-->

رواية عشقني مريضا البارت الثاني 2

رواية عشقني مريضا البارت الثاني 2

     

    رواية عشقني مريضا البارت الثاني 2


    البارت_التاني
    وفجاه طلع من اللايف.....انا اتوترت جامد واعتذرت للفانز اني هقفل بدري ووعدتهم أن الخميس الجاي هيكون لينا لقاء من تاني*
    *كنت خايفه اوي ....معقول يكون جريح الليل دا الظابط الاسماء متشاابهه والصوت قريب من بعد وكل واحد منهم بيقول أنه عاوزني يبقي اكيد هو اكيد هو *
    بعد يومين من حوار اللايف وحياتي بلا شيء مهم وانا مطنشه حوار البيدچ ع الاخر ف قررت اطلع لايف ع غفله واهزر مع الفانز وكدا واي حد حابب يدخل اللايف معايا بدخله عادي جدا ....قعدت ساعتين مع الفانز ونتكلم ف مواضيع مختلفه لحد ما واحد من الفانز كتبلي كومنت وطلب مني نكمل حوار الخميس اللي فات حالا ...."حب التملك"
    وفعلا بدأت اتكلم ع حب التملك وأنه ع قد ماهو حاجه حلوه ع قد ماهو بيكون سبب ف مشاكل كتيره بين الطرفين
    وبدأت استقبل ناس بيقولوا رأيهم لحد ما ظهرلي "جريح الليل " كنت خايفه بس وافقت عليه عندي فضول اعرف هو مين واي حكايته معايا
    -اووه جريح الليل ظهرلي من تاني
    =ههه ضحكتيني والله يافريده
    -لي هو انا قلت نكته
    =لا بس ف الحقيقه محتوي اللايف بتاعك مضحك
    *اضايقت جدا دا كدا بيقلل مني ف رديت عليه ب غيظ* -لي هو انا كنت قلت نكته ولا حاجه
    =يااريت....ع الاقل مش كنتي هتباني سخيفه كدا قدامي
    -احترم نفسك احسن
    =انتي سخيفه عشان مقتنعه أن حب التملك دا مرض
    -وهي دي الحقيقه وف ناس كتير من جمهوري مقتنعه ب دا +ياريت يااستاذ ياامحترم تحترم راي غيرك مش عشان معترضه ع كلامك ابقي سخيفه
    =بكرا ياافيفي تبقي زيّ
    *اضايقت اوي منه وطلعته من اللايف وقررت اقفل اللايف وكفايه كدا *
    *صحيت تاني يوم ع صوت بابا....اخيرا جه من السفر*
    =بابا....اخيرا جيت ..انت وحشتني اوي * وقربت عشان احضنه بس هو بعد عني *
    -ازيك يافيفي *رديت وانا مخنوقه من العياط بس مسكت نفسي *
    =كويسه.. وحضرتك
    -بخير ....ف حاجه عاوز اقولك عليها ...انا قررت اتجوز
    = انت كدا هتكون ف الجوازه العشرين!!
    -وفيها اي مش فاهم
    *افتكرت ماما اللي معرفهاش ولا عمري شفتها وبدأت اعيط ع فراق ابويا ليا لانه مقتنع اني سبب موتها*
    = فيها كتير ....فيها أن سنك بقي معدي ٤٥ سنه وبتتجوز ناس قد بنتك ...
    -مبقااش فاضل غيرك انتي اللي تتكلمي .....اوعي اوعي ياافريده تنسي انا مين .....غوري من وشي بقي
    =لي يااا بابا بتعاملني كدا ...لي بتكرهني كدا
    -انا مش بكرهك يافريده
    =امااال....مشيلني ذنب موت مامي لي
    *بدأ يعيط ......*
    -عشان حبتك اكتر مني....اختارتك ومش اختارتني .... وجودك كان بيهدد خطر ع حياتها ويوم ولادتك اختارت انك انتي اللي لازم تعيشي .....كل ما بشوفك بفتكر قد اي هي خانتني لما ساابتني وماتت ..
    =وانا مليش ذنب ....بتعمل فيا كدا لي ....هي اللي اختارت مش انا........والموت دا ب ايد ربنا حرام اللي بتعمله فيا دا .....ولو انت للدرجه مش قادر ع بعدها بتروح تتجوز لي
    -بدور عليها
    =نعم!!
    -ايوا....بدور عليها ف كل واحده بتجوزها .....بدور ع شهد حبيبتي .....
    *فجاه بطل عياط وهدي خالص*
    -عشان مش اكرهك فعلا خليكي بعيده عني احسن ليكي
    *قلبي بيوجعني اووي ....مع أنه مكنش معايا.....بس احساس أن ابوك اللي انت جزء منه بيكرهك احساس وحش اووي وبياذي اوووي ....اللي ربتني هي خالتو واتوفت من خمس سنين ومن ساعتها وانا لوحدي .....ف الخمس سنين دي انا اكتشفت قد اي بابا كان بعيد عني .....!!*
    *فضلت اعيط وجه ف بالي الظابط وجريح الليل ..... فضلت اعيط واقول انا محتاجه حد ...انا لوحدي .....من طبيعتي الوحشه اني لما بعيط بنعزل عن العالم ...يعني لو بيعط وجمبي حد بيتكلم مش بسمعه ولا ببقي فاكره ........بعد ما خلصت عيااطي وهديت كان عدي حوالي أربع ساعات.....يااه محستش بالوقت ..
    فتحت فوني لقيت مسدچ من جريح الليل بقالها ساعتين ونص فتحتها وانا قلبي بيدق اوي من الخوف والتوتر
    " عاوز اشوفك......يمكن محتاجك اكتر ما انتي محتاجاني ....دموعك عندي بالدنيا "
    *رديت عليه وانا ايدي بتترعش * - دموعي!!! انت عرفت ازاي
    *‏لقته رن عليا ماسنجر.....رديت وانا قلبي بيدق من كتر الخوف منه *
    -فريده انزلي .... انا تحت بيتك
    =ا ا انتتتت مم مممين
    *رد عليا ب نبره كلها هدووء وكأنه بيحاول يطمني*
    ‏-متخافيش مني يافريده ...انا هنا عشانك انتي وبس ..انزلي يااحياتي انا مستنيكي تحت من زمان
    *نزلت وانا مرعوبه اووي ... ..لقيت واحد ب لبس الشرطه ومديني ضهره *
    -احم أحم
    =فريده....انتي كويسه !! * طلع هو الظابط يعني الظابط هو جريح الليل ...شكي طلع ف محله وفجاه شدني لحضنه ...مين دا ...ويعرفني منين ودفعته بعيد عني *
    -عاوز مني اي
    *شدني لعربيته من غير اي رد وقفل العربيه وسااق ..حاولت اصرخ بس هددني بمسدسه*
    =لو سمعت صوتك يافريده هقتلك وهقتل ابوكي اللي زعلك دا وهقتل نفسي
    -انا عاوزه ارجع بيتي *وبدأت اعيط *
    *مردش نهائي وساابني بعيط وفضل سايق لمده كبيره اوي لحد ما وصلنا ل فيلا شيك جدا*
    =انزلي يافريده
    *رفضت وبدأت اعيط تاني بس المره دي زعق فيا بصوت عالي*
    = بقولك انزلي
    *دخلنا الفيلا وكنت مرعوبه وجت ف بالي ابشع الأفكار ...قطع تفكيري صوره ليا وانا صغيره ب عرض الجدار
    - صورتي بتعمل اي هنا
    = قلتلك مريض بيكي يا فيفي .....مريض بتفاصيلك ..ب ضحكتك ..عياطك .....شقاوتك....انا مهووس بيكي
    عشقني_مريضا

    إرسال تعليق

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .