بكرة نفسي تبقي انتي اول حد في حياتي كلها اول حب واول زوجة
سما بهزار : طبعا انا اول حب وهبقي اول زوجة ولا ميكونش ناوي تخليني التانية ولا ايه
مهاب بيمسح علي وشه : ولو دا حصل هتعملي ايه وايه هيبقي رد فعلك
السادس عشر من هنا
