رواية ادوار وهمية 20 الجزء العشرين بقلم بنوتة الشيخ
انور انت بديت تميل ليها
انور؛لا اله الا الله خلاااااص عائشه
عائشه:مش خلاص
طلقني انا وخليك معاها لاني اكتفيت
انور:بصدمه......تبي تطلقي؟؟؟ا
عائشه:تبكي.....اي
انور:انتي هبلتي ؟؟؟؟؟
هبلتي وتبي تهبليني معاك !!!
عائشه:فقدت اعصابها وهيا تبكي.....اففففهم انور مفيش حد بيهبل غيري انور راني تعبت الغيره بتقتلني
تحملت ودرت واجبي معاها وقلت يالله يا عائشه انتي بنت ناس واعملي بي اصلك تو انور يشوف بيه هاذا كله ويحطه بين عيونه لكن لقيتك بديت تميل ليها ويعجبك الجو
مره نفسيتها تاعبه عشان بنتها 5شهور تامات بدون طلاق
وتوا هيا مريضه وبتقعد معاها عشان نفسيتها واناااااا؟؟؟؟
عمري يكمل وانت جنبها؟
انور:ساكت يشوفلها
عائشه:سيباته وخشت للغرفه
انور:حس ان كلام عائشه مزبوط وصح! ميه في الميه
لكن شنو بيدير؟؟
سيسب فاطمه بروحها لين تموت عشان عائشه ترضى!!
مستحيل ضميره يرتاح لانه موقفش معاها!
يسيب عائشه ويقعد مع فاطمه طول وقت مرضها
رح يخسر عائشه باقي عمره
____________________________________
رواد:ممتد على سرير يفكر
الكلام يلي نقال ع ريم حقيقي؟؟
مستحيل لانه كلام متناقذ ....بنت عمرها 18السنه من وين بتجيب المخدرات
وشنو يجبرها تغري راجل امها وصاحبه!!
اي بنت في العمر هاذا ادور ع شاب قنين وصغير وفيه المواصفات يلي تبيها
شنو يجبرها تغري واحد بي عمر بوها!!
من غير هاذا كله هيا شنو كان ناقصها عشان ادير هكي ؟
عندها اب وام حتى لو منفصلين كل اسبوع عند حد
يعني هيا مش متشرده باش تغري اي حد يلمها من الشارع!
به لو كان كلامهم صح وين الغلط!!!
هذاك الوقت كانت في سن مراهقه ودارت حاجات لو بي عقلها توا مستحيل اديرهم
حط يده ع راسه.....اوووف مستحيل يلي صاير
علاش ندورلها في مبررات!؟
لا مش مبررات يا قيس لان هاذا الواقع!!!
هيا مستحيل ادير هكي نضرة القوه في عيونها وقوتها قدام كلام الناس واضح انها عانت هلبا عشان توصل هكي
ريم:طلعت من الحمام لافه شعرها بي منشفه
ولافه على جسمها فوطه بيضاء كبيره
قعمزت ع كرسي المرايه وحطت على رجليها كريم ولبست شخشير
رواد:حب يفتح موضوع لانه حس بي نفسه غالط في التصرف معاها ....شن قلتي لي اهلك عليا!!
ريم:بدون ما تشوفله.....ولا شي
رواد:محكيتيلهمش قصتي ويلي عرفتيه!؟
ريم:ع اساس في حد مهتم يسمعني ؟
رواد:سكت دقايق وتكلم....تمشي معاي بكرا !
ريم:وين!؟
رواد:حوش بوي نورهان اختي بيانها قرب
ريم:بخت المعطر ع جسمها....كويس ربي يهنيها وبتمشي ع اساس قيس ولا رواد؟
رواد:الاثنين
ريم:قامت راسها....به حلو
رواد:خيرهم عيونك؟؟؟
ريم:شي خيرهم...ونحت المنشفه عشان يطيح شعرها ويخفي عيونها
رواد:باكيا؟؟
ريم:ضحكت بهزوه...بكي شنو خيرك انت؟
رواد:نزل من السرير وقرب منها ...
ريم:عطاته بضهر وفتحت الدرج ع اساس ادور في شي
رواد:مسكها من كتفها العريان ولفها ليه
ريم:شبكت يديها في بعض ونزلت عيونها
رواد:قام راسها بصبعه ....جديات كنتي تبكي ؟
ريم:ضحكت ع جنب وقامت الخصله يلي طاحت....علاش بنبكي نحي من علياا...وفكت يده
وعطاته بضهر
رواد:جبدها من يدها وقاملها راسها وهوا ماسكه بيده كلها ....اشبحيلي وقوليلي بكيتي !
ريم:ضحكت من جديد...مبكيتش انت خيرك!
رواد:استمر يشوفلها
ريم:لمعت عيونها كأنها خلاص معش تقدر اكتر من هكي
نزلت يده من على وجها ومسحت عيونها
رواد:خيرك؟
ريم:نهارت تبكي وتتكلم....تسأل فيا خيرني غبي انت؟؟؟عبيط!!!
رواد:ساكت يشوفلها
ريم:تعبت من نفس الدوا ونفس الماضي يلي ملاحقني كلهم مش مصدقين شنو المجتمع الواطي هوا
رواد:اهدي مصدقك
ريم:مسحت دموعها بعنف وناضت
رواد:تعالي ريم
ريم:سيباته بتطلع ....وخر من عليا انت التاني تراااا
رواد:جبدها ليه وحضنها ....ميهمش يلي صار عارفك صادقه وحتى لو صار خلاص يلي فات مات
....ميهمش يلي صار عارفك صادقه وحتى لو صار خلاص يلي فات مات اهدي
ريم:رغم انهيارها بس تقعدريم نفسها القويه...قدرت انها تحبس دموعها ومتبكيش اكتر من هكي
ريم:خلاص بعد من عليا وانت استانست
رواد:حاضنها....رغم انك واطيه لكن وجعتيني
ريم:ما يوجعك غالي خلااااص قيس حول نفختهم
رواد:كبس عليها في حضنه......اسكتي بتنوضي الولد
ريم:خنقتني
رواد:مسكلها يديها بي يد وحده وهوا حاضنها
حط يده التانيه ع طرف الفوطه يلي كاينه لافه جسمها
ريم:لالالالالالالالالا!...قيسسسس
رواد:مش مرتي!
ريم:مش مرتك ....رواد بطل
رواد:للاسف غلطتي اسمي قيس كان قلتي قيس راهو خليتك ....ونحى الفوطه
منبيش نقول شن صار باش متقولوش
(اعع اروى تكتب في حاجات اباحيه او ميقااد مووستاحيل تفسد في البنات )
_________________________________________
سعاد:مش كيف روحتي،؟
ان شاء الله خير شن جابك!!
سمر:بدت تبكي ...
سعاد:شن في ؟
سمر:رجعت بايته منبيش نروح نحس في روحي مضايقه
سعاد:بسم الله خيرك شن جايك؟
سمر:خشت ودخلت صغارها.....شي لكن هكي فاده من الحوش
سعاد:تعاركتي معاه راجلك!
سمر:شويه
سعاد:نمارق بنتي ...خشي داخل ودخلي خوك معاك
نمارق :به اميما
سعاد:فهميني شن صاير
سمر:مش طايقه ندوي امي بالله عليك ريحيني راني تاعبه
سعاد:يستر الله كان ما دارولك خطين وخلاص 
رِوَايـــــــــات بـــَـنـُـــووتِـــة الشـِــيـــْـخ
أروى الــــطـــاهــــر المــســلاتــــيتخيلي تعرفي ان في الدنيا هاذي معش مزالك الا ايام معدوده بس تعيشيها !!؟
شنو يكون شعورك وقتها!؟
فاطمه:رهبه عايشه فيها
خايفه من الموت
مش قادره نحكي لي امي واهلي لانهم تعبو هلبا معاي لما توفت بنتي وتوا بنزيدهم وبنعيشهم في حاله نفسيه رهيبه
طول الليل نفكر ....لو متت بسلام وهدوء من دون ما حد يعرف مش يكون احسن !؟
ندمت اني حكيت لي انور لان واضح نكدت عليه
واكيد الشي هاذا بيأثر على علاقته هوا ومرته
غبيه انا ياريتني ما حكيتله
ربي معاي
بس يلي يقهر نفسيتي تاعبه حتى صلاتي مش قادره نحافض عليها
يااارب قدرني نستقبل الموت ومعش نخاف يارب
________________________________
ثاني يوم 
الساعه 10في الليل :-
رواد؛يحكي ع التالفون ويدور في حوايجه....اي اي تمام
ريم:فاتت من جنبه ودفاته لين قريب طاح
رواد:فنص فيها وماسك التالفون بي كتفه....هلاص به تو تخطم عليك
ريم:لبست توب التوته وجت بتطلع دفاته من جديد
رواد:اززززززززح ....لالا مش عليك ياغالي
ريم:ضحكت وهيا تتكلم بشويه قدامه
باش مره تانيه تنحي فوطة الناس وهما مدوشين
رواد؛نسي نفسه.....فرطة مرتي يا حماره اما ناس يلي مدوشين
ريم:ضحكت
رواد:انصدم من نفسه
....ها لالا مش عليك كلام فات قدامي المهم
....ها لالا مش عليك كلام فات قدامي المهم ريم:طلعت لسانها من بعيد
رواد:فنص فيها
_____________________________________
على سفرة الفطور:-
سعاد:ياااااابنت جيبي الخبزه
نورهان:خشت للغرفه....به الصبر تفضلي
سمر:كيف بتفتحي حوش بسسس
نورهان:بالله خليني في حالي سمر مش طايقه حد ره
سمر؛وعلاش انتي خيرك كل ما يقرب موعد البيان تبدي مخنوقه هكي
نورهان:لا مخنوقه لا شي ريحيني
سعاد:ضحكت....خناق العرايس
سمر:اشبح تو ...خناق العرايس ولا في حد تاني في البال
نورهان:ممكن تهنيني بي سكوتك بنتسمسم قبل ما نطلع لي امتحاني
ترن ترن ترن:-
سعاد:اسكتي انتي وياها هاذي عزوزة نورهان ...وردة بي فرح
ايوا هنيوا كيف الحال
هناء:بخير الحمدالله كيفكم انتم
سعاد:الحمد الله اهو حال التجهيزات هههههه
هناء:اءء اء بخصوص ها الموضوع سامحيني هلبا سعاد انتي وبنتك ماريت منك الا كل خير
سعاد:انخطف لونها...علاش شن في
هناء:كلمني ولدي الصبح قالي اتصلي وقوليلهم مفيش نصيب مقالش حتى السبب اعذرونا
سعاد:سكرت الخط في وجها وهيا تشوف لي نورهان بصدمه....خطيبك فسخ!
نورهان:انصدمت وفرحت...شني !
قاطعهم صوت الباص برا
سيبت نورهان امها وسمر مصدومين وطلعت وهيا فرحانه كأنه هم ونزاح ع قلبها من دون ما تفكر شنو السبب!!!؟
______________________________
عائشه:سكرت الغساله وتلفتت كان انور واقف ...صباح الخير
انور؛صباح النور
عائشه:لبست شبشب المطبخ واتجهتله
انور؛حضنها.....اسف كان عليت صوتي عليك امس
عائشه:بادلاته الحضن.....تحبني انور؟؟
.....تحبني انور؟؟انور:نموت فيك
عائشه:اليوم اطلقها صح !
انور:بعد من عليها وباسها ع راسها...اسف
مستحيل تموت وانا راخي بيها
عائشه:نقرت حواجبها ...يعني مش رح اطلقها؟؟
انور:لا....وطلع وسيبها
عائشه:تحملت في نفسها وسكتت زي العاده
رِوَايـــــــــات بـــَـنـُـــووتِـــة الشـِــيـــْـخ
أروى الــــطـــاهــــر المــســلاتــــينقلبت الدنيا عند نورهان
بوها امها وحتى سمر يلي مفروض مدخلهاش جت معاهم ضد نورهان اختها
عاشت نورهان ايام صعبه بعد الفسخ وحرموها من هلبا حاجات لا طلوع لا قرايه ولا صاحبات
زاد الوضع تأزم لما سمعو بي اشاعات ان خطيبها سيبها عشان سمع عليها كلام مش تمام
سلمى يلي كانت فرحانه بي خدمتها الجديده
محل ڤيلوات
ع الاقل تطلع من الكئابه يلي هيا فيها
منستش بدر!
لكن مضعفتش واستسلمت ليه !!
فاطمه:بدت الاعراض تزيد عليها وجسمها يضيع ويضعف
وانور مسيبهاش يوم
كل يوم معاها يروح للحوش ساعتين بس
العيله كلهم سمعو نفسيتهم ادمرت
موقف صعب تشوف حد غالي عليك بيموت وانت متقدر ادير شي !!
ريم:نفس الاسلوب تستخدم فيه مع رواد
هزايب ويناشب فيها وتناشب فيه بس بي ضحك وبصاره
يلي تغير طول الوقت هاذا هوا بدت مرت ع الورق ومن غير الورق
(منبيش نقول مرته في السرير لان بتقولو موووستحيل اروى تكتب في حاجات اباحيه او مايقاد)
مروه:فشلت كل محاولاتها مع بدر
بدر كان واضح عليه تاعب وضايع بدونها
في من بنات تكون زي العرصه لي الراجل يتكى عليها ويحط حمله كله عليها بي عيوبه ومميزاته
ولما العرصه هاذي تمشي هوا ينهار
باقي العيله معنديش اخبار عليهم بس تعالو نشوفو شن صاير بعد الوقت هاذا .
____________________________________
نورهان:حضناته ...استاحشناك امتى روحت من المانيا؟
رواد:ابتسم على برائتها وكيف انها متعرف شي ....يومين
نورهان:به كويس وين ريم ويزون؟
رواد:مرضتش تجي معاي
انتي زابطه وضعها هيا والعيله مش تمام
نورهان:خدت نفس....عندك حق
رواد:قعمز على سريرها....خلينا من هاذا كله توا
شن صاير معاك؟
نورهان:قعمزت ع كرسي الكمبيوتر ...نخطبت
ومن لما هوا بروحه فسخ كلهم دارو العار
اهو تشوف فيا قدامك محبوسه وبس
رواد:واكتر ما زايده سامنه انتي هاذا منضر وحده محبوسه
نورهان:ضحكت....لاني فرحانه
رواد:المهم جيت اهو بنطلعك من الجو هاذا
نورهان:بترفعني معااااااك
رواد:شن العبط هاذا نرفع عينك جايبلك عريس نقصد
نورهان:بلعت ريقها وهيا تشوفله
رواد:اي هوا
نورهان:م مم منو
نورهان:بلا استعباط ....هوا مجد
كان يجهز في حوشه الولد ع قد حاله وضغط ع نفسه باش ياخدلك حوش جديد
لكن حمار ميعرفش يتصرف ....كان ميبيش يكلمك لان مش مقتنع بي حاجه غير الحلال قريب ضيعك
نورهان:علت دقات قلبها وحمرو خدودها
رواد:هيا اطلعي ديري قهوا تحركي جبته معاي
نورهان:نطت من مكانها تجري ....حاضر
رواد:بشويه يا خفيفه
نورهان:
رواد:ضحك وهوا حاس انه اول مره يدير شي كويس لي حد من خوته
وصل مسج في اللحضه هادي
ريم:تسمسمت؟؟
رواد:متغديتش مزال
ريم:به ياعمري انا درت كسكسي نخليلك؟
رواد؛اي ياريت
ريم:مفيش 
رواد:براحتك
ريم:شنو الادب هاذا
رواد:لا ميغركش انا كان نروح توا نقتلك
ريم:ضحكت وهيا تقرا في المسج تلفتت شافت ام رواد ماسكه ولدها ...روح امك من بكري خايفه عليك يشدوك غادي
رواد:طمنيها
ريم:تمام
________________________________________
انور:ماسك كيسة الفطور وراكب للغرفه
في طريقه شاف ورده صفراء خداها وركب
فتح الباب وهوا مبتسم ونصدم لما ملقاش فاطمه ع السرير
انور:م مم معليشي وين الانسه يلي كانت هنايا
الممرضه:توفت الساعه6الفجر منو حضرتك!!
انور:حس بي الدنيا لفت بيه
طاح ع الارض وهوا يذكر في اخر ليله ليها شنو كانت تحكي
فاطمه:انور
انور:عيونه نعم
فاطمه:مسامحني ولا ؟
انور:ع شنو
فاطمه ع الكدب يلي كدبته...وكيف حاولت ناخدك من عيوش
انور:انسي هاذا كله كله مفيش شي صار
فاطمه:نعرف ان عائشه حرجانه منك لانك معاي
روح راضيها في النهايه هيا يلي قاعدتلك مش انا
انور:امفيش داعي نحكو هكي ارقدي توا ليل عليك
فاطمه:كان مزال خاطري نعيش باش نردلك الجميل يلي درته معاي بس مش قادره ندير شي نكافيك بيه
انور:ساكت
فاطمه:ابتسمت وعيونها وملامح وجها تاعبات.....ممكن بعدين نديرلك
انور:كيف!
فاطمه:يوم الحساب
اصلا انا نقول لي ربي في كل شي ....ومستحيل ننسى نقوله انك جبرت بخاطري في كل لحضه
انور:خدي نفس وهوا ماسك نفسه بي السيف
فاطمه:انت عارف ان ربي يسمع مني في كل شي ولا؟
تخيل حكيتله ع يلي ضلمني خلاه يموت بطريقه بشعه
حكيتله ع النار يلي في قلبي لما فقدت بنتي بيلحقني ليها توا
انور:فاطمه بطلي الكلام هوا مش وقته الساعه3ارقدي ليل
فاطمه:قول لي قيس مسامحاته باهي؟
اصلا اي حد في مكانه رح يدير هكي وبي العكس مفضحنيش هوا
اكيد ربي رح يستره طول العمر
انور:يغطي فيها ....معش اتعبي روحك اكتر من هكي
فاطمه:مسكت يده.....انت احسن حد عرفته في حياتي
انور:ابتسملها
فاطمه:متخلينيش دكرى وراس انور تفكرني مره مره بي الدعاء باهي ؟
عارفه كلهم بينسوني بعد سنه ولا اثنين لكن انت اذكرني
انور:ياسر منه الكلام يلي يوجع القلب هوا
فاطمه:انا بنرقد
انور :باسها ع راسها.....تصبحي ع الف خير
فاطمه:مردتش ....اكتفت انها تبتسم وبس
كان انور منهار ع ارض المشفى
بكي بطريقه هستيريه
لهدرجه الانسان يحس بي الموت لما بتجيه ؟؟؟
يبدا هكي يودع بي الطريقه القاسيه هاذي !!!
__________________________________
انتهت قصة فاطمه!
دفنوها تحت التراب ودفنو قلب انور معاها
قلب انور يلي بدون ارادته تعلق بيها
بكي عليها زي البنت
لما افقد انسان غالي عليك او كنت معاه لي وقت طويل صعب هلبا دماغك يستوعب انك خلاص معش بتشوفه
________________________________________
بدر:واقف قدام المحل وهوا يستعد لي اخر محاوله في حياته مع حب حياته يلي ضيعه وادمرت حياته !
فتح المحل وخش عشان تتلفتله نفس الملامح الطفوليه المبتسمه ...اهلين تفض...........
اتغيرت ملامحها لما شافاته !
بدر:اهلين
سلمى:اهلين بيك ....
بدر:نبي نحكي معاك ضروري
سلمى:تفضل ....واشرت ع الكرسي يلي قدام مكتبها
قعمزت بي قوه وثبات ....كيف نقدر نخدمك!!
بدر:بطلي الرسميات يلي تحكي بيها
انتي عارفه كويس ليش جاي هنايا ....سلمى نحبك
ارجعيلي صدقيني مستحيل تندمي وراس امي يلي ماعندي اغلا منها
سلمى:قامت يدها....اسفه بدر
عرسي الاسبوع الجاي
بدر:انصدم لما شاف لمعة الخاتم في يدها
وقف وهوا يعيط عليها وهيا بي كل برود رفعت السماعه قالت كلمتين وسكرت
بعد دقايق جو زوز من الامن طلعوه برا لمحل
انتهت قصة سلمى بي انتصار عقلها على قلبها
اختارت مستقبلها مع شخص احسن
ورفضت تعطي اي فرص عشان متزيدش صدمتها
لان يلي تهوني عليه مره تهوني عليه العمر كله !!
________________________________
ريماس:طلعت من معمل الحلويات وهيا ماسكه راتبها تفكر شنو تاخد بيه !!
طاحت منها الساعه يلي كانت لابستها نزلت خدتها وقامت عيونها
محمد:ريماس
ريماس:مشت من قدامه كأنه ماشافاتاش
محمد:لحقها....ريماس استنى
ريماس:وقفت.....تفضل
محمد:انتي يلي تفضلي ....ومداها باكو صغير
ريماس؛فتحاته وكان فيه سلسلتها يلي خداها يوم الحادث وجنبها دبله
ريماس؛شبحتله بمعنى شنو هاذا؟
محمد:نبي نتقدملك الاسبوع الجاي
ريماس:ضحكت ع جنب ....اصحى ع روحك
للمره الالف مستحيل نقبل بي الانسان يلي دمرني وصدقني لو متجيش يكون احسنلك بي الف مره من الاهانه يلي بتاكلها
محمد:علاش متعطينيش فرصه. ؟
ريماس:انت كسرتني بطريقه بشعه ومستحيل نقبل بيك لانك في نضري مش راجل رعمرك ما رح تكون راجل ! لوحت الباكو ع الارض ومشت وسيباته !
انتهت قصة ريماس بعدم زواجها من اي شخص
كملت حياتها تخدم وطول الوقت مع ريم وولدها او صغار خوتها يلي كانو يموتو فيها
___________________________________
نورهان:قصتها انتهت نفس اي مسلسل رومنسي
رغم تعبها وبهدلتها وبكاها كل ليل لكن مجد وفي بي وعده وخداها
خطبها رسمي من عيلتها ووافقو
________________________________
سعاد:شن تقووووول ؟؟؟
كريم:طاح ع الارض ....وطتلي راسي
سعاد:وجها اصفررر...تضرب في كريم ع وجها مش مصدقه
تكللللللم
كريم:هربتلمياء هربت مع راجل سمر
لمياء هربت مع راجل سمر مع راجل سمر راجل اختي
سعاد:بدت تخبط ع وجها ......نهاااااري اسوء
نهاري احررررف ياحشمتي بين النااااس
يا حوش بنتي يلي خربوه
كريم:مسك راسه دقايق وطاح عليهم داخ
نورهان وحياة مش فاهمين كيف يتصرفو خصوصا وسط الصدمه وعياط سعاد والحكايه خشت بعضها
سعفو للمشفى
وكانت الدوخه عباره على انهيار عصبي
كيف قدرت لمياء تتخلى على صغارها ؟؟؟؟
كيف قدرت ادير شي كبير وجااارح ومخزي لي عيله تامه؟؟؟؟
قعد كريم ساعات للمشفى ورجع الحوش ومعش قدر يحكي ولا حرف من صدمته وصغاره يسألو ع امهم مش فاهمين شي !!
سمر معش لقوها
يلي قال لي كريم قال لي سمر ان راجلها هرب مع مرت خوها
__________________________________
الساعه9ونص في الليل:-
طق طق طق
سعاد:سمعت صوت عياط جاي من نورهان
ناضو بسرعه ع الباب وكانت سمر واقفه قدامهم
ملابسها دم وماسكه مفاتيح السياره تبكي وتعيط وتقول
سمر:هوا يلي استفزني 
هوا هواااا عانيت منه سنين
منكد عليا ويبتز فيا
شباني كبير لكن دارلي هلبا حاجات ومنقدرش نتكلم لانه اب راجلي وعايش معانا
اااااااه.....طاحت تبكي وتخبش في وجها
.....طاحت تبكي وتخبش في وجها راجلي يا امي قهرني
قهرني ويبي يزيدني بوه متحملتش ضربت بي البالطا متع اللحم
مات
قتلته .....واستمرت تخبط ع وجها وتخبش فيه
.....واستمرت تخبط ع وجها وتخبش فيهحالة دمااااار للعيله كامله
كانت فاجعه وحديث الساعه !
انتهت قصة سمر بي موتها بعد ما جتها سكته قلبيه بعد شهر بزبط
صغارها ربتهم سعاد يلي حصلت جلطه خفيفه
ايمن مقدرش يتجاوز الصدمه وبدي كأنه مجنون في حوشه
تكفلت حياة بي صغار ايمن لانها عقيمه
هكي كانت نهايتهم ....هل يستحقو؟؟
ممكن ربي يعاقب في سعاد لانها كانت تحكي هلبا ع بنات الناس!!
___________________________________
رواد:ان شاء الله خير وخلاص
ريم:متخافش المهم يحبها ومعاها عادي نورهان امتى ما ادير عرسها باهي خلي يفوت وقت اكتر من هكي قبل
رواد:ان شاء الله
ريم:في شي
رواد:شني؟
ريم:انا
رواد:حط يده ع راسه وهوا يتوجع...شنو ريم اختصري
ريم:حامل
رواد:قام راسه ....تبصررررري !!!
ريم:لا للاسف
رواد:ضحك بصدمه وحضنها.....يارب تطلع عبيده صغيره
ريم:ضحكت ..::.مبردك
رواد:قعمز وهوا فرخان
ريم:قيس ليش كان بوك سبب في سفرك انت ورواد !
رواد؛في حاجات مش ضروري تعرفيها
خليني توا فرحان بي بنتي
ريم:من قال بنت
رواد:قلب الاب احساااس
انتهت قصة ريم بي الحلاوه هاذي
من قال ان النهايات السعيده في الروايات بس !؟؟
_______________________________________
انور:كان مقعمز تحت المضله والمطر تصب بطريقه غزيره هلبا
سارح وملامح الحزن واضحه عليه
وهوا يتأمل في المطر شاف حفره تحت السور
قال في خاطره ان هاذا جرف سببه المطر لو يقعد هكي السور يطيح
قرب انور عشان يردمها بس لقي كيسه معقوده
فتحها وكانت موجوده فيها صورت فاطمه وبنتها لين
صورت بنتها مكتوب عليها موت اختناق
اختناق وصورت فاطمه موت سرطان دمار
ركب انور يجري لي شقته يرعش مع بعض
فاطمه وبنتها ماتو من اثر السحر
السحر ليه 3سنين مدفون
شفاته عائشه عيطت ع طول حسها
حط انور السحر في اميه مرقيه ودموعه مطرررررر ويرجف
ويرجف طلع بسرعه بيدور شيخ يجيب
وفعلا مرجعش الا ومعاه الشيخ
عائشه:شن صار
انور:مسح عيونه .....اي اهو جي عطيني الشيشه يلي حطيته فيه السحر
عائشه :تفضل
انور:خدي تالفونه وطلع
قعمز جنب الشيخ خلاه يتفحص في السحر والكلام المكتوب
عشان توصل رساله مكتوب فيها
متخافيش مش رح يعرف
في اللحضه هاذي عرف انور ان التالفًون يلي ماسكه يكون تالفون عائشه
فتح المحادثه وكشف ان عائشه تتواصل مع السحاره وخايفه لو الشيخ رح يعرف ان هيا صاحبك السحر او لا
منبيش نحكي ع الانهيار يلي صار !
انتهت قصة عائشه بي طلاقها وطريحه كسرة عضامها قبل الطلاق
وبي حزن انكتب ع انور طول حياته...النهايه
...النهايه ____________________________________
هاذي القصص يلي جمعتها
في حاجات قعدت غامضه لانها مش معروفه
لمياء وسمر محكيتش عليهم بتفصيل لان محصلتش ولا رضي شخص يحكيلي .
*ردي بالك تحكمي من البدايه ع الناس وقتنا هاذا متقوليش ع اي حد طيب ومسكين لان انتي يلي بتطلعي مسكينه في النهايه
*عمرك ما تحكي ع بنات النااس لان رح يكون عندك بنات في المستقبل وكناين ربي يردهولك دبل ردي بالك الف مره
*في حياتنا فيه هلبا قصص نهايتها سعيده مش شرط تكون في الافلام او مسلسلات بس
راهو مدام ربي في الوجود اكيد مخبيلنا سعاده
بس انت توكل ع ربي
*الخاين رح يخونوه متفرحش بروحك اليوم انك خنت اعز الناس عندك ومكشفكش
متفرحش بروحك اليوم انك خنت اعز الناس عندك ومكشفكش لان الدنيا دواره
وزي ما كسرة شخص رح يجي يوم يكسرك البني ادم يلي مكنت تتوقع منه الكسره هاذي
*حافظ ع الانسان النضيف
الانسان يلي داير باله عليك لانك لما تخسره يعني خسرت الدنيا كلها
*حب كبير للبنت القويه يلي مفيش شي يهزها
للبنت يلي كانت ضعيفه وقوتها الضروف
للبنت يلي مستحيل ترجع لي علاقه كسرتها
للبنت يلي مستحيل توافق على شخص اذاها من قبل
وزي مانقول انا بنووتة الشيخ(اروى المسلاتي)..الحب في كل مكان بس انتي دوري واختاري صح
رايكم
