رواية مرة شوفت حلم الجزء 9 التاسع بقلم كوكي سامح
إياد مش ابنك يا مرتضى وسامحنى عالخبر ده بس كان لازم تعرف حقيقه مراتك انها كده خاينه ورد عليه وسند على العربيه وقال بضحكه فيها سخريه وقهر وذل إياد مش ابنى ده نور عينى😭
.. انا مقدرش استغنى عنه
.. خلاص يا مرتضى خبى السر ومتقولش لمراتك انك عرفت حاجه وعيش مع مراتك وولادك كيان وكريمان وأياد.
.. مش قادر يا احمد حاسس انى هموت انا عمرى ما حرمتها من حاجه طول عمرى خدام ليها ولأمها
.. عارف يوم ما ولدت البنات اللى كنت بخدمها وال 9 شهور هى كانت تعبانه وهى حامل فيهم كنت مش مخليها عاوزه حاجه!! ليه تعمل فيه كده بس انا مش هسيبها الفاجره دى. وبعدين هعمل ايه مش انت قولت فى خطه هعرف بيها إياد ابن مين وبتخونى مع مين؟
.. طبعاً وخطه هتدخل عليها بس اعمل زى ما هقولك بالظبط اول لما تتدخل المستشفى وطبعاً إياد حالته خطر انت هتقولها ان الولد محتاج رقيه شرعيه ويمكن تكون سبب فى شفائه
.. وبعدين يا احمد؟
.. وتقولها انك تعرف شيخ كويس وطبعاً هيكون تبعى وبمعنى أصح تقولها ان انا اللى عرفتك عليه وبعد كده تتصل بيه وسيب الباقى عليه
مرتضى.. ماشى بس ازاى هعرف من الموضوع ده
احمد.. افهم انا قولتلك هتعرف بس سبنى دلوقتى هروح ابلغ المفسر واخته علشان ننجز وانت كلمنى بعد ساعه واطلب الشيخ تمام يا صاحبى
مرتضى.. ربنا يبارك فيك يا احمد
احمد.. يلا انا همشى دلوقتى
مرتضى.. احمد هات التحاليل انا هروح احطهم فالعربيه
احمد.. برحتك اكيد سلام مؤقت
.. وفعلا احمد مشى وراح يبلغ المفسر واخته على الخطه ومرتضى راح وفتح العربيه وحط التحليل فى التابلوه ووراح المستشفى وفضل قاعد مع منى واستأذن يدخل يشوف إياد وكان الولد حرارته عاليه وتعبان اوى وخرج وهو بيعيط وقال منى رددت وقالت فى حاجه الولد جراله حاجه رد وقال ابننا تعبان وانا خايف عليه وبصراحه الدكتور صاحبى إللى شاف حاله إياد يعرف شيخ كويس واقترح عليه الرقيه الشرعيه ايه رأيك رددت وقالت ياريت يمكن يبقى كويس اكيد الولد محسود
.. ومسك التليفون واتصل بأحمد وقاله يجيب الشيخ زى ما قاله وقفل معاه
.. وبعد مرور ساعه ومنى قاعده تعيط وحاله إياد بتسوء وفجأه دخل احمد ومعاه المفسر واخته وقال ازيك يا مدام
.. اهلا ازى حضرتك يا دكتور
احمد.. هو فين مرتضى
منى.. نزل الخزنه
المفسر.. السلام عليكم ورحمة الله وبركاته ازيك يا بنتى
منى وطت وباست ايد المفسر وقالت ازيك يا شيخنا ربنا يجعل شفاء إياد على ايدك يا شيخنا
المفسر.. ان شاء الله
منى.. هى مين الانسه
احمد.. دى مساعده الشيخ
مرتضى.. السلام عليكم ازيك يا شيخنا
.. وبص للمفسره وابتسم وهى ابتسمت وقال يا شيخ الدكتور قالى ان حضرتك هتشوف ابنى وهو محتاج رقيه رد المفسر وقال عاوز اشوف الولد
مرتضى قال للممرضه انا هدخل الشيخ لأبنى علشان يرقيه يمكن يبقى كويس رددت وقالت دخله بس متتأخرش..
. وفعلا دخل ومعاه المفسر اوضه إياد واول لما دخل المفسر شاف إياد وبكى من منظره وقال ربنا يشفيك يا ابنى ومرتضى خد المفسر وخرج بعد ربع ساعه واول لما خرج احمد شاور للمفسر
المفسر.. استاذ مرتضى ابنك فى حاله سيئه اوى اوى
منى.. يعنى ايه ابنى هيجراله حاجه يا شيخنا
المفسر مسك ايدها وقال الحل فى ايدك
.. بصت بإستغراب وقالت فى ايدى ازاى يعنى
المفسر.. لازم ننزل من المستشفى حالا
مرتضى.. خير يا شيخنا
اخت المفسر.. انتم مش عاوزين ابنكم يخف خلاص اسمعوا الكلام
منى.. هنروح فين؟
المفسر.. عندى فالبيت يأما عاوز اى اوضه فاضيه فالمستشفى
الممرضه.. استاذ مرتضى ابنك تعبان اوى وقلبه وقف
مرتضى.. ابنى لا لا
منى.. ابنى مات مات خلاص
الممرضه.. قلبه وقف
المفسر رد وقال ابنك هيموت والحل فى ايدك
منى.. قولى اعمل ايه ياخد عمرى ويعيش هو ده انا مليش غيره فى الدنيا دى
اخت المفسر.. لا حول ولا قوة الا بالله خلاص يا مدام اسمعى الكلام كويس
مرتضى.. قول يا شيخ انا عاوز ابنى يعيش
رد المفسر وقال فى كلام مينفعش يتقال وبص لمنى وقال ابنك هيعيش بس انا عاوز ابوه هو اللى هيعمل اللى هقول عليه
مرتضى.. قولى وانا هعمل اى حاجه
المفسر.. فين ابوه يا مدام منى
منى.. ابوه ابوه ابوه ممممما اهو قدامك
المفسر.. بقولك فين ابوه
مرتضى.. فى ايه يا شيخنا انا ابوه
المفسر.. انا بكلم مدام منى
.. ومنى وقفت ومرتضى فى وشها والمفسر واخته واترسم بيهم دايره والمفسر قال بقولك فين ابوه
الممرضه.. ابنكم بيموت بيموت ادخلوا شوفوا الولد
المفسر.. مين ابوه قولى علشان ابنك يعيش
مرتضى.. انتى بتخونينى يا منى
منى.. وابنى هيعيش يا شيخنا
المفسر.. روح ابنك فى ايدك انطقى
منى.. انا حاسه ان روحى بتتسحب منى الحقونى
.. اخت المفسر مسكت ايدها وقالت شوفتى روحك بتروح مع ابنك قولى مين ابوه علشان نعرف نساعدك
منى بصت لمرتضى وقالت ابوه
مرتضى.. خونتينى مع مين يا فاجره
.. منى انهارت وقالت المهم ابنى يعيش لازم يعيش انا هقولك مين ابوه
مرتضى ضربها بالقلم
منى منهاره وقعدت على الأرض وقالت أبوه خليل ابن مسعد البواب....
الجزء العاشر والاخير من هنا
