-->

رواية مجرد حلم كاملة بقلم شيماء عبدالحميد

رواية مجرد حلم كاملة بقلم شيماء عبدالحميد

    رواية مجرد حلم كاملة بقلم شيماء عبدالحميد 


    -محمد تامر
    -يا ملك فيه مليون واحد بالاسم ده علي الفيس هتعرفيه ازاي بس
    -معرفش بس لازم ألحقه يا دنيا لازم.
    -فهميني طيب
    -حلمت بيه وشوفت الطريقة اللي هيموت بيها يادنيا.
    -ياحبيبي دي كوابيس
    -الكلام ده لو حد اعرفه ،لكن حد عمري ماشوفته قبل كدا احلم بيه ويظهرلي تعريف كامل عنه في الحلم وكمان الطريقة اللي هيموت بيها لأ ، فيه حاجه غلط.
    -حاجة اي بس؟
    -يمكن دي اشارة من ربنا عشان ألحقه
    -يابنتي افهمي بس ممكن يكون معملش اكونت فيس اصلا
    -طيب اعمل اي؟
    -اهدي شوية نفكر بهدوء ،حاولي تفتكري عنوانه ، اي معلومه من ملف التعريف اللي شوفتيه بالحلم.
    فضلت تفكر خمس دقايق
    -ايوه افتكرت حاجه مهمه
    -اي
    -هو دكتور ، لاحظت في الملف مكتوب قبل اسمه دكتور
    -طيب يلا نجرب.
    طول اليوم بتبحث عنه علي الفيس بوك بس ملقتهوش في اي اسم من اللي ظهروا ، تعبت من البحث وقررت تقفل الفيس وتنام ،قبل ما تقفل جالها طلب مراسلة بس مفكرتش تفتحها لأنها في العادة مش بتفتح رسايل الازر ونامت.
    **************************
    -بلاش تسافر يابني قلبي مقبوض اووووي.
    -مالك يا امي بس هي دي اول مره اسافر فيها يعني.
    -لا بس دى اول مره اقلق كدا.
    -ياحبيبتي انتي طول الوقت قلقانه عليا وقلقك ده غير مبرر.
    -انت شايف انه غير مبرر يعني؟
    -ايوه
    -اربع محاولات قتل وتقولي غير مبرر ،فاضل اي تاني عشان اخاف عليك.
    -مجرد صدف يا امي مش أكتر ، مين هيكون عايز يقتلني يعني ،احنا ملناش اعداء وفي حالنا.
    -مش عارفه يابني ، بس اسمع مني وبلاش سفر المره دي.
    - ده مؤتمر مهم يا امي وهيناقشوا فيه علاج جديد لمرض السرطان وانا دكتور ولازم احضر
    -هترجعلي تاني ،صح؟
    -عندك شك اني اقدر ابعد عنك يعني؟
    -ربنا يحميك يابني
    -يلا بقا الحق الطيارة
    -مع السلامه.
    ***************************
    اول ماصحيت قررت تفتح الفيس تاني وتدور علي الاسم بس ملقتهوش برضو ،فيه ملايين بنفس الاسم لكن ملقتش صورته في اي حد فيهم ، حست بيأس وكانت هتقفل فجالها اشعار بطلب مراسله ،مهتمتش برضو وقفلت ،قررت تكلم دنيا وهي بتتصل خدت بالها من اسم طلب المراسلةMo-tamer) استغربت الاسم بس قررت تفتح المسج ، وصلها منه رسايل كتير قبل كدا بس مكنتش بتفتح رسايل الازر اصلا ، اول مسج كانت من شهرين
    'مساء الخير ،اسف جدا اني دخلت اكلمك بدون أذن بس بعتلك ادد وتقريبا معلق ، انا شوفت ردود حضرتك في الكومنتات علي جروب مرضي السرطان مع دكتور خالد ، من ردود حضرتك جاتلي فكرة علاج جديد للمرض ده وقررت اعمل بعض الابحاث عليه بس محتاج مساعدتك'
    المسج التانيه كانت بعدها باسبوع
    'مساء الخير ، انهارده بدأت في الابحاث بتاعتي واكتشفت اني ماشي صح جدا ولسه محتاج مساعدتك'
    المسج التالته كانت بعدها بشهر
    ' خلصت الابحاث دي وللاسف بدون مساعدتك ، ومسافر بعد اسبوع اعرضها في مؤتمر طبي ، اتمنيلي التوفيق'
    اخر مسج كانت من ٩ ساعات
    'مساء الخير ، انا خلاص مسافر الصبح لحضور المؤتمر ، انا عرفت انك اخصائية تمريض ،عرفت ده من معلومات الاكونت بتاعك ، المهم حبيت اقولك ان لو البحث بتاعي اتقبل هيبقا بسببك لأن الفكرة فكرتك وانا كتبت اسم حضرتك في البحث ولو العلاج حقق نجاح فعلا هتكوني السبب في ده ، اتمنيلي التوفيق
    -دكتور محمد تامر'
    كانت بتقلب في الرسايل بجنون ،فتحت الاكونت بتاعه وشافت كل صوره اللي عليه واتأكدت انه نفس الشخص اللي حلمت بيه وعرفت من اخر بوست عنده ان مسافر امريكا وطيارته بعد ساعه ، حاولت تتمالك اعصابها واتصلت بدنيا.
    *************************
    -دكتور محمد
    -دكتور عامر ،اهلا
    -خلاص مسافر ؟
    -طيارتي بعد ساعه ،بس كان لازم اجي المستشفي الاول واشوف حالة المريض اللي عندي.
    -اتمنالك سوء الحظ
    -هاااا
    -قصدي اتمنالك التوفيق
    -القلوب عند بعضها يادكتور
    مشي محمد وركب عربيته للمطار
    'مش هسيبك يامحمد ، انت سرقت مني حلمي ومكانتي ، انا اللي كان لازم اكون مكانك دلوقت مش انت ،انا المفروض اكون اشهر دكتور في البلد مش أنت ، وانا اللي كان المفروض اكون الاول علي دفعتي السبع سنين مش انت ، لازم اخلص منك بأسرع وقت'
    *******************
    -لقيته يادنيا
    -بجد
    -طيارته بعد ساعه ،مفيش وقت لازم ألحقه.
    ركبوا التاكسي ومشيوا
    -قوليلي طيب هيموت ازاي؟
    -مش هيموت انا هلحقه ،لازم الحقه.
    -اقصد في الحلم يعني.
    - الفون بتاعه مش لازم يتقفل ،مجرد ما الفون يدي انذار بالقفل هينفجر ،وطبعا قبل مايركب الطياره هيضطر يقفله ،فلازم ألحقه قبل مايقفله.
    وصلوا المطار وكان فاضل عشر دقايق بس علي معاد الطيارة.
    نزلت جري وكانت بتدور عليه وسط الناس بجنون ، بس ملقتهوش ،تم الاعلان ان الطائرة ع وشك الاقلاع ، فضلت تعيط بهستريا وكانت خلاص فقدت الامل انها تلحقه😭😭
    -يلا ياملك ، هو اكيد ركب الطيارة وقفل فونه من زمان يعني دي مجرد كوابيس زي ماقولتلك
    مشيت مع دنيا وهي خارجه خبطت في شخص
    -مش تفتح
    -اسف والله بس مستعجل جدا والطياره هت....
    -هو انت؟😮

    إرسال تعليق

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .