رواية قلبي سامح قسوتك كاملة بقلم سهيلة
الحلقة الاولى
( بنتين قاعدين في كفاتريا في الجامعة .. واحدة بتتكلم في الفون )
زينة : الو
( نوقف لحظة .. زينة بنت جميلة جدا من عيلة غنية عندها 22 سنة في اخر سنة في الكلية وليها اخ اكبر منها متجوز عنده 25 سنة ومخلف ولد عنده 6 شهور وليها اخت صغيرة عندها 15 سنة .. زينة اهلها مدلعينها جدا جدا وهى من طبعها الغرور والكبرياء وكل يوم معجبة بواحد جديد )
طارق : ايه يا قلبي
زينة : حبيبي وحشتني موت
طارق : انتى اكتر وصلتى الكلية ؟
زينة : اه من شوية
طارق : حضرتى محضراتك ولا لسة ؟
زينة : لا لسة قاعدة مع رويدا مبدئناش
طارق : اوك خلي بالك من نفسك وقبل متطلعي من الكلية كلمينى عشان اجى اخدك
زينة : ماشي يا حبي باي
( تقفل زينة )
رويدا : بتكلمي مين بشوق كدة ؟
زينة : دة طارق
رويدا : طارق مين ؟
زينة : شاب اتعرفت عليه ع الفيس من فترة وكدة
رويدا : طب ورامي ؟
زينة : لا كنسلتوا
رويدا : بسهولة كدة
زينة : مكنتش بحبه اصلا وكان بيتحكم فيا بطريقة فظيعة رايحة فين جاية منين قاعدة مع مين
رويدا : عادى كلهم كدة
زينة : انتى عارفة مبحبش حد يتحكم فيا
رويدا : طب علي وقلنا ماشي مش تيبك لكن رامي بصراحة زعلتينى
زينة : فكك
رويدا : انتى ناسية انه شغال مع اخوكى وصحاب ؟
زينة : لا مش ناسية
رويدا : طب مهو ممكن يعاند ويقوله ويعملك مشكلة
زينة : يا ذكية مهما كان ذياد اخويا هانرجع نتصالح لكن رامى هو الي هايخسر لو فتن في حاجة زى كدة .. هو ذكي جدا ع فكرة ميعملش كدة
رويدا : طب وطارق دة ايه نظامه ؟
زينة : بيتحكم بردوا وكل حاجة بس بطريقة تخليكي متقوليش غير حاضر وانتى مبسوطة كمان لانى بحبه .. بحبه بجد
رويدا : طب طالاما بتحبيه اركزي بقا يا زينة عشان حواراتك كترت اوى مع الشباب
زينة : اعمل ايه مكنتش لاقيه الي يدخل قلبي فكنت بتسلى
رويدا : اديكي لقتيه حافظي عليه بقا
( يرن موبايل زينة )
زينة : اهو مش مدينى ام فرصة احافظ ع حد
رويدا : مين ؟
زينة : الزفت رامي .. الو
رامي : هاي حبي
( نوقف لحظة .. رامى شاب وسيم وغنى جدا عنده 24 سنة وليه اخ عنده 7 سنين واخت عندها 20 سنة .. كان حبيب زينة زى معرفنا وتقريبا صفاته زي صفاتها مغرور ومتكبر ويمكن اكتر منها )
زينة : حبك برص عاوز ايه ؟؟
رامي : ههههه براحة ع نفسك
زينة : يا مصبرني والله هاقفل انا مش عارفة بتتصل بيا ليه اصلا مش خلصنا
رامي : بطمن عليكي
زينة : لا ريح بالك مش محتاجة اهتمامك ودى اخر مرة هاكلمك فيها انا برد من زنك مش اكتر
رامي : اقولك حاجة امسحي رقمى
زينة : مسحاه من قبل متقول بس للاسف كنت حفظاه فعارفة انوا انت فمتفكرش انى مكنتش مسحته
رامي : مهو دة العشم بردوا يا متربية
زينة : متربيه غصب عنك
رامي : اوك هانعرف دة قريب
زينة : تعرف والله انت غبي عشان تفتكر انى ممكن احب واحد يتحكم فيا
رامى : انا غبي ؟
زينة : اه غبي
رامى : اد كلامك دة ؟؟
زينة : لو مش قده مكنتش قلته
( تقفل في وشه )
رويدا : يخربيتك كالتى الولا
زينة : بلا قرف انا نقصاه
رويدا : بس حرام عليكي كان بيحبك
زينة : فكك منه
رويدا : طب كنتى بتكلميه ليه ؟
زينة : فشخرة مش اكتر اولا الولا مزز عضلات ووسامة وانتى عارفة مبقبلش باي حد ثانيا انتى عارفة دة ابن مين
رويدا : مش عاوزة اعرف اديكي حلقتيلوا يلا قومى محاضراتنا بدئت
( يطلعوا البنات يحضروا محاضراتهم وشاب عمال يبص لزينة بغيظ )
رويدا : علي مش طايقك
زينة : تصدقي بنبسط لما اخلي حد مفروس مني
رويدا : ربنا يستر عليكي والله هاتتجنني قريب
زينة : بعد الشر عليا انا اجن بس .. معاش ولا كان الي يجنني يا قلبي
رويدا : طيب هاتخرجي معايا بكرة ؟
زينة : هانروح فين ؟
رويدا : عاوزة اشتري فستان لفرح كوكى
زينة : اها اوك هابقى اقول لطارق
رويدا : بدئنا سي طارق
زينة : هههههه
( تانى يوم .. الساعة 5 .. زينة بتتكلم في الفون )
زينة : يا حبيبي والله مش هانتاخر
طارق : لا انتوا هاتبقوا بنات لوحديكم لحد يضايقك انا خايف عليكي
زينة : عارفة والله بس متقلقش معاك راجل
طارق : مهو دة الي قالقني
زينة : ههههههه لا والله انا بس مش عارفة اقول لرويدا لا هاتزعل مني عشان دايما بنخرج مع بعض وكمان هى معندهاش اخوات بنات فهتضايق اوى ومش هاتروح كدة
طارق : ماشي عشان خاطر رويدا بس
زينة : وخاطري انا يا قلبي ؟؟
طارق : وانتى كمان بالله عليكي متعملي مشكلة مع حد انا لو فاضي كنت وصلتك
زينة : لالا متقلقش اي حد يكلمنى مش هارد وهاروح مع السواق واجي مع السواق
طارق : شاطرة حبيبتى
زينة : ههههههههه
( تنزل زينة مع رويدا ويشتروا الهدوم ويمشوا من المول .. في جراج المول )
رويدا : اشوفك بكرة
زينة : باي
( تركب رويدا عربيتها وتمشي .. زينة واقفة قدام العربية ماسكة الفون )
زينة : ايوة يا قلبي .. انا مروحة اهو .. حاضر ربنا يستر
( تركب العربية )
زينة : باي
( تقفل زينة .. يشغل السواق العربية .. تلاقي زينة الي بيخبط ع ازاز العربية .. تلاقي رامي تتخض )
رامى : افتحي
زينة : لا
رامى : اقسم بالله لو ما فتحتى الازاز لاكسره
السواق : في حاجة يا استاذ
زينة : ملكش دعوة يا عم امام
( يهبد رامي ع الازاز )
رامى : افتحى ام الشباك
( تفتح زينة شباك العربية )
زينة : نعم ؟
رامى : ممكن تنزلي ؟
زينة : ليه ؟
رامي : عاوزك
زينة : مش هانزل طبعا وبعدين انا مش فاهمة حاجة الي بينا انتهى عاوز ايه ؟؟
رامى : لا عاوز اعرف بس قد كلامك الي قلتيه ولا لا واعرفك مين فينا الغبي
زينة : انت الي غبي وانا قد كلامى كله ومش هاتخوفنى بكلمتين
رامى : مبلاش انتى لسة متعرفنيش
زينة : هههههه ولا هاممني اعرفك
السواق : اتصل بذياد باشا ولا بوالدك ؟؟
زينة : قلتلك ملكش دعوة
رامى : انزلي يلا
زينة : انا هاتصل بالبوليص
رامى : هههههههه اتصلي وخلي الباشا الكبير ييجي يشوف فضايح بنته .. مسكينة يا زوزة
زينة : امشي يا عم امام
رامى : لو اتحرك .. هاخلي ليلتك سودة
( تلاقي شابين نزلوا من عربية )
زينة : رامى بلاش جنان
رامى : من يومى مجنون مانتى عارفة
( يقعد شاب منهم فوق العربية من قدام والتانى يقرب ع السواق ياخد المفاتيح والسواق راجل كبير ميقدرش يتكلم )
رامى : يلا انزلي
زينة : لا
( تقفل زينة ازاز العربية .. يبتسم رامى )
رامى : ماشي
( يضرب الازاز بكوعه يكسره تصوت زينة .. يفتح باب العربية و يشدها ينزلها )
زينة : سيبني
( تعيط زينة الازاز عورها في رقبتها )
زينة : اوعى
( يزعق رامي )
رامى : اهدي اثبتى
( يزقها ع عربية هامر بتاعته ويقرب عليها )
زينة : يا رامي والنبي
رامى : قلتلك اهدى
( يطول كم الجاكيت ويمسحلها الدم من ع رقبتها .. زينة تحط ايدها ع رقبتها تلاقي دم بسيط جدا )
زينة : عورتني !!
رامى : تستاهلي كنتى نزلتى بالزوق احسنلك
زينة : طب اوعى
( تزقه )
رامى : يا بت هاضربك وربنا
زينة : دلوقتى بقا عندك قلب وخايف عليا ولا يمكن عندك امل احن وارجعلك ؟
رامى : مين قالك انى بفكر ارجعلك .. انتى ولا حاجة بالنسبة ليا انا .. شكلك فعلا لسة متعرفنيش
زينة : طب ممكن تعرفني
( يبتسم رامى )
رامى : عارفة انا عمر محد قدر يلعب عليا او يكدب عليا بس انا عارف من الاول انك مغرورة وواطية بس حبيت اتسلى
زينة : وانت منزلنى من عربيتى وجايبلي صحابك يهددوني انا والسواق وجو الاكشن دة عشان تعرفني انك كنت بتتسلى .. طب مكنت قلت الجملة دى وانا في العربية ووفرت عليا نزول وطلوع
رامى : انتى اوطى مما تخيلت اوعى تفتكري نفسك قوية انتى هريتي من شوية كنتي فرخة طاير ريشها وسط عشة ديوك فاتلمى وبطلي ام غرورك دة
زينة : انت بالزات متتكلمش ع الغرور ولخص قول عاوز ايه مني ؟؟
رامى : مش عاوز منك حاجة انا بس حبيت اعرفك انا اقدر اعمل فيكي ايه ودى بس كانت شكة دبوس .. يلا مع السلامة ومرة تانية ابقي اعرفي انتى بتلعبي مع مين .. ماشي يا قمر ؟
( تييجي تمشي زينة .. يشدها رامى يزقها ع العربية تانى )
رامى : لحظة بس
زينة : ايه تانى انا اتاخرت عاوزة اروح
رامى : مش قبل متقولي اسفة
زينة : ههههههه بتحلم
رامى : طب اشطا انا واحد فاضي خلينا لحد مابوكى ينزل يبلغ عن اختفائك واديكي اهو مع اخوكى ياختى
زينة : لا عادى بابي مش هايدور عليا لانه مش فاضيلي مسافر
رامى : اه .. يعنى لسة متادبتيش من الي حصلك
زينة : متادبة غصب عنك
( يهبد ع العربية الي سانده عليها بايده الاتنين )
رامى : يا بت انتى مبتخافيش نفسي اعرف جايبة البجاحة دي منين !!!
زينة : من بعض ما عندكم
رامى : من الاخر قدامك حلين دلوقتى
زينة : خير ؟؟
رامى : اولهم انك تتاسفي ودة الحل الي انصحك بيه لانك بعدها مش هاتشوفي وشي تانى اما الي منصحكيش بيه انك تغوري من وشي .. بس مشكلتك هتلاقينى في كل مكان بتروحيه وهادمر حياتك ببطئ واوعدك هاخلي ايامك الي جاية سودة وانتى عارفة اني قد وعدي .. فجربي
زينة : تمام اختار الحل التانى وجواب نهائي .. وبطئ براحتك
رامى : كل دة عشان متتاسفيش يعنى مستعدة تدمري حياتك عشان متمسيش كرامتك
زينة : بص يا رامى انا لما بغلط مبقولش لابويا الي خلفنى واغلى حد بحياتى انا اسفة مهما حصل مبعتذرش لحد .. حتى لو اذيت نفسي مبتاسفلهاش .. فانسى انى اقولهالك ولو فيها ايه
رامى : اوك براحتك بس اتحملي الي يحصلك
زينة : امشي دلوقتى ولا لسة المسلسل دة هايطول
رامى : يلا يا شباب
( ينزلوا من ع العربية ويحدفه للسواق المفاتيح )
رامى : اتفضلي
( تركب زينة العربية وتمشي تطلع من الجراج )
زينة : اوعى تقول ع الي حصل دة قدام حد لو كنت عاوز شغلك دة اوك
السواق : حاضر بس هاقلهم ايه ع الازاز الي اتكسر لو سالوني ؟؟
زينة : قلهم انك متعرفش وانك كنت بعيد عن العربية ولما رجعت لقيته مكسور وانا هاتصرف
( تطلع فلوس تديهاله .. تروح البيت .. امها ومرات اخوها قاعدين )
بوسي : زوزة كنتى فين ؟
زينة : شوفتوا الي حصل
الام : في ايه ؟
بوسي : حصل ايه ؟؟
زينة : كنت في المول مع رويدا بنشتري حاجات واتصلت بعم امام يشيل حاجات رويدا عشان مقدرناش نشيلها ولما طلعنا من المول لقيت شباك العربية مكسور
بوسي : لا بجد مين كسره ؟؟
زينة : معرفش اكيد حرامي
الام : فداكى المهم انتى كويسة ؟
زينة : اه الحمد لله
( حست زينة ان الحوار تافهه مش هايدخل ع اخوها )
زينة : بس الكارثة بقا اني سيبت شنطتى بالعربية شكل الي كسر الشباك اخد منها الساعة الي بابي كان جايبهالي في عيد ميلادي
بوسي : منوا لله متزعليش تتعوض المهم انك بخير
( تعمل زعلانة )
زينة : بس انتى عارفة يا بوسي الساعة دى غالية عندى اد ايه
الام : فداكي مليون ساعة يا حبيبتى
زينة : خايفة بابي يزعل
الام : لا طبعا كان هايزعل لو جرالك انتى حاجة الحمد لله انها جت ع اد كدة
زينة : اه الحمد لله
( في مكان تانى في شركة هندسة .. يدخل رامي مكتب )
رامى : سلاموا عليكوا
ذياد : انت مافيش مرة تييجي في ميعادك
رامى : لا طبعا
ذياد : شوف الورق دة بسرعة عشان في اجتماع بعد 10 دقايق
رامى : اوك
( زينة في اوضتها .. يرن موبايلها )
زينة : الو
طارق : ايه يا زينة بقالي كتير بتصل بيكي
زينة : معلش كنت قاعدة مع ماما وبوسي معرفتش ارد
طارق : وصلتى البيت ؟
زينة : اه من شوية
طارق : عاوز اشوفك بكرة
زينة : امتى
طارق : بالليل بعد الكلية
زينة : اشمعنا ؟
طارق : وحشتينى وعاوز اشوفك بقالنا كتير متقابلناش هو انا موحشتكيش ؟
زينة : لا وحشتنى طبعا
طارق : اوك بكرة هاعدي عليكي الساعة 6
زينة : تمام
( تاني يوم .. زينة قاعدة مع طارق في كافيه )
طارق : وحشتيني
زينة : وانت يا قلبي
( يمسك ايدها تشد ايدها )
زينة : احنا في مكان عام
طارق : طب قومي نروح عندنا
زينة : عندكوا فين ؟؟
طارق : البيت اهلي مسافرين
زينة : بس ............
طارق : بس ايه مش عاوزة تقعدي معايا ؟
زينة : لا عاوزة .. بس انت بتقول اهلك مسافرين يعني البيت فاضي
طارق : انا كنت عارف انك مش بتثقي فيا
زينة : لا واثقة طبعا .....
( زينة محتارة )
طارق : خلاص يا زينة هاروحك واضح انك مش عاوزة تبقي معايا
زينة : لا عاوزة بس ...........
( زينة تلاقي رامى داخل الكافيه .. تتخض .. يبتسملها رامي ويقعد في الترابيزة الي في وشها )
طارق : زينة
زينة : نعم ؟
طارق : بس ايه ؟؟
زينة : خلينا نقوم اوك
( يقوموا يمشوا .. يوصلوا قدام فيلا .. يفتحها طارق )
طارق : تعالي
الحلقة الثانية
( تدخل زينة تتفرج ع البيت )
طارق : ايه رايك ؟
زينة : جميل
( يمسك ايدها )
طارق : تعالي اوريكي اوضتى
( ياخدها ويطلعوا اوضته .. تقعد تتفرج عليها )
زينة : نفسي اشوفلك صورة وانت صغير
طارق : استنى
( يجيب البوم )
طارق : بس من غير متعيبي
زينة : ههههههه لا مش هاعيب
( يقعدوا ع السرير يتفرجوا ع الصور )
زينة : كنت كيوت خالص
طارق : بقيت اوحش ولا احلى ؟
زينة : احلى طبعا
( تقفل الالبوم .. يقوم طارق يشغل موسيقى ويقرب ع زينة ياخد ايدها ويرقصوا slow )
زينة : انا بحبك اوي
طارق : وانا كمان
زينة : اوعدني متسيبنيش ابدا
طارق : مش هاسيبك
زينة : وعد ؟
طارق : وعد
( يبوس دماغها .. يعدي اليوم ويوصلها البيت .. تانى يوم .. زينة قاعدة في كفاتريا الكلية .. تقرب عليها رويدا )
زينة : ايه الي اخرك كدة
رويدا : بصي بقا انا ولا بحب المشاكل ولا ام الحوارات ديا
زينة : في ايه ؟؟
رويدا : قولي لرامي دة ملهوش دعوة بيا اوك
زينة : عملك ايه رامي ؟
رويدا : خلى صحابه يعاكسونى وانا داخلة مكانوش راضيين يدخلوني ولما بقوله ميصحش كدة وقولهم ملهمش دعوة بيا يضحك و يقولي مليش دعوة انا جيت جنبك
زينة : طب اهدي معلش
رويدا : متقوليش معلش خرجوني برة حوارتكم اوك
( تمشي رويدا )
زينة : استنى طيب
( تمسك ايدها توقفها )
زينة : والله العظيم مقصدت ادخلك في اي حوارات
رويدا : واديكي دخلتينى
( تنزل دموع رويدا )
زينة : انتى بتعيطي !!!
رويدا : انتى مشوفتهمش كانوا عاملين ازاي برة دول رعبوني ومحدش قدر يكلمهم
زينة : ماشي يا رامى
( يحضروا محاضراتهم ويطلعوا من الكلية .. رامى واقف ساند ع عربيته وماسك الفون )
رويدا : رايحة فين ؟
( متردش زينة .. تقرب ع رامي )
زينة : يعنى من ناوي تلايمها ؟
( يبصلها رامي )
رامي : مين انا ؟
زينة : اومال امي
رامى : نعم ؟
زينة : ملكش دعوة برويدا اوك
رامى : انا جيت جنبها ؟
زينة : متستهبلش وقول لصحابك يتلموا وخلصنا بقا بطل حركاتك دي
رامى : انا معملتش حاجة انا واقف في امان الله جاية تجري شكلي ليه ??
زينة : طب ماشي يا رامي
رامى : لا واقف انا
( تبصله بغيظ وتمشي )
رويدا : مكانش في داعي تكلميه عشاني
زينة : خليه يتلم شوية مانا مش هافضل في القرف دة
رويدا : دي جاي عليا
( يقرب رامي )
رويدا : انا مروحة باي
( تمشي رويدا )
زينة : عاوز ايه ؟
رامى : متتاسفي يا زينة
زينة : قلتلك انسى
رامى : اقسم بالله عشان صعبانة عليا
زينة : ليه ان شاء الله شايف دموعي مغرقة عيوني ولا راكعة ع ركبي وبشد في بنطلونك ؟؟
رامى : لا يا قلبي .. الي هايحصل هايخليكي تشدي في شعرك
( تتخض زينة من جواها بس متبينش )
زينة : فكك مني
( يركن طارق وينزل من عربيته .. تشوفه زينة تييجي تمشي رامى يمسك ايدها )
رامي : لسة مخلصتش كلامي
زينة : بعدين يا رامي سيبنى بدل متحصل مصيبة
رامى : لا
( يقرب طارق )
طارق : في ايه مين دة ؟؟
( رامي يسيب ايد زينة )
زينة : دا داااا ..........
( رامي يمد ايده يسلم ع طارق )
رامى : رامي سواق عربية زينة هانم
( طارق يبص لزينة )
طارق : دة سواق عربيتك ؟!!!!
( زينة تبص لرامي يبتسملها )
زينة : اصلللل ..............
طارق : اصل ايه دة مش منظر سواق !!!!
رامى : لا نسيت اوضحلك انا ابن السواق اصل بابا تعبان اوى اوى وانا اخدت مكانه لحد ميقوم بالسلامة بقا ويرجع لشغله
طارق : اه
رامى : مين بقا حضرتك .. يقربلك دة ولا مين عشان بس ابقى اقول لابوكي
( تتخض زينة و طارق )
زينة : لا ........
طارق : لا انا زميلها في الكلية انا بس كنت بشوفها لو محتاجة حاجة
رامى : اه لا شكرا ع خدماتك .. اتفضلي يا هانم
( يشاورلها ع عربيته .. تروح زينة غصب عنها تركب )
رامي : عن اذنك
طارق : اتفضل
( يركب رامى ويمشوا )
زينة : ايه الي هببته دة ؟؟
رامى : اقف وتنزلي ؟
زينة : لا اوعى تقف
رامى : اوك
زينة : انت عاوز ايه مني بالظبط مش فاهمة
رامى : مانا قلتلك
زينة : وانا قلتلك انسى مش هاتاسف يا رامي
( يبعدوا ع الكلية )
رامى : اوك براحتك
زينة : وقف هنا نزلني
رامى : اه عاوزة تنزلي لما بعدتي عنه
زينة : اقف
رامى : هاوصلك
زينة : لا اقف شكرا
رامى : قلت هاوصلك
زينة : اوووووف
رامى : عيب متتنفخيش
زينة : والله وانت مالك ؟
رامى : بعلمك الادب
زينة : خليك في نفسك
رامى : كلمة انا اسفة والله مش هاتضرك بس الي جاي هايضرك انا كل دة بهزر معاكي
( متردش زينة )
رامى : براحتك
( يوصلها قدام الفيلا .. تنزل )
رامى : مافيش شكرا ع التوصيلة ؟
( تهبد الباب )
رامى : العفو
( تدخل البيت ويمشي رامى .. تطلع اوضتها .. بعد شوية يرن موبايلها )
زينة : ايه يا طارق
طارق : ايه يا زينة انتى فين ؟
زينة : في البيت
طارق : مقلتليش ليه انك وصلتى ؟؟
زينة : معلش نسيت
طارق : ابقي كلمى بباكي يشوفلك سواق تانى غير الولا دة شكله مش متظبط
زينة : لا خلاص بباه خف
طارق : هو لحق
زينة : اعمله ايه بقا مع حالهم هما
طارق : مالك متعصبة ليه ؟
زينة : مش متعصبة انا بس عاوزة انام هابقى اكلمك
طارق : اوك باي
( تقفل زينة .. يرن موبايلها برسالة )
الرسالة : دي اخر فرصة ليكي هاتتاسفي ولا لا ؟
زينة : تبعتله رسالة ب لا
( تعدى الايام .. زينة في البيت .. يرن موبايلها )
طارق : الو
زينة : ايه يا طارق بقالك اكتر من يومين ولا بشوفك ولا بترد عليا
طارق : معلش يا حبي غصب عني
زينة : في ايه مال صوتك ؟؟
طارق : عملت حادثة بالعربية ورجلي اتجبست
زينة : يا قلبي بجد !!!!
طارق : اه
زينة : سلامتك يا حبيبي ان شالله انا
طارق : بعد الشر عليكي
زينة : مش تخلي بالك يا طارق
طارق : كنت واخد بالي والله بس معرفش حصل ايه محستش غير وانا في المستشفى
زينة : مقلتليش ليه طيب ؟؟
طارق : مرضتش اخضك قلت صوتى يتعدل واقدر اكلمك
زينة : طب انت في البيت ولا فين ؟
طارق : اه في البيت
زينة : طب انا هاجيلك عشان اطمن عليك في حد عندك ؟
طارق : مافيش غير بابا ونازل الشغل
زينة : ماشي انا هالبس واجي
طارق : اوك هستناكي
( تقفل زينة وتقوم تلبس بسرعة .. تدق الساعة 6 تكون زينة بتخبط ع باب فيلة طارق الي برة .. يفتح الامن )
الامن : مين حضرتك ؟
زينة : انا زميلة طارق هو عارف اني جاية
الامن : اوك اتفضلي
( يدخلها ويقفل الباب .. تخبط ع باب الفيلا الي جوة تفتح الشغالة )
الشغالة : اتفضلي
( تدخل زينة تقعد )
الشغالة : هاقول لاستاذ طارق
زينة : اوك
( تمشي الشغالة )
رامى : منورة
( تتخض زينة من الصوت وتلف تلاقي رامي جاي عليها )
زينة : رامي !!!!
( يبتسم رامي )
رامى : لا طارق بس ع احلى طبعا
( زينة مش عارفة تنطق من الصدمة .. تقوم تقف )
رامى : ايه اتخضيتى ولا اتصدمتي ؟؟
زينة : ان .............
رامى : انتى لسة مشوفتيش حاجة .. دى ربع المفاجاه .. هو انا مقلتلكيش
( يقرب عليها )
رامى : اصلي قررت احتفل بعيد ميلادك انهاردة
( يدخل من برة علي )
علي : ازيك يا مزة
زينة : انتوا بتهزروا مش كدة ؟؟
علي : لا داحنا جد جدا
زينة : ايه الي جابكم بيت طارق ؟؟؟!!!!
( ينزل طارق من ع السلم )
زينة : طارق في ايه ؟؟
( ميردش طارق ويبص في الارض ونازل سليم مفهوش حاجة )
زينة : مش قلت انك متجبس .. مترد عليا انت تعرفهم ؟؟؟
( ميردش )
زينة : قولي في ايه ؟
رامى : انا هاقولك في ايه
( زينة تبص لرامي )
رامى : انا وعلي صحاب من زمان اما طارق لسة متعرف عليه قريب .. اتعرف عليه عشانك
زينة : مش فاهمة
رامى : انا اتعرفت عليكي في الشركة عند اخوكي واعجبت بيكي وكل حاجة كانت ماشية تمام معانا .. انا كدبت عليكي لما قلتلك انى بتسلى بيكي .. انا مكنتش بتسلى .. انا حبيتك .. اوى .. بس للاسف معجبكيش انى خايف عليكي وقلتى ان دة تحكم وقررتي تسيبينى بمنتهى السهولة .. والي انا مكنتش اعرفه ان سيادتك كنتى عارفة علي قبليا ودايسة معاه في قصة حب .. بعد مسيبنا بعض شاف صورتك ع اللاب بتاعي وحكالي ع كل حاجة .. عن غرورك واد ايه انتى بنى ادمة انانية وواطية بعتيه هو كمان .. فقررت بقا انتقم بطارق .. حطيط فيه كل الصفات الي تحبيها وسيبتك في وش المدفع زي مبيقولوا .. قلتلك تتاسفي وكنت هاسيبهولك .. بس مرضتيش .. جربتى بقا يعنى ايه حب .. اظن عدانى العيب سيبتك معاه كام شهر ظبتك رومانسية وعشق .. وكان كل خطوة بيخطيها معاكي بامر مني وكل كلمة بيقولهالك كانت بتبقى طالعة مني .. حتى الصفات الي كرهتيها فينا .. خليتك حبتيها فيه .. تحبي حد وتتعلقي بيه وهو مجرد متمشي من قدامه او يقفل معاكي تليفون بتبقي ميح من دماغه ولا يعرفك .. اه وع فكرة طارق بس عمل الحوار دة مجاملة ليا .. وزى مدخلتك حياته .. طلعتك منها دلوقتي .. واكيد مش انا وعلي لوحدنا الي استهبلتينا وبعتينا اكيد في غيرنا كتير .. واديني انهاردة صفيت حساب كل دول .. مشاعر الناس .. مش لعبة يا زينة .. يارب بس تروحي البيت وضميرك مرتاح
( تنزل دموع زينة )
زينة : انت اكيد كداب .. اكيد بيكدب صح يا طارق ؟؟
( ميردش طارق باصص في حتة تانية .. تصرخ في وشه )
زينة : مترد علياااا اتكلم قول حاجة قول انه بيكدب
علي : المفروض تشكريه عشان عرف يربيكي
( زينة منهارة من العياط .. تبص لطارق بحسرة )
زينة : يعني كنت بتكلمني بس عشان رامي .. يعنى كل الي قلتهولي كدب ومحبتنيش
( ميردش )
زينة : رد عليا قولي ان دة مقلب قول اي حاجة
علي : بعد كل دة متوقعة انه يكون عاوزك ؟؟
زينة : ملكش دعوة انا بكلمه هو .. لو قالي الكلام دة صح هاصدقه وهاطلع من حياته
رامى : قولها يابنى وريحها
( زينة تقرب ع طارق )
زينة : انا اعرفك اكتر منهم وعارفة انك بتحبني .. قول ان كل دة كدب وقولهم انا مين .. قولهم انا حبيبتك صح .. اتكلم
( يبصلها طارق بكل برود )
طارق : كلام رامي صح
( تتخض زينة )
طارق : مافيش حاجة بينا دة كان تمثيل
( تحس زينة ان حد كب عليها ماية متلجة )
زينة : يبقى انت فعلا عرفت تربيني .. عاوزة اشكرك ع كدة .. وع كل لحظة عيشتها معاك وشايفني بتعلق بيك وانت عارف انك هاتسيبني .. شكرا ع كل كلمة حلوة قلتهالي وصدقتها
( تبص لرامي )
زينة : فعلا مشاعر الناس مش لعبة .. ولو كنت جرحتك يا رامى فانا .......
( ميهونش عليها تتاسف )
زينة : صدقنى عمر جرحك مهايبقى بوجع جرحي دلوقتى
( تييجي تمشي .. يقف علي قدامها )
علي : ع فين ؟
( تتخض زينة )
رامي : سيبها يا علي
علي : لا مش هاسيبها احنا متفقناش ع كدة مافيش مشيان
الثاني من هنا
