رواية مرات الضابط الفصل الخامس 5 بقلم نورا عبدالرؤوف
الحلقه الخامسه
من ؤوايه مرات الظابط
بقلم \ نورا عبدالرؤوف
فى صباح يوم جديد اسماء راحت لنورهان البيت عشان يروحوا المدرسه
اسماء : وحشانى اوى يانورهان
نورهان : وانتى كمان ونور وهايدى عاملين ايه
اسماء : هايدى هى اللى جات يوم الخميس اما نور لا
نورهان : تمام يلا نمشي
مشوا البنات وهما فى الطريق كانوا بيتكلموا
نورهان : بقولك هو انتى بتروحى دروس
اسماء : ايوه بروح عند ميس عندنا فى المدرسه وانتى بتروحى ؟
نورهان : لا ومش عارفه اى حاجه فى المنهج
اسماء : طب خلاص تعالى معايا
نورهان : ماشي هشوفهم فى البيت كده وارد عليكى
اسماء : تمام
ووصلوا البنات المدرسه دخلوا المدرسه وراحو قعدوا تحت الشجره اللى فى المدرسه وبعد شويه نور وهايدى وصلوا
هايدى : نور انا مش عايزه اروح اقعد مع اللى اسمها اسماء دى
نور : طب كدا نورهان تفتكر اننا مش عايزين نقعد معاها
هايدى : طب انا عاوزه اقول لنورهان عشان اسماء دى صاحبه مش كويسه
نور : طب انا هنادى على نورهان ونقولها
هايدى : تمام
نور : نورهان يانورهان تعالى كدا
راحت نورهان واسماء خايفه لهايدى تقولها
نورهان : فى ايه يانور ومجيتوش قعدتوا معانا ليه؟!
نور : هايدى عاوزه تقولك حاجه
نورهان: خير ياهايدى فى ايه ؟
هايدى : بصي انا عايزه اقولك ان اسماء صاحبه مش كويسه والسر اللى انت قولتهولها هى قالتهولى يوم الخميس لما انتى ونور كنتوا غايبين
نورهان اتصدمت ومعرفتش ترد
هايدى : بصي عايزاها منى نصيحه ملكيش دعوه بيها خالص
نورهان : انا لازم اروح اضربها الزباله دى
وراحت تجرى على اسماء ومسكت فى خناقها : اه يازباله انتى مينفعش تكونى صاحبه انتى واحده واطيه
اسماء : بت انتى لمى نفسك انتى مفكرانى صاحبتك بجد انا بس بقيت قريبه منك عشان نتريق عليكى انا وصحابي هو انتى مش شايفه نفسك عامله ازاى تخينه وازاى مدرس يبصلك انتى يابت مجنونه بصي لنفسك فى المرايا
هايدى بزعيق : تبص لنفسها ازاى دى احسن منك مليون مره على الاقل قلبها ابيض مش اسود شبهك
ومسكوا فى خناق بعض والمديره جات على صوتهم واخدتهم فى المكتب بتاعها
المديره : ممكن اعرف ايه اللى حصل تحت ده
اسماء : العيال دول هما اللى فى خناقى من غير مااعملهم حاجه
هايدى بزعيق : ياسلااام من غير ماتعملى حاجه
اسماء بصوت عالى : ايوه معملتش حاجه
المديره : بس انتى وهى اقول ايه مانتو بتوع تجاره.. انتم الاربعه مرفودين تلات ايام من المدرسه
الكلمه نزلت زى الصاعقه على البنات .......
