رواية مالكة قلبي كاملة بقلم سوسو محمد
مالكة قلبى : :
الحلقة الأولى : : :
ابطال قصتي
محمد الدمنهوري:28 سنه طويل عريض شعره اسمر اووي عينه بني بيشتغل رائد وعنده مصنع هو الوسطاني عنده أصغر منه وعنده 3 اخوات صبيان واحد مات هو ومراته في الحادثة والتاني متجوز وعايش بره عشان يدير المصنع
بطلنا بيكره الستات اووي وهنعرف بعدين ليه وبيحب اخواته اووي
. سلمي البحيري: اخر سنه ليها في كلية هندسة ميكانيكا انتاج والدها ووالدتها متوفين وليها اخ عنده 19 سنة بس محجوز في المستشفي بيتعالج عنده القلب عايشه في اوضة في العمارة بتاعت عمها بتشتغل بتروح الكليه الصبح وبعد الكلية الصبح وبترجع تروح تشتغل جرسونة في مطعم بعد الكليه مواصفتها بقي محجبه لبسها واسع بتحب البساطة اقل حاجة بتسعدها وعنيها عسلي
نور : صاحبة سلمي المقربة مخطوبة لناصر المنشاوي ابن خالة محمد
ناصر: صاحب محمد المقرب اسراره كلها معاه ورائد زي محمد نروح بقي لقصتنا وبقيت الشخصيات هنعرفها مع القصة
سلمي صحيت الصبح بدري اوضتها عبارة عن سرير وفي ترابيزة صغيرة بتحط عليها كتبها وبوتوجاز صغير في نفس الاوضة الاوضة فيها حمام صغير صحيت بطلتنا الصبح اتوضت وصلت ولبست هدومها عبارة عن بلوزة اسمر في نبيتي وچيبة سمره وطرحة نبيتي واخدت كتبها ونزلت كليتها وهي نازله قابلت عمها عالسلم
عمها: انتي يا ابلة الفلوس الي اخدتها منك الشهر الي فات مكفتش لعلاج المحروس اخوكي هو اناهصرف عليكي ولا عليه ولا علي ولادي وبيتي
. سلمي:ياعمي انا اديت لحضرتك كل الي بخده انا حتي كليتي بروحها مشي وكل الفلوس الي بخدها من المطعم او بخدها لما بطبخ للناس بديها لحضرتك
عمها: يعني انا هأكل فلوسك يعني مرات عمها خرجت علي صوت جوزها في ايه يا محمود صوتك عالي كده شوفتي يانجوي بنت اخويا بعد اما ربتها وعلمتها بتعلي صوتها عليا
.نجوي: صحيح عيلة قليله الادب نقصة رباية هو عشان ابوكي وامك معرفوش يربوكي وكانوا مدلعينك
سلمي:الدموع خلاص هتنزل من عنيها انا اسفة ياعمي بعد اذن حضرتك وهي نازلة قابلت مدام احسان
. مدام احسان: ازيك يا سلمي
سلمى : ازي حضرتك يا مدام احسان
مدام احسان: معلش يا سلمي انا عندي بكرة عزومة مهمة جدا وبصراحة صحباتي معجبين بأكلك جدا ممكن تبقي تيجي تعملي الغداء
سلمي : انا مش عارفة اقول لحضرتك ايه بس انا عندي محضرات مهمه بكرة ومش هقدر اغيب
مدام احسان: هديكي مبلغ كويس
سلمي : هشوف وارد علي حضرتك بالليل نزلت سلمي وراحت كليتها وهي داخلة
نور: اهلا بالناس الندلة
سلمي : نور وحشاني اوي واخدوا بعض بالحضن
نور: اسبوع بحاله ما شوفكيش ولا تسألي حتي
سلمي.: ما انتي عارفة ظروفي بقي
نور: ربنا معاكي يا حبيبتي ويقدرك علي عمك ده
سلمي.: يارب ويلا بقي يا فالحة عشان عندنا محاضرة لدكتور توفيق ودخلوا محاضرتهم
في ڤلة الدمنهوري بطلنا يصحي علي صوت صاحبة
. ناصر : محمددددددددد محمد: قام مفزوع الله يخربيتك حد يصحي بني آدم كده
ناصر: وانا مالي ياعم امك قالتلي صحيه بس بالراحة
محمد : امك!؟ انا مش عارف يا اخي ايه الي مصبرني عليك لحد دلوقتي
ناصر: الحب بقي
محمد : يلا من هنا ياض لقول لخطيبتك
ناصر: وهون عليك بردو ده انت الي في الحتة الشمال... الباب خبط
الشغالة : استاذ محمد ست كريمه بتقول لحضرتك يلا عشان الفطار جاهز
محمد : نازل اهو قوم بقي خلينا اخد شور
ناصر: يلا ما تتأخرش
قام محمد اخد الشاور ولبس بنطلون چينز ازرق وفوقيه قميص ابيض وچاكت بدلة اسمر ونزل باس ايد مامته وايد خالد بيه والده وقعد عالاكل واخوه ومراته قاعدين وهما بيفطروا
. كريمه: ايه يا محمد مش هفرح بيك زي بقية اخواتك
محمد :يووه يا ماما مش هخلص من السيرة دي
خالد: ايه يامحمد صوتك من امتي وهو بيعلي علي والدتك ...
محمد: انا اسف وقام باس دماغ والدته ....
محمد يلا يا ناصر عشان شغلنا
كريمة: اقعد يا بني خلص اكلك
محمد: معلش يا امي شبعت
كريمه: طب ناصر لسة مكلش
ناصر: الله عليكي يا كرمله قوليله
محمد: خلاص خليك كل وابقي حصلني
ناصر: استني جاي معاك ياعم سلام يا جماعه وربنا يصبرني علي ابنكم ده
محمد وهو خارج قابل حسني
محمد : ازيك ياعم حسني
حسني: الحمد لله يا بني
محمد :اسيل راحت المدرسة
حسني: ايوه يا بني .. بس غلبتني
محمد: معلش يا عم حسني ما انت عارف من ساعة ما كريم وايمان ماتوا وهي بقت منطويه وكلامها قليل
حسني: عارف يا بني فراق الاب والام مش سهل
محمد : هتعوز حاجة
حسني: شكرا يا بني
في عربية محمد
ناصر: ايه يا محمد انت عمرك ما كنت كده
محمد : كده ازاي يعني...الحمد لله ناجح في شغلي ..كل الناس بتشهدلي بالنجاح
ناصر :بس زهقان علي طول ما بتضحكش غير من فين لفين الدنيا ابسط مما تتخيل بس انت عيشها صح
محمد:انا كده كويس وعجبني حالي كده
ناصر: بس مش عاجب الي حواليك انت لاول ولا اخر واحد حبيبته تسيبه
محمد : سكت وقاله نااااااصر الموضوع ده اتقفل خلاص انزل بقي واصلنا محمد دخل المدرية هو وناصر كل واحد دخل مكتبه نرجع بقي لسلمي ونور
نور: اخيرا خلصنا محاضرات
سلمي: ما شاء الله قال ايه البت قاعده مركزة ده انتي كنتي مقضياها نوم
نور : اصل بصراحة الدكتور ده رغاي اووووي
سلمي: طب همشي انا بقي عشان عندي شغل
نور: طب انا طريقي من طريقك تعالي وانا اوصلك
سلمي: ماشي يلا بينا وهما ماشين
سلمي : اااه ما تحسبي
ندي : انا الي حاسب بردو انتي الي ماشية عاميية والمفروض اشكالك دي ما تبقاش هنا ايه ده
سلمي: اشكالي ازاي يعني انا احسن منك ميه مرة
ندي: هههههههه انتي ! ايه الهبل ده
نور : يلا يا سلمي سيبك منها
محمود : ايه يا موز صوتك كان عالي ليه
ندي: قال ايه البت دي احسن مني ميه مرة بزمتك يا حودة من الاحلي
محمود: سرحة بصراحة دي جامده
ندي: نعممممم
محمود : ده انت فرسه يا جميل احنا هنعيل ولا ايه نروح بقي عربية نور
نور: خلاص بقي يا سلمي كفايه عياط
سلمي: انا ما بعيطش ولا حاجة .. خلاص يانور هنا يلا سلام دخلت سلمي المطعم غيرت هدومها
سعاد : خدي ياسلمي الطلب ده لترابيزة72
سلمي: ماشي .. راحت علي ترابيزة 72 فيها2 شباب بعد ما حطت الطلب تؤمروا بحاجة تانية
شاب1: بصله بتفحص اكييييد عاوزين
سلمي: تؤمر ب ايه يا فندم
شاب2: مسك ايده عاوزينك انت يا جميل
سلمي:شالت ايده جامد ونزلت بالقلم علي وشه انت قليل الادب ومش محترم
شاب2 : انتي قد الي عملتيه ده ده انا هوريكي فييييين المدير
المدير: خير يا فندم حصل حاجة
شاب2:انتو ازاي تشغلوا واحده زي دي هنا
المدير: خير يا فندم
شاب2: حضرتها بتقولي هات رقمك ولما زهقت فيها راحت ضرباني بالقلم
سلمي: كداب والله كداااب
المدير: اسكتي انتي خالص واتفضلي خدي حسابك وامشي
المدير : اتفضلوا ارتاحوا
سلمي راحت غيرت هدومها قبلتها سندس
سندس : يعني لو كنتي سمعتي كلامهم كان حصلك حاجة
سلمي: سبتها ومشيت
نرجع بقي لبطلنا بعد ما دخل علي مكتبه قعد علي كرسيه سرحه شويه فلااااااااش باااااااااك
مايا : كده يا محمدعاوز تسيبني وتسافر
محمد : يا حبيبتي ما انتي عارفة ان انا مسافر عشان شغل عشان نتجوز في اقرب فرصة
مايا : ما انت مرتبك كويس وبعدين فلوس بباك تعيشنا ملوك بقيت عمرنا
محمد : مايا فلوس بابا ايه انتي عوزاني اتجوز ورح لبابا كل يوم وقله معلش عاوز مصروفي ومصروف مراتي فلوس بابا انسي ان اخد منها .... اما بالنسبة لمرتبي انتي تقدري تعيش بمرتبي تقدري تتخلي عن شوية من طلباتك لحد ما اكبر في الداخليه
مايا : ما انت عارف يا حبيبي ان انا ماقدرش استغني عن shopping ولا الكوافير وكمان يا حبيبي لازم اعيش في نفس المستوي انتبه محمد علي صوت العسكري
العسكري : محمد باشا منير بيه عاوز حضرتك في مكتبه
ياتري بقي ايه حكاية مايا وراحت فين!؟
رد فعل عم سلمي لما يعرف انها اطردت مش الشغل!؟
وسلمي هتعالج اخوها ازاي
الفصل الثاني من هنا
