رواية ادوار وهمية الجزء السابع 7 بقلم بنوتة الشيخ
كملت الارشفه وبنبدو في التنزيل اليومي اسفه اصحاب الامتحانات بس بننضطر انزل كل يوم الجماعه ميبوش يستنو 
ريم:اذكرت ليلة دخولي مع ناصر ...ناصر انجبر انه يقعد معاي
واكيد حتى خوه توا مجبور يقعد
لعند امتى بنقعد هكي ؟؟مفيش حد فرحان انه قاعد معاي!
طق طق طق
ريم:ردت بي برود ....ادخل...والتفتت لي الدولاب ادور شنو تلبس بعد ما تغير
رواد:خش للغرفه وسكر الباب لوح تالفونه ع السرير ورمي نفسه ع الكنبه .....شنو مفروض نقول توا؟؟
مبروك مثلا ؟
ريم:ابتسمت بي هزوه وتلفتت.....جف حلقها وتلاشت الابتسامه يلي على وجها لما شافاته ...عيونه
طوله سماره....ابدا متوقعتش شكله يكون هكي ولا فكرت اصلا ؟!
....ابدا متوقعتش شكله يكون هكي ولا فكرت اصلا ؟!رواد:قام حواجبه ونزلهم كأنها تحيه من بعيد مع ابتسامه مش مفهومه شنو غرضها!
ريم:اءء اء ع عادي
عادي قول اي شي مش مهم
رواد:قام حاجبه لانه مفهمش حتى كلمه منها
ريم:بلعت ريقها ....اءء ن نقصد ان عادي مش مهم
رواد:ناض قعمز وهوا متكي ع الكنبه بي تعب ......ع فكره توقعت شكلك سيئ جدا بس طلعتي به فيك الهون
ريم:قامت حاجبها وشبحتله بنضرة تعجب
رواد:طلعتي ....يعني ....مش مش زي ما يحكو عليك
ريم:عطاته بضهر وقامت شعرها ....
رواد:ولع دخانه ....شن نضامك انتي ؟
ريم:تنحي في الرموش ....اندرويد
رواد:ودمك خفيف زياده ....حلو حلو
ريم:كأن واخد راحتك ؟!!!
رواد:شاف يمين يسار......وعلاش مناخدش ؟منو معانا !!
ريم:لفت شعرها وقعدت واقفه تشوف لي روادفي المرايه
ابدا مكانش متحشم ولا مرتبك
رواد:حط باكو الدخان ع الطاوله....شن بنديرو الليله؟
ريم:تلفتت وواضح ع وجها ملامح الصدمه !!!
رواد:شنوتشبحيلي هكي تحركي بدلي وتعالي نتم موضوعي معاك وبنرقد
ريم:قعدت ساكته تشوفله بصدمه لسانها تجمد
رواد:طلق ضحكه بايخه...نبصر معنديش نيه فيك
اليوم نحس في روحي اخي
نايض الصبح ومش راقد كويس
ريم:حطت يدها على عيونها كأن تبي ترتب الافكار يلي تلخبطت عليها
رواد:غيري ونضمي وضعك وجيبيلي حاجه ناكلها جعان لنم
ريم:خدت بجامتها وخشت للحمام بدون ما ترد عليه
رواد:فتح تالفونه ولقي مسج
-مبروك ياعريس...كيف اول يوم زواج؟؟
رواد:ناقصك اناااااا،؟؟؟....وسكر التالفون ولوحه
سند راسه ع الكنبه وهوا يفكر شنو بيصير بعد ما ضاعت احلامه كلها ؟؟؟؟؟
تفركس كل شي كان مخططله الايام الورديه يلي بانيها جي فجآه الزواج هاذا وخربه 
خدي نفس عميق وهوا يحاول يقنع نفسه ان مزال فيه امل
اما ريم اول مره تحس بي شعور زي هكي !!
وين اختفى البرود ؟؟وين مشي اللا مبالاة ؟؟
كلام رواد وبرودته يلي احرف منها سببتلها احساس بي الضيق
بس هاذي اول 5دقايق بينهم كيف يصير بعدين ؟
________________________________
كأنه مشهد من احد الافلام الاجنبيه
ليل وهدوء مفيش شي غير صوت الموجه وحضن دافي محتويها وريحة البحر ونسمته يلي تضرب على الوجه
بس كان حقيقه !
مش خيال ولا فيلم كانت بجد مروه عايشه في الاجواء هاذي في حضن بدر
قدامها البحر وجنبها بدر شابكين يديهم في يدين بعض كأنهم مراهقين وعصافير حب !
ناسيين كل شي وراهم
مروه:ادور في عيونها يمين يسار .....خايفه يشوفني حد
بدر:متخافيش وانا معاك
بعدين الجيها هاذي لي صاحبي مفيش حد يقدر يتكلم
مروه:ابتسمت وبساته على خده ....انا صقعت ونبي نروح ياسر قعدت هلبا برا
بدر:غير عيونه اتجاه البحر ....مستعجله تبي تروحي لي راجلك ؟
مروه:بعدت عليه وهيا تشوفله بنضرات عتاب ....نروح لي راجلي ؟؟؟؟
بدر متستفزنيش انت عارفني مش متقبله حد غيرك
بدر:ومدام مش متقبله حد غيري علاش متطلقيش ؟؟؟
نبي نفهم
مروه:نزلت عيونها للارض .....منقدرش
بدر عندي صغار وانت ولد خالة راجلي حتى لو اطلقت مش رح نكونو لي بعض!
بدر:والحل !
مروه:مسكت يده......منعرفش
منعرف شي بس نبيك معاي توا بس
بدر:مد يده ليها وحضنها
مروه:هي نروحو؟
بدر:هز راسه بمعنى اي بس واضح من ملامحه انه مضايق
___________________________________
فاطمه:واقفه على روشن المطبخ تتفرج على الزفه
كأنه انور اول مره يتزوج
فرحان بيطير بي حب عمره
وللامانه حتى امه وخواته كانو فرحانين ع الاقل بعد التعب هادا خدي يلي يحبها قلبه
كانت فاطمه بتموووت من غيضها وهيا تفكر كيف الناس بيشوفولها بنضرة شفقه بعد ما راجلها خدي عليها ضره !
سكرت الروشن وحطت يديها على ودانها متبيش تسمع الزغاريط
انطلقت بسرعه لي باب الحوش فتحاته وقعدت واقفه لين سمعت طقات الكعب على الدروج ....طلعت ووقفت تراجي فيهم
انور ماسك عائشه من يدها وهوا مبتسم يحكي معاها بشويه
لين اختفت الابتسامه لما شافها قدامه ووقف
عائشه:نزلت الڤيلو يلي كانت ماسكاته بيدها وقامت الكاب يلي مغطي عيونها وتجي عينها في عين فاطمه
فاطمه:مبروك
انور:يشوف لي عائشه يلي قتلاته بنضراتها...ييارك فيك ...هيا عيوش
عائشه:مشت معاه ووقفت لما سمعتها
فاطمه:تتهني بيه ....شكرا لانك خليتيني نحس بطعم السعاده وبي حنيته عليا جنبه طول ال8الشهور هاذم
....شكرا لانك خليتيني نحس بطعم السعاده وبي حنيته عليا جنبه طول ال8الشهور هاذم عائشه:تلفتتلها بصدمه بعدين شافت لي انور
فاطمه:تمسح في دموعها المزيفات يلي كانو على طرف عيونها...ليلتكم سعيده
وشافت لي عائشه......وان شاء الله تكون ليلتك حلوه زي ليلتي يلي عشتها ....وسكرت الباب قبل ما يرد عليها لا انور ولا عائشه
عائشه:شافت لي انور بنضرات غيظومسكت الفيلو وركبت بروحها وهيا متنرفزه
ومسكت الفيلو وركبت بروحها وهيا متنرفزه انور:قعد واقف بروحه قدام الشقه ....ياعيني هاذا من اول يوم هكي بينهم !؟
رِوَايـــــــــات بـــَـنـُـــووتِـــة الشـِــيـــْـخأروى الــــطـــاهــــر المــســلاتــــينورهان:طلعت كل اكياس الزباله(اكرمكم الله)متع العزومه
وهيا راجعه داخل شافت مجد واقف من بعيد
ترددت انها تمشيله لكن لقت رجليها بروحهم واخدينها ليه
عندها 100سؤال تبيله اجابه
نورهان:مساء الخير
مجد:شافلها ورجع عطاها بضهر ....خشي داخل الدنيا ليل
نورهان:سكتت شويه وهيا تشوف للارض ...عندي سؤال نفكر فيه من امس
ريم رجعت لي شقة ناصر مع رواد
يعني انت توا وين بتسكن ؟بتقعد في الشارع 
محد:تلفت....انتي مال اهلك؟؟وشنو عيله كتيبكم بودري انتم البنات عادي جدا يطلعو برا بعد الساعه 12ولا كيف
نورهان:نصدمت من اسلوبه المنحط!!
هيا عمرها ما حكت معاه بس منضره الخارجي ديمه يوحي انه شاب خلوق ومحترم
عكس يلي تشوف فيه قدامها تماااااما
مجد:ندوى معاك !!
نورهان:فاقت من سرحانها ....سيباته بدون ما ترد عليه ورجعت للحوش تجري خاطرها مكسور
مجد:يقلد فيها بتقزز....وين بتسكت بتقعد في السارع...عليك هم البنات في كل شي حاشرين خشمهم
_________________________________
ريم:طلعت من الحمام بي ملابسها المعتاده
شرط قصير مع تب اكبر من مقاسها بحكم كان الجو مصقع .....
رواد:هكي تلبسو انتم يوم الدخول ؟؟
ريم:مقامتش عيونها....اي
واتجهت لي السرير
رواد:هي هي وين راقده والعشي؟؟
ريم:صحتين مش جعانه
رواد:منعزمش فيك النهارات من يبي يديره نقصد
ريم:عندك يدين ؟؟شن وضيفتهم ؟؟
رواد:بري البسي روب الدخول تو نقولك شن وضيفتهم
ريم:بنضرات غضب....وقح!!
ورقدت ع السرير وغطت وجها
رواد:تنهد بعمق....عليك ليله وخلاص.
________________________________
عائشه:نحت الطرحه بعنف ورمتها ع الارض .....متقنعنيييييش انور
حلفتلي انك ملمستهاش ابدا شنو قاعده تنبح هااااا؟؟
انور:ينحي في القرواطه وهوا مضايق....انتي مفروض تكوني فاهمه خبث البنات اكتر مني
كل يلي تبيه تخرب ليلتنا هادي وبس!
عائشه:ولاني نفهم في خبث البنات علاش تبي تخربها الليله ؟؟
انور:مش فاهم قصدك؟؟
عائشه:نحت التاج ولوحاته.....لان الانسه عاااااجبها ومتبيش وحده تشاركها فيك
انور:وانا شنو دخلي ؟؟
عائشه:لو مكنتش انت مبادلها الشعور مش رح تتجرأ وتحس بي شي زي هاذا
انور:خدي نفس عميق بضيق.....عيوشه فكيني من النكد يلي اطلعي فيه بي السيف هوا مش وقته في ليله زي هاذي وراس امك خلاص عاد
عائشه:حاطه يدها في نصفها وقايمه حاجبها...احلفلي انك مقربتش منها
انور:اففففف...عائشه
عائشه:انوووووور
انور:يردد في الحلفه بشويه ...والله يا عيوشه ما قربتها ولا مسيتها ...تمام هكي
عائشه:مسكت طرف الطرحه وضحكت مع حركه بي كتفها ....اي هكي تمام
انور:صفق بي يديه ....ياحليلي اناااااااااا من الدلع
عائشه:ضحكت وعطاته بضهرها تفك في التسريحه
________________________________
مروه:تمسح في مكياجها وهيا مبتسمه تذكر في اللحضات الحلوه يلي عاشتها مع بدر
تذكر في نفسه وحضنه الدافي المكان الوحيد يلي حسسها بي الامان وشعور حلوه مستحيل يتكرر مع حد ثاني حتى لو كان راجلها
قاطع شعورها وذكرياتها الحلوه صوت من وراها
ايمن:علاش مسحتيه المكياج؟
مروه:تلاشتالضحكه يلي كانت علي وجها
ايمن:قرب منها وحضنها من الخلف ....الصغار راقدين
مروه:بنبرة ضيق....ايمن انا تاعبه هلبا اليوم
ودفاته بهدوء
ايمن:شم يده.....شنو الريحه الرجاليه يلي ع جسمك هاذي ؟
مروه:بلعت ريقها بخوف بعد ما اذكرت انها ريحة بدر علقت فيها ....اء اءء م مبكري لمياء شاريتها لي كريم عجبتني لين خلاص بختلي منها شويه البارده هاذي
ايمن:شافلها بنضرة حنيه.....مستاحشك !
مروه:خدت نفس ....اسفه ايمن جديات تاعبه اليوم صغارك بهدلوني ...وعطاته بي الضهر تنحي في خراصاتها
ايمن:تنهد بي قلة حيله ورجع لي سريره
برائة مشاعره وتفكيره مسمحتلاش ابدااااا انه يفكر ولو تفكير ان مرته تخون فيه وكانت في حضن غيره !
__________________________________
ريم:ناضت من السرير تعبت وهيا تتقلب بدون ما ترقد ....طلعت من الدار بعد ما حست بي الجوع وكان الضي هارب
فاتت من جنب دار الضيوف بس رجعت بهدوء وهيا تراقب في رواد !
كان حاط اللاب توب قدامه ويحكى مع حد فيديو
قدمت ريم شويه عشان تشوف بنت شقراء وجنبها ولد صغير عمره حوالي 3سنين وكان رواد منسجم يحكى بي لغه مش مفهومه وكان واضح انها مش لغه انجليزيه كانت قريبه للألماني هكي
زادت ريم اتكت ع الباب عشان تتفرج ورواد يضحك ويحكى لين الباب فضحها ودار صوت 
رواد بسرعة البرق سكر اللاب توب وتلفت ...شنو خيرك ؟
ريم:رجعت قصتها خلف وذنها.....انت يلي خيرك مخلوع ؟
رواد:سكت وهوا يشوفلها ....انتي تفهمي الماني ؟
ريم:اي وفهمت كل شي حكيته
رواد:وقف وملامح وجها تغيرت !....خوف ورهبه
شن فهمتي ؟
ريم:مليكش دخل ورح تشوفني كيف نفضحك
رواد:مسكها من يدها بقوه بدون ما يحس ....شنوووو فهمممممتي
ريم:شافت في عيونه نضرة الجديه والرهبه ...ااااه يدي
نبصر عليك من وين بنفهمه الالماني انا بعد يددك
بعدددددد وجعتني مراد
رواد:رجعت ملامحها لي وضعها الطبيعي وقارن حواجبه ....اسمي رواد
وطلق يدها بقوه
ريم:ادلك في يدها بوجع ....زي بعضه نفس الاسلوب
رواد:عطاها بي الضهر وحط اللاب توب في الشحن
ريم:علاش خفت ؟
في منو كنت تكلم !
رواد:تلفتلها ....ع حسب علمي كنتي ع حالك لما متزوجه ناصر محدش يدخل في الثاني
وتوا مدخله فيا من اول يوم !؟
ريم:قرنت حواجبها.....انت من حكالك ؟
رواد:وقف وفتح سوريته.....مدخلكش
بعدي من عليا والعي في عمرك وفي المكتبه يلي معبيه بيها الدار وانتي قريب تقري حتى كتابات التربيه الوطنيه
خليك في خيالك يكون احسنلك ....
ريم:انت من وين عرفت اني نحب نقرا !!!؟
رواد:نحى سوريته ويفك في ساعته .....مش حاجه صعبه ....اهم شي بعدي ع الوهم يلي تقري فيه خليك في الواقع
ريم:بي ملامح مشوشه.....انت من وين عرففففت
رواد:قام حواجبه وكتافه ونزلهم 
ريم:انتبهت ان واقف قدامه عريان من فوق وينحي في سرواله بيغير حوايجه
تفركست مع بعضها سكرت عيونها وعطاته بضهر بتطلع من الدار
رواد:وين !!
ريم:تحكي وهيا طالعه ....لما الشخص بيغير حوايجه ع الاقل يتكلم مش هكي ...وطلعت من الدار
رواد:بصوت عالي سمعاته....انتي الخاسره فوتي عليك مشاهد متتعوضش!....وضحك وطلع لسانه
ريم:خاشه للمطبخ.....وقححححح
____________________________________
انور:ماسك عائشه من خصرها ويرقص هوا وياها على انغام هااديه في الغرفه
سند راسه على راسها وهوا يحكى بهدوء.....تذكري هبالك ايام خطوبتنا قبل سنتين
تبيني نرقص معاك هكي قدام الناس في القاعه
عائشه:واي من حقي نرقص انا وراجلي وسط الناس ...مسكت جاكيته بطرف صوابعها وتحكى بدلع ....ع فكره مشت بي خاطري رقصة اليوم
قريب متت لما رفضت حتى تخش اطلعني
انور:نتحشم الزح وجهي يولي الوان الوان كيف بنخش وسط الف بنت
عائشه:ياعمررري انا حبيبي يلي مش متع بنات
انور:ابدا والله حتى اسألي ولاد الحته
عائشه:ضحكت وسندت راسها ع كتفه
طق طق طق
عائشه:قامت راسها ...من جاينه في وقت زي هاذا ؟
انور:منعرفش لكن يلي جاي فرخ حرام ....وطلع وهوا متكنطي
طق طق طق طق طق
انور:طالع من الممر وهوا ماسك اعصابه ،.....جاي جااااي ....وفتح الباب
فاطمه:ازعجتكم صح !
اسفه هلبا
انور:اي الحق...تفضلي؟؟
فاطمه:باب الدار تسكر مني والقفل مكسور بنتي في وسط الدار داخل تبكي من بكري نحاول مع الباب مباش يفتح
والقفل مكسور بنتي في وسط الدار داخل تبكي من بكري نحاول مع الباب مباش يفتح انور:فاطمه انا زابط القصص يلي اديري فيها ويكفي الكلام يلي قلتيه لي عائشه وهوا كله كدب في كدب
فاطمه:اسفه انور حقك عليا بالله عليك افتحلي الباب بس منبي منك شي بنتي داخل
انور:سكت وهوا يشوف لي نضرات الترجي في عيونها
طلعت من وراه عائشه بي مكياجها وحنتها وروبها يلي زايدها جمال
وروبها يلي زايدها جمالعائشه:انور؟
شن صاير !!
انور:بصوت متكنطي......تو نجي
ونزل
فاطمه:شافت بنضره مستفزه لي عائشه ونزلت وراه تجري
رِوَايـــــــــات بـــَـنـُـــووتِـــة الشـِــيـــْـخأروى الــــطـــاهــــر المــســلاتــــيرواد:لابس سروال توته وكناتيرا ....مقعمز على كرسي طاولة الاكل وريم تحوس في المطبخ
رواد:يشرب في ردبول ويشبحلها ...شنو اطيبي
ريم:اندومي
رواد:هاذا ما تعرفي ؟
ريم:حطت الكاشيك وشبحتله.....شوف يا مراد
رواد اسمي رواااد
ريم:اياً يكن !....لازم تفهم نضامي كويس وانا نفهم نضامك من اول يوم تمام!!
رواد:يمسح على لحيته ....اممم به عرض حلو لعند توا
ريم:من زواجي الاول هاذي ماكلتي ...دجاج مجمد
اندومي بطاطه مجمده واتيه كنتاكي واتي
رواد:احم همبرجر واتي
ريم:قامت حاجبها بمعنى كيف عرفت
رواد:مش هوا من ضمن القائمه ؟؟
ريم:هزت راسها يمين يسار تطرد في الافكار العبيطه يلي في راسها ....اي
قهوتي وكتب الروايات يلي عندي اهم من كل شي
متنفخليش راسي وتيلي حوايجي وتيلي غداي من لما كنت بنت انا مش متع القصص هيا
رواد:برم فمه ...حلو نضام اجانب يعني
ريم:حاجه زي هكي ....وعطاته بضهر تقلب في الطنجره
رواد:ولدك؟
ريم:حناه ميته فيه اكتر مني
رواد:يقولو قلب الام ميتحملش فراق صغاره عندك عادي ؟
لهدرجة انتي ام تافها ؟؟
ريم:تلفتت....اعتقد شي هاذا يخصني
رواد:ويخصني حتى انا مدامه ولد خوي !
ريم:خدت نفس ورجعت تقلب في الطنجره
رواد:على العموم مدامك حكيتي روتين حياتك البايخ هاذا اسمعي روتين حياتي حتى انا
ريم:صبت الاندومي في طبق وقعمزت مقابله ع الطاوله ....يلي هوا !
رواد:خدمتي تالفوني اللاب توب اي شي يتعلق بيا مليكش الحق ابدا تمسيه ولا تجي جيهته !
ريم:تلف بي الشوكه....وليش!
رواد:يمرر في اصابعه على عضلاات بطنه....والله اموري روتين حياتي ع قولتك
مليكش دخل في شي امتى انوض امتى ناكل امتى نطلع وصاحبي مجد رح يكون مقيم في المربوعه عندي
ريم:تاكل.....معنديش مشكله انت وصاحبك العبيط مهم خليني في غرفتي ع راحتي وبس
رواد:خدي منها الكشيك بعد ما قريب يوصل في فمها وكلاه....مسامحك على الشتايم مدامني حتى انا بنشتمك
ريم:خدت منه الشوكه بعنف....بارد
رواد:وقف يولع في دخانه....
ريم:سارحه في الاكل وتحكي ....نفكر بي تصرفاتك الغريبه هاذي يكون عندك سر مخبيه !
زوجه واطفال في المانيا مثلا
او كارثه مدايرها محدش يعلم بيها خلاتك ترجع لي ليبيا بي السيف
رواد:وقف بدون حراك فتره وبعدين تلفتلها....ع فكره الوهم يلي تقري فيه مأثر عليك وهلبااا ره
ريم:يقولو ان البنت يلي تقرا في الروايات ميفوت عليها شي
رواد:ماسك الطاصه.....يلي يفوت عليها كله تبدا تتخايل فيه من العفن يلي تقراه .....وطلع وسيبها
ريم:ابتسمت ع جنب .....ممكن !
__________________________________
انور:يمسح في العرق يلي في جبهته.....مسك مقبض الباب ولقاه مكسر وواضح في حد تعمد يكسره
فاطمه:قدرت تفتحه؟؟....شكرا هلبا انوور
انور؛لوح المقبض ع طول يده....الحركات الرخيصه هاذي يافاطمه ما تفوتش عليا سامعه !!!
فاطمه:اي حركات
انور:تنرفز.....شي ....وجاي بيطلع
فاطمه:مسكاته من يده ....انور خليك
انور:انفجر وطلع من طوره......بعقللللللك النم انتي ؟؟؟؟؟
بطلي الحركات التافها الزفت اكبري والهي في بنتك معش تحاولي تخربي الليله هيااا
افهمي خلاااااص يلي نحبها خديتها متقدري اديري شي
فاطمه:سحبت يدها وعيونها دموع بس ملامحها قعدت عاديه ....اسفه
ورجعت للغرفه مسكت بنتها
انور:خدي نفس عميق ورجع لي شقته
كان متلهف لي عائشه ...يختصر في الدرجات بي خطوات كبيره لين وصل
...يختصر في الدرجات بي خطوات كبيره لين وصل خش لي الشقه وهوا ينادي عليها لين وصل غرفة النوم
بس خاب امله لما لقاها راقده واخدها النوم ....وقف شويه يتأمل فيها ويشوفلها بعدين غطاها وقعمز
خس بتأنيب الضمير اتجاه فاطمه
مكانش لازم يهزبها بي الطريقه هاذي مهما كانت وقحه بس البنات حسساسات وغلط يجرحها هكي
دلك راسه بوجع واتجه لي السرير رقد وهوا حاضن عائشه
ثاني يوم
الساعه 12الضهر :-
لمياء:ههههههه عطيك السلامه يا مروه متت
مروه:تصب في القهوا حاله وربي تو تبيلك شهر مصدقه روحها عروسه متنزلش
لمياء :تقص في الخبزه....شنو بديري هي خليها
انا مفهمتش اليوم شنو جيبها ام بدر الشله هياااا
مروه:ومالك ومالها انتي بي شنو مضيقه عليك
لمياء:صراحه هوا مضيق عليا مدرهلي كبدي حسيته الشهور الاخيره يدور في سبله عشان يجي يتغدى ويتعشى هنايا
معندناش حتى صبايا كنهادا تقولي يتحكك عليهم
مروه:ضحكت
لمياء:ولا زعمى يجي عشان نورهان !؟
مروه:انفعلت.....لا طبعا
هبلتي انتي ؟؟؟نقصد يعني كلنا نعرفو نورهان رزينه ومش متع الدوا هيا
نورهان :سمعت اسمي
مروه:صباح الخيرات
لمياء:شهقت.....نهاااااري خيره عيونك هكي شكلك امس باكيه لين مرارتك فايضه !؟
مروه:تحشمي لمياء
نورهان:اي امس دخول رواد اذكرت لي ناصر
مروه:الله يرحمه ....هيا لمياء طلعي معاي الحلاوات
لمياء:به اسبقيني
نورهان :تنهدت بوجع
_____________________________________
رواد:يبخ في عطره ويرتب في نفسه
بصوت عااالي....شن صار بتمشي للمول ولا مصارلكش ؟
ريم:من الصاله.....اي الصبر
رواد:هيا وانتي مكسرتيلي راسي من الصبح عندي ما ندير
ريم:خشت للغرفه....اوكي واتيه
رواد:يتفحص فيها من فوق لعند لوطه
كانت لابسه جينز ازرق وجاكيت جينز مرسوم عليك شفايف حمرررر وسبيدرو احمر واكسسوار ع الذهبي
رواد:هكي طالعه
ريم:اي ليش ؟
رواد:قام صبعه....بتمشي توا بتلبسي عبايه وخيمار
ريم:ضحكت .....والله ؟؟
علاش ماشيه لي حفله ولا بنوقف ع الطريق بنوهب
رواد:عجبك باهي معجبكش اقعدي مفيش طلوع اما انا تطلعي معاي هكي لاااااااااا
ريم:لازم نطلللللع لازم عندي هلبا حاجات بنشريهم
رواد:يلي عندي قلته
ريم:خبطت برجلها......تي لاااااا عاد
رواد:كللللمه ....معاك3دقايق وبنطلع
ريم:لوحت شنطتها وخشت تغير
رواد:شاف لي نفسه في المرايا ....صقر الله يبارك تحكم 
____________________________________
ريماس:مقعمزه مع راجل غريب وقلبها يدق الف مره في الثانيه
هوا نفسه يلي خطبها 5مرات وكل مره ترفض فيه بس مفقدش الامل وجاها للمره السادسه ومن حضه وافقت تقابله !
وهاذي النضره الشرعيه اخيرا !!
جف حلقها وتجمد لسانها وهوا يتفحص فيها وواضح انه ذااايب
مكبد عليها ليه فتره وهيا مش حاسه بيه
اخيرا قدرت ريماس تحكي
ريماس:ط ط طلبت نشوفك بروحنا عشان في شي لازم نحكيه
وليد:ادللي
ريماس:في شي لازم تعرف وهوا يلي يقنعك بسبب رفضي ليك ولي اي حد يتقدملي واكيد رح تتفهم الوضع وتبعد
بس ياريت تطلع راجل ومتحكيش احد
تغيرت ملامح وليد لي خوف .....في شخص في حياتك !!
ريماس:نزلو دموعها وهزت راسها بمعنى لا
وليد:امالا شنو السبب؟؟
ريماس:مسحت دموعها واستجمعت قوتها وبدت تحكي ....
__________________________________
انور:نزل الصبح بكري عشان يركب الفطور لي عائشه
وهوا نازل سمع فاطمه تحكي ....امس نسيت هاتفك هنايا
انور:صباح الخير
فاطمه :صباح النور تعال خوده انا مش فاضيه
انور:خش لي الشقه ....وين حاطتيه
فاطمه:ماسكه ترضع في بنتها ....ع المكتبه
انور:خش بياخده
فاطمه:حطت بنتها ع الصالون ....تهنت ؟
انور:يشوف لي شحن فونه....هوا انتي خليتي فيها هني امس ؟؟؟
وجي بيطلع....مسكاته
فاطمه:حس بيا !!
انور:قلب عيونه بملل....متتعبيش!!!؟
فاطمه:عاملنا زي بعض
انور:منقدرش
منقدرش بسبب العار يلي درتيه والفرحه يلي حرمتيني منها والعداب يلي خليتيني نتعدبه منقدرششششش
فاطمه:نحلف منخليكش تتهنى معاها انور !!
حسسني اني مرتك
انور:مريضه انتي بعدي
فاطمه:مسكت فيه وانور دفها
جي بيطلع بس استغرب فاطمه محكتش ولا لحقاته
تلفت عشان يشوف راسها جاي ع حاشية الدرجه وغارقه في دمها
____________________________________
خشت مروه ماسكه سفرة القهوا وتشوف من الروشن لي بدر يلي يبعتلها في بوسها من بعيد
جت في ودنها كلمه !
عواطف:قتلك نبيك تمشي معاي ياسعاد فضوا
سعاد:وين على خير ؟؟
عواطف:بنمشي نشوف بنت علي لي ولدي بدر
مروه:شافتلهم بصدمه وفقت شعورها لما طاحت سفرة القهوا تااااامه من بين يديها ....يتبع
