-->

رواية احفاد فرعون الحلقة ٨ الثامنه كاملة بقلم اروي طاهر المسلاتي (بنوتة الشيخ)

رواية احفاد فرعون الحلقة ٨ الثامنه كاملة بقلم اروي طاهر المسلاتي (بنوتة الشيخ)
    رواية احفاد فرعون الحلقة ٨ الثامنه كاملة بقلم اروي طاهر المسلاتي (بنوتة الشيخ)


    رواية احفاد فرعون كاملة pdf - بنوتة الشيخ



    #احفاد_فرعون 8

    مالك:طلع من الحمام وسكر الضي 
    ساجده:تلفتت....
    مالك:قرب منها 
    ساجده:شنو!
    مالك:مسكها من خصرها ....بتريس 
    خلي الليله تفوت ع خير الشي هاذا لازم يصير 
    ساجده:ليش ريحتك هكي ؟!شاااارب؟؟
    مالك:متركزيش على التفاصيل هيا توا 
    ساجده:نحت يديه من عليها ....عندك عيله حلوا حرام تخربها 
    فكر في شعور مرتك وقت تعرف !...يلي ادير فيه زايد كله شهر بس وبيكمل الكابوس هاذا مفيش داعي تجرحني وتجرح مرتك 
    مالك:لك لك لك اك كلام زايد كله!
    قام يده ع راسها....لازم تفهمي ان بارك الله فيا خليت الشي هاذا بي الحلال 
    قدام الناس زواج وعرس كبير وحتى تحملي من زيك حامل بي اصل فرعون 
    كنت نقدر الشي هاذا نديره والفرخ يجي بي الحرام 
    ساجده:هه!...والشي هاذا درته مع مرتك يلي راقده برا؟؟!
    هكي نضامك ادير في خطط باش تاخد ناس معينه وتجيب منهم صغار وبس؟
    مالك:رجع شعره للخلف وهوا يحاول يفتح عيونه حط يده على فمها...بطلي كل شويه تقوليلي مرتك ومرتك ومرتك ...يلي راقده برا مع بنتي مش مرتي
    ساجده:ابتسمت ع جنب...وبنتك جايبها بلحرام!؟
    هكي عادتكم انتم كل شي بلحرام حتى في نسلكم 
    مالك:وخر شويه ورجع قرب عليها نزل على ودنها ...انتي عارفه انك اليوم جنيتي على روحك؟
    ساجده:شافتله ...بطل تهديد الحركات هادي منحبهاش مالك!
    ويلي في راسك مش رح نديره لو نعيط ونلم عليك الناس كلها 
    مالك:شافلها بتحدي...ودفها لين طاحت ع الصالون .....عيطي لنشوف
    ساجده:رجعت للخلف...انت مش بوعيك فيق ع روحك
    مالك:ضرب رجله ع الصالون....عيططططي عيطططي مش بتلمي عليا الناس ؟؟؟
    ساجده:ماسكه دموعها ومتبيش تنزلهم قدامه....الجرح يلي في راسي قاعد مبراش 
    هاذا من ثالث يوم هكي مالك خليني في حالي 
    مالك:يحاول يفتح عيونه وقرب عليها ...كان في شي حيصير بس قاطعهم صوت الباب لما انفتح 

    نجمه:تحك في عينها...بابا 
    مالك:سمع صوت بنته وراه❤️...شاف لي ساجده وكان قريب عليها 
    قداش ربي يحبك اليوم ...وناض من عليها 
    ساجده:خدت نفس وقلبها يدق 
    نجمه:شافت لي مالك...ماما رجاء راقده انا خفت🥺
    مالك:مش قادر يوقف...ارجعي دارك وارقدي 
    نجمه:بااباا🥺
    مالك:فقد اعصابه....بررررري قلتتتتت
    نجمه:قعمزت ع الارض وبدت تبكي بصوت عالي 
    ساجده:مقدرتش مندخلش💔....البنت قاعده بيبي مسكرتش حتى4سنين ومالك كان شارب مستحيل يتصرف مع بنته هكي لو كان واعي ...قربت ساجده قامت نجمه من ع الارض وبدت تسكت فيها❤️
    مالك:رمي جسمه ع السرير ويتكلم بي صوت رزييين...سكتيها وطلعيها لي نهال ولا اي حد متخليهاش معاك 
    ساجده:مرديتش عليه وطلعت للبلاكونا انا ونجمه 
    هاذي تاني مره يلز في بنته من هنايا مفهمتش علاش ميبينيش نتلاقى معاها! ؟؟

    _______________________

    عبدو:نزل بسرررعه لي الطابق الاول وطلع لي الشارع كان فيه تقريبا 4شباب واقفين جنب هبه يلي كانت غارقه في دمها ...كانت تعبيرات وجه عبدو متنوصفش 💔
    قام راسها على رجله والدم في كل مكان ...قعد يحاول يستوعب المنضر يلي يشوف فيه قدامه لين فيقه صوت واحد من الشباب جنبه صوته عالي يقوله حيه قااااااعده اسعفها بسرعه 
    نحى الجاكيت يلي كان لابسه وغطى شعرها ورقبتها بيه وقامها بين يديه لي السياره  

      🔥رِوَايـــــــــات بـــَـنـُـــووتِـــة الشـِــيـــْـخ🔥
         🔥أروى الــــطـــاهــــر المــســلاتــــي🔥

    ياقوت:خشت لي دارها وسكرت الباب وهيا تحكي ع الهاتف...هههههه مستحيل كيف كان منضرها 
    شيماء:متت وربي بدات لما قتلها خطبني اني خلاااص ...المهم قوليلي ساجده شن اخبارها مع اهل العار 
    ياقوت:ماسكه التالفون بي كتفها وتنحي في وشاحها وسوريتها ...ااااه صدقتي والله اهل فرعون مفروض اسمهم اهل العار ...ولا شي اهو ماشيه الامور وتبي تطلق في اسرع وقت 
    ياقوت:حطت التالفون ع الطاوله وفتحت السبيكر وبدت تنحي في اكسسواراتها 
    شيماء:يناري عليها الزح كلهم يهدرزو بيها مصدومين كيف يعطيها جدك المهم احكيلي لما مشيتي كيف اوضاعهم غادي 
    ياقوت:عادي مفيش حاجه واو ..بس مش زي مايحكو عليهم الناس 
    شيماء:فلوسهم هلبا رسمي؟
    ياقوت:يس...واضح من حوشهم وتقديمهم ولبسهم 
    شيماء:اخخخ سعدودها ساجده شهر تام في الفلوس والجو
    ياقوت:شن الفايده فلوس حرام!
    شيماء:اخخخ وخلاص بنمشي نرقد انا نتلاقو غضوا احكيلي بتفصيل  
    ياقوت:يلا باي اقلبي وجهك
    شيماء:سلام 
    ياقوت:سكرت الخط وناض بعد مانحت التيشرت قعدت في صدريه وسروال بس ...فتحت ضي غرفتها وقربت على الدولاب عشان اطلع بجامتها 
    بس قعدت واقفه مصدومه قدام المرايا💔

    احمد:مقعمز على الكرسي ...اهل العار؟؟!
    ياقوت:😨😨😨😨😨😨😨😨😨😨😨

    ________________________

    ساجده:تفضلي ياحلوه
    نجمه:مسكت كوب الحليب وشرباته في مره وحده 
    ساجده:ضحكت...صحه 
    نجمه:😋☺️
    ساجده:خذت الكلينكس ومسحت فمها....يالله توا بري عند ماما عشان ترقدي الدنيا ليل 
    نجمه:لا نبي بابا هوا قال تعالي نني بكري
    ساجده:مسحت هلى شعرها...بابا مبكري نايض لما حكالك هكي ...بس توا هوا راقد ومريض 
    غضوا تعالي ارقدي معاه باهي؟
    نجمه:هوا ميحبنيش!
    ساجده:😨لالالالا يحبك هوا ❤️
    توا مريض بس 
    نجمه:وانتي يحبك؟
    ساجده:تنهدت...اي يحبني حتى انا 
    نجمه:سكتت
    ساجده:حست ان البنت تريحتلها وقادره تجبد منها الدوا ...نجمه
    نجمه:نعم
    ساجده:رجاء ماما صح؟
    نجمه:بعدت خصلات شعرها من على عيونها ببرائه...شنو 
    ساجده:اء يعني! ...رجاء امك ولا؟
    نجمه:مقعمزه ع الطاوله وتلعب برجليها...بابا قال ماما فوق مشت لي ربي 
    ساجده:😨😨ماتت!!
    نجمه:لاااا...هيا مشت لي ربي فوق لكن بتجينا بعدين لما نولي كبيره 
    ساجده:حاولت تخفي اثار الصدمه من على وجها وابتسمت...اي اكيد بتجي❤️
    نجمه:ابتسمت
    ساجده:به رجاء هاذي منو؟
    نجمه:ماما ثانيه 
    ساجده:الواضح ان نجمه مش فاهمه رجاء منو تكون؟مرت بوها؟او شخص تاني!!
    لكن فاهمه كويس ان امها توفت 
    محبيتش نضغط عليها اكتر من هكي بس منعرفش علاش البنت وجعتني 💔
    امها متوفيه وبوها مش مهتم بيها 💔
    مفهمتش علاش حتى تبدا واقفه قدامه نضراته لي بنته مش حب 
    يتعامل معاها بي جفاف واغلب الوقت يكشخ عليها 
    البنت فاقده حضن دافي !!💔..فاقد ساجده من سرحانها ع صوت نجمه يلي رجعت للغرفه بدون ما تنتبهلها 
    نجمه:يابنيه تعالي شوفي 
    ساجده:خشتلها بسرعه 
    نجمه:بابا راقد وهوا لابس التندره 
    ساجده:ضحكت...اي هي انحو التندره 

    بدت ساجده تساعد في نجمه نحو كندرت مالك وتعاونو الزوز دفعوه لي اول السرير وغطوه 

    ساجده:شاطره نجومه شاطره 
    نجمه:باست مالك ع خده...بوسة النوم 
    ساجده:ابتسمت☺️❤️
    نجمه:تعالي بوسيه هيا 
    ساجده:😨ها...لالا 
    نجمه:علاش😰🥺متحبيش بابا؟!
    ساجده:سكتت
    نجمه:هيا عطيه بوسة نوم باش ربي يحبك 
    ساجده:ضحكت على وقربت على مالك 
    كان قلبها يدق هلبا ❤️❤️...باساته بسرعه البرق وباعدت من عليه 
    نجمه:قعدت تنقز ع الارض وتصفق ...غضوا بابا يقولي صحيتي 
    ساجده:ابتسمت على برائتها...اي بيقولك 
    هي توا بري ارقدي في دارك باش غضوا تنوضي الصبح وتفطري مع بابا ❤️
    نجمه:به ..وانطلقت تجري بجسمها السموني والمكعبر😂❤️
    وصلت لعند الباب بعدين رجعت...اسمعي بنيه
    ساجده:حطت يدها على خدها...نعم❤️
    نجمه:انتي صاحبتي ولا؟
    ساجده:ضحكت...اي صاحبتك 
    نجمه:فرحت وطلعت بسرعه
    ساجده:تنهدت ...ممكن علاقتها بي البنت الصغيرونه هاذي تكون غلط بدات ان مالك يحاول يبعد بنته عليها بس هيا مقدرتش تمسك نفسها لان ساجده تموت في حاجه اسمها صغار 
    ونجمه كانت لا تقاوم❤️شكلها ودمها وكلامها وذكائها يجنن 

    _______________________

    ياقوت:تشوف لي احمد في المرايا وتجمدت في مكانها مش قادره تتلفت💔😨
    احمد:وقف ويتمشي في الغرفه على راحته...حلو حلو متعودين تقرمو في الناس كلها ولا الموضوع مختص علينا بس !!
    ياقوت:مش قادره حتى تحرك عيونها...انت كيف خشيت هنايا😨
    احمد:مسك السوريه ورماها عليها...استري روحك...وعطاها بضهر وهوا يتفرج من الروشن 
    ياقوت:فاقت على نفسها ان مش لابسه شي من فوق الا صدريه بس ...لبست بسرعه وحطت وشاح على راسها ورجليها يرعشو من الخلعه معش قدرت توقف 
    احمد:تلفتلها...قعد يشوفلها بنضره غريبه بدون ما يحكي 
    ياقوت:حاولت تبين انها مش خايفه وتهدده مسكت المخده جنبها ...عندي موس تحت مخدتي 
    احمد:قعمز وحط رجل على رجل....عندي مسدس تحت التيشرت 🤷🏻‍♀️
    ياقوت:ووووه عليااااا😭😭😭😭شن تبي به والله مدخلي في حاجه اقسم بالله 
    احمد:استغرب ضعفها طول واستسلامها هكي ..تنهد بعمق 
    تمام!...جاي بنسأل ونطلع لا اكتر 
    ياقوت:سكتت وبدت تمسح في خشومها😂
    احمد:من عطاك الكيسه يلي جبتيهالي !؟
    ياقوت:منعرفش 
    احمد:حط يديه على بعض....وبدينا نكدبو 
    ياقوت:اففف ياربي 😭شن دخلي انا بس ووووه كنت عارفه حيصير شي هكي 
    احمد:متقعديش تنوحي عليا هكي سألت جاوبي 
    الدموع يلي تصبيلي فيهم توا مفيهمش فايده 
    ياقوت:وقفت...منعلمش انااا ولو ممشيتش توا صدقني نطلع ونعيط بي اعلى صوتي وخوي عبدو مستحيل يرحمك
    احمد:كملتي؟؟
    ياقوت:😰
    احمد:لاخر مره منو عطاك الهديه 
    ياقوت:تنهدت...تمام حاضر رح نعطيك اسمه ورقمه 
    احمد:حلو حلو 
    ياقوت:خذت ورقه وقلم كتبت فيها اسم ورقم وعطتهولا 
    احمد:خذاهم ووقف يحكي بي التالفون 
    ياقوت:استغلت الفرصه ....خشت للحمام وسكرت عليها الباب بي المفتاح 

    ______________________

    عبدو:وجها احمررررر ومتوتر ..مقعمز في صالة الانتضار والافكار ترفع وتجيب فيه 💔
    يحك في لحيته بي ارتباك والخوف حايط بيه من كل جانب!..لين شاف الدكتورناض بسرعه وهوا يسأل فيه من بعيد لين قرب 

    عبدو:شن صار ؟؟!
    الدكتور:تعتبر حالتها كويسه الحمد الله المكان يلي طاحت منه مش عالي هلبا لكن !!
    عبدو:شنو؟!شن فيه
    الدكتور:هيا بخير عندها يد مكسوره ...لكن للاسف الجنين طاح من.....
    عبدو:الحمد الله الحمدددد الله يارب 
    الدكتور:استغرب!؟
    عبدو:غير الموضوع...الحمد الله على سلامتها هيا الجنين يتعوض
    الدكتور:ابتسم...اي مزبوط 
    الحمد الله على سلامتها 
    عبدو:امتى تقدر تطلع؟
    الدكتور:اكيد اليوم رح تقعد تحت الملاحضه 
    لو حاله كويس بكرا تطلع ولو حالتها تاعبه رح تزيد ليله ثانيه 
    عبدو:تمام ...نقدر نشوفها؟!
    الدكتور:اكيد 
    عبدو:خش للغرفه وهوا يتفحص في وجه هبه كويس❤️...كان حاط في باله ان مسؤله منه بس!
    هوا ميحبهاش ولا حتى شويه 
    متشرفاش يتزوجها لانها هربت من اهلها وعاشت معاه بي الحرام !
    اهلها يعني خوتها الشباب يلي من بوها ...عاشت معاهم لان امها وبوها توفو في حادث !!
    وذوقوها الويل لدرجة بدو يتحرشو بيها 💔
    هربت منهم ومكانش في حد غير عبدو قدامها بس 
    سكنها في شقه ومش منقص عليها حتى حاجه لكن كانت لعبته وتسليته بس!
    يرقد معاها اطيبله تغسله يفش فيها غله لما يبدا مضايق وهيا تتحمل !....هاذي كانت هبه بنسبه لي عبدو 

    فاتت ليله طويله هلبا على عبدو مش متوجع!يشوف لي هبه عادي جدا مش هامه خسرت العيل او لا!في النهايه هوا ولد حرام!!
    مش هامه بعد ما تنوض كيف رح يكون شعورها وكيف بتكون مجروحه؟!
    كل يلي يبيه تنوض وتروح ويرجع كل شي زي قبل وبس 
    يهمه راحته لا اكتر !!

    اما ساجده طول الليل مقعمزه ع الكنبه وتتفرج على مالك هل رسمي مرته متوفيه؟!
    به لو كانت هكي رجاء من تكون؟!وحده تانيه متزوجها؟
    علاش يعامل في بنته هكي رغم انها قاعده صغيره ومعنداش غيرها!
    كانت ساجده تبي تعرف اسرار مالك بس هيا دفنت اسرارها قبل ما تخش للقصر ومتبيش تخلي حد يعرفهم من ماكان يكون!

    ياقوت الليل كله ما رقداتاش!!...مكانتش تعرف احمد كيف خش؟وكيف طلع؟؟
    كيف جاته الشجاعه يخش وسط دارها ؟لو شافه حد من صغار عمها او خوها مستحيل يتردد في قتله ابدا!
    الخوف مرافقها!...واضح ان القصه معش تبي تكمل 
    بس ياترى شنو الشي يلي في الكيسه دار الحرب هاذي كلها؟!

    اما محمد قعد للفجر مقعمز برا القصر مش قادر يخش بسبب رجله يلي كانت تنزف بشكل يخوف 

      🔥رِوَايـــــــــات بـــَـنـُـــووتِـــة الشـِــيـــْـخ🔥
         🔥أروى الــــطـــاهــــر المــســلاتــــي🔥

    ثاني يوم⛅️⛅️⛅️

    ساجده:فقت الساعه11الضهر ...لعند امتى بنقعد حابسه نفسي في الغرفه؟
    ليا توا قريب في ال4ايام طول الوقت في الدار وبس 
    قررت ننزل نفطر معاهم ...دوشن وداويت الجرحه يلي في راسي...لبست قفطان خفيف ونزلت 

    نهال:ابتسمت....اهلا اهلا 
    ساجده:صباح الخير☺️
    جميله:بي استغراب...صباح النور يابنت المختار 
    ساجده:قعمزت...اسمي ساجده ياعمتي 
    جميله:ابتسمت بي اعجاب ...عمتي؟
    ساجده:اي !...اي حد كبير لازم اناديه هكي 
    جميله:ضحكت بخفه....حلوا عجبتني 
    رجاء:واضح على ملامحها الضيق والغل !....انا رجل كرسي هنايا؟
    ساجده:قررت تستفزها بطريقه محترمه...لا حشاك 
    صباح الخيرات
    رجاء:سكتت لانها كانت تتوقع تصرف اخي من ساجده معاها بدات التحدير يلي عطتوهالها امس !
    مالك:طلع هوا وفرعون من المكتب وقعمزو على سفرة الفطور 
    نزلت نجمه بي دبدوبها من الدروج وكان منضرها كيووت❤️❤️

    فرعون:ضحك...تعالي حبيبة جدو 
    نجمه:حضناته وقعمزت في حجره 
    مالك:معدلش على بنته حتى بنضره وكانت ساجده ملاحضه الشي هاذا 
    كان الجو هاذي بكل ..سكينه تصبلهم في القهوا والكل يفطر بدون كلام لين كسر الصمت هاذا صوت نجمه 
    نجمه:جدي جدي 
    فرعون:ها نجمتي 
    نجمه:امس بابا مريض رقد بي التندره على السرير 
    ساجده:قلبها طاح 
    فرعون:شاف لي مالك عرف انه مقربش على ساجده امس ورقد....مفروض مره تانيه يتحسها الكندره
    نجمه:مشي انا والبنيه نحيناله التندره ورقدناه
    فرعون:ابتسم...منو البنيه؟
    نجمه:هاذي ....واشرت على ساجده 
    فرعون:اها هادي اسمها ساجده 
    نجمه:اسمها سوجي زي بنت عمتي ولا 
    فرعون:اي بزبط😂
    نجمه:بعدين نحيناله التندره ورقدناه عطيته بوسه وحتى سوجي عطاته بوسه كبييييييره 
    ساجده:عيونها بيطلعو وبدي وجها احمممممممررر
    مالك:قام حاجبه مستغرب !؟
    ونهال ماسكه ضحكتها ورجاء قريب تتفجر 
    نجمه:شافت لي بوها...بابا يحبني انا وسوجي صاحبتي ☺️....اصلا سوجي هكي قالت امس 
    ساجده:خلااااص سخنت مع بعضها 
    ونهال ماتت ضحكك 

    محمد:صباح الخير 
    كلهم:صباح النور 
    ساجده:استغلت فرصة وجود محمد وناضت للمطبخ بعد ما حشمتها نجمه 😂
    قعمز محمد بدي يفطر 
    مالك:خيرها رجلك؟
    محمد:يصب في القهوا.....مش عارف 
    ممكن امس راقد عليها 
    نجمه:تمضغ في التوست ....كذاب امس رجله دم قالي متقوليش لي جدك يابابا 
    فرعون:شاف لي محمد بمعنى ..كشفتك
    محمد:الله يفضحك يابنت خوي 
    نحمه:ضحكت....انا قلت لي بابا مش لي جدي 

    __________________________

    هبه:دفنت وجها في المخده ودموعها ينزلو سخاااان ....خلييييني خلاص 
    الليله يلي مزال بنقعد فيها في المشفى خليني فيها بروحي مش طايقه نشوفك
    عبدو:خذي نفس...متأكده 
    هبه:قامت راسها وكانو عيونها متورمات....اي متأكده !
    عبدو:تمام ...طلع عبدو ونهارت هبه تبكي 

      🔥رِوَايـــــــــات بـــَـنـُـــووتِـــة الشـِــيـــْـخ🔥
         🔥أروى الــــطـــاهــــر المــســلاتــــي🔥

    طق طق طق 
    ساجده:تلفتت بفزع...نعم😨
    نهال:ضحكت...خيرك انخلعتي؟
    ساجده:اووف وين نعلم انخلعت وبس
    نهال:لكن متتت على نجمه مبكري كيف تهدرز وتعاود 😂😂وجهك ووجه مالك ميتفسرش 
    ساجده:🤦🏻‍♀️🤦🏻‍♀️مبردك وتضحكي!
    نهال:هلبا اقسم بالله 😂
    ساجده:استغلت الفرصه ...نهال بنسألك 
    نهال:وي؟
    ساجده:ام نجمه وين؟
    نهال:ارتبكت...متوفيه 
    ليها سنه مسكره 
    ساجده:رجاء من تكون!!
    نهال:خالة نجمه قاعده معانا لان معندهاش وين تقعد 
    ساجده:كيف😨
    نهال:قصه طويله 
    ساجده:اءء ام اوكي ...بس نبي نفهم هيا ومالك متزوجين؟؟
    نهال:لا بس!....انسي توا المهم انا ناديتك عشان تجي تشربي معانا قهوا لوطه ياسر معش تنحبسي في الغرفه 
    ساجده:تمام تو ننزل ❤️
    نزلت نهال وشريط الدكريات يمر عليها 
    اما ساجده فهمت ان في قصه ومبتش تزيد تلح عليها وتسأل 

    ________________________

    الساعه11في الليل:-

    ساجده:فتحت عيوني بعد ما خداني النوم وانا نتفرج
    كنت واثقه مالك بيروح وبيتعاود نفس السيناريو بس اليوم شنو يلي بيخلصني منه!؟
    فاهمه يبي يدير هكي عشان نحصل عنده ومش رح يطلقني 
    وفاهمه ان القصه هاذي كلها وراها شي 
    صليت العشي وطق الباب 

    نهال:تقبل الله
    ساجده:اجمعين
    نهال:اسفه نسيت مطقيتش المهم ولد عمك لوطه يبي يشوفك 
    ساجده:وقفت ونخطف لونها...ولد عمي!؟ليش😨
    نهال:والله منعرف
    ساجده:ناضت بسرعه نزلت وهيا لابسه بدلة الصلاة 

    ساجده:عبدو!؟
    عبدو:تلفتلها وابتسم ...اهلين بلمتزوجه!
    ساجده:ليش جاي هنايا؟
    عبدو:وليش متبينيش نجي في القصر العضيم يلي عايشه فيه مع احقر الناس في البلاد 
    ساجده:دير بالك ع الفاضك 
    عبدو:شافلها بتحدي...كلها شهر وودعي كل شي 
    ويلي في راسك مش رح توصليله ومستحيل تقهريني بي شي زي هاذا 
    حطي في دماغك اول ما تطلقي مش رح يشدني عليك شي ومستحيل يقدر حد يفكك مني 
    ساجده:تعبو عيونها دموع 
    احمد:جي طالع...شاف لي ساجده 
    شنو مرت خوي ...في شي !'
    ساجده:ابتسمت لا ابدا 
    احمد:يشوف لي عبدو بنضرات تخوف ....
    عبدو:المهم بنت العم جيت نخبرك ان اختك سيرين ولدت بنت والزياره مفتوحه بكرا 
    ساجده:شكرا ربي يطمنك
    عبدو:ابتسم وطلع 
    طلع احمد وراه وهوا حاس ان في شي غريب 

    اما ساجده كانت فاهمه كويس هوا ع خاطر شنو جاي خبر ولادة اختها تقدر تسمعه حتى من امها بي مكالمه !
    مش ضروري لين يجي عبدو للحوش 

        🔥رِوَايـــــــــات بـــَـنـُـــووتِـــة الشـِــيـــْـخ🔥
         🔥أروى الــــطـــاهــــر المــســلاتــــي🔥

    رجاء:ماشيه جايه في غرفتها تراجي في مالك يروح
    لازم ادير اي شي وتستغل درة الطيبه الموجوده عنده ممكن يميللها حتى شوي 
    تخطط واذبر والف حاجه في راسها 

    في المشفى:-
    فايزه:تي هيا ياسلوى خلاص قالك الزياره تمت
    سلوى:والله خايفه عليها منقدر نروح
    فايزه:ياودي ماخافيش اهو ياقوت معاها
    ياقوت:ولا يهمك مرت عمي والله رح ندير بالي عليها 
    يسرى:سلمها اختي الفالحه ياربي😂
    ياقوت:ننننن

    طلعو كلهم وقعدت ياقوت بس مع سيرين 
    سيرين:ياقوت ساويلي المخده بنرقد 
    ياقوت:حطت تالفونها ع جنب وساوتلها المخده وغطتها ...قعدت فتره بعدين طلعت لي الحمام 
    استعملت ياقوت الحمام العام بدل من غرفة المصحه لان مفيشي اميه 
    خشت للحمام قعدت فتره وطلع تغسل في يديها 
    وقفت بتاخد كلينكس بتجفف بيه تفاجأت بي حد خابطها ع الحيط وعيونه بيطلعووو 
    احمد:تكذبي عليا انا يابنت ستين كللللللب

    _______________________

    مالك:خش لي غرفته وعيونه في تالفونه ...لوح المستكه في السله يلي كانت جنبه نحى جاكيته وهوا قاعد منتبه في تالفونه 
    ساجده؛ع سلامتك 
    مالك:قام عيونه وانصدم!!!
    كانت ساجده لابسه روب ابيض ومجهزه نفسها كأنها ليلة دخولها مش يوم عادي 
    قعد ساكت ويشوفلها 
    ساجده:فكرت في الموضوع لقيته حرام نقعدو هكي ونحنا متزوجين 
    ولا شن رايك؟!❤️
    مالك:حط تالفونه ع السيرير....يتبع 

    الفصل التاسع من هنا 
    1. هياا نزليها بسرعةة حسني متشوقةةة وطولي الحلقة بلييزززز

      ردحذف

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .