رواية صبر عاشقة الفصل الثاني عشر 12 بقلم روما
بر عاشقة 12
عادل.. حاجة إيه
ليلى.. انت قولت لحد على موضوع ان البعثه اتلغت
.. لا لسه اشمعنه
.. بص بلاش تقولهم تعالى ناخد الفلوس ونسافر وبعد شويه نرجع نقول إتلغت ونبقى قضينا كام يوم سفر
.. لا طبعا ايه اللى بتقوليه دا
بعصبيه.. خلاص روح قولهم خليه بقى يقولك مفيش جواز واصبر اما تشتغل ولا تعمل مستقبل وبدل مانبقى مع بعض نقعد سنه ولا اتنين على ماتدور على شغل وتستقر مش كدا
.. إمممم تفتكرى كدا
.. ايوه ياحبيبى إنت مش عاوز نكون مع بعض بقى
.. عاوز جدا
.. طب خلاص بقى ولا كأن حاجه حصلت وفرحنا على ميعاده بعد شهرين
.. خلاص تمام هستناكى النهارده
.. اوك حضرلى بقى ألف جنيه علشان إشتريت بيهم هديه للعرسان
.. هديه إيه
.. لما أجى هقولك بااااى
.. وعليكى الباى
،، ـــــــــــــــــــــــ،،
إستيقظ من إحدى غرف النوم الإضافيه ليخرج بالردهه لم يجدها سمع صوت للأطباق إتجه للمطبخ ليجدها تعد الطعام تتحرك وتتدندن كأنها لم تقضي ليلها باكيه يتعجب كثيرا من سرعة تحول مزاجها إقترب
.. صباح الخير
.. ياعم خضتنى إعطى إنذار صباحك فل
بإبتسامه.. بتعملى إيه كدا
.. بص عملت لك فطار على السفره وحاليا بجهز للغدا
.. فطار ايه وغدا ايه فى عروسه تقف تطبخ كدا تعالى معايا
، أمسكها من يدها ليجذبها ولكنها سحبت يدها منه وبنبره هادئه
.. بس أنا مش عروسه
.. إبتلع غصة كلمتها بحلقه كيف كان بهذه القسوة أين كان عقله عندما فكر بأذيتها
.. طب ياستى ممكن تخرجى تفطرى معايا
.. سبقتك
.. تعالى إقعدى معايا على الاقل وانا بفطر
.. معلش افطر انت وهشرب معاك القهوه
.. لا خلاص اعملى القهوه مش هفطر
.. لا لا دا أكبر غلط القهوه على معده فاضيه
.. بتخافى عليا
.. ها.. أنا..
.. إنتى إيه
،، إقترب منها لم تعد المسافه الفاصله سوا سنتيمترات قليله قربه يزيد توترها ضربات قلبها تتراقص.. يعشق هذا التأثير،،
..إنت بتحاول تعمل إيه
.. يعنى إيه
.. ليه عاوز تثبت انى ضعيفه وان مش هقدر على بعدك وان قربك بيبدل كيانى ليه شيفاك مستمتع بأذيتى ومستكتر عليا ان أبقى جامده وقادره اواجه
،، تحولت إبتسامته للحزن،،
.. ليه بتفكريها كدا ليه ماتقوليش انى بكون مبسوط وانا قريب منك بكون مطمن ان شايف الحب فى عينك ليه حطانى فى مكانه مش عاوزه تغيريها
.. يااااه بتسأل كأنك مجنى عليك مش جانى شهرين قبل ما نتجوز عيشتنى فيهم اهتمام ودلع وفسح وكلام حلو كنت بسال نفسي ليه عمرك ماقولت بحبك رغم انك دايما تمدحنى وتقولى وحشتينى ليه الكلمه دى بالذات ماقولتهاش قولت اكيد مش هيقولها غير لما يتأكد كفايه بشوفها فى عينه
بإبتسامه.. بجد ياجنه يعنى انتى شوفتى فى عينى الحب دا
.. بثبات.. اممم ودا أثبت لى حاجه مهمه
بنظرة أمل.. ايه
.. انك ممثل بارع
تركته وانصرفت ليعض على شفتيه.. منك لله ياعادل انت وشاهين اللى معرفوش فى ساعه واحده
،، ـــــــــــــــــــ،،
عادل.. ماما اعملى حساب ليلى ومامتها على الغدا
زينب.. امممم وماله ماشوفتش واحده كل شويه تروح بيت خطيبها زى ليلى
عادل..ماما انتى لسه خاربه على رشا امبارح بلاش انا كمان بقى
بانفعال.. تقصد ايه انا خرابة بيوت انا بخرب عليكم دى أخرتها ياعادل
.. أومال تسمى اللى عملتيه دا إيه حرام عليكى عمرك ماهتلاقى حد يحبها زيه
.. حب الحب دا ياأخويا للى زيك اشبع بيه انا بنتى لازم تتهنا وتعيش حياتها
.. ووافقتى عليه ليه من الأول
.. أهو لقيتها متعلقه بيه ومعجبه بطريقته قولت أسيبها تجرب والوقت تفوق
.. للدرجه دى هو مش فارق معاكى
.. جاى طمعان فينا وهيفرق معايا
.. مفيش فايده أبدا
.. قوم قوم بلاش عواطف فارغه إدخل صحيها على ما اتصل بالعرسان ينزلو يتغدو معانا
.،، ـــــــــــــــ،،
فارس.. احم ااا ماما بتقول هننزل نتغدا معاهم
جنه بتفكير كأنها تخطط.. وااااو اوووك بس كان أهلى جايينعلشان يباركو لنا
.. كويس يشرفوناعلى الغدا
.. ربنا يسهل هقوم اكلمهم
، ـــــــــــــــــــ،
عادل.. رشاااااش
......
.. يابت ردى عليا متنحه فى الشباك كدا ليه
.. عاوز ايه
.. مالك زعلانه ليه مش دا قرارك
،، صامته تنظر للفراغ،،
.. يابنتى مالك بس
.. بعد كل دا باعت لى اكل
.. احم ايه دا مين.
.. مفيش حد بيطلب لى الأكل دا غيره يا عادل
.. يمكن طلب لك الاكل ويمكن لسه بيحبك بس الاكيد انه هيبعد والأكيد انه زهق
، وقف ليعدل من هيئته،
حصلينى برا علشان الغدا
.. ماشي
،، ــــــــــــــــــــــــ،،
زينب.. نورتونا ياعرسان والله
جنه.. نورك ياست الكل
فارس.. نورك مغطى على الكل يا أم فارس
عادل من خلفه.. فارس بس وعادل فين يااخويا
فارس.. بس ياض انا الكبير
جنه.. عن اذنكم هدخل لرشا
زينب.. وانا هشوف اللى على النار
بعد انصرافهم
فارس.. تسلم على الواجب بتاع امبارح
عادل..انت تأمر يا ابو الفوارس.. عاوزك فى سر
فارس.. فى دير
.. دير انت بتقلش يا فارس يادى الهنا دا الجواز بيفوك والعروسه ظبطتك
.. لكمه قويه قى صدره.. إتلم يازفت بدل ما ألمك
..اااه خلاص خلاص اسمع بجد البعثه اتلغت
..وضع يده على فمه مسرعا ليمنعه من اكمال حديثه
..هشششششش حد عرف
حرك راسه يمينا ويسارا لينفى السؤال
..انزل يده..اوعى حد يعرف
..ايه دا انت كمان
..انا كمان ايه
..اصل ليلى قالت كدا
..انت مش بتقول مفيش حد يعرف
..هى ليلى حد هى اقترحت الصراحه أسكت واسافر شهر عسل ولما نرجع ابقى اقول اتلغت بعد مارحت
..رغم نيتكم الزباله بس انا معاك فى القرار دا ومصاريف شهر العسل هديه منى
..يعنى انت مش زعلان دبستك فى الجوازه فى الفاضي
.. يمكن دا الحاجه الوحيده الحلوه اللى عملتهالى فى حياتك
.. ــــــــــــــــــــــــــــــ..
رشا.. أنا عارفه إنى غلطانه ياجنه وعارفه إنى ماشيه وراها دايما بس هى دايما كان عندها حق زمان لما كانت تقولى ابعدى عن البنت دى او تصاحبيها يطلع فى الأخر معاها حق لما أجى أجيب هدووم على ذوقى تقعد تقولى وحش ويطلع معاها حق.. سلمت لها القرارات بعد كدا سيبتها هى اللى تختار بقى خايفه أعارضها يطلع برضو معاها حق وبعدين هى بتحبنى اوى وبتعمل لى كل حاجه حلوه يبقى ازاى ابيعها او ازعلها
.. مامتك للأسف حبتك الحب المرضي اللى فقدك الثقه فى نفسك وخلاكى معتمده عليها فى كل حاجه وخايفه حتى تعارضيها
.. ماما بتحبنى
.. انا ماقولتش إن ماما بتكرهك بالعكس دى حبتك زياده عن اللزوم بصى ياحبيبتى إنتى مش صغيره واكيد عارفه كمان ان وليد بيحبك لازم تفهمى إنك شخص مستقل بذاته ليكى حرية إختيار حياتك
.. مش عارفه ياجنه ايه الصوت اللى برا دا هى ليلى جت
.. مش عارفه بس دا صوتها
.. يوووه ناقصه خنقه
.. يابت عيب كدا دى بنت عمك ومرات اخوكى
.. طب قومى نطلع لها وانتى هتشوفى فقع المراره ربنا يستر وما أطلعش اللى فيا فيها
.. طب إسمعى منى الكلمتين دول قبل ماتخرجى
المرض نصيب
والعلاج قرار
والزواج نصيب
والطلاق قرار
ووجود أشخاص بحياتك نصيب
والاحتفاظ بهم قرار
فإن لم تكن تمتلك النصيب
فأنت تمتلك القرار
عيوب الجسم يسترها متران من قماش
ولكن عيوب الفكر يكشفها أول نقاش
ليست الأمراض فَي الأجساد فقط
بل فيِ الأخلاق أيضا..
لذا إذا رأيت سيّءَ الخلق
فَادعُ لهُ بِالشفآء
واحمد الله الذي عافاك ممآ ابتلاه
” مخلوقون من ” نطفة "
” وأصلنا من ” طين "
” وْأرقى ثيابنا من ” دودة "
” وْأشهى طعامنا من ” نحلة "
” ومرقدنا تحت الأرض ” حفرة"
سبب المشاكل
و قطع العلاقات
وشحن النفوس
*"هو نقل الكلام"*
ونحن ما بين
مقصود لم يفهم
او
مفهوم لم يقصد
عجيب من يجد لنفسه عذرا في كل شيء
ولا يعذر الناس في اي شيء!
أجمـل سرقـة هـي
سرقـة القلـوب بطـيب الأخـلاق
الفراشة رغم جمالها : حشرة
والصبار رغم قسوته : زهرة
فلا تحكم على الناس من أشكالهم
بل احكم عليهم بما تحتويه قلوبهم
كن منّ تـكون
*فَاليوم تمشي وغداً مدفونّ*
اهتمامنا شديد جداً بمسمّياتنا في الدنيا *بروفيسور..دكتور.. مهندس..معلم..*
لكن!
ماذا أعددنا لمسمّياتنا في الآخرة .؟!
*الصائمون القائمون*
*القانتون المتصدقون*
*الراكعون الذاكرون*
سؤال يستحق التأمل
آكثروا من التفكير في قوله تعالى:
*( ياليتني قدمتُ لِحيَاتي )*
افعل الخير مهما استصغرته فلا
تدري أي حسنة تدخلك الجنة..
١ . لما كان موسى عليه السلام
يسري ليلاً متجهاً إلى النار يلتمس شهاباً قبساً . .
لم يدر بخُلده وهو يسمع أنفاسه المتعبة أنه متجهٌ ليسمع صوت رب العالمين
*فَثِق بربك*
٢ .طرح إبراهيم ولده إسماعيل
عليهما السلام
واستلّ سكينه ليذبحه ..
وإسماعيل يردد : افعل ما تؤمر
وكِلاهما لا يعلم أن كبشاً يُربى بالجنة
من 500 عام تجهيزاً لهذه اللحظة
*فَثِق بربك*
٣ .لما دعا نوح عليه السلام ربه :
" أني مغلوب فانتصر"
لم يخطر بباله أن الله سيغرق البشرية لأجله
وأن سكان العالم سيفنون إلا هو ومن معه في السفينة
*فَثِق بربك*
٤ .جاع موسى عليه السلام وصراخه يملاء القصر
لا يقبل المراضع الكل مشغول به
*آسيا . . المراضع . . الحرس . .*
كل هذه التعقيدات لأجل قلب امرأة خلف النهر مشتاقة لولدها رحمة ولطفاً من رب العالمين لها ولإبنها
*فَثِق بربك*
٥ .أطبقت الظلمات على يونس عليه السلام
واشتدت الهموم . . فلما اعتذر ونادى :
*( لا إله إلا أنت سبحانك إني كنت من الظالمين )*
قال الله تعالى :
" فاستجبنا له ونجيناه من الغم"
*فَثِق بربك*
٦ .مستلقٍ عليه الصلاه والسلام
في فراشه حزيناً ماتت زوجته وعمه . .
واشتدت عليه الهموم . .
فيأمر ربه جبريل أن يعرج به إليه
يرفعه للسماء . .
*فَثِق بربك*
٧ .لما أخرج الله يوسف عليه السلام
من السجن لم يرسل صاعقة تخلع باب السجن . .
ولم يأمر جدران السجن فتتصدّع . .
بل أرسل رؤيا تتسلل في هدوء الليل
لخيال الملك وهو نائم
*فَثِق بربك*
*ثق بربك*
وارفع أكف الخضوع والتضرع
واعلم أن فوق سبع سماوات
رب حكيم كريم
نحن قوم إذا ضاقت بنا الدنيا
اتسعت لنا السماء فكيف نيأس ...
*تستحق التأمل*
اليوم يقبل منا مثقال ذرة
وغدا لن يقبل منا ملء الأرض ذهبا ..
انتى مسلمه وعارفه دينك فكرى كويس
..ايه يابنتى الكلام دا كله انا موضوعى كبير للدرجه دى
..ههههههه يلا نخرج يالمضه
،، ــــــــــــــــ،،
يجتمع الجميع قبل الغداء بعد حضور أهل جنه والسلامات
عادل هامسا.. البت شهد دى حلوه اوى
فارس.. الله يخربيتك ليلى قاعده دى اخت جنه يعنى زى اختى اتلم
.. ياعم هو انا قومت خطفتها انا بقول رأيي
.. تحب أنادى ليلى نشوف رأيها
.. احم منورين ياجماعه والله
زينب.. دا إحنا فرحتنا بجنه ما تتوصغش والله
سهير.. ربنا يديم المعروف
فكرى.. قوم ياصابر سيبك من اللمه دى تعالى نلعب الشطرنج بتاعنا على مايحضرو الغدا
.. صابر.. على رأيك يلا بينا
ليلى.. وانتى عامله ايه ياجنه
جنه.. الحمد لله ياحبيبتي
عبير بخبث.. مش هتورى جنه جبتى لها ايه يالولا
ليلى بإبتسامه صفراء.. أه طبعا
،، قامت من مجلسها للتجه للهديه لتقوم بفتحها وتقديمها لجنه بإبتسامه تعنى الكثير والكثير
ليلى.. بصى بقى ياقمر انا قولت انا اكيد مش هبقى هنا لما يجيلك نونو هبقى مسافره انا فقولت أجيب لك بوكس البيبى
.. ابتسمت جنه لتدارى وجعها لكن هناك من استشاط غصبا منها ومت اخيه
هامسا بغيظ لأخيه.. قولت لها ماشي لنا قاعده
،، اتجه الى جنه ليضمها اليه.. متشكرين اوى ياليلى.. وبنظره وابتسامه ذات مغزى ردا للصفعه.. بس أعتقد إنك هتبقى هنا والبيبى جاى
تحولت نظرتها الغاضبه ل عادل كأنها تخبره ان قتلك الليله فقد علمت من نظرة فارس انه يعلم بشان الغاء البعثه
الباب
عادل.هاربا من نظرات الجميع.. طب عن إذنكم أفتح
ايوه مين.. ايه دا لارا
