رواية قصة فرح وجاسر (ترويض الشرس ) الفصل السابع
الحلقه السابعه
ظل الوضع كما هو فرح تتجاهل جاسر وعلاقتها بالكل جيدة الا انه كثيرا ما يجد شريف ينظر لها خفية حاول كثيرا ان يصلح ماحدث ولكنه فشل
رن هاتف فرح وهى معهم:الوو ميكو ازيك بخير انت عامل ايه ..... انا الحمد لله تمام..... والله امتى ..... طيب ما تيجوا هنا اودام الشاليه ..... لالا متخافش..... اوكيه هستناك
انهت المكالمة وجدت جاسر خلفها:بتكلمى مين
فرح:ميكو فى حاجة
جاسر:فى حاجات انتى ملكيش راجل تستاذنئى منه وانتى بتكلمى راجل غريب
فرح:اظن انا قلت معدش حاجة تربط بينا ثم ده شغل
جاسر:شغل شغل ايه
فرح:ابدا هيعملوا حفلة وانا هعمل الديكورات بتاعة المسرح
جاسر:ومين وافق على كده قولتيلى انك هتعملى كده
فرح:مش مهم تعرف انا حرة بااى
امسك ذراعها:فرح بلاش تحدى انتى مش ادى
نظرت اليه بتحدى:انا اد اى حد ومفيش حد هيقف فى طريقى وانا مدام قلت هعمل الديكورات يبقى هعملها وموضوع وانتهينا منه انا خلاص مبقتش مراتك انسى بقى
تركته وغادرت وهولايصدق اذنه اهذه فرح الطفلة البريئة تتحداه ترفضه
كان شريف يتحدث مع ندا :ندا متعرفيش انا فرحان ازاى اتاكدت ان فعلا جوازهم على ورق...... ايوه كل واحد لواحده فى اوضة وفرح ديما بتتجاهله..... انا هحاول اكلمهاتانى عشان اتاكد اكتر.... اوكيه سلام
كان هناك شخص يستمع اليه دون ان يشعر به انه رامى سمع كل حديثه ذهب الى غرفة جاسر
جاسر:ادخل .... تعالى يارامى
رامى:ابيه عايز اقولك حاجة
جاسر:قول ياحبيبى فى ايه
تردد قليلاثم قص عليه حديث شريف وندا وما ان اكمل حديثه حتى قام من مكانه بغضب
رامى انت متاكد من الكلام ده
رامى:ايوه والله انا سمعته بودنى
جاسر:بقى كده ياشريف الكلب انا كنت حاسس
رامى :طيب هتقول لفرح
جاسر:ها اه بس بقولك ايه اوعى تقول لحد ولاحتى ريم سمعنى يارامى
رامى:حاضر بس ممكن اقولك على حاجة
جاسر:قول
رامى:بلاش تسيب فرح دى بتحبك اوى
ابتسم جاسرلاخيه الصغير وقبله :متخافش مش هسيبها حتى لو اخر يوم فى عمرى
انتهت فرح من ديكورات الحفل الخاص باصدقاؤها حضر عمر
غاضبا التف الجميع اليه
سعد:فى ايه ياعمر
عمر:مشكلة كبيرة رجل الاعمال اللى كان هيبقى راعى الحفلة اعتذر يعنى كل حاجة هتوقف لحد مانلاقى غيره
فرح:ازاى ده مفيش عقد بينكم
عمر:لا قال هيشوف شغلنا اول وبعدين يقرر وبعد ماوافق رجع تانى وعايز ياجل الحفلة
فرح:طيب ايه المطلوب دلوقتى
سعد :المطلوب ان فى حد يراعنا عشان الاعلانات ومصاريف الحفلة
فكرت فرح قليلا:سيبوها على ربنا وهو هيحلها
عادت الى البيت وجدت شريف وحده:ايه فين الجماعة
شريف:رامى وريم بيتمشوا وجاسر بره
همت ان تخرج:ايه رايحة فين يافرح
فرح:معلش هستنا بره
شريف:ليه خايفة منى
فرح:واخاف ليه بس مينفعش نقعد لوحدنا
شريف:ايوه بس احنا ناس كبيرة وناضجة مش صغيرين ولا ايه
فرح:برضه ميصحش عن اذنك
وقفت تنظر للبحرشاردة حتى سمعت صوت خلفها:مش خايفة من البحر
التفت وجدت جاسر خلفها:واخاف ليه مفيش احسن من البحر
جاسر:ايه اخبار اصحابك ايه
فرح:كويسين.... جاسر ممكن اطلب منك طلب
ابتسم جاسر:تحت امرك
فرح:هو انت ممكن تيقى راعى للفرقة دى
جاسر:يعنى ايه مش فاهم
شرحت له كل شئ بخصوص الامر
جاسر:هو ممكن بس برضه لازم اتاكد منهم
فرح:يعنى ايه...... جاسر:يعنى اسمع صوتهم اتاكد انهم ملتزمين مفيش بينهم مشاكل
فرح:لالاانا اضمنهم
اقترب منها:طيب والمقابل ايه
تراجعت للخلف:قصدك ايه
جاسر:قصدى مش هترضى عنى بقى
فرح:جاسراظن اتكلمنا كتير قبل كده
جاسر:خلاص دورى على حد غيرى
فرح:على فكرة دى مش اخلاق
التف اليها فجاة:بتقولى ايه
فرح بثقة:ايوه لما ممكن تساعد حد بايدك مساعدته وترفض تبقى مش اخلاق واما تبقى عايز مقابل برضه مش اخلاق
جاسر:وانا هستفيد ايه من فرقة زى دى
فرح:كتير اولها الاعلانات ليك ولشركاتك وانت مش هتخسر كتير بس هما محتتاجين الفرصة دى عشان يبداو حياتهم وعلى فكرة انا ممكن اروح لاى حد من رجال الاعمال ومتاكدة انهم هيوافق
جاسر:اه عشان احبسك ومخلكيش تشوفى نور الشمس ابدا
فرح:ده على اساس ان احنا فى سجن ولا معتقل انا حرة وانت اللى بدات تركته ورحلت امسك يدها:خلاص انا اسف واللى انتى عاوزاه هعمله عشان خاطرك بس عايزاسالك سوال
فرح:خير
جاسر:انتى قولتى لشريف ان احنا مش متجوزين
فرح:يعنى ايه مش فاهمة
جاسر:يعنى اتكلمتى معاه فى حاجة تخص حياتنا قبل كده
فرح:لا طبعا وانا اتكلم مع راجل غريب فى حاجة تخصنى ليه
جاسر:ابدا مجرد سوال بس خدى بالك شريف بيحاول يلف عليكى عشان نتطلق وانا مش هسمحله بكده فاهمة
فرح:ومين قالك ان احنا مش هنتطلق
جاسر:فرح بلاش تجيبى سيرة الطلاق تانى لانه مش هيحص غير على جثتى وبكره خلى اصحابك يجوا عشان اتفق معاهم
تركها وغادر تشعر بسعادة وخوف فى نفس الوقت
سعادة وهى تتاكد انه مازال يحبها ومتمسك بها وخوف من شريف
اليوم التالى اتى اصدقاء فرح بعدما اعلمتهم ان جاسر سيكون الراعى لهم
جاسر:انا موافق على طلباتكم واللى انتم عاوزينه انا هعمله
ابتسم الجميع فرحا بحديث جاسر
اعدوا الحفلة وكان شئ جاهز ومعد لكل شئ وحضر الجميع وكانوا سعداء بالحفلة
اليوم التالى كان جاسر مع احد رجال الاعمال يتحدثون فى التشطيبات الخاصة بالقرية السياحية سمع صوتا من خلفه ينادى
جاسر
التف وجدها امراة فى العقد الثالث من عمرهاعندما راها شعر بخنجر يجرح قلبه انها{ اروى} حبيبته السابقة
اروى:جاسر معقول مش مصدقة
جاسر:اهلا وسهلا ازيك
اروى:كويسة انت عامل ايه
جاسر:الحمد لله تمام بعد اذنك
اروى:جاسر استنى شوية عايزة اتكلم معاك
جاسر:خير
اروى:جاسر انا عارفة انى غلطت فى حقك كتير ونفسى تسامحنى ونرجع زى بعض انا بقالى اكتر من شهر بشوفك ونفسى اكلمك ومش قادرة
جاسر بنفاذ صبر:والمطلوب
اروى:ولا حاجة عايزة اقعد معاك ممكن
اعتقد انها وسيلة جيدة لاثارة غيرة فرح وان تعود اليه مرة اخرى
جاسر:اوكيه
اروى:طيب اتفضل نقعد هنا
دقت الساعة الثانية صباحا ولم يعود جاسر الى الان كانت تشعر فرح بالقلق عليه فهذه ليست عادته
راته قادما مع فتاة يتحدثان سوياويضحكون وراته يودعها فى الشاليه المجاور لهم كانت الغيرة تاكل قلبها عندما راتهم سويا ولكنها حاولت ان تتماسك رفع جاسر راسه وجدها تنظر اليه
ابتسم وودع اروى التى وبالصدفة تسكن فى شاليه مجاور لهم
دخل البيت وهو يغنى وصوته عالى كانه يحاول يثبت لفرح انها لاتهمه
حاولت فرح التحكم فى اعصابها حتى لايظهر عليها شئ من الغيرة
اتى عليهم الصباح واردات فرح ان تثير غيرته مثلما فعل كان
شريف يجلس امامها ينظر اليها خلسة وهو لايدرى ان جاسر يراقبه هو الاخر
شريف:ايه يافرح اخبار الفرقة ايه
فرح:كويسين اوى ماشاء الله عملوا شغل هايل الفترة اللى فاتت
ريم:فعلا صوتهم حلو اوى وحركتهم كمان كانهم شخص واحد
ظل جاسر صامتا حتى رن هاتفه
الوو.... ايوه ياجميل بخير انتى فين.... طيب تعالى افطرى معانا..... لالامفيش ازعاج تعالى
ريم:مين ياجاسر
جاسر:ابدا واحدة كانت معرفة وقابلتها امبارح بالصدفة
بعد قليل حضرت اروى بكامل زينتها التى حاولت اظهارها لتثيرجاسر
جاسر:اهلا يااروى اتفضلى
تذكرت فرح هذا الاسم عندما نطقته ناهد وهى تحدثها عن سبب عصبية جاسر
شريف:اهلا اهلا اتفضلى مش تعرفنا ياجاسر
جاسر:اروى معرفة قديمة ونظر لفرح يستفزها
فرح:اه قديمة اوى
اروى:مش تعرفنا ياجاسر انا عارفة ريم ورامى طبعا
جاسر:وده شريف ابن خالتى ودى....
قاطعته فرح:بنت عمه
نظر اليها جاسر ولم يتحدث :اتفضلى
جلست معهم بملابس ضيقة جدا كانت ريم ورامى وفرح يشعرون بالغضب من وجودها
حتى قامت فرح من مكانها:عن اذنكم
خرجت الى البحر حاولت ان تتماسك وان لاتعلق على شئ وجدت شريف خلفها:مالك يافرح
فرح:ابدا مفيش
شريف:بس ان شايفك مضايقة مين مزعلك
رات جاسر ينظر اليهم فابتسمت لشريف:لالامتخافش عليا محدش يقدر يزعلنى
ظلوا هكذا وجاسر ينظر اليهم حتى قاطعته اروى:جاسر هى بنت عمك بتحب ابن خالتك
ظلت فرح مع شريف يتحدثون وعيون جاسر تراقبهم بغيرة شديدة نادت عليه اروى:
جاسر
ها ايوه فى ايه يااروى
اروى:ابدا شايفاك مهتم اوى ببنت عمك دى
جاسربسخرية:حقى
اروى:يعنى ايه مش فاهمة
جاسر:يعنى مهتم بيهالانه...... مراتى
اروى:ايه مراتك
جاسر:ايوه مراتى وحبيبتى واغلى الناس عندى
اروى:ازاى ازاى مراتك
جاسر:ايه هو اللى ازاى مراتى غريبة ولا ايه
اروى:ايوه بس انا كنت فاكرة انك.....
جاسربسخرية:انى ايه لسه بحبك
اروى بتردد:ايوه
ضحك جاسر بشدة:انتى مجنونة انا احبك انتى طب ازاى اتجننت عشان افكر مع واحدة خاينة زيك
اروى:انا خاينة اومال الست هانم دى تبقى وهى سيباك ووافقة مع ابن خالتك
صفعها على وجهها وامسك شعرها العارى بيده
دى اسمها ميجيش على لسانك انا مراتى اشرف منك ومن مليون واحدة زيك متجبيش سيرتها على لسانك والا بشرفى هوديكى وراء الشمس يااروى
نظرت اليه بغضب:ماشى ياجاسر ماشى
تركته ورحلت وهى مليئة بالغضب
صرخ جاسر باعلى صوته:فرررح
ارتعشت من صوته وراته قادم نحوهاوعيناه تشتعل بنار الغضب
شريف:فى ايه ياجاسر
امسك يدها:تعالى معايا
فرح:ايه على فين
جاسر:قلت تعالى معايا
شريف:ايه ياجاسر ايه اللى حصل مش عندك ضيوف مالك بقى
رفع اصبعه فى وجه شريف محذرا:ملكش دعوة بيا ولا بمراتى سامعنى ياشريف ملكش دعوة بفرح
اخذها من يدها وهى تحاول الافلات:سيب ايدى فى ايه
اتجه بها الى غرفتهم وادخلها عنوة والقاها فوق السرير واغلق الباب بالمفتاح
تراجعت فرح:ايه ياجاسر عايز ايه
جاسر:انا لو عايز محدش هيمنعى
فرح:طيب فى ايه
جاسر:فى ان اللعبة معدتش تنفع انتى عايزة ايه يافرح انا عارف ومتاكد انك بتحبينى عايزة تعلمينى الادب اه انا غلطت بشكى وعصبيتى لكن انتى كمان غلطتى اما اخدتى شريف وسيلة انك تخلينى اغير عليكى وانتى عارفة كويس غيرتى عليكى ازاى
فرح:انت السبب مفيش عندك تفاهم كل حاجة عصبية وشك من غير سبب كان هيحصل ايه لو تتفاهم معايا لوحسيت انى غلطت تفهمنى تعرفنى غلطى مش تشك فيا وخلاص بس خلاص انا مش هستحمل تانى
جاسر:يعنى ايه
فرح:يعنى كل واحد يروح لحاله
جاسر:ده بعينك طلاق مش هطلق والبيت ده مش هتخرجى منه غير معايا وملكيش دعوة بشريف قسما بالله لو شوفتك واقفة معاه ما هيحصل طيب
فرح:ايه ده انت هتحبسنى ولاايه
جاسر:اعتبريه حبس بس والله لو عصيتى كلامك هخليكى تشوفى ايام عمرك ماشوفتيها
فرح:شوفت شوفت بتكلم ازاى ومش عايزنى اخاف منك
لاوجايبلى الست اروى الحب القديم هنا جايبها ليه بقى بتغظنى يعنى ولاايه بالظبط
ابتسم جاسر:ايه ده بقى بتغيرى ولاايه
فرح بخجل :وانا اغير ليه عشان ايه يعنى
اقترب منها وجلس بجوارها:عشان اللى بيحب بيغير وانتى بتحبينى وعارف ومتاكد من كده
فرح:متبقاش مغرور اوى كده
جاسر:توتو انا متاكد انك بتعشقينى زى ماانا بموت فيكى وبعشقك
وضع يده على خدها برفق:فرح انا غلطت وعارف انى غلطت بس ربنا بيسامح واحنا ايه جنب ربنا عشان نسامح بعض
فرح بصوت هامس ضعيف:بقيت اخاف منك ياجاسر
امسك وجهها بكفيه واقترب منها:حقك عليا غلطت وغلطتى كانت كبيرة بس انا عارف انك هتسامحينى صح يافرح
لم تسطع الرد عليه عندما اقترب من شفتيها يقبلها بحب واشتياق
جاسر:وحشتينى اوى
القت نفسها بين احضانه تشتم رائحة انفاسه التى غابت عنها منذ ان ابتعدوا ظلوا هكذا حتى دق باب غرفتهم
جاسر:مين
ريم:انا ياجاسر ماما عاوزاك هى فرح فين
غمز لها:فرح نايمة شوية
ريم:طيب كلم ماما ضرورى
جاسر:هكلم ماما وارجعلك البسى القميص ده والقى اليها بقميص باللون القرمزى
خرج الى ريم:ايه فى ايه
ريم:ماما عاوزاك
جاسر:ايوه ياماما ايوه ياحبيبتى .... وانتوا كمان وحشتونى..... ان شاء الله قريب ممكن كمان عشرة ايام ولا حاجة
..... بجد خلاص تامر هيخطب رضوى مش كده ربنا يهينهم يارب
.... لالامتخافيش لازم نكون موجودين متخافيش ياست الكل ماشى ياحبيبتى مع السلامة
اعطى الهاتف لريم:بقولك ايه مش عايز ازعاج
ريم:ليه ياجاسر ليه
امسك ذقنها:وانتى مالك انتى
دخل شريف فى نفس اللحظة:عن اذنكم انا ماشى
ريم:على فين
شريف:ابدا اصحابى وصلوا هروح اقعد معاهم كفاية عليكم كده
جاسر بسخرية:ابقى اسال علينا عن اذنكم انا داخل انام
كانت اروى فى عز غضبها تريد الانتقام ولكن كيف كيف وجدت شريف يخرج من شاليه جاسر وهو يحمل حقيبته
شريف استاذ شريف ممكن لحظة
شريف:افندم خير
اروى :عايزاك فى مصلحة تهمك وتهمنى
