-->

رواية انتقام امي من زوجها كاملة

رواية انتقام امي من زوجها كاملة

    رواية انتقام امي من زوجها كاملة



    كل عام وانت زوجي وحبيبي وتاج راسي وان شاء الله ربي يرزقنا وتكون ابو صغاري يادنيتي كلها اليوم مرت سنه ع زواجنا وعقبال مانتحتفل بباقي السنين معاك جنبك وماسكة ف ايدك ف الشدا قبل الفرح
    أصيل ربي يخليك ليا ياحياتي وروحي وعمري وقلبي ونور عيوني إنتي ياجنتي ف الدنيا وقرب مني وحضني 
    أنا امممممواااه هيا نقصو الكيكة حبيبي 
    انا ميساء مواليد 95 شقراء عيوني زرق زي البحر متوسطه ف الطول متخرجة من كلية المحسابة ونخدم ف المصرف 
    زوجي أصيل مواليد 85 طويل ابيض نقشه ع الأسود عنده عضلات وديما يدرب فيا ف البيت عشان مايبيني نطلع كرشة ههههه
    تزوجنا عن حب شافني ف المصرف وقعد كل يوم يوصل فيا لعند البيت وفي مرة كنت طالعه من المصرف وقفني وقالي ان الخميس بيجيب أهله وبيجي يخطبني 
    طبعآ انا مادورته نحسابه يلعب وجاء الخميس وفعلآ جاب أهله درت بيان وبعد شهرين تزوجنا بس لتوا ربي مارزقنا بصغار ولاإعتراض ع حكم الله
    ف الصبح 
    أصيل حبي انا طالع ياقلبي ردبالك ع روحك
    أنا راجي ياعمري خلي نوصلك للباب
    أصيل ياناعليا وخلاص تعالو شوفو ياناس وين عايش أنا حاس روحي ملك 
    أنا ياعمري انت ردبالك ع روحك وسوق وحدة وحدة وماتنسى طمني عليك
    أصيل هاتي بوسة اااامموواه حاضر ياعمري باي
    انا باي ياعيوني
    هدي حياتي مع اصيل حب وتفاهم صح يصيرو بينا خلافات بس نحل فيهم بعقلانية عشان نحافظ ع بيتي هكي ماما علمتني ضروري واحد يشد وواحد يرخي 
    صابر هلا حبي 
    اصيل اهلين اهو جايك ف الطريق
    صابر تم ياصديقي
    أنا فى المطبخ نطيب ف الغداء رن الجرس 
    أنا فتحت الباب أهلين ياغزالة شن حالك 
    مواهب هذا غير ع أساس جيران وينك لاتجي لاتعدلي
    أنا والله دابني داب الحوش تعرفي انتي اصيل حتى حوش هلي مانمشيله هلبة
    مواهب حي عليك قداش عبيطة وانتي غبية ولاغبية ولاغبية معقولة لهدرجة يعني ماعندك شخصية العمل وسيبتيه وحوش هلك وماتمشي والجيران لا
    أنا اهم شي متريحة معاه ونحبه ويحبني 
    مواهب ردبالك راهو المراء الضعيفة الراجل مايحبها وماتجدبه راهو يبو القوية الى عندها طموح واحلام توا يمشي يمشي يتزوج وحدة مزينة
    انا مستحيل اصيل يبدلني يحبني ويموت فيا
    مواهب بلاش هبل زايد والله زي مانحكيلك راهم النظيفة والسمحة يبيعوها ويمشو للمسخة والشينة والى لسانها اطول من رقبتها
    صابر شن حال المدام
    اصيل رقم 1 ولارقم2
    صابر ميساء الى بدلتها 
    اصيل بديت ف الدسكة متاعك
    صابر ظالم ياأصيل انت والله ظالم
    اصيل بالله سكر ع الموضوع وماتزيدها عليا 
    صابر انت لما نوصولو ف كلام الحق تزعل 
    اصيل تي وقطع عليه صوت التلفون 
    صابر هدي اكيد بشرى 
    اصيل اهلين 
    بشرى حبي ستاحشتك
    اصيل انا أكثر
    بشرى امتى بتجي غلايا راني مليت من الوضع هذا حاطني ف الجبل وتجيني اسبوع وباقي الأيام عند هديكا
    أصيل غدوة جايك وتوا نتفاهمو
    بشرى بجد ياعمري احلا خبر نسمعه

    الفصل الثاني من هنا 

    إرسال تعليق

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .