رواية احببتها بقسوة الفصل 2 الثاني بقلم ايمي
احببتها بقسوة
الحلقة التانية #
قبل أن تخرج سلمى ذهبت إليه وهى ترفع اصباعها فى وجهه قائلة انا صبرت عليك كتير بس اقسم باللة لو هتتحاسب على إللى انت بتعمله
احمد : طيب يالا ى شاطرة علشان محبسكيشى تانى
سلمى : اسمى الدكتورة سلمى يا حضرة
احمد : امشى برا اطلعوا كلوكوا بره مش عاوز اشوف حد فيكم برا يا لا
نوران : فى ايه ى سلمى هو احنا كل يومين هنيجى نجيبك من الظابط المجنون ده 
سارة : مش وقته الكلام ده يا نوران سوقى وانتى ساكته
ريهام :برفعة حاجب غريبة انك مش مضروبة النهاردة
سلمى : انا مش ناقصاكى
هايدى: بقولكوا ايه تعالوا نروح المطعم بيقولوا انه فيه مطعم جديد فتح وانا عزماكوا واهو بالمره نحتفل انك منضربتيشى النهاردة يا سلمى
---------،☆☆☆☆-------
هايدى الغزالى واحدة من شلة المجانين زى ما احمد النمر قال عليهم تدرس فى كليه الاداب
تدرس فى كليه الاداب
سلمى : طيب واللة فكرة يالا يا بنات بس الاول فين زينب وسمر و البت كامليا
نوران : لا سيبكوا من كامليا مش هتعرف تيجى
سلمى: فى حاجة انتى مخبية علينا حاجة
هايدى : انطقى يابت
سارة تبتسم هقولكوا بس تدفعوا كام
هقولكوا بس تدفعوا كام
سلمى : كريب وشاروما
سارة : أصلها بتحب واحد معاها ف الجامعة بس هو بيحب واحدة تانية
سلمى : طيب واحدة واحدة كدة عليا ونشوف هنحل الموضوع ده ازاى
نوران : اشطا عليكى يا سلمى
سلمى : حبيبتى تسلمى
ثم تنظر إلى ريهام مالك مش بتتكلمى ليه يا بنتى
ثم تنظر إلى ريهام مالك مش بتتكلمى ليه يا بنتى
ريهام : مفيشى
سارة ،: لا فيه قولينا ف ايه
ريهام : بغضب قولت مفيشى
سلمى: براحتك يا ريهام
------☆☆☆------
ريهام العدل فتاة متوسطة الطول تميل إلى القصر ذات عيون زرقاء تسر الناظرين تدرس فى كليه تربية قسم تاريخ
زينب الصراف تدرس فى معهد السينما والمسرح حلم حياتها انها تكون فنانة
كامليا حبيب تدرس فى كلية العلوم وهى متوسطة الطول بعيون سوداء
---------☆☆☆☆--▪︎▪︎》
سلمى : ردى يا سارة على المحروس
نوران :وانتى عرفتى منين
سلمى: عيب عليك ده انا اول واحدة عرفت انهم بيحبوا بعض مش هعرف انه بيتصل
سارة : طيب اسكتوا بقى وبعدين ده بيتصل بيطمن على الست هانم وتشير إلى سلمى
سلمى : وهو عرف منين انى كنت فى القسم 
سارة : ما احنا كنا بنحجز القاعة
سلمى : واطية بتحجزوا القاعة من غيرى اخس
ويظل يتحدثا حتى يصلوا الى المطعم
---☆☆☆-------¤¤¤☆----
فى مكتب احمد النمر يدخل عم ربيع
احمد : اهوه ياعم ربيع انت شوفتها لسه لسانها طويل زى ماهو
عم ربيع : انت بتحبها يا احمد
احمد وقد احمر وجه وتغيرت ملامحه بحب مين بس يا عم ربيع انا احب دى دى مغرورة وملهاشى لازمة دى صفر على الشمال
دى مغرورة وملهاشى لازمة دى صفر على الشمال
عم ربيع : تبقى بتحبها يا ابنى بس يا ابنى الحب مش عيب ولا حرام بالعكس ده ربنا بيوضعه فينا علشان نعيش وعيونك بتقول كلام كتير عنها من غير ما تتكلم انا رجل عجوز وشوفت كتير من الدنيا وبخبرتى احب اقولك انك بتحبها كفاية عيونك إللى لما بنشوفها بتقلب الوان انا كدة قولت كل إللى عندى بعد إذنك يا ابنى
احمد وهو يتحدث مع نفسه هو ممكن اكون بحبها لا يا احمد تحب مين انت هتصدق كلام عم ربيع
ويأتى تليفون له
احمد: ثوانى وهكون فى البيت معلشى اتأخرت ويغلق الهاتف
ملك : شايفه ابنك يا ماما مصبرشى حتى انا يكلمنى
الام : معلشى يا حبيبتى
ويدخل الوالد سيادة اللواء فريد النمر
------☆☆------☆☆☆▪︎
فى إحدى المطاعم
سلمى : فى ايه يا ست هايدى انا بطنى جاعت خلاص هموت جعانة مش قادرة
سارة: خلاص ياستى هما على وصول
ايه ده زوزو قالتها سلمى
وقف الاصدقاء يتبادلون التحيات
سلمى : مالك يا زوزو فى حد جديد
روان : ايوه اقعدى كدة كل واحدة تشوفيها تساليها ومبتحبيشى حد يسألك
سلمى : اقعدى يماما انا غير انا يوم ما هحب هيكون عريس مختلف
نوران : ايوه هيكون مختلف ازاى يعنى يمكن يكون بيطير
سلمى وتضرب نوران فى كتفها قائلة رخمة 
سارة : كفاية هزار كدة ونطلب اكل علشان سلمى كانت من شوية هتكلنا
زينب : مالك يا ريهام ساكتة ليه
ريهام : يوه سيبونى ف حالى بقى انا زهقت كل حاجة مالك مالك اوف وتترك المطعم وتقف امامه 
-------☆☆☆----****☆☆☆
فى منزل احمد النمر
ملك : ساعة يا باشا الاكل برد
أحمد: بقولك ايه اسكتى انتى خالص علشان مش ناقصك
ملك تصطنع البكاء شايف يا بابا اهوه كدة على طول مش طايق ليا كلمة
فريد : عامل اختك كويس يا احمد
احمد : حاضر يا بابا بعد إذنك
فريد : مش هتاكل يابنى
احمد : مليش نفس
ملك : تلاقيه واكل فى القسم زى ما كال قبل كدة
احمد : شايف يا بابا هى إللى بتزهقنى
فريد : بس يا ملك اخوكى تعبان
ملك : تعبان ولا حد ضربك
فيجرى احمد ورائها قصدك ايه ويمسكها
ملك : فاكرة البت اللى ضربتك قبل كدة
فينظر فريد الى ابنه ويعم الصمت
☆☆☆☆-----،،،،،-------
فى المطعم الجميع خرج وراء ريهام
سلمى : انتى متغيرة ومش هنسيبك
نوران : ايو ا يا حبيبتى قوللنامالك يمكن نعرف نحل المشكلة
فتهزر ريهام رأسها بالموافقة ويدخلوا الجميع المطعم مرة أخرى
-------☆☆☆---------،،
فى منزل سيف الروينى
سيف : سلمى اتأخرت شوية يا سمر
سمر : ايوه انا هرن عليها
سيف: لا متحاوليشى انا برن موبايلها مغلق انا قلقان اوى
سمر : سلمى مش صغيرة متخافشى
سيف بتنهيديه ربنا يستر
-----☆☆☆-----^%"'---
فى منزل فريد النمر
فريد : تعالى يا حضرة الظابط
احمد فى سره منك لله يا ملك ربنا ينتقم منك
فريد : بطل كلام ف سرك وقولى مين دى إللى ضربتك
احمد: مسجونة يا بابا عادى وانا حبستها وخدت جزاءها
فريد : قولى اسمها بسرعة وازاى تمد ايدها عليك
احمد: خلاص يا بابا انا اتصرفت بعد إذنك هطلع الأوضة استريح وينظر لملك ويتوعدها
--------☆☆☆☆-------
فى المطعم
سلمى : اوف نسيت افتح الموبايل
هايدى : وانتى قفلتيه ليه
سلمى: طب ردوا انتوا انا مش هتكلم
سارة : ده المجنون هو إللى بيقفله
هايدى اه فهمت
وبعد مرور ساعة
سلمى بتعصب : طيب وانتى ازاى مش تقوليلنا حاجة زى دى يا ريهام
نوران : انتى غبية يا ريهام
سارة : كفاية يا جماعة كدة حرام عليكوا البت منهارة سيبوها تهدى
سلمى طيب انا هكلم بابا علشان شكل القعدة هتطول
-----☆☆☆☆-------،
فى منزل غرفة احمد
كان احمد يجلس على سريره وهو سرحان ويسأل نفسه هو ممكن يكون كلام عم ربيع صح ثم ابتسم وتذكر اول لقاء بينهم
ستوب نقفل كدة بس توقعكم ايه اللى حصل للريهام وازاى احمد
وسلمى اتقابلوا
