رواية ادوار وهمية 9 الجزء التاسع بقلم بنوتة الشيخ
رواد:ياعيني ع الشي والضي يلي يتفرج على روحه ياعيني
ريم:تلفتت بي فزع
رواد:قعمز ع السرير وحط رجل فوق رجل....شنو منو
ريم:مسحت روجها....لو تتكرم وتنزل تجيب ولدي
ع الاقل ادير صمره بدل ما انت ماد وجهك تكحل في الخاشه والطالعه وخلاص
رواد:يفتح في ازرار سوريته....شن عرفك !؟
ريم:تلفتتله .....اعتقد غلط انت بس تعرف حاجات عليا ولا !
خليني نعرف حتى انا 
رواد:امممم
ريم:بصوت واطي.....وياريتني ماعرفت
رواد:قام حاجبه...شن تقصدي ؟
ريم:قلبت عيونها بملل بدون ما تشوفله ....من تتمنى تعرف ان راجلها متع بنات !!....وتلفتت
استغربت في ملامحه يلي معرفتش حتى كيف تفسرها !!...خيرك هكي تشبحلي ؟؟
رواد:فاق ع نفسه وضحك ضحكه صفراء كأنه ارتاح شويه....سلامتك
تبي ولدك اليوم قلتيلي !!...شنو حنان الام يلي نزل عليك ولا خايفه نفقد شعوري قدام القفطان والشوء يلي مدايرتيه
متخافيش محركتيش فيا شعره ....هز بي كتافه
طرازك قديم سواء كان لبس ولا غيره
ريم:ضحكت ع جنب ....ولدي نبيه لان قداش ليه مرضعش مني والحليب متعبني
زائدمتخافش منلبسش ونمكيج باش نغري اي حد....الخدمه هاذي لي بنات الليل
قربت ع المرايا تمسح في فمها بطريقه مستفزه.....ممكن انت متعود ع شكالات زي هادي بديت تشوف في البنات كلهم هكي
رواد:سكت لحضات وهوا يشوفلها ....ملقاش كلمه يردها عليها ويقصفها زي ما قصفاته 
طلع من الدار ونزل بدون ما يرد ولا كلمه
________________________________
بدر:سبقه قلبه قبل رجليه 
وصل قدام باب الاستراحه متعه خذي نفس عميق ميعرفش شنو يراجي فيه ورا الباب هاذا !؟
طلع مفاتيحه وفتح الباب ....دور بي عيونه وقبل ما ينادي طلعتله مروه من المطبخ !
عقله وقف وجسمه تجمد لما شافها
كانت لابسه روب اسود فاتحه شعرها وقاعده بي مكياج الحفله حنتها يلي احتلت رجليها من اول صبع لعند ركابها ....ابتسمتله ونطق لسانها
زي ما كنت متخيله معطلتش عليا ابدا
بدر:بلع ريقه بضيق ونحى القرواطه لوحها ....م مروه
غلط
مروه:دارت سمايل بوجها يعني انها مش فاهمه...ع شنو تحكي
بدر:غلط تجيني في يوم زي هاذا وتناديني وانتي هكي
مروه:قربت منه ......انا هكي ؟
كيف يعني
بدر:ءء ن ءءء نقصد وانتي هكي لابسه و ....
تنهد بي انزعاج
مروه:رجعت شعرها للخلف وتلاشت الابتسامه ...اوكي تمام فهمت
يديها مشبكات في بعض وتحكي وهيا متوتره ....صح غلط
اسفه انا ..اناءء
متحملتش الفكره بدر يعني دخولك اليوم هليها هيا وهكي ....اففف
لقطه غبيه مني اوكي اسفه خلاص انسى ..شافت لي الساعه لقتها 1ونص
تقدر تلحق توا لو رجعتلها
قوللها انك طلعت من جنبها لان صاحبك جايبينلك عشاء...وارفع العشي يلي وراك وانا تو ندبر راسي ونروح ....خلاته وجايه بترجع لي الدار عشان تبدل حوايجها لكن مسكها من يدها
بدر:انتي عارفه انك نقطة ضعفي ....سراء كان دخولي اليوم ولا حتى جنازتي منقدرش نقاومك ولا نخليك
....سراء كان دخولي اليوم ولا حتى جنازتي منقدرش نقاومك ولا نخليكمروه:اسفه
بدر:قرب منها....اششش معش تتأسفي بطلي
انا ليك قبل ما نكون ليها
ماعاش يلي ياخدني منك
مروه:ابتسمت وعيونها يلمعو
وبعدين خشو لي الدار وتسكر الباب منبيش نقول شي لانه عيب وباش متقولوش اروى تكتب في حاجات اباحيه
____________________________________
ريماس:نحت الكاب يلي كانت لابساته بي مساعدة وليد
وليد:قعمزي ارتاحي من بكري وانتي واقفه
ريماس:ابتسمت وقعمزت ع الصالون وعيونها في الارض
وليد:كيف حالك؟!
ريماس:بخير الحمد الله
وليد:قنينه طالعه الله يبارك
ريماس:زادت تحشمت اكتر ....عيونك الحلوات
وليد:تحولت ملامحه لي جديه....انا محكيتش لي حد يلي صاير معاك
ريماس:بلعت ريقها وخذت نفس ....سألت نفسها علاش يفتح في موضوع زي هاذا في ليله زي هاذي !!
وليد:انا مستحيل نحكي مدام وثقتي فيا شي زي هاذا مفيش حد يديره اعلمك
ريماس:قامت عيونها وهيا مش فاهمه علاش اسلوبه وكلامه هكي !!؟....كأنه تحول
وليد:وقف ينحي في جاكيته....بس لازم تعرفي يا ريماس ان في الدنيا هاذي كلها مفيش حاجه بي البلاش
ريماس:قامت حواجبها بصدمه.....مقدرتش تحك وتسأل من الذهول بسبب يلي سمعاته !
وليد:يحرك في رقبته بي تألم.....يعني زي ما انا عطيتك وسترت عليك حتى انتي نفس الشي
ريماس:وقفت....نعم؟؟؟
شن تحكي انت !!...ليش الكلام هاذا محكيتاش من ايام الخطوبه؟
وليد:اموري....بعدين انتي بتقنعيني انك مكنتيش تراجي في الفرصه هاذي بي الساعه والدقيقه
يعني يجي حد يرضى بيك !!
ريماس:رجعت قعمزت من صدمتها ....تأكدت ان قلبها المقبوض كان على حق
وليد:المهم مش موضوعنا توا الكلام هاذا!!...
خليني نفهمك شنو المقابل ع الخدمه يلي درتهولك
ريماس:طاحت دمعه من عيونها وهيا مش قادره تقول شي
وليد:قام صبعه وهوا يعدد....يلي تشوفيه هنايا مهما كان سيئ ميطلعش من الحوش !
قام صبعه التاني.....سهراتي انا والجماعه مهما كانت غلط مليكش علاقه
مفيش اي داعي لي الطلعات يلي مليهاش داعي
لا عمتك لا خالتك لا اختك لا حد!
ريماس:تشوفله ودموعها ينزلو
وليد:مزال في الف حاجه تو تعرفيها لكن تغلطي
تشوفي الشهدره كيف تمام؟؟؟؟
ريماس:معش قدرت تمسك نفسها اكتر من هكي وبدت تبكي
وليد:نوضي امسحي دموعك ونضميلنا الجو بلاد دراما وراس اممك
ريماس:وقفت وهيا تحرك في ڤيلوها وتعاند فيه لين وصلت لي غرفتها وزادت نهارت
________________________________
مش كل العرايس فرحانات في ليلة العمر
ومش كل عروسه تكمل فرحتها والشي هاذا شفناه عند ريماس
وعند سلمىعروسة بدر !
عروسة بدر !يلي طلعت من غرفة نومها بخطوات متردده ...دورت بعيونها على بدر وتحشمت تنادي عليه
ضنت انه في الحمام وقعمزت تراجي فيه وقلبها يدق بقوه
تذكر لي نضرات البنات في حفلتها كيف حاسدينها
لان بدر كان اسم على مسمى
كان جميل زي البدر وشخصيته واضح انها حلوه
رجعت شعرها للخلف وخدودها حمررر بسبب التوتر
وقعدت طول الليل تراجي .....
____________________________
نورهان:سحبت الكرسي متاعها لي الروشن وقعمزت تكتب في مذكرتها بعد ما بدلت ملابس العرس
كتبت اخر كلكات في يومياتها
{اليوم قريب نسكر14اليوم بدون ما نكلمه او نضعف وانا فخوره بنفسي بجديات }
}سكرت المذكره وسكرت عيونها ....خذت نفس عميق وفتحت عيونها
جت عينها في عين مجد
مجد:ابتسم ابتسامه صفرا ومد يده فوق بمعنى اهلا 
نورهان:عقدت حواجبها وسكرت الستار وهيا متكنطيه وناضت
مجد:شيييت ....واضح ان قلبها زي الجمل ادس
_______________________________
لمياء:قعمزت ع السرير تستعد لي النوم وقربت من راجلها ....شنو ياعمري شن ادير
كريم:شبحلها بي طرف عين ....عمري ؟؟
لمياء؛اي خيرك ؟
كريم:رجع عيونه لي التالفون....لا بس مش من عوايدك
لمياء:قامت حاجبها.....ماهو لان حرام فيك !
فاضيه انا ندلع فيك وغير شن تبي .....ولوت روحها وعطاته بضهر
كريم:ابتسم بهزوه وهوا لاهي في تالفونه كأنه يدير في شي او يكلم في شخص يعنيله الدنيا كلها
_____________________________________
عائشه:سكرت المصحف وحطاته ع الدرج
انور:ابتسملها....تقبل الله ياقلبي
عائشه؛مني ومنك
انور:مسح على شعرها.....عندك علم نحمد في ربي كل الدقيقه ان عطاني وحده زيك !؟
عائشه:مبتسمه.....كيف؟
انور:بنت كيوت...صبرت عليا في هلبا حاجات
...صبرت عليا في هلبا حاجات او وحده غيرك راهو قداش ليا مسيبتني
وفي نفس الوقت عاطيتيني الثقه
عائشه:مسكت خشمه قرصاته بي لطف....خليك قدها الثقه هاذي يابرنس باهي
انور:ضحك وباسها ع راسها.....شنو نحصلو قهوه من يديك ولا لا!
عائشه:ياسلام .....لو محصلتش انت منو يحصل
انور:يشوفلها بكل حب
رِوَايـــــــــات بـــَـنـُـــووتِـــة الشـِــيـــْـخأروى الــــطـــاهــــر المــســلاتــــيرواد:متكي ع السرير...بكرا طالعه انا من الصبح
ريم:لاهيا في ولدها
رواد:نحى عيونه من التالفون وشبحلها ....قلت طالع من الصبح
ريم:وبه؟؟
رواد:معنديش ميه نحضر العزومه ونفخ الزحمه طالع انا ومجد
ريم:لانها زحمة رجاله ولا!؟طبعا معندكش مكان بينهم ...وضحكت بي استفزاز
رواد:شيحلها بنضره تخوف.....جديات ديري بالك على لسانك الايام هاذي تمام!!
ريم:قلبت عيونها بملل
رواد:الكلام كثر عليك هلبا للعلم
ريم:قامت الخصله يلي طاحت على عينها وشافتله بتعجب
رواد:ديري بالك ع تصرفاتك ....مفيش مرا متزوجه تلبس هكي وادير خرصه في خشمها زي الصايعات
متع الاجانب
حاولي تعيشي زي البيئه يلي عايشين فيها
ريم:وقفت وهيا ماسكه ولدها
رواد:فهمتي عليا ؟؟....حسني صورتك شويه قدام العيله خشي فيهم خالطيهم مش طول الوقت مقعمزه بروحك على شنو شايفه نفسك؟؟؟
شوفي نساوين خوتي كيف نضام لبسهم وقلديهم محتشم وطويل وانتي لبسك زي المتشردين كله مشرك
ريم:حطت ولدها في السرير.....نعترفلك بي شي !!
رواد:حط التالفون جنبه وربع يديه.....اعترفي يامتع الاعتراف
ريم:انت وعيلتك بنسبه ليا متجيش حتى حشره صغيرونه هكي كبرها
زاعجتني بي صوتها ....
زاعجتني بي صوتها ....رواد:وقف....ميغركش اسلوبي المنحل معاك وربي لو نقلب عليك الاما تكرهي عيشتك
مش كل الرجاله تسكتلك يامدام هيا افهميها
ريم:ضحكت ع جنب.....اوكي هذوكم الرجاله مش انت
رواد:ضربها كف لين طاحت على سرير ولدها والكعكه يلي ع راسها طاحت وانفتح شعرها
ريم:قعدت فتره يدها على خدها تحاول تخفف السخونه يلي نزلت عليه فجآه وبعدين رجعت قامت راسها وبعدت شعرها .....شفت كيف لما نقولك هذوكم الرجاله؟؟؟
لان مفيش راجل يمد يده ع بنت!!
رواد:اخر مره نقولك امسكي لسانك يكون احسن لو تتعلمي من رواياتك اسلوب الكلام بدل ما تكوني وقحه هكي
ريم:اموري ....ا م و ر ي
رواد:تو نشوفو منو يربي الثاني يا عبيده
وخدي اللاب توب وطلع
ريم:شافت خدها في المرايا كيف احمرررر
ابتسمت ع جنب بدون اهتمام ورجعت لي سريرها وكتبها
___________________________________
الناس مش كلها زي بعض !!
حتى الاخوات كل وحده وطبعها
والشي هاذا شفناه في شخصية ريماس يلي اي شي يأثر فيها والدمعه قريبه من عينها
تخاف من كلام الناس عليها
ريماس كانت مستعده تقتل نفسها قبل ما يحكي عليها حد وع سمعتها
عكس ريم تماماً
مستفزه وقحه مع اي حد مهما كان عمره ومنصبه
مش مدايره اي اهتمام لي شي كأنها عايشه لي ولا حاجه
مش هامها حتى لو وقفت الناس كلها ضدها
تلبس يلي يعجبها هيا مهما كان غريب
تاكل يلي يعجبها هيا مهما كان مقرف لي هلبا ناس
تحكي يلي تبيه هيا مهما كان يجرح يلي قدامها
كانت بنت غامضه غريبه وحركاتها تعجب ناس وتستفز ناس !
والعلاقه العكسيه هاذي شفناها في شخصية فاطمه يلي كانت انانيه تبي كل شي لي روحها بس
تبي الستر لي نفسها والسعاده الابديه
متبيش اضحي عشان حد ولا تبي تتعب عشان حد بس تبي الناس يلي حواليها كلهم يتعبو ويضحو عشانها
عكس عائشه يلي تنازلت ع هلبا حاجات عشان تريح انور لانه مكانش ناقص
تحملت هلبا حاجات وضحت بي لحضات حلوه باش تكون واقفه معاه
كذالك علاقة مروه يلي طلعت ادور في الحب برا
ملقاتاش عند راجلها ومحاولتش اصلا انها ادوره عند راجلها
معطاتاش فرصه
عكس لمياء يلي كانت هاجره راجلها بي ارادتها ومش معترفه بي حاجه اسمها حب !
علاقة ايمن يلي مش مدور مرته ابدا
عنده مفهوم الحياة كله يخدم يجيب فلوس باش يوكل صغاره ويرقد بكري عشان يشبع في النوم
عكس خوه كريم يلي حاول يصلح علاقته بي زوجته لمياء وتبادله الحب لكن فشل لان هيا مساعداتاش !!
وفات الاوان
اسئلتنا في الشخصيات هنايا
هل سلمى تكون صابره زي عائشه؟؟
تصبر على يدر لين يجي في صفها ولا تكون انانيه زي فاطمه ومتتحملش وترجع من نصف الطريق؟
هل رواد يكون نفس اي شخصيه في الروايه ويحب ريم في النهايه؟؟
ولا رح يكون غيرهم ويكسر قواعد النهايات السعيده؟؟
هل فاطمه تكون نهايتها بشعه زي اي وحده شريره في اي روايه
ولا تكون هيا الشر يلي ينتصر نفس اي انتصار نشوفوه في حياتنا الواقعيه ؟؟
رِوَايـــــــــات بـــَـنـُـــووتِـــة الشـِــيـــْـخأروى الــــطـــاهــــر المــســلاتــــيالساعه 10الصبح:-
مش زي كل صباحيه ....صباحية ريماس مكانتش مباركه زي كل عروس ابدا!!
ليلتها كانت طويله امس وتعبها مع وليد يلي مقدرش يلمسها ع طول الا بعد جهد جهيد !!
ناضت من الساعه 8خايفه
خايفه من يلي جاي شنو مخبيتلها الدنيا ؟؟
او الاصح شنو مخبيلها وليد ؟؟؟
فكرت تتصل بي خوها يجي يروح بيها لكن شنو بتقول ؟؟
اذكرت التهديد الصريح من وليد امس
وليد:مزال في الف حاجه تو تعرفيها لكن تغلطي
تشوفي الشهدره كيف تمام؟؟؟؟
ناضت ريماس بعد ما طردت افكارها السلبيه
صلت الصبح واتجهت للمطبخ دارت قهوا تعدل بيها راسها لفت انتباها اشرطه دواء واضح انهم مش من الادويه المتداوله مسكنات او مضاد حيوي خدت اسمهم كتبتهم في القوقل
وهني كانت صدمتهم لما طلعو ادوية عصاب !!
_________________________________
مروه:فتحت عيونها بتعب وحطت يدها على عيونها عشان تمنع خطوط الشمس يلي خشت من الروشن وكانت قويه
شافت بدر يلبس في حوايجه بسرعه ....ناضت قعمزت وهيا مبتسمه....صباح الخير
بدر:صباح النور ....خدتني النومه نختف يركب حد وميلقانيش فوق نوضي حتى انتي لازم تروحي
نحطك؟؟....وتابع لبس حوايجه
مروه:لا تو نكلم حياة تجي تروح بيا
بدر:خدي مفاتيحه وتالفونه بسرعه وباسها ع راسها وهوا مستعجل....ديري بالك ع نفسك واتصلي بيا طمنيني عليك بعد ما تروحي
مروه:هزت راسها بمعنى تمام وهيا مبتسمه بكل حب
بدر:طلع وسكر الباب
مروه:ارتمت على السرير من جديد وهيا تضحك وتذكر في اللحضات الحلوه يلي عاشتها وفي حركات بدر يلي توضح حبه ليها ناسيه صغارها يلي مشافتهمش من امس!!!
______________________________________
سلمى:فتحت عيونها على صوت الباب بعد ما تسكر
قعمزت وهيا تحرك في رقبتها بألم بسبب النوم يلي خداها وهيا تراجي
بدر:متوتر ومش عارف يبرر غيابه عليها طول الليل....صباح الخير
سلمى:تحاول تصحصح....صباح النور
وينك؟؟في شي صاير منعك ترجع ولا كيف ان شاء الله خير
بدر:بلع ريقه.....واحد من صحابي يلي جو هنايا امس جاته رصاصه طايشه وهما يحتفلو بيها
انضرب في عرسي وعيب منكونش جنبه!
قعدنا لا توا من عمليه لي عمليه
سلمى:بوجه لطيف وخايف...الف لابااس شن صارله طمني ؟؟
بدر:لا الحمد الله توا بخير تمام
سلمى:مايشوف شر يارب ....وقفت وهيا تقيم في شعرها
اكيد تاعب مرقدتش صح؟؟انا بنخش نحضرلك شي تاكله مابين غيرت حوايجك
تعال افطر وخش تربح منخليش حد يجك حتى المحضر اليوم مش ضروري تنزل اهم شي راحتك
بدر:تفاجئ بي ردة فعلها الطيبه....وفي نفس الوقت عجباته!...تمام
سلمى:خشت للمطبخ بسرعه توتيله في احلا فطور قبل ما تغسل وجها حتى
{تقريبا اكتر شي يوجع في الدنيا بما حد يضحك على الاشخاص الطيبيين ويلي ماشيين بنيتهم زي سلمى }
___________________________________
طق طق طق
عائشه:تاكل وجايه بتنوض
انور:خليك غزالتي تو نفتح انا
عائشه:ابتسمت على الكلمه يلي عجبتها
انور:فتح الباب ....اهلا
فاطمه:كانت لابسه وواتيه لي الطلوع ومدايره مكياج خفيف....صباح الخيرات
عائشه:حطت الكوب ع الطاوله وناضت لما سمعت صوت فاطمه.....
انور:صباح النور
فاطمه؛نبي منك ترفعني المختبر عندي تحليلات طالبتهم عليا الدكتوره لازم نديرهم بعد الولاده عشان نتأكد ان كل شي تمام
فاطمه:شاف لي عائشه
عائشه:كانت ملامحها معبيه غيره
انور:تمام حاضر ....نكمل فطوري ونطلعو
عائشه؛عطاته بضهر وخدت طرف كلينكس
فاطمه:نضرات الانتصار على وجها
انور:اصلا هكي ولا هكي بنطلع انا وعيوش عندنا مشوار تو نحطوك على طريقنا
عائشه:تلفتت وهيا فرحانه بعتتله بوسه من بعيد
انور:ابتسم على حركتها وفرحتها يلي كانت زي الاطفال
فاطمه:خدت نفس....لا خلاص انسى مدام عندكم مشوار ...عن اذنك
انور:براحتك......وسكر الباب
عائشه:تعلقت في رقبته....غزااااالي السمحححح
انور:هههههه انزلي ياهبله
_____________________________________
الساعه 8المغرب:-
انتصار:نعمممممم؟؟؟كيف!!كيف يعني متهنيتيش ؟؟؟
لعب صغار هوا ولا شنو !
سلمى:بملامح خايفه تخت المكياج والتسريحه....ماما الله يخليك وطي صوتك
حرام عليك امس طول الليل مرقدش مسكين خايف على صاحبه خليه يتريح متعليش صوتك
انتصار:يادرويشه يادرويشه متقعديش هكي الف مره نقولك الطيبه الزايده هاذي بتودرك
سلمى:في النهايه هاذا راجلي مريتش منه حاجه غلط بي العكس هوا زمه خفيف وواضح انه حنون بس لازم نقدر ضرفه حتى انا
انتصار:ربي يستر وخلاص هي انزلي المعازيم يراجو لوطه
كان كلام انتصار صح!.....هلبا معازيم يراجو يشوفو العروسه زي مثلا مروه
يلي كانت بكامل زينتها وفرحها كل ما تدكر ان ليلة دخول بدر كانت معاها هيا مش مع عروسته
اما ريم كانت مقعمزه ماسكه في يدها كاسة العصير وتسمع في الطاوله يلي وراها يحكو
كانت الطاوله يلي وراها فيها 5بنات يضحكو ويهدرزو بصوت عالي عشان ريم تسمع
نهاد:اااااه وخلاص ياسعد الناس
لونها لون الخرا وقصيره وشعرها ملوي اكتر من الاندومي وحصلاته غزال ...قتلاته بي حسرته وخدت خوه يلي اغزل منه
فدوى:بصوت واطي....فكينا الهم تو تنوض تبكي قدام الناس ونصبحو في قصه
{باقي البنات يضحكو بصوت عالي}
نهاد:والله انا شنو قلت نحكي على الدنيا يلي تعطي في العبيدات والمزيتات في فرص رهيبه الزفت
كان جت بيضه وعيونها زرق كيف دارت !!
ريم:وقفت وهيا ماسكه العصير وتلفتت بدت تحكي بي نبره تقتتتل قادره تخلي يلي قدامها يموت من الاستفزاز يلي مالي صوتها .....لوني لون الخرا وشعري ملوي اكتر من الاندومي وحصلت غزال ع قولتك
نتصبح عليه ونتمسي عليه لدرجة زهقت من كثر النومه جنبه
عضت فمها بي اغراء ......النومه يلي انتي تدفعي عشانها كلاويك الزوز عشان تحصلي 5دقايق جنبه بس !
ع قولتك جيت هكي وبيدت واجل والثاني في الطريق
احسن من 5بيض وشكلهم مقبول نوعا ما ومادين وجهم عوانس يحسدو في الماشيه ويلي جايه ومفيش حد مدورهم ....قامت كاسها فوق وضحكت بي عيونها الذابلات
بصحتكم ع قولة الاجانب ....وطلعت من الطاوله خاشه للحوش
كانت العيون كلها عليها
سمره ملامحها جذااابه وتقتل
حاجبها رسمت عينها شعرها الاسود الطويل يلي خلا كل بنت تشتعل من الغيره تعجب لون بشرتها لانها مش لاحقه ربع ثقتها بنفسها او جمال ملامحها
تمام؟؟؟؟
رِوَايـــــــــات بـــَـنـُـــووتِـــة الشـِــيـــْـخأروى الــــطـــاهــــر المــســلاتــــيسمر:شفتي مشيتها كيف تتمايل ؟
نورهان:تشوف لي ريم...البنت هيا تعجب فيا الزح
في لبسها في اسلوبها في جمالها في كل شي
سمر:جمال؟؟؟اي جمال تحكي عليه
مروه:ههههههه خيرك حاسدتيها انتي ؟
لمياء:شربت من العصير وهيا تتفرج ع المعازيم
سمر:تنهدت.....سمعت من وحده في العيله ان في مرا متزوجه من عيلتنا تخون في راجلها!
مروه:تجمد الدم في عروقها ومقدرتش تنطق حرف
بس الغريب في الموضوع ان لما قامت عيونها شافت نفس ملامح الخوف عند لمياء؟؟؟؟؟
__________________________________
انور:مقعمز على الكنبه وعائشه في حضنه وصله مسج ع تالفونه قامه بدون اهتمام عشان يشوفه وهوا متوقع انه يكون مجرد اشعار نت عادي جدا
لكن مجرد ما شاف اسم المرسل فتح عيونه بصدمه
خوه؟؟؟؟
خوه!!!!!!
بعد السنه هاذي يلي تسكرت وهوا هارب من عرسه للمره الاولى يتواصل مع حد من عيلته
مسك التالفون وهوا يبي يحكيله كل شي
يبي يحكيله كيف هرب وسيب فاطمه حامل
يبي يحكيله ان الطلقه ممشتش لانها كانت حامل وتوا عنده بنت من دمه
_______________________________
ريم:لبست عبايتها وخيمارها وطلعت من حوش اهل بدر مشت خطوات بسيطه لي وصلت لي حوش اهل رواد وركبت شفتها ...فتحت الباب وخشت
نحت عبايتها ووشاحها وهيا تسمع في رواد يحكي
اكيد زي كل مره يحكي فيديو مع اشخاص بي الالماني وكل مره مش رح تفهم شي !
قربت لي غرفة نومها بس تراجعت لما سمعت رواد يحكي بي العربي 
يحكي بي العربي مع شخص كأنها سامعه صوته قبل !!!...يتبع
!!!...يتبع