recent
روايات مكتبة حواء

رواية اتعبتني ولكن (امل ويوسف ) الفصل الحادي عشر 11 بقلم يوتة

 رواية اتعبتني ولكن (امل ويوسف ) الفصل الحادي عشر 11 بقلم يوتة

لحلقة (11)

عند يوسف واماني
يوسف ،، افتحي الباب انا المفتاح ناسيه الداخل
اماني ،، وانا نسيته اليوم هي انطق ع امي و وخلاص
طق طق
ونفتح الباب بس هنا كانت الصدمه
اماني علي طول شافت ل يوسف بخوف اما يوسف عصب لدرحة معاش شاف شئ قدامه وع طووول امشي يجري لسيارته واماني امشت تجري في جرته تبي تحاول تهدي بس للأسف يوسف ركب في سيارة وطلع بأقصي سرعته
اما أماني إكتفت بالدموع وانهارت ع خوها وبعدها جي في بالها الشخص لكان السبب في هذا كله رجعت للحوش بكل غيضها .

أماني،،، شن تبي انتي ليش جايه هنا وبأي عين تجي اصلا ؟؟
عجبك لصار توا اهو طفشتي خوي حسبي الله ونعم الوكيل فيك يعني مش ساد لدرتي من قبل جايه وبكل عين وقحه وتكملي خرابك ؟؟
البنت ،،،..............؟؟
أماني ،،، احكي إنكلم فيك ولا القط اكل لسانك انا مش عارفة اصلا كيف امي سمحت لوحدة زيك تدخل لحوشنا
ولا تحسابي بشوية دموع تظاهري بيها راح نقدر ننسي انا وخوي شن درتي انتي واهلك فينا ؟؟
البنت ،،، ...................؟
اماني ،، أي أي ابكي هذا ماش فالحه انتي اصلا غير في الدموع
بس ولا راح تتحركلي شعره من ناحيتك لأنه وقت قبل تغير ي ماما
وتوا ابعدي من قدام وجي كلامي مش معاك اصلا ؟؟
ودفت اماني البنت ومشت تنادي في امها تبي تفهم منها شن صار ؟؟
أماني ،، امي ي امي تي وينك شن جيب هالبنت هنا ؟؟
وكيف ي امي كيف كيف تسمحي لبنت زي هاذي تتدخل ل عتبت حوشنا ؟؟
قوليلي كيف وانتي عارفه شن جانا من وراها ؟؟
أم اماني ،، غير هدئ نفسك ي بنيتي واسمعي مني قبل .
اماني ،، ههههه نهدئ أنتي ل تطلبي مني نهدئ ي امي
تي كيف قوليلي كيف بنهدا وهالبنت في وسط حوشنا كيف ؟؟؟
معقوله وبعد كل لصار وبصحة وجه جايه لعندنا ليش مش سادها لدارته فينا ؟؟
خوي ضاق الويل في سباها وانا سمعتي لعبت فيها هي و امها وغيره وغيره هلبه
هذا كله تقوليلي إهدي تي كيف بنهدا قوليلي كيف بس ؟؟؟
ساميه ،، غير اسمعي ي اماني وبعدها احكمي ؟
اماني ،، حاليا وانا في الوضع هذا مش راح نسمع شئ
ومشت اماني لدارها وهيا معصبه هلبه وزاد تعصيبها وقت تتصل ب يوسف وما يردش عليها .

البنت ،، سامحيني ي عمتي كل شئ صار بسببي بس انا والله ما كنت نبي ايصير هكي اهلي هما السبب
وانا اليوم جايه وطالبه حمايتك منهم
تخيلي ي عمتي بوي يبي يزوجني ل واحد قد عمره و وقت ارفضت شوفت عينك كل جسمي اثار ضرب والشئ ليقهر ي عمتي امي اموافقة يعني انا وين بنمشي بعد كل لصار ماقدرت إلا نهرب عندكم بالله سامحيني مش قصدي انزعل
اماني منك ولا حت انطفش يوسف من الحوش .
ساميه ،، شن بنقول ي بنيتي ربي يهديك ويهدي اهلك معاك’
ما تخافي راح نحطك في عيوني اما اماني ويوسف صعب يتقبلو وجودك لذلك اتحملي //
البنت ،، راح نتحمل ي عمتي ونتمني لو نقدر انصلح كل شئ ؟؟
ساميه ،، ان شاء الله خير وخلاص .

طبعا متشوقين تعرفو من هالبنت حاضر راح نحكيلكم !!!
""
هالبنت اسمها مروة م 97 وتكون حبيبة وخطيبة يوسف وفي الوقت نفسه بنت عمه يعني هالبنت كانت كل شئ في حياة يوسف وكانت قريبة من اماني لدرجة كبيرة بس لصار كان زي الصدمه ل يوسف واماني

" قبل سنتين " كان كل شئ تمام بينهم وفجأة توفه والد يوسف ف العلاقة بدت تتوثر بشوي بشوي لعند ما صار لصار
بعد سنه من وفات والد يوسف المشاكل بدت تزيد بين اهل مروة واهل يوسف بخصوص موضوع الورثة لدرجة
وصلت بينهم حت للمحاكم وبعد لصار مروة تخلت عن يوسف بأمر من أهلها
وبعد ما طلع قرار المحكمة لصالح يوسف زادت المشاكل اكثر واكثر
عيلة مروة ما رحموا اهل يوسف بكل ووصلت بيهم يشوه سمعت اماني وما يخلو ما يقولو عليها
ومن يومها لا يوسف وصل في مروة ولا مروة وصلت في يوسف ؛
غلطت مروة كانت واقفة مع غلط اهلها ومش هكي وبس كانت امشاركه في كل شئ ولكن العتب مش عليها علي اهلها ل كانوا ضد ناسهم علي خاطر وسخ أيادي //

أماني ،، ياربي هالولد وين إمشي كيف راح نوصل فيه توا بس والمشكلة مايردش عليا ؟؟
زعما نتصل ب أمل نحكيلها بس نخاف تصير معاها حاجه وهي ماتتحمل ؟؟
اوووف ياربي شن بندير بس ؟؟
وبعد تفكير قرارت تتصل ب محمد ........................؟؟
اماني ،، الووو محمد اسمعني نبيك في موضوع ضروري //
محمد ،، ان شاء الله خير //
اماني ،، يوسف ي محمد /
محمد ،، خيره ؟؟
اماني ،، ..................................؟
وحكتله كل شي ..
محمد ،، يستر الله توا نشوفه ع شط ولا في القهوة وكان صار معاي شي توا انقلك .
اماني،، به تمام نستنا فيك //

عند يوسف
كان مضايق ومهموم وحاس بشعور مش حلوو بكل
وفي الوقت لصار هذا كله احتار وين يمشي وبعد ما دار من شارع ل شارع ، جي و درس سيارته ع شط وحط راسه ع الدومان وقعد يفكر؟؟
فكره شاغل الماضي والحاضر , وفي باله مئة شي وشي //

يا رب ليش هكي قاعد يصير معاي ؟؟ معقوله كل مانحاول ننسي ونتأقلم تطلعلي من جديد
انا تعبت يارب ومعاش قادر نتحمل كل هذا ياااارب كون في عوني //

"" صعب يكون دورك القاسي بس الاصعب و قت يكون هالدور علي شخص كان يعنيلك هلبه
بس تصروفاته هي لجبراتك تكون قاسي ""

يوسف وقت زاد وضعه يسوء إتصل ب أمل ع طول ::

عند أمل
رقدة شوي بعدها ناضت كلت حاجة خفيفه ورجعت لدارها
وكان قلبا مش مرتاح بكل وفي نص تفكيرها إتصل يوسف //
أمل ،، الوو اهلين يوسف كيف حالك ؟؟
يوسف ،، الحمدلله كيف حالك انتي ؟؟
امل ،، انا كويسة بس انت متأكد إنك كويس ؟؟
يوسف ،، علاش شن في ؟؟
امل ،، لا واضح في شي شن صار احكيلي ؟؟
يوسف ،، مروة //
امل ،، خيرها ؟؟
يوسف ،، مروة عندنا ف الحوش //
امل ،، بجد علاش ؟؟
يوسف ،، والله ما نعرف اصلا انا وقت شوفتها ع طول دورت ورجعت ل سيارة ماعندي القدرة ولا حت جو نحكي معاها ؟؟
امل ،، يعني تعترف انك ما فرحت بشوفتها ؟؟
يوسف ،،، ....................؟
امل ،، ليش إسكتت فرحت صح ؟
يوسف ،، هوا مش فرح بس شعور نعرفش انفسره نحس قلبي فرح بيها بس عقلي ما إقتنع بوجدها /
أمل ،،، اممممممم مش عارفه //
به انتي وين توا ؟؟
يوسف ،، ع شط
أمل ،، به نعطيك نصيحه //
يوسف ،، شن ؟؟
أمل ،، روح للحوش ي يوسف واجه لصار معاك وما تهرب وين تعرف ممكن جيت هالبنت للحوش تثبتلك شئ انت كنت جاهله صدقني رجعت هالبنت فيها خير ليك //
يوسف ،، صعب ي امل عارف روحي لو رجعت بندير مشكله وانا عارف امي مش ناقصه
توا شوي ثانيه نتصل ب اماني نشوف لو روحت نرجع ونفهم شن صار ولو قعدة مش راح نرجع للحوش لين تطلع منه //
أمل ،، ع راحتك يوسف بس من راي ترجع هكي تريح امك وممكن تقدر تحل مشكلتك وين تعرف ؟؟
يوسف ،، غير اسمعي محمد جاي اهو شكله اماني قتله ع لصار خلي نشوفه وبعدها يصير خير //
امل ،، به وبالله فكر في كلامي /
يوسف ،، يصير خير ان شاء الله
امل ،، ان شاء الله سلام
يوسف ،، سلام

سكرت أمل من يوسف وع طول حست بضيق مش طبيعي بينما يوسف نزل من سيارة وقعد يحكي مع محمد
محمد،، تي زينك انت راجل ؟؟
اهلك مشغولين عليك !!
يوسف ،، اهو شوفتك عينك ي محمد قاعد اندور وخلاص //
محمد ،، اماني حكتلي ع لصار بس تصرف الهروب مش حل لازم ترجع للحوش وتواجه الموقف لصار
يوسف ،، صدقني صعب ي محمد انروح للحوش وهي موجودة فيه /
محمد ،، بس مش معقوله تخلي اماني بروحها تواجه الموقف وانت عارف إنها مش متقبله مروة نهائي /
يوسف ،، حي والله معاك حق إنسيت اماني من بالي خلي نتصل بيها اكيد مشغوله عليا
محمد ،، أي اتصل لانها في حالة والله وخاصه وقت تتصل بيك وما ترد زاد خوفها وتوترها /
يوسف،، ما رديت ع خاطر وضعي ما حبيت تشوفني هكي /
محمد ،، به حصل خير غير اتصل توا
يوسف ،، أي اهو نتصل

عند أماني
كانت قعدة في دارها وما طلعتش منها بكل ومع الافكار لشاغله تفكيرها وفي وسط خوفها إتصل يوسف
اماني ،،، وينك يوسف معقولة هكي تمشي وتسيب النار واللعه فيا ؟؟
وين إمشيت ؟؟ وخيرك ماتردش عليا ؟؟ و خيرك ما روحتش؟؟
تعاله يوسف بالله عليك مش قادرة نقعد ف هالحوش وهالبنت فيه //
يوسف ،، غير إهدئ شوي اماني حاضر توا نجي
انت بس خليك في دار وانا مسافة السكه ونوصل /
اماني ،، به حاضر نستنا فيك

يوسف صح ما كان ناوي يرجع للحوش بس وقت شاف ردة فعل أماني ما حب يخليها بروحها في هالموقف لذلك قرار إنه يرجع للحوش بالرغم من إنه البنت موجودة فيه //

محمد ،، خير ما درت ي يوسف وهي توكل انت توا وبعون الله ما يصير إلا كل الخير .
يوسف ،، ان شاء الله خير.

ومشي محمد للحوش بينما يوسف حت هوا رجع لحوشهم

عند أمل
كانت قعدة ع أعصابها ومش عارفه شن ادير
بعدها فكرة إنها تتصل ب أماني تعرف منها شن صار وفي نفس الوقت تطمن عليه

عند أماني
بعد ما تصل بيها يوسف إرتاحت شوي
وبعده بثواني اتصلت امل //
اماني ،، اهلين امل
امل ،، كيف حالك اماني ؟؟
اماني ،، كويسه
امل ،، متاكده
اماني ،، معناها عندك علم بيلي صار ؟؟
امل ،، أي وبالله امونه مادوري شئ .
اماني ،، ماقدرت ي امل تصدق من وقت شوفتها وانا في حاله وحت الدار ماقدرت نطلع منه لحت مايصير مشكله بيني وبينها //
امل ،، قصدك قعدة عندكم لعند توا ؟؟
اماني ،،أي عليك هم وخلاص
امل ،، به يوسف شن صار فيه رجع للحوش ؟؟
اماني ،، كنت انكلم فيه قال شوي ونجي .
امل ،، به الحمدلله اقل شئ يروح للحوش وديرو راي
اماني ،، ان شاء الله
اسمعي اهو شكله روح خلي نطلع انشوفه
امل ،، به ربي معاكم
اماني ،، ان شاء الله اموله

وسكرت امل من اماني وقعدة تفكر فيهم بينما اماني طلعت وفتحت الباب ل يوسف
وحضناته ع طول
اماني ،، به لجيت ي يوسف وحق ربي خوفت عليك مره ثانيه معاش تعاودها احنا شن اتفقنا مش قلنا راح نواجهو كل شئ مع بعض
يوسف ،، خلاص بطلي دموع اهو انا معاك مش راح انسيبك بكل ..
ساميه ،، الحمد لله ل روحت سالم ي ولدي والله اختك اعيت معاها شئ ماتبي تفتح الباب
يوسف ،، ولا يهمك ي غالية اهو انا رجعت
ساميه ،، الحمدلله
يوسف ،، أي ي امي علاش هالبنت عندنا ؟؟
ساميه ،، والله ي ولدي كان تشوف اهلها شن دايرين فيها يحن قلبك عليها
يوسف ،، خيرهم ؟؟
ساميه ،،ضاربينها مسكينه ويبو يزوجوها بالغصب /
يوسف ،، اها ورغم هذا كله ليش لحت تجي عندنا بأي صفه //
ساميه ،، لا ي ولدي البنت جايه وطالبه حمايتنا من المفروض ننسو لصار ونكونو معاها /
يوسف ،، بالله ي امي شن تقولي هالبنت خربت حياتي وقعدة إدافعي عليها ؟

وفجأة دخلت مروة وسمعت كل الكلام

اماني ،، اهي جت ام المشاكل
يوسف ،، خلاص اماني اسكتي وخليني انا نتفاهم معاها /
يوسف ،،، اوووو شوفو من عندنا مروة ي والله دنيا وخلاص بعد ما كنتي تدخلي للحوش واحنا فرحانين بيك اليوم داخله للحوش إصحابه مش طايقينك وكله صنع إديك علاش وكيف ربي بس يعلم معقولة ع خاطر فلووس إديري هذا كله ؟؟
مروة ،، اسفه يوسف بس لصار غصبن عني صدقني
يوسف ،، انا ما يهمني هذا كله بس بما إنك قعدة ف هالحوش راح تقعدي محترمه وما نبي مشاكل
ومع العلم لو جو اهلك ودارو دوشة ع طول راح تروحي بدون مشاكل ليا ولي اهلي فاهمه ي إستاذه ؟؟
مروة ،، اكتفيت بصمت وخلاص وفي بالها معاك حق تكون قاسي معاي لهدرجة ي يوسف

اماني ،، تعاله يوسف ما عليك منها
ومشت اماني هي ويوسف وقعدو يهدرزو وتجاهلو وجود مروة في الحوش
وفات النهار وجي الليل
يوسف كان قاعد في داره وحيران في كل يلي صار ومش عارف كيف راح يتصرف وفي وسط تفكيره
اتصلت امل
يوسف ،، اهلا اموله كيف حالك ؟؟
امل ،،، تي وينك انت من بكري نتصل ماترد ؟
يوسف ،،سامحيني امل إشغلت بالك عليا بس لصار كنت قاعد ونفكر في كل يلي صار وانه شن الحكمه من لقاعد يصير ؟؟
امل ،، ان شاء الله خير
شوفت مروة ؟؟ وحكيت معاها ؟؟
يوسف ،، احكيت ي امل بس بعنف تعرفي مش مصدق وقت كنت احنين عليها نولي قاسي هكي ؟؟
امل ،، الله غالب به يوسف حاول تهدرز معاها ف موضوعكم بلكي في شئ كان مجهول في يلي صار ؟؟
يوسف ،، ما اعتقد نقدر نحكي معاها
امل ،، به هي ليش عندكم ؟؟
يوسف ،، هاربه من اهلها ع خاطر يبو يجوزوها /
امل ،، لا حوله ولا قوة الا بالله العلي العظيم خيره الناس ولو هكي هذا ظلم والله
يوسف ،، تعرفي وجها كل خرائط وجعتني
امل ،، مزاال تحبها يوسف ؟؟
يوسف ،،...............؟
امل ،، ليش اسكتت ؟؟
يوسف ،، مش عارف ي امل
وفي وسط كلامهم جت مروة ل غرفة يوسف طقت الباب ودخلت
مروة ،، ممكن نحكي معاك شوي يوسف ؟؟
يوسف ،، شوي بس
امل ،، هاذي هيا ؟؟
يوسف ،، أي غير شوي بس ونعاودلك //
امل ،، به
سكرت امل من يوسف وهي مضايقة وزادت اضايقت اكثر ع خاطر وضعها كانت حاسه نفسها مش ع بعضها بينما يوسف قعد يحكي مع مروة

يوسف ،، تفضلي
مروة ،، اول شئ ياريت تسمعني للاخر ي يوسف وما تقص عليا /
يوسف ،، راح انحاول اتفضلي احكي
مروة ،، يوسف انا نبيك //
يوسف ،، شن تقولي انتي ؟؟
مروة ،،غير بالله اسمعني وما تقطعني //
أي انا نحبك ونبيك يوسف ولليوم قعدة نبيك صدقني يوسف مشاعري تجاهك كانت صادقة وكل يلي صار كان بسبب عيلتي ضربوني وغصبوني نكون ضدك ومن يومها انا ماريت فرح
استاحشتك يوسف وتمنيت لو رجع بيا الزمن كنت مانسيبك بكل بس الله غالب كنت صغيره وكان عقلي وتصروفاتي بيد اهلي وانا اليوم هاربه منهم وجاية ليك لاني نبيك تكون معا ي ديما ونوعدك يوسف اني راح نتغير وراح نكون افضل بس انت وافق تكون معاي انا عارفه انك مزال تحبني وانا نحبك صدقني يوسف انا اليوم مستعدة نوقف قدام العالم كله مش غير قدام اهلي بس المهم ما نخسرك لاني نبيك تعرف شن يعني نبيك نبي نكمل حياتي معاك
نبي نصلح من غلطي ونكون كيف ماتحبي وتتمني انا من اليوم انسانه جديدة ملك يوسف وبس
صدقني يووسف انا ما كنت نبي هذا كله واهلي هما لقالو وخططو لكل شئ وطول فترة غيابي عليك كانت جحيم وشوفت عينك كل يوم نتصبح ونتمسه ع الضرب والعنف بالله انت ارحمني يوسف وكون معاي مش ضدي
اانا والله مانبي فيك ولا في اماني وعمتي الا كل الخير
وتوا يوسف بعد سمعت كل شئ في يدك القرار تكمل معاي او نرجع للعنف ؟؟
احكي يوسف تقعدش سااكت //
يوسف ،،...............................................؟؟يتبع

google-playkhamsatmostaqltradent