-->

رواية عروسي المشوهة الفصل الخامس 5 بقلم سارة علي

رواية عروسي المشوهة الفصل الخامس 5 بقلم سارة علي

    رواية عروسي المشوهة الفصل الخامس 5 بقلم سارة علي




    الفصل الخامس
    بسم الله الرحمن الرحيم
    قدر بص ل ادهم ومردش عليه وبعدين رجع بص ل نور وحياه ال كانوا واقفين باصين في الارض
    قدر:ايه انتو مش سامعني ولا ايه
    متردوا
    ادهم: براحه يا استاذ
    اديهم فرصه يتكلموا
    قدر: والله انا مسالتش حضرتك ولا وجهت كلام ليك
    انا كلامي موجه ليهم هما يا ريت حضرتك متدخلش
    قدر بص ل حياه ونور
    قدر:اتفضلوا قدامي
    حسابي معاكم بعدين
    نور مشيت من غير ما تتكلم
    حياه بصيت ل ادهم:شكرا ل حضرتك يا دكتور
    انا اسفه تعبت حضرتك معايا
    قدر مسك ايديها وشدها:انتي لسه هتعتذري
    قدر شد حياه وخرجها من الكافية
    وادهم كان واقف مش فاهم حاجه
    قدر ركب حياه العربية ونور كمان ركبت العربية بتاعت قدر وقدر ركب وساق العربيه
    داليا قامت من على الارض وقربت من كريم ومسكت منه الخاتم
    داليا:ازاي
    انا انا دورت عليه كتير اوي هنا وملاقتهوش
    كريم:تلاقيكي مدورتيش كويس يا حبيبتي
    مكانش ليه لازمه كل ال انتي عمالتيه دا
    كريم طبطب على كتفها:متخافيش يا حبيبتي مفيش حد يقدر يدخل لحد هنا ويسرقك وخصوصا حياه
    حياه بنت طيبه وكويسه لا يمكن تسرق يا حبيبتي
    وبعدين انا مش فاهم انتي حاطاها في دماغك ليه البنت بقالها عندنا ٥ سنين من ساعه ما اهلها ماتوا واحنا مشوفناش منها حاجه وحشه
    سيبيها في حالها بقي يا حبيبتي
    انا هدخل اخد شاور وانتي قولي ل هاله تحضرلنا الغدا وبعدين تطلع تشوف الاوضه وترتبها
    كريم دخل الحمام وداليا بصيت على الخاتم بصدمه:ازاي الخاتم دا رجع هنا
    انا حطاه بنفسي في الدلاب بتاع ال اسمها حياه
    ازاي رجع هنا
    داليا افتكرت زينب ال كانت واقفه معاها لما خرجت من اوضه حياه
    داليا:طيب وزينب هتعرف منين انا حطيت الخاتم فين
    شكلي مش هعرف اخلص من ال اسمها حياه دي طول ما البنات دول موجوده
    لازم اخلص منهم الاول
    داليا رجعت الخاتم مكانه ب عصبية ونزلت قالت ل هاله تحضر الاكل
    قدر كان سايق العربية ومتعصب
    نور فتحت تلفونها وقريت الرسالة ال جاتلها من زينب
    زينب:مرات ابوكي هتتجن بعد ما ابوكي طلعلها الخاتم من علبه المجوهرات بتاعتها
    نور قريت الرسالة وبدات تضحك
    قدر بصالها من مرايه العربيه وحياه ضربتها في كتفها علشان تسكت
    نور:اسفه اسفه
    نور بطلت ضحك وبعدين رجعت تتضحك تاني
    قدر وقف العربيه بعصبية وبصالها
    قدر:انتي معندكيش دم
    انتي ليكي نفس تضحكي بعد ال انتو عمالتوا دا
    نور:انا مش فاهمه مالك مدايق من ايه
    حياه نسيت الكرا
    حياه ونور بصوا لبعض وسكتوا
    حياه:انتي اخدتيها منه صح
    نور:لا انتي ال اخدتيها منه
    حياه:انا مخدتش حاجه
    نور:ولا انا
    قدر:خلصتوا ولا لسه
    انا ممكن استناكم لحد متخلصوا عادي
    حياه بصاتله:انا مش فاهمه حضرتك مدايق ليه
    احنا معملناش جريمه ل كل دا
    قدر:يا سلام
    انتي عايزاني اعمل ايه لما اشوف اختي والخدامه بتاعتنا قاعدين مع راجل غريب
    حياه:خدامه؟!
    بس انا مش خدامه يا استاذ قدر
    استاذ كريم ال طلب مني اني اجي اعيش معاكم في الفيلا بعد ما اهلي ماتوا وانا كنت رافضة بس هو ال اصر
    وانا ال كنت بشتغل شغل البيت مزاجي
    انا عمري ما كنت خدامه ولا هكون
    علي العموم لو حضرتك شايفني خدامه كنت سبتني قاعده مع واحد غريب واخدت اخت حضرتك ومشيت
    اخدتني معاك ليه
    قدر: حياه انا بجد اسف والله مكانش قصدي انا كنت متعصب شويه ومش عارف انا بقول ايه
    حياه:مش فارقه اذا كنت متعصب أو لا المهم انك قولت ال في قلبك
    حياه نزلت من العربية
    نور:عجبك كده
    قدر نزل ورا حياه بسرعه وراح عندها ومسك ايديها
    قدر:حياه ممكن تسمعيني
    حياه بصاتله:نعم يا قدر بيه
    قدر:انا اسف يا حياه والله مكان قصدي انا بس ادايقت لما شوفتك مع الشخص دا
    اقصد يعني لما شوفتك انتي ونور
    انا حقيقي مكانش قصدي اي كلمه انا قولتهالك
    حياه:ولا يهمك
    انا عارفه انه مكانش قصدك
    بس انا عايزه اتمشي لوحدي شويه
    قدر: طيب تحبي اتمشي معاكي انا كمان
    حياه:لا معلش انا عايزه اتمشي لوحدي
    حياه ابتسمت ل قدر وبعدين سابته ومشيت
    قدر فضل باصص عليها لحد ما مشيت وهو مش قادر يروحلها أو يتكلم معاها لانه عارف انه غلطان
    نور نزلت من العربية وراحتله
    نور:عجبك ال انت عمالته دا
    قدر بصالها وفضل ساكت
    نور:انا نفسي افهم هتفضل كده لحد امتي
    هي عمالتلك ايه انا نفسي افهم
    قدر:نور انا بجد مخنوق ومش طايق نفسي اسكتي لو سمحتي
    قدر سابها وركب العربيه
    نور اتنهدت بعصبية وراحت ركبت جمبه
    نور: على فكره لو حياه مرجعتش هتزعل مني اوي يا قدر
    قدر رد بعصبية:وهي مش هترجع ليه يعني يا نور
    ليها مين غيرنا تروحله يعني
    نور: معرفش
    بس لو حياه مرجعتش
    ابوك مش هيرحمك
    قدر مردش عليها وساق العربيه
    بعد شويه وصلوا البيت وقدر فتح الباب ودخلوا
    كريم:ايه يا ولاد كنتوا فين
    وفين حياه اومال
    نور بصيت ل قدر بعصبية:اسأل ابنك يا بابا
    اسأله عمل ايه في حياه خلها تمشي ومنعرفش هي راحت فين
    نور سابتهم وطلعت على اوضتها وهي طالعه خبطت في رحيم ال كان نازل وباصص في تلفونه
    رحيم: مش تحسبي
    نور:اوعي انت كمان
    نور زقت رحيم وطلعت على اوضه زينب وفتحتها بعصبية ودخلت
    كريم قام وقف وقرب من قدر
    كريم: يعني ايه الكلام ال بتقوله اختك دا يا قدر
    قدر: مفيش حاجه يا بابا
    حياه كانت مخنوقه وطلبت تتمشي لوحدها شويه مفيهاش حاجه دي
    كريم:وانت ازاي تسيبها تمشي لوحدها بليل كده
    قدر:قولتلها اروح معاها هي ال مردتش اعمل ايه انا بقي يا بابا يعني
    قدر سابه وطلع اوضته
    داليا كانت في قاعده بتاكل ومبسوطه
    داليا بدات تكلم نفسها:حلو
    شكل ال اسمها حياه دي مشيت من نفسها
    شكلي خلصت منها ومفضلش غير الاتنين التانين ودول قريب اوي هخلص منهم
    داليا بصيت على كريم:ايه يا حبيبي مش هتكمل اكلك ولا ايه
    كريم بعصبية:هو حد يعرف عيالك دي ويجيله نفس ل اي حاجه
    كريم سابها وطلع اوضته
    رحيم مكانش فاهم اي حاجه
    رحيم قرب من داليا:هو في اي
    داليا:مفيش حاجه يا حبيبي
    اقعد كل انت وملكش دعوه
    رحيم قعد ياكل وداليا كانت بتضحك وفرحانه
    في اوضه زينب نور دخلت متعصبه
    زينب:في ايه مالك
    نور: اخوكي الزفت
    زينب: مصطفى
    نور:لا ال اسمه قدر
    قال كلام زي الزفت ل حياه خلاها تمشي ومنعرفش هي راحت فين
    زينب:هو دا كل ال مدايق
    اومال لو سمعتي المصيبه الكبيرة هتعملي ايه
    نور:في ايه
    استر يا رب
    زينب:مرات ابوكي
    نور:اشمعني
    زينب:جايبالك عريس
    نور بصدمه: نععععم
    في اوضه قدر كان رايح جاي بعصبية
    بدا يكلم نفسه:انا مالي مدايق ومتعصب كده ليه
    يعني هي هتروح فين يعني
    كلها ساعه ولا ساعه ونص وترجع على البيت
    وبعدين انا اعتذرتلها كذا مره مليش دعوه بقي
    قدر قعد على سريره وطلع تلفونه وبدأ يلعب بيه
    حياه كانت ماشيه في الشارع مخنوقه
    حياه بدات تكلم نفسها:وانا ال كنت فاكره انه هيجي يوم ويحبني
    يحبني ازاي وهو مش شايفني غير الخدامه بتاعته
    بس انا مش هينفع ارجع البيت دا تاني
    طول ما انا قاعده في البيت هشوفه وقلبي هيتوجع
    انا لازم مرجعش البيت دا ابدا
    مفيش غير مكان واحد ال هقدر اروحه
    حياه وقفت تاكسي وركبته والتاكسي مشي
    لميس كانت قاعده في بيتها وبتتكلم في التلفون
    لميس:ال اسمها حور دي كانت موجودة واول ما قدر عرف قالي محدش يدخل علينا
    واول ما كريم بيه فتح المكتب عليهم شوفتهم حاضنين بعض
    تالا بعياط:انتي متاكده من ال انتي بتقولي دا يا لميس
    لميس:طبعا متاكده انا شوفتهم بعيني وهما حاضنين بعض
    تالا:طيب خلاص اقفلي
    لميس قفلت مع تالا
    تالا:بقي كده يا قدر
    تخوني انا مع ال اسمها حور دي
    ماشي يا قدر انا هوريك ازاي تلعب على تالا كرم
    انا هوريك اللعب ال بجد عامل ازاي
    الساعه ٣ الفجر
    حياه نزلت من التاكسي ودفعت الفلوس للسواق
    حياه فضلت تبص حواليها
    كانت ماشيه في منطقة شعبية مفيهاش حد ماشي في الشارع خالص
    حياه كانت ماشيه بخوف
    لمحت اتنين بيقربوا منها
    خوفها زاد وفضلت واقفه مكانها ومش عارفه تعمل ايه
    في الفيلا
    قدر مكانش عارف ينام وكان مستني حياه ترجع
    بس حياه مرجعتش
    قدر:انا كده بدات اقلق
    انا هنزل ادور عليها بنفسي
    قدر فتح الباب ولاقي داليا في وشه
    داليا بصاتله:رايح فين يا حبيبي
    دي الساعه داخله على ٣ الفجر
    قدر فضل باصصلها وساكت
    في اوضه زينب
    زينب: طيب وبعدين الساعه داخله على ٣ وحياه لسه مرجعتش
    هتكون راحت فين يعني
    نور:معرفش انا خايفه عليها اوي يا زينب
    زينب:وانا كمان
    تفتكري حصالها حاجه
    نور بصاتلها بخوف وقلق

    إرسال تعليق

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .