رواية حبيبي الذي لا اعرفه كاملة بقلم اسماء ايهاب
يوسف احمد السيوفي : رجل أعمال غني جدي في العمل يكره الاشاعات
اسيل زين الدين : تعمل بشركة يوسف بفرع اخر يتيمة الابوين تعيش مع جدها
مراد : خطيب اسيل
حنان : صديقة اسيل منذ الطفولة
امنية : اخت يوسف
سيف : ابن عم يوسف و يحب امنية كثيرا
عزمي : ابن خال اسيل و يعشقها و سافر من اجلها
في منزل بسيط جدا لكنه يوجد به لمسة انثوية تجعل للمنزل حيوية
تستيقظ بطلتنا و تفتح عينها برقة و ترتفع بنصفها العلوي لتنظر الي الساعة بجوارها
شهقت اسيل بخضة : يا لهوي يا لهوي انا اتاخرت
قفزت من الفراش سريعا و دلفت الي المرحاض بعد ان اخذت معها ملابسها بعد فترة قصيرة خرجت اسيل بكل اناقة مرتدية ملابس عملية للعمل و رفعت شعرها العسلي علي هيئة كعكة فوضوية
خرجت من غرفتها و هي تنادي بصوت عالي : جدو يا جدو
دلفت الي غرفة جدها لتجده يغط في نوم عميق اقتربت منه و قبلت جبهته و هي تهزه بخفة : جدو... جدو حبيبي قوم يلا عشان تفطر عشان اتاخرت
استيقظ الجد و اردف : صباح الخير علي احلي بنوته في الدنيا
عليك يا حبيبي يلا بقي يا بطل قوم وفوق علي ما احضر الفطار
رشدي (الجد) : حاضر يا حبيبتي
خرجت اسيل من غرفة الجد متوجه الي المطبخ الا ان سمعت صوت هاتفها فركضت بسرعة فهي تعرف من هو
اسيل بسعادة : الو
...... : صباح الخير
اسيل بابتسامة : صباح النور يا قلبي عامل اية يا حبيبي
مراد (خطيب اسيل) : الحمد لله يا حبيبتي انتي جهزتي
اسيل : لسة هفطر جدو
مراد : طب انا هستناكي تحت عشان اخدك بالعربية اوديكي الشغل اللي انا مش بلعة ده
اسيل : لية بس يا مراد و بعدين انا بحب شغلي جدا
مراد : خلاص يا اسيل مش وقته يلا خلصي و انا تحت
اسيل كانت تعمل و هي تهاتفه علي الهاتف : طب ما تطلع افطر معانا متوقفش تحت كدا
مراد : لا يا اسيل مش هطلع جدك مبيحبنيش و انا مش بحب اقعد مع حد مش بيحبني
اسيل : و الله يا مراد انت ظالم جدو جدو ده مفيش منه و الله
مراد : سو انا هقفل و مستنيكي تحت سلام
اسيل باستسلام : سلام
: يلا يا جددددو الفطار
في مكان ارقي بكثير حيث قصر ضخم و تحديدا غرفة يبدو عليها الرقي
استيقظ بطلنا و دلف الي المرحاض و قام بروتينه اليومي و ارتدي ملابس العمل و نزل الي الاسفل
+
وجد والديه و اخته علي مائدة الطعام و الخدم يضعون الطعام امامهم
يوسف : صباح الخير .
الكل : صباح النور
الام : يلا يا حبيبي عشان تفطر
يوسف : انا متاخر يا ماما ولازم اكون في الشركة بعد.... و هو ينظر الي ساعته الغالية .... بعد 15 دقيقة بالظبط
الاب بجدية : مش هيحصل حاجة لو اتاخرت شوية
اخته ( أمنية ) : سيبه يا بابا انت عارف يوسف و وجهت كلامها لاخيها... هتوصلني الكلية صح
يوسف : متروحي بعربيتك انا متاخر
امنية : عشان خطري يا يوسف العربية بتتصلح يلا يا يوسف بالله عليك
يوسف بقلة حيلة : امري لله ... يلا يا ستي
