رواية منقذي الفصل العاشر 10 بقلم ياسمينا
في صباح يوم جديد في اوضه ادهم صحي من نوم لقه نجمه قاعده وسرحانه
ادهم : صباح الخير مالك
نجمه مردتش عليه
ادهم : نجمه
نجمه بصتلو بغموض وقالت : مين صياد
ادهم بتوتر : معرفش
نجمه : متاكد
ادهم : هكدب ليه
نجمه ببرود : تمام
نجمه قامت من علي سرير
ادهم : رايحه فين
نجمه : لصياد
نجمه طلعت برا الاوضه وسابت ادهم مصدوم وبعدين قام وراها نجمه راحت لي اوضه فهد وخبطت بهدوء وبعديها فهد فتح الباب
فهد : صباح الفل
نجمه بصتلو اوي وبصت لي عنيه وهو مش فاهم اي حاجه ادهم جاه من وراها
فهد : ايه مالكم
نجمه زقت فهد ودخلت الاوضه لقت اموش قاعده علي سرير
نجمه : مش انا عرفت مين صياد
فهد بتوتر : مين
نجمه بسخرية : بيسأل مين علي اساس انك مش عارف انك صياد
فهد بصلها بحزن وسكت
فهد : انا
قطعتو نجمه: بسسس انت ايه عايز تقول ايه
ادهم : فهد تاب وهيساعدنا نقبض علي راس كبيره بتاعت العصابه
نجمه : اه الكلام ده كنت هفرح بيه لو فهد بس مجرد صحبي بس فهد اخويا مش صحبي اخويا الي مات من 12 سنه
ادهم بصدمه : نعم ازاي
فهد في سرو : جاه وقت المواجهه ولازم اواجه اي كان الخساره ايه
فهد بصلها : ايوا انا يوسف
نجمه بسخرية : وبتقولها كدا ومبسوط
فهد : مش انتي قولتي أن لو شخص تاب هنسامحو وأنا توبت من اول ماعرفت أن عندي اخت انا كنت فاقد الذاكره ولسا فاقدها
نجمه بغضب : وانا مفروض اصدقك طب ازاي واحد زايك قتال ومجرم معقول هصدقك
اموش بضيق : نجمه ده اخوكي الي بتحبيه مينفعش كلام ده
نجمه: وانتي بقا اتجوزتيه وهو مجرم مانتي تلقيكي زايو
اموش : انا مش هلومك علي كلام ده علشان عارفه الصدمه الي انتي فيها بس هطلب منك طلب واحد اسمعي فهد عايز يقولك ايه
نجمه بدموع : اسمع منو ايه عشت سنين دي كلها علي ذكره الحلوه بتعتو كان دايما انسان كويس وكان نفسو يبقا دكتور كان طيب اووووي مكنش بيحب يشوف حد زعلان أو بيتوجع ازاي بقا كدا ازاي سمح لنفسو انو يقتل ناس ويشتغل في مخدرات وسلاح فضلت طول ليل عماله اشوف فيديوهات ليه وهو عمال يقتل ومفيش في قلبو رحمه
فهد ببردو عكس الي جواه : خلصتي
نجمه وهي بتمسح دموعها : طب مفكرتش وانت بتأذيني كان ممكن ابونا يموتني كان ماسك مسدس وعايز يقتلني كنت هموت
فهد بحزن : بعد شر عنك
نجمه بزعيق : الموت اهون عليا من اني اشوف اخويا قتااال قتله انت مش اخويا مش نفس شكل ابدا
فهد بحزن : يمكن غيرو شكلي يمكن غيرو أخلاقي بس لو دورتي جوايا هتلقي فيه يوسف و قلبي النضيف كنتي هتعملي ايه وانتي فاقده ذاكره ومعاكي امك ومشلوله ومش عارفه تعمللها حاجه ولا حتي فاكرها ويجي ضوء نور خفيف اوي ينورك حياتك وتفرحي بيه وفي الاخر تكتشفي انك مشتي في طريق كلوووو دم كلووو حرااام كان هيبقا ايه شعورك وانتي وشك محروق انتي مش بس فقدي الذاكرة لا دانتي كمان خسرتي وشك هتعملي ايه ردي عليا
ادهم : طب انت ليه ماحاولتش تدور عليها
فهد : حاولت كتير اعرف اهلي بس معرفش
نجمه بحزن : تروح تشتغل في مخدرات وسلاح
فهد بغضب : غصب عنيييي افهمي غصب عني مكنش عندي طريق غير ده ولما جتلي فرصه اتغير مسكت بيها بأيدي وسناني
فهد قرب من نجمه وهي كانت بتبعد كانت خايفه منو
فهد: انتي خايفه مني
نجمه بدموع : اه
نجمه طلعت تلفونها ووريتو الفيديوهات وهو لابس القناع وبيقتل بأبشع الطرق
فهد بص في الارض علشان دموعو محدش يلحظها
أما نجمه طلعت من الاوضه وهي بتعيط ووراها ادهم
اموش قربت من فهد
اموش : فهد
فهد بصلها
اموش بصدمه : انت بتعيط
فهد مردش عليها وحضنها جامد وهي فضلت تهديه
اموش بدموع : أهده ونبي
فهد : خلاص نجمه هتسبني ومش هتسامحني
اموش : والله هي محتاجه وقت الموضوع صعب عليها
فهد : انا تعبت تعبت وعايز اخلص من ماضي بتاعي عايز اخلص من الصياااد
اموش : طب هتعمل ايه
فهد بغل : خلاص هكشف كل حاجه ونبدأها حرب بقا
اموش بقلق: لا يافهد مش هينفع كل حاجه تبقا حرب
فهد بغضب: اومال اعمل ايه
اموش : تهده كدا وبعد شويه تشوف نجمه وتكلم معاها
فهد بحزن : هي ممكن تكلم معايا
اموش : ايوا لأنها بتحبك
فهد بصلها بحزن وسكت
_________________________________
نجمه اول ما دخلت اوضتها فضلت تكسر كل حاجه فيها وتصرخ
ادهم : نجمه اهدي
نجمه بغضب : سبني في حااالي ياادهم
ادهم مسك أيدها: ممكن تهدي
نجمه بدموع: متخيل
ادهم قطعها: متخيل مهي نور خانتني وبقت شيطانه بس الفرق مابنها وبين فهد أن فهد بقا كدا غصب عنو واهو بيتوب
نجمه بدموع: طيب فهمت ده بس انا مش قادره استوعب الي حصل مش قادره
ادهم هقربها منو وحضنها : طيب تخيلي انتي مكانو قوليلي لما تلقي وشك محروق وفاقده ذاكره هتعملي ايه
نجمه بحزن: مفروض اعمل ايه دلوقتي
ادهم مسك خدودها وقالها: تقعدي تفكري شويه معا نفسك وانتي هتلقي الحل اكيد
نجمه بغيظ: طب سيب خدودي
ادهم : هو انتي عندك خدود اصلا دانتي هيكل عظمي
نجمه بغيظ : بص انا مش نقصاااك سبني في خبتي
ادهم بضحك: اومال انا خبتي ايه
نجمه : الصراحه نور دي هبله مش بتفهم وانت اهبل منها ليه يعني تسكتلها علي غيرتها زايده دي
ادهم : كنت مفكر أنها غيره طبيعيه الستات اصلا تخنق
نجمه : عندك حق والله
ادهم : طيب ياحب زاي مؤدبه كدا اعدلي الأوضه الي بهدلتها دي ودلوقتي حالا
نجمه بضيق : لا انا لسا مكتئبه
ادهم بأبتسامه : هديكي جوز قلام علي وشك لو مش نطفتي المكان ده مش هقدر اقعد في مكان مش نطيف
نجمه بصتلو بغضب وبدأت تنطف الاوضه وادهم كان قاعد بيتفرج عليها وهو مبسوط
ادهم : نجمه
نجمه : هااا
ادهم : هو انتي مش معجبه بيا خالص
نجمه بصدمه : هااااا
أدهم بضحك: ايه يابنتي مالك
نجمه : لا انت زاي اخويا
ادهم بخبث : اممم احسن بردو تعرفي أن عندي صحبه تجنن وبتحبني جدا تقريبا دي الي هتنسيني نور وقرفها
نجمه بهمس : يخربيتك ده غبي اوي
ادهم : هااا ايه رأيك
نجمه انفجرت من الغضب : والله العظيم انت انسان غبييي بجد انت متخلف انت متجوز ازاي تقول كدا عايز تجوز عليا
ادهم بخبث : مانا هطلقك
نجمه بغضب : انت حمار يابني تطلق مين
ادهم : انتي بقتي تشتمي كتير
نجمه بضيق : ربنا يخدك ياادهم حارق دمي دايما
نجمه طلعت من الاوضه وهي متعصبه
ادهم بصدمه : دي بتدعي عليا بس شكلها بتحبني اممم وصراحه انا معجب بيها مش هنكر يعني بس لازم اخليها هي تعترف الاول
_________________________________
في اوضة اموش فيروز كانت قاعده معا اموش
فيروز : احم هو مامتك وباباكي فين
اموش بحزن : الله يرحمهم
فيروز : هما اهلك الحقيقين
اموش بصتلها بصدمه
فيروز بتوتر : اسفه مش قصدي حاجه
اموش : لا ياطنط ولا يهمك بس هما فعلا مش أهلي الحقيقين
فيروز بسعاده : بجد ازاي
اموش باستغراب : بصي ياطنط هما جابوني من ملجأ
فيروز قامت من غير واعي وقالت : معقول تكوني انتي معقول طب قوليلي سموكي اموش ازاي
اموش : هو في ايه
فيروز : قولي معلش
اموش بنفاذ صبر : لقو معايا سلسله مكتوب عليها اموش راحو سموني امال ودلعوني اموش
فيروز بسعاده : الحمدالله
فيروز مشيت من قدامها وطلعت برا الاوضه وهي طايره من سعاده واموش وقفت مستغربه مالها
_________________________________
في القصر في مكتب عزيز كان قاعد بيفكر هيعمل ايه في مصيبه دي دخل عليه فهد
فهد : انا عارف كويس انت بتفكر في ايه واظن انك عارف ان انا صياد
عزيز: عارف حكايتك بس كدا كل حاجه هتدمر لا وفيروز شاكه أن اموش هي بنت الي ضاعت مننا زمان
فهد : هي فعلا
عزيز بصلو بصدمه : انا مكنتش متوقع أن كل حاجه هتجي بسرعه كدا
فهد بضيق : بسرعه ايه دول 25 سنه ايه مكنتش عامل احتياطاتك
عزيز : ادهم وادم لو عرفو مش هيحصل طيب حتي قمر احتمال تكره ادم
فهد : بص انا وانت عندنا طار معا نفس شخص وانا هساعدك نخلص منو
عزيز : مش بسهوله دي انا مش خايف منو لاني عارف انو اصلا ضعيف ولا يعرف يعمل حاجه انا خايف من ردت فعل ادهم وادم وقمر دول ممكن يدمرو
فهد : قولهم الحقيقه صدقتني ده احسن بدل ما هو يقولهم ولو قالهم هتخسر كل حاجه
عزيز : واموش
فهد : لا متقلقش منها تقريبا دي بنت الهاديه الي فيهم يعني ردت فعلها هتبقا عاديه
عزيز : تمام قوم احنا هنروحلو
فهد : تمام وانا مستعد
عزيز : هو انت عرفت ازاي كل معلومات دي
فهد : طبيعي فضلت عايش معه 12 سنه ف عارف كل حاجه
عزيز : طيب يلا هنروحلو وبعدين فورا هنقولهم
فهد بأبتسامه : متخافش هو اه الماضي وحش والواحد مبيحبش يفتكرو بس صدقني كلو هيتغير
عزيز بحزن : امتنا يتغير
فاجأه دخلت عليهم فيروز بسعاده
فيروز : لقتها ياعزيز لقتها
عزيز بأبتسامه : قصدك اموش
فيروز : ايوا اخيرا هو انت رايح فين
عزيز : هروح انهي كل ده وهقول للولاد الحقيقه
فيروز بغضب : لا مستحيل هو انت مش عارف ممكن يعملو ايه
فهد بضيق : حضرتك مش خايفه غير علي نفسك
فيروز بغضب : نعم
عزيز : ايوا هو عندو حق مفكرتيش أنهم ليهم حق يعرفو الحقيقه
فيروز بدموع : مش هيسامحونا وبذات قمر
فهد : و نجمه مش راضيه تسامحني بس انا واثق انها بتحبني متخافيش هي بس الي هتوجعك ردت فعلهم وبعدين كلو هيعدي
فيروز بحزن : حسبي لله ونعمه وكيل فلي كان سبب
عزيز : يلا بينا
فهد وعزيز طلعو من مكتب وشافتهم نجمه
نجمه : رايحين فين دول انا لازم اعرف
نجمه مشيت وراهم وهما ركبو العربيه ومشيو وشافت ادهم وادم ركبين عربيه ومشيو وراهم تقريبا بيراقبوهم
نجمه طلعت تلفونها بسرعه وتصلت بقمر
نجمه : بسرعه انزليلي وهاتي مفتاح عربيتك
قمر : ليه
نجمه بغضب : لسا هتسألي انجزي تعالي
نجمه قفلت في وشها وقمر استغرب قمر كانت قاعده معا اموش
قمر : انا نازله
اموش باستغراب: هو في ايه
قمر : معرفش
اموش : طيب استني انا هاجي معاكي
قمر : بسرعه
قمر واموش نزلو لي نجمه وركبو عربيه وقدرو يلحقو عربية ادهم وعربيه فهد
_______________________________
في عربيه ادم وادهمادم : مش فاهم ليه خلتنا نمشي وراهم
ادهم : علشان مخبين حاجه كبيرررره اوي
ادم : وانا حسيت كدا بردو بس ياادهم حتي لو فيه كدا انا مش عايز اعرف
ادهم بضيق : حقنا نعرف
ادم : بس فيه حاجات كتير لو فضلت في سر هتبقا احسن ومش هتجرح حد
ادهم : هو انت قصدك نجمه
ادم : صعبانه عليا اوي بجد حاجه صعبه
ادهم : هي اموش مش مرات فهد صح
ادم بتوتر : ها
ادهم : انت بتتصرف عادي من ورايا صح
ادم : وراك ايه بس دي كانت مجرد فكره
ادهم بخبث : تمام ياادم بس متزعلش مني بقا
ادم :, نعم يعني ايه
ادهم : بعدين هتفهم
__________________________________
فهد وقف فاجأه
عزيز : وقفت ليه
فهد بضيق : ولادك ورانا
عزيز : عرفت ازاي
فهد بسخرية : عيب لما تسألني سؤال ده
فهد نزل من العربيه وبص علي عربية ادهم ف ادهم فهم انو شافهم ادهم قرب عربيتو نحيتهم ونزل هو وادم
فهد : ايه لعب العيال ده بتراقبونا
ادهم : ايه الي مخبيه علينا يابابا
فهد بغضب : احنا مش فاضين
ادم بغضب : لا من حقنا نعرف فيه ايه ماتقولو
عزيز بحزن : هتعرفو بعدين
ادم بغصب : يخربيت ام كلمة بعدين دي كرهتها
كان بيراقبهم من بعيد نجمه وقمر واموش
اموش بضيق : علفكره الي بنعملو ده غلط
نجمه : خلاص امشي اتفضلي
قمر : نفسي افهم ليه بتعملي كل ده
نجمه بغضب : امشي معاها
اموش : يابنتي افهمي مش هنسيبك يس فهمينا ليه بتراقبيهم
قمر : ليه بتعملي كدا
نجمه بصوت عالي ومتلكها الغضب : عايزه اعرف فييين امي وعايزه اعرف مخبي عني ايه تانيي عايزه اعرف تاب فعلا ولا بيضحك علينا كلنا عايزه اعرف كل حاااجه خلاص ارتحتو يلا امشو
نجمه بصتلهم لقتهم واقفين ومش بيتكلمو وبيبصو عليها
نجمه بضيق : في ايه
قمر بتوتر : بصي وراكي كدا
نجمه بصت وراها لقت فهد وادهم وادم وراها
نجمه بخوف ونطت من مكانها : اعوذ بالله من
شيطان الرجيم
فهد بغضب : ايه الي جاااابك هنا هنا خطر
نجمه: انت مالكش دعوه بيا
ادم : وحضرتك
قمر بتوتر : احم كنا جاين نتمشا شويه هنا صح ولا ايه
اموش : بظبط صح
ادهم قرب من نجمه ومسك أيدها وهي استغربت
ادهم : متزعقش لي مراتي تاني لوسمحت
فهد : لا ياارجل
ادهم بأبتسامه : اه
نجمه باستغراب : سبحان من غير الاحول
عزيز بضيق : ممكن ترجعو البيت
ادهم : مش قبل مانعرف انت رايح فين ولمين
ادم : علفكره يابابا انا سمعتك وانت بتكلم معا ماما وبتقولها أن انا وادهم وقمر لينا علاقه بلي انتو مخبينو
عزيز بضيق : صدقوني ده مش لي مصلحتكم
قمر : بس ياعمو حقنا نعرف
عزيز : ماشي بس لازم تعرفو أن انا وفيروز عملنا كدا علشانكم علشان ننقذكم
فهد وهو بيبص لي نجمه : وتغيرت كتير علشان ارجع شخص الي انتي بتحبيه
نجمه بصتلو بحزن : اتمنا يوسف يرجع تاني
فهد بحزن : هيرجع بس بعد ما يخلص من ماضي بتاعو
عزيز : والماضي بتاعي كمان
ادهم : تمام امتا هتقولولنا
فاجأه سمعو صوت انفجار كبير اوي قصر كبير انفجر قدامهم هو بعيد عنهم شويه بس قادرين يشوفوه ومن قوة الانفجار صوتو زلزل قلوبهم
بصو لبعض بصدمه
عزيز : مش ده قصرو
فهد بغضب : يعني كان عارف ان احنا هنروحلو كان هيموتنا
ادهم بصدمه : هو مين ده
ادم بص علي بنات لقهم مرعوبين
ادم : لازم نمشي من هنا البنات خايفين
عزيز : يلا كل واحد يروح عربيتو يلا نمشي
عزيز وفهد قربو من العربيه بس العربيه انفجررررت
ادهم بصدمه : باباااااااا
نجمه اول ماشافت عربيه اخوها انفجرت جررريت عليه
نجمه : يووووو سف
عزيز من قوة الانفجار وقع فهد قرب منو ونار كانت حواليهم
فهد : انت كويس
عزيز بتعب : لو موت قوللهم انت الحقيقه
ادهم وادم قربو من عزيز
ادهم بخوف : بابا اهده هتبقا كويس والله
ادم : متخوفناش عليك ونبي
عزيز بتعب : اعرفو اني بحبكم اوي وعملت كدا علشان احميكو
ادهم بغضب : مش عايز اسمع كلام ده
فهد : خدو في عربيتك وديه مستشفي يلا
ادهم وادم شالو عزيز وركبو العربيه
أما نجمه جريت حضنت فهد جامد فهد كان فيه شوية جروح علي ايدو ووشو
فهد بسعاده : اهدي يانحمه اهدي
نجمه بدموع : انت كويس
فهد : اه والله كويس
فهد بص لي اموش الي كانت خايفه عليه اوي بصلها وطمنها
فهد : يلا بينا نمشي بسرعه
فهد ركب عربيه قمر ومعه البنات بص لي قمر لقها ساكته خالص
فهد : امممم مش عارف ليه جايبين معاكم الطفله دي دي بتخاف من اقل حاجه
قمر بصتلو بغضب : الحكايه مش نقصاااك
فهد بأبتسامه : ايوا كدا انا اتأكدت انك كويسه
فهد اتحرك بلعربيه وكان هيروح المستشفي لي عزيز بس افتكر امو
فهد بخوف : ماما
نجمه بقلق : مالها
فهد : اكيد هيحاول يأذيها
اموش : طب يلا بسرعه نروحلها
فهد غير مصار العربيه وراح بيتو
___________________________________
في عربية ادهمكانت بيسوق العربيه بسرعه فاجأه رن تلفون عزيز
عزيز بتعب : هات التلفون ياادم
ادم : مش وقتو يابابا
عزيز : متتعبنيش هات تلفون
ادم اده تلفون لي عزيز وكانت فيروز بترن فتح تلفون
ادهم بذكاء : ادم افتحلو الاسبيكر
ادم : تمام
ادم فتح الاسبيكر وسمعو صوت فيروز وهي بتعيط
فيروز : عزيز سامر رجع ياعزيز وهو عندي دلوقتي
عزيز : ايييييييه
فيروز بحزن : تعال ياعزيز بسرعه
ادم بصدمه : سامر سامر مين بظبط
عزيز : بسرعه روح القصر وتصل بفهد
ادهم : انت تعبان يابابا
عزيز :امك في خطر اتصل بس بفهد
ادهم غير مصار عربيتو وادم حاول يتصل كتير بفهد بس تلفون مقفول
_______________________________________
فهد وصل بيتو هو البنات ودخل بسرعه اوضة مامتو لقها نايمه وجمبها ساندرا
فهد بلهفه : ماما
ساندرا : متخفش هي كويسه
فهد : شكرا ياساندرا بجد
ساندرا : احنا خوات يابني
نجمه كانت برا الاوضه خايفه تدخل وتشوف كلمتها
قمر : يلا يا نجمه مامتك جوا
نجمه بدموع : خايفه
اموش مسكت أيدها وقمر مسكت أيدها تانيه وحاول يخلوها تدخل وفعلا دخلت واول ماشافت مامتها جريت عليها وقعت علي سرير ومسكت أيدها
نجمه بدموع : ازيك ياجوجو وحشتيني اوووووووي كنتي فين كل ده انا مكنتش عايشه والله
ماجي صحيت لقت بنت ماسكه أيدها بصت عليها اووي وبعدين ابتسمت بسعاده وحاولت تتكلم
نجمه : اهدي ياحبيبتي ايوا انا نجمه
ماجي عينها دمعت ونجمه مسحت دموعها وحضنتها فهد كان متابع ده بحزن
اموش وقمر قربو منو
اموش بمرح : انت هتعيط يابطه
قمر بخبث : متتكسفيش يااختي احنا اخوات معا بعضينا
فهد : اهاا انتو عايزين تحفلو عليا صح
قمر وهي بتقلدو : انا مش عارفه جايبين طفل معاكم ليه بيعيط من اقل حاجه
فهد مسك شعرها وهي صرخت
قمر بغضب : ازاي تمد ايدك عليا
فهد بسخرية : هو انا لسا مديت دانا هديكي بجذمه
قمر بغيظ : مهي الي جمبك اتكلمت ولا علشان هي حبيبت القلب
اموش بصتلها بصدمه
قمر بخبث : يعني مش هتسيب شعري بصي يااموش فهد كان بيعيط لما كنتي
فهد مسكها وكتم بوقها
اموش : ايه
فهد بغيظ : طفله بقا بتقول اي حاااجه
قمر عضت ايد فهد وفهد شال أيدو بوجع
قمر : لااااا مش بقول اي حاجه وخلاص فهد كان خايف مووووووت
فهد كتم بقوها تاني
فهد : وأقسم بالله لو اتكلمتي تاني لاهزقك
نجمه من بعيد : مالك
فهد : مفيش
نجمه: اومال مسكها كدا ليه
فهد : هو كلب لما بيجي يتربط بيتربط ليه
نجمه واموش ضحكو أما ماجي ابتسم أن عليتها اكتملت
قمر عضت ايد فهد جاااامد وهو شال ايدو
قمر بغضب : انا كلب ياااابتااااع امووووووش ونبي لفضحك
نجمه بضحك : يعني ايه بتاع اموش
فهد : يلا بينا نمشي وناخد ماما
قمر : اهرب اهرب
فهد مسكها من هدومها وخدها علشان تساعدو علشان يقوم مامتو علي كرسي
فهد بهمس : والله لندمك استني عليا
قمر بصوت عالي : بتوطي صوتك ليه ايه مش عايز تعرفهم أن اموش تبقا
قمر سكتت لما لقت الازازه اترمت في وشها
فهد بصلها بأنتصار واموش نجمه ضحكو عليها
كانت جايه تكلم قطعها تلفونها الي بيرن لقتو ادم
قمر : الو
ادم : فهد عندك
قمر بضيق : اه الكلب عندي
ادم : كلب
قمر أدت تلفون لي فهد
فهد : ها ياادم
ادم : بابا قالي اتصل عليك واقولك أن سامر عندنا في القصر
فهد بصدمه: سامر
قمر : سامر
فهد : انا جايلك
فهد اتحرك بكرس مترك بتاع مامتو وقال للبنات
فهد : ورايا يلا بسرررعه
البنات مشيت وراه وركبو العربيه وتحركو لي قصر عزيز وقمر طول وقت بتفكر وبتقول معقول يكون هو طب ازاي ده مات.............
______________________________________
في قصر العزيز وصل ادهم وادم وعزيز ادم كان ساند عزيز ودخلو القصر شافو فيروز واقفه وهي خايفه وواحد واقف جمبها مدلهم ضهرو
الشخص : اخيرااااا وصتلو
ادهم : لا عدل الجمله اخيراا ظهرتلنا ايه مبقتش تترعب مننا
الشخص لف وبصلهم وهما انصدمو
