رواية قلب لا يقبل الهزيمة البارت الثاني 2 بقلم دودو محمد
لب لا يقبل الهزيمه
البارت الثانى
ذهبوا جميعآ إلى غرفتهم وذهبت رضوى إلى غرفتها والقت جسدها على السرير وظلت تفكر فى القرار التى اتخذته بالموافقه على زواجها من ابن عمها سليم خطاء ام صحيح وقطع تفكيرها صوت طرق على باب غرفتها تنهدت وقامت اتجهت إلى الباب وفتحته وقالت
رضوى :- اسماء فيه حاجه
اسماء :- مخنوقه ومش عارفه انام
رضوى :- ادخلى طيب
اسماء :- دخلت واغلقت الباب خلفها وجلست على السرير ودموعها نزلت منها
رضوى :- تنهدت بحزن وجلست جوارها على السرير وضمتها فى احضانها وربتت عليها بحنو وقالت شششش أهدى يا اسماء انا عارفه سبب دموعك دى ايه علشان احمد اختار نسرين صح
اسماء :- احمد مش قادر يشوفنى غير أخته وبس يا رضوي والمصيبه أن اللى اختارنى اخوه يعنى هو هيبقى قصادى علطول ازاى هعيش معاهم وانا بحبه ومرات اخوه
رضوى :- تستاهلى علشان انتى سلبيه ليه لما رحيم اختارك مرفضيش فى ساعتها ليه سكتى سكوتك ده اللى ضيعك يا اسماء
اسماء :- مكنتش اقدر اقول لاء انتى عارفه جدك مش هيرضى بكده وبعدين احمد رفضنى خالص قدام الكل وقولت رحيم بقى ولا غيره مش هتفرق
رضوى :- والله انتى بتتكلمى ازاى بس انتى عارفه معنى كلامك ده ايه يعنى هتخونى جوزك يا اسماء
اسماء :- اخونه لاء طبعآ انا عمرى ما اعمل كده يا رضوي
رضوى :- الخيانه مش انك تنامى فى حضن راجل تانى يا اسماء الخيانه ليها معانى تانيه كتير تفكيرك فى راجل تانى غير جوزك دى خيانه نظرتك لراجل تانى غير جوزك دى خيانه حلمك اللى بتشوفيه مع راجل تانى دى خيانه كل دول خيانه مع إيقاف التنفيذ يا اسماء وانتى لو اتجوزتى رحيم يبقى هتقعى فيها لان احمد هيبقى معاكم فى نفس البيت وهتوقعى فى المحظور احمد مستحيل يخون اخوه لكن انتى اللى هتخونيه بينك وبين نفسك
اسماء :- يعنى انا اعمل ايه دلوقتى
رضوى :- ارفضى قولى لاء
اسماء :- مش هقدر يا رضوى قولتلك
رضوى :- وبرضه مش هتقدرى تنسى حبك لاحمد طول ما هو هيبقى قصادك
اسماء :- بدموع مش عارفه انا حاسه نفسى بضيع يا رضوى بغرق ومش لاقيه طوق نجاه ينقذنى من اللى انا فيه ده
رضوى :- تنهدت وقالت مش عارفه اقولك ايه بس روحى نامى واللى ربنا كاتبه هيكون
اسماء :- نهضت وقالت ونعم بالله تصبحى على خير
رضوى :- وانتى من أهله
اسماء :- ذهبت إلى غرفتها ونامت على سريرها وظلت تبكى حتى الصباح
رضوى :- شعرت بالعطش ونظرت فى الغرفه لم تجد ماء ذهبت إلى باب غرفتها واتجهت إلى الأسفل وقبل أن تتجه إلى غرفة المطبخ سمعت صوت يأتى من الحديقه ذهبت اتجاه الحديقه وجدته سليم يتحدث عبر اللاب توب الخاص بى وقفت مكانها تستمع حديث سليم شعرت بالقرف من طريقة حديثه المقززه مع رانيا ركضت إلى المطبخ ووقفت مكانها مصدومه مما سمعته وقالت بنى أدم زباله ازاى يعمل كده ووضعت يدها فوق بطنها وقالت حاجه مقرفه انا عايزه ارجع من اللى سمعته ده واخذت الماء واستدارت بظهرها لتتفاجئ بسليم يقف خلفها نظرت له بقرف وقبل أن تتحرك
سليم :- امسكها من ذراعها وقال بطلى تتعاملى معايا بطريقتك دى متحسسنيش انك الاميره عزيزه
رضوى :- سحبت ذراعها من يده وقالت بقرف أنا اميره بأخلاقى وتربيتى الدور والباقى بقى على اللى ميعرفش يعنى ايه اخلاق ولا تربيه وتركته وذهبت
سليم :-نظر لها وهى تتجه إلى غرفتها وقال بغيظ مبقاش انا لو مكسرتش كبريائك ده يا رضوي وذهب إلى غرفته
&&&&&&&&&&&&&&&&&&&&&&&&
اشرقت شمس صباح يوم جديد فى سماء الصعيد لتبدء رضوي بفتح عينيها تنهدت ونهضت من فوق فراشها وذهبت إلى المرحاض وبعد وقت خرجت وارتدت ملابسها وأدت فرضها وخرجت من غرفتها واتجهت إلى الأسفل لتجد الجميع متجمع على طاولة الطعام قالت
رضوى :- صباح الخير
الجميع :- صباح النور
رضوى :- نظرت على المقعد بجوار سليم الخاص بها ونظرت لجاسر وقالت ممكن يا جاسر تروح تقعد انت جمب اخوك وانا اقعد مكانك
جاسر :- نظر للجميع ونظر إلى مى واعاد النظر مره أخره إلى رضوى وقال بتوتر ا.ا اه طبعآ ونهض من على مقعده وذهب إلى المقعد الخاص برضوى بجوار سليم
سليم :- نظر لها بغيظ واكمل طعامه
سويلم :- كل واحده فيكم هتروح تختار اللى هى عايزاه ومعها امها وخطيبها
رضوى :- وليه خطيبها ما كفايه ام كل واحده فينا
سويلم :- لازم يبقى معاكم راجل
رضوى :- يبقى كفايه واحد بس منهم والباقى ملوش لازمه
سويلم :- يبقى سليم يروح معاكم
رضوى :- لا والله
سليم :- بس انا يا جدى مش فاضى عندى شغل كتير خلى اى حد تانى من الشباب
رضوى :- صح كده خلى اى حد تانى يا جدي
سويلم :- انا قولت كلمه واحده سليم اللى هيروح معاكم والشغل يتأجل فى اى وقت
مى :- بغيظ استفادى ايه دلوقتى لما مخلتيش الشباب تيجى معانا
رضوى :- مش قصدى كنت مش عايزه سليم معايا وفى الاخر جات عليكم كلكم وانا أولكم
مى :- فقر واكملت طعمها
سليم :-نظر بغيظ لوالده بعد أن صمم جده على الذهاب معهم
اشرف :-نظر له واشار له برأسه حتى يهدأ ويتقبل قرارت جده
والجميع اكمل طعامه واتجهت البنات إلى غرفتهم حتى يقوموا بتجهيز انفسهم لذهاب إلى السوق
سويلم :- سليم يا ابنى تعالى عايزك
سليم :- تنهد بغيظ وذهب خلف جده إلى الغرفه
سويلم :- دخل إلى غرفته وخلفه سليم وقال اقفل الباب وراك
سليم :- أغلق الباب وقال خير يا جدى
سويلم :- فتح خزانة ملابسه وأخذ منه ظرف وأعطاه لسليم وقال خد دول يا ابنى
سليم :- اخذه منه بأستغراب ونظر داخل الظرف وقال فلوس؟! لايه دول يا جدى
سويلم :- هات ليهم اى حاجه يطلبوها متخليش واحده ترجع زعلانه فاهم
سليم :- حاضر يا جدى
سويلم :- وخطيبتك اهتم بيها شويه واسألها شوفها محتاجه ايه لان رضوى تختلف عنهم كلهم مش من النوع اللى بيطلب اى حاجه عندها عزة نفس وكبرياء مش عند اى حد فاهم
سليم :- تنهد وقال ماشى يا جدى فيه حاجه تانى
سويلم :- لاء تقدر تروح
سليم :- فتح باب الغرفه واتجه إلى الأسفل وجد الجميع ينتظره نظر لهم جميعآ وقال بأستغراب وانتوا هتركبوا كلكم ازاى فى عربيه واحده
رضوى :- مش محتاجه نباهه يعنى اكيد كل جزء هيركب عربيه
سليم :- نظر لها بغيظ وقال ومين هيسوق باقى العربيات أن شاءالله
رضوى :- الواضح كده أن دماغك فى حاجات تانيه مش بتفكر غير فيها اكيد فيه سواقين هما اللى هيسوقوا بينا
سليم :- اللهم طولك يا روح
جاسر :- طيب وليه المشكله دى بس طيب ما كل واحد فينا ياخد اللى ليه ويسوق بيهم العربيه
احمد :- انا معاك فى الرأى ده برضه ولا ايه رأيك يا رحيم
رحيم :- اللى انتوا شايفينوا صح اعملوه
سليم :- طيب قولوا لجدكم الاول
هشام :- روحوا انتوا وانا هبلغ جدكم
مى :- بفرحه هييييه
جاسر :- ابتسم لها بحب
سليم :- طيب يلا امشوا أخذ كل واحد منهم خطيبته ووالدتها بالسياره الخاصه بهم واتجهوا إلى السوق
وبعد وقت وصلوا السوق وقاموا بركن السيارات الخاصه بيهم واتجمعوا الجميع مع بعض مره اخره
رضوى :- وانتوا أن شاءالله هتيجوا معانا واحنا بنختار الحاجه بتاعتنا
جاسر :- اكيد طبعآ
نسرين :- هو ايه اللى اكيد مينفعش اصلا
احمد :- ليه ها ها
نسرين :- ك.ك.كده
رضوى :- ايوه مينفعش لأننا هنشترى حاجات خاصه بينا
احمد :- وفيها ايه بس ما هو فى الاخر لينا احنا كمان
خجلت البنات من حديث احمد
سليم :- نظر بغيظ لاحمد وقال حط لسانك جوه بؤقك واخرس يا احمد
رضوى :- الحل الوحيد انكم تفضلوا هنا لحد ما نخلص حاجتنا ونبقى نشوف مين فيكم اللى معاه الفلوس ويجى يحاسب
رحيم:- انا شايف أن كلامها صح
جاسر :- خلاص بس لو حد اتعرض ليكم اتصلوا بينا علطول
رضوى :- متقلقش محدش يقدر يقرب لينا كله عارف احنا نبقى بنات مين كويس اوى يلا يا ماما يلا يا بنات
الشباب نظروا لبعض واتجهوا إلى المقهى ينتظروا بها حتى البنات تنتهى من شراء حاجتهم ومر وقت طويل حتى انتهت البنات وقامت مى بالاتصال بجاسر وقالت
مى :- جاسر احنا خلصنا مين فيكم معاه الفلوس علشان يجى يحاسب
جاسر :- معرفش استنى كده ثوانى وقال مين فيكم يا شباب اللى معاه الفلوس
سليم :- انا
جاسر :- طيب هما خلصوا وعايزينك تروح تحاسب
سليم :- نهض وقال ماشى بس واحده فيهم تستنانى مكان ما كنا واقفين علشان مش هعرف مكانهم
جاسر :- مى خلى رضوي تيجى تاخد سليم علشان مش عارف مكانكم
مى :- ماشى واغلقت السكه
سليم :- وحياة امك ملاقتش غيرها وتخليها هى اللى تيجى تخدنى
جاسر :- الله مش خطيبتك روح اخلص
سليم :- تنهد وذهب عند رضوى وجدها تقف تنتظره نظر لها بدون أن ينطق بكلمه
رضوى :- نظرت له بقرف وتحركت من مكانها
سليم :- تنهد وذهب خلفها وقام بدفع النقود وقال كل واحده تاخد حاجتها معاها
البنات :- اخذوا البنات الاشياء الخاصه بيهم وذهبوا إلى السيارات
سليم :- نظر لرضوى وقال اومال فين حاجتك انتى
رضوى :- رفعت يدها إلى الاعلى بشنطتين وقالت اهم ايه كمان اعمى ومش بتشوف
سليم :- بالنسبه للسانك الطويل ده انا هقطعولك بس دلوقتى خلينا فى موضوع الشنط مش شايفه ان دول قليلين جدآ على طلبات عروسه بتشترى حاجتها
رضوى :- اولا لا انت ولا عشره زيك يقدروا يقطعوا لسانى ثانيآ اه دول كفايه اوى عليا وتركته
سليم :- ربنا يصبرنى عليكى علشان مرتكبش جريمه وذهب خلفها وصعد إلى السياره
منال :- انا مش عارفه انتى دماغك ناشفه اوى كده ليه يا بنتى اتحايلت عليكى تشترى حاجات كتير شبه اختك وانتى رفضى دول هيعملوا ايه بس وانتى عروسه ومحتاجه حاجات كتير
رضوى :- يا ماما متتعبيش قلبك معايا انا راضيه بدول وبس ومش محتاجه اكتر من كده اختى حره تختار اللى هى عايزاه براحتها زى ما انا براحتى يا ماما
منال :- دماغك عايزه كسرها يا رضوى
سليم :- عندك حق يا مرات عمى والله الله يكون فى عونك بجد
رضوى :- ممكن تخليك فى حالك ومتدخلش فى اللى ملكش فيه
منال :- يا بنتى عيب كده متتكلميش مع خطيبك بالطريقه دى
رضوى :- هه خطيبى المهم هتمشى ولا هتوقف كتير مكانك
سليم :- الصبر وشغل السياره وتحرك بها وبعد وقت وصلوا إلى الدوار واخذت البنات الاشياء الخاصه بهم وصعدوا إلى غرفتهم
سويلم :- ها يا سليم البنات كلها جابت اللى عايزاه كله
سليم :- ايوه يا جدى مفيش غير اللى اسمها رضوى مجابتش حاجات كتير
سويلم :- كنت متأكد انها هتعمل كده انا هبقى اديك فلوس تشترى ليها اللى هى عايزاه لما تمشوا من هنا
سليم :- أن شاءالله يا جدى عن اذنك هطلع اشوف شغلى بقى
سويلم :- روح يا ابنى
سليم :- دخل غرفته ومسك هاتفه وقام بالاتصال برانيا وانتظر ردها
رانيا :- انا زعلانه منك ومش هكلمك
سليم :- ليه بس يا عمرى
رانيا :- علشان مكلمتنيش طول النهار
سليم :- والله غصب عنى طول النهار كنت بره ولسه راجع دلوقتى
رانيا :- برضه مخصماك ومش
هكلمك
سليم :- وانا مقدرش على زعلك يا قلبى امرى وانا تحت امرك علشان ترضى عنى
رانيا :- اممممم تشترى ليا عربيه جديده
سليم :- ايه ؟! بس السيولة اللى معايا متكفيش يا قلبى وبعدين انا لسه جايب ليكى واحده جديده من كام شهر وبسدد فى الأقساط بتاعتها لحد دلوقتى
رانيا :- بزعل انت بتعايرنى يا سليم
سليم :- لاء والله مقصدش
رانيا :- خلاص مش عايزه حاجه انت شكلك مبقتش تحبنى زى الاول
سليم :- انتى عارفه يا رانيا انا بحبك قد ايه عمومآ متزعليش احدث عربيه هتكون عندك اول ما ارجع بس
رانيا :- بفرحه بجد
سليم :- ايوه، خلاص مش زعلانه منى ؟
رانيا :- لاء خلاص أنا مقدرش ازعل منك أبدآ بحبك اوى يا سليم
سليم :- وانا بعشقك ياروح سليم طيب بقولك ايه
رانيا :- نعم
سليم :- ما تيجى فيديو
رانيا :- تانى انت مش بتشبع ما احنا بليل كنا بنتكلم
سليم :- انا مشبعش منك عمرى ها يلا
رانيا :- ابتسمت وقالت يلا
&&&&&&&&&&&&&&&&&&&&&&&
فى غرفة اسماء
جلست اسماء على السرير ونظرت إلى الشنط التى قامت بشرائها والدموع نزلت من عيناها وقالت
اسماء :- كان نفسى اشترى الحاجه دى ليك يا احمد متخيلتش ابدآ يوم أن هكون لواحد غيرك يارب قوينى وصبرنى على اللى انا داخله عليه ده وسمعت صوت طرق على الباب قامت بمسح دموعها ووضعت الحجاب فوق شعرها وقامت اتجهت إلى الباب وفتحته وقالت ر.ر رحيم خير
رحيم :- كنت عايز اتكلم معاكى كلمتين يا اسماء ومش هينفع نتكلم هنا ممكن تنزلى تحت
اسماء :- ح.ح.حاضر روح وانا جايه وراك
رحيم :- ابتسم لها ونزل إلى الاسفل ينتظرها
اسماء :- اغلقت الباب واخذت نفس عميق وخرجته بهدوء وقالت يارب انت بس اللى عالم باللى جوايا وفتحت الباب ونزلت إلى الاسفل عند رحيم وقالت ا.ا.انا جيت اتفضل اتكلم
رحيم :- اقعدى يا اسماء
اسماء :- جلست وقالت خير
رحيم :- بصى يا اسماء انا امبارح أتأكد انك مش عايزانى وانا والله عملت كل اللى اقدر عليه علشان اخلى جدى يتراجع عن القرار ده بس هو رفض وانا مش بأيدى حاجه اعملها غير الجواز
اسماء :- نظرت له بصدمه
رحيم :- ابتسم لها بهدوء وقال بس مش هلمسك هنفضل مع بعض فتره وبعد كده اطلقك ونقول أننا معرفناش نتفاهم مع بعض هو ده الحل الوحيد اللى قدرت اوصل ليه انا بس بحاول مشوفش نظرة الحزن اللى فى عينيكى دى وبحاول اعملك اى حاجه تسعدك
اسماء :- دموعها سقطت من عيناها وقالت انا اسفه يا رحيم
رحيم :- لالالا ارجوكى بلاش دموعك دى انا مقصدش ازعلك والله
اسماء :- انا والله مش برفضك لشخصك بالعكس انت راجل بجد وجدع واى واحده تتمناك بس انا اللى مش مستعده للخطوه دى مش اكتر
رحيم :- وانا يا اسماء عمرى ما اتمنيت غير واحده بس فى حياتى وعلشان خاطرها مستعد اعمل ليها اى حاجه فى الدنيا حتى لو هتوجعنى
اسماء :- مسحت دموعها ونظرت له بتسأل وقالت يعنى انت بتحب
رحيم :- بأبتسامه امأه رأسه وقال ايوه
اسماء :- بفرحه يعنى الحمدالله انت كده ليك حياتك وانا مجتش عليك بكره لما نطلق تروح وتتجوزها وتعيشوا مع بعض علطول
رحيم :- بأبتسامة حزن قال اه أن شاءالله اهم حاجه شوفت ضحكتك من تانى
اسماء :- بفرحه شكرآ يا رحيم مش قادره اقولك انا بقيت سعيده قد ايه لما سمعت كلامك ده انت بجد احسن اخ ليا ونهضت وقالت تصبح على خير وذهبت إلى غرفتها
رحيم :- بحزن اخ؟! واغلق عيناه بحزن وتنهد وقال وانتى من أهله يا حبيبتى ونهض ذهب إلى غرفته
&&&&&&&&&&&&&&&&&&&&&&&
فى الحديقه
دخلت مى إلى الحديقه عند جاسر ووضعت يدها فوق عينه وقالت
مى :- بتعمل ايه
جاسر :- ابتسم وقال بشوف شغلى هكون بعمل ايه
مى :- جلست على المقعد وقالت اوعى تكون بتكلم واحده كده ولا كده اقتلك
جاسر :- يا روحى عينى مش بتشوف غير واحده بس ام عيون خضرا
مى :- ومين دى بقى ام عيون خضرا
جاسر :- روح قلبى وعيونى مى
مى :- بحبك اوى يا جاسر
جاسر :- وانا بعشقك يا روح جاسر ايه مصحيكى لحد دلوقتى
مى :- مش عارفه انام
جاسر :- ليه بس
مى :- موضوع أن انا هبعد عن امى دى مزعلانى
جاسر :- ليه بس يا حبيبتى ده ما بين اسكندريه وهنا مش كتير يعنى اى وقت عايزه تيجى ليها ساعة زمن هتكونى عندها
مى :- عارفه بس انا بتكلم أن انا كنت عايشه حياتى معاها طول النهار فاجئه كده هسيبها واروح بيت تانى
جاسر :- ما هى دى سنة الحياة يا حبيبتى بنكبر ونتجوز ونبعد عن اهالينا
مى :- اممم مش عارفه صعبه عليا اوى انت عارف انا متعلقه بماما قد ايه
جاسر :- وضع اللاب توب الخاص بى فوق الطاوله وامسك يدها وقال يعنى انتى مش فرحانه أننا خلاص هنتجوز ونبقى مع بعض علطول
مى :- فرحانه طبعآ
جاسر :- يبقى خلاص متفكريش فى اى حاجه تانى تزعلك خليكى فرحانه أننا هنبقى مع بعض تحت سقف واحد
مى :- ابتسمت له وقالت ربنا يخليك ليا
جاسر :- بحب وميحرمنيش منك يا عمرى يلا بقى روحى نامى واحلمى بيا
مى :- نهضت وابتسمت له وقالت تصبح على خير
جاسر :- ابتسم لها وقال وانتى من أهله
مى :- ذهبت إلى غرفتها ونامت على السرير وأغلقت عيناها وهى سعيده
جاسر :- اخذ اللاب توب مره آخره وتابع عمله
&&&&&&&&&&&&&&&&&&&&&&&
اشرقت شمس صباح يوم جديد بنورها الساطع فى سماء الصعيد لتبدء نسرين بفتح عيونها على صوت طرق على الباب نهضت من على السرير بغيظ ووضعت الحجاب على رأسها وفتحت الباب وقالت بعصبيه
نسرين :- ايه فيه ايه حد يخبط على حد بالطريقه دى
احمد :- مالك يا بنت عمتى متعصبه ليه بس انا جيت اصحيكى عشان تنزلى تفطرى معانا
نسرين :- مش عايزه اطفح
احمد :- براحتك بس اعملى حسابك أن جدك هو اللى باعت ليكى جدعه متنزليش
نسرين :- نظرت له بقرف وتنهدت بغيظ وقالت انزل وانا نازله وراك
احمد :- ماشى ونزل إلى الاسفل
نسرين :- بنى أدم مستفز واغلقت الباب وحضرت نفسها وارتدت الحجاب واتجهت إلى الأسفل وقالت صباح الخير
الجميع:- صباح النور
نسرين :- جلست على المقعد الخاص بها بجوار احمد وبدأت تتناول الطعام
سويلم :- جبتو كل اللى انتوا عايزينه يا بنات
البنات :- فى صوت واحد ايوه يا جدى
سويلم :- فيه حد فيكم عايز حاجه
نسرين :- انا يا جدى
سويلم :- عايزه ايه
نسرين :- عايزه اشترى شوية هدوم خروج
سويلم :- ومجبتيش امبارح ليه
نسرين :- مفيش حاجه عجبتنى
سويلم :- خلاص ابقى روحى انتى وامك وخطيبك اشترى اللى انتى عايزاه
نسرين :- ربنا يخليك لينا يا جدي
مى :- هو احنا هنجيب فساتين الفرح امته يا جدى
سويلم :- الخياطه هتيجى ليكم بليل وتاخد مقاستكم وتختاروا الشكل اللى انتوا عايزينو والرجاله برضه الخياط هيجى ياخد مقاستكم وتختاروا شكل البدله اللى انتوا عايزينها انا لو عليا كنت لبستكم جلابيه بس عارف انكم واخدين على عيشة بحرى ومش هترضوا
احمد :- انا عن نفسى معنديش اى مشكله دى حتى هتبقى شكلها حلو وحاجه جديده
سليم :- لاء طبعآ جلابيه ايه دى اللى هنلبسها
سويلم :- عمومآ ابقوا اعملوا اللى انتوا عايزينه كلوا يلا
و بدء الجميع فى تناول الطعام
&&&&&&&&&&&&&&&&&&&&&&&&
فى الحديقه
دخل جاسر الحديقه وجد رحيم يجلس وهو سرحان ذهب عنده وجلس على المقعد بجانبه وقال
جاسر :- مالك بتفكر فى ايه
رحيم :- مفيش
جاسر :- شكلك زعلان ومهموم كده ليه مع أن اللى كنت بتحلم بي حصل
رحيم :- انا اللى كنت بحلم بيها، انما هى انا مش فى دماغها اصلا يا جاسر
جاسر :- طيب هى بتحب حد تانى
رحيم :- سألتها وقالت لاء
جاسر :- اومال مالها
رحيم :- بتقول انها مش مستعده للخطوه دى
جاسر :- ممكن تكون خايفه بس من فكرة الجواز فيه بنات كتير كده اهم حاجه أن مفيش حد فى حياتها وده يسهل عليك حاجات كتير
رحيم :- ازاى بقى
جاسر :- يعنى لما تتجوز حسسها بحبك احتويها اهتم بيها وهما البنات بيحبوا الراجل اللى بيهتم بيهم فى أدق تفاصيلهم خليها تحس معاك بالأمان وهى اكيد هتحبك
رحيم :- من غير ما تقول أنا كنت هعمل كده بس خايف بعد ده كله ومتحبنيش
جاسر :- لو حست بحبك ليها اكيد هتحبك هى كمان، البنت بطبيعتها رومانسيه وحساسه وقلبها ده ضعيف جدآ اول ما بتحس بحب الراجل ليها ودلعه وحنانه بتفتح قلبها ليه علطول هات ليها هديه حلوه خدها خرجها كل شويه خليها تشترى كل اللى نفسها فيه وأسماء اصلا محرومه من العيشه دى لأن الصعيد غير القاهره واسكندريه وغصب عنها لما تعيش معاك كل حاجه محرومه منها هتحبك
رحيم :- يارب تحبنى وقلبها يحس بيا
جاسر :- أن شاءالله خير متقلقش
&&&&&&&&&&&&&&&&&&&&&&&
فى غرفة رضوى
قامت رضوى بتشغيل الاغانى لعمرو دياب بصوت مرتفع ونامت على السرير وبدأت تردد الاغانى بصوت مرتفع وبعد وقت تفاجئت الباب اتفتح نهضت بسرعه واخذت الحجاب وضعته فوق شعرها وأغلقت الاغانى وقالت بعصبيه
رضوى :- انت ازاى تدخل عليا اوضى كده من غير ما تخبط اما انت صحيح واحد مش متربى وقليل الادب
سليم :- ضغط على اسنانه بغيظ وقال لمى لسانك فاهمه انا خبط بس حضرتك اللى مسمعتيش
رضوى :- تروح تفتح عليا باب اوضى عادى ؟
سليم :- يعنى فتحت عليكى باب الحمام
رضوى :- احترم نفسك وبعدين انت جاى عندى ليه عايز منى ايه
سليم :- هعوز من شكلك ايه انا كنت جاى أسألك تحبى تشوفى المكان اللى هتعيشى فيه قبل الفرح علشان لو محتاجه تغيرى حاجه على ذوقك علشان نلحق نغيرها؟ وعلى فكره ده سؤال بابا مش سؤالى انا
رضوى :- لاء مش عايزه اشوف حاجه
سليم :- احسن برضه وفرتى
رضوى :- تصدق هتصدق أن شاءالله انا لما بشوفك بتعصب لوحدى يا اخى
سليم :- لاء حوشى يا بت السعاده اللى بتنط من عينى لما بشوفك ده انا بقرف ابصلك
رضوى :- بغيظ قرفه لما تقرفك انا عارفه ايه اللى رمانى على الهم ده بس
سليم :- نفس اللى رمانى عليه
رضوى :- انت فاكر نفسك يعنى الشاب الروش الواو اللى البنات كلها بتجرى وراه ده انت كروديا البنات بتضحك عليك وبتضربك على قفاك
سليم :- مسكها من ذراعها بغيظ وقال لمى لسانك احسن قسمآ عظمآ هخليكى تندمى على كل كلمه تقوليها
رضوى :- ضغطت على أسنانها وحاولت تسحب ذراعها من يده وقالت سيب دراعى
سليم :- ضغط اكثر على ذراعها
رضوى :- بقولك سيب دراعى احسن والله ما هيحصلك كويس
سليم :- ضغط اكثر على ذراعها واقترب لها وقال هتعملى ايه يعنى
رضوى :- اغلقت عيناها بألم وقالت سيب دراعى بقولك
سليم :- ترك ذراعها ونظر لها بقرف وتركها وخرج من الغرفه
رضوى :- أمسكت ذراعها مكان يد سليم بألم وقالت بنى أدم همجى وذهبت اغلقت الباب وجلست على السرير وقالت ليه وافقتى يا رضوى رميتى نفسك فى النار علشان واحد عديم الاخلاق والادب ما تضحك عليه ولا يروح فى ستين داهيه تشيلوا أنا مالى انا وشغلت الاغانى مره اخرى
&&&&&&&&&&&&&&&&&&&&&&&&
خرجت اسماء من غرفتها واتجهت إلى الأسفل رأت احمد يجلس فى الحديقه ابتسمت واتجهت عنده وجلست على المقعد الخشبى وقالت
اسماء :- بتعمل ايه
احمد :- باكل قصب تخدى حته
اسماء :- ابتسمت له وقالت هات
احمد :- كسر قطعه على ركبته وقال خدى انتى بقى قشريها
اسماء :- اخذتها منه وقعدت تقشر فيها
احمد :- الا قوليلى يا سمسمه عامله ايه مع الولا رحيم اخويا
اسماء :- ابعدت قطعة القصب عن فمها ونظرت له بتوتر وقالت عادى يعنى
احمد :- يا بت بلاش كسوف كلها كام يوم ويبقى جوزك اقعدى معاه شويه واتكلموا مع بعض علشان تتعرفوا على بعض اكتر
اسماء :- انا لا عايزه اتعرف ولا نيله
احمد :- حماره وجاموسه وهضيعي الراجل من ايديك
اسماء :- تنهدت بغيظ وقالت ملكش دعوه خليك انت فى ست نسرين بتاعتك
احمد :- يحرق نسرين وسيرتها
اسماء :- بفرحه ليه ها هتسيبها
احمد :- اسيب مين لاء طبعآ نسرين ارحم من اختك ،احسن جدك يدبسنى فى رضوى انا راضى بنسرين هى رقابتها عوجه شويه بس ابقى اعدلها ليها قريب إن شاءالله
اسماء :- يدبسك فى اختى ليه ما جدى قال رضوى لسليم
احمد :- الاتنين مش طايقين بعض قوم ايه جدك لما يلاقينى بصرف نظر عن نسرين يدينى بدالها رضوى ويخلى نسرين لسليم
اسماء :- على فكره بقى جدى مستحيل يعمل كده انت اللى شكلك عجبك نسرين وحابب الموضوع
احمد :- مكدبش عليكى يا بنت عمى نسرين جميله اوى وفيها المواصفات اللى تشد ليها اى شاب بس مشكلتها حاجه واحده بس عجرفتها
اسماء :- وقفت بغيظ وقالت اشبع بيها يا اخويا اللهى تولع فيك علشان استريح منك وتركته وذهبت
احمد :- مالها المجنونه دى الله يكون فى عونك يا اخويا وأكمل طعامه فى القصب
اسماء :- دخلت تركض وهى متضايقه من حديث احمد لها اصتدمت فى رحيم فاجئه بعدت عنه بسرعه وقالت بتوتر ا.ا.اسفه مأخدش بالى منك
رحيم :- ولا يهمك بس قوليلى مالك ايه اللى معصبك كده
اسماء :- مفيش
رحيم :- بس انتى باين عليكى اوى انك متعصبه
اسماء :- يوووه قولتلك مش متعصبه يا رحيم
رحيم :- نظر لها بأستغراب
اسماء :- انا اسفه يا رحيم مكنتش اقصد اتعصب عليك
رحيم :- ولا يهمك بس قوليلى بقى مالك
اسماء :- ها ا ا اصل بدور على رضوى اختى علشان عايزاها ومش لاقيها
رحيم :- وده سبب يعصبك اوى كده
اسماء :- م.م.ما انا زهقت دورت عليها فى المكان كله ومش لاقيها
رحيم :- على ما اعتقد أن اختك فى اوضتها علشان فيه صوت اغانى طالعه من اوضتها تلاقيها بس مسمعتش خبطك على الباب من الصوت العالى
اسماء:- ها م م.ممكن
رحيم :- أهدى بقى وبلاش تتعصبى على اي حاجه وخلاص روحى خبطى جامد على الباب وهى هتسمع
اسماء :- م.م.ماشى عن اذنك وتركته وركضت إلى الأعلى
رحيم :- نظر لها وهى تركض وابتسم بحب وذهب إلى الحديقه
&&&&&&&&&&&&&&&&&&&&&&&
مر الاسبوعين بدون احداث تذكر وبدأت البنات للاستعداد للفرح فى غرفتهم وبعد وقت الجميع انتهوا من التجهيزات نزلوا إلى الأسفل مع الحريم
فى غرفة رضوى
وقفت رضوى امام المراه ونظرت إلى نفسها بأستغراب وحركت يدها فوق طرحة الفرح ونزلت بيدها إلى الأسفل فوق الفستان على جسدها وابتسمت بتريقه وقالت
رضوى :- قال يعنى بحق وحقيقى مش مجرد تمثليه هابطه ألفها عمى وبطولتها انا وابنه وسمعت صوت طرق على باب غرفتها نظرت اتجاه الباب وقالت ادخل
منال :- فتحت الباب ودلفت إلى الداخل ونظرت بأعجاب والدموع تجمعت فى عيناها وقالت بسم الله ماشاءالله قمر منور ربنا يحميكى ويحرسك انتى واختك انا مش عارفه هستحمل ازاى بعدكم انتوا الاتنين عنى مره واحده
رضوى :- ولا انا قادره اتخيل ازاى هقدر اعيش بعيد عنك
منال :- يا حبيبتى هى دى سنة الحياه انا اهم حاجه عندى سعادتكم ومسكت يدها وقالت اسمعى من امك الكلمتين دول يا بنتى جوزك حطيه جوه عينيكى اوعى فى يوم من الايام تغلطى فيه لازم الاحترام المتبادل ما بينكم وتكون ما بينكم موده ورحمه زى ما ربنا أمرنا طاعة جوزك واجبه عليكى اوعى تغضبى جوزك وتحرميه من حقوقه الشرعيه اللى ربنا قال عليها الملايكه تلعنك يا بنتى الطاعه ثم الطاعه ثم الطاعه انسى حياتك تمامآ وانتى بنت انتى هتبدأى دنيا تانيه جديده قائدها جوزك يعنى اللسان الطويل اللى انتى متعوده عليه ده بلاش منه العناد يا بنتى اتنازلى عنه خليكى هاديه ومطيعه خلى الناس كلها تحلف بتربيتك وخلينى دايمآ فخوره بيكى
تانى حاجه
اسرار بيتك وجوزك حسك عينك تقوليها لحد اسراركم ما بينكم وبين بعض متروحيش تقوليها لعمك ولا لجنس مخلوق ولا حتى انا لما نتقابل حافظى على اسرار بيتك وجوزك خليكى امينه يا بنتى على أسراره علشان ميفقتش الثقه فيكى فاهمه يا بنتى
رضوى :- حاضر يا ماما
منال :- ضمتها داخل احضانها وقالت ربنا يسعدك يا بنتى ويسعد ايامك
رضوى :- ضمتها اكتر فى حضنها وقالت ربنا يخليكى لينا يا ماما وميحرمناش منك يارب
منال :- مسحت دموعها وقالت يلا يا حبيبتى اختك نزلتها والبنات كلها نزلت متبقاش إلا انتى
رضوى :- يلا بينا وخرجوا الاتنين من الغرفه واتجهوا إلى الأسفل وجلسوا مع الحريم وبدأت البنات تتراقص مع الموسيقه والسعاده تغمرهم إلى أن جاء وقت عقد القران واغلقوا الاغانى واتجهوا إلى الشرفه يتابعوا إجراءات عقد القران ودخل هشام إلى الغرفه ومعه العقود الخاصه بالبنات وقامت البنات بالامضاء وذهب اتجاه رضوى حتى تقوم بالامضاء على الورق الخاص بها أمسكت القلم فى يدها وظلت تنظر إلى الورق بتردد نظر لها هشام وقال
هشام :- أمضى يلا يا بنتى
رضوى :- نظرت لعمها بتوتر
منال :- يلا يا رضوى يا بنتى خلصى
رضوى :- اغلقت عيناها واخذت نفس عميق واخرجته بهدوء وفتحت عيناها ومضت على العقود
هشام :- قام بتهنئة البنات واخذ العقود وذهب إلى المأذون وسلمها له
و قاموا البنات بتشغيل الاغانى مره اخرى
اسماء :- جلست بجوار رضوى وقالت انا خايفه اوى يا رضوى
رضوى :- اسمعى كلامى شيلى احمد من دماغك علشان متخربيش بيتك بأيديك انتى دلوقتى مرات اخوه مينفعش تفكرى فيه يا اسماء
اسماء :- مش قادره اشيله من قلبى وابطل احبه اعمل ايه طيب
رضوى :- يبقى بترمى نفسك فى النار يا بنت امى وابويا
و فى هذا الوقت دخل منصور واتجه إلى بناته
اسماء :- اول ما رأته فرحت وركضت اتجاه واترمت داخل احضانه وقالت بابا انا فرحانه اوى انك جيت النهارده
منصور :- مقدرش محضرش فرحكم يا بنتى
رضوى :- نظرت له بغيظ و وادارت وجهها و نظرت الاتجاه الاخر
منصور :- ذهب إليها وقال مبروك يا بنتى ربنا يسعدك
رضوى :- بس متقولش يا بنتى بس
منصور :- انا عارف انك واخده على خاطرك منى
رضوى :- والله وعرفتها لوحدك ولا حد ساعدك فيها
منال :- رضوى اتكلمى مع ابوكى بأدب
رضوى :- مين اللى بتقول كده انتى يا امى لسه بدافعى عليه بعد اللى عملوا فيكى طول السنين دى كلها
منال :- بدموع ايوه انا علشان مهما كان ده ابوكى يا رضوى ومينفعش تتكلمى معاه كده مهما حصل
منصور :- يا بنتى انا معملتش حاجه اكتر من حقى انا رفض واقع اتفرض عليا واختارت اعيش حياتى زى ما انا عايزها عارف انكم انتوا التلاته ملكمش ذنب ولا انا ليا ذنب الذنب ذنب جدكم اللى طول عمره بينفذ اللى هو عايزه وبس مكانش بيهمه مشاعر غيره كل اللى كان بيفكر فيه الأراضى والبيوت والفلوس وبس لكن احنا ولا حاجه انا اتخليت عن كل حاجه فى سبيل اعيش مع اللى قلبى اختارها ومش ندمان على اللى عاملته ده بس اكتر حاجه بتوجعنى نظرة الكره اللى فى عينك ليا يا بنتى
رضوى :- للاسف انت واحد انانى اوى اهم حاجه عندك نفسك إنما احنا نولع الست اللى انت رمتها ببنتين حتة لحمه حمرا ومسألتش فيها ولا فينا كنت بتيجى ليها كل شهر مره كأنها شخص غريب عنك دى كان ذنبها ايه احنا اللى اتحرمنا منك طول عمرنا واتحرمنا نعيش معاك زى اى اب وبناته كان ذنبنا ايه ولا حاجه فى سبيل بس تعيش حياتك مع اللى قلبك اختارها انا عمرى ما هسامحك ولا نظرة الكره اللى فى عينى دى هتروح منها هتفضل كده شخص مكروه من اقرب الناس ليك روح ليها يلا احنا مش محتاجينك فى حاجه احنا اخدنا نتعامل على اساس ابونا ميت من زمان اوى اتفضل يا استاذ منصور من غير مطرود
منال :- رفعت يدها إلى الاعلى وقامت بصفعها على وجينتها وقالت اخرسى لا عاش ولا كان اللى يتطرد ابوكى من بيته انا بعترف بجد أن معرفتش اربيكى يا رضوى
رضوى :- وضعت يدها على وجينتها بصدمه وقالت انتى بتضربينى علشانه بعد اللى عمله فيكى ده كله ولسه بتحبيه عمومآ اهو عندك اهو اشبعى بى انا اللى هسيب ليكم المكان كله وهطلع اوضى وتركتهم وركضت إلى غرفتها
منصور :- انا اسف يا منال ان بوظت ليكم الفرح
منال :- الفرح شغال ومفيش اى حاجه حصلت يا منصور روح انت عند الرجاله علشان البنات تاخد راحتها
منصور :- مسك يدها وقال منال
منال :- سحبت يدها من بين يده وقالت روح يا منصور روح
منصور :- نظر لها بوجع وقبل رأس اسماء وخرج من المكان
منال :- وهى الدموع تنزل من عيناها قالت يلا يا بنات افرحوا وشغلت الاغانى مره اخرى نظرت منال إلى الاعلى ونظرت إلى غرفة رضوى بحزن
