رواية اتعبتني ولكن (امل ويوسف ) الفصل العاشر 10 بقلم يوتة
الحلقة (10)
""
عند اماني
اماني ،، يلا عااد احكيلي والله مافي مهرب ي يوسف إعترف ؟
يوسف،،، وووواك منك هوا بصراحه يعني مش عارف شن بنقلك لكن في شئ غريب نحس بيه ؟؟
أماني ،، كيف يعني ؟؟
يوسف ،، يعني من جهةة نفكر في الماضي هلبه ومش قادر مستوعب يلي صار نهائيا وفي نفس الوقت وقت نكون مع أمل نحس بنفسي مرتاح وفرحان هلبه يعني تقدري تقولي شعور ملخبط ومش عارف كيف نتأكد منه ولا حت كيف نتصرف ؟؟
خايف نخليها ع الأيام نكون انا الخاسر , وخايف لو خطيت خطوة يكون الوقت غلط وهكي نظلم البنت معاي
بصراحه محتار ومش عارف لوين بنوصل اصلا؟؟ أنتي لو في بالك شئ قوليلي بلكي نلاقي الحل ؟؟
أماني ،، ي روحي عليك ي خوي قداش ما داس من هم بس نقلك شئ خليها علي الأيام وخلاص ولكاتبه ربي ليك اكيد حيكون من نصيبك وين تعرف بلكي كل شئ يكون كويس بعد فترة ؟؟
يوسف ،، والله يااريت ي أماني بودي كل شئ يكون بخير
أماني ،، حيكون بخير بس أنت قول يارب
يوسف ،، ياااااااااااااااااااااااااااااااااااااارب
أماني ،، ايوه وهي توا نوض ارقد وريح نفسك وبعون الله حيكون كل شئ تمام
يوسف ،، وهوا هكي هي ليلتك سعيدة ونوضيني بكري غدوة لو نضتي
أماني ،، ان شاء الله تصبح ع خير
وبعدها امشت اماني قعمزت جنب امها شوي وبالها كله مع محمد بينما يوسف دخل لداره وقعد يتصفح في الفيس وبعدها خطر علي بالها يحكي مع أمل
عند أمل
بعد ماحكت مع محمد جت وكسدت مع أمال وفي وسط الحكي جاها مسج من يوسف
يوسف ،، نايضه ؟؟
أمل ،، اي ليش في حاجة ؟؟
يوسف ،، لا مافي شئ بس عادي لو حكيت معاك برتبة صديق مش إستاذ ؟؟
أمل ،، شن قصدك ؟؟
يوسف ،، قصدي خاطري ضايق ونبي نحكي مع حد وبعد ما فكرت لقيتك أنتي عادي لو حكيت معاك
بصفتي صديق مش استاذ ؟؟
أمل ،، اكيد تفضل
يوسف ،، شكرا ي أمل
أمل ،، بس قبلها بما إنك حتكون صديقي لازم تلغي كلمة شكرا وصحيتي من كلامك لأنه مافي شكر بيني وبين الناس لنعزها .
يوسف ،، يعني أنتي تعزيني أمل ؟؟
أمل ،، هههه توا إتجاهلة الكلام الاول كله وركزة في هالكلمة ؟؟
يوسف ،، هههه شريرة انتي
أمل ،، هههه عينك مش شريرة انا
يوسف ،، اكيد انتي طيوبه بس ما قلتيلي انتي نعزيني ؟؟
أمل ،، هوا مش هلبه لكن مبدئيا شوي صغيره
يوسف ،، هههه به حلووو
وهكي قضو أمل ويوسف الليل وهما يهدرزو ع بعض ، وبعد طول الحكي رقدو وفات اليوم بكل ما فيه
وجي يوم ثاني وكان يوم عادي ز ي اي يوم وفات النهار بنفس الروتين وجي الليل
عند أمل
كانت مكسدة بعدها خطر ع بالها تتصل ب أماني وتشوف شن صار معاها
عند أماني
كانت مكسدة وتفكر في موضوعها مع محمد وفجأة قص تفكيرها إتصال أمل
أماني ،، اهلين كيف حالك اليوم ؟؟
أمل ،، الحمدلله وكيف حالك انتي ؟؟
أماني ،، كويسه
أمل ،، اي وينك ي معفنه هذا غير بتردي عليا ؟؟
أماني ،، اسكتي بالله قعدة نخبط فيها في راسي مره نقول نتوكل ومره نقول مزال مش عارفه الحق ؟؟
أمل ،، اممممم مشكلة هكي به خوك شن قلك مش قلتي بنشاوره ونشوف رده ؟؟
أماني ،، شاورته وقالي تصرفي كيف ما تشوفي مناسب وهوا مع إني نعطي فرصه لتعارف بينا .
أمل ،، بجد قصدك ما أعترض ولا دار مشكله ؟؟
أماني ،، بلعكس كان متفهم معاي لي ابعد حد ,
أمل ،، به حلوو
وهنا امل زاد إعجابها ب يوسف وحبة طريقة تفكيره وتفهمه
أماني ،، اي امل إنقلك حاجة إعطي إيميلي ع فيس وخلاص وبعدها نشوفو شن يصير .
أمل ،، به إن شاء الله وتوا هي مانطولش عليك ونتلاقو غدوة ان شاء الله
ليلتك سعيدة ي سمحه
أماني ،، وانتي اسعد حبوبتي مع السلامه
وسكرت أمل من أماني وع طول مشت ل محمد بينما اماني دخلت ل دارها وفتحت النت
أمل ،، حمودي هات البشارة
محمد ،، شن صار ؟؟
أمل ،، أماني وافقت تحكي معاك
محمد،، قولي والله يعني واخيرا حن قلبها عليا وحست بيا ؟؟
أمل ،، ههههه اي نوعا ما
محمد ،، كنت عارف شن في ثاني ؟؟
أمل ،، هههه حرام عليك هذا ي حنه قالت تبي تحكي معاه ع فيس مش علي الهاتف مبدئيا وبعدها يصير خير.
محمد ،، ي ستي وانا راضي المهم ناخد ونعطي معاها وبعدها ح يصير خير بعون الله .
أمل ،، امممم به معناها سجل إيميلها عندك .
محمد ،، اي هي هاتي
أمل ،، اسمه .............؟
محمد ،، تم لقيته وبعثلها طلب
أمل ،، تمام وهي توا بنمشي نرقد وليلة حلوة ليك هههه
محمد ،، ي باسله هههه ان شاء الله
ومشت أمل ل دارها بينما محمد قاعد ماسك الهاتف ويستنا ف قبول الطلب
وفجاة جاه إشعار تم قبول طلب الصداقة من قبل ...............؟
ومن هنا بداء الحوار .
عند أماني
كانت مكسده وتتصفح في الفيس ومن صفحه لصفحه فجأة جاها طلب صداقة
أول ما شافت الايميل ودارت دوره عليه وعلي الصورة الشخصيه عرفت إنه محمد ف دارت قبول
وبمجرد ما وفقت ع طول جاها مسج ..
محمد،،، السلام عليكم
أماني ،، وعليكم السلام
محمد ،، كيف حالك اماني وحال صحتك عرفتيني مني ؟؟
أماني ،، الحمدلله كويسة كيف حالك انت ؟؟
اي عرفتك محمد صح ؟؟
محمد ،، اي صح
والله الحمدلله انا بخير بطلتك ي سمحة
أماني ،، تسلم محمد
محمد ،، ي عني واخيرا حن قلبك عليا ؟؟
أماني ،، اي واخيرا
محمد ،، سلمها يارب
اي اماني بنقلك شن في بالي وشن حاس تجاهك وياريت تسمعيني ؟؟
أماني ،، اكيد تفضل ليك كامل الحريه
محمد ،، حلووو شوفي ي بنت الناس حنكون معاك واضح وصريح من البداية
راهو نبيك تعرفي شن يعني نبيك ؟؟
يعني نبيك زوجة ليا نبيك تكوني حلالي نبي نعيش كل تفاصيل حياتي معاك نبي نتعمق فيك وفي حياتك نبي نكون سندك في الدنيا نبي نعيش حياتك ونكون معاك ف فرحك وحزنك.
ومن اليوم معاش نبي ولا ثانية إضيع من حياتي وانتي بعيدة فيها عليا فهمتي اماني؟؟
يعني كلامي معاك بجديات ولو انتي إتقبلتي وجودي في حياتك ع طول راح نبعث اهلي ليك وراح نضع النقاط ع الحروف ونختصر كم من البعد لكان بينا وتوا شن رايك في كلامي وشن ردك عليه مستعد تكملي معاي ب الحلوه والمره ونكونو سند لبعضنا في الحياة ام لا ؟؟
أماني ،، بصراحه بعد كلامك هذا ماليش الحق نرفض او حت نقول لا
لانه بصدق ي محمد إحساسي تجاهك ما يبعد عن إحساسك تجاهي بس رغم هالشئ خلينا نعرفو بعض أكثر ونفهمو بعض أكثر أما خطوة الزواج والخطوبه خليها مع الوقت .
محمد ،، تمام ع راحتك انا اهم شئ عندي أنتي تكوني معاي وغيره كل يجي مع الوقت ولا شن قالت السمحه ؟؟
أماني ،، وهوا هكي تسلم يارب
محمد ،، به اسمعي فكينا من جو تسلم وشكرا تي راهو انا حبيبك ولا مش حبيبك ؟؟
أماني ،، نعرفش قصدي عادي
محمد ،، ههههه ي ودي ربي يحفظك ليا
وهكي قعد محمد يهدرز علي أماني لين وسع خاطره وريح قلبه
اما اماني فرحة بكلام محمد هلبه وحست ان الفرصه كانت في مكانها المناسب ///
عند أمل ويوسف
كانو زي كل ليلة إمكسدين علي النت وفجأة نزلت أمل منشور تحكي فيه إنها فرحانه
وفي أقل من دقيقة دخل يوسف ع الخاص وبعث مسج ل أمل
يوسف ،، يدووم الفرحه عليك ياربي
أمل ،، شكرا وعلي الجميع ان شاء الله
يوسف ،، تبيش تقوليلي علاش فرحانه ؟؟
أمل ،، بدون ولا سبب هكي فرحانه بس
يوسف ،، والمطلوب مني إنصدق يعني ؟؟
أمل ،، ههههه بكل أنت
والله شن بنقلك فرحانه ع خاطر خوي و صاحبتي يعني واخيرا الوقت جي معاهم هالمره .
يوسف ،، اهااا اي احكتلي أماني وان شاء الله ربي يقدر ل فيه الخير
أمل ،، ان شاء الله
يوسف ،، به ع سبت الحب شن رايك فيه ؟؟
أمل ،، نعم ؟؟
يوسف ،، مش انا صديقك يعني مسموحلي إنقصقص شوي ؟؟
أمل ،، هههه به ي حنه حنقولك رأي ي صديقي انت
الحب ف نظري شئ مشابه لإنتحار هوا حلو وجميل بس مافي حد ضامن النصيب
يا ما من قصص كانت حلوة بس كسرها النصيب بس برغم من هذا كله ما ننكر انه حلوو وجميل .
يوسف ،، جميل كلامك
به جربتي ؟؟
أمل ،، امممم لا والحق مش إمفكره إنجرب لأني حساسة لأبعد حد ومصاعب الحب مانقدرها
يوسف ،، يعني انتي معترفه بضعفك ؟؟
أمل ،، للأسف اي
يوسف ،، به لو كان نصيبك تحبي وتنحبي ؟؟شن ح يكون موقفك ؟؟
أمل ،، سعتها حيكون زي ما انت قلت نصيبي وع اكيد ح نكون راضية بيه .
يوسف ،، حلو تفكيرك
أمل ،،ههههه به شكرا وتوا احكيلي انت شن داس من قصص ؟؟
يوسف ،،، هههه حرام عليك قصص مره وحده
هي قصه وما فلحت فيها تبيني نجري ع قصص هههه بالله خليها ف سرك
أمل ،، اممممم تي لالا في كلام هلبه وراء هالحكي إحكيلي نحب نسمع
يوسف ،، خليها وقت اخر امل توا نعست الحق وحت انتي وقت عليك وراك كليه
امل ،، به ع راحتك وبالله سامحني لو ضايقتك او شئ ؟
يوسف ،، بلعكس نفرح معاك
أمل ،، خجلتني تسلم يارب
وهي ليلتك سعيده
يوسف ،، وانتي اسعد يارب
وهكي سكر يوسف النت وهوا مرتاح بس في نفس الوقت حاس بحمل كبير عليه
بينما امل سيبت النت وشغل تفكيرها يوسف وشن صاير معاه وجي في بالها وقت قال نفرح معاك إيتسمت لا إراديا ونامت
وبعد كل هذا قات الليل
وفاتت معاه الايام بدون اي احداث جديدة
امل ويوسف قعدين ع تواصل بس بدون اي تعمق بينهم
واماني ومحمد علاقتهم يوم عن يوم تكبر وتفاهم بينهم كان ملحوظ
امال وعلي انخطبو ومتفاهمين وعين الله عليهم اما العرس كان مش معروف بما ان علي لسا ما جهز حوشه
لعند ما جي هاليوم
يوسف ،، وهذا كل شئ صار معاي من الالف لعند الياء .
أمل ،، اوووف معقوله في ناس هكي , الصراحه ما بعدك كيف قدرت تتحمل اصلا انا لو كنت في مكانك كنت انهرت وكان صار فيا هلبه بس بجد صحه ليك .
يوسف ،، حتي انا صار فيا هلبه بس الله غالب بسيف واهو الحمدلله قدرة ننزع حمل كبير من عليا وبدليل احكيت معاك فيه لان هزي ماتعرفي هالموضوع بذات ما كنت نحب نحكي فيه ابدا بس مبادرة حلوووة بما اني احكيتلك .
أمل ،، يجوز ربي يسعدك ويبعثلك الخير
يوسف ،، ان شاء الله
امل ،، تعرف حاسه نفسي تعبااااانه
يوسف ،، سلامتك شن فيك وشن تحسي ؟؟
امل ،، نعرفش بس حاسه بفشل وتعب مش طبيعي
يوسف ،، ان شاء الله خير به ي بنت امته بتسمعي لكلام كذا مره نقولك اممشي ديري تحاليل كامله وانتي شئ
شن يعني لو ماتحبي المستشفي تموتي هاذي صحتك ي امل وحرام عليك تهملي نفسك هكي ؟؟
امل ،، لالاه عادي تعب وتوا يمشي ما يحتاج نمشي للمستشفي ولا شئ
يوسف ،، اوووف منك ع راحتك بس لو صار معاك شئ مش راح انسامحك بكل
امل ،، ان شاء الله خير
وبعد شهر من الروتين هذا كله صار في تغير ملحوظ في علاقة يوسف و امل صداقتهم زادت وكلامهم مع بعض زاد وكل عيلة امل صار عندها علم ب يوسف من كثر ما كل كلام امل عليه
بس علي الرغم من قرب المسافة بينهم الا ان متجاهلين شئ هوا فعلا بينهم
شن هالشئ وكيف راح يعرفو راح تعرفو في الحلقات الجاية ؟؟
اما اماني ومحمد علاقتهم كل يوم تطور اكثر من اليوم لقبله وخلاص قرارو ايديرو شئ رسمي في علاقتهم
و امال وعلي تحدد موعد عرسهم بعد شهرين
عند امل واماني
طلعو من المحاضرة ع طول للكفتريا
امل ،، الحق انا جعانه ومش جعانه لكن هي تعالي ناخد معاك حاجة وخلاص
اماني ،، غير تعالي ناخدو وبعدها توا نشوفك جعانه ولا لا
امل ،، هههه به
وخدو البنات شن يبو بعدها جي موعد المروح
روحت امل وبعدها اماني
عند امل
وصلت للحوش وع طول رقدة
عند يوسف واماني
يوسف ،، افتحي الباب انا المفتاح ناسيه الداخل
اماني ،، وانا نسيته اليوم هي انطق ع امي و وخلاص
طق طق
ونفتح الباب بس هنا كانت الصدمه
اماني علي طول شافت ل يوسف بخوف اما يوسف عصب لدرحة معاش شاف شئ قدامه وع طووول امشي يجري لسيارته واماني امشت تجري في جرته تبي تحاول تهدي بس للأسف يوسف ركب في سيارة وطلع بأقصي سرعته
اما أماني إكتفيت بالدموع وانهارت ع خوها وبعدها جي في بالها الشخص لكان السبب في هذا كله رجعت للحوش بكل غيضها .
