أخر الاخبار

رواية احفاد فرعون الحلقة ٢٤ الرابع والعشرون والاخيرة بقلم اروي طاهر المسلاتي (بنوتة الشيخ)

رواية احفاد فرعون الحلقة ٢٤ الرابع والعشرون بقلم اروي طاهر المسلاتي (بنوتة الشيخ)

رواية احفاد فرعون كاملة pdf - بنوتة الشيخ

حسن:كبرت الحكايه وبدي حتى يجي يهدرز عليه
حيدر:انت عارف لو طلع صح الكلام شنو ممكن يصير !؟
كل شي ليه لانه الكبير بينا
حسن:على جثتي...وطلع سلاحه
حيدر:شنو ادير؟!😧
حسن:صوب على راس مالك السلاح وسحب
قبل ما يضغط بثواني ادخل انس 💔
انس:ضرب يد حسن بقوه عشان يطيح السلاح بس للاسف طلعت منه الرصاصه وبسبب الضربه يلي عطاهولا انس غلط في التصويب ومجتش في مالك
مالك:شايف قدامه بصدمه💔
عبدو:شاف لي بطنه بعد ما حس بي شي سخون نزل منها 💔....حط يده على بطنه وشاف دم
قام راسه يشوف لي مالك وهوا مصدوم💔💔💔
شاف ولاد عمه ركبو السياره وهربو وخلوه بدون حتى ما يسعفوه وكانت ملامحه كلها صدمه بس بدون اي كلمه💔
حس بي الدنيا تلف بيه واول ما خلاااااص بيطيح تلقاه مالك❤️
مالك:ماسك عبدو ويعيط على انس بصوت عااااااالي ....اطللللللب الاسعاف انننننس
اننننننننس
انس:طلع تالفونه ولان يديه يرعشو مكانش قادر يتصل بي حد والهاتف يطيح منه اكتر من مره
مالك:يعيط بي اعلا صوته ......جيب السياره جيييييييب السيااااااره قربها ....وشاف لي وجه عبدو
شافله بنضرات كلها خوف وجديه ....حط يده على جرح عبدو وهوا يشوف لي عيونه
مالك:قااااوم قااااوم متفقدش الوعي لين نوصل بيك المستشفى
عبدو:يشوف لي مالك بدون تعابير وجه...بنموت 💔خلاص انا ميت
مالك:يديه يرعشو وعيونه حمرررر....اششششش اسكت متقول شي قاوم
عبدو:يتكلم بصعوبه.....بعد كل شي صار بتسعفني؟
مالك:فقد شعوره.....الزززززززح جيب السياااااااره
عبدو:بدي نفسه ينقطع شوي شوي ....تراجي في موتي من قبل انا عارف .....اءء اءء اءءء علاش بتسعفني بعد ما صار يلي تبيه؟
مالك:اي اي خليك فايق خليك
عبدو:بدو عيونه يتسكرو شوي شوي ومالك يعيط عليه .....لالالالالا افتح عيونك افتتنتتتح عيونك
عبدو افتح عيوووونك
لين خلاص عبدو مشي لي عالم تاني 💔
انس:نزل يجري ساعد مالك قامو عبدو لي السياره ورفعوه 💔
مالك:ركب مع عبدو من الخلف....سوق انت مش قادر انا
انس:ولع السياره وطلع بسرعة البرق
مالك:ماسك جرح عبدو كويس ويمسح في عيونه بي كم سوريته
كانت مزيج من المشاعر الملخبطه !!!
الذ اعدائه طلع خوه💔💔💔
خوه توا يموت قدامه💔
بدل ما يفرح لي موته توا كل شي تلخبط مش قادر يحس بي شي غير ان كل شي ملخبط داخله 💔
_______________________________
حيدر:يخبط ع دومان السياره.....كييييييييييييف اديييييييييير هكي
حسن:ضرب الكرسي بيده.....وين نعلم صارت فجآه مكنتش قاصد انا
حيدر:يجري بي السياره.....تي هربناااااا خليناه ينزف انت يلي هربت وجريتني معاك
حسن:بنضرة شر.....واحسن خليه يموت
حيدر:شد فرين قوي وشاف لي خوه بصدمه.....شن تحكي انت ؟
حسن:زي ما سمعت!!....يموت هوا يلحقه مالك وهوووب معش في حد في الساحه غيرنا !
حيدر:سكت شويه وهوا يشوف قدامه...وعبدو؟؟
من يلي قتله!؟
حسن:ولد فرعون جاي قدام الحوش علاش غير انه بيقتل عبدو؟؟؟
حيدر:لكن فيه شهووود!!!....متنساش انس!؟
حسن:حتى انس ماشي في الجره
حيدر:مسك راسه بين يديه ....3بتقتلهممممم؟؟
ثلااااااااثه!!
حسن:ضرب خوه على وجها .....فكرررر فكرررر في كمية السلطه يلي بتقعدلنا!!!!؟
فكر في كل الفلوس في الثروه في البنت متع عبدو يلي عاجباتك بتقعد عبده تحت رجليك
مفيش حد يعلم بيها غيرك وتخاف تنفضح مفيش مكان تمشيله
حيدر:سكت وهوا يقلب فيها في راسه!!
حسن:هاااا شنو قلت؟؟
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
طق طق طق
محمد:كان مقعمز في المربوعه قاعد مصدوم ويخلل فيها في راسه!!!
كيف مالك مش خوهم؟يعني مالك يكون ولد حبيبة بوهم؟؟وقدم على الباب شاف سكينه جايه من بعيد ....خليه تو نفتحه انا
سكينه:تمام....ورجعت للمطبخ
محمد:فتح الباب وفي فمه حلوه خانبها من نجمه 😂.....وقف بصدمه😨
كانت نفسها!!!...اي اي هيا نفس البنت
نوره:ماسكه عمتها يلي واضح عليها كبر السن ....امك قاعده؟
محمد:نحى الحلوه من فمه.....حتى مش قاعده نقعدوها
نوره:نزلت راسها
سدره:احو احوووو شش شن قال
نوره:قدمت على وذن عمتها ....قاعده ياعمتي
سدره:اهاا به
نوره:لو سمحت ممكن تناديها؟؟؟
محمد:عيونه مش قادر يحولهم من عليها...اها اكيد🥺❤️....
جميله:محمد ولدي؟؟...منو ؟
محمد:تعالي يبوك
جميله:طلعت وهيا خايفه يكون مالك ع الباب او صاير شي لان تفكير العيله كلها كان في مالك وشن بيدير بعد ما عرف الحقيقه؟
جميله:عرفتها من اول نضره!!....خلاص شنو مزال بدير؟
استقبلتها وخشت ❤️
اما محمد عيونه معلقات في نوره وبس!
_____________________________________
نقلبت الدنيا في حوش مختار بعد ما سمعو طلق النار...يسحابوه عادي!
لكن بعد قريب ربع ساعه شافت يسرى الدم قدام الباب وعبدو مختفي مليشي اثر!!!
بدو كلهم شاكين في احفاد فرعون ونقلبت الدنيا يدورو في كل المستشفيات!
خشت بعضها 🔥
فايزه:تعيط بي صوتها العالي يلي هز الحوش كله تندب وتخبط ع خدودها على ولدها الوحيد يلي عشان يجي دارت الف طريقه وعشان يكون هوا ولي العهد حاربت وكدبت وشهدت زور وحتى كانت مستعده تقتل عشانه!!.....في لحضه بنسبه ليها انهار كل شي
لان احتمال كبيرررر يكون عبدو متوفي💔
حافظ مصطفى ونصر ولاد مختار يدورو في كل مكان
ياقوت منقهره على خوها هيا ويسرى كانو في عالم ثاني متوقعين يوصلهم تالفون في اي وقت يقوللهم ان عبدو عطاكم عمره !!
اما حسن وخوه رجعو لي حوش المختار عادي جدا كأنهم مش فاهمين شي ومشافوش عبدو من الصبح!!
كان حسن ماسك اعصابه كويس لكن حيدر وااااضح عليه الخوف والارتباك 🔥
______________________________
ساجده:حاطه يدها على فمها بصدمه ودموعها ينزلو 💔
تسمع من سدره وقلبها يتقطع💔💔💔💔
كيف جدها قدر يقتل مرته وام مالك بي البرود هاذا!!
كيف يطلع ولد عمها!!؟
دماغها وقف !.....كل يلي تفكر فيه صدمة مااك بعد ما سمع كلام عبدو
كيف بيفكر !!....خنته مع خوه💔
مسني خوه💔💔💔
مسكت راسها بين يديها ورجعت لي غرفتها
ركبت تجررري
نوره:واقفه في الممر.....هاذي مرته؟
محمد:مرتبك.....اءء اي مرته
نوره:تغطي في نفسها بي العبايه ...ربي يعينها
محمد:يارب يعينا كلنا
نوره:ان شاء الله
محمد:متعرفناش؟
نوره:انا نوره يلي داخل مع اهلك تكون عمتي
اهلي متوفيين وعايشه معاها
محمد:اهاااا تشرفنا انا محمد اعزب جدا
نوره:ضحكت ونزلت راسها
محمد :سارح فيها حس بي خبطه على رجله
نجمه:قارنه حواجبها....حلوتي ووووووين😡
محمد:بشويه.....اسكتي غضوا نشريلك
نجمه:تكدددب ...ديمه تاخد مني في حلواتي ومتعطيني شي بكل
نوره:ماسكه ضحكتها
نجمه:توااااا نمشو نجيبو حلوه
محمد:نجمه الله يهديك غضوا نشريك الحمراء الكبيره يلي اكبر من راسك المسكر هاذا
نجمه:سكتت شويه.....امممم به
نوره:شافت لي جيهة اليمين تضحك بصمت
_________________________________
احمد:راقد ع الصالون والحوش فااااااضي حاس بي شي كبير ناقصه!!
مفيش اصوات مزعجه ييلي تعود عليها من ياقوت💔
مفيش بوسات مفاجآه لين يضايق منها !!
كئابه الحوش كأنه روحه الحلوه كانت ياقوت وضاعت!!
يحاول يقنع نفسه ان البنت خفيفه!!
واحسن طلعت هيا من الحوش جت منها مش منه !
يريح في نفسه بي الكلام هاذا ويسكر عيونه بيرقد
اول ما يسكر عيونه يذكر كل الكلام الجارح يلي سمعه ليها💔💔
ويطير النوم من عيونه
حاس بشي غريب اول مره يحسه!!....حاس بي الم داخل قلبه من داخل
الم ميقدرش يلمسه ويداويه💔
كأنه محتاج يشوف ياقوت بي اي شكل طول الوقت يسأل في نفسه وبس.....جديات انا حبيتها؟؟؟
_______________________________________
الساعه10في الليل:-
عبدو:راقد على السرير مسكر عيونه ليه ساعه كامله طالع من غرفة العمليات!
مفيش حد جنبه ! غير مالك وبس!
مالك يلي ليه قريب3ساعات واقف على الروشن يراقب في الناس يلي جايه ويلي ماشيه في عز الصقع
خياله ماشي لبعيييييد ويفكر في الف حاجه
كيف بيصير ؟؟؟
شنو بيدير؟؟؟؟
سمع صوت خلفه ينادي ....م مم مالك؟
مالك:تلفتله وقرب منه......الحمد الله ع السلامه
عبدو:يتفرج عليى المكان يلي هوا فيه...اءء الله يسلمك
مالك:جبد كرسي وقعمز جنبه ....شبك يديه في بعضهم ويشوف للارض ....قال الدكتور ان حالتك مستقره
الرصاصه مجتش في مكان خطير هلبا وكان ساهل ان يطلعوها ....عمليتك نجحت
عبدو:سكت وعيونه معلقات على سقف الدار
مالك:ساكت واتكى ع الكرسي .....شن مصلحتهم ولاد عمك يديرو هكي!؟
عبدو:غلطو.....الاصابه كانت موجها عليك انت
شفت انس من بعيد وهوا يدخل
مالك:قعد ساكت ومتكي ع الكرسي
عبدو:محركش عيونه من على السقف....سعفتني ولحقتني لعند هنايا عشان سؤالك ع ساجده؟؟؟
مالك:سكر عيونه ومجاوبش
عبدو:خذي نفس....تعلق بيا وانا مكنتش صادق معاها قبل سنين طويله
كانت عند عمتها وكنت مره مره نمشيلهم نرفع في بضاعه تانه للحوش
خذي نفس......متخافش
مفيش شي من يلي في بالك
ساجده تعرف كيف تحافض ع نفسها مفيش يوم خلتنا واقفين بروحنا كانت ديمه تتهرب جنب عمتها
مالك:مسكر عيونه....والقفطان الازرق؟؟
عبدو:ضحك....كان قفطان طووويل وواسع هلبا
تلبس فيه لما نجيهم انا ولا عمامها
كانت اسهل طريقه تستر روحها بيه ...كنت ديمه نضحك عليها طالعه بيه زي المتشرده
مالك:ابتسم ع جنب ومسكر عيونه ....
عبدو:خطبها الاول وكنا متعاركين!....وافقت عليه وبعدين ندمت
مقدرتش ترجع في كلمتها بسبب جدي يلي مستحيل كانت كلمته اطيح
اختارت تهرب معاي ووافقت
مالك:فتح عيونه يشوف لي عبدو بي انتباه
عبدو:اكتشفت شي عليا وخلاها تكرهني بدرجه كبيره 💔ولغت كل شي وكملت خطبتها
مالك:سكت شويه....شنو يعني!؟
عبدو:خدي نفس وهوا يتألم من جرحه.....يلي صار تقدر تقول عليه حجات تصير مع اي حد وقت المراهقه مصار بينا شي رسمي حتى احساسنا مكانش صادق
مالك:متركزش ع الموضوع هلبا بس انا كنت محاول نضغط عليها ونشتفزها لا اكتر !!
مالك:وقف ورجع لعند الروشن
عبدو:سمعت الجواب ومتأكد ان داخلك تريحت!...تقدر توا تخليني وتمشي
مالك:يتكلم وعيونه ع الطريق .....منقدرش نخليك لين جي حد جنبك
عبدو:سكت
مالك:كمل سكوته وهوا يتفرج ع الروشن
عبدو:شنو يلي بيصير !؟
مالك:متسألنيش ....لان مفيش حد عارف لا انت ولا انا ولا حد في الدنيا هيا
عبدو:اكيد راسم خطه داخلك!!
مالك:تلفتله وفقد اعصابه......اي خطه؟؟؟؟؟
اي خطه بين يوم وليله تعرف انك حفيد عيله طول عمرك تعادي فيها؟؟؟؟
عبدو:يتألم من جرحه.....
مالك:على كليٍ نراجي في تحاليل DNAامتى تطلع نبي نتأكد !
عبدو:اي رسمي ضروري من الشي هاذا
مالك:سكت
عبدو:عيونه ع الارض ....كيف بيختلف الوضع بينا!!
مالك:خدي نفس ....م.....
انس:فتح الباب وخش ....خش انس وكان ماسك في يده نسكافي ❤️....تفضل مالك
مالك:خدي من انس.....دير بالك على ولد عمك
انس؛خليك مطر برا
مالك:لازم نروح خلاص معش فيها ....شاف اي عبدو
الحمد الله ع السلامه
عبدو:هز براسه
مالك:طلع من الغرفه وسكر الباب
انس:شويه وبيجو الشرطه بياخدو افادتك
عبدو:حسن ضرب ....شفته
انس:خدي رشفه من النسكافي.....اكيد عارف كان قاصد مالك مش انت؟؟
عبدو:اي عارف بس مع هاذا اقوالي مش رح تتغير
انس؛ابتسم بي شماته.....ولد فرعون طلع ولد اصل ومخلاكش ومشي
عبدو:سكت وداخله نااااااار 💔🔥🔥
_________________________________
ساجده:عيونها متورمات من البكي....الله يخليك محمد دور عليه
محمد:والله نتصل بيه من لما طلع اتصلت بيه اكتر من صاحبي يلي نبي منه فلوس ومردش
ساجده:به دير لفه بين الشوارع ممكن تلقاه او هكي طمني عليه
محمد:خذي نفس وجاي بيطلع.....حاضر
فرعون:محمممد
محمد:ها
فرعون :مدورش عليه....خليه براحته امتى مايبي يروح باهي متضغطش عليه.
ساجده:بس ياعمي م....
فرعون:خليه يرتااااااح بعد يلي صار
محمد:تقصد يلي بعد درتوه فيه💔....وركب
فرعون:سرح في خياله من جديد وقلبه نار على مالك كان بحبه بطريقه مش طبيعيه هوا وخيريه
وجميله يلي كانت حاسباته ولدها وقريب تهبل عليه!!
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
مرت الساعات بسرعه!
في لحضات وتعبت حجرة عبدو بي هلبا ناس
مكانش قادر يشوف لي وجه جده بعد يلي سمعه!!
ولا كان طايق امه حتى تلمسه
كيف قدرو يمنعو طفل من بوه وعيلته؟؟؟
كيف قدرو يقتلو بنت تموت قبل ما تشوف صغاوهاد
كيف قدرووووو؟؟؟؟
كانت الاسئله هاذي تصرخ داخله وهادي جدا من برا ساكت وبس
حسن وحيدر...طبوهم وقعدو يحققو معاهم من وين جابو السلاح؟ومكانش عندهم ترخيص ليه
جوهم ع غفله وفتشو سيارتهم عشان يشدو منهم البهااااادل!!!
______________________________
طقت الساعه 2نص في الليل وبدت ساجده تفقد في الامل انه يروح
مفيش حد قادر يرقد وجميله طول الوقت ع الروشن قلبها يغلي على ولدها....صح مش هيا جايباته لكن هاذا ميعنيش انها تحبه نفس حب ولادها بزبط❤️❤️
ساجده:متكيه ع الصالون ونجمه راقده في حضناها
عيونها ع التلفزيون وعقلها في عالم تاااااااني
لين انفتح الباب
خش مالك بنفس الحاله💔عيونه حمرررر ومبهدل حوايجه حاله💔ويديه زادهم خبط علي الخبط الاول يلي قاعد ما براش!!
ساجده:حطت نجمه ع الصالون وغطتها وقربت عليه....م ممالك
انت كويس؟؟؟
مالك:قعمز ع السرير بحيل مهدود ومتكلمش
ساجده:تبكي....حطت يده ع خده
حبيبي❤️.....كل شي رح يتحسن متضايقش
مالك:انا تاعب ساجده💔
تاعب لنم
ساجده:خداته في حضنها بسرعه
مالك:سكر عيونه وبدي يحكي💔
كنت نكرهااااا ....طالع من حوشي بنقتله
شديت السلاح مره فوق العماره بنقتل واحد طلع توا بوي💔
تخلبط كل شي!!؟
معش فعمت شنو نحسس
ساجده:مطبسه وجها وتبوس فيه ع راسه....اهدا وارتاح مالك❤️
مالك:نبيك تحملي باش نضمن انك متمشيش وتخليني!!!
ملقيتش حد زيك في البلاد كلهاااا
نبيك تعيشي عمرك كله خايفه انك لو سيبتيتي مستحيل تقدري تعيشي 🔥
عشان تقعدي معاي!!!!!
ساجده:مسحت عيونها وتمسح على شعره❤️.....انا معاك ❤️
مالك:نحبك
ساجده:قلبها دق بطريقه مش طبيعيه❤️❤️🔥
اول مره تسمعها منه❤️❤️
مالك:مسكر عيونه....نحبك لنم ونبيك تقعدي معاي
تتحمليني كل منجيك هكى ميت منتهي تاخديني عندك
انا كل شي عندي طلع وهم حتى عيلتي
منبيكش تطلعي وهم حتى انتي
ساجده:تمسح على شعره.....اشششش متقولش هكي
مفي شي وهم ❤️عيله كامله تحبك من الصبح مفيش حد قادر ياكل حاجه من خوفهم عليك
مش شرط تكون كلمة امك لانها ولداتك!!
كلمة امي تنقال لي المرا يلي رباتك وتعبت عليك سنين واكتر ام شفتها تحب صغارها هيا امك!!
خوتك يا مالك مهما يدير الزمان مش رح يغيرو حقيقت ان رح يقعدو خوتك
بنتك يلي تحبك ❤️
انا يلي نموت فيك بجميع حلاتك ❤️❤️❤️...كلنا معاك
مالك:سكر عيونه
كلام ساجده كأنه كوب اميه ونصب ع ناااار داخله 💔🔥🔥
جميله :شافت لي ساجده من ورا الباب
ساجده:اشرتلها بمعنى انه رقد
جميله:كتمت دموعها ورجعت غرفتها
ساجده خلاته فتره راقد على حضانها بعدين ناضت
نحتله التيشرت وبدت اداوي فيه وفي يديه 💔
رجعاته لي حضنها وسكرت الضي وغطاته❤️
__________________________________
طلعت الشمس واحمد بنفس الوضعيه مقدرش يرقد !!
يفكر في مالك
ياقوت !!
كيف بيكمل باقي حياته هكي بعد ما تعود عليها ؟؟
يقدر يعفس على قلبه يلي اول مره يذوق طعم الحب ويتخطا الموضوع او لا!!؟
_______________________________
ثاني يوم⛅️⛅️⛅️⛅️
مالك:تفح عيونه لقي نفسه في حضن ساجده💕
يديه مربطات وواضح انها مداويه وضهره ومغيرتله حوايجه بي لبس نضيف ....قرب عليها وعطاها بوسه خفيفه
ساجده:ناضت مخلوعه وهيا تنادي بي اسمه
مالك:يبعد في شعرها من عليها ويتأمل فيها..اشش جنبك انا
ساجده:حضناته💕...انت كويس؟
مالك:ابتسم ع جنب وهز براسه ....نبي رحله طوووويله تنسيني في كل شي
ساجده :بملامح خوف....بتسافر
مالك:مكان بعيد انا وياك ونجمه وبس❤️مفيش حد معانا
ساجده:ابتسمت براحه...اي ليش لا!!
مالك:رجع سكر عيونه
ساجده:متبيش تنوض حبيبي؟
مالك:خليني راقد مخاطري نشوف حد ولا خاطري في شي
ساجده:العيله كلها تراجي فيك لوطه
يبو يشوفوك !!
حرام مالك كلهم قلبهم عليك
مالك:فتح عيونه التاعبات وشافلها.....
ساجده:بساته بين عيونه.....معاك انا❤️مستحيل نخليك!
مالك:حضنها❤️❤️
____________________________
ياقوت:قلبها يتفطع💔
احمد محاولش حتى يتصل بيها 💔محاولش يكلمها ولا يراضيها كأنه كل كلمه قالها فيها يقصدها💔
بكت طول الليل وكانت اول مره تبكي هكي 💔
تأملت ان يجي وكل ما يطق الباب قلبها يفز بس كل مره تصيرلها خيبه اكتر من يلي قبلها💔💔
____________________________________
عبدو:جيبولي تالفوني ضروري
فايزه:ترشف في دموعها....غير تريح توا واهدى قبل
عبدو؛جيبولي تالفوني في شخص لازم نكلمه
يسرى:تي به غضوا نجيبوهولك
فايزه:اااااه يا حشمتنا بين الناس ولاد العم ولو على بعضهم ويضاربو بي الرصاص
عبدو:يحكي داخله ...قاعده متعرفيش حشمتكم بين الناس الكبير
استني عليا بس انوض ونشد روحي شويه وبعدين ساهل
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
رجاء:تسكر في تالفونها بتوتر وخايفه
خيريه:سألت وعيونها لوطه....حكيتي لي نهال؟
جميله:مسحت خشمها وعيونها متورمات واضح مرقدتش طول الليل....حكالها انس امس بعد ما عرف !
وبعدين اتصلت بيا مش مصدقه لين هدرزتلها
خيريه:سكتت
جميله:من وين طلعتلنا بس ها القصه 💔
والله قلبي ما يتحمل نخسره ولدي💔
ساجده:ماسكه يد مالك❤️....صباح الخير😊
كلهم وقفو يشوفو لي مالك
خيريه:صباح النور 😨
رجاء:زادت توتر اكتر لما شافتهم مع بعض💔
نجمه:بااااابااا اشتا اس ات استاحشتك
مالك:ابتسم وقامها❤️❤️....من وين تعلمتيها الكلمه هيا
نجمه:من ماما سوجي تقولك فيها ولا نسيت🤨
مالك:مسكها من وذنها وهوا يبتسم....معش تعاودي كل شي تسمعيه
نجمه:تضحك
مالك:حطها ع الارض
ساجده:حبت تعير الجو المتوتر وبدت تصب في الشاهي وتحوس ع الفطور
مالك:اول ما حط بنته ع الارض جت امه جميله حضناته وقعدت تبكي بدرجه هستيريا 💔
مالك:بادلها الحضن....خلاص اهدي كل شي تمام
جميله:بعدت من حضنه وبدت تبوس فيه ...الله يخليك
اقعد معاي ومتحرقش قلبي عليك 💔راك ولدي والله كبدتي زيك زي خوتك
مالك:لمعو عيونه💔.....باس راسها وهوا يبتسم
اهدي خلاص قاعد معاك ❤️امي والشي هاذا ما يقدر يغيره حد
جميله:تحضن وتشم في ريحته بعد ما ردت فيها الروح❤️
باس راس خيريه وقعمز معاهم ع الفطور
فرعون:كان يراقب وساكت ميقدرش ينطق بي حرف 💔
ساجده:مسحت دموعها وجت قعمزت جنبهم وبدو يفطرو عادي جدا نفس اي وضع
سكينه:فتحت الباب وخش احمد
احمد:صباح الخير
كلهم ردو....صباح النور
احمد:ابتسم لي مالك وهوا مش عارف كيف بتكون ودت فعله!!
مالك:فضى مكان لي احمد جنبه زي كل مره ❤️
احمد:قلبه ارتاح من الحركه هاذي وعرف ان الوضع طبيعي !
بدو يفطرو عادي واحمد يهدرز مع مالك بصوت واطي
احمد:مباش يقعد في المشفى روح وجاب ممرضه غادي !
مالك:علاش ؟
احمد:علمي علمك مش فاهم ....خذو ايفادته كلهم متوقعين انت يلي ضربته
مالك:شن قال في الافاده؟
احمد:قال الحق ...حشي ولاد عمه الزوز في الحبس
مالك:شافله متفاجئ .....
احمد:هز راسه وهوا ياكل...اي اي متنصدمش
وناوي على شي الله اعلم شن هوا!
مالك:زي شنو!!
احمد:مش فاهم لكن هاذا يلي فهمته من انس
نجمه:بااااااباااا
مالك:ها❤️
نجمه:امس جتنا عزوزه كبيره هلبا زي مخريه
ساجده:ع منو تقصد؟
سكينه:سدره
مالك:يساير في بنته شنو اسمها ؟
نجمه:اسمها صدرها
مالك واحمد ضحكووو بدون ما يقدرو يمسكو نفسهم
نجمه:جت معاها بنت حلوه اسمها نوره وعمي حمودي قعد يعاكس فيها يكلم فيها وهوا يضحكاعا ره
مالك:قامها على حجره ....الف مره نقولك معش تعاودي الدوه
نجمه:تهدرز بيديها....يابابا صدرها شكلها زي مخريه راهو
مالك:بيضحك مش قااادر....به اسكتي عيب
نجمه:به 🥺
نهال:السلام عليكم🥺🥺🥺
ردو السلام وبدت تسلم على امها والباقيين وصلت في مالك وقعدت واقفه تشوفله 💔
مالك:حس بيها عرفت ومش فاهمه كيف تسلم عليه!!!....شنو اختي الوحيده بتقعد تتفرج عليا هكي متبيش تسلم؟...ومد يده
نهال:حضناته بقووووووه ❤️❤️❤️.....احلا اخ في الدنيا كلها مستحيل نلقى زيك ❤️
افهم انك خوي وقطعه مني ورح نقعد فخوره انك خوي لاخر يوم في حياتي
مالك:حس الكلام الحلو لمسه من داخل❤️...احلا اخت راسها مسكر في الدنيا مابعد انس
نهال:ضحكت وهيا في حضنه وزادت حضناته اكتر
مالك:ااااه يافرخه ضهري بشويه
نهال:بعدت من عليه....اسسفه 🥺❤️
مالك:شنو يوكل فيك انس باش بديتي صحيحه هكي
انس:خش .....قولها شنو تخلي لي انس عشان ياكل😂
راهو مش مخليتلي شي في الحوش 😂
نهال:مسحت عيونها..،بارد
خش انس سلم عليهم.....وين محمد؟
فرعون:فوق راقد
مالك:شاف لي نهال وبنبرة بصاره....انتي مرته ولا محمد؟
نهال:ضحكت ...والله مانعرف يا وخي تقول ضرتي😂😂
مالك:ضحك وقعمز
نهال:احمد وين ياقوت؟
احمد:في حوش بوها
نهال:خسارها ياريته جت
احمد:ساكت وقلبه ينعصر💔
________________________________
انس:ولدددددد ولدددد نوووض
محمد:فتح عيونه شاف خليقت انس قدامه...انا في حلم ولا في غيبوبه
انس😂😂😂...نوض ياخرا نبيك
محمد:قعمز وهوا يتكسل...شن جابك من صبح ربي
انس:اختك يابرو تنق تنق تنق
محمد:قتلك من البدايه خود بنت جيرانه ملامح وجها زي المرتكه تمشي معاك
انس:لا طبعا...لكن اختك مليحه🤤
محمد:ضربه ع رقبته ....ياوسخ نحس فيها سبه قدر مشاعري
انس؛مرتي والله حر😌.....المهم هات ما عندك
محمد:امس جت البنت هيا وعمتها
انس:هاذي يلي جابتلكم مالك
محمد:اي ....قنينه لنم يا انس هكى حسيت بشي داخلي هكي
انس:مغص تو يمشي مدوراش
محمد:ياخراااا ندويلك ع مشاعري
انس:اااااه اي اي اسف اسف كمل
محمد:اااخخخخ الخلاص انها ما عطتنيش وجه شكلها مرتبطه
انس:او ممكن انت معجبتهاش
محمد:شاف للمرايا....الزين هاذا كله مش عاجبها؟
انس:وينه.؟؟؟ويدور بي عيونه
محمد:ضربه....اشكر النم حتى بي الكدب
انس:😂😂😂😂
__________________________________
قعد احمد يهدرز مع خيريه وفرعون اما مالك ناض للمطبخ
مالك:تمام
ساجده:هزت راسه بمعنى اوكي
مالك:تمشي معاي!؟
ساجده:لا حاسه روحي تاعبه مش قادره نوقف
مالك:حط يديه على خدودها....خيرك؟؟نعاينك؟
ساجده:باست يديه....لا ياقلبي مش ضروري ممكن ارهاق بس ويمشي تو نتريح ونولي احسن
مالك:باسها على راسها .....تمام ❤️
تو ناخد معاي نجمه باش متنفخلكش راسك
ساجده:ضحكت....تمام ❤️
_____________________________________
فات اسبوع كامل❤️
بدي عبدو يشد صحته شوي شوي
يخطط لي الف حاجه في راسه ومفيش حد يوقف معاه غير انس !!
طبعا عمه نصر تكنطى كيف عبدو يحبس ولاده وميتنازلش!!
خدي مرته وبنته وطلع من الحوش ودار محامي وصارت قصه طويله عريضه ومع هاذا مباش عبدو يتنازل !
جميله:ارتااااحت بشكل كبير ❤️
مالك يتعامل عادي جدا مع عيلته وخوته زي قبل وطبعا احمد ومحمد متغيروش ابدا
بس مالك مش قادر يتكلم مع فرعون ولا حتى يشوفله وكان فرعون حاس كويس بي الغلط متعه 💔
كانت ساجده كل ليله تهدرز على مالك وهوا في حضنها وتفهم فيه كويس ان خوته يحبوه وامه اكتر واكتر ومفروض ميمشيش ويخليهم
وتأثر هلبا بي كلامها كانت الداعم ليه في وقت هوا محتاجها بشكل كبير ❤️
ساجده مخلتش فرصه ابدا لي رجاء 🔥
بدت تخلي في نجمه24ساعه معاها ومالك لو مش برا رح يكون في الغرفه معاها لان يكون مرتااااح بين يديها❤️
طلعت نتايج التحليل وكانت مطابقه!رسمي مالك وعبدو خوت ❤️
_______________________________________
ترن ترن ترن
ساجده:واقفه ع الحوض في الحمام ....ماااااك
تالفونك
مالك:يلبس في حوايج مسك التالفون بي كتفه...ايوا
عبدو:مالك؟
مالك:يسكر في بطم سوريته...اي مني!!؟
عبدو:سكت شويه ....خوك عبدو
مالك:منصدمش ان عبدو اتصل بيه!!....انصدم في الكلمه يلي قالها
(خوك عبدو❤️)
مالك:اهلين عبدو
عبدو:بيك....كنت ندوي مع احمد توا الساعه 5العشيه ياش تجو ضروري
مالك:ان شاء الله خير؟
عبدو:خير بي اذن الله
مالك:تمام ....وسكر الخط
ساجده:طلعت من الحمام وجها اصفر ...وين ماشي ؟
مالك:طالع عندي شوي حجات بنديرها
ساجده:رمت نفسها ع السرير بتعب
مالك:نوضي نعاينك ساجده ليك اسبوع ع الحال هوا
ساجده:منبيش خليني في حالي
مالك:قرب منها....خيرك حرجانه!؟
ساجده:بعد يديه...خليني مالك مش متحملاتك
مالك:🤨والله؟؟شنو الجو الجديد هوا
ساجده:كارهاتك ....مالك شاكه في روحي حامل
مالك:ولي يحمل يكره يعني م...😨😨😨كيففف؟
ساجده:هزت براسها ...اي شاكه
مالك:مقدرش يخفي السعاده ع وجها ....نوضي البسي نعاينك
ساجده:مخاطريش بنرقد
مالك:باسها ع خدها....نوضي هيا
ساجده:مالك مش متحمله ريحتك وربي بعد من عليا
مالك:قعد يشم في روحه وكانت ريحته بارفان❤️...مش كنتي تحبي الريحه هاذي قبل!؟
ساجده:اعععععع حاسه روحي بنرجع بعد من عليا
مالك:قامها....انتي متمشيش الا هكي
ساجده:شهقت.....نزلني ماااالك شنو اددددير
مالك:نزلها ع الارض لبسها العبايه ورجع قامها😂😂
نزل بيها وامه وخيريه نصدمو
جميله:ماااالك وين رافع البنت هكي 😨😨
مالك:حامل ومتبيش ادير تحليل رافعها بسيف...وطلع وسكر الباب
خيريه:ضحكت....طلعت شاطره زي ما تخيلتها
كنت نعرف من البدايه حتقدر تغيره
جميله:حطت السفره ع الطاوله...كنتي تهزبي فيها طول الوقت تعايري فيها بي حملها يا عمتي
خيريه:كنت ندير هكي نختبر فيها ونبيها ادير اي شي عشان تحمل وتثبت مع ولدك
جميله:خذت رشفه من القهوه وهيا تبتسم
ورجاء كانت مقعمزه ماسكه تالفونها وبتتفجرررر💔
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ياقوت:امي خلاااااص راسي بيتفجر
فايزه:خلي يتفجر اي ....اليوم ليك اسبوع مسكر راجلك محاش ولا سأل شنو القصه؟
ياقوت:خلاص بنطلق امي ...معش في نصيب مع بعض
فايزه:ضحكت ....والله ياروح امك؟؟؟؟ناقصه اناااا
يكفي اختك يلي جتني مطلقى بعد شهور
تبي تزيديني حتى انتي مسكرتيش ال3شهور قاعده عروسه؟؟
ياقوت:ماسكه نفسها....هوا معش يبيني
فايزه:كلمممميه ونقي عليه
ياقوت:فصلت.....لاااااااا
معش نبيه حتى انا ياسر من المذله يلي معيشتيني عليها من صغري 💔
خلااااص ميبينيش ربي معاه مش مجبور فيا ولا انا مجبوره نتلصق عليه خلاص يكفي ....وناضت
فايزه:مشاء الله والله مشاء الله بدت حتى ترد في الكلام الله يبارك
_____________________________
انس:مقعمز في الصاله ....يا حفيدة فرعووووون امتى تبي الحجز اما يوم ؟
نهال:تغسل في الماعين ....يوم الاثنين ياحفيد المختار
انس:عيونه في التالفون يحجز...مرتي لسانها طويل
نهال:نسمع فيك ره
انس:كبر الودان وراثه من خوتك الله يبارك
نهال:ضحكت ...طبعا يا فالح
_______________________________
مالك:درس قدام الحوش وكل شويه يبتسم
ساجده:فتحت الروشن ....ريحتك مش قادره يا مالك خلااااص
مالك:نزل راسه ع الدومان يشوفلها ❤️
ساجده:ريحني من حركات الفرح متعك هيا ع اساس اول بيبي ليك
مالك:ضحك على اسلوبها ومسك يدها باسها....مبروك علينا❤️
ساجده:بدت تبكي
مالك:بنضرات جاده....خيرك!؟
ساجده:نحبك 😭.....لكن نكرهك توا مالك لكن والله نحبك ومش طايقاتك
مالك:يضحك😂....فتره وتعدي
ساجده:مليت 😭😭
مالك:تي ليك اسبوع بس انتي 😂😂انزلي بلا عار انزلي
ساجده:نزلت تمسح في دموعها ومالك ماسك باكو الحلويات ...خشو لي الصاله وحطو الحلويات وبدت خيريه تزغرط ❤️😂
نجمه:حي بابا عندنا عررررس بتجيب عروسه؟
مالك:ياريت
ساجده:قامت حاجبها
مالك:قام بنت وهوا يضحك ....سوجي بتجيبلنا بيبي صغير ❤️
يبدا عندك خو
نجمه:شهقت وملامح وجها اضحك😧.....حقاااا شن اسمه
مالك:امممم شنو تبي نسموه
نجمه:نسموه زرافه بابا ونبي
العيله كلها بدت تضحك
مالك:لالا هاذا اسم حيوان
نجمه:امممم انسموه شنو باهي
مالك:شنو شنو شنو شنو....انسموه شهاب❤️
وانتي نجمه
نجمه:تصفق...اي اي اي نسموه كلاااب حلووو
محمد:ياكل في الحلويات وعيونه منفوخات من النوم....حرفيا بنتك عندها مشكله مع الاسامي
مخريه وصدرها وكلاب شن هاذا
نجمه:نقول لي بابا على البنيه يلي كلمتني في التالفون وقال يا وخيتي سلمها وانت قتلها ياحبي
محمد:تصبحو ع خير....خنب طرف بكلاوه وركب 😂😂
مالك:وجع بنته ع الارض وهوا يضحك ....يالله انا طالع متبو شي!؟
جميله:تبخر....سلامتك ولدي شوف مرتك كان خاطرها في حاجه
مالك:تبي حاجه يا مرتي ؟
ساجده:اطلع من قدامي بس
مالك:طاع من الحوش وهوا مبتسم على حركاتها
________________________________
احمد:والله منعرف حده انصل بيا الصبح قالي تعالا وجيب جدك مفهمت شي
فرعون:تنفس بعمق....ضاع مني مالك💔
احمد:متقولش هكي ...يلي مر بيه مش ساهل ولازم ياخد وقت باش يتقبلك
يلي درتوه مش شويه
فرعون:ساكت
فجآه وصلت الشرطه ونزلو الاثنين
مالك:درس سيارته ونزل يشوف لي الزحمه يلي صايره
قرب فرعون ونصدم من المنضر يلي شافه
مختار طالع من الحوش والكلبشات في يديه 💔
وراه سدره وكانت واضحه ان هيا مسلمه نفسها 💔
عيلة مختار تاااااامه مصدومين من الخبر والقصه يلي سمعوها
فايزه افمى عليها💔متوقعتش ابدا ينكشف السر هاذا بعد سنين
قرب شرطي من فرعون...استاذ خيري؟؟
ملقب بي فرعون صح؟
فرعون:هز راسه
الشرطي:محتاجينك شوي لتحقيق ياريت تتفضل معانا
ااحمد:انا بنرفعه بي سيارتي وراكم منبيشي يركب سيارة الشرطه
الشرطي:تمام مش مشكله
مالك:قرب منهم....علاش تبوه؟
الشرطي:في القسم حيعرف كل شي
احمد:تمام ...هيا جدي
فرعون:قرب من مالك وعيونه يلمعو💔....ممكن نكون غلطت في حقك هلبا
مالك:خليتني نتعاده انا وخوي وكنت بنقتله وانت موقفتنيش 💔
فرعون :صح .....حرمتك من عيلتك وارتكبنا غلط انا وولدي الله يرحمه
لكن حط في بالك انا وياه حبيناك اكتر من اي حد في الدنيا
حب مستحيل يعطيهًولك بوك الحقيقي !
مالك:جت عينه على مصطفى(يكون بوه)
فرعون:سيب مالك وركب السياره مع احمد
مصطفى:كان يشوف لي مالك مصدوم 💔
مالك نفس عيون بوه ونفس عيون عبدو ال3كانو يتشابهو في الشعر ولون العيون 💔
وقف مصطفى ساكت مش عارف شنو يحكي !!
الولد يلي طول عمره كارها لان من عيلة فرعون يطلع اليوم ولده !!
عبدو:ان شاء الله نكون رديت حقهم يلي توفو حتى شويه بي معاقبة جدي !
مالك:خدي نفس....متوقعتش ادير هكي !
عبدو؛حسب رايك صح نسكتو على زوز جرايم زي هاذي!؟
سدره جت واعترفت بي كل شي وجدي منكرش وهاذا يلي خلاني نطلب الشرطه
مالك:بنضرات جاده.....تصرف كويس بالك يرد الاعتبار حتى شويه
عبدو:ماسك جرحه بيده.....مد يده الثانيه لي مالك
خوت؟؟
مالك:شاف لي يد عبدو مده طويله تردد هلبا ولما عبدو فقد الامل وجي بينزل يده مالك مسكها وسلم عليه❤️....خوت ❤️
عبدو:ابتسم وحضنو بعض ❤️
مالك:جرحك قاعد جديد خش ارتاح
عبدو:اموري طيبه مدور شي ....اءء لو
لو تبي تجي هنايا نجهزاك دار
مالك:ابتسم....لالا
منقدرش نسيب العيله مهما كان امي واختي مش شرط يكونو بي الدم
بس مره مره نجي ندير عليك دوره هنايا
عبدو:ابتسم❤️واحلا من يدير دوره
خش اشرب قهوا معاي وبعدين روح
مالك:يكت وكان متردد
عبدو:متردنيش
مالك:تمام....وخش معاه
خش مالك سلم ع الكل والعيله كلها وصلها الخبر
سلم على سلوى المصدومه وبنتها سيرين المتزوجه وسلم على يسرى وياقوت خواته وكانو مش مستوعبين الفكره !!
سلم على عمه اب ساجده وسلم على بوه 💔
مكانش في اي مشاعر بينهم ابدا مصطفى قاعد مش مستوعب يلي صار والاعترافات يلي سمعها !
عبدو:كان يدير في جهده كله للهدرزه مع مالك عشان يتأقلم معاه ومالك كمل معاه ومحاولش يصده❤️❤️
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
كملت الامور على خير❤️
رغم كبر سن سدره ومختار لكن القانون متهاونش معاهم بدات بي الاعتراف كاااامل 💔
وحكمو عليهم !
قعد عبدو ماشي جاي على حوش فرعون يحاول يختلط بي مالك يبي يمسح ماضي العداوه بينهم ونجح في الشي هاذا بدو احفاد فرعون يتقبلو فيه❤️
بسبب كلللللل القصص والمناسبات هاذي قرر فرعون يدير عشاء كبير يعزم فيها خواته وعياته وعيلت المختار كامله ❤️
صارت العزومه والزحمه بس المره هاذي غير ❤️
كانت فعلا النفوس نضيفه من داخل ❤️
ضحكهم واصل لعند برا ومالك يدكر في كلام ساجده وقعد يتعامل معاهم كويس بدات لما عبدى تغير180درجه
___________________________
كانت العيله كلها مجتمعه❤️
ساجده راقده ع الجلسه وجها اصفر وكان الوحم متاعها واعر هلباااا
نهال يد بيد مع امها في المطبخ والامور تمام عادا فايزه يلي كانت طول الوقت ساكته مكسوره وبس💔
كلهم جو لي حوش فرعون الحلويات الوالعصاير والماكله والضحك سيرين جت ومعاها ولدها❤️
يسرى طلعت من كئابة الطلاق يلي هيا فيها
عادا شخص واحد قعد في الحوش بروحه💔
حزين وخاطره مكسور
ياقوت:مقعمزه ع السرير فاتحه التلفزيون تاكل وتبكي على حضها
اليوم سكرت اسبوعين ونص واحمد مجاش 💔
ولا سأل عليها اصلا واضح ان خلاص ناوي يصدمها بي ورقة الطلاق في اي لحضه !!
__________________________________
وسط الرجاله والهدرزه خشت نجمه تبكي بي العبره كأنه في حد ضاربها
خشت تحري المربوعه وارتمت في خضن بيها لدرجة كلهم سكتو يسحابوها ضاربينها او شي
مالك:خيرك؟؟؟
نجمه:يابابا حتى مخريه طلعت متزوجه جدي 😭😭راهو
نوسه متزوج نهال وانت متزوج سوجي انا منو بنتزوج
كلهم قعدو يضحكو ومالك سخن مع بعضه
مالك:الله يلعنك يابنت الكلب
نجمه:تمسح في دموعها....حشاك يابابا
محمد وانس فشلووووو بي الضحك لين معش قادرين يتنفسو خلااااص
عبدو:انا نتزوجك تعالي
نجمه:نزلت راسها ع جنب ...حقا
عبدو:اي شوفيني ها ....عيوني زي عيون بوك
نجمه:بابا احلا لكن حتى انت حلو
مالك:شاف لي عبدو....صايعه يا وخي ما عندي ما نديرلها
نجمه:نزلت من حضن بوها لي عبدو وبدت عاد في فضايح العيله وعبدو من الضحك لين جرحه بدي يوجع 😂😂
______________________________
طق طق طق
ياقوت:فتحت الباب وعيونها منفوخاااات من البكي
احمد:قام راسه
ياقوت:قلبها طاح لما شفاته....شن تبي ؟
احمد:يشوفلها وساكت
ياقوت:متعب روحك عشان تتأمل في خليقتي بدون ما تتكلم !!؟
احمد:نحبك💔.....متسألينيش كيف الحجات هيا منفهمش فيها لكن نحبك
تعودت عليك الحوش معش قدرت نقعد فيه بلاك
معش قدرت نشد روحي اكتر من هكي
ياقوت:بدت تبكي وصوتها معصب....والله ؟؟؟
اكتر من هكي؟
ليا اسبوووعين ملوحه في حوش بوي حتى مسج لا
وتوا جاي ترضي فيا بي كلام رخييييص نسيت الكلام يلي قلته ليا!!؟
برا دورلك وحده رزينه حبها الخفاف ميمشوش معاك ان شاء الله تجيك رزينه وادس في قلبها وخبيثه.....وقربعت الباب وقعدت تبكي
طق طق طق طق
ياقوت:فتحت الباب ....هاااا
احمد:اسف💔اسف خلاص نعترف
معمريش تأسفت لي حد لكن اسف!
ياقوت:برا صرفها واشري بيها ذبله لي الرزينه يلي بتاخدها....وقربعت الباب في وجها
طق طق طق
ياقوت:فتحت من جديد
احمد:يعني نروح؟
ياقوت:سكتت
احمد:معش تبيني؟معش نقدر نصلح شي!؟
ياقوت:لا طبعا بنروح معاك كنت نفش في غلي
حضناته وحق ربي مزال تقولي حتى كلبه لما نطلب الطلاق
احمد:ابتسم حاضر
ياقوت:بعدت وعطاته كف .....وهاذا الكف يلي ضربتهولي
احمد:سكر عيونه وهوا متحمل ....معاك حق
ياقوت:غمرت راسها في صدره❤️....محلا دينمك استاحشتك🥺❤️
احمد:ضحك....وبدينا في الهبال
  • وربي مفي واحد مستاحش زيني ❤️
________________________________
انس:وانت شنو قتلها ؟
محمد:قتلها منقدرش نعيش بلاك
انس:بلاك ولا وايت😂😂
محمد:بلاك اوت😂😂😂
انس:(ضحك بدون سبب)😂😂😂
محمد:(ضحك بدون سبب)😂😂😂
انس:جديات البنت شن صار
محمد:البنت اسمها نوره...مليحه وعجبتني لنم
كلمتها اولامس قالت انها مرتبطه
محمد:اووو شيت
انس:حضي زي محض مالك 💔
بعد السنين هاذي كلها يطلع من عيلتكم الخامره
انس :اي والل....😨😨😨عيلتي ياوسخ
محمد:نبصر😂😂😂😂
المهم قررت نكملها سنجل وانت عايش في النكد مع روجتك
محمد:مع اختك
انس:قاعد نحس فيها سبه💔
محمد:😂😂😂😂😂😂
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
كملت العزومه والكل روح راضي ❤️
عادا فايزه يلي مسكت ولدها ع جنب وبدت معش سكتت
فايزه:بعد كل يلي داره فيك قبل راضي تحط يد.....
عبدو:بعد يلي درتووووه انتم فيه تقصدددي!!!
ياسر من صغرنت معيشتينا في حقد وغل وتعبي في روسنا يكفي !
فديت من نفس الكلام وهاذا خوي ومعش تدخلي بينا كل ما ندكر يلي درتيه وانك حاولتي تقتليه وهوا عمره دقايق نكرهك
فايزه:كل شي درته عل خاطرك انا💔
عبدو:غللللللط غللللط مش بي القتل والكذب وتباعدي الولد على عيلته!!.....وشوفي ربي وين رفعه وعيلة منو يلي رباته ....يكفي خلاص
بالله عليك.....وطلع وسيبها
انهارت فايزه تبكي
اما عبدو اتجه لي الشقه يلي روحه فيها❤️
استاحشها استاحش كلامها عطرها حنينها عليها
رغم ان صحته متسمحلاش يسوق لكن قاوم وطلع
__________________________________
سكينه:واقفه تصور في رجاء وهيا تحط في الصابون قدام غرفة ساجده عشان لما تطلح تزلق واطيح من الدروج ويطيح البيبي
كملت رجاء سكرت سكينه الفيديو ومسحت الصابون ونزلت واول ما جي مالك ورتله😂😂😂😂
وطبعا ساجده راقده متعلم بي شي
_____________________________
وصل عبدو لي الشقه فتح بي النفتاح وينادي
هبه❤️
هببببببه وينك؟؟
خش للحمام والمطبخ وغرفة النوم بس ملقاهاش
ملفي شي لا ملابسها ولا اي شي غير ورقه مكتوب فيها
منعرفش امتى رح تذكرني وتجي تسأل عليا بس اكيد رح نكون مهناش !
حبيتك هلبا بشكل مش طبيعي وتحملتك وتحملت كلامك سنين
كسرتني وصدمتني لما عرفت انك بتتزوج وكسرتني اكتر اما عرفت ان زواجنا كان مزور💔💔💔
معش تحملت نقعد اقتنعت نتشرد ولا حياة الذل والحرام معاك!
ساعدني مبشر وكان يبي يستر عليا وانا وافقت❤️
انا مسامحتنك
ياربت تخليني في حالي ومتحاولش ادور عليا في اي مكان !
وربي يوفقك مع مرتك ....هله
عبدو انهاااااااااااار جاته نوبة هستيريا لما تخيل انه خلاص معش بيشوفها كان يموت فيها بس مكانش حاس بي الشي هاذا
طول الوقت فاهم انها ليه وبس 💔لكن دارتها هبه وخلاته💔
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
بعد مرور وقت طووووووويل 💕💕💕💕
ساجده:طالعه من المطبخ ماسكه صونيه فاضيه وبطنها كبيره قدامها .....نجمه نجمه ارفعي لي بابا بنتي
نجمه:به.....وطلعت تجري
طلعت ساجده وكانت ياقوت ونهال مقعمزات يغسلو في البطن
وسكينه معاهم
ياقوت:حبيبتي انا ونهال حوامل يا ماما ره زيك تعالي مدي يدك
ساجده:تكبر بطنك وحاضر معش تمسي شي
ياقوت:اخخخ متحممممسه تكبر بطني 😭😭
نهال:الحمد الله على نعمة العقل
نجمه:ماما عمي عبدو جي قالك بابا تعالي عيدي عليه
ساجده:حطت الغطاء ع راسها وطلعت
عبدو:وين محمد؟
مالك:هوا وانس قارنين روسهم زي العاده
عبدو:😂😂😂😂
ساجده:اهلين عبدو كل عام وانت بخير
عبدو:وانتي بخير ينعاد عليك يارب
ساجده:الله يسلمك كيف العيله غادي
عبدو:اخخخ كله على راسي ذبح والدنيا عارفه بوكي وعمك خدو ع التنبله
وانس تقول ولدكم عاد
ساجده:ربي يعاونك😂😂
مالك:نادي سكينه تجيب الشاهي
ساجده:حاضر هي....وخشت
عبدو:اختك يسرى خطبوها ناس
مالك:يمسح في راسه من العرق....عيت منو؟
عبدو:الهاني
مالك:تعالا تغدا وتو نديرو دوره عليهم نسألو ويصير خير
عبدو:كان حاس داخله بي سند كبير ❤️
نجمه:يابابا واااااااك تعالالهم😭😭😭😭😭
مالك:خيرك🤦🏻
نجمه:نوسه وحمودي خدو حلوتي
عبدو:صغار منو هاذم؟
مالك؛هاذا واحد متزوج والتاني اطول مني
احمد:ضحك....يحكي ع انس ومحمد 😂
مالك:فتح الباب لقاهم الزوز راقدين في المكيف ماسكين تالفوناتهم وحلوة نجمه
مالك:نوض انت وياه دير حاجه
انس:شاف لي محمد...نوضي يابايره انا متزوجه باش يخطبوك
محمد:لوح عليه المخده....وربي مفي واحد مسيق الجنان غيرك
مالك:ربي يهدي 🤦🏻.....وطلع
فرعون:مالك يا مالك تعالو قعمزو هنايا
مالك:خلي النساوين ياخدو راحتهم
فرعون:تعالو هلاص خشو جيب عبدو وتعالو
مالك:به هي ❤️
__________________________________
رجعت العلاقه قنينه بين العيلتين لاول مره بعد سنينننن❤️❤️❤️
ساجده جابت ولد اسمه شهاب ونجمه بتهبل عليه
😂😂😂وزاد الحب بين سجى ومالك❤️
نهال وياقوت حملو مع بعض وحتى جيابهم كان مع بعض ❤️
ياقوت جايت ولد ونهال ولد❤️
محمد اختار يكمل طريقه سنجل لين يطيح على وجها مره تانيه وطبعا كمية التفاها كل يوم مع انس مش طبيعيه
عبدو كان. واضح على عيونه الحزن بسبب هبه ومقدرش يحب بعدها ابدا💔
كمل معضم وقته خدمه وبس
يسرى تروجت ومالك دارلها عرس كبييييير ودخلوها لي الصاله مالك وعبدو❤️❤️
رجاء من اول ما مالك شاف الفيديو وسمع ان هيا يلي تمرض في نجمه سفرها لي خالها الوحيد في تونس وقرر خلاص لعند هنايا وبسسس رح يطلعها من حياته
مختار بسبب الصدمه بدي دماغه ياخد ويعطي متحملش
حطو الشرطه في مصحه نفسيه ورغم حقارته بس ولاد متخلوش عليه❤️
يزورو فيه
اما سدره توفت بي ازمه قلبيه ....النهايه
*حاولي تبني علاقتك بي الحلال عشان ربي يباركلك فيها
احسن من تبنيها بي الحرام ويكون اساسها ضعيف في اي لحضه تنهار 💔
*بجد بجد بجد ياريت تقدر الناس يلي نحبك في حياتك وتعطيها قيمتها لان بيجيك يوم مش وح تلقاها جنبك 💔
وقتها بس تعرف قيمتها ومش حتقدر ترجع كل شي زي ما كان
*الاخوه احلا حاجه في الدنيا❤️
لما ربي يعطيك خوت حافض عليهم ومتخليش تفاهات الدنيا تخش بينكم
خليكم على قلب واحد وكلمه وحده❤️
*كوني حذره في حياتك ومتغلطيش غلط يدفع ثمنه صغارك في المستقبل💔🔥
*مهما كانت في حياتك مشاكل كبيره اذكري ان ربي معاك
مرات يجيك نصيب تشوفيه خلاص رح يدمرك لكن هوا يزيد يبنيك❤️
كوني واثقه في قرارات حياتك يلي يختارهالك ربي❤️
*للمره الالف صفي نيتك معش تفرقي بين اثنين عشان تفوزي بي شخص 💔
لان صدقيني كل شي رح ينقلب عليك 💔💔
خلي النصيب يلقاك متبنيش سعادتك على تعاست غيرك

تعليقات



حجم الخط
+
16
-
تباعد السطور
+
2
-
close