رواية نبض الفصل الثالث 3 بقلم امنية يونس
لفصل الثالث :
جالسة هي وصديقتها في أحد الكافيهات في انتظار شقيق صديقتها الرائد : مروان
نبض بتأفف : هو اتأخر كدا ليه مفيش احترام للمواعيد خالص
لين : معلش يا نبض ممكن عشان زحمة المواصلات
ثم ابتسمت اهو جيه اهو ثم اشارت اليه رفعت نبض رأسها فوجدت شاب
اكبر في العمر من لين
مروان بابتسامة: السلام عليكم
ازيك يا انسه نبض
نبض : وعليكم السلام ازيك يا استاذ مروان
مروان بضحك : ايه استاذ دي هو احنا في الفصل
نبض بضيق : اومال المفروض اقول ايه
مروان أي حاجة ممكن تقولي مروان عادي
نظرت له ثم ابتسمت بسماجة : احنا مش اصحاب عشان انديك باسمك فياريت منرفعش التكليف بينا وبعدين خلينا في المهم ولا ايه
لين جالسة تراقب مايحدث بابتسامة متسلية
نظر لها بطرف عينه : ماشي خلينا في المهم قولي بقا اللي عندك
نبض : مش المفروض لين حكتلك
مروان : ايوه بس عايز اسمع منك وبالتفصيل
نبض: - --------------
كان مروان يستمع لها باهتمام
مروان : بصي يا انسة نبض احنا لازم نتأكد الأول
نبض : وكلام بابا مش كافي
مروان : للأسف لا
بصي أنا هقولك تعملي ايه :--------------------------
نبض باهتمام : تمام وانا موافقة بس أنا عايزة الموضوع يكون سري من غير أي شوشرة أنا طلبت مساعدة حضرتك بصفة شخصية بعيداً عن شغلك
مروان : طبعا ً يا انسة نبض من غير ما تقولي يبقا كدا اتفقنا
نبض : ايوه اكيد
فقام ممسكاً بمفاتيحه قائلاً لأخته :
مش يلا يا لين
لين : اها يلا بينا
مروان : تيجي نوصلك في طريقنا يا انسة نبض
نبض : لا شكراً معايا عربيتي
ثم ودعت صديقتها وذهب الكل إلي منازله
نبض تفكر ماذا ستفعل وكيف ستنفذ ما طلبه مروان وهل هي قادرة علي ذلك
دخلت والدتها الغرفة وجدتها جالسة بشرود فوضعت يدها علي كتفها وجلست بجانبها
هناء : مالك يا نبض سرحانة في ايه يا حبيبتي
نظرت لوالدتها بابتسامة مقبلة يدها
نبض : مفيش حاجة يا ماما أنا الحمد لله كويسة حضرتك عاملة ايه
نظرت لها أمها وعرفت أنها تتهرب منها
هناء : أنا الحمد لله كويسة يا حبيبتي
ثم جلستا بصمت حتي قالت نبض فجأة :
ماما حضرتك بتفتكري بابا
هناء بابتسامة: أنا مبنسهوش عشان افتكره يا نبض باباكي دايماً علي بالي وفي عقلي وقلبي كمان ودايما حواليا وجنبي في كل مكان
نبض : ياه للدرجادي يا ست ماما
هناء : واكتر من الدرجادي باباكي دا كان كل حياتي
نبض بضحك : يا سلام علي الحب يا ولاد
فضحكت والدتها واحتضنتها
نبض: ماما أنا عايزة أقولك حاجة بس مترددة
هناء: مترددة ليه يا قلبي متترديش ابدا انك تحكيلي حاجة حضني دايما مفتحولك و دايما هسمعك
نبض : ماما بصي هو ااا
هناء : بتهتهي ليه بس يا قلبي اتكلمي علطول متقلقنيش
نبض : ماما بابا مامتش بابا اتقتل
شهقت هناء بفزع : انتِ بتقولي ايه
يتبع ------------
