رواية عريس احلامي الفصل الثالث 3 بقلم مديحة عارف
روحت البيت وانا مدايق من الى حصل للانسة لمار وكأنى مكتوب عليا اكون السبب فى اذاها رغم انها هونت عليا انه محصلش حاجة ورغم مسامحتها ليا الا انى حاسس بالذنب مش عارف ليه بس حاسس انى لازم احميها اول مره شفتها كان باين عليها انها بنت شخصيتها قوية عكس الشخصيه الى شفتها فى الشغل بنت بسيطة وعقلانية ومرحة جدا واتشديت ليها جامد مش عارف ليه بس بحسها طفلة فى ثوب انثى جميلة ضعيفة منكرش انى معجب بيها بس لسة مش متاكد من مشاعرى وانا قاعد بفكر فيها قاطع فكرى دخول بابا عليا الاوضه علشان يبلغنى بانضمام حد جديد فى الشركة
أمجد:معاذ
معاذ:اتفضليا بابا
أمجد:عامل ايه فى الشغل
معاذ:تمام مش بطال والله
أمجد:ازاى الكلام دة امال عماد بيقول انك مبسوط
معاذ:هو قال كده
أمجد:المهم مش دة موضوعنا
معاذ:اتفضل قول يا بابا
أمجد:كنت عايز ابلغك ان بكرة هيجى الدكتور حازم صبرى بن صديقى القديم فاكره
معاذ:تقصد انكل صبرى عزت دكتور الجراحة
أمجد:ايوة بالظبط كدة
معاذ:ودة هيعمل ايه فى الشركة يا بابا احنا شركة ادوية
أمجد:ابنه دكتور صيدلى رجع من السفر امبارح وعاوزين يطمنه على مستقبله
معاذ:تمام هو هيجى بكرة
أمجد:متنساش تعامله حلو انا عارف انك مكنتش بطيقه من وانتا صغير
معاذ:حاضر يابابا هحاول
امجد:تمام تصبح على خير
معاذ:وانتا من اهله
طبعا انا انهاردة اجازة وقعدت البيت زهقتنى قوى فقررت انزل اشترى شوية حجات من مول العرب وخدت معايا تارا لانها كانت بتجهز وبتشترى حجات كتير وبالصدفة شوفنا استاذ معاذ ومامته
تارا:لمار
لمار:ايوة يا تارا فى حاجة عجبتك هنا
تارا:اه ايه رايك فى دة
لمار: جميل جداً...بقولك انا هرد علي التلفون ارجعلك هطلع من المحل بس علشان اسمع كويس
تارا:تمام هستناكى
خرجت من المحل ورديت على التلفون وفجاة وحدة خبطت فيا وواضح كدة انها دايخة مسكتها وجبتلها كرسى وقعدتها قدام باب المحل الى بنشترى منه وجبتلها عصير وفضلت واقفة معاه ونسيت التلفون خالص
لمار:حضرتك كويسة يا مدام
ماجدة:انا بخير متشكرة جدا تسلمى يا حبيبتى
لمار:على ايه بس حمدلله على سلامتك انتى مريضه من حاجة
ماجدة:لا يا حبيبتى بس ضغطى وطى شوية
ماجدة:مكنش لازم تخرجى لوحدك كان لازم يبقى حد معاكى
ماجدة:معايا بنتى الصغيرة بس مش عارفة ذاغت منى فين
حلا:ماما بدور عليكى انتى فين
ماجدة:انا اهو ليه
حلا:اصل انا لما ملقتكيش اتخضيت عليكى ورنيت على ميزو
ماجدة:ليه تقلقى اخوكى
حلا:مكنتش عارفة اتصرف ازاى
ماجدة:طيب كلميه وقوليله ميجيش
حلا:حاضر
ماجدة:شكرا يا بنتى اسفة لو عطلتلك
لمار:لا ابدا ولا يهمك انا حاسة انى شفت حضرتك قبل كدة
ماجدة:وانا كمان بس مش فاكرة انتى عارفة الذاكرة بقت ضعيفة دلوقتي
لمار:ربنا يديكى الصحه
حلا:ماما بصراحة ميزو وصل
ماجدة:اعمل فيكى ايه
وصلت المول وانا مخضوض على ماما ليكون جرالها حاجة خصوصا من سعت ما جالها الضغط وهى بتدوخ كتير ووصلت هناك ومكنتش الصدفة الى حصلت دى
معاذ:ماما انتى كويسة
ماجدة:انا كويسة الحمدلله البركة فى الامورة دى
طبعا انا اتفاجأت اول ما شفت استاذ معاذ هو دخل جرى على والدته ومخدش باله منى واول ما مامته اتكلمت عنى بصلى واتفاجا
معاذ:لمار
ماجدة:انتوا تعرفوا بعض
لمار: اه اهلا يا بشمهندس معاذ وحمدلله على سلامة ماما
ماجدة:الله يسلمك يا حبيبتى وشكرا على الى عملتيه
لمار:انا معملتش حاجه
وطبعا لما اتاخرت على تارا خرجت علشان تشوفنى واتفاجات انى واقفة مع خالتها وولاد خالتها
تارا:ايه يا بنتى اتاخرتى كدة ليه...الله خالته مالك في ايه
ماجدة:تارا انتى بتعملى ايه هنا
تارا:انا ولمار كنا بنشترى شوية حجات لجهازى وهى كانت بتجيب لنفسها انما انتوا مالكو واقفين كدة
ماجدة:اصلى دوخت شوية والامورة دى لحقتنى
لمار:متقوليش كده يا طنط انا معملتش حاجه
ماجدة:صحيح مقولتليش تعرفى تارا بنت اختى منين
تارا:نسيت اعرفك يا خالتوا لمار تكون انت لؤى خطيبى
ماجدة:اه اهلا وسهلا يا بنتى تشرفنا
لمار:اهلا بيكي
بعد ما اتكلمنا شوية قدام باب المحل كملنا الشراء بس كلنا وطبعا كمل معانا البشمهندس معاذ لانه رفض يمشى وقرر يوصل مامته علشان لو تعبت تانى انا مش عارفة ليه كل ما ابص للبشمهندس معاذ قلبى يدق جامد بس كنت حاسة بالأحراج لانهم كلهم عائلة فى بعض انا الغريبة بينهم وكانت حلا بنت لطيفة جدا عكس البشمهندس معاذ وشقية جدا وفضلنا نشترى لتارا علشان جاهزها وانا طبعا لغيت موضوع الشراء وقلت ابقي اجى مع امل فيوم تانى وانا ماشية فى المول عجبنى فستان 
روز طويل وكنت بفكر اشتريه بس قلت بعدين واحنا خارجين من المول قعدنا نضور على البشمهندس معاذ لكن مكنش موجود وشويه ولقيناه خرج من المول وهو ماسك شنطة هدايا واصر الجميع انى اركب معاهم العربية ويوصلونى لحد البيت ووروحت وانا حاسة بالاحراج وان اليوم كان غريب عليا وسط عائلة البشمهندس معاذ على عكسهم كانوا مبسوطين جدا من وجودى معاهم
روز طويل وكنت بفكر اشتريه بس قلت بعدين واحنا خارجين من المول قعدنا نضور على البشمهندس معاذ لكن مكنش موجود وشويه ولقيناه خرج من المول وهو ماسك شنطة هدايا واصر الجميع انى اركب معاهم العربية ويوصلونى لحد البيت ووروحت وانا حاسة بالاحراج وان اليوم كان غريب عليا وسط عائلة البشمهندس معاذ على عكسهم كانوا مبسوطين جدا من وجودى معاهم تانى يوم صحيت من النوم متاخرة وكالعادة لبست وجهزت وجريت علشان الحق الشغل
انا بقى كنت مدايق من وجود ابن انكل صبرى معايا فى مكان واحد ومكنتش بطيقه من واحنا عيال بس علشان بابا استقبلته كويس واستلم شغله فى نفس اليوم الى سبت فيه الشركة وروحت لماما
وصلت الشغل وجريت على السلم علشان الحق الاسانسير وكنت هقع بس لحقنى حد وومسكنى من ضهرى قبل ما اقع بصتله علشان اشكره جانى صوت البشمهندس معاذ كنت فكراه هو لكن اتصدمت بشخص تانى
معاذ:لمار مش تحاسبى
لمار:متشكرة جدا يا بشمهندس....الله حازم
حازم:لمار مكنتش اعرف انك انتى كنت سبتك تقعى
لمار:مش ناوى تبطل رخامة ابدا
حازم:ههه لا
معاذ:ايه هتفضلوا هنا كتير يلا على الشغل
حازم:براحة علينا يا استاذ معاذ
معاذ:على راحتك بس لما تطلع وتلاقى اليوم مخصوم متديقش
لمار:حاضر يا بشمهندس عن ازنكم
طلعت على شغلى وانا مستغربة وجود فيروس الكلية حازم الى ياما شلنى دة الاسم الى كنا نندهله بيه ايام الكلية وبعد الشغل فى فترة الاستراحة طبعا انا متعودة انى اشرب قهوه روحت ولقيت حازم ورايا وقعدنا نحكى على ايام الكلية وكدة ومعداش شوية ودخل البشمهندس معاذ وهو باين عليه مدايق وقال
معاذ:وقت الاكل خلص
حازم:لسة مخلصش يا بشمهندس بص فى ساعتك كويس
معاذ:انا قولت خلص اتفضل على شغلك يا استاذ وانتى حصلينى على المكتب
لمار:حاضر يا بشمهندس
روحت مكتبه وانا مش فاهمه فى ايه بس كنت متاكدة انه فى حاجه مديقاه
لمار:نعم يا بشمهندس معاذ
معاذ:من فضلك يا انسة لمار هنا مكان شغل مش كافية علشان تقعدى وتضحكى وتهزرى فيه
لمار:ايوة بس دة وقت الراحة
معاذ:لو عايزة تضحكي وتهزرى يبقى زيك زى الكل تنزلى اى كافيه لان هنا مش كافيه والاسلوب دة مش فى الشركة
لمار: ايوة بس انا مغلطتش
معاذ:لما تقعدى مع شاب لوحدكم فى غرفة مقفول عليكم باب تبقى مغلطتيش
لمار:حضرتك ازاى تكلمنى كدة
معاذ:انا بوضحلك ان لو اى حد غيرى شافكم هتسمعى كلام اصعب من كلامى انا بنصحك
لمار:تمام يا فندم حاجة تانى
معاذ:لا اتفضلي على شغلك
رجعت شغلى وانا متعصبة لدرجة انى كنت مستعدة اقتل اى حد فى وشى وان حازم كل ما يكلمنى مردش عليه لان لو رديت على اى حد هرتكب فيه جريمة
_انا مالي اتعصبت كدة ليه ما تقعد معاه ولا مع غيره وانا مالى قعدت 5 ايام كل ما اشوف حازم مع لمار اتعصب والى عرفته انهم كانه مع بعض فى الكلية بس اى الى يخلينى مدايق كدة هى حرة فى حياتها ومن خنقتى حكيت لعماد على الى حصل
عماد:هههه 
معاذ:انتا بتضحك علي ايه انتا كمان
عماد:علشان هى واضحة زى الشمس
معاذ:هى ايه دى
عماد:انتا بتحبها
معاذ: انتا هتهزر يا عماد
عماد:لا والله بتكلم جد انتا غيران عليها من حازم رغم انى متاكد انك مبتطيقهوش لله فى لله بس الوضع زاد لما بقى يقعد معاها انتا بتتخنق وبتبقى عايز تضربه مش كدة
معاذ:فعلا
عماد:ههه مبروك عليك وقعت ومحدش سما عليك انا ماشى
عماد سابنى ومشى وانا عمال افكر معقول اكون حبيتها بجد ولو مبحبهاش ليه بدايق من وجودها مع حازم وبطلع عصبيتى عليها وادايق فيها وبعد تفكير طويل اتاكدت انى بحبها لان طول ما هى جمبى بحس ان قلبى بيفضل يدق بسرعة وببقى نفسى اخدها فى حضنى وما بقتش عارف اعمل ايه واقولها ازاى
