رواية كيف احيا معك البارت الخامس 5 بقلم سمسم
((كيف أحيا معك))
البارت الخامسحيدر.....انتى متأكدة انك تقدرى تسيبى الشغل
بيان.....وايه اللى يمنعنى انى اسيبه
حيدر.....الظاهر انك ناسية العقد اللى انتى ماضية عليه
بيان.....فى داهية العقد ده اللى يخلى حضرتك تكلمنى بالطريقة دى
حيدر.....بس للاسف انتى مش هتقدرى تسيبى الشغل يا بيان
بيان....ليه بقى ان شاء الله
حيدر.....علشان فى بنود فى العقد تلزمك انك تفضلى تشتغلى هنا
بيان.....هو ده السبب يعنى
حيدر....ايوة ويلا على شغلك واللى حصل ده ميتكررش تانى انتى فاهمة
قال ذلك ودخل إلى مكتبه وهى واقفة لم تفقه شىء مما قاله
بيان.....بنود ايه دى اللى تخلينى استحمل الذل ده ما علينا يارب كلام اللى اسمه معتز ده يطلع صح وساعتها العقد تبقى تبله وتشربه على الريق يا باشمهندس
......................
فى المكتب
حيدر......اهلا يا معتز منور
معتز.....تسلم بقالك شوية مش بتسأل
حيدر.....عندى بس ضغط شغل خير انتى بتقول جايلى فى شغل
معتز.....ايوة كان فى أرض اشترتها كنت عايزك تصمملى فيها بيت والدور الاول فيه هفتح فيه جاليرى
حيدر .....انت هتقفل الجاليرى اللى انت فتحه دلوقتى
معتز......لاء ده هيبقى زى فرع تانى ليه وكمان عايزك تصمملى شقة دوبلكيس فوقيه علشان ناوى اقعد فيها
حيدر.....ان شاء الله بس عايز شوية بيانات عن مكان الأرض والمساحة والموقع بالزبط علشان اقدر اعملك التصميم
معتز....اوك ماشى انا عارف انك شاطر اوى فى التصميمات علشان كده جتلك تنفذلى الفكرة وكمان انتوا شركة انشاءات معروفة فاكيد التصميم هيبقى هايل
حيدر....ان شاء الله يا معتز
معتز......البيانات اسيبهالك مع بيان
حيدر باندفاع......لاء بيان مش السكرتيرة
معتز .....مش السكرتيرة طب بتشتغل هنا ايه
حيدر .....المساعدة الشخصية بتاعتى
وشدد على تلك الكلمة كأنه يقصد بها ان بيان تخصه هو ولا تخص اى احد آخر هل قال ذلك لانه يعلم ان معتز صاحب علاقات نسائية ويعتبر زير نساء ام قال ذلك بسبب شىء آخر
معتز.....اه فهمت خلاص هسيبلك المعلومات مع السكرتيرة
حيدر.....اوك ماشى
معتز.....وانتى ابقى شوف التكلفة قد ايه وبلغنى
حيدر.....مش هنختلف وكل حاجة هتبقى زى ما انت عايز
معتز.....ان شاء الله استأذن انا علشان عندى شغل
حيدر......مع السلامة ونورت الشوية دول
معتز......شكرا يا حيدر ابقى خلينا نشوفك سلام
حيدر.... إن شاء الله مع السلامة
خرج معتز ومعه حيدر من المكتب ولكن معتز قبل ان يغادر وقف ليتحدث مع بيان
معتز....سلام يا انسة بيان
بيان.....مع السلامة يا استاذ معتز
معتز.....ياريت تفكرى فى الكلام اللى قولتهولك ده وتردى عليا
بيان.....ان شاء الله وهبقى ارد على حضرتك
كان حيدر واقف لايفهم شىء مما يحدث فالظاهر ان هناك شىء لا يعلمه بين بيان ومعتز فماذا يحدث وهو لا يعرف؟
معتز.....ماشى سلام
بيان.....مع السلامة
ذهب معتز من الشركة فرفعت بيان نظرها وجدت حيدر ينظر لها بحاجبين معقودين شابك ذراعيه امام صدره فى حركه تهكمية
بيان باستغراب......فى حاجة يا افندم
حيدر.....هو فى ايه بالزبط بينك وبين معتز اللى يشوفكم يقول انكم تعرفوا بعض من زمان
بيان......حضرتك تقصد ايه
حيدر.....قصدى اللى انتى فهمتيه يا بيان
بيان بعصبية.....انا مسمحلكش تتهمنى فى حاجة زى دى ماشى
حيدر ..... انتى كمان بتعلى صوتك عليا وليكى عين
بيان..... كفاية بقى هو انت فاكر نفسك انك ملكتنى ولا اشترتنى
حيدر.....طالما انتى شغالة عندى اقول اللى انا عايزو انتى فاهمة
بيان.....تقول اللى تقوله بس مش ليا انا مفهوم يا باشمهندس انا مسمحلكش توجه ليا كلام زى ده او تلمح مجرد تلميح بحاجة تهين كرامتى
حيدر.....انتى كمان بتأمرينى
بيان.....اسيبك تهنى واسكتلك الظاهر انك لسه معرفتنيش وعلى ايه بص حضرتك انا خلاص مستقيلة انا مش مضطرة استحمل سخافتك اكتر من كده
عندما سمع حيدر ذلك كان يريد صفعها على وجهها ولكنه لايملك حق ضربها
حيدر......انا سخيف بتقوليلى انا سخيف
بيان.....واكتر مما تتصور كمان انت واحد متنطاقش كمان مغرور ومتعجرف وتافه ومعقد وواخدنى وسيلة تطلع عقدك عليا
حيدر.......اخرصى يا بيان
بيان.....لا مش هخرص والشغل خلاص عندك اشبع بيه انا مستقيلة
قالت ذلك وذهبت وتركته واقف مذهولا من رد فعلها فهو لم يتخيل ان لديها كل هذه الجرأة
حيدر.......ماشى يا بيان انا هعرف ارجعك هنا تانى ازاى وهندمك على كل كلمة قولتيها
............................
فى شقة بيان
كانت تفكر ماذا تفعل بعد ان تركت عملها لدى حيدر ففكرت بالاتصال على معتز وتخبره بموافقتها على رسم اللوحات فربما يحالفها الحظ وتستطيع بيع لوحاتها وتملك بعض المال حتى تستطيع تدبير حالها اخرجت الكارت الخاص به وقامت بالاتصال عليه
بيان.....السلام عليكم استاذ معتز
معتز....وعليكم السلام ايوة انا مين
بيان....انا بيان
معتز.... اه اهلا يا انسة بيان
بيان....انا اتصلت بحضرتك علشان ابلغك انى موافقة على رسم اللوحة
معتز.....تمام ممكن تاخدى وقت اد ايه وتخلصيها
بيان.....ممكن اسبوع
معتز.... تمام وانا هستناكى عندك العنوان فى الكارت
بيان....خلاص ماشى شكرا يا استاذ معتز
معتز....مفيش شكر ولا حاجة وانا هستناكى مع السلامة
بيان.....الله يسلمك
بعد انتهاء مكالمتها مع معتز فكرت فى ان تنام قليلا ثم تخرج لشراء ما يلزمها لرسم اللوحة
بعد مرور بضع ساعات استيقظت من نومها وقامت بتحضير بعض الاكل لها ثم ارتدت ملابسها وخرجت قابلتها أمل على السلم
أمل....ايه يا بنتى انتى كنتى فين دورت عليكى فى الشركة ملقتكيش ايه الندالة دى روحتى وسبتيتى
بيان.....انا سبت الشغل يا أمل
أمل.... ايه سبتى الشغل
بيان.....ايوة
أمل....ليه هو ايه اللى حصل
بيان....تعالى معايا هشترى شوية حاجات وهحكيلك على كل حاجة
خرجت بيان وأمل واثناء سيرهم قصت عليها بيان ما حدث اليوم فى الشركة واستغرابها من تصرف حيدر واتهامه لها بأنها على علاقة بمعتز
أمل.....يعنى هو عمل كده معاكى
بيان....ايوة فاكر نفسه ايه ده مش عارفة انسان بارد ورخم
أمل بمكر....مش جايز غيران عليكى يا بيان
بيان.... غيران على مين ان شاء الله هو انا كنت قريبته ولا من بقية اهله
أمل....ومعتز ده جاد في كلامه بخصوص انه هيشترى منك اللوحة
بيان....ادينى هرسم وهشوف ادعيلى يطلع كلامه صح واقدر فعلا انى الاقى حاجة اصرف بيها على نفسى لانى شاكلى داخلة على مطبات وحفر
أمل.....محدش عارف الخير فين وربك بيسبب الأسباب
بيان......ربنا يسهل بس الحلو فى الموضوع انى مش هشوف وش حيدر تانى وهخلص من شكل امه على الصبح
أمل....ههههه وماله وشه دا حتى يعنى عسول ومز
بيان.....يغور بحلاوته وتفاهته وعقده
أمل....مش عارفة ليه حاسة انه مش هيسيبك فى حالك
بيان....خليه يعمل حاجة كده وهو هيشوف منى اللى عمره ما شافه خليه يجيب اخره معايا وانا اطلع روحه
...........................
كان جالسا يفكر فى تلك الجميلة فهو منذ ان رأها وهى اصبحت لا تفارق خياله فبها شىء يجذبه دون ارادة منه ففكر ان يتصل عليها بحجة سؤالها عن اللوحة التى ترسمها
كانت بالفعل بدأت فى رسم اللوحة منذ ان تركت العمل لدى حيدر فهذا حل مؤقت حتى تستطيع الحصول على عمل اخر لكى تعيل نفسها
اثناء استغراقها فى افكارها الخاصة وجدت هاتفها يرن ووجدت ان المتصل هو معتز
بيان.....الو
معتز......ازيك يا انسة بيان
بيان.....الحمد لله يا استاذ معتز
معتز......انا بس بتصل علشان اعرف انتى ابتديتى فى الرسم ولا لاء
بيان.....ايوة وان شاء الله لما اخلص هجبها لحضرتك
معتز.....ان شاء الله اسيبك تكملى واسف على الازعاج
بيان.....مفيش ازعاج ولا حاجة وشكرا لاهتمامك يا استاذ معتز
معتز......مع السلامة
بيان.....الله يسلمك
قامت باغلاق الخط وهى فى نفس الوقت مستغربة من اتصاله فهى أخبرته سابقا انها بعد ان تنتهى من الرسم ستذهب اليه وتعطيه اللوحة
لا يعرف ما اصابه بعد ان سمع صوتها فمن يراه لا يصدق أنه صاحب باع وصيت فى العلاقات الغرامية
............................
فى منزل صفوت الحسينى
كانت بيان تركت العمل منذ ٣ أيام ومنذ ان تركت العمل وهو لا يهدأ فأصبح ذو مزاج عصبى جداً فهو يشعر ان كرامته تثور عليه فكيف لفتاة مثلها ان تتحدث معه بهذه الطريقة
كان يذرع الغرفة ذهابا وايابا يتملكه الغيظ والعصبية من جرأة هذه الفتاة فى الرد عليه فهى قد وصفته باوصاف كلما يتذكرها يغلى من الغضب ويتملكه الشعور بالانتقام منها فهو منذ ان قابلها ولم يسمع منها كلمة حسنة بحقه فدائما ما تسخر منه من تكون حتى تفعل ذلك فهو لم يقابل احد عامله بهذه الطريقة فاقسم ان يرد لها اهانتها وليس هذا فحسب فسيجعلها تندم على كل كلمة قالتها
حيدر.....ماشى يا بيان انا هوريكى وهعرفك مين حيدر الحسينى وكل كلمة قولتيلها انا هندمك عليها صبرك عليا انتى اللى اختارتى تطلعى اسوء ما فيا تبقى تستحملى بقى اللى هيجرالك منى
قام بالاتصال عليها لاخبارها بما يحتويه العقد الذى قامت بالامضاء عليه دون ان تقرأ بنوده فهذا العقد سيكون الكارت الرابح بيده الآن
عندما رأت اسمه على الهاتف تأففت وتساءلت ماذا يريد فهى قد تركت العمل لديه لماذا يقوم بالاتصال عليها استمر رنين الهاتف كثيرا فاضطرت على الرد
بيان .....ايوة افندم نعمين حضرتك عايز ايه منى تانى لسه فى اهانات نسيت تقولهالى
حيدر....احترمى نفسك وانتى بتتكلمى معايا انتى فاهمة
بيان.....انت عايز ايه مش خلاص انا استقلت عايز ايه
حيدر....عايز ابلغ حضرتك انك متقدريش تسيبى الشغل لان فى عقد لمدة سنتين
بيان....العقد ده تبله وتشرب مايته بس ياريت تشربها على الريق حلو علشان الاحبال الصوتية
حيدر..... بقى كده وماله يبقى انتى الجانية على نفسك يا ام دم خفيف
بيان....انت تقصد ايه عايز تقول ايه
حيدر....يعنى انا اقدر احبسك بالعقد ده
بيان....تحبسنى ازاى يعنى
حيدر.....ايوة ممكن احبسك لو عايزة تعرفى ازاى تيجى بكرة الشركة وانتى هتعرفى سلام يا انسة بيان
قام باغلاق الخط بعد ان القى الرعب فى قلب هذه الفتاة هل ما اخبرها به حقيقة هلى يستطيع حبسها اى عقد هذا الذى سيزج بها فى السجن اذا تركت العمل لديه
بيان بقلق.....منك لله يا حيدر انا عملت ايه فى دنيتى علشان اقابلك واعرفك
شعرت انها ربما سيصابها الجنون من كثرة التفكير ففكرت ان تنزل الى شقة أمل لتجلس معها حتى تريح اعصابها قليلا من التفكير
................................
فى شقة أمل
بيان....السلام عليكم ازيك يا طنط نجوى
نجوى.....ازيك يا حبيبتى ادخلى
بيان....اخبارك ايه وصحتك عاملة ايه دلوقتى
نجوى....الحمد لله يا حبيبتى نحمد ربنا وانتى اخبارك ايه
بيان....الحمد لله أمل فين
نجوى....جوا فى الاوضة ادخلى بنت حلال انا بحضر العشا ادخليلها على ما اخلص ونتعشى سوا
بيان....تسلميلى يا طنط وحشنى الاكل من ايدك
نجوى....ما انتى من ساعة ما اشتغلتى وتقريبا مكنتش بشوفك الا قليل جدا
بيان....شكلك هتشوفينى كتير لانى سيبت الشغل
نجوى....ليه كده ومن امتى ده حصل
بيان.... سبته من ٣ ايام مليش نصيب اقعد اكتر من كده
نجوى....ان شاء الله ربنا هيوفقك انا لسه حلمالك حلم حلو اوى
بيان.....يسمع منك ادعيلى يا طنط
نجوى....ربنا يوفقك يا حبيبتى انتى تستاهلى كل خير
بيان....تسلميلى يا طنط عن اذنك هدخل لامل
نجوى....اتفضلى يا حبيبتى
طرقت على باب غرفة صديقتها فسمعت صوتها يأذن للطارق بالدخول
أمل بصوت عالى..... أدخل
بيان....ماتوطى صوتك ده شوية صوتك جايب لآخر الشارع
أمل....هو انتى افتكرتك ماما هى اللى بتخبط على الباب
بيان....اه انا يا اختى وفى مصيبة كمان
أمل....ياساتر يارب مصيبة ايه دى
بيان.... حيدر اتصل عليا وقالى انه ممكن يحبسنى بالعقد اللى مضيت عليه لما اشتغلت عنده
أمل....يحبسك ازاى يعنى
بيان....وانا ايش عرفنى انا من ساعة ما سمعت ودماغى هتنفجر من التفكير
أمل.... مش جايز بيهزر معاكى يا بيان
بيان....بذمتك حيدر ده يعرف الهزار ابن سلوى شكله مش ناوى يجبها البر
أمل....هو امه اسمها سلوى
بيان....انا فى ايه وانتى فى ايه انا هتجنن وانتى اللى هامك اسم امه
أمل....انا بهزر معاكى بفرفشك شوية
بيان....تصدقى انا غلطانة انى نزلتلك
أمل....والله مش قصدى وانا عارفة ان كل ده بسببى وسبب ماما
بيان.... أمل مش عايزة اسمع منك الكلام ده تانى
أمل بحزن....صدقينى مش عارفة اقولك ايه ولا اعمل ايه وانتى ورطتى نفسك بسببنا
بيان.....خلاص يا امل ده كله نصيب انا هروح بكرة اتفاهم معاه لو متفاهمش هقبض فى زمارة رقبته واخليه يمشى من غير زمارة هههههه
أمل.......ربنا يسترها يا بيان مش قولتلك انه شكله مش هيسيبك فى حالك
بيان..... آه وانا اللى استهونت بيه وقولت مش هيعمل حاجة
................................
فى منزل صفوت الحسينى
استيقظ من نومه وذهب لعمل تمرين الجرى فهذا رابع يوم لايراها صباحا منذ ان عملت لديه بعد ان انتهى قام بتجهيز نفسه ونزل لتناول طعام الإفطار قبل الذهاب الى عمله
حيدر.....صباح الخير
صفوت.....صباح النور يا حبيبى
سلوى بتريقة.....صباح النور هى الست بيان مجتش النهاردة برضو
حيدر.....لاء مجاتش
صفوت.....ليه مجاتش فى حاجة احسن تكون تعبانة ولا حاجة
سلوى....انت خايف عليها
صفوت....اصل الواحد اتعود يشوفها كل يوم الصبح كانت بنت محترمة اوى هى حصلها ايه يا حيدر
حيدر.....سابت الشغل
سلوى بفرحة......بجد دا احلى خبر سمعته النهاردة
صفوت....انتى فرحانة على ايه يعنى هى سابت الشغل ليه
حيدر......ظروف بقى عن اذنكم انا رايح الشركة
صفوت.....مع السلامة
حيدر....الله يسلمك يا بابا
خرج حيدر من المنزل ولكن صفوت نظر لسلوى باستهجان بسبب فرحتها لان بيان تركت العمل لدى ابنها
سلوى.....بتبصلى ليه كده
صفوت....مستغرب انتى فرحانة فى قطع رزق البنت دى ليه
سلوى....علشان مكنتش نزلالى من زور
صفوت....ليه عملت ايه البنت كانت كويسة فى شغلها
سلوى....شغلها ولا قصدك انها كانت بتشتغل على ابنك
صفوت.....البنت محترمة ومظنش يعنى انها زى ما انتى بتفكرى مش كل واحدة تقرب من ابنك تبقى لازم طمعانة فيه
سلوى.....لو بنت فقيرة تبقى طمعانة فيه
صفوت....برضو مش عايزة تتغيرى ابدا يا سلوى
سلوى.....اهم حاجة دلوقتى ان حيدر ونادين يقربوا من بعض
صفوت.....وتفتكرى ده هيحصل
سلوى بثقة.....وليه لاء يعنى هى نادين تتعيب
صفوت....عشم إبليس في الجنة
سلوى.....انت قصدك ايه
صفوت....قصدى انك عارفة ابنك كويس مبيحبش حد يمشى كلامه عليه وانتى عارفة نشفان دماغة وطالما صمم على حاجة محدش هيقدر يخليه يغيير رأيه
.............................
تسلحت بالشجاعة وارتدت ملابسها وذهبت الى الشركة لمقابلته فهى تريد معرفة ماذا يريد هذا الرجل منها فعلى الاغلب لديه تصميم على جعل حياتها جحيم هل هذا بسبب ذلات لسانها فهى على الاغلب كل مواقفها معه تنتهى نهاية مزعجة بالنسبة له ولكنها ماذا تفعل فحظها دائما ما يوقعها فى الخطأ معه
وصلت إلى الشركة قامت بدق باب غرفة مكتبه وظلت تدعو الله ان يوفقها فهى لم تتخيل انه ربما سينفذ تهديده لها ويسجنها
سمع صوت طرق الباب ارتسمت ابتسامة خفيفة على شفتيه فعلى الاغلب الطارق هى لانه اخبرها اذا كانت تريد معرفة ما يحتويه العقد فلابد ان تحضر إليه فأذن للطارق بالدخول
حيدر.....ادخل
فتحت الباب وعندما رأى انها هى استند بظهره على كرسيه ينظر اليها بانتصار وتحدى فهو استطاع ان يقلقها فهو مصمم على جعلها تندم على كل كلمة سخيفة اسمعتها اياه
حيدر.......اهلا اهلا يا انسة بيان اتفضلى
بيان.....انا مش جاية اضايف حضرتك عايز ايه منى تانى
حيدر....مالك داخلة عليا شايطة ليه كده اهدى كدا غلط على اعصابك
بيان....انا مش جاية اهزر يا باشمهندس حضرتك عايز منى ايه بالزبط
حيدر.....والله انتى اللى جاية عايزة تعرفى العقد فيه ايه
بيان.....خير سمعاك اتفضل قولى في ايه العقد ده
حيدر.......اقعدى يا بيان
بيان....انا مرتاحة كده ومش عايزة اقعد
نظر اليها نظرة تحذيرية لاتقبل الجدل فجلست رغما عنها
حيدر.....كويس انك لسه بتسمعى الكلام
بيان.....اتفضل قول يا باشمهندس انا مش فاضية
حيدر....ماشى اولا حضرتك العقد ده لمدة سنتين متقدريش تسيبى فيهم الشغل لاى سبب من الاسباب حتى الاستقالة ممنوعة متقدريش تسيبى الشغل الا بمزاجى
بيان....ها وايه تانى
حيدر.....فى شرط جزائي فى العقد انك لو سيبتى الشغل قبل انتهاء المدة تدفعيلى ٢٥٠ الف جنية
بيان.....ايه ٢٥٠ الف جنية ازاى
حيدر....اتفضلى العقد اهو لتكونى مفكرة انى بكذب عليكى
اخذت منه العقد ووجدت بيان ان المبلغ صحيح فهذه غلطتها لم تنتبه لبنود العقد عندما قامت بامضاءه
بيان.....بس حضرتك عارف انى مقدرش ادفع المبلغ ده كله
حيدر.....عارف طبعا بس ممكن ترجعى تشتغلى عندى تانى
بيان.....ولا حتى انى اشتغل عندك تانى انا مش مستحملة اشتغل عندك تانى ساعتين لسه هستنى سنتين
حيدر....خلاص براحتك مش انتى بتقولى عنى تافه وسخيف انا هوريكى تفاهتى وسخافتى بجد يا بيان انا قولتلك يا الشغل يا الدفع يا اما فى حل تالت
بيان....اللى هو ايه
حيدر.......الحبس
بيان.....الحبس انت عايز تحبسنى.
حيدر....طبعا ممكن اقدر احبسك علشان اكيد مش هتقدرى تدفعى الشرط الجزائي
بيان بتحدى.....وانا مش هديك الفرصة دى ومش هخليك تمشى شروطك عليا
حيدر بثقة....هتعملى ايه يعنى
بيان.............................
