رواية احببتها بقسوة الفصل 7 السابع بقلم ايمي
الحلقة ٧
أمجد: طيب سيب موضوع الشغل ده عليا وقولى عملت ايه مع سلمى
احمد : فكرت امبارح وخت قرار
أمجد: ايه هو
احمد : لما ارجع هبقى اقولك
أمجد: طيب يا ابنى رايح فين
ولكن احمد قد غادر بالفعل
------☆☆☆------☆☆
فى كليه الاسنان
سلمى : انا مش عارفة اشكرك ازاى يا دكتور واللة
الدكتور : انتى زى بنتى يا سلمى كمان سيف والدك من اعز اصدقائى بس طمنينى عملتى ايه فى امتحان النهاردة
سلمى : هو مش احسن حاجة بس تمام
الدكتور : لازم تستمرى على تفوقك وتحسنى مستواكى ها فهمانى عاوزك تبقى التانية او الاولى بلاش التالتة
سلمى بابتسامة : حاضر يا دكتور
الدكتور : طيب هتروحى
سلمى: هستنى فى الكافتريا على لما يجى صحابى
الدكتور : طيب ماشى سلام يا سلمى
وتذهب سلمى الى الكافتريا
-----☆☆☆-----------
سارة : شوفوا كامليا فين علشان احنا اتاخرنا على سلمى
هايدى : يمكن لسه بتمتحن
زينب : اهيه وصلت الست هانم
نوران : احنا مش اتفقنا اننا نتجمع بدرى يا كامليا
كامليا : معلشى الامتحان كان صعب شوية
سارة :طيب يالا نروح لسلمى لا احسن هتنفخنا 
-☆☆☆☆☆☆☆---
فى الكافتريا
سلمى تحدث نفسها: بقى انا تسييونى كدة استناكوا انتى إللى غلطانة يا سلمى كنت امشى وسيبيهم وبينما هى تحدث نفسها لتتفاجئ بصوت شخص يقول
اول مرة اشوفك قاعدة لوحدك اومال فين شلة المجانيين فتلتف
فتلتف
سلمى : انت دخلت الكلية ازاى
احمد : الناس بتقول ازيك عامل اية مش دخلت ازاى ويستكمل كلامه ويشير إلى البدلة إللى يرتديها ويقول قولت لى الأمن انى جاى اقبض على حد هنا فدخلونى
سلمى بسخرية: وبتقول علينا شلة مجانين انت طلعت مجنون اكتر من مننا
احمد: ما دام هتبقى معايا مش مهم اكون مجنون 
احمد : طيب تسمحى تيجى معايا بدل ما اتجنن اكتر
سلمى بااستهزاء: ايوة ونروح على مطعم وناكل بيتزا
احمد : لا مش هنروح مطعم هنروح مكان تانى
سلمى : آسفة انا مش همشى فى حته لانى هتستنى صحاب
احمد : خلاص نستناهم سوا واهوه بالمرة يشوفنا قاعدين سوا
سلمى : بتحطنى قدام الأمر الواقع
احمد : وانا اقدر
سلمى : اممممم موافقة هاجى معاك
احمد بانتصار : طيب اقفلى موبايلك
سلمى : مش هينفع
احمد ياخذ الموبايل ويغلقه
ويخرجا سويا من باب الكليه
-----☆☆☆-------
بعد فترة
سارة : سلمى مش موجودة جوه
هايدى : طيب رنوا عليها
نوران : برن الموبايل مغلق
زينب : طيب تعالوا نسأل الأمن
ريهام : لو سمحتى متعرفشى سلمى خرجت ولا لاء
رجل الأمن: سلمى مين فيه كذا سلمى فى الكلية
فتخرج كامليا موبايلها وتقول له سلمى دى
رجل الأمن: خرجت مع واحد ظابط قال انه جاى يقبض على حد
سارة : ماشى شكرا
البنات : ماشى يا سلمى حسبنا بعدين
-----☆☆☆☆☆-----
فى منزل احمد النمر
ملك : ابنك مش بيرد عليا يا ماما وقافل موبايله
الام : وانتى عاوزاه ليه
ملك : البيه كان قايل انه هيخرجنى آخر يوم امتحانات إللى هو النهاردة
الام : طيب جربى ترنى عليه ف مكتبه
ملك : طب واللة فكرة تصدقى مكانتشى فى بالى
وبالفعل ترن ملك
ملك : الو
أمجد: مين
ملك : احمد موجود
أمجد: مين عاوزة
ملك : انا اخته
أمجد: ازيك يا ملك عاملة ايه ويبدأ يفتح حديث
ملك بملل : يعنى هو مش موجود امال فين
أمجد: رن عليه الموبايل
ملك بضيق : يعنى انا هستنى انك تقوليلى رنى الموبايل انا رنيت وقافله 
امجد: طيب فيه حاجة لو عاوزة حاجة قوليلى
ملك : لا شكرا وتغلق الهاتف
ثم تتنهد قائلة: اليوم ناقص قافله
----☆☆☆☆-----
وقف البنات امام الكلية الاسنان
سارة: هنخرج من غير سلمى مش هينفع
هايدى : خلاص هنعمل ايه كل واحد يروح على بيته
ريهام انا كنت بقول كدة بردوا
زينب : انا مش هروح انا هروح الورشة
نوران : ايوه كدة انتى اخرك ميكانيكى
زينب : جاهلة ورشة العمل السينمائى
هايدى: انا هاجى معاكى
سارة: يالا هي جات عليا هروح معاكوا وامرى لله
-----☆☆☆☆------
فى ورشة السينما
مساعد المخرج : مفيش اى حد عارف يعمل الدور يا فارس
فارس: خلاص شوف اى حد انما زينب مش هينفع تكمل
مساعد المخرج : ع فكرة هى الوحيدة اللى مثلت الدور صح
فارس : انا مقولتش انها مش شاطرة فى التمثيل بس بلاش الدور ده مع انها اتقنته بس انا مش عاوزها ف الدور ده
مساعد المخرج: انت بتحبها يا فارس
فارس : جدا ومش عاوزها تمثل بس اعمل ايه نفسها تبقى فنانة وانا هساعدها بس ف أدوار معينة
خلف الباب كان البنات يستمعون إلى كلام فارس
سارة " البت سلمى دى جبانة
هايدى : فعلا هى قالت ان فارس بيحبها من قبل ما حتى تشوفة
وفجأة ينفتح الباب مرة واحدة 
-------☆☆☆-------
فى عربية احمد النمر
سلمى: بقالنا كتير ماشيين
احمد : هانت اهيه قربنا نوصل
سلمى " طيب احنا رايحين فين
احمد : سر هتعرفيه لما نوصل
سلمى ترجع شعرها للخلف فقد تتطاير بسبب الهواء
احمد: لمى شعرك يا اختى إللى فرحانة بيه ده وبعدين مش هتتحجبى زى صحابك
سلمى: تؤ تؤ مش هتحجب
احمد برفعة حاجب : هنشوف
بعد فترة
احمد : أخير وصلنا
