أخر الاخبار

رواية عشق الاسياد الجزء الرابع 4 بقلم رنا سليمان

رواية عشق الاسياد الجزء الرابع 4 بقلم رنا سليمان


الفصل الرابع
بسم الله الرحمن الرحيم
ادهم مسك ايد مصطفى
مصطفى: في حاجة يا أستاذ
سيب ايدي لو سمحت
ادهم:ال انت بتقول عليها بنت خالتك دي مش عايزاك توصلها
يبقي تبعد عنها احسنلك
مصطفى:وانت مين أن شاء الله علشان تقولي اعمل ايه ومعملش ايه
ادهم:انا الدكتور بتاعها
ومن حقي لما اشوف حد بيغصب طالبه عندي على حاجه اوقفه على ال بيعمله دا
مصطفى: والله انا مش حد غريب يا دكتور انا قريبها
وافتكر انها مطلبتش مساعده حضرتك
ف يا ريت المرة الجايه لو حياه طلبت المساعدة من حضرتك بس تتدخل ولو مطلبتش يا ريت حضرتك متدخلش تاني
عن اذنك يا دكتور
مصطفى ساب ادهم ومشي
ادهم فضل باصص عليه وبعدين مشي
حور كانت واقفه هي وقدر قدام كريم
حور: طيب انا
همشي دلوقتي يا قدر بيه
قدر:اتفضلي يا انسه حور
وإن شاء الله هنمضي العقد في اسرع وقت
حور مشيت وكريم فضل باصص ل قدر
كريم:ممكن افهم ايه ال انا شوفته دا
قدر:ايه ال حضرتك شوفته يا بابا
انا والانسه حور كنا بنتكلم في الشغل
كريم:شغل ايه دا يا قدر ال يخليكم حاضنين بعض بالشكل دا
قدر:احنا اتفقنا على تفاصيل الصفقه ومكانش فاضل غير التوقيع وفجاه لاقيتها حضتنتني
كريم:انت بتكدب عليا يا قدر
انت فاكرني عبيط وهصدقك
انت مش عارف ان ال انت بتعمله دا اسمه خيانه ل تالا
أما انت مبتحبش تالا اتجوزتها ليه
قدر:انا ولا بحب تالا ولا بحب غيرها
انا كل ال بعمله دا علشان شغلي
خطوبتي من تالا علشان شغلي وكل ال انت شوفته دلوقتي دا كان علشان شغلي
كريم:وهو علشان تكسب شغلك تكسر قلوب بنات الناس
قدر:انا علشان شغلي اعمل ايه حاجه
كريم:اوعي تكون فاكر ال انت بتعمله دا هيخليك تجيب حقك من ال عمالته ساره زمان فيك
مش كل البنات زي ساره يا قدر
قدر:ومش كل البنات ملايكه
كريم:انت كده
قدر قطعه:بابا
لو سمحت انا مش عايز اتكلم في الموضوع دا تاني
موضوع الحب دا انا قفلته خالص
ولو كنت هتجوز تالا ف دا علشان الشغل وبس وعمري في يوم ما هحبها أو هحب غيرها
بعد اذنك بقي علشان عندي شغل
كريم:صدقني يا قدر ال انت بتعمله دا غلط
وهيجي يوم هتندم على ال انت بتعمله دا بس ساعتها الندم مش هينفعك
كريم سابه ومشي
قدر مهتمش ل كلامه وكمل شغله
داليا كانت واقفه قدام زينب ومكانتش عارفه تقولها ايه
هاله الخدامه جات
هاله:داليا هانم
داليا بصاتلها:نعم
هاله:تلفون حضرتك بيرن
هاله مدت ايديها بالتلفون ل داليا
داليا اخدته: بعد اذنك يا زينب
زينب بصاتلها:ايوه يا ماما بس
داليا ردت على التلفون وخرجت برا الفيلا خالص
زينب بصيت عليها ب استغراب وبعدين بصيت على اوضه حياه
تلفونها رن طلعته وبصيت فيه وكان مكتوب خالد
زينب بصيت على التلفون بحزن:انا اسفه يا خالد بس انا اديت وعد ل رحيم انا مش هكلمك ولا هقابلك ابدا
زينب قفلت تلفونها خالص وكانت طالعه اوضتها بس زينب بصيت علي اوضه حياه وهي مستغربه
زينب مهتمتش وطلعت على اوضتها
برا في الجنينه داليا بتتكلم في التلفون
داليا:ايوه يا حبيبتي
تنورينا في أي وقت
نور
لا نور موجوده في البيت مبتخرجش يوم الجمعه خالص
خلاص يا حبيبتي هنستناكم
مع السلامه
داليا قفلت مع ال بتكلمها
داليا:اخيرا هخلص من واحده منكم
وفي اقرب وقت هخلص منك انتي كمان يا زينب
وساعتها البيت دا هيكون ليا انا و ولادي وبس
داليا دخلت الفيلا وطلعت على اوضتها
نور وصلت الفيلا وركنت عربيتها ولاقيت تاكسي بيقف قدام الفيلا
نور وقفت
حياه نزلت وحسبيت السواق وبصيت على نور ال واقفه
حياه قربت منها:في أي يا نور قلقتيني
نور بصيت عليها بعصبية وسابتها ومشيت
حياه مكانتش فاهمه حاجه
حياه راحت وراها
نور دخلت الفيلا وطلعت اوضتها وحياه طلعت وراها
حياه: على فكره انا مش فاهمه حاجه
ممكن تهدي وتقوليلي في ايه
نور:مبروك يا ست حياه جالك عريس
حياه ضحكت: عريس؟!
ودا لاقيتيه فين دا
نور:سليم عايز يحدد معاد مع بابا علشان يتقدملك
حياه بصدمه:سليم
ازاي
نور: والله معرفش اسألي نفسك
حياه:في ايه يا نور
مالك بتكلميني كده ليه
هو انا كنت قولتله يقولك كده
وانا مالي
هو انتي فاكره انه لو طلب مني طلب زي دا وانا عارفه انك بتحبيه هوافق مثلا
انا عمري ما اعمل كده يا نور
انتي زي اختي ال انا اتحرمت منها يا نور
وعمري ما هعمل حاجه تزعلك
حياه سابتها وخرجت من الاوضه
نور غمضت عينيها:ايه ال انا عمالته دا
هي حياه مالها اصلا
طول عمري غبيه
نور خرجت برا اوضتها وراحت عند اوضه حياه
حياه دخلت اوضتها وطلعت تلفونها وفتحته لاقيت في رساله اتبعتتلها من رقم غريب
حياه دا رقم مين دا
حياه فتحت الرسالة ولاقيت مكتوب فيها:ابن خالتك بجد دا؟!
حياه رديت ب استغراب:نعم؟!
مين حضرتك
وجيبت رقمي منين
.....:انا مجبتش رقمك انتي ال سيبتيه
حياه: يعني ايه انا ال سيبته
هو حضرتك هتقول انت مين ولا لا
....:انا ادهم
حياه:ادهم مين
ادهم: دكتور ادهم الشرقاوي الدكتور بتاعك في الجامعه
حياه كلمت نفسها ب استغراب:دكتور ادهم
جاب رقمي منين
ادهم بعاتلها رساله: ابقي بعد كده اتاكدي من حاجتك قبل ما تمشي من اي مكان
الكراسه بتاعتك وقعت علي الارض وانا اخدتها شالتها معايا
ااه على فكره رسمك حلو اوي
حياه:اي دا
طول عمري غبيه
الحمد لله انها وقعت في ايد دكتور ادهم مش في ايد حد تاني
حياه بعاتتله رساله:شكرا جدا يا دكتور ادهم ان حضرتك اخدتها وشالتها معاك
ان شاء الله انا هاجي بكره اخدها من حضرتك
ادهم:شكلك مش مستعجله عليها
ولا انتي مش فاضيه تيجي تاخديها انهارده
حياه:لا ابدا انا فاضيه بس انا مش عايزه ازعج حضرتك بس
ادهم:لا ابدا مش هتزعجي حضرتي ولا حاجه
هبعتلك لوكيشن الكافية ال هنتقابل فيه
هستناكي بعد نص ساعة
حياه:تمام ماشي
حياه سابت تلفونها ولاقيت الباب بيتفتح
حياه بصيت على الباب لاقيت نور واقفه وباصه في الارض
حياه:نعم
نور:انا اسفه انا كنت مدايقه شويه ومكنتش عارفه بقول ايه
والله يا حياه مكانش عارف قصدي
حياه راحت ل عند الدولاب وفتحته:تمام
نور:لا انتي كده لسه زعلانه
طيب اعمل ايه علشان تسامحيني طيب
حياه: متعمليش حاجه
خلاص انا مش زعلانه
نور:هو انتي بتعملي ايه
حياه:بغير هدومي علشان خارجه
نور:رايحه فين
حياه:الكراسه ال برسم فيها وقعت مني في الجامعه والدكتور بتاعي لاقها وكلمني علشان اروح اخدها منه
نور:طيب هو جاب الرقم منين
حياه:يبنتي ما دا الخط الجديد وانتي عارفاني مش بحفظ الارقام اوي فقومت نقالاه في الكراسه علشان لو حد طالبه مني ولا حاجه
بقولك ايه متجي معايا
نور:تصدقي انا اصلا مخنوقه لوحدي
هجي معاكي افك عن نفسي شويه
حياه:طيب روحي غيري هدومك
نور:ماشي
نور طلعت اوضتها وغيرت هدومها غير وحياه وبعد شويه خرجوا من الفيلا
وهما خارجين قابلوا رحيم
نور:ايه دا مش معقول
رحيم جاي بدري
لا بجد مش مصدقه
رحيم:خلصتي خفه دمك ولا لسه
نور:مالك في ايه
رحيم:وانتي مالك انتي
رحيم زقها ودخل الفيلا
نور:ربنا يعني على ما بلاني
يلا يا بنتي
حياه:يلا
حياه ونور ركبوا عربيه نور ومشيوا
قدر كان قاعد في مكتبه ومطلع صوره واحده وباصص فيها
قدر بدأ يكلم نفسه:انا مش فاهم ايه ال انا بعمله دا
طول الوقت بفكر فيكي وببقي عايز اشوفك وبقيت حاطط صورتك في جيبي طول الوقت
انا مش عارف اذا كنت حبيتك ولا لا
بس ال انا متاكد منه اني قفلت باب الحب دا ومش عايز افتحه تاني
شكلك هتجنيني معاكي يا حياه
قدر رجع الصوره في محفظته تاني وقام لبس الجاكت بتاعه وخرج من المكتب
لميس شافته ووقفت
لميس:مستر قدر معاد حضرتك مع شركه
قدر:اجيليلي كل المواعيد ال عندي ل مده اسبوع ومش عايز اي حد يكلمني في التلفون الا لو حصلت حاجه مهمه
غير كده مش عايز حاجه تزعجني
قدر سابها ومشي
لميس فضلت باصه عليه ب استغراب
بعد ما مشي
لميس:اسبوع بحاله!
دا عمره ما اخد يوم واحد اجازه
قدر خرج برا الشركه وركب عربيته
قدر: وبعدين بقي
انا بقيت طول الوقت بفكر فيها
انا لازم ابعد عنها لحد ما انساها
حتي لو ال في قلبي دا حب
انا لازم انساها لاني مش هستحمل اني افتح قلبي تاني ل اي واحده مهما كانت
قدر ساق عربيته وراح على كافيه قريب من الشركه
حياه ونور دخلوا الكافية ال ادهم مستني حياه فيه
نور:ادينا وصلنا اهو
فين بقي الدكتور بتاعك دا
حياه مش عارفه
حياه فضلت تبص في المكان كله لحد ما شافت ادهم قاعد بيلعب في تلفونه
حياه:اهو قاعد هناك
نور: الواد ال زي القمر دا الدكتور بتاعك
انتي بعد ما شوفتي الواد دا لسه بتحبي فرده الشبشب ال اسمه قدر اخويا دا
حياه بصاتلها:متحترمي نفسك يا نور شويه
ايه الكلام ال انتي بتقوليه دا
انتي بتشتمي اخوكي على فكره
ادهم شاف حياه وقام وقف ونده عليها
ادهم:انسه حياه
حياه بصاتله وابتسمت وشاورتله
حياه:يلا واتلمي شويه ها
نور:هو انا قولت حاجه اصلا
حياه ونور راحوا ل ادهم وسلموا عليه
حياه:انا اسفه جدا يا دكتور ادهم
اني جيبتك لحد هنا بعد شغلك
أدهم:مفيهاش حاجه علي فكره
وبعدين انا ال جايبك لحد هنا يا حياه
حياه ابتسمت:طيب هي الكراسه فين
ادهم:طيب اتفضلوا اشربوا حاجه الاول
نور:ااه يا ريت انا عايزه اشرب مانجه
نور قعدت
حياه بصاتلها
نور هزيت كتفها
ادهم:من عنيا
اتفضلي اقعدي يا حياه
حياه قعدت وادهم دا على الجارسون
حياه كلمت نور بصوت واطي:ايه ال انتي هببتيه دا
نور:ايه عطشانه وعايزه اشرب مانجه فيها اي دي
حياه:انتي ناسيه أن الشركه بتاعتكم قريبه من هنا وممكن حد يشوفنا
نور:لا متخافيش
قدر وبابا مبجوش الكافيه دا خالص وبيخلصوا شغلهم وبيروحوا على البيت علطول
حياه بصدمه وهي باصه قدامها:قدر
نور:يبنتي بقولك مبيجيش هنا
حياه:قدرر
نور: ينتي بطلي غباء قولت مبيجيش هناا
حياه:يا غبيه بقولك قدر اهو
نور بص الناحيه ال حياه واقفه فيها
نور:يالهوى
نور وحياه وقفوا بسرعه
ادهم:في ايه مالكم
قدر شافهم وقرب منهم
قدر:انتو بتعملوا ايه هنا انتو الاتنين
نور وحياه كانوا باصين عليه بخوف وساكتين
ادهم وقف:هو حضرتك تعرفهم
كريم دخل الفيلا وملاقاش حد
كريم نده على هاله
كريم:هاله
هاله جات:تحت امرك يا كريم بيه
كريم: هو مفيش حد هنا ولا ايه
هاله:رحيم الوحيد ال هنا الباقي برا
كريم: وداليا هانم فين
هاله:في اوضتها وقالتلي مش عايزه حد يزعجها
كريم:تمام روحي انتي اعمليلي قهوه
هاله:تحت امرك
كريم بص على اوضه رحيم وبعدين رجع بص على اوضته
كريم طلع بسرعه علي أوضته وفتح الباب ولاقي الاوضه كلها مقلوبه ومفيش حاجه في مكانها وداليا قاعده على الارض وبتعيط
كريم جرا عليها
كريم: داليا حبيبتي
مالك في ايه
وايه ال خلي الاوضه بالمنظر دا
داليا:الحقني يا كريم انا اتسرقت
كريم:اتسرقتي؟!
ازاي يعني
داليا:الخاتم الالماظ بتاعي مش لاقياه
كريم بصدمه: يعني ايه مش لاقياه
دورتي عليه كويس
داليا:طبعا يا حبيبي دورت عليه في كل حته مش لاقياه
اكيد في حد دخل الاوضه وسرقه من الشغالين
والاكيد ال اسمها حياه دي
علشان هاله عايشه معانا من سنين وعمر محصل منها حاجه وحشه
كريم قام من على الارض وفتح علبه المجوهرات بتاعتها ودور كويس وفعلا لاقاه في وسط المجوهرات
كريم وهو ماسكه وبيبص على داليا ال كانت بتعيط: الخاتم اهو يا داليا
داليا بصيت عليه بسرعه وهي مصدومه ومش فاهمه ازاي دا حصل
داليا:ازاي



تعليقات



حجم الخط
+
16
-
تباعد السطور
+
2
-
close