أخر الاخبار

رواية احفاد فرعون الحلقة 7 السابعة كاملة بقلم اروي طاهر المسلاتي (بنوتة الشيخ)

رواية احفاد فرعون الحلقة 7 السابعة كاملة بقلم اروي طاهر المسلاتي (بنوتة الشيخ)


رواية احفاد فرعون كاملة pdf - بنوتة الشيخ



نجمه:خشت تجررري حضنت مالك ....بااااابااااا❤️❤️
رجاء:السلام عليكم 
ناضو كلهم يسلمو عليها وساجده مش فاهمه شي ....بابا؟؟قالتله بابا ؟؟...
مالك:وقف وحضن بنته باعدها شويه ويشوفلها بتمعن...كيف حال اميرتي 
نجمه:ماما قالت غضوا نجو قعدت نعيط لين جابتني اليوم😋
مالك:ابتسم ع جنب ...شاطره❤️
ساجده:وقفت من مكانها تشوفلهم وكلهم يراقبو في ساجده من تحت لتحت يراجو في ردة فعلها!
رجاء:شافت لي مالك وقامت حاجبها...هاذي هيا؟!
مالك:مهتمش بي سؤال رجاء وشاف لي بنته...بري اغسلي يديك وتعالي تغدي معاي 
نجمه:به☺️
ساجده:حسيت الدنيا ادور بيا قريب جيت طايحه على وجهي وربي!...طلع متزوج وعنده بنت صغيره 
صغيرررره عمرها مسكرش ال 3سنين تحكي بصعوبه قاعده ...انا شنو ندير هنايا شني مكاني ؟!
جميله:شافت لي نهال بدون كلام 
نهال:حاولت تقطع الصمت يلي صاير ...اءء تفضلي رجاء تغدي معانا...ساجده قعمزي كملي 
ساجده:شافت للعيله كلها بنضره حاده وهيا تهز في راسها تحاول تستوعب وركبت لي دارها 
محمد:خيرها نصدمت؟مفيش حد حكالها 
نهال:منعلمش انا نسحابها تعلم 
فرعون:حصل خير حصل خير كملو غداكم 
رجاء:صحتين عليكم نبي نحكي مع مالك على انفراد شوي 
جميله:خليه يكمل غداه و...
مالك:قام يده بمعنى خليها تحكي وطلع برا مع رجاء 
سكينه:جت ماسكه نجمه 
جميله:ابتسمت ...هاتيها غزالتي قداش استاحشتها
نجمه:حضنتها وتبتسم❤️

________________________

مالك:ولع دخانه ويشوف لي السحاب 
رجاء:بتوتر...اسفه ع يلي صار اخر مره بينا 
مالك:نزل عيونه فيها...مفيش شي صار مش مذكر شي 
رجاء:انت مكنتش في وعيك و ....وانا تماديت هلبا 
مالك:بصوت واعر....مصاار شي قلت 
رجاء:خذت نفس وابتسمت...كنت نسحابك حرجان مني ريحتني توا❤️
مالك:غير الموضوع بدون اهتمام ...مرضت نجمه ؟
رجاء:مره بس الشهر يلي هاذا ...قالي الدكتور حساسية الصدر المزمنه ممكن انها تختفي مع الرقت 
مالك:لوح الدخان ....كويس 

ساجده:ماشيه جايه قدام السرير تقيم في شعرها وتعاود تنزل فيه مش مصدقه يلي سمعاته نااااار والعه فيه ميكفيش انها خدت ولد فرعون وزياده متزوج وعنده بنت؟!....طلعت من البلاكونا وقعدت تراقب في مالك وهوا يحكي مع رجاء ....
ساجده:حقير واطي ومرته احرف منه كيف راضيه هكي تخليه عادي يتزوج عليا!! ؟ وتبتسم زياده 
ياربي شنو الناس هيا

رجاء:شنو يعني!؟
مالك:يحاول بقدر الامكان ان ميشوفش لي عيونها ...يعني الحوش حوشك تقدري تقعدي 
رجاء:ضمت يديها لبعض بفرحه...بجددددد🥺
شكرا مالك شكرااااا كنت نسحابه بعد يلي صار بتاخد بنتك وترميني في الشارع بس عرفتك مش رح اديرها وانت عارف كويس معندي حد 
مالك:رجع شعره للخلف ...بطلي تحكي ع هذيك الليله وخليك في حالك تمام!
رجاء:ابتسمت..حاضر اكيد
مالك:سيبها وركب للسياره ...لبس نضراته وحط تالفونه في شحن السياره وقعد مقعمز 
رجاء:شبحتله بفرحه وهيا تتنفس بي عمق لين جت عينها في عين ساجده يلي واقفه ع البلاكونا ...قامت حاجبها وزادت ابتسمت اكتر 
ساجده:اما بجديات حقاره بعد هكي مفيش!..وخشت 

  🔥رِوَايـــــــــات بـــَـنـُـــووتِـــة الشـِــيـــْـخ🔥
     🔥أروى الــــطـــاهــــر المــســلاتــــي🔥

في حوش مختار :-
سلوى:مقعمزه ساكته مصدومه وياقوت ساكته بس تشوف لي امها.
اما فايزه حاسه بي الفرحه داخلها 

حافظ:لكن محد قال انه متزوج وعنده بنت يابوي 
مختار:ولو قال؟؟لو قال؟متبيش تعطيه بنتك وتقعد سمعتنا في الارض والفيديو كل يوم ينتشر وانت عارف احفاد فرعون كيف يبدو يتباهو بي الشي هاذا!!
مصطفى:حط كوب الشاهي...رسمي كلام بوي 
نفس الشي كان بيصير سواء متزوج او لا!
عبدو:اهم شي يقعدو على وعدهم شهر وتطلق 
مصطفى:خوانين ياولدي هاذم
عبدو:انفعل...تي وربي نطلقها منه والسلاح على راسه 
مختار:معندهم علاش مخليينها عندهم حيطلقوها...شاف لي انس
انس:ساكت ويسمع 
مختار:اهم شي يا انس دير بالك على اختك ومتخليهاش مره مره دير عليها دوره شوف شنو ناقصها 
عبدو:انا ن......
مختار:خوها اولا بيها وانت رد بالك تعتب قصرهم غادي نعرف المشاكل يلي بتصير بينكم وحني مش ناقصين 
عبدو:سكت وهوا متعصب 

سيرين:تساوي في وشاحها.....طولي بالك اني كله يهون ان شاء الله
سلوى:خدت نفس....يارب شنو راجلك جي؟
سيرين:اي خلاص معش نقدر نقعد اكتر من هكي 
سلوى:به ديري بالك على نفسك 
سيرين:ان شاء الله...سلمت عليهم كلهم وطلعت 

فايزه:تتكلم داخلها....الحمد الله 😈كويس بكل 
الشي هاذا رح يساعد في طلاقها 
اخخخخ بس او فرخه ياقوت ياخدها واحد منهم وتقعد سيدة الحوش غادي وولدي الكل في الكل هنايا 
والله تبدي سيدة البلاد يافايزه 

________________________

ساجده:شافت لي شكلها في المرايا ...لابسه قفطان نوم وااااسع لعند الركبه مرسوم عليه ميكي وقامه شعرها كعكه ...هه وقالت البسي وادعلي 
وهوا طلع جايب حتى بنت 
الشهر بيفوت سنه عليا🤦🏻‍♀️🤦🏻‍♀️
قعمزت نفكر وسارحه ...جت عيني على ثلاجه صغيره جايه بين الحمام والكنبه....فتختها شفت كم مشروب وعصير وحجات غريبه مركزتش فيها خذيت مشروب وقعمزت ع السرير ! 

مالك:طق طقتين بخفه ...وخش ع طول 
ساجده:قلبت عيونها وشافت لتلفزيون 
مالك:بدل حوايجه بدون ما يحكي معاها وقعمز ع السرير وطلع تالفونه !
ساجده:قعدت ساكته تراجي فيه يفتح موضوع معاها او يقول اي شي !
بس قعد مالك ساكت طول الوقت وكان السكوت والهدوء هاذا مداير جو توتر لي ساجده 
مالك:سكر تالفونه وشافلها ...شنو!
ساجده:قرنت حواجبها...شنو يلي شنو!؟
مالك:العيله يبو يفهمو تهنيتي ولا مزال !؟
ساجده:بي استعباط حقيقي...كيف مفهمتش !
مالك:امس خليتك ع راحتك ومدورتكش 
لكن لعند امتى ؟
ساجده:فهمت ...ضحكت بصدمه
بجديات مصح وجهك !...حاط في راسك اصلا انك بتقرب مني ولا تمسني ؟
برا لي عند مرتك يلي منعلمش بيها الا اليوم واكتشفت ان عندك بنت ...برالها دير يلي خاطرك فيه ورد بالك حتى تفكر في الجو هاذا معاي !
مالك:كان يشوفلها بطريقه غريبه ...نضره قادره انها تنسي اي بنت كلامها !
ساجده:ربعت يديها وشافت لي التلفزيون !
مالك:وقف وطلع للبلاكونا 
ام ساجده كان قلبها بيطيح منها فهمت ان السكوت هاذا مستحيل يفوت هكي !
كملت ساجده تتفرج ع التلفزيون وساكته 
مالك:سكر باب البلاكونا وخش .....يعني نفهم انك رفضتيني؟!
ساجده:ساكته
مالك:خليني نعرفك اول شي على روحي منحبش نكلم حد ميردش عليا ...ضرب رجله في السرير وهوا متعصب ...لما ندوي تردي عليا مش حمار انا ننبح بروحي 
ساجده:نصدمت !😨...يلي صار مش سبب يخليه يعصب بطريقه هكي ...ملامحه تغيرت كأن فيه شي كبير مضايقه وتفجر فيها 
ساجده:اي رفضتم اي ...
مالك:رجع للخلف وضحك بهزوه 
ساجده:مش تبيني نرد ومنخليكش تنبح بروحك؟؟اي رفضتك 
مالك:بدت شوي شوي الضحكه تتلاشي من على وجها وملامح الجد تبان عليه ...ماهو مش على كيفك 
ساجده:لا والله ؟؟؟
مالك:زاد قرب عليها...اي مش بي كيفك 
ساجده:هوا شهر!....شهر واحد بس فوتني فيه 
طبطبت على كتفه....تبي حاجه مرتك تراجي فيك برا ....تلفتت لي السرير بترقد بس مسكها من يدها ورجعها لي 
مالك:ثالث مره نعاود فيها !...مش بي كيفك 
ساجده:مركزه في عيونه وسط ضلام الدار !
مالك:نزل يده على كتافها وصوت جده قاعد في ودانه يرن

فرعون:اذكر ان الهدف من الزواج مش ان اناسبوهم بس ...لازم يجي ولد من دمهم باش تضمنهم تحتك طول العمر !وحفيدهم يبدا من احفاد فرعون !

مالك:نزل يده على قفاطانها وفي اللحضه هاذي دفاته
ساجده:انت !!...انت نفس الشخص 
نفس الشخص كنت على البرج وتحاول تقتل شخص من عيلتي ..متأكده نفس لون العيون والصوت وحتى الريحه ...جت بتهرب من الدار رجعها لين راسها انضرب في الحيط وسكرلها فمها 
مالك:حتى لو طلعتني من هنايا تعيطي وتحكي كل شي مفيش حد مدايرلك شي وبيشوفوك ع اساس مجنونه وبس ....خشيتي للحوش هاذا وكل شي يصير هني بيقعد هني بينا ومفيش مخلوق يعرف هاذي قوانين اهل فرعون يلي طول حياتكم عشتم خايفين منهم ومن سيرتهم 
ساجده:حست بشي سخون نازل على رقبتها 
حطت يدها على رقبتها ولما شافت يدها لقتها دم 
فهمت ان راسها انضرب في لوحة الدولاب 
حست ان راسها دايخ ومش متزنه ...بعد من طريقي
مالك:خذي نفس بعد التعصب يلي صارله وخذي كلينكس من الدرج ومسحلها رقبتها 
ساجده:حطت يدها على يده❤️ودفاته ...خشت للحمام وبدت تغسل في الدم يلي نازل من راسها 
اما مالك بدي يحاسب في نفسه مش مفروض ان يصب غضبه كله في شخص مليشي ذنب!!

__________________________

اما احمد كان يذكر في حجات مش مفهومه في راسه !
متأكد ان الليله يلي صار فيها الحادث قبلها صاير شي 
لانه مان ناسي وين طالع وليش طالع !
طول الوقت دخان ورا دخان يفكر كيف بيطلع نفسه من الورطه يلي دخلهم فيها غباء محمد خوه🤦🏻‍♀️
وقف سكر باب داره يبي يطلع من راسه الافكار المتقطعه...طلع كيس الملاكمه وقعد يضرب فيه قريب ساعه تامه لين فش غله كله وطاح ع السرير رقد طول 

________________________

رجاء:كانت بنسبه ليها فرصه كبيررررره تحاول تصلح يلي صار حتى ولو بجزء بسيط 
تبي تخلي مالك يشوفلها بي اعجاب حتى ولو كان مزيف كانت تتمنى الشي هاذا وتكفر على اغلاطها 
كانت عارفه كويس انها تقريبا اخر فرصه تاخدها منه 
شافت لي نجمه يلي كانت راقده في عالم تاني 
باستها على راسها وهمست في ودنها ....انتي الورقه يلي بتخليني نربح بوك ياقلبي❤️ 

  🔥رِوَايـــــــــات بـــَـنـُـــووتِـــة الشـِــيـــْـخ🔥
     🔥أروى الــــطـــاهــــر المــســلاتــــي🔥

ثاني يوم :-⛅️⛅️⛅️⛅️

على سفرة الفطور :-
مختار:وين عبدو؟
فايزه:شبحت لي راجلها...
مصطفى:بايت برا 
مختار:قرن حواجبه...شن قصته هاذا كل يوم يرجع الصبح وين يبات ولدك بزبط
فايزه:قاطعتهم ....عنده صاحبه قال مريض هلبا الايام يلي فاتو يبات جنبه في المشفى 
مختار:امممم به مليح المهم معنداش مكان تاني بس الباقي عادي 
فايزه:وهيا تبتسم....اطمن ياحاج اطمن ولي العهد ماشي كيف ماتبي واحسن 
سلوى:داخلها...الصبر ياربي وبس 
ياقوت:نزلت وهيا لابسه....شنو عبدو مروحش؟
فايزه:مزال
ياقوت:منو بيرفعني الجامعه اليوم؟
مصطفى:انا طالع هي 
ياقوت:تمام 

_______________________

ساجده:طول الليل مرقدتش قعدت مقعمزه ع الكنبه وبس 
ومالك مرقدش حتى هوا ....قعمز في البلاكونا ومركزه فيه دخان طرف في جرت طرف 
عندي هلبا اسإله خاطري يجاوبني عليها لكن مش قادره نكلمه ....قعدت ع الحال هاذا لين اذن الفجر بعدين رقدت معش نعلم بشي 

الساعه10الصبح:-
مالك:خلاص تشطيباته الاخيره...خذي تالفونه وجي بيطلع ...وصل لعند الباب بعدين رجع لي ساجده يلي كانت راقده ...مقدرش يقرب ويحط يده على شعرها ...لكن قعد يحاول يركز في الجرح يلي في راسها ....تنهد وطلع من الدار 
واضح ان مالك ممشتش الامور زي ماختطلها !!

_________________________

على سفرة الفطور:-
محمد:فتح المسج يلي وصله(الواضح انت وخوتك مدايرين الحوله؟شنو خلاص متبوش تكملو باقي عمركم؟!)
سكر المسج وملامحه تغيرت 
فرعون:شنو فيه!؟
محمد:شي شنو ؟!
مالك:قعمز جنبهم  
فرعون:وين احمد؟
محمد:طلع من الصبح 

رجاء:شن قصدك؟؟
نهال:قصدي واضح...مستحيل نلزك ولا ندير شي غلط لكن ارجوك وبالله عليك بعدي من عليا لا نبي نكون صديقتك ولا شي خليني في حالي ياسر المشاكل يلي جت بسببك 
رجاء:انتي كيف تتكلمي معاي بطريقه هاذي!؟
نهال:الصبر ياربي الصبررر....وسيبتها وطلعت 

فرعون:قدم على مالك بصوت واطي ...شن صار !
مالك:ياكل وعيونه لوطه.....ولا شي 
فرعون:قرن حواجبه....ليش؟!
مالك:خذي نفس...منعرفش ....جديات منعرفش خشت بعضها وانا كنت مش صاحي 
فرعون:لا كنت صاحي هاذا باش مقربتش عليها 
افقد وعيك اليوم وخلي الشي يصير 
مالك:قام حاجبه...نفقد وعيي؟
فرعون:انت فاهم كويس شنو نقصد ....الحنل نبيه من اول شهر !
مالك:يصير خير 
فرعون:مسك يده بقوه....مش يصير خير 
رح يصير اليوم وبلغصب عليها متخليهاش تستعطفك 
مالك:قابظ على يده وساكت 
فرعون:عارف وجود رجاء هنايا موترك وخايفها ادير شي 
من البدايه قلتلك متوجعهاش هنايا خود بنتك وياسر 
مالك:معندهاش حد مهما كانت مقدرتش نرميها في الشارع 
فرعون:الله يبارك ع الاخلاق 
محمد:اشر لي مالك براسه 

__________________________

ساجده:فتحت عيونها وكانت حاسه بي حد يشح في شعرها...قعمزت مخلوعه وعيطت بصوت عالي 
لكن سكتت فجآه لما شافت يلي قدامها❤️
كانت نجمه ماسكه مشط بلاستيك واستشوار لعبه ❤️
نجمه:شعرك طويل ..شوفي شعري انا 
ساجده:ابتسمت من غير ما تحس 
نجمه:انتي منو؟
ساجده:انا ساجده وانتي ؟
نجمه:انا نج....باااااابا 
وطلعت بسرعه حضنت مالك 
مالك:قامها...شنو اديري هنايا 
نجمه:درتلها شعرها ...بابا شوف شعرها طويل 
مالك:اطلعي برا معش تخشي هنايا 
نجمه:انلا نبي 
مالك:حطها ع الارض وفنص فيها....اطلعي قلت 
نجمه:تعبو عيونها دموع وطلعت تجري
ساجده:ناضت للحمام وهيا اتمتم بصوت واطي ...مفيش فرق زيك زي ولد عمي الكلب 
مالك:خدي فلوسه وطلع

_________________________

عبدو :اول ما فتح عيونه ابتسم لما لقاها قدامه ❤️
هبه:قلبها يدق بسرعه..
عبدو:حضنها وجبدها وهوا راقد ع السرير❤️
هبه:بعدت من عليه شويه وقعمزت جنبه وهوا راقد ...حبيبي
عبدو:مبتسم...ها 
هبه:انا 💔انا حامل 
عبدو:تلاشت من عليه الابتسامه ....كك كيف؟
هبه:استجمعت قوتها...حامل ليا شهر بس!
طول الليل نفكر كيف بنقولك 
عبدو:ناض من جنبها وقلب الدنيا ....حممممممل شنو ؟؟؟
كيف صار وين الحبوب يلي تاخدي فيهم 
هبه:منعرفش كيف صار😭
عبدو:قعد ماشي جاي بتوتر ويرجع في شعره للخلف بخوف ....مسكها من فمها بعنف.....فرخ الحرام يلي في بطنك لازم ينزل سامعه لااااااازم 
هبه:😭الف مره نقولك اقرا عليا فاتحه 💔
الف مره انت يلي جبرتني نقعد معاك في الحرام مش انا 
عبدو:لو حتى فكرت ان يكون عندي صغار مستحيل تكوني امهم انتي مستحييييييييل 
هبه:بدت تبكي بهستيريا وطلع عبدو وسيبها 

  🔥رِوَايـــــــــات بـــَـنـُـــووتِـــة الشـِــيـــْـخ🔥
     🔥أروى الــــطـــاهــــر المــســلاتــــي🔥

الساعه9في الليل:-

ساجده:مفيش شي جديد!....مطلعتش من الغرفه من الصبح حابسه روحي منبيش نتلاقى مع حد 
غيرت ملابسي يلي اكتشفت انهم ملبزات بدم من ليلة امس !.

طق طق طق
ساجده:دق قلبي مع الباب وقلت اهو روح🤦🏻‍♀️
بس لما انفتح الباب مكانش هوا !
ساجده:تفضلي ؟
رجاء:خشت بتوتر وسكرت الباب وراها ...انا منبيش نعطل معاك ...هما كلمتين 
ساجده:قامت حاجبها!؟
رجاء:متخليشي يقرب منك ومتطمعيش معاه بلخير لانه خوان وغدار!ومرجوعه لي بنت وليا 
ساجده:ابتسمت....اطلعي سلم ماما مش حاطاته في بالي اصلا 
رجاء:انا تكلمت واني نضمي جوك ....وطلعت 
نهال:لمحت رجاء طالعه من غرفة ساجده 

ساجده:قعمزت وراسها بين يديها....ياربي ثالت يوم ومش قادره نتحمل 
نهال:هاذي رجاء خشتلك!؟
ساجده:اي ....غايره على راجلها 
نهال:بس رجاء مش مرت مالك !
ساجده:كيف؟
نهال:رجاء م....... 
مالك:فتح الباب وخش 
نهال:وجها اصفر....يالله زي مقتلك العشي واتي 
مالك:خش للحمام 
ساجده:تمام 

__________________________

عبدو:طول اليوم مقدرش يروح للحوش !
يفكر في المصيبه يلي طاح فيها وعارف كويس ان هيه مستحيل ترضى اطيح البيبي 
رجع لي الشقه ولقاها مقعمزه في السرير وتبكي زي ماتوقع!

عبدو:كنت ندور على دكتور 
هبه:قامت عيونها الحمر....ولدي بلحوام ومستحيل نتخلى عليه 
عبدو:هبه ...صلي ع النبي 
هبه:انت اناني وتبي مصلحتك وبس 
عبدو:فصل عليها...بلعقللللل انتي بنت حرام ومستحيل نجيب منك صغار بلحرام 
هبه:زهقت من كثر الاهانات يلي تتحمل فيهم💔...جرت بسرعه بدون وعي وطيحت نفها من الروشن 💔
نزل عبدو وبسرعه ووجها ميتفسررررش 

  🔥رِوَايـــــــــات بـــَـنـُـــووتِـــة الشـِــيـــْـخ🔥
     🔥أروى الــــطـــاهــــر المــســلاتــــي🔥

مالك:طلع من الحمام وسكر الضي 
ساجده:تلفتت....
مالك:قرب منها 
ساجده:شنو!
مالك:مسكها من خصرها ....بتريس 
خلي الليله تفوت ع خير الشي هاذا لازم يصير 
ساجده:ليش ريحتك هكي ؟!شاااارب؟؟

مالك:....يتبع

الفصل الثامن من هنا 

تعليقات



حجم الخط
+
16
-
تباعد السطور
+
2
-
close