رواية كيف احيا معك البارت الثالث 3 بقلم سمسم
(كيف أحيا معك))
البارت الثالثحيدر....... خلصتى اسئلة يا سلوى هانم
سلوى بغضب......حيدر مش ناوى تحترم نفسك
حيدر.....هو انا قليت ادبى فى ايه يا سلوى هانم انا بس بسألك لو خلصتى تحقيقك معاها تيجى علشان نشوف هنعمل ايه علشان الحق اشوف شغلى
سلوى.....انا بس بعرفها ايه اللى مطلوب منها علشان تبقى فاهمة مش أكتر وتبقى عارفة هى بتشتغل مع مين
حيدر.....وانا معرفها المطلوب منها متشغليش بالك انتى
يلا يا بيان
خرجت بيان وهى لا تفهم سبب معاملة والدته لها بهذا الشكل فهى لم ولن تتجاوز حدودها معه ابدا كانت شاردة فى افكارها عندما سمعت صوته يحدثها
حيدر....ااااايه انا بكلم نفسى ولا ايه
بيان....اسفة بس سرحت شوية
حيدر....فى كلام امى مش كده
بيان.... الصراحة معرفش ايه سبب معاملتها ليا بالطريقة دى هى ليه مش حابة انى اشتغل معاك إيه السبب
حيدر..... متفكريش كتير خليكى فى شغلك وبس ماشى يا بيان
بيان....لو هى مضايقة من انى المساعدة بتاعتك ممكن حضرتك تخلينى ارجع اشتغل فى الحسابات تانى وده يكون احسن للكل
حيدر بهدوء......بيان
بيان....نعم
حيدر......يلا قومى جهزيلى الهدوم خلينا نروح الشركة
بيان......ايه الرد ده
حيدر.... يلا قومى بلاش كلام مصدى على الصبح انا مش فايقلك انتى كمان
بيان....كلام مصدى طب تحب حضرتك اسنفرهولك هيرجع جديد
حيدر......بلاش خفة دم على الصبح وقومى يلا انا هاخد شور على ما تجهزيلى الهدوم
قال ذلك وسبقها ليأخذ حمامه بعد تمرين الجرى ولكنها ظلت مكانها بضع دقائق ثم ذهبت لتنفيذ ما طلبه منها
بيان.....يا سوادى هو انا بشتغل الدادة بتاعته ولا ايه مفيش حاجة تحصل تخلصنى منه هو وأمه
...................
فى منزل بيان
كانت تجلس هى وأمل وتضع رجليها فى ماء دافىء لمى تريح قدميها ولكن عندما رأتها امل لم تتمالك نفسها من الضحك عليها
أمل بضحك.....ايه ده يا بيان
بيان.....مايه وملح
أمل.....ماية وملح معملتيش مراكب ورق تلعبى بيها فى الماية ليه بالمرة
بيان.......مش وقت ظرافتك يا اختى
أمل.....هو بيعمل فيكى ايه يا بنتى لده كله
بيان....مش عارفة يا أمل هو ليه بيعمل فيا كده دا معندوش ذرة إحساس انا بموت يا فخرى
أمل....وبعدين هتعملى ايه انتى كده هوديكى مستشفى المجانين
بيان.....اعمل ايه يعنى احطله سم فى ازازة الماية ولا فى القهوة
أمل.....ايه الافكار الاجرامية دى كلها
بيان.....اصلك مجربتيش يا أمل قال كنت بقول عليه فرفور دا طلع ولا دراكولا
أمل..... هو بيتحول ولا ايه دا ايه شغل مسلسل الوسية ده
بيان.....اسكتى يا أمل ولا أمه انتى مشوفتهاش عاملة زى صفية العمرى فى هوانم جاردن سيتي اه يا عضمك يا بيان
سمعوا صوت جرس الباب فنظرت أمل من العين السحرية للباب ونظرت الى بيان
أمل....كملت كوثر وابنها يا حلاوة
بيان....لاء كده حرام كده كتير اوى اوى
أمل.....هتعملى ايه دلوقتى
بيان....انا هدخل اغير هدومى وانتى افتحى الباب
قامت أمل بفتح الباب بابتسامة سمجة على وجهها فهى تعلم ان كوثر وابنها يضايقون بيان كثيرا
أمل....اتفضلوا
كوثر....شكرا يا حبيبتى
عماد....ازيك يا انسة أمل
أمل....الحمد لله اتفضلوا بيان جاية دلوقتى
خرجت بيان من غرفتها بعد ان قامت بتبديل ملابسها ولكنها تشعر بتعب شديد فهى لاتريد ان ترى أحد منهم الآن
بيان....اهلا منورين
كوثر....بيان ازيك مبتسأليش ليه
بيان فى سرها....والله انا ما عايزة اشوفكم شكلكم اصلا
معلش يا طنط أصل الشغل واخد كل وقتى
عماد.....ما تسيبى بقى الشغل ده ونتجوز وتريحى نفسك من التعب ده
بيان بصوت منخفض......عند امك كوثر ياابن كوثر
كوثر....بتقولى ايه يا حبيبتى
بيان....لاء ولا حاجة بس يا طنط ابوس ايدك بلاش الكلام عن الجواز ده تانى انا دماغى وجعانى
عماد....هو ايه سر رفضك ده هو انا وحش ولا ايه
كانت بيان لا تحتمل سماع المزيد من كلامه او كلام والدته فقد طفح كيلها الا يكفي ما تعانيه من حيدر واوامره التى لا تنتهى وكأنه مصمم على جعلها تعانى من كثرة العمل فانفجرت فى الكلام دون مراعاة
بيان.....بص ياض انت وامك انا اتخنقت منكم جواز مش هتجوز وحلوا عنى بقى انا عارفة انت عايز تتجوزنى ليه علشان بعد ما نتجوز تبيع الشقة وتحط حقها فى كرشك انت وامك بس ده بعينكم وهو انا هلاقيها منكم ولا من دراكولا اللى انا شغالة معاه طول النهار اوامر منه لله مش راحمنى شوفوا بقى انا مش عايزة اشوف وشكم تانى هنا ويلا قوموا امشوا يلاااااااااااااا
كانت تتكلم بدون ان تاخذ انفاسها لانها شعرت بضغط كبير على اعصابها فإذا لم تفعل ذلك فربما ستصاب بانهيار عصبي
عندما رآها عماد وكوثر كذلك شعروا بالخوف وخصوصا انها تتكلم من دون مراعاة انهم اقارب والدتها فظنوا انها ربما أصابها الجنون
عماد.....ماما يلا بينا دى شكلها ناوية تاكلنا دى اتجننت على الاخر
كوثر....يلا يا ابنى قبل ما تعمل فينا حاجة
بعد خروجهم من الشقة نظر عماد لوالدته بوجه مصفر من خوفه من كلام بيان
عماد.....بقولك ايه موضوع الجواز ده تنسيه خالص ماشى
كوثر......غندك حق يا ابنى دى اتجننت على الآخر لتتجوزها وتعمل فينا حاجة
خرجوا سريعا من الشقة وكانت أمل تضحك بشدة حتى دمعت عيناها
أمل.....الله يخربيتك يا بيان انتى صرعتيهم
بيان....حاجة قرف يا ساتر لو جم تانى هكسر رجلهم
أمل....هو بعد اللى انتى عملتيه هييجوا تانى
بيان ..... أحسن برضو كفاية عليا سى حيدر واللى بيعمله فيا
.........................
فى منزل صفوت الحسينى
حيدر....بابا فى شيكات لازم امضتك عليها علشان اوديها البنك بكرة
صفوت....حاضر يا حبيبى ايه اخبار الشغل كويس
حيدر.....الحمد لله تمام
سلوى....وايه اخبار المساعدة بتاعتك الست بيان
حيدر .....تمام زى الفل يا سلوى هانم كنتى فاكرة انك هطفشيها بس ده مش هيحصل فمتحوليش انك تزهقيها
سلوى... ايه الاسلوب ده اللى بتكلمنى بيه
حيدر....وعيزانى اتكلم ازاى
سلوى.....تحترم واقع انى أمك
حيدر بسخرية......اكتر من كده احترام
حضرت الخادمة لاخبار هم ان هناك ضيفة حضرت إلى المنزل ولم تكن سوى فتاة تدعى نادين
الخادمة....سلوى هانم انسة نادين وصلت وعايزة حضرتك
سلوى...خليها تتفضل بسرعة
دخلت تلك الفتاة بابتسامة على وجهها عندما رأتها سلوى ابتسمت فتلك الفتاة بنت احدى أقاربها وهى تريد تزويجها من حيدر وكانت نادين فتاة جميلة جدا
نادين.....طنط سلوى وحشتينى اوى اوى
سلوى ....اهلا يا حبيبتى اخبارك ايه رجعتى من باريس امتى
نادين.....امبارح بس ياطنط عملت شوبنج حاجات واووو تحفة ازيك يا عمو صفوت وانت اخبارك ايه يا حيدر
صفوت ....الحمد لله حمد الله على السلامة
حيدر ......تمام ازيك انتى يا نادين
نادين....تمام انى شوفتك
حيدر....نعم؟ عن اذنكم عندى شغل
نادين بدلع....مش هتشوف جبتلك ايه من باريس اتفضل دى هديتك ودى هديتك يا طنط حاجة بسيطة كده من باريس
حيدر.....شكرا لتعبك ملوش لزوم تتعبى نفسك
نادين ....ازاى بقى هو انت اى حد يا بشمهندس
سلوى....طول عمرك ذوق يا حبيبتى جميلة اوى الهدية
نادين.....ميرسى يا طنط كلك ذوق
كانت سلوى تريد تزويج حيدر من نادين وهو يعرف بذلك ولكنه لايعطيها الفرصة لنجاح مخططها فهو لا يحب ان يفرض عليه أحد ما يفعله فهو يفعل ما برأسه دائما
حيدر.....شكرا على الهدية عن اذنكم ورايا شغل اخلصه
صعد حيدر الى غرفته وبيده هدية نادين وكانت عبارة عن زجاجة برفان فقام بالقاءها فى سلة المهملات
حيدر.....كان ناقصنى انتى كمان مش كفاية عليا سلوى هانم
قال ذلك ثم اتجه إلى المكتب الموضوع بغرفته لينهى بعض اعماله
بعد مرور بضع ساعات صعدت سلوى الى حيدر فى غرفته كان يقوم بانهاء بعض اعماله عندما رأها نظر اليها وسألها
حيدر.....خير فى حاجة
سلوى......على فكرة انا زهقت من اسلوبك ده انت فاهم
حيدر.......انا بقول لحضرتك خير فى ايه
سلوى....جاية اكلمك بخصوص نادين
حيدر.....مالها نادين بقى إن شاء الله
لاحظت سلوى ان هدية نادين قام بالقاؤها فى سلة المهملات
سلوى.....ايه ده انت رميت الهدية فى الزبالة
حيدر.....انتى شايفة ايه
سلوى....هى مالها البت مش عجباك فى ايه بنت شيك ومن عيلة واى شاب يتمناها
حيدر....اى شاب بقى بس مش انا
سلوى.... ليه بقى ان شاء الله ناقصك ايه
حيدر.....لان كفاية عليا سلوى هانم واحدة فى حياتى مش عايز نسخة تانية
سلوى....تصدق حقيقى انا معرفتش اربيك يا حيدر
حيدر بسخرية.....وهو حضرتك كنتى فاضية علشان تربينى اساسا بلاش نفتح فى مواضيع توجع دماغنا احنا الاتنين وعن اذنك ورايا شغل عايز اخلصه
سلوى .......بس مش هسيبك تعمل اللى فى دماغك برضو يا حيدر واللى بتفكر فيه مش هيحصل
حيدر......هو ايه اللي فى دماغى ها قوليلى ايه اللى فى دماغى وانتى خايفة منه
سلوى....انى اسيبك تتجوز واحدة مش من وسطك او مش من مقامك
حيدر.....وسط ايه وزفت ايه اللى بتتكلمى عنه بس تصدقى فكرة برضو ازاى مكنتش واخد بالى
سلوى.....واخد بالك من ايه
حيدر....من انى ممكن اتجوز واحدة مش من الوسط اللى بتتكلمى عليه واشوفك هتعملى ايه يا سلوى هانم
سلوى......دا مش هيحصل ابدا حط فبالك كده
حيدر بتحدى......هنشوف وده وعد من ان انا هتجوز واحدة تخالف كل توقعاتك وهنشوف حضرتك هتعملى ايه واللى حضرتك عايزة تعمليه اعمليه
........................
فى الشركة
كانت بيان تقوم بانهاء بعض الاعمال التى طلبها منها حيدر عندما رأت فتاة ذات شعر اشقر وترتدى نظارة شمسية على عينيها واقفة امامها
نادين.....هاى
بيان......وعليكم ورحمة الله وبركاته
نادين باستغراب.....بتقولى ايه انتى
بيان.....برد على التحية بتاعتك
نادين....مش مهم مش مهم حيدر موجود
بيان....نقوله مين حضرتك
نادين.....قوليله نادين
بيان....ثوانى ابلغه
نادين....اوك ماشى
قامت بيان بالطرق على باب غرفة مكتب حيدر وسمعت صوته يأذن لها بالدخول
حيدر....ادخل
بيان.....فى واحدة يا افندم بتسأل على حضرتك
حيدر.... واحدة مين دى واسمها ايه
بيان....بيتادين
حيدر باستغراب.....نعم
بيان....قصدى ماندولين
حيدر.....بيان فى ايه مين اللى بتسأل عليا
بيان....اه افتكرت نادين
حيدر.....اه نادين خليها تدخل
خرجت بيان لتخبرها أنه فى انتظارها كانت جالسة على حرف المكتب وتهز قدمها
بيان.... اتفضلى حضرتك هو مستنيكى جوا
نادين.... شكرا يا انتى اسمك ايه
بيان .....اسمى بيان
نادين.... آه ماشى
دخلت نادين واغلقت الباب خلفها او بالأصح اغلقته فى وجه بيان
بيان....اه يابنت اللذين قال نادين قال بيجيبوا الاسامى دى منين
أمل.....مالك واقفة تبرطمى ليه كده فى حاجة مضيقاكى
بيان....فى واحدة غريبة كده دخلت وتقريبا قفلت الباب فى وشى الجزمة
أمل.....ليه مين دى
بيان.....انا اول مرة اشوفها سيبك انتى راحة فين كده
أمل....جاية أسألك اجيبلك اكل معايا انا هروح اشترى اكل
بيان.....اه والنبى انا هموت من الجوع يا أمل
أمل.....هتأكلى ايه اجبهولك
بيان....عايزة شاورما فراخ وكمان هاتيلى حاجة ساقعة معاكى
أمل.....ماشى يا قمر
بيان....حبيبتى اللى حاسة بيا وبجوعى دراكولا مش مهنينى على لقمة اكلها بسرعة بقى والبت الصفرا دى جوا هاتى الاكل الحق أكل قبل ما يخلصوا والاقيه واقف على دماغى
أمل..... ماشى دقايق والاكل ييجى
فى مكتب حيدر كان يسأل نفسه عن سبب زيارة نادين له
حيدر.....خير يا نادين فى حاجة انتى جاية ليه
مادلين....انا جاية اشوفك واعزمك على الغدا
حيدر....شكرا بس انا عندى شغل كتير مش هقدر
مادلين.....هتكسفنى يعنى يا حيدر
اضطر حيدر للموافقة على طلب نادين من باب الذوق لا اكثر لانه يعرفها منذ زمن بعيد
حيدر.....اوك ماشى وانا اللى عازمك
نادين.....مش هنختلف أنا او انت واحد
خرج حيدر ومعه نادين من المكتب ولكنه وجد بيان تأكل
حيدر....بيان انتى بتأكلى وانتى فى الشغل
بيان .....انا اسفة يا افندم بس هموت من الجوع
حيدر....المنظر ده مش عايز اشوفه تانى هنا شركة مش مطعم
بيان....انا أسفة
حيدر....انا خارج دلوقتى علشان هتغدا ارجع الاقيكى خلصتى كل اللى قولتلك عليه انتى فاهمة
بيان .... حاضر يا افندم
نظرت لهم بيان وهم يخرجون من الشركة وهى تتمنى ان لا يعودوا
بيان.....يعنى رايحين تتغدوا وانا لما اجى اكل تسمعنى كلام ملوش لازمة يلا تاكلوا الغدا بالسم الهارى ان شاء الله
............................
فى المطعم
حيدر.....تحبى اطلبلك ايه يا نادين
نادين.....اى حاجة على ذوقك دايما ذوقك حلو
حيدر.....جايز ذوقى ميعجبكيش
نادين....اشك انت كلك ذوق
حيدر......دا بس بيتهيألك انا كل اللى يعرفنى ومن اولهم امى بيقولولى انى قليل الذوق
نادين......افتكر طنط سلوى متقصدش يعنى انها تقولك كده
حيدر....ولا تقصد مش فارقة كتير
نادين....انا من زمان شايفة علاقتك بمامتك مش كويسة ايه السبب
حيدر.....مبحبش اتكلم فى الموضوع ده ياريت نغير الموضوع
نادين......ليه احنا نعرف بعض من واحنا صغيرين يعنى ممكن نبقى اصحاب
حيدر.....الصراحة انا مش بحب الصداقات اللى من النوع ده
نادين بثقة.....ليه يعنى خايف تحبنى
حيدر....انتى ثقتك بنفسك كبيرة اوى
نادين.....مش من حقى يعنى هو انت شايفنى وحشة علشان ثقتى بنفسى تبقى مهزوزة
حيدر.......مش شرط الجمال يبقى مقياس للثقة فى النفس
نادين......طب ايه يستاهل يخلى الواحد عنده ثقة فى نفسه غير الجمال
حيدر......حاجات كتير بس اظن انك مش هتفهمينى
نادين....هحاول افهمك
حيدر....نادين انتى عايزة ايه منى بالزبط
نادين.....عايزة اقرب منك
حيدر.......تقربى منى ليه هتستفادى ايه
نادين.....علشان انا معجبة بيك
حيدر......وايه المطلوب منى
نادين..................
.............................
رأيكم يا حلوين
