رواية دكتور افقدني اغلي ما املك البارت الخامس 5 بقلم اسماء حسن
صلت كريمه وساره الى المنزل يجيدون صابر قاعد بانتظارهم
صابر : خير طمنيني
كريمة : الحمدلله خير ياصابر ، روحى انتى ياسارة استريحي في اوضتك يابنتى
سارة : حاضر
صابر : هااااا احكى
كريمة : اعملك شاى انا وانت
صابر: ياستى مش عايز شاى احكيلي فيها ايه البنت بتعيط كل شوية من ايه عايز اطمن
كريمه : بنتك زى الفل ياصابر ودماغك اللى كانت مودياك بعيد دى زعلتنى منك
صابر: طيب الحمد لله ان البنت كويسه انا هادخل انام بقا عشان شغلي الصبح
كريمه : استنى بس اكمل كلامى
صابر : هو لسا في كلام تانى ماتنطقي بقا
كريمه : اصل الدكتور ...............
صابر: ساكته ليه تانى
بتوجعيلي بطنى ليه ماتنطقي ياكريمه 
كريمه : الدكتور قال ان في خراج طالعلها
صابر : نعم… مش فاهم
كريمه : دا امر الله ومش بأدينا وشئ وارد
صابر: لا حول ولا قوة الا بالله ،والعمل
كريمه : لا بسيطه الحمد لله عطانا علاج واشترينا واحنا راجعين
صابر : طب بالشفا ان شاء الله الحمد لله لحد كدا
كريمه : احضرلكم العشا بقا
صابر : لأ مالييش نفس انا داخل انام
كريمه :لسا بدرى ياحج انا عايزاك في كلمتين جوا اوضتنا
صابر : خير ياكريمه
كريمه : تعالى طيب
دخلو الاوضه
صابر : خير
كريمه : ......................
صابر : هاتنطقى ولا اسيبك وانام واحلف ما اسمعش منك ولا كلمه
كريمه : بالهداوة يا اخويا اصل الدكتور قال لازم الخراج يتنضف
صابر : مش فاهم
كريمه : الدكتور قال لازم يتنضف عشان مايرجعش يطلع تانى واديك شايف البنت اتألمت اد ايه
صابر : طب ماتنضفهولها انتي ..انتي امها
كريمه : لا ياصابر انا مش هاعرف دا الدكتور هو اللى هاينضفهولها
صابر : انتي بتقولى ايه ياوليه انتى ،انتى اتهبلتى ولا ايه
كريمة : نتكلم بالهداوة ووطى صوتك عشان البنت ماتسمعش وزمان مالك ابنك على وصول
صابر: وهى بنتك موافقه على كدا
كريمه : ما باليد حيله ،التعب ال جالها كسرها وخزالها وخلاها عايزة تفوق وتشفى ياقلب امها
صابر : ا سكتى خالص واطلعى برا الاوضه واياكى الائيكى يتقوليلي الكلام الفاضي دا تانى
كريمه : بس
صابر : ولا بس ولا كلمه برا عشان انتى اتهبلتى
كريمه : ياحج البنت لازم الدكتور ينضفلها الخراج بنفسو عشان ميأثرش عليها بعدين بنتك بنت بنوت
صابر : اديكى قولتى بنت بنوت
ازاى تعمل تنضيف فى حته زى دى
كريمه : ماهو الدكتور فهمنى وقالى انها هاتتبنج وهايشيل الخراج بالمشرط وينضف براحه بعيد عن طبقتها
صابر : وكمان مشرط وبنج، لا انتى مجنونه رسمى ،امشي ياوليه اطلعى برا بدل ما احدفك بالكوبايه
كريمه : طب
صابر : امشي
كريمه خرجت من اوضتها ضعيفه حزينه ومش عارفه تقنع جوزها ازاى ،الباب خبط
تفتح الباب
مالك : امى حبيبتي ياست الكل وحشانى 
كريمه : اهلا يابنى
مالك : فى حاجه يا امى مالك في ايه
كريمه: مافيش حاجه يامالك بس تعبت فى شغل البيت النهردا
مالك : سلامتك يا امي. وساره ماسعدتكيش في البيت ليه؟
كريمه : اختك ساعدتني شويه بس انت عارف الكليه ومذاكرتها برده.
مالك : طيب يا ماما هادخل احضر انا العشاء.
كريمه :لا انا هاحضرلك بس انت ادخل غير هدومك
مالك : ربنا مايحرمنيش منك ياست الكل
كريمه تدخل تلقي نظرة على بنتها وتطلب منها احضار العشاء لها وترفض سارة
كريمه : لازم تاكلى يابنتى
سارة : لا ياماما انا اخد الدوا وماليش نفس
كريمه : خدتى ايه
سارة : اخد المضاد والمسكن
كريمه طب كنتى اخدتى المضاد بس يابنتى بلاش مسكن كتير غلط عليكى
سارة : ماهو انا مش هاستنى لما الوجع يجيلي تانى واعد اعيط واستنى لما المسكن يعمل مفعوله
كريمه : معليش يابنتى دا امر الله وهاتبقي كويسه
انا هاروح احضر لاخوكى العشا
تخرج كريمه وتعشي مالك ابنها وتشيل مكان العشا
مالك: تصبحي على خير ياماما
كريمه : مش تقعد شويه يابنى هو انت تيجى من الشغل عالنوم
مالك : لا ما اصل انا هاكلم الموزة شويه قبل ما انام 
كريمه : ههههه جاتك ايه يا مالك ،خلى بالك من بنات الناس مش لعبه عندك اخت
صابر : ياكرررريمه
مالك : ماتخافيش ياامى انا تربيتك
صابر : يااااكريمه
مالك : روحى ردى على بابا بسرعه
كريمه : ماشي يابنى تصبح على خير
مالك : وانتي من اهل الخير ياامي ..وانتي كمان روحي للحاج بينده عليكي كتير
كريمه : امشي ياواد لحسن اضربك 
مالك : لأ الطيب احسن سلام
تدخل كريمه غرفتها وتشوف جوزها ومتأمله خير
كريمه : خير ياصابر
