أخر الاخبار

رواية ادوار وهمية 16 الجزء السادس عشر بقلم بنوتة الشيخ

 

رواية ادوار وهمية 16 الجزء السادس عشر بقلم بنوتة الشيخ


رواد؛واقف قدام باب الشقه يدور في مفاتيحه
يسمع في خطوات راكبه الدروج
ابتسم يسحابها امه اخيرا ركبت بتشوف ريم لكن بسرعه ما تلاشت الابتسامه اما تلاقت عيونه مع عيون فاطمه بعد سنه تامه💔💔💔💔
انور:سكت معرفش شنو يحكي !
نضرات قيس لي فاطمه خلاته ميتجرأش يحكي ويقاطعهم
رواد:بلع ريقه بصعوبه وخدي نفس ....الحمد الله على السلامه وربي يعوضك
فاطمه:كانو عيونها معبيات دموع ....مقدرتش ترد بي ولا كلمه
كانت تحضن فيه بي عيونها ❤️
مستاحشاته وتشم في ريحته من بعيد ...هزت راسها وهيا مش قادره تحكي
رواد:يشوفلها وهوا مش مصدق قداش تغيرت 💔
عيونها يلي ذبلو وجها التاعب
يالله قداش كانت ضاعفه والضحكه يلي كانت على وجها ديما توا حتى اثرها لا 💔
انور:مسك في يدها مساندها...هيا اركبي لازم ترتاحي
فاطمه:شافت لي انور...ن نن نبي شقتي
انور:شاف لي رواد بي توتر ....حاليا مش فاضيه اقعدي عند عائشه بعدين يصير خير
فاطمه :فهمت ان الشقه فيها مرت قيس(رواد)...تهمنيش الشقه انور
انا نبي حاجات بنتي لين يلي فيها بس💔
جيبهولي نشم ريحتها ارجوك
انور:هز راسه بمعنى تمام...اركبي لي عائشه وتو نجيبهولك
فاطمه:سيبتهم وركبت مخليه مضرات رواد مذهوله
انور:سكت شويه بعدين بدي يتكلم بصوت متوتر💔....عارف ان الوضع بيزيد يتأزم
وجودها وجودك انت وجود مرتك ومرتي عائشه كل شي بيخش بعضه
رواد:خذي نفس...تقدر اطلقها وتنتهي من القصص هاذي كلها !
انور:حط يده على راسه بتعب ....انا منبيش نحكي معاك في موضوع زي هاذا لان بنتعاركو
رواد:وين الغلط في كلامي انت حتى زواج منها حرام في حرام
انور:فصل.....انا مش عييللللل قيس
مش عيل نزيد نهدم مرا اكتر ما هيه متهدمه ولا نفضحها بي شي ربي سترها ومخلاش حد يعلم بيه غيري انا وياك
طلاقها رح يوصلها لما تستعيد عافيتها ونفسيتها شويه ...حتى انت متزيدهاش ووخر من عليها
هيا كدبت علينا كلنا لكن الوضع يلي هيا فيه ميسمحش حد يفتح فمه الناس قاعده تعزي في بنتها
رواد:متنساش ان ....
انور:خلاااااص قيس....خلاص الموضوع هاذا منبيش نحكي فيه الهى في مرتك وتمت القصه .....وركب
رواد:ضرب يده بغل ع الخيط ونزل
________________________________________
ساره:قيس بي كليه وحده زعمه عادي يتبرع!؟
عائشه:مش عارف بس تقريبا عادي
ريم:سكتت وهيا تربط في الاحداث
رواد بكليه وحده؟الجرح يلي في جنه !
نفس الجرح يلي في جنب ناصر بزبط!!!!.....
ريم:شردت وهيا تذكر في طريقة الجرح يلي كان مطابق لي بعض وبعدها فاقت ع روحها....معليشي بنسأل
عائشه؛نعم
ريم:رواد...اءء ق قيس نقصد
قيس لي منو متبرع؟؟
عائشه:تحاول تذكر ...اممم مش عارف بس ...
ساره:قاطعت عائشه وحكت بي صوت موجوع ....متبرع لي صاحبه
صاحبه هلبا الروح بي الروح 24ساعه مع بعض
مرض فتره بي كلاويه وتبرعله
ريم:شن اسم صاحبه!؟
ساره:حكت وعيونها يلمعو....ناصر ❤️
ريم:كان واضح على وجها علامات الذهول والصدمه ...ناصر؟
ساره:اي ....هوا توا توفى ربي يرحمه مات بحادث مسكين
ريم:كانت قاعده في حالة جمود من الصدمه وساكته
ساره؛يالله المهم عيوش شوفيلي انور بالله
عائشه:ان شاء الله حاضر
ساره:تمام هي خلي بننزل ...وطلعت
عائشه؛ريم بعد اذنك بناخد العاب وملابس البنوته الله يرحمها
وصاني انور نجيبهم 💔....مسكينه منعرفش كيف بتطلع من الحاله يلي هيا فيها
بنحاولو نديرولها اي شي يصبرها 💔
ريم:شافتلها بي استغراب ....انتي ضرتها ولا انا غالطه؟؟؟
عائشه:ابتسمت بطيبه....في موقف زي هاذا حرام عليا نكون ضره💔
لو نحط نفسي مكانها جديات كنت نهبل 💔
ريم:بادلتها الابتسامه .....ربي يعطيك ع قيس نيتك
عائشه:يارب ❤️
ريم:اااه تقدري تتفضلي تاخدي اي شي
عائشه:تسلمي
ريم:خشيت نرتب في حاجاتي وكنت نراقب في عائشه من تحت لي تحت
كانت ترتب في ملابس فاطمه الداخليه والعاديه عشان تركبهم بي طريقه حلوه كأن ملابسها
وتقيم في العاب البنوته المتوفيه وهيا دايره بالها كويس عليهم
في اللحضه هاذي تنهدت وقلت ...جديات الدنيا مزال فيها خير 💔
___________________________________
ريماس:وليد ...وليدددد وليددددً وقت عليك الخدمه
حطت يدها عليه ونصدمت كيف جسمه بارد هكي قلباته بيدها عشان تنصدم بي رفوه طالعه من فمه وكان متصلب نوعا ما 💔
نصدمت ...معرفتش كيف تتصرف حطت يدها على رقبته عشان تشوف النبض ومن الصدمه طاحت ع الارض وهيا ترعش مع بعضها مصدومه
توفى!!....توفى😳😳😳
مات وليد ؟؟
بدون ما تشعر طلعت من الدار تجري
تعتر واطيح ع الارض وتعاود توقف وهيا ترجف 💔
لين وصلت للمربوعه ولونها مخطوف
دورت بعيونها ملقتش حد !!
محمد مكانش ساهر معاه نفس كل مره في لحضة الصدمه يلي كانت فيها مخلتهاش تفكر في شي
قعدت ماشيه جايه في مكانها تخبط ع وجها كيف بتتصرف !!؟
لين قاطع حالتها المزريه هاذي صوت الباب يطق
اتجهت ريماس للباب تجري فتحته ملقتش حد فير سيارة محمد
طلعت قدام الباب عشان تشوفه واقف بعيد
نادت عليه وصوتها يقطع
محمد:استغرب فيها وقرب منها
كانت عيونه ع الارض ....نعم ؟
ريماس:كانت ملامحها تخوف وترجف مع بعضها 💔...و وه و ووو وه
محمد:قام راسه....خيرك صار شي؟
ريماس:بلعت ريقها....وليد منعرفش خيره
محمد:شن صاير
ريماس:خ خ خخ خ خش خش شوفه💔
محمد:ترددفي البدايه بس بعديه خش وعيونه في الارض لين وصل للغرفه وشاف وليد
عرف من اول نضره ان متوفي ....طلع تالفونه اتصل بي الاسعاف
ريماس:واقفه ع الباب ...شن شن في ؟
محمد:يحكي وهوا متأثر ....العمر ليك
اتصلي بي حد من اهلك خبريهم متقعديش هنايا بروحك وانا موجود
ريماس:خدت تالفونها ويديها يرجفو وطلعت من الغرفه
محمد:شاف لي وليد وهوا يحكي بهدوء ....الف مره قتلك بعد ع العفن ومتزيدش الجرعه
نصحتك هلبا حاولت تغيرك لكن انت ويلي معاك غيرتوني للاسوء وفقت على روحي بعد ما خربت حيات الانسانه يلي طول عمرك عيشتها في جحيم
ربي يسامحك.....وغطاه بي الشرشاف
________________________________________
سلمى:مقعمزه ترتب في مكياجها ...تلوح في الحاجات الفاضيه وتمسح في الحاجات الملبزه
كانت تحب ترتب التفاصيل هاذي ❤️
حاسه بي بدر طالع خاش عليها
كانت ملاحضه من يوم كشفاته معش طلع من الحوش حتى للخدمه ممشاش
كأنه طول الوقت هاذا يراقب في سلمى ويبي يخليها تسامحه بي اي طريقه
بس جرح سلمى كان اعمق بي هلبا 💔
الحوش هدوء!
مفيش غير صوت التلفزيون يلي كان صوته وااطي
وصوت خطوات بدر ماشي جاي في نفس المكان ونضراته ليها
قاطع الهدوء الممل هاذا صوت الباب يطق
طق طق طق
بدر:اتجه للباب فتحه عشان ينصدم ويخاف لما شاف ام سلمى !...
انتصار:بي ابتسامه....اهلا بدر كيف حالك
بدر:ارتاح اما شافها مبتسمه...كويس كويس الحمد الله ...اءء ت تفضلي تفضلي
انتصار:خشت وهيا تحكي ....كنت نوصل في جارتي لي محل الماعين قريب عليكم قلت نخطم نشوف سلمى
وينها؟
بدر؛متوتر...داخل ...سلممى سلمممى
سلمى:طلعت من الدار وعلى وجها ابتسامه عريضه لما شافت امها ❤️
سلمت عليها
سلمى:شنو المفاجآه الحلوه هاذي !؟
انتصار:سلمها بنتي ياربي شن احوالكم
سلمى:الحمد الله بخير كيف حال بابا وخوتي
انتصار:كويسين ساحنيلي كبدي ...انتي شن حال الميهوم هاذا معاك...وشافت لي بدر بضحك
بدر:قلبه يدق بسرعه
سلمى:شافت لي بدر وهيا مبتسمه....بدر يجنن ياريت راجل كل حبيب ❤️
انتصار:ياعيني على الدلع
سلمى:ضحكت ...حبيبي عادي تجيب حاجات حلوه من برا ؟
بندير نسكافي وتمو مني
بدر:ضحك بصدممممه من ردة فعل سلمى قدام امها....ادللي من عيوني
سلمى:شفتيه كيف ياخد في الكلام
انتصار:ياريته مسلف بوك😂
سلمى:ضحكت معاها
كانت انتصار صغيره في السن تعتبر وجوها حلوه مع بنتها زي الصاحبات❤️
تسوق وتدهور وتضحك مش مهمه عندها الدنيا وروحها حلوه❤️
وطبعا بنتها طالعتلها❤️
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ريم:قعمزت مصدومه....رواد من وين يعرف ناصر !
جديات كانو صحاب لدرجة يتبرعله بي كليته ؟
اسئله هلباااا كانت في راس ريم لين طق الباب ونخلعت ....ناضت فتحت عشان تشوف نفس الوجه المألوف !ام رواد(قيس)
سهام:ابتسمت وعيونها تلمع...كيف حالك
ريم:اهلين ...بخير انا
امم ت تفضلي
سهام:خشت لي الشقه وقعمزت ع الصالون
ريم:خشت للمطبخ بس وقفها صوت سهام
سهام:تعالي بنتي منبي شي
جايه بنتعرف عليك وبنحكي معاك كلمتين
ريم:رجعت من المطبخ وقعمزت مقابل سهام
سهام:مشاء الله قنينه❤️
ريم:ابتسمت ...شكرا عيونك الحلوات
ضحكت بسخف داخلها ....اخيرا في حد مدحني
سهام؛انا سهام ....ام قيس
ريم:اي عرفتك تشبهيله
سهام:بنتي نبيك تسمعيني
ريم:حسن ان صوت سهام فيه جديه وحده ...تفضلي
سهام:عارفه ان حياة ولدي فيها هلبا حاجات غبيه وغلط
بس زي ميقولو الناس الصغار صغاري والفعل مش فعلي
قيس في حاجات مكانش عنده فيها حظ
وفي حاجات هوا ضيعها بي يديه
بس انا منبيش يكمل باقي حياته هكي
ريم:نقرت حواجبها بعدم فهم !
سهام:انا نعلم انك ارمله وعندك ولد والشي هاذا عندي انا وحسب عقليتي عادي جدا
بس نبيك تحافظي عليه وتغيريه
المرا يابنتي قادره على هلبا حاجات وقادره تغير الراجل للاحسن والاسوء
ريم:كملت وهيا ساكته تسمع في الكلام يلي ينقال
كان اسلرب سهام فضييييع
كلامها راقي واسلربها يجنن يخلي اي حد ينسجم معاها
كانت واضح انها فعلا انسانه راقيه !
سهام:فهمتي عليا بنتي ؟
ريم:شبحتلها وعيونها لمعو ...بنتي؟؟
قداش كانت الكلمه الحلوه على وذن ريم !!....تماسكت وحاولت ترجع ملامحها العاديه المستفزه
اي خالتي فهمت عليك ولا يهمك ان شاء الله نحاول
سهام:ابتسمت....كنت عارفه انك متفهمه وواعيه من اول نضره شفتك فيها
ومتقوليش خالتي
انا نحب كنايني يقولولي امي حتى عائشه وفاطمه هكي معودتهم
ريم:تلاشت نضراتها المستفزه المعتاده 💔
اختفت نضراتها وملامحها المستفزه عشان تجي بدلهم ملامح الفرحه نوعا ما❤️
عيونها لمعو وابتسامتها طلعت غصب عنها ...ان شاء الله
ان شاء الله ..اء ء امي
سهام:وقفت....ربي يسعدكم ويهنيكم
كنت نتمنى تجي في ضروف احسن من هكي اكن الله غالب !
ريم:قدر الله في النهايه
سهام:طبطبت ع كتفها....نخليك ع الخير
ريم:هزت راسها وابتسمت ❤️
سهام:طلعت وسكرت وراها الباب
ريم:اتكت ع الباب ويدها ع فمها وتحكي داخلها
لااااا
لا ريم متنهاريش خيرك!!؟كلمه زي هادي ما عمرها تأثر فيك اهدي ريم
___________________________________
جت الاسعاف وخوت وليد رفعو الجثه لي الطب الشرعي 💔
في دقايق تعبى الحوش وانقلب كل شي
عياط ام وليد واخواته يلي مدايرين العار عشان يذبو نضر الناس ليهم🤦🏻‍♀️
تعبى الحوش جيران اهل ريماس واهل وليد والجيران
بدت الناس تعزي وتصبر في اهله وريماس حاسه روحها في حلم !
مكانتش فاهمه شي ولا عارفه شي غير حاجه وحده بس
لو كان هاذا حلم تتمنى انها متصحاش منه 💔
___________________________________
مروه:ياااااااااسر وتين يااااسر
ايمن:قام حاجبه...فهميني انتي خيرك الايام هيا ع الصغار ؟
مروه:انت بدات خليني في حالي متحكيش معايا
ايمن:نقدر نفهم السبب يلي مخليك مش طايقه حد الفتره هاذي !؟
حتى صغارك فاده منهم؟
مروه:خدت نفس وهيا تحاول تهدا .....شنو عاجبك ترا؟
فهمني !
كيف تبي الجو يهبل ؟؟
مهيج بيا كل يوم في بلاد مثلا !؟
ولا معبيني ذهب !!ولا كل يوم في مطعم ؟
ايمن؛انتي بنسبه ليك هاذي حاجات السعاده يعني ؟
سفر ذهب مطاعم ؟!
انتي عطيتيني باش نعطيك يامروه؟
مروه:قامت حاجبها ...نعممم؟؟شنو تبيني نعطيك يافالح
ايمن:متنخلعيش مش طالب منك فلوس انا حتى معاشك منمسش فيه
انا طالب منك شوية اهتمام تقدير واحترام قدام الناس ....حب
مروه:ضحكت...حب؟؟؟
انت وجهك وجه حب؟
ايمن:مسك اعصابه....علاش لا؟
انتي عطيتيني فرصه وفشلت فيها؟مخليك ع راحتك يا مروه لو كان فيك ذرة احساس
تطلعي ومنتكلمش ولا نحاسب فيك فطور وهياجه مع صاحباتك تباتي في المناسبات
كل مناسبه بي قفطان جديد ومزين نمد ونصرف ومنحاسبش فيك
فلوسي عندك ومنتكلمش لان رزقك رزقي
اي حاجه نقدر نجيبهولك منقصرش معاك
مروه:وانت شكله قلبك معبي كلام ومش قادر تقوله
ايمن:وقف....اي وليا مده ساكت على حركاتك
مروه انا لقيت الحب والاهتمام برا
لقيت الشي يلي فاقده
مروه:نعم؟؟؟....كيف ؟
ايمن؛سلامتك...وطلع
مروه:ايمممممن تعالااا هنايا ندوي انا
ايمن:سيبها وطلع
___________________________________
عائشه:خشت للغرفه وهيا خايفه من رد فعل فاطمه ... اخر شي تشجعت
سكرت الغرفه وحطت الملابس وكوب الميه على الرف ...قربت على فاطمه
عائشه:فاطمه...انا جبتلك ملابس نضيفه
بدلي حوايجك ولازم تاختدي دواك عشان ترتاحي
فاطمه:حاظنه ملابس بنتها 💔....مستحيل يجي يوم نرتاح 💔
معش بنشوفها معش بنشوف عيونها ولا نسمع صوتها
حاسه روحي بنموت بعدها مش قادره
عائشه:مسحت دمعتها يلي كانت بتنزل....اسمعيني فاطمه
الشي يلي اديري فيه توا حرام
حرام اديري في نفسك هكي تدمير نفسك مش رح يرجعلك بنتك
بنتك مستحيل تموت داخلك ❤️
هيا في مكان احسن بي الف مره من هنايا وهيا عند ربي
ربي يلي احن منك عليها
فاطمه:احن مني؟
عائشه؛ابتسمت....اكيد
مش هوا يلي خلقها ؟واقرب ليها من حبل الوريد؟
فاطمه:هزت راسها بي اي ووجها تااااعب
عائشه؛انسي الزحمه يلي لوطه ودوشة العزي توا
نوضي بدلي ملابسك كولي حاجه وخودي الدواء وتريحي ارقدي وبنتك في قلبك ❤️
فاطمه:حست كلام عائشه زي البلسم ع قلبها ...حضنتها في لحضة ضعف ونهارت بي البكي
اسفه 💔اسفه حاولت نخرب حياتك وانتي توا تحاولي تكوني معاي سامحيني
عائشه:نزلت دمعتها....اششش خلاص انسي الكلام هاذا توا
هي نوضي نخليك تبدلي مابين جبتلك شي تاكليه
فاطمه:هزت راسها موافقه
عائشه؛طلعت من الغرفه وهيا فرحانه قدرت انها تساعد فاطمه ولو بكلمه
اما انور كان يراقب ويسمع فيهم وهوا مش فاهم عائشه جديات بشر زينا ولا ملاك !؟
____________________________________
ريماس:ناضت من جنب امها لما شافت ريماس داخله من بداية الخيمه تشوف لي الناس بتقزز زي العاده
جرت ليها وارتمت في حضنها تبكي
ريم:اطبطب عليها ...اششش افتكيتي منه ربي يحبك متبكيش
ريماس:بعدت من عليها تمسح في دموعها....من جابك؟
ريم:تنحي في شنطتها.....منو يعني عير الخرا يلي واخداته
ريماس:لو تشوفي كيف قريب متت وربي اول مره نشوف حد ميت قدامي
ريم:امسحي دموعك ريماس بجد مش جايه نعزي جايه نباركلك افتكيتي منه الواطي ...شافت لي خواته كيف يعيطو ويندبو
ريم:واهو خواته مدايرين شوء زايد تقول يلي ميت
علي بن ابي طالب...استغفر الله
ريماس:ضحكت....مصحك ريم خودي حاجه بجديه في حياتك
مفروض جايه هنايا تواسيني
ريم:مساويه مشاء الله عليك
ريماس:خدت نفس
ريم:شوفي حياتك واستمتعي بيلي جاي
العده رح تكون ايام خرا بس بعدين تمشي امورك صدقيني الف مبروك مفروض توزعي بكلاوه والله
ريماس:ضربتها ع رجلها....اسكتي لا يسمعك حد من هنايا نصبحو في عركه
ريم:اما عركه بالله خواته كل وحده مليطه احرف من يلي قبلها
ريماس:شنو يعني مليطه!؟
ريم:يعني نيه
ريماس:انتي وكلامك الغريب هاذا
ريم:احكيلي ع مشاريعك الجايه انتي لازم تشوفي خدمه وهكي
ريماس:ريم اول يوم عزي ره
ريم:اووه نسيت ...هيييي هاتي القهوا هنايا مخديناش
ريماس:🤦🏻‍♀️🤦🏻‍♀️🤦🏻‍♀️
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
سلمى:ههههههه جديات ماما؟
انتصار:والله زي مانقولك
سلمى:حطت الفواكه في صونيه صغيره...تفضل حبيبي
بدر:خداها منها وهوا فرحان
انتصار:هي خلي نروح
سلمى:لا عااااد اقعدي تعشي
انتصار:فرقت حالي يابنتي متعر فيش خوتك 🤦🏻‍♀️
لازم المغرب نكون في الحوش
بدر:اقعدي تعشي نروح بيك انا
انتصار:لا والله مفيها كيف يابدر
سلمى:وقفت لاحقه امها....به سلميلي عليهم
انتصار:ان شاء الله هي بي السلامه
سلمى:سلمك.....باست امها وسكرت الباب
بدر:اعزميها مره تانيه حبيبتي
سلمى:شافتله....حبيبتك؟
بدر:اي!!؟
سلمى:متصدقش بدر!!...لاني رح نعاملك هكي قدام امي وقدام الناس لين يجي الوقت المناسب ونطلق
يعني متنخدعش بي اسلوبي قدام ماما
بدر:علاش تعاملي فيا كويس قدامها!؟
سلمى:شبحتله وهيا نقيم في السفره....لاني بنت اصل ومستحيل نخلي الناس تعرف ان راجلي خاين
ياريت خاين عادي
يخون فيا مع متزوجه مستحيل نخلي الناس تشوفلك بي النضره المقرفه يلي توا نشوفلك بيها انا ....وخشت للمطبخ
هنايا بدر عرف انه خسر جوهره مستحيل ترجعله 💔
______________________________________
في السياره:-
كيف كان العزي ؟
ريم:ضحكت من قلبها.....جديات تسأل 😂
عزي مش عرس
رواد:اي وعادي نسأل
ريم:كملت ضحكتها....اااه ياربي
رواد:شن قالو سبب الوفاة؟
ريم:محشش وواخد جرعه زايده
رواد:يقرب لي فاطمه
يكون ولد خالها
ريم:اهااا....يالله افتكو منه لان كان واطي عيشته حرام
رواد:علاش؟
ريم:كان مداير في اختي هلبا
كم مره يمد في يده عليها ويسمع فيها في كلام غلط
رواد:وانا كويس ولا؟
ريم:كل واخد وسخ بطريقته ....انت مجيتش تمد في يدك
انت جيت واطي متع بنات
رواد:الصبرررر ياربي شن تشوفي فيا الزح كل يوم مع وحده
ريم:احساسي ميخيبش
رواد:🤦🏻
ريم:رواد بنحكيلك شي
رواد:اسمي قيس ريم....حاولي تتعودي عليه تمام ؟
ريم:هزت راسها بمعنى اي .....
رواد:شنو يلي بتحكيه؟
ريم:نبي ولدي 💔
رواد:شبحلها وابتسم كأنه فرحان.....اخيرا طلع عندك قلب وحنيتي ع ولدك يعنى؟!
ريم:نزلت عيونها ...اي
بس كيف رح يعطوهولي ؟
رواد:متهتميش تو نجيبه
ريم:سكتت....كانت بتفتح موضوع ناصر بس اجلاته
___________________________________
مروه؛استاحشتني ؟
بدر:يساير فيها بي السيف....اي
مروه:علاش علاقتنا معش زي قبل من يوم شافتنا سلمى؟
بدر:مروه وضعنا تأزم شويه
مروه:كيف !
بدر:بديت نحس بي المسؤليه ....لعند امتى بنقعدو هكي انا وياك؟
شن نهاية علاقتنا !....انتي عندك اسره وانا بديت نكون فيها الاسره
مروه:بدت تبكي بصوت واطي.....من البدايه نقولك انا منبي منك شي 💔
منبي منك شي غير انك تكون جنبي بس 💔
بدر:سكت
مروه:نحبك بدر
بدر:ولا انا قادر ننكر اني نموت فيك بس معش عرفت شنو ندير
مروه:نبي نشوفك استاحشتك
استاحشت شكلك كلامك ريحتك كل شي فيك
نبي نحضنك بدر
بدر:سكر عيونه ثواني وهوا يفكر بي تعب ....ان شاء الله يصير خير
خليني بروحي فتره نبي نعاود نرتب هلبا حاجات
مروه:مسحت دموعها ...تمام
بدر:سلام
مروه:سلام....وسكرت الخط 💔
_________________________________
نورهان:كانت سارحه تتفرج ع النجوم من دارها زي كل ليله
الازمه العاطفيه يلي عندها مقدرتش تتخطاها 💔
فتحت الروشن وطبست تاخد في نفس وعيونها مسكرات
سمعت بي حاجه طاحت ولما فتحت عيونها لقت حديدة الذهب متع الاسم يلي كانت في يدها طاحت في الجنان...سكرت الروشن بملل ونزلت لي الجنان عشان تجيبها
دورت ودورت ملقتهاش رغم انها متأكده ان طاحت هنايا وكانت واضحه
وقفت بعد ما يأست ان تلقاها سمعت صوت من خلفها يقول
كم مره قتلك معش تطلعي في الليل؟
نورهان:حطت يدها ع فمها بصدمه ...تلفتت ببطئ وزادت صدمتها لما شافت مجد
مجد:مدلها الحديده....طاح منك شي؟
نورهان:بدو دموعها ينزلو بدون كلام💔
مجد:نزل يده يلي كان مادها ومسك الحديده وعيونه لوطه....مقدرتش نغيب اكتر من هكي
كل ليله راقد ع صورك
صوتك معش قدرت نسمعه
قلت خلي نقطع المسافه الطويله هاذي باش نشوفك
لاني ....معش قدرت اكتر من هكي
نورهان:استمرت تبكي
مجد:قرب عليها لبسها الحديده ووخر...نحبك❤️
نورهان:زاد بكاها ويديها الاثنين ع فمها
مجد:كوني بخير❤️
اسف ع يلي درته مشبت هكي بدون سبب بس
الشي هاذا ميعنيش ان محبيتكش
نورهان:نزلت يديها وبصوت بكاها...نموت فيك
علاش خليتني 💔
مجد:متسألينيش نور ...كوني متأكده اني بنرجع وناخدك من هنايا
نورهان:تشوفله وتبكي
مجد:اوثقي فيا نور رح ناخدك من هني
نورهان:هزت راسها بمعنى تمام
مجد:ابتسم....خشي داخل ومعش تطلعي في الليل
وطلع بسرعه
كان عارف روحه لو عطل قدامها كان حضنها❤️
والشي هاذا غلط يصير بينهم وهيا مش حلاله💔
_____________________________________
عائشه:كلت شوية مكرونه وعصير عنب
خدت دواها الحمد الله حاسه ان حالتها تتحسن توا رقدت وسكرت عليها الباب منبيهاش تفيق
انور:نحبك ....جديات معندي شي نقوله غير اني نحبك
نحب قلبك الطيب نحب عيونك نحب كل شي فيك
عائشه:ابتسمت وحضناته....وانا نحبك يا راجلي الحلو
هيا حتى انت لازم ترتاح وترقد ياعمري من امس متريحتش الزحمه بروحها تكفي
انور:انتي وين ماشيه؟
عائشه:تنهدت بتعب ....بننزل لي امك مسكينه تاعبه حتى هيا بنضم معاها الحوسه ونركب
انور:صدقيني رح نعوضك ع كل شي
عائشه:قربت منه....حبيبي متحسش بس الذنب
انا هكي مرتاحه لاني ندير في عمل خير
ولاني جنبك ❤️
انور:باسها ع راسها
عائشه:لبست حجابها ....هي بسلامه توا
انور:اشرلها بيده بمعنى سلام
________________________________
رواد:خش لي غرفة النوم...سلام
ريم:تسرح في شعرها...وين كنت
رواد:عند امي
خشيتلها شويه شفتها
ريم:به كويس...تعشيت؟
رواد:قرن حواجبه....كأنك بديتي تهتمي بيا ؟
ريم:اي امك وصتني عليك عارفاتك عيل
رواد:انتي من علمك طولة اللسان ؟
ريم:ضحكت
رواد:فتح سوريته....مش رح ندورك معنديش جهد نتعارك معاك
ريم:كيف بنشرح لي عيلتي ان عيلتك الاولى مش عيلتك وهاذي عيلتك؟
رواد:ضحك...مفيش داعي
ريم:والله؟
رواد:ع اساس اهلك كل يوم يزورو فيك يعني !!
ريم:بدون مقدمان....انت متبرع بي كليتك لي ناصر؟
رواد:شافلها متفاجأ واختفت الضحكه .....من قالك؟
ريم:عصافير حوشكم
رواد:غمض عيونه
ريم:لهدرجه صحاب ؟؟من وين عرفتو بعض؟
رواد:انتي تبي تعرفي كل شي ع الناس ومتبيش تخلي الناس تعرف شي عليك؟
ريم:هه شن تبي تعرف !
رواد:شن قصة بنت الحرام؟منسيتش اي كلمه قلتيها ومبيتش نسألك لانها حاجه تخصك في النهايه بس توا من حقي نسأل زي ما تسألي حتى انتي
ريم:تمشط في شعرها وتحكي بدون اهتمام....قصه حزينه
رواد:ونبي نسمع
ريم:قبل هلبا سنين بوي تعرف ع وحده سبهاويه
كانت جميله نفس اميرات الروايات ...ابتسمت وهيا توصف في امها
كانت حلوه لدرجة اهل بابا رفضو يخطبوها من غيرتهم
وتحججو من اللون ....انها سمراء وهكي
رواد:يسمعلها بي اهتمام
ريم:ضنو انهم عايشين في مسلسلات
وانها لو حملت منه رح يزوجوها ليه بي الغصب
رواد:بعدين؟
ريم:حملت بيا ...جابتني
وللاسف طلع مش فيام عشان يبدا نهايته سعيده!
رواد:شن تقصدي!
ريم:حطت المشط ع الطاوله....توفت
قتلوها خوتها لانها جابت بي الحرام
بوي تزوج مرا ربتني من كان عمري ايام ...وتن تن تمت القصه
رواد:سكت وهوا مصدوم
ريم:سكرت ضي الدار وخلت السهاره مفتوحه
رواد:علاش انتي هكي !؟
ريم:كيف،؟
رواد:حتى قصتك تحكي فيها بي لا مبالاة؟؟
شن صاير معاك مخليك هكي ريم!
ريم:.....

تعليقات



حجم الخط
+
16
-
تباعد السطور
+
2
-
close