رواية مطلوب عانس كاملة
اسمي ورقاء عمري 30سنة مامتزوجه ضخمه الجسم مخلصه كلية قسم انكليزي ماكو قسمه زينه اجتني عندي 5اخوان 3مزوجين وثنين واحد منهم بالجامعه والثاني يدرس سادس اني اقري انكليزي وباقي المواد احنه عائله كلنه واصلين بالدراسه امي دكتورة بس هسه مداوم تعبت. بابا عايش والحمدلله موضف بدائرة حكوميه عايشين حالتنه الماديه مستورة الحمدلله نسوان اخوتي عايشين ويانه بس يوميه يسمعني حجي لان مازوجت بعدني ولو يغورني يكولن اشكد حلو الوحده تزوج وتطلع ويه زوجها انتي متحسين بهاذا الشي لان مو مزوجه اني انقهر من كلامهن ليش هيج يغثني اني لو اشكي لبابا جان طيح حضهن بس اخاف من المشاكل وهنه كدامهم يصيرن خوش نسوان ووراه اهلي ينكلبن حيايه
من يحجن هيج اروح الغرفتي اشبع بجي لو يعيرني بجسمي يكولن روحي دخلي قاعات رياضيه ونحفي نفسج شنو انتي جنج بقرة والله اشبع بجي من كلامهن بس شسؤي قسمه وحظ ماعندي الي كل ابنيه تتمنه خاي شغلتين حتة تحقق احلامها بس ماكول بس الله الوكيل ع امري عليهن
اخوتي نوبات يسمعوهن من اكللهم شفتو نسوانكم شيكولن ايكللولي ديلا ديشاقن وليش انتي حساسه هيج عوفيهن لو يعيطون بيه من وراهن وهنه يستقون عليه واني فقيرة كولش مارادد اخاف من المشاكل
فديوم اني كاعدة بالطرمة بالمرجوحه واجه اخويه شبعني كتل ماعرف شنو شبي متخبل عليه يمعود دكول ميجاوب كطعني من الكتل ودخلني للبيت صار جسمي نيل من الكتل
يتبع<<<<<
بنات فدوة بدون تعليقات مجرد ضغطي لايك وكتبي تم حته اعرف داتابعني خلي الوراج يقرن فدوة لان من ورة تعليقاتجن اني داتعب واعيد القصه اكثر من 3مرات وه
بارت2
بعد ماكتلني ووغلط عليه واخواني بالكوة هدو وكلوله سؤلفلنه مادري شكاللهم انوب هدو عليه وكتلوني شبعوني كتل حته دم طلع مني واني مادري شنو السالفه بس مجرد كاعد انكتل. اجه بابا وماما من السوك شافو اخوتي يكتلون بيه وخروهم عني وكلولهم ليش تكتلوها مامسموحلكم تمدون ايدكم عليها اني ابوها واذا هي مسويه ذنب اني اعاقبها مو انتو اكسرها الايدكم اذا تضبوها جاوبه اخويه كله يابه تعرف بنتك شمسؤيه
بابا/شمسؤيه بله احجيلي
اخويه/تكعد بالطرمة وتاشر للولد الي بالسطح
بابا/شنو وانت منين شفتها هيج سوت
اخويه /اني شفتها كاعده بالطرمة وولد ياشر ع بيتنه قابل المن اياشر المرتي غير الها
بابا/وشفتها هي اشرتله
اخويه/لا ماشفتها بس مبينه
بابا/انجب طايح الحظ تمد ايدك ع اختك بدن دليل او سبب مقنع شنو من بشر انت الله ياخذك لازم تكونون واثقين من اختكم وتربيتي الهة اختكم لو رادت تسوي شي جان سوته من ايام الجامعه مو هسه من كبرت وعرفت الحياة زين وصارت تعرف الصح من الخطا هيج تصرف وياهة
هاذا كله واني واكعه دك بجي ليش هيج خواني دائما يشكون بيه وياذوني شمسؤيتلهم هاي هيج الاخ ينسه اخته من ورة خواته اني متاكدة مرة اخويه تمارة وراه كتلتي هذي
تمارة/خل اعرفكم بنفسي لان اني اليه بطوله بالقصه اكثر من البطله
اني تمارة زوجة الاخ الاكبر الورقاء ماطيق ورقاء ابد ماحبهة ودوم اسؤيلهة مشاكل اني اصغر من ورقاء زوجيعمرة 35سنه واني 25اصغر منة بعشر سنوات
هلبنيه من دخلت البيتهم شفتها ضخمه معجبتني انوب عنست احسهة كاعده ع كلبي يومية اسمعها كلام اني ونسوان حمويني نتفق عليها ونخليهة تبجي يله نعوفهة هيج مكمله دراسه واني لا احسها احسن مني بهواي شغلات اليوم طلعت للبلكونة واشرلي جيرانه عندي علاقه بي لان نفس عمري شاب حليوة لان ماحس بزوجي يفهمني ومشايفه منه شي من الدوام للبيت ينام ويطلع للدوام فاني اريد احس روحي مرة من صدوك وعايشه اتعرفت ع الولد عن طريق بت جيرانه جانت تجي تطلب شغلات بتيته بصل قنينة غاز هيج شغلات فاجتني مرة كالت هذا معجب بيج وايكول احبها دخلته بعقلي هي سبورت تطلع واطب وحته تحجي ويه ولد منطقتنة هو دزهة عليه اني تترددت بالبدايه بس بعدين صارت علاقه وياه واكثر من مرة ماكو احد بالبيت بس اني وجهالي انومهم واصيحه يجيني للبيت ياخذ القاسمة الله مني ويروح ارتاحيتله كلش ومرة اشترلي دزلي بوسه بالهوة من سطحهن واني بالبلكونة بعدني مماشرة اجه زوجي كال منو هذا الدياشر
اني/شنو منو دياشر ماكو احد
زوجي/لا هذاك هسه شفته ياشر المن جان ياشر
اني اذكرت ورقاء بالمرجوحة كتله ها اي حبيبي اني صار منتبهة فترة هو ياشر الوراقاء بس اني خفت كلت استر عليهة حتة الله يستر ع بناتي
زوجي/شنو يأشر الورقاء مو اليوم اطيح حظ حظهة
ولج ورقاااااااااء
وراح كطع ورقاء من الكتل واني فرحانه لان انكتلت والله يوم يخبل بس خفت ليروحون ع حبيبي وننفضح بس همه سووها سكته خافو من الفضيحه وسدوهة السالفه وورقاء انمنعن من المرجوحة يعني اني لازم اخذ حذري هاي المرة ذبيتها براس ورقاء المرة الجاية اشلون
بارت3
ورقاء/انحلت المشكله واني واخواني تخلخلت علاقتنه وصرت ماعليه بيهم حته سلام ماسلم عليهم. ومنكاعدين بالبيت اني ماطلع غرفتي راحت الايام واجت ايام بابا اتمرض تعب كولش صرنه نفتر بي يم الدكاترة والمستشفيات صار عنده تصلب بالشرايين ضلينه خمس شهور نركض بالمستشفيات الئ ان اجة يوم وكل الاخوتي ديرو بالكم ع ورقاء هذي اختكم لتعوفوها ابد كلهم كالوله بعيونه لتهتم بس شد حيلك وارجعلنه كاللهم اني هذا يومي بس ردت اطمئن ع ورقاء والحمدلله اطمئنيت اني جنت واكفه وياهم وماما هم جان يكلي تعاي بابا حضنيني حضنته ولزم راسي وباسه جان توكع ايده من راسي باباااااااااااااااا لتعوفني بابا انذل وراك والله بابا لتعوفني ارجعلي بابا محد يحميني وراك ياسندي ياضهري بابا لتموت وكمنه نعيط بالمستشفئ اني وماما كلبناها خلينه الدكاترة تبجي علينه اوووف بابا جرحك ميطيب والله اليعلم اشلون راح اعيش وراك اخوتي حيذلوني همه ونسوانهم صارت الفاتحه وخلصت وحنة عياطنه سابع جار يسمعه ذبحت روحي ع بابا لوماخذني وياك بابا حبيبي وين عفتني منو الي بعدك يانور عيوني
فراك الابو يوجع كلش ياناس
خلصت ايام الفاتحه والاربعين رحنه للنجف ومن رجعنه اجتمعو اخواني خمستهم وامي واني وفتحو ويانه موضوع انصدمت اني وامي من عنده ماكوهيج ناس ماعدهم احساس حته بابوهم الميت
اخويه الكبير صلاح/يمة الحي ابقه من الميت وانتي تعرفين احنه خمسه مو صغار كبار اصغرنه عمرة 19سنة وعدنه نسوان واطفال فقررنه اني واحمد وصالح نقسم الورث وكلمن يعيش ببيت وحده وانتي تعيشين باي بيت يعجبج كلهن بيوتج
ماما/شنوياا ولك صلاح شدتحجي انتي معقولة هيجتحجون ترة مصار بس اربعين يوم ع وفاة ابوك حته شهرين مصار شنو هلحجي متستحي
صلاح/يمة لو هسه او بعدين شنو الفرق اول وتال ي راح نتقاسم الورث عله شنو بعد ننتضر انطينه ورثنه خل نرتاح نفتحلنه بيوت
ماما/وليش شنو جنت تتمنه ابوك يموت حته تورثه وتفتح بيت ماجان من شغلتك فتحت بيت واستقريت بحياة ابوكم
صلاح/كافي يوم احنه اتفقنه وخلص الحجي اخوتي كلهم موافقين واني كتلج لان ردت اعرف ويامن تكعدين من اخوتي انتي ورقاء اذا يمي موافق بس ترة شغلة الورث محسومة لتعبين نفسج بيهة
ماما/بســ.........
ورقاء/بهاي الاثناء قاطعتها الماما وكتلة شتردون يجرالكم بس لتعصب ماما ترة حيلهة راح من فقدنة بابا والورث اني اكعد يمكم من نقسمه وابنيلي بيت بحصتي وحصت ماما وناجرة وناكل من عنده حته منصير ثكال
صلاح/ماشي تفكير سليم
ماما/ضلت تبجي وتنوح كتلهة يمة فكري بيهةاحسن متصير مشاكل خل نننطيهم ياه بارادتنه ونضل اني وياج ايد بايد منتفارق ايد تصيرين سندي واصير سندج
ماما سكتت وكالت هاهيه بنتي لعد
بارت4
رحنه اني واخوتي وبعنه املاك بابا والفلوس قسمناهن طلعنه قسام شرعي وع حسب الاصول وبنينه بيوت بلاعضميه كلمن اشترة بيت وسيارة وخلاله حساب بالبنك بابا جان عنده املاك هواي وافلوس لان خلص حياته بالدائرةبشتغل فوك الخمسين سنة وراتب ماما شي عشي نجمعن وهسه قسمناهن ونزلت اني وماما ويه اخويه صلاح بس مرته تخوف مو ع بعضها
ماما اجه يوم ردناها توكف ع رجليهة مكدرت وديناهة للمشفئ كال عدها شلل من حالة نفسيه يكون مؤقت ماما من شافت معاملة مرة اخويه من يطلع اخوية شتسؤي بيه وبامي تعبت ماما نفسيتها كامت تخلي رجل ع رجل وتخليني اشتغل لله شاهد صارت اذا تعطش تكلي تعاي ولج جيبلي مي صرت خدامة بدون اجر يمهم عايشه وماما نشلت من وراهةلان دائما اكللها عوفيهة لتحجين الاحد هي والله تتجازة صارت جهالهة معليهة بيهم كوله اني اغسللهم والبسهم وانومهم واكعد وياهم للمدرسه اريكهم وامشيهم
صرت اعتني بامي هم من انشلت كوله عليه مداراتهة وهي اصلا متقبل واحد يداريهة غيري
صارت مرة اخويه تشد ويايه كولش مرة صاحتني كالتلي ورقاء تعاي جيبيلي مسواك من السوك هاذا الحجي ب10الصبح بالصيف كتلهةبس حارة جان تشمر ع راسي المكناسه وشالت النعال وضربتني بي وكتلتني وهلست شعري اتكلي لتراددين شكلج تسؤين
كتلهةماشي طلعت داروح للسوك واشوف بقاله مفتوحه جديد وسعرهة سعر السوك كلت خل اشتري منة حته ارجع للبيت اكمل شغل واشوفامي خاف اتاخر عليهة اشتريت ورجعت بسرعه دخلت لكيت باب الكنيدور مقفولة دخلت من باب المطبخ واسمع صوت بغرفة زوجة اخويه ضحك خفيف واصوات عيب تنحجي كلت خاف رجع اخويه من الدوام ولو مو وقت رجعته رحت للمطبخ ماتدري بيه رجعت وطلعت من الغرفه وصارت وجهي بوجهم هي وولد ماعرفه
منو هذا ولج
اااانتي شرجعت مو دزيتج للسوك
ها من هاي دزيتيني للسوك مو حته تجيبين صاحبج للبيت ليش هيج ياخايه الملح والزاد ليش تخونين اخويه شمسؤيلج هو حتة هيج تجازي وضليت اعيط كتلهة اليوم افضحج جان تكول شتسؤين سوي يجي اخوج واكله طببت صاحبهة وياهة من السوك
اني انصدمت كتلهة فوك شينهة كوات عينهة كليلهاذا انتي صدك مرة واخلي يجيب الولد ويحلفه
ااولد كبل كال اي اكول اني حبيبج فاحسلج اسكتي
ضحك ضحكه خبيثه وراح
مرت اخويه هم ضحكت كالت ها شفتي ديري بالج طخين راسج براسي يلا ولي سوي الغده راح يجي اخوجبارت5
صار ثاني يوم سويت روحي مصار شي خفت هاي وكحه وكلشي تكدر اتسوي بس ضلت غصه بكلبي انوب صارت تستغل مرض ماما لان مشلوله ومتكدر تطلع وتشوفهة شتسوي واني ادزني للسوك شوف وين ادزني الضهاري حته تاخذ راحتها وحدهة مرة دزتني للسوك والجو حار تموز جان اتخربط بالشارع بعدين فتحت عيني لكيت نفسي ببيت بس مو بيتنه كبل فزيت ومرة واكفه يمي كتلهة اني وين كالت انتي بالحفظ والصون حبيبتي لتحافين ابني لكاج واكعه بالشارع حاول يصحيج مكدر جابج للبيت وجبنالج دكتور العائله وشكلج مغذي. وجانت حرارتج مرتفعه خفضها اشلونج هسه انتي شخبارج كتلها الحمدلله صارلي شكد هنا دخل ولد ماشالله ع هيج جمال مشايفه مثله المرة كالت هذا ابني الجابج استحيت ودنكت راسي اذكرت من كالت شالج جابج للبيت اشلون شالني واني ضخمه اضخم منة اشكد عيب هسه يكول هاي منين الله جابها جنهة بقرة
الولد/اشبيج شو خجلانه
اني/لا ماكو شي بس صارلي شكد هنا
الولد/صارلج سبع ساعات نايمه شنو منايمه ابيتك وضحك ابتسامته حلوة
اني/شنوو
سبع ساعات عززززة هسه ماما خطيه اشلون ضلت وحدها مرة اخويه هسه الله اليعلم شذبت عليه تهيمة
فدوة خل اروح وصرت ابجي
ام الولد/حبيبتي اشبيج شو مسويه بيج خوفه مرة اخوج شنو ابكيفهةاذب عليج تهم شنو وين احنه عايشين
اني/عيوني خاله خل اروح واريدج تجيين ويايه حته تكوليلهم اني جنت يمكم اخويه ومرته ميصدكون بيه
ام الولد/خاله تدللين بس شنو ماعدهم ثقه بيج
اني/دوصليني وبريني كدامهم ومن اشوفج مرة ثانيه اسولفلج كولشي
الولد/ماشي خل ابدل واوصلج اني والوالده
وصلوني دخلت ع البيت لكيت امي تبجي شافتني جان تفتح ايدها وصاحتني رحت حضنتهة وبجينه وضلت تبجي وتكلي وين جنتي ضل بالي عليج يانور عيوني اجه اخويه راد يضربني الولد لزمة كاله اوكف باي حق تضربها اني ضليت حاضنه ماما ووكاعده اخاف منهم بس اسمع حجيهم
اخويه/كله وانت ياهو مالتك انت منو اصلا حته توكف بيني وبين اختي
الولد/انت تريد تضربها ع شي مجرد انت فكرت بي ماله مجال من الصحه موو
اخويه/ي وين جانت طول اليوم وهسه متفطنه انوب راجعه وياك ياحسافه تربية ابوج بيج ورقاء انوب جايبته للبيت
اني/اسمع وابجي ضميت راسي بحضن امي وابجي
الولد /اختك لكيتها واكعه بالكاع طالعه بالشمس. الضهر ومتخربطه وواكعه واني نقلتها وسويتلهة اسعافات وماما ضلت تراقبب ع حالتهة الئ ان استقرت وكعدت
اخويه/اتردد وتستحه من سمع كلام الولد
اسف خويه امسحهة بوجهي ماجنت اعرف
الولد/لا خويه الميعرفك يجهلك بس انت تعرف اختك وتربيتكم والبنيه اول ماصحت رادت ترجع المفروض اكو ثقه بيناتكم مو هيج تسوون بيهة خوفة
اخويه/ان شالله يلا تعال اتفضل خل نضيفك
الولد وامه مارضو يبقون كالو اتاخرنة نريد نروح بس قبل ليروحون اجتي المرة وحضنتني وكالت ذكرتيني ببنتي الله يرحمهة وبجت وباستني ونطتني رقم بيتهم كالت شتحتاجين اني موجودة ميردج بس السانج
نرجع للولد اكيد صار عدكم فضول تعرفون منو هذا
وليد/الاسم واضح العمر 33سنه خريج تكنلوجيا متعين والحمدلله حالتنه جدا ممتازة شكلي حلو مانطي مواصفات لان هي مراصفات اي شاب باي قصه
حلو ومرتب وكذا
مرة طلعت اجيب ابن اخويه من بيت اخويه الاخ لان راد يبات ابيت عمه ويه ولدهم يلعبون احنه نحبه كلش هذا الطفل منمدر انفاركه فرحن بالطريق شفت بنيه ضخمه ممدة كلت هاي شبيهة نايمة بنص الشارع نزلت من السيارة رحتلهة لكيتهة مغمه عليهة كبل شلتهة جانت ثكيله شويه بس اني عندي قوة وعضلات شلتهة ركبتهة بالسيارة واخذتة للبيت ماما تعرف تصرف خابرنه للدكتور اجه البيتنه وسوة الاجراءات اللازمة من صحتشفت جمال داخل ابنيه حلوة صح ضخمه بس مو معناهة ماعدهة جمال حلووة تكتل بيضه مربربة ضلت تبجي وخايفه رحت وصلتهة شفت اخوهة وزوجته ناس ميستحون اضاهر ماذينهة من رجعنه تفكيري ضل يمهة ماكدرت انساهة
بارت 6
ورقاء
من رجعت للبيت رجعت ع شغل وتنضيف نمت بحضن ماما وضلينه نبجي
ثاني يوم ماما رادت تطلع للحديقه طلعتها شلتهة لان مقبل اخوية يجبلهة كرسي متحرك اخويه صار يقحط علينه وياخذ اجار البيت مالتي ومالت ماما اله وكولش مو زين فدنوب اصرت حياتنه ويودي ماما للمستشفه اتجيك بعدين كال اني بعد ماكدر اصرف عليجن كافي تعبتني روحن الواحد من اخوتي احنه خمسه شنو ضالات بس عليه حملجن ثكيلج ماتحملجن بعد طلعن اكيد زوجته وازته اباوع عليهة مكيفه اتريد تاخذ راحتهة ويه صديقهة احنه اخذنة ملابسنه نلم بيهن ونبجي اني وماما ورحنه يم اخويه رقم 2بالعائله. هذا هم زوجته متفقه ويه مرة صلاح وهم شوفتني ضيم ومرة دامسح بمي الطرمة وطفر عليهة شويه كسرت الماسحه عليه وماما شافتهة وكالت الاخويه اخويه وكف وياهة كللهة هي ورقاء العايله وطردنه من البيت اني وماما بس اشترالنه كرسسي متحرك الماما بس وراها صار مو زين كولهم اخوتي مارادونه رحنه للمؤجر كال اني ناطيكم بالعقد مال سنة ماطلع اله تخلص السنه وهسه عدت شهرين بس عشنه عيشه مو زينه كلهم واحد يشمرنه ع الثاني اني وماما وابدال ميدارون ماما حته ترجع الوضعهة تمشي كامو يزيدوهة عليهة ومرة اخر اخ رحت اله طردني اني وماما من ورة مرته وشمرني بالشارع وملابسي وملابس ماما شمرهن فوكانه وكال روحن ماريدج اشكد غثيثات لعد 3بيوت ماتحملتجن اخواني اثنينهم ازوجو ونسوانهم كالولهم منريد امك ومرتك ويانه وقبلو مع الاسف مارادوني
اخذت امي داتمشه بالشارع وابجي ع الضيم الشفته اني وماما وجان اذكر الرقم مال المرة اترددت بس شفت ماما تعبت بالحر اخذت الرقم واتصلت ع المريه جاوبتني خدامتهم ونطتني المرة كتلهة خاله واكفه ع الله وعليج ساعديني امي راح تروح مني دزتلي الولد الحليوة شفته فرحان بينه ابد مضايج من عدنة مو مثل اخوتي نكرنه واخذنه ورحنه البيتهم وجاب دكتور الماما وجيكها وكال يرادلهة راحه اني خليت راسي وكمت ابجي ام الولد كالت خاله عوفي. امج ترتاح وتعاي خل ندردش اشويه طلعت كتلهة عيوني خاله كولي كالت تعاي سولفيلي شصاير وياجن سولفتلهة المأساة الشفناها وضلينه نبجي إلا أن غفيت ع رجلهة ام وليد مرة ونعم منهة ان شاء الله الله يدخلهة الجنه هي وولدهة ووليد ولد حباب ومرح كول شويه يشاقه ويايه ونضحك ودارة ماما خلاهة بعيونة وكل ماريد اشتغل اترزلني ام وليد اتكلي عدنه خدم يشتغلون اذا اشوفج لازمة شي بيدج اكلبهة عليج
وليد/والله فرحت من شفت ورقاء بيتنه صارت صرت اكعد من الصبح حته اشوفها اول وحده قبل لا اروح للدوام
وليد/اكلج ورقاء انتي شمخلصه دراسه
ورقاء/كليه قسم انكليزي
وليد/حلو يعني تعرفين ادرسين يس ابن اخوية
ورقاء/ي اكدر خل يجي باي وقت واني ادرسه
وليد/ماشي زين ليش ماتعينتي لحد الان
ورقاء/ والله قدمت اول سنه مااطلعلي تعيين وصارت ضروفي بعد ماقدمت واتوفه بابا والحياة قست عليه بعدين وعفتهة صرت بس ويه ماما
انقهرت طفرت دمعتي بجيت
وليد/لا لا لا لا شنو هاي دموع لا لتبجين يلا اسكتي اسكتي داكلج ولج دكافي راح ابجي وياج يلعوبه
ورقاء /ضحكت من كلي عوبه
وليد/دضحكي شمستفادين من الدنيا اضحكي وغيضيهم وانطيني اوراقج خل اقدملج عندي عرف بيهة
اني/صدووك تحجي
وليد/مجذب عليج قبل
اني/لا لتعصب
وليد/يلا عيني انطيني اوراقج وهويتج ومعلومات عنج ومرنبطه لو لا وكولشي عنج
اني/حيلك حيلك شنو راح تقدملي ع زواج
وليد/ههههههه عوبه مو بيدج
يلا انطيني الاوراق
اني/ ماشي لحضه
ام وليد/اسمع وليد يحجي ويه ورقاء ومندمج وهي هم حبابه شفته يميل الهة واني وام ورقاء صرنه خوات نسولف كاعدات لا شغل ولا عمل بس نسولف ونضحك
قررت افتح موضوع خطوبه ورقاء ووليد بس ردت رائي وليد النهائي
ام وليد/وليد يمة تعال الغرفتي عندي حجي وياك
وليد/ي حاضر
الام/يمةداشوفك مندمج ويه ورقاء شنو رائيك اخطبها الك
وليد/والله ياريت اني مالكه احسن منها خوش بنيه ونادر متشوفين هيج بنيه تمر بهيج مواقف وضروف وتضل تحافظ ع نفسها يوم الله عليج استعجلي وخطبيهة
الام /ولك اثكل توني فتحت الموضوع وياك
وليد/
الام يمة ورقاء وينج
ي خاله اجيت دقيقه داقري بياسين هسه اجيتج
الام/ماشي بنيتي من تكملين تعالي رايدتج بشغله
ورقاء/ماشي خاله تؤمريني انتي
ام وليد/كلت خل افتح الموضوع ع ام ورقاء واشوف رائيها
ام ورقاء خيتي رايده رائيج بشي
ي عيني كولي
رايده بنتج الابني وليد ع سنة الله ورسوله
يا يوم المنئ ام وليد وين نلكي احسن منكم انتو شلتونه من الشارع و.........
لتحجين هيج خيتي ترة ازعل انتن بنات عالم وناس واصول وراح تضلن مرفوعات الراس وولدج يجي يوم ويتندمون صدكيني لان ماكدرو يحتفضون بهيج جواهر ثمينه بس اكول الحمدلله نصيبي اعيش وياجن وهذا شرف اليه وبالنسبه للخطوبه بقت بس ورقاء احجي وياهة تقبلين
ي عيوني كليلهة يوم عيد اشوف بنتي عروسه
ورقاء/خاله ائمريني شردتي مني
تعاي ورقاء
ها خاله
شنو رائيج بوليد
شنو
ي كولي لتستحين شنو رائيج بوليد
خوش ولد بس ليش
اعتبريني امج الثانيه واريدج الابني ع سنة الله ورسوله
ورقاء/فرحت واول مرة افرح هيج فرحه كبل كتلهة موافقه بس....
ان وليد/بس شنو بنيتي اكو شي
خاله اني ضخمه وهو جسمه حلو يعني راح يصير يتفشل مني كدام الناس
لا بنيتي عمر الجسم ماكان عيب للزواج
هواي بنات نحيفات بس مامستورات وانتي الستر تارسج من فوك ليجوة واذا اتضلين تحسين اكو خلل بجسمج تهاي نروح دورة تنحيف بقاعه نسائه
اني/صدوك والله
ي والله تشبيج واضعفج يلا تزوجين وعد مني. بس اريد منج موافقه مبدئيه ع الاقل
موافقة
بارت7
صرت ادخل دورات تدريبيه واروح وارجع للقاعه بالبدايه جنت اتعب بس بعدين اتعودت وصرت ارجع الغرفتي هم ألعب واركص نزلت من وزن ال90الئ75. اتعجب عليه وليد كال ضعفانه تخبلين هاي بالخطوبه هيج ضعفتي لعد ورة الزواج اشلون
وليد لحد الان ميدري اني اروح قاعه والعب رياضه واركص
اخوتي انقطعت اخبارنه واخبارهم حته ماما كالت اتبريت منهم لتجيبولي سيرتهم بعد
سوينه حفلة خطوبه بسيطه اني واهله واخوته حبابين ونسوانهم هم حبابات وياسين بس يبوس بيه ايكلي اتمنه مرتي تشبهج حلوة مثلج
وليد كله ولك شو تتغزل بخطيبتي كدامي يلا ولي
ياسين كله مو بس الك هيه مدرستي ونجحت من ورة تدريسها الحلو يعني اليه حصه بيهة وكلهم يضحكون ع وليد وياسين وكطعنه الكيكه واخذنه لقطات صور حلوة واحد يشرب الثاني شربت ولبسنه المحابس حياتي صارت اتخبل ماما رجعتلها عافيتهة بنسبه 80% وليد اجته هديه بالرواتب وخدمته وكدر يزيد من وارداته صار يحس اني وماما وجه الخير عليه سوالي جواز سفر اليه والماما وشال امي فوك راسه وام وليد متقصر ابد ماعافتني اني وماما وبدينه نجهز للعرس لان كاعدين ابيت واحد وعيب لحد الان ممزوجين
وليد/من شفت ورقاء وامهة كل الخير اجاني زياده بالرواتب اشتريت بيت وحدي بس ماتفقت اعيش بي لان ورقاء رادت تبقه يم امي واني وافقت شفتهة متعلقه بيهة صارت الفلوس ماعرف منين تجيني من ايجارات الئ شراكه بشركة صرت اشترك شركة افلام واني ضليت بتعييني
زادت وارداتي كله بفضل الله وورقاء وامهة وجه السعد عليه الله لايحرمني منهن
قررنه موعد الزواج وصرنه نرتب للزواج واني ورقاء متنتفارك ابد 24ساعه نسولف اذا مو وجها لوجه بالتليفون وبالفيس
بارت8 والاخيررررررر
وليد/عدة. 3سنوات ع وجود ورقاء وامهة يمني ومرتاحات واحنه هم مرتاحين وياهن
مرة داطلع اصعد بسيارتي واشوف رجال لحيته عاليه ومتبهذل واكف كدام سيارتي نزلتله كتله ها حجي اشبيك باوعت عليه وجهة مو غريب هو شافني وضل يبجي كال انت مو وليد كتله ي كول خوية كال اني صلاح
معقوله وليش متبهذل هيج اشبيك
ي خويه اتبهذلت هذا عقاب الله عليه لان طردت امي واختي بالشارع الله عليك متندل وين هنه اريد اشوفهن اريدهن يسامحني
فكرت بيهة كتله لا مااندل مكانهن وانت ليش تطرد اختك وشرفك وعرضك بالشوارع مو عيب عليك
انغشه ع عيني من ورة مرتي جانت تنحشني عليهن الله ياخذني بس اريدهن يسامحني فدوة دخيل الله ودخيلك اذا تندل مكانهن دليني ابروح موتاك واشهك وابجي
كتله مااندل مكانهن بس اوعدك من اندله اكللك عليه راح وعافني بس حسيته صدك مقهور
كنسلت الدوام رجعت دخلت للبيت شفت ورقاء وامي يسولفن وامهة ويضحكن
صحت ورقاء
ها عيني شو رجعت
اريدج بموضوع انتي وخاله
ي كول اشبيك
صيحي خاله خل تحضر
ماشي
ام ورقاء/هايمه خيرك
خاله تدرين منو شفت هستوني
ي منو
صلاح بس موصلاح العفتنه صلاح متبهذل ولحيته عاليه وبس يبجي
ويكول متندم واريد اشوفهن وين اريدهن يسامحني
ام ورقاء/لو يموت بهذلني اني واخته وشمرنه بالشارع هو واخوته وشمرو ملابسنه علينه تالي بسهولة يريد نسامحه لا والله ماسامحه ليوم الدين
خاله اسمعيني صلاح متغير وشكله مو هو شوفي وكعدي وياه وشتردين يصير
ماشي وانتي ورقاء شو ساكته ماحجيتي ليش
ماما شحجي بعد هلبهذله ايريد يرجع نحجي وياه شحجي هسه اني من نتشاوف عود اعرف شحجي
وليد/اتصلت بصلاح وكتله اختك وامك يمي تعال شوفهن اجه يركض يبوس بيهن بس هنه مالهن نفس بي ام ورقاء/ها صلاح شكو جاي اشبيك طكك العوز ترة ماعندي فلوس شرايد احجي
صلاح/يمه سامحيني صدك رضا الله من رضه الوالدين يمه اتبهذلت وراج لكفت مرتي ويه عشيقهة بالبيت وطلكتها جهالي حرمتني منهم مثل ماحرمتج مني يمه سامحيني اروحلج فدوة سامحيني والله عايش جسد بدون روح يمه عرفت قيمتج والله ماعيدها كومي رجعي ويايه للبيت وكوميني وكعديني بكتله
يمه فدوة اروحلج لتعوفيني والله متت وراج ةالدنيا كلبت عليه بعد ماجانت ويايه صدك محد ايحبك ابكد امك يمه اشتركنه اني واخوتي بمشروع وخسرنه افلوسنه كلهن ضلينه ع الحديده دخيلج يوم كومي ويايه
اشهك وابجي
ورقاء اني اخوج اني اعترف عذبتج وكتلتج واذيتج جانت عاميه عيني عليج مرتي طلكتهة خوية وبيتي انهدم خيتي سامحيني
ورقائ/هو يبجي واني ابجي وامي تبجي ليش البشر ميستوعب وميخاف ربه اله يوكع بمصيبه
خويه صلاح اني بنت بنوت وانشمرت بالشارع من ورة مرتك وعدم ثفتك بيه انكتلت وانهانيت وصرت خدامه الك والاخوتي ونسوانكم وجهالكم تالي شنو الجازيتوني بي بس الكتل وشمرتوني واني عرضكم وشرفكم البنت من عدها خمس خوان وتنهان بالحياة شيصير بيهة ينكسر ضهرها لولا هاي الناس الطيبه جاو اني لحمي انهب جان شرفكم راح خويه شرفكم جان انداس بالكياعين وابجي ماخليت دمعه تعتب عليه خويه من بجيت مالكيتكم يمي من انجرح مالكيتكم يمي من ابرد من اجوع من اعطش ماكو خواني شتريد مني اسامحك بهلبرود
تكملة البارت ال8 والاخيررررر
ورقاء/ من نسوانكم يصيحولي العانس وانتو تضحكون وتكيفون واني ابجي محد مسح دمعه من خدي وكال اني حايط الج انتجي عليه
محد كلي خويه اني وياج نداري امج محد كلي عندج افلوس لو لا مرضه مصخنه محد كلي تعاي اطلعج انتي اختنه من حقنه نداريج من حقي اتباهة بيكم انتو خمسه محد بيكم بي حظ ليش هيج ليش
صلاح;خيتي درجعو واشيلكم بعيوني والله اتعملت من خطاي اتاذيتو بسببي وبسبب خواني والله كلنه متندمين ويريدون يندلون مكانجن ويطلبون سماح منكم خويه وليد ساعدني الله عليك اقنعهن يرجعن واني اضل طول العمر ماعوفهن والله
ورقائ/ خويه اني مخطوبه وبعد كم يوم عرسي وماارغب تكونون موجودين بي واتفضل من غير مطرود تعبانه ومالي خلك احد بيكم وياريت اذا انت اخويه مثل متكول اتمنه متكول للباقين احنه هنا معايزين ضيجة خلگ يلا الله وياك
صلاح/ماشي ورقاء حقج اني رايح مع السلامة واتمنه تفكرين بالموضوع
ورة اسبوعيت صار العرس مالتي وحنتي صارت بالقاعه تجنن اقاربهم كولهم حبابين وطيبين وخلصت الحنه. وثاني يوم كعدت من الصبح سبحت وبدلت ورحت للصالون لان من العرس نروح للفندق رحت للصالون وطلعت اجنن وكرستال والطرحه وع اساس اروح للقاعه كبل بهيج وقت لازم واحد من اخوان العروس يدخل العروس يسلمهة للعريس اني خنكتني العبرة وصلت الباب القاعه ودمعت كلت ليش حته بيوم عرسي مو مثاةل البنات اخواني مو ويايه وماحس اله اكثر من ايد لزمتني وحضنتني طلعو اخوتي عازمهم وليد العرسي حاولت اوخر عنهم بس حاوطوني وكالولي ابروح بابا اسامحهم وضلو يبجون حضنتهم وبجيت كتلهم ليش هيج سويتو اختكم الوحيده بهذلتوني كالو سامحينه جان الشيطان يلعب بعقلنه وتحاضنه وضلينه نبجي الئ ان وشلنه دموع سامحتهم ومسحت ورتبت مكياجي ودخلوني خمس خوان واحد شايل البدله من ورة وثنين كدامي واثنين لازمين ايدي شعور يخبل اخواني ويايه باحلا يوم بحياتي
وليد/شفتهم هيج دمعت احلا لقطه غمزت للمصور كتله صور واكثر من صورة وضل ياخذلهم صور
ام ورقاء/هيج موقف ورقائ انحسدت عليه ضليت ابجي وسلمو ورقاء الزوجهة واجوي ركض دنكو ع رجلي وباسوهة كدام الدنيا كلها احلا شعور الام والاخت ولدهة واخوته وياهة
ورجعت الحياة الطبيعتهة وصلاح ازوج مرة ثانيه وحده ع ذوقي ومستورة وخلف منهة ورقاء صار عدها بنيه وولد وعيالهة فرحانين بيهة ولدي رجعت حالتهم استقرت ورجعو الدوامهم وطبيعتهم صرت كل شهر يم واحد بلاخير كتلهم بعد مامدر اضل افرفر باعو بيوتهم واشترو بيت كبير والتمو بي وهددو نسوانهم محد تضايقني وهنه صارن زينات ويايه ورقاء عاشت عيشه تخبل صبرت ونالت ع كلمة عانس الله نطاها وليد عوضها عن كل سنين عمرها التعبت بيهة
ولدي ميتحملون يوم اذا مويكعدون يمي ويبوسون ايدي يومية يردون رضايه
انتهت القصه
الحكمه منهة/ رضا الله من رضا الوالدين
الاخت ضخر وشرف لتفرط بي
الحياة نزوة لتغريك بمحاسنها وهي عيوبها اكبر منهة
سامح اخطا وهم ارجع سامح خلي التسامح سمه شخصيه بيك لتنجرف ورا الشيطان الام والاخت ميتعوضن خلو ثقتكم بخواتكم ترا البنت لو تريد تسوي شي تسوي لو تخليهة بقوطيه لذالك انطيهة احترامهة وتقديرها ترا العمر واحد الاختك فلتخليهة تعيش بتعاسهة
دمتم سالمين
وارجع واكول شنو رائيكم بالقصه اريد رائي واضح
تحياتي لكم
