رواية عريس احلامي الفصل الرابع 4 بقلم مديحة عارف
قررت انى اصارحها بمشاعرى لانى متاكد من مشاعرى دلوقتي من انى بحبها وخايف من رد فعلها وخايف لتكون بتحب حازم علشان كدة هحاول امنعه يكون معاها حتى لو بالتهديد
_طبعا انا كنت مديقه من تصرفات البشمهندس معاذ وتقلباته المزاجية وانه بيعاملنى معاملة قاسية جدا كل ما اكون مع حازم على عكس شخصيته الاولى الى اتعودت عليها حتى الاهتمام الى كنت بشوفه منه اختفى كليا وقررت انى اسالة ليه بيعاملنى كدة صحيت بدرى المرداى واستعديت ونزلت علشان اول ما يجى الشركة اكون اول وحدة تكلمه لانه الفترة دى علشان ادخله المكتب باخد وقت
_صحيت بدرى لانى بعانى من ارق الفترة دى بسبب تفكيرى فى الزفت حازم فا شربت الشاى وخرجت من غير ما استنى عماد علشان نخرج سوا وصلت وركبت الاسانسير ولقيت لمار فيه واستغربت انها جاية بدرى ومن غير كوارث علشان تلحق الاسانسير زى كل مره وقبل ما يقفل باب الاسانسير حد حط ايده الباب اتفتح وركب معانا اكتر بنى ادم بكرهو فى حياتى
حازم: صباح الخير يا جماعة كويس انى لحقتكم
لمار: صباح النور
حازم: جرا ايه يا ميزو ما ترد الصباح
معاذ: واضح انك طول السنين دى نسيت ايه اكتر حاجة بتديقنى منك ومصمم تعملها
حازم: ايه يا ميزو ما يبقاش قلبك اسود
معاذ: نزل ايدك كام مره قولتلك لما تتكلم تتكلم بلسانك مش بايدك دة اولا ثانيا معتقدش انو كان فى هزار بينى وبينك ايام زمان علشان تقولى يا ميزو ثالثا انا هنا المدير فياريت تراعى حدود وظيفتك ومتتخطهاش اظن واضح كلامى
_الطريقة الى اتكلم بيها البشمهندس معاذ مع حازم كانت شديدة جدا متوحيش ان دول اتنين يعرفوا بعض من وهما صغيرين وكأنهم فى حرب كل واحد عايز يكسب التانى وطريقته خوفتنى جدا خلتنى بدل ما كنت ناوية اساله اتراجع عن قرارى واستحمل كلامه بحكم الشغل وبس وصلنا الشركة وكل واحد مشى على شغله واحنا ساكتين بعد ساعتين كان صوت البشمهندس معاذ عالى جدا فى المكتب والواضح انه كان بيزعق لحازم صح مسمعناش هما كانوا بيقولوا ايه بس واضح انها مشكلة كبيرة كنت قاعدة مع امل واحكيلها عن معاملة البشمهندس معاذ ليا وايه سبب التغيير دة وفاجتنى بكلامها
امل: اكيد فى حاجة مدايقاه منك
لمار: بالعكس انا معملتش حاجة تدايقه والشغل كله كويس
امل: بصراحة انا شاكة فى حاجه بس مش متاكدة
لمار: حاجة ايه
امل: ان مستر معاذ معجب بيكي
لمار: ايه الى انتى بتقوليه دة
امل: دى الحقيقة هو متغيرش معاكى غير لما شرف هنا حازم مش كدة
لمار: فعلا بس يمكن لان هما مش متفاهمين من الاول
امل: حتى لو ايه الى يخليه يعاملك وحش ويطلب منك متقعديش معاه لوحدكم غير انه غيران عليكى
لمار: نعم لا طبعا
امل: والله دة التفسير الوحيد للى بيحصل وانا قلتلك شاكة مش متاكدة
لمار: طب قفلى على الموضوع ده
امل: اوك نرجع للشغل يلا
لمار: طيب
فى مكتب 
معاذ
معاذحازم: جرا ايه يا معاذ الطريقة الى بتكلمنى بيها دى قدام لمار
معاذ: نعم هو دة الى هامك خايف على منظرك قدامها مكنتش اعرف انك مهزق قوى
حاز: احترم نفسك يا بشمهندس معاذ انا بتكلم كويس وبعدين بلاش المعاملة الى بتعاملها للبنت دى مشكلتك معايا انا مش كدة
معاذ: قصدك ايه
حازم: انتا مدايق من وجودى معاها مش كدة
معاذ: وايه الى يدايقنى
حازم: على اساس انى مش واخد بالي انك بتحبها
معاذ: مين الى قال الكلام دة
حازم: متسرحش بيا انا واخد بالى منك قوى بس بعينك يا معاذ مش هسيبهالك
معاذ: نعم انتا اتجننت بتتحدانى يعنى
حازم: طول عمرك بتكسبنى المرادى لا
معاذ: هههه 
ضحكتنى وانا موافق بس انا الى هكسب بردو
ضحكتنى وانا موافق بس انا الى هكسب بردو حازم: هتشوف اما خليتك تشوفها فى حضنى مبقاش انا حازم
معاذ: اخرس انا مستحيل اسمحلك تعمل كده ولو عملتها هقتلك
حازم: هنشوف يا معاذ بيه عن ازنك
خرجت من مكتبه وانا مصمم استفذه اكتر رغم انى مش بحب لمار ولا حاجة بس عايز ادايق فيه شوية على كل الى عمله فيا قبل كدة انا اصلا بحب وحدة تانى ومعاذ لو عرف هيقتلنى لان مفيش فرق بين الاتنين الاولة حبيبته والتانية اخته بس هو لسة ما يعرفش رغم انى عارف انه هيكسبنى الا انى لقيت فرصة العب فيها باعصابه لانى حاسس ان لمار مياله ليه خرجت لقيت الشركة تقريبا فاضية لان دة وقت الاستراحة وطبعا معروف هلاقى لمار بتشرب قهوة واستغليت الفرصة وروحتلها
معاذ: رغم ان كلامه عصبنى الا انى حاسس انى هكسبه لانى ملاحظ ان لمار علاقتها سطحية معاه وانى الفترة الى عدت كنت مقرب منها لولا وجوده مكنتش عاملتها كدة وبصيت على الساعة لقيت ان دة وقت الغداء اول حاجه جات فى عقلى ان اكيد حازم مش هيسيب فرصه زى دى اكيد راح للمار فى غرفة الاستراحة وخرجت من المكتب وحصلته على هناك
حازم:دخلت لقيتها بتشرب القهوة وعرضت عليا اشرب معاها وهى بتعمل القهوة وقع من الفنجان شوية على الارض وقولتلها ميهمكيش وادتنى المج وافتكرت انها نسيت فنجانها على الرف فقامت تجيبه وهى راجعة اتزحلقت وكانت هتقع ولحقتها حطيت ايدى على وسطها وشديتها نحيتى وشافنا معاذ لانه كان واقف
معاذ:ايه الى بيحصل هنا بالظبط
لمار:ولا حاجه
معاذ:نعم امال الى شوفته دة ايه امال ايه المسخرة دى
لمار:حضرتك فاهم غلط
معاذ:فاهم غلط واضح ان حد مفهمكم ان هنا فندق وانتوا واخدين راحتكم على الاخر
لمار:اخرس انتا اتجننت انتا ازاى تشكك فى اخلاقى بكلامك دة
معاذ:انتى نسيتى نفسك انتى هنا بتشتغلى عندى واضح انى كنت مخدوع فيكى
حازم:جرا ايه يا معاذ انتا فعلا فاهم غلط محصلش حاجه علشان تكلمها كدة
لمار:فعلا واضح انى نسيت نفسى واديت لنفسى حجم اكبر من حجمى وعلشان ما اجبش الاسائة لشركة حضرتك انا مستقيلة وخدت شنطتى وجريت وانا بعيط على الاهانة الى سمعتها فى حق سمعتى واخلاقى وكرامتي وان مهما حصل مستحيل اسامحه على الى عمله معايا
حازم:ايه الى انتا عملته انتا اتجننت انتا ظالمها
معاذ:اخرس خالص مسمعش صوتك وغور من وشى بدل ما اقتلك رغم انى عارف ان لمار مش ممكن تغلط بس مقدرتش اسيطر على نفسى لما شوفته حاطط ايده عليها حسيت انى هموت ومعرفش ازاى انا قولتلها كدة اصلا وسبت الشركة ومشيت
لمار:وصلت البيت ودخلت اوضتى وفضلت اعيط لانى كنت مخنوقة من كلامه ليا بعد ما كنت حاسة ان فى مشاعر نحيته اتحولت كلها لكره وبعد دقيقيتين بابا خبط ودخل عليا
حمدى:اميرتى بتبكى ليه
لمار:رميت نفسى فى حضن بابا وقعدت اعيط وقعد يهدى فيا وحكيتله الى حصل على قد ما كان مدايق عليا على قد ما كان مبسوط من رد فعلى وقالى ان كرامتى اغلى من اى حاجه وبما انى متاكدة انى معملتش حاجه غلط قالى خلاص مفيش حاجه تدايقك ومسابنيش غير وانا بضحك ومزعلش على انى مش هكمل شغل فى شركة الادوية بالعكس بعد اسبوع من قعدتى فى البيت بابا جبلى شغل تانى وكانت حاجة انا بحبها هو كان عارف انى بحب التصميم رغم انى حاولت اخبى عنه الا انه وقف جمبى ونسانى كل الى حصل وجبلى شغل فى شركة هندسة ديكور وكمان قدملى فى جامعة هندسة بفلوس علشان الشغل مش بيقبل غير الى واخدين شهادة وروحت وعملت مقابلة والمدير عجبه شغلى جدا وقال انى هشتغل متدربة لحد ما اخد الشهادة فرحت جدا ونسيت كل الى حصلى من شهرين وخلاص قلت هبدا حياة جديده فى حاجة انا بحبها لكن مش دايما الفرحة بتكمل لانى اتصدمت ان صاحب الشركة الرئيسى يكون....؟
معاذ:بعد ما مشيت لمار المكتب مبقاش ليه طعم رغم انى عارف انى ظلمتها الا انى مستحملتش اشوفها مع حد غيرى وقررت ان طول ما حازم فى الشركة انا مش هعتبها وقلت لبابا انى هرجع شركتى لان ليا 6 شهور سيباها تحت ادارة اياد صاحبى ومراته عزة لان هما اكتر اتنين بثق فيهم لانهم كانه اعز صحاب ليا فى الجامعة منا زى ما قلت فى البداية انا مهندس ديكور وفتحت شركتى بعد 4 سنين من التخرج وشركتى دلوقتي ليها اسمها وقعدت فترة الشهرين مخنوق جدا انى مش بشوف لمار ولاخر لحظة كنت هروحلها علشان اعتذرلها ومازالت الفكرة موجوده لحد ما رجعت شركتى واتصدمت من تعيين متدربين جداد من ضمنهم وحدة مش معاها شهادة والى استغربته ان ازاى اياد مخدش باله من النقطة دى
معاذ:ايه يا اياد الى بيحصل دة ازاى توظف وحدة من غير لا شهادة ولا شهادة خبرة لمدة سنة
اياد:الصراحة البنت شغلها جميل وهى حاليا بتدرس فى الكلية
معاذ:مش مقتنع بكلامك دة هى تقربلك
اياد:الصراحة...
معاذ:اتكلم مدام بداتها كدة تبقى قريبتك
اياد:هى مش قريبتى رسمى هى تبقى بنت خال عزة مراتى وباباها غالى عليا قوى ولما طلب منى بس انها تشغل وقتها لحد التخرج قولت مفيش مانع بما انك فى شركة عمى
معاذ:اه طبعا ما هو دة الى كان ناقص
اياد:جرا ايه يا معاذ دى اول مره تكلمنى فيها كدة
معاذ:ولايهمك يا اياد انا بس مخنوق شويه ورينى بقى تصاميمها الى عجبتك قوى
اياد:تمام لحظة...اتفضل
معاذ:بصيت على التصاميم كانت جميلة جدا لدرجة انى مصدقتش انى دى تصاميم وحدة مش متخرجة لان التصاميم باين عليها بتاعة وحدة محترفة انتا متاكد يا اياد انها لسة متخرجتش
اياد:اه ليه
معاذ:شغلها حلو جدا دة انا قلت دى وحدة محترفة مفيش حد بيعمل باتقان وادق التفاصيل دى
اياد:مش قلتلك خسارة فعلا علشان كدة قلت اهى تبقى متدربة وبعد التخرج تاخد شهادة الخبرة من عندنا ولا ايه رايك
معاذ:مافيش مانع طبعا معملتلهاش قرار توظيف رسمى ومش بتاخد مرتب
اياد:ايوة
معاذ:اعملها قرار توظيف مؤقت وهتهولى امضى عليه وابقى ابعتهالى علشان اشوف باقى التصاميم
اياد:تمام عن ازنك....ازيك يا لمار
لمار:ازيك يا اياد
اياد:جايبلك اخبار تجنن
لمار:ايه هى
اياد:صاحب الشركة رجع انا مش قولتلك انه مش موجود حاليا
لمار:اه فاكرة انك قولتلى حصل ايه
اياد:كلمته عنك ووافق انك تتوظفى هنا ووريته تصامميك وعجبته جدا وهيتمضى قرار توظيف مؤقت لحد ما تجيبى شهادة التخرج وبعدها هتاخدى شهادة الخبرة من هنا وتبقى مهندسة رسمى وهيطلعلك من اول الشهر مرتب
لمار:بجد وافق عليا
اياد:ايوة ودلوقتى تروحى توريه باقى التصاميم لانه عاوز يشوفك ويباركلك بنفسه
لمار:تمام هروحله فورا ومتشكرة يا اياد
اياد:العفو على ايه يلا روحى بسرعة
لمار:حاضر..خدت تصاميمى وروحت لمكتب صاحب الشركة والمهندس الرئيسى هناك ودخلت المكتب وهو كان قاعد ومدينى ضهره ولف الكرسى من ناحية الشباك بعد ما دخلت قلى مبروك لانضمامك معا وانشاءالله بالنجاح والتوفيق اول ما اتكلم حسيت بحاجة غريبة ومتاكدة انى سمعت الصوت دة قبل كدة بس قولت يمكن بيتهالى وقولتله الله يبارك فيك يا فندم اتفضل باقر التصاميم اهيه لف الكرسى وقالى
معاذ:تمام انا مضيت قرار تعيينك وبلاش كلمة فندم دى انا البشمهندس معاذ امجد
قال كل دة وهو ما بصليش اصلا كان ماسك الملف الى فيه التصاميم بتاعتى وانا بصاله ومصدومة وبعد ما خلص بصلى وقالى ممتاز جدا اتفضلى الملف وكملى على الشغل دة كويس واتصدم لما اتاكد ان الى قدامه انا
معاذ:لمار
خدت الملف بتاعى من قدامه ومشيت من غير ما اتكلم حسيت انى مخنوقة اول ما شفته وخدت شنطتى وحاجتى ومشيت واتصلت باياد وقولته انى مشيت لانى تعبانة شوية وكنت مقررة انى مرجعش الشركة تانى وروحت وحكيت لبابا الى حصل ومدايق منى وقالى
حمدى:ايه الى انتى بتقوليه دة يعنى ايه متروحيش انتى شايفة نفسك غلطانة
لمار:لا
حمدى:تبقى غلطانة لو سبتيها اعتبريه مش موجود متنسيش ان التصميم دة اكتر حاجة بتحبيها متخسريش موهبتك علشان اى حد طالما انتى صح يبقى تروحى وتحطى صباعك فى عين اى حد يحاول يهز ثقتك فى نفسك
لمار:عندك حق يا بابا انا هروح واكمل ولا كانه موجود
حمدى:ايوة كدة هى دى بنتى
نمت وانا مقررة انى هكمل فى الشركة غصب عنه وان انا مش غلطانة وانه مهما عمل مش هخليه يهز ثقتى ولا يقلل منى تانى
معاذ:انا اول ما شفت لمار مكنتش عارف اعمل ايه وهى اول ما شافتنى خدت بعضها ومشيت والى كنت متاكد منه انها مش هترجع تانى لانى بالنسبه ليها واحد بتكرهه رغم انى كنت فرحان انى هرجت اشوفها تانى الا انى مش عارف اعتذرلها ازاى على الى عملته ورغم انها بعدت عنى شهرين بس الا انى كنت حاسسهم سنتين وحشتنى جدا وانى عاوز اكون معاها كل دقيقة وكل لحظة وانى المرادى لازم مخسرهاش واصلح غلطتى واعترفلها بحبى يمكن تسامحنى
