رواية حافية القدمين كاملة بقلم انثي ملائكية

رواية حافية القدمين كاملة بقلم انثي ملائكية 

لاتحزن بعد وتبچي على الراح

وعوف ادموع عينك لا تبديهه

ووگف على الجرح لاتصرخ وياه

وراح اكتب قصيدة والك اهديهَ

مدينة الم روحي لاتظــن ترتاح

وانه ابن المدينة وتيهت بيه

يل عندك جرح وتگلي مجروح

انه جروحي فاضت وين اودّيه

راسي احسه ايريد ينفجر وجسمي متكسر رغم الجو ثلج حسيت بأدين دافيه شالتني وصار راسي على حضن دافي واسمع دگات گلبه السريعه ماكدر افتح اعيوني من وجع راسي شوي وحسيت بدوخه وثگل جسمي والظلام يسبحني اكثر ..

كل يومية افز بلليل على صياح وصوت العالي مشاكل امي وابوي خليت المخدة على راسي حتى ينكتم الصوت سمعت صوت شي انكسر طلعت اركض واشوف امي بهستيرية اتكسر الغراض وگفت يم باب غرفتهم وگلبي يدگ سريع ...

  

لج يامرة كافي الله لايوفقج فضحتينه ..

       

تجي شارب كل يومية وبيك عطر نسوان انت شنو من بشر كافي كافي ..

لاتخليني امد أيدي عليج ..   

عوزك هم عوزك اتمدها اله افضحك بالمنطقة متستحي شكبرك صرت وطبعك متغير ..

  

   

انجبي لج ضربتها راجدي ودفعتها بالگاع ..گتلج كافي بنت الكلب 

       

همسة ...وگعت أمي بالگاع ركضت عليها حضنتها وابجي ..

  

           

عدنان ...امشي ولي منه خلي انطمر ..

  

      

نورة...الله لايوفقك سكير ابو الگح.... 

  

                

عدنان....دنگت المستواها وجريت شعرها ...

  

   

نورة...اييي عوفني.... لزمت ايدة وهوا يعت بشعري يجرا بقوة ..

  

    

                    

عدنان...كلمة وحدة وادفنج بالگاع نعسان هواي اطلعي برى خلي انام دفرتها بخاصرتها..

  

              

همسة ...گمت ابجي وجلبت برجلين بابا عوفها حباب الله يخليك عوفها ..

  

   

                    

عدنان ...روحي هناك بابا وهاي لخاطر همسة امشي ولي برى ...

  

   

                    

نورة...اتلوة من الم جسمي وخاصرتي ....ماتحمل بعد اكرهك الله ياخذك سا....

  

    

                    

همسة....سكتت أمي وضلت تبجي على صفحه أبوي خزرني وگلي روحي نامي ليش هيج ايصير بينه المفروض نعيش براحه يوميه مصيبه شكل...

  

          

رحت الغرفتي خليت راسي على المخدة لحظات وصار صوت تكسر من المطبخ ركضت واشوف امي لازمة سجينه وابوي يجرها منها وهوا دايخ مطفي ....

  

نورة...بصوت عالي ...عووووووفني اريد امووووت اااااريد اكتل روووحي ووااااخلص..

عدنان ...ولج يامرة كافي حرام تموتين كافرة ..

نورة....اموت كافرة ولاأبقى طول عمري مگابلتك عوفني اكرهك انجبرت عليك وعلى سوالفك وگلت يتغير يوميه نسوان وشرب وتجي اريد مني اني اكرهك واكره نفسي وبنتي كرهت كل شي بسببك ..

  

  

عدنان ...كافي جيبي السجينه لاتأذين روحج... اجرها من ايدها وماكو فايده تريد ادج نفسها اخر شي ضربتها راجدي بقوتي اختل توازنها ..

  

    

نورة...ضربني على حلگي وخشمي خلاه يطگ دم جر سجينه من ايدي واخذني للغرفه شمرني وقفل الباب ..

  

عدنان ..مسودنه وضلين طول عمرج مسودنه فاهمه وهاي سوالفج هي الي خلتني اشرب وارجع للنسوان انتي هم معتبرة نفسج مرة فد يوم حسستيني انج مرتي وتحبيني اعرف بيج تحبين واحد قبل واهلج منطوج الان فقير واجيت اني موضف وعندي بيت شمروج عليه حتى بنتج تكرهينها لان مني بس هاهيه لهنا وكافي باجر اشمرج عند اهلج وينتهي كلشي ..

  

   

نورة...ابنتي احبها واريدها فاهم ولا لا هاي بنتي غصبن عليك ..گمت اضرب بالباب ...هاي روحي بنتي همسه انتي روحي هموستي والله احبج انتي قطعة من گلبي يايمه وگعت بالگاع وضليت ابجي لصبح منايمه انفتح الباب دخل عدنان ..

  

   

عدنان ...يلله بساع طلعي ..

  

نورة ..بنتي ..

  

عدنان ...امشي امشي لاهلج هم معتبرة نفسها أم ..

  

نورة...وگفت على حيلي وصكيت سنوني وحجيت ...انطيني بنتي يلله اطلع منه خطوة ماخطي بدونها ...

  

   

عدنان ...لج بدون تهديد وهاي سوالف موتردين تولين لاهلج يلله فضيها ..

  

همسه...فزيت صوت أمي اصيح وابوي صوته عالي طلع اركض امي بالباب وابوي يدفع بيها ايريدها تطلع وهي تصيح اريد بنتي ركضت واني حافية وابجي ماما ماما جلبت بصايتها ..

  

عدنان...همسة حبيبتي اني ابوج ختولي امج متحبج ..

  

   

همسة ..لا تحبني واني احبها هي ماما ..استسلم بابا وداني البيت جدو حاجه جدو وطلع اول مدخلت امي جدو ضربها راجدي ..

  

   

ابو نورة.....ادبسسز حيوانه بس مشاكل هاي راح تطلگين يلله فرحي أني من تالي عمري وشعري شاب بنتي تجي مطلگه ..

  

   

نورة....بويه يشرب ولليل كلة يم نسوان ..

  

   

ابو نورة ....انجبي سم يزوهر ان شالله شعليج انتي هوا المزقنب انتي شعليج بيتج وساده بابج وبنيتج بحضنج واذا على نسوان فأنتي مو نعم المرة ومامحتويه زوجج ..

  

نورة ...طگ گلبي ونفجرت ...انته تكرهني هي گوة انته وامي ماعندكم غير نورة مطيحين حظها من يوم يومي وانتو بس ترزلون وتحجون عليه من جنت ابنيه واني خادمتكم وخادمه اخوتي ومن زوجة انطيتني لواحد اكرها .

  

ابو نورة ...تصيحين بوجهي حيوانه 

  

همسة..هجم على ماما گطعها بيده خالو ويبي ايريدون ايجروها ماكو اني وگفت بالزويه وابجي گوة خالي خلصها وداها للغرفه وهي گوه تمشي فرشلها افراش نامت عليه ..

  

  

رسول ..همسه جيبي جدر مي وصله خلي امسح وجها ..

همسه..رحت اركض جبتله واجيت اباوعلة مسح اديها وجها وراح گعدت يم الباب هي دارت وجها واسمع صوتها تون مرت ساعه واجه خالو جايب كباب وصمون حار ..

   اكلي گعدي 

نورة...ماريد رسول ..

    

رسول...دگومي ياعيني ..

  

همسة...گوة گامت اجيت اني وگعدت اكل خالي ايسولي لفات صغيره امي اكلت لگمتيم ورجعت تمددت كملنا غسلت وفرشت بصف امي نمت 

  

   

واني نايمه اشتم ريحه خنگتني فتحت اعيوني واشوف أمي بيدها دبه وترش على جسمها لحظه هذا نفط گمزت يمه شتسوين ...

  

نورة ..اش صوتج يمه خلي نرتاح اني وياج ونخلص انروح يم رب العالمين هوا ارحم من البشرية هاي ...

  

    

همسة ...فاتحه عيونها وتحجي وترجف دنگت گعدت على ركبها وتمسح على شعري ....حجيت واني الخوفة لزمتني واني اتخايل النار تاكلني فزيت وعطت ....يمه لااااالزمتها ابوس ايدج لاتحرگيني كضيتها من ثوبها شابع نفط ..

  

    

نورة....ماگدر گلبي موأله واهلي انطوني غصب كلما يلزمني اموت الف موته گلت احبه گلت انسه بس ماگدرت موبيدي وراها صار مينحمل أذاني اهواي ضرب وشرب ونسوان كرهني بنفسي لا اهل ينحملون ولا ابوج ينحمل خليني اموت واخلص ..

  

    

همسه ...يمه واني منو الي ..

  

    

نورة...هسا نموت سوى ونخلص ..

  

    

همسة...لا يمه فدوة اخاف أموت

  

..ركضت على باب اصرخ واضرب بيه خالو رسول جدو بيبي ماما تريد تحرگ روحها دنيا لليل ونايمين سمعت صوت ركض على درج ..

  

   

درت وجهي واشوف امي شعلت شخاطه واني صرت مخبله واضرب الباب بقوا وهي اشتعلت نار بالبدايه واگفه مسيطرة ورى شوي گامت تمكز وتركض من نار وتصرخ اصرخيها شگ اذني اتخبلت منظرها رعبني وهي نار تاكل بيها الخشاب احترگت والنظده النار صارت تقترب مني خالو يدفع بالباب ايريد اييكسره واني اصرخ النار وصلت رجليه احترگت متت رجلي موتني ونار صارت تاكل بطرف ثوبي وشعري احترك من البرده ماعرف شنو اقماشها بساع لگفت ..

...طفلة عمري عشر اسنين بنص النيران تشوف أمها وهي تحرگ نفسها وتريد تحرگ بنتها روحي فرفحت ونار تاكل برجليه احس رجليه ماعن اندفع الباب وگع بصفي خالو رسول اباوعله مرعوب ومايعرف يتصرف شالني من الگاع وركض بيه بالشارع اكو ساحه مقابيل البيت خلاني بالكاع وشمر اتراب عليه وعلى ثوبي صوتي راح من دخان وصريخ وگعت مغمه 

  

فتحت اعيوني والم قوي برجليه اتذكرت امي والحرگ وگمت اصرخ بعلو حسي الحگو راح اموت احترگت يمااااا لاتعوفيني يماااااا ...

  

اجه ابوي لزمني ايهدي بيه واباوع الردها كلها صافنه تابوع واني فاقده اصرخ ....

  

يمااااا لاتحرگيني يماااااا اخ رجليه باباااااا خلصني من الالم ..اجت ممرضه ضربتني ابر لحظات ورجعت نمت .... صحيت وراها ورجعت البيت جدو بابا شايلني اخذتلي ستة اشهر واني اعالج حروق رجلي بس ضلت أثار بيها گوه مشيت عليها صرت مثل المتكسرة گوة گمت امشي بدت المدارس و حضرت اموري للمدرسه وعمتي وياي تقى بعدها مامزوجه هي اعتنت بيه من حترگت وخالو رسول دائما يجي ايزورني صارت ساعة 2اخذت بيت باربي ورحت جوا درج مكاني المفضل بي برده واحسه مملكتي الخاصه انعزل بي واحب العب فرشت افراش وسفطت الملاعيب واحجي بهدوء والعب باربي بيتها وسيارتها فزيت على صوت مرت عمي 

الفصل الثاني من هنا

تعديل المقال