رواية حب موثق بالكمال البارت الرابع 4 والاخير بقلم مني الاسيوطي
برقت وسهمت لما اكتشفت اني عاكسته بصوت عالي، وطبعا عشان اداري كسفتي قولتلو
أنت بتعاكسني، عيب كدة
انتي مراتي يعني اعاكس براحتي، ويلا تعالي اوكلك بدل ما تكليني، بعد اذنك يا عمي
براحتك يا ابني دي مراتك
فعلا خرجنا اتعشينا برة، اول مرة اعرف انه حنين اووي كدة، بس برغم لسانه السليط وايدة الطويله طلع فعلا حنين، مش معني انه عصبي وخلقه ضيق يبقي قاسي، استغربت لما جابلي شيكولاته كتير واحنا مروحين، عشان كدة سالته ..
انت عرفت منين اني بحب الشيكولاته؟
انا عارف عنك كل حاجة
يا سلام فاكرني هصدق
تحبي تتوكدي كيف عاد؟
امممممممم هسالك شويه اسئله وتجاوب عليا
موافج جدا
لوني المفضل
النبيتي والازرق،بس بتبجي كيف البدر ف النبيتي
امممممم اكلتي المفضلة
بتحبي كل الوكل، بس بتموتي في اي حاجة فيها مكرونه
فيلمي المفضل
اي فيلم كارتون
مطربي المفضل
محمد عساف
اممممم طب الممثل المفضل
قصي الخولي
بتحبني؟
بعشقك وبموت فيكي
من امتي ؟
من وانتي في الاعدادية
ليه ضربتني اليوم دا بالقلم؟
عشان طلعتي البلكونه، ورجاله دار ابو الفضل كانو سهرانين برة الدار وشافوكي، ويومها كنتي واقفه بشعرك
اسفه
علي اي!
عشان فهمتك غلط
مش زعلان
اي رايك الفرح الشهر الجاي
موافقة
......
........
فات الشهر واتجوزنا وفعلا كان احن راجل في الدنيا، وبصراحة انا جننته والنهاردة عرفت اني حامل ،واديني قاعدة مستنياة لما يرجع من الشغل عشان اقوله، وزي ما بنقول كدة لبست الحته اللي علي الحبل وظبطت نفسي، واول ما سمعت صوت الباب بيتفتح ابتسمت
...
اخيرا رجعت البيت بعد يوم متعب اوووي، بس اتخضيت لما لجيتها لابسه وبتبتسم، اكيد عملت مصيبة،حطيت المفاتيح علي الطرابيزة وبصتلها وجولت
استر يا رب، خير يا منار، عملتي مصيبه اي؟
معملتش حاجة، كان عندي خبر حلو، بس عشان ظنك دا مش قايله
طيب متقوليش، انا جعان
مفيش اكل
طيب انا هتسبح وانعس
مفيش ميه ومفيش نوم ومفيش اي حاجة، وخسارة اصلا اني مستنياك،انا نازله اقول لجدي احسن منك
استني عندك، انتي هتنزلي اكدة
اة مالي! !
حلوة وحلوة اوووي ومستحيل هتنزلي وانتي اكدة
اتبسطت لما شكلي عجبه، وضحكت وانا بقرب منه وقولتلو
طب عشان الكلمتين الحلوين دول، حبيت اقولك اني حامل
حامل كيف يعني؟
يارب هتشل، هو اي اللي كيف، حامل يا عبد المتجلي مالك؟
حبله، حبله جد
ايوا
شالني ولف بيا وفضل يزعق ويقول
حبله يا ابوي، حبله يا اما،حبله يا جدي، حبيبتي حبله يا ناس
