أخر الاخبار

رواية احفاد فرعون الحلقة 23 الثالث والعشرون بقلم اروي طاهر المسلاتي (بنوتة الشيخ)

رواية احفاد فرعون الحلقة 23 الثالث والعشرون بقلم اروي طاهر المسلاتي (بنوتة الشيخ)

رواية احفاد فرعون كاملة pdf - بنوتة الشيخ

الحلقة قيد الرفع على الموقع  الآن
عُد لزيارة موقعنا بعد قليل
اكتب في جوجل (مدونة مكتبة حواء) أو (رواية احفاد فرعون مدونة مكتبة حواء )
وستجد الرواية بحلقاتها الجديدة داخل الموقع


واترك تعليق على هذا المقال لنرسل لك اشعارًا عند نشر الحلقات الجديدة

#أحفاد_فرعون 23 

مالك:بيقلب السياره بي الجري ويخبط مقالش كلمه بس في داخله متفجر ويعيي بأعلى صوته.....علااااااااش 
علاااااااااش انا بس يصير معاي هكي؟؟؟؟
علاش كل وحده توصل عندي تطلع خاينه علااااااش!!!؟؟؟؟
لمعو عيونه بنضرة شر اكتر من اي مره قبل وقرر داخله ان المره هاذي رح يقتلهم الاثنين بيديه 💔
كان يتخايل في منضر ساجده ودمها في كل مكان سايح ع الارض وقلبه واجعه💔
في اللحضه هاذي صراع كبير بين قلبه وعقله
لكن من النار يلي والعه فيه عقله هوا يلي حيفوز ويخلص عليها💔

______________________________

ساجده:انهارت قدام الباب تبكي بعد ما خبطت الف مره ومفيش حد قدر يفتحلها 💔
خلاص شافت الدنيا سوداااااء قدامها 💔
شمت ريحة الموت قريبه ليها 
حياتها الورديه مع مالك نقلبت في ثانيه لي جحيم وهيا فاهمه مالك كويس 
خذي شهور عشان يوثق فيها واول ما وثق فيها عطاها كل شي يملكه❤️
تغيرت معاملته معاها كان يعامل فيها زي الاميره 
مفيش ليله تفوت ما يرقدش في حضنها 💔
ديمه الحاجه الغاليه والحلوه لي ساجده وبس❤️
حست معاه بي شي حلو في حياتها كلها محساته وتوا خلاص كل شي ضاع !💔

_________________________________

نفس الشعور هنايا عند ياقوت💔
لما احمد فهمها غلط ويسحابها تستغل في زواجها ليه وسمعها اسوء كلام ممكن تسمعه ونزل ع قلبها زي السم💔
هيا صح الكلمه يلي في قلبها على لسانها 
متقدرش تمسك نفسها لو شافت شي حلو حتى لو كان شخص !
ومتقدرش تسكت لو شافت شي غلط 
يلي يخطر على بالها يقوله لسانها والناس شافتها خفيفه واولهم كان احمد💔
كانت عادي تتقبل في الجفاف منه وفي كلامه الحاد يلي خالي من اي حجات حلوه بس المره هاذي مقدرتش🤚🏻
للمره الاولى بكت بي الطريقه هاذي دموع حارات 💔
لمت حوايجها وخلاص رح تقاوم وتطلع !

__________________________________

نفس الدموع نزلتهم هبه💔
حبها الكبير لي عبدو خلاها عميه على هلبا حجات 💔
خلاها عميه على اسلوبه الزفت كلامه معاها يلي مرات زي السم 
اسلوبه القنين مستحيل يستعمله الا وقت يبي حاجه بس!!
بس المره هاذي خذاته كف صحاها ع كل شي !
عمرها متخيلت يجي يوم ويتزوج وحده تانيه 
شنو يعني؟
يعني مرته بتعيش بين اهله ووسطهم 
وهبه رح تقعد في الشقه بعيد على العيون لا تطلع ولا تخش في اي مكان 
يعني رح تحمل مرته وتجيب صغار وهوا بيلها معاها وينسى هبه يلي كانت معاه في المره قبل الحلوه !
يعني هبه رح تقعد بروحها في شفتها العمر كله 
وحتموت في نفس المكان !
بدون ما حد يحس بيها !!

   🔥رِوَايـــــــــات بـــَـنـُـــووتِـــة الشـِــيـــْـخ🔥
    🔥أروى الــــطـــاهــــر المــســلاتــــي🔥

عبدو:ابتسم بهزوه وقبل ما يحاول يتكلم هجم عليه مالك وطاح فيه ضرب بونيات على وجها لين خشمه نزف وعبدو مقدرش يدافع على نفسه !
كان مالك هايج بطريقه جنونيه غريبه وصعب يهدا
مالك:كانت مخطوبه ليا وتبيها تهرب معاك؟!
عبدو:خذي تفس بيحكي بس مالك قاطعه بي خبطه ع وجها 
مالك:قاعد تحكي معاها وعينك عليها !!؟
عبدو:مب......قاطعه مالك بي ضربه من جديد

نزل احمد من السياره بدون ما يطفيها يجري بي مالك بعده من عبدو بسيف 
احمد:مالك اهداااا لازم تروح معاي وتسمع
مالك:بعددددد يا احمد
احمد:بصوت عياط....اسمعننننني يامااااالك يلي صار ليلة الحادث كله اذكرته 
جده وجدك لاعبين في كل شي ومخلطين النسل في بعضه 
مالك:دف احمد ....تنحرق الدنيا الوسخ هوا لازم يموت ....
عبدو كان لاهي في كلام احمد ووجها ينزف لين هجم عليه مالك يخنق فيه 
احمد:دفه بقوه.....بطللللل يا مالك انت وياه دم واحد 
مالك:بصوت عياط ....شن تخرررررررطططططط على امي انت 
احمد:تعالا معاي دقايق ونوعدك نخلص عليه معاك 
مالك:يشوف لي عبدو بحقد 
احمد:هيااااا تعال واعدتك
مالك:شاف لي عبدو بنضرة شر.....وراس امي اليوم ما يصبح عليك صبح وخودها كلمه مني 
سيبه وركب السياره هوا واحمد 
وعبدو سارح ترن كلمات احمد في وذنه!!!

__________________________________

ساجده:ناضت مقزوعه بعد ما خدادها النوم ع الارض ....هاااا منو 😨
سكينه:مدام انتي كويسه!؟
ساجده:اءء اي سكينه وين مالك 
سكينه:منعرفش هوا طلع من بكري وكلهم لوطه مشغولين مفيش حد قادر يفتحلك الباب 
استاذ مالك طلع والمفتاح معاه 
ساجده:بدت تبكي ....سكينه اليوم بنموت 
متأكده مالك بيقتلني بيديه💔
ردي بالك تخلي نجمه مع رجاء راهو تمرض فيها بي القصد عشان تتقرب من مالك 
خايفه عليهاااا💔💔💔
احكي لي مالك حقيقة رجاء عشان نجمه تكبر بدون ما حد يأذيها 
سكينه:سكتت وهيا مصدومه ....كلام ساجده كأنها تودع !!

___________________________________

احمد:درس قدام الحوش 
مالك:محرووووق من داخل ومش قادر يهدااا ...ادوي هي 
احمد:مش انا يلي بندوي لاني معنديش معلومات كامله 
بننزلو وخلي جدك هوا يلي يفرش كل شي ع طاوله الليله 
لازم نفهمو الماضي بكل شي 
مالك:انا التفتفيت هاذا كله ميهمنيش نعرف شي نبي نخلص ع الكلب هاذا وبسسسسس منبي شي تاني 
احمد:يهممممك يهممممك تعرف ولازم انزل مالك والمره هاذي متسكرش راسك بس
مالك:يشوفله 
احمد:ع الاقل لي مره وحده في حياتك اسمع كلامي وانزل
مالك:قلب عيونه بملل ونزل  من السياره 

طق طق طق طق 
سكينه:فتحت الباب وعلى عيونها علمات الدهشه 
احمد:جدي وين؟
سكينه:داخل في الصاله 
محمد:احمد؟؟وين كنت من بكري نتصل بيك 
احمد:تعالا حتى انت  .....وشاف لي سكينه 
بري نادي ع جدي وخلي حناي تجي معاه 
سكينه:حاضر ...ومشت 
مالك:خش للمربوعه مع خوته وقعمز خدي كلينكس وقعد يمسح في دم عبدو يلي موجود على يديه 
خش فرعون مع خيريه
فرعون شاف لي كلينكس الدم ....شن صاير ؟
شاف لي محمد.....رجعت للمشاكل ثاني يافرخ!؟
محمد:تي خيره كل شي في راسي كنت فوق راقد اقسم بالله
احمد:جمع شجاعته وبدي يحكي .....محمد مدخلاش 
بس لازم اليوم نتكلمو شويه  ع الكلام يلي سمعته يوم الحادث!!
خيريه:انخطف لونها وبدت تشبح لي فرعون 
فرعون:شنو يلي صار يوم الحادث؟؟
احمد:يلي صار اني سمعت كل شي ومن حق مالك ومن حقنا كلنا نفهمو!!!
مالك:مشبك يديه في بعض ومتكي راسه مش هامه الكلام يلي ينقال ولا جاه الفضول كل تفكيره في ساجده وشنو بيدير فيها 
فرعون:قلت مفيه شي انت تتخيل 
احمد:وقف...من حقنااااا نفهم. علاش مالك مش خونا !
مالك ومحمد شافو لي احمد بصدمه 
خيريه:طاحت ع الكرسي رجليها معش يحملوها 
محمد:شن تقول انت؟
احمد:منعرفش .....خلي جدنا كبير العيله هوا يلي يشرح 

طق طق طق طق 
طلع احمد من المربوعه مسيب فرعون في دوامه كبيررررررره 
سكينه :قربت بتفتح الباب اشرلها احمد 
احمد:خليه تو نفتح اني

طق طق طق 
احمد:فتح الباب وتفاجأ 
عبدو:بلع ريقه ووجها كله كدمات من الضرب....نبي 
احمد:شنو؟
عبدو:نبي نفهم شن صاير ...نبي نفهم كلامك يلي حكيته وكيف جدي وجدك لاعبين فينا؟؟
احمد:اركب سيارتك وطير من هنايا لان لو شافك مالك بيقتلك ناويك اليوم 
عبدو:مش مهم ....نبي نعررررف يلي صاير 
احمد:تنهد وقعد ساكت شويه....تمام خش 
عبدو:خش ووراه احمد المربوعه 

____________________________________

ساجده:خلطت على وجها ....علاش جي 😭
سكينه:منعرفش بس متأكده انه عبدو ولد عمك هاذا 
ساجده:تمسح في دموعها 
سكينه:مفهمتش لوطه شن صاير خيريه وفرعون وولاد وتوا عبدو كلهم تجمعو في المربوعه 
ساجده:حاولت تمنع نفسها من البكي بس مقدرتش .......اكيد عشان يفضحني 💔
اكيد بيفهمهم اني خاينه ونكلم فيه 
يبي يوسخ صورتي قدام العيله كلها 💔💔💔💔
ضعت ياربي ضعتتتت😭😭😭😭😭
سكينه:هدي نفسك انتي بس كان داخل الدار فيه اميه اشربي 
رجاء:انتي يا بنت
سكينه:نخلعت.....ن نن نعم 
وجاء:شنو توشوشيلها قدام الباب؟؟قال محدش يقتحلها ويكلمها ولا؟
اقلبي وجهك انزلي
سكينه:تحملت في نفسها سكتت ونزلت 
وجاء:قربت من الباب....واجعني مالك والله كل ميجيب وحده تطلع خاينه اكتر من يلي قبلها 
الدور عليا بعدك ونعرف كيف نصونه كويس ولا يهمك 
مالك في ايادي امينه متخافيش 
ساجده:خبطت ع الباب وربي لو نطلع ترا لما نقتلك ورررررربي 
رجاء:ضحكت.....بتموتي قبلي ياحبيبتي هدي اعصابك 
ساجده:وخرت ورمت نفسها ع السرير حست بروحها خلااااااص انهارت ومعش قادره اكتر من هكي 

_________________________________

نهال:تقيم في سفرة الغدي ....وين سارح ياعمري 
انس:مفهمتش محمد من الصبح ميردش ع تالفونه 
نهال:تلم في الماعين ....اكيد راقد قاعد 
انس:في العاده ينوض مع الساعه3وتوا ال4ونص 
انشغلت عليه 
نهال:طلعت من المطبخ ووقفت ع الباب.........مش ملاحض انه تقول حبيبتك؟؟🙂
انس:تغاري من خوك مصح وجهك؟😂
نهال:تي هلبا عااااد حافض حتى مواعيد نومه 
انس:الطلوع زمان خلاني نحفض مواعيده 
نهال:سعد الناس وخلاص ....ورجعت تغسل في الماعين 
انس:ناض وهوا يضحك حضنها من الخلف❤️.....السمحه غايره 
مهال:بعد من عليا بنغسل الماعين 
انس:ياسر عاد فكيني منها قلبت الوجه هيا واعره ره نقرة حواجب صغار فرعون 
نهال:تلفتتله ولبزت وجها بي الصابون....الف مره نقوله معش تتهزى يا حفيد المختار 
انس:خدي من الصابون وداره على وجها كله....سكري فمك يافرعونه الصغيره 
نهال:شهقت وتمسح في الصابون  .....انسسسسس😡😡😡
انس:باسها وطلع من المطبخ وهوا يضحك❤️

   🔥رِوَايـــــــــات بـــَـنـُـــووتِـــة الشـِــيـــْـخ🔥
    🔥أروى الــــطـــاهــــر المــســلاتــــي🔥

مالك:اول ما شاف عبدو ناض بيهجم عليه من جديد بس منعه احمد 
احمد:خلاص الزح تحمل ها الخمس دقايق 
مالك:قعمز وهوا كامت اعصابه....شن جيب امه هنايا!
احمد:بيعرف من حقك زيك زيه 
مالك:سكت ويشوف لي جده 
فرعون:ضحك بوجع.....عمري ما كنت نتخيل ان يوم زي هاذا يجي !
كلهم ساكتين ويسمعوله 
مالك:يوم شنو !؟؟؟وشن صاير حد يفهمني 
خيريه:تمسح في دموعها 

فرعون:قبل وقت طوووويل من ها الوقت 
كنت شاب منتف ماعندي شي ....يديا مجرحات من الخدمه في الورشه 
كنت طايش اي مننكرش لكن نخدم ونترس صبح وليل .
الوقت هاذا كان مختار عايش في خيرات بوه 
ومرتاح والكل حاسده على عيشته 
بديت نكون في روحي وبنيت دار جنبها حمام ومطبخ ....ابتسم وهوا سارح وقلبه واجعه 
وتلاقيت مع الانسانه يلي من اول نضره تمنيتها تكون حلالي 💔
خيريه:مسحت عيونها وطلعت من المربوعه 
فرعون:كانت اجمل بنت في البلاد كلها💔الكل يتمنى منها نضره ....كانت قنينه لدرجه صورتها قاعده بين عيوني 
محمد:شاف لي خوته بصدمه 
فرعون:والقنينه هاذي شافت لي فرعون الولد البسيط يلي معنده شي ....وحباته 
ابتسم......كانت ديمه تتسبل مره الغاز ميخدمش ومره الطاوله نكسرت كل السبل هاذي عشان تجيني للورشه 
استمرت الحكايه حلوه هكي لين قررت خلاص نخطبها 
فرشت الدار يلي درتها ووتيت ذهبها ....كنت حارم روحي من الماكله على خاطرها💔
ولما خلاص قربت صدمني مختار وخطبها🔥
عبدو:قام راسه بصدمه 
فرعون:مشيت كلمته وفهمته ان انا نبيها وناوي الحلال كنت نسحابه بيتفهم لكن اصر على رايه 
وطبعا بوها فرح بي مختار ولد العز !
مستحيل يقبل بي فرعون يلي ميملك شي غير دار صغيره ويخدم في ورشه 
عبدو:بلع ريقه.....خذاها!؟
فرعون:اي ...اتزوجها غصب عليها استمرت تبعتلي في رسائل ورقيه مع صغار الشارع تحكيلي فيها قداش كانت تكره جدك 
فجآه مرضت 💔.....بدت حالتها الصحيه تدهور بعد ما جابت الصغار 
كل يوم بدت تضعف اكتر من يلي قبله 
عبدو:اي سرطان الدم
فرعون:ضحك.....هه هاذا يلي فهمكم فيه جدكم!
محمد:شنو يعني !

هناء:تبكي ....اسفه يا فرعون والله ما بيدي 
فرعون:شنو درتي ؟؟؟؟
هناء:من بيدي والله 
فرعون:تكلمممممي 
هناء:مرته وحبيبت قلبك مش سرطان 
فرعون:امالا شنو؟
هناء:اعشاب 💔جايبتها المغربيه من الجبل تغلي فيها وتشرب تسحابها تثبت الجنين وهيا تخلي قلبها يضعف ودقاته تزيد💔
مضاعفاتها هلباااا لين خلاص يبدا الجسم معش يقدر يقاوم اي مرض لين يعطيك عمره 

فرعون:كان يعطي فيها اعشاب غريبه تبيع فيها وحده معروفه في البلاد....تخلي في دقات القلب تضعف. 
الجسم معش يخدم زي قبل وكل مره تطلع عليه اعراض لين يتوفى 
عبدو:مستحيل!!!!!....جدي مقتلهاش لااااااا 
احمد:والجريمه الثانيه شنو؟
مالك:ثانيه؟؟؟؟
عبدو:بنضرات صدمه ......اي جريمه؟
فرعون:تكى راسه ع الكرسي والدموع في عيونه.....اتزوجت خيريه 
جبت منها زوز بنات عماتكم (ناديه وفوزيه)وجيت منها بوكم الله يرحمه بدت حالي كل يوم في تقدم وفلوسي كثرو قعدت نشري في الاراضي ونبيع بس رجع تكرر التاريخ مع بوكم من جديد 
مالك:بدت ملامح الجديه والانتباه للموضوع تبان عليه....كيف؟
فرعون:بوكم حط عينه على بنيه كان يبيها ويتقابل معاها واخر شي جي فاتحني في الموضوع ووافقت 
مشينا بنطلبوها بس صدمنا بوها ان قبلها بيوم جي مختار طلبها لي ولده ووافق 
محمد:علاش يدير هكي؟؟
فرعون:ضحك بهزوه....واجعاته نفسه 
كيف مرته قعدت تحبني حتى بعد بعد ما تزوجاته 
من هنايا حطني في راسه وكان بينتقم !
عبدو:بلع ريقه بخوف.....لي منو زوجها من ولاده؟
فرعون:لمح نضرة الخوف في عيون عبدو....اي زي ما انت متوقع 
لي بوك ....خذتها على امك ضره 
عبدو:سكت وهوا مصدوم 

فرعون:التاريخ عاود نفسه! حتى بعد ما بوكم تزوج امكم جميله ....قعدت البنت تراسل في بوكم وقاعده تحبه !
حملت بي توأم وماقالتش لي حد غير للمرا يلي بتولدها بس بحجة العين 
محمد:بحجة العين؟امالا السبب الحقيقي شنو كان!!؟
فرعون:البلاد كلها كانت تراجي في ولي العهد يلي بيحكم العيله وهيا مرضتش الولد هاذا يكون ولدها 
قررت لو طلع في ولد وبنت بين التوأم هاذا رح تبعت الولد بعيد وتخلي البنت ع اساس ان هاذا هوا الجنين بس .....وهكي تبدا نفس ضرتها الاولى جايبه بنات ولو طلبت الطلاق رح يطلقها ع طول لانه اتزوجها عشان يجيب الولد بس واول ما تطلق رح ترجع لي حبيبها 
محمد:يلي هوا بوي؟
فرعون:سكر عيونه ثواني وهوا يتذكر 

_________________________________

فرعون:اكبررررر غلط ياولدي غلط كيف تتخط هكي البنت متزوجه خلاص 
حمزه:مقدرتش نطلعها من راسي يابوي وربي مقدرت 
قابل بيها حتى بي صغارها 
فرعون:تربي صغار مش من دمك كيف.؟؟؟؟
حمزه:المهم تكون معاي ميهمنيش 
فرعون:كيف بتهرب الولد تحرمه من بوه حمزه 
مستحيلللللل نرضى بي الشي هوا خلاص حتى انت عندك مرتك وقريب رح يبدا عندك صغار 
حمزه:مستحيل نتخلى عليها......ومشي 

عبدو:بعدين؟؟؟شن صار ؟!!!وين الجريمه الثانيه؟
فرعون:جي موعد الولاده وفجآه مرضت المرا يلي كانت بتولدها ومتفاهمه معاها 
مرضت بعتت بنتها عشان تولدها ومشت البنت 
خشت بتولدها خشت معاها الضره الاولى (سليمه)
عبدو:انصدم.....س سس سليمه؟
فرعون:ابتسم....اي امك فايزه مش اسمها الثاني سليمه؟
عبدو:شاف لي احمد ومالك وبلع ريقه...اي 
فرعون: ولدت ....جابت بنت وولد 
كانت البنت ميته من ربي بس الولد عايش 
حاولت امك تخنقه وتقتله لكن القابله يلي تولد مقدرتش تخليها
عبدو:امي؟؟امي تقتل عيل ؟
فرعون:هز راسه بمعنى اي !....عرضت عليها تاخد الولد وتختفي هيا وياه مقابل تخليه عايش 
وامك وافقت 
خذت الولاده العيل وطلعت 

محمد:والمرا يلي ولدت ؟؟!
عبدو:وهوا يشوف للارض....ماتت وهيا تولد سامع بيها مرت بوي 
فرعون:تقصد انها ماتت مقتوله حتى هيا وقدام الناس مكانتش جريمه 
كان وضع عادي جدا انها ماتت وهيا تولد!
عبدو:بصدمه....مستحيل 
مالك:كان قلبه حاس 💔....قام عيونه وسأل لي اول مره 
الولد يلي خداته وين؟
سكت فرعون وعيونه يلمعو مقدرش ينطقها
لحضة صمت عبدو ومحمد يراجو في الجواب واحمد وفرعون مش قادرين ينطقوها 
مالك:أنا؟
فرعون:حط صوابعه على عيونه 
احمد:نزل عيونه ......اي الولد هاذا كان انت 
عبدو:وقف يشوف لي مالك بصدمه.....مالك؟
خوي؟؟؟
مالك من اصل عيلتي؟م م مالك يكون من عيلة المختار!؟
محمد:ضحك بصدمه....لا تبصرو 
شن جو الهنود هاذا 
مالك:نزل راسه ومقالش ولا كلمه !

فرعون:جابتهولي في هذيك الليله 
بوكم قريب هبل لما عرف بي خبر موتها بس الشي يلي كان مصبره مالك💔
ثاني يوم على طول سافر هوا ومالك وامكم جميله وقعدو برا سنه تامه وروحو ع اساس جميله جابت غادي 
بسبب الوقت يلي مر مفيش حد ركز واحسب لي مدة الحمل وعمر مالك 
مالك:حط يديه الاثنين على وجها وسكر عيونه بصدمه 
عبدو ماشي جاي وسط المربوعه يسمع في باقي القصه وحاس بنفسه بيغمى عليه من الاسرار يلي قلباااااته 
فرعون :مرت السنين كنت نلاحض في حب بوكم الكبير لي مالك 
جي احمد ومحمد ونهال ومع هاذا كانت نضراته لي مالك غير 
لين جي اسوء يوم على العيله 

سدره:عرفتني ؟
حمزه:منو انتي؟
سدره:انا سدره بنت هناء الولاده يلي جبتلك العيل 
حمزه:رددت بصوت واطي....مالك!
اي اي عرفتك ...في شي ؟
سدره:لفت وشاحها الاسود عليها ....امي عطاتك عمرها من اسبوع 
حمزه:الله يرحمها 
سدره:تعيش....عطتني سر ولازم نوصلهولك قبل ما نمشي 
حمزه:سر ؟شنو؟
سدره:امي قالت ان نادره(حبيبته)مماتتش وهيا تولد 
حمزه:توسعت عيونه....كيف!!!!؟
سدره:امي الله يسامحها كانت متفاهمه مع مختار وتغلي في اعشاب وتشرب فيهم ع اساس فيهم صحه وفايده وهما للاسف يخلو في الجسم يضعف وميتحملش الولاده ...من البدايه كانو عارفين انها بتموت بعد ما تولد على طول 
حمزه:لل ل ليش!
سدره:مختار كشفها انها قاعده تحبك وتراسل فيك واعتبرها تخون في ولده....اسفه لازم نمشي 

محمد:وبعدين؟؟
فرعون:بدي صوته يتغير💔....في ليله مطر نفس تاريخ امس بزبط جابوهولي ميت 
لما سمع الخبر متحملش ....ركب سيارته وكان ماشي لي حوش فرعون لكن قبل ما يوصل دار حادث💔

سكتو كلهم ومالك حاس بي الدنيا ادور بيه 💔
مصدوم بشكل مش طبيعي !!
عم الصمت على المكان كله وكل واحد يشوف لي الثاني مش عارف شنو يقول 
عادا مالك لي يشوف للارض وماسك راسه بين يديه💔
عبدو:وقف....يعني جدي قتل مرته ومرت ولده يلي هيا مرت بوي الثانيه ؟
مالك يكون خوي ؟؟؟؟؟؟بوي هوا نفسه بوه 
يلي ماتت تكون ام مالك !!؟
يلي حاربته طول عمري يكون خوي؟؟؟؟
يعني الحروب هاذي كلهاااا بسبب قصص حب وبسبب زوز بنات بينك وبين جدي حني ضيعتونا !!!....مستحيل نصدق لا 
وطلع عبدو بسرعه من الحوش وهوا في عالم تاني !

   🔥رِوَايـــــــــات بـــَـنـُـــووتِـــة الشـِــيـــْـخ🔥
    🔥أروى الــــطـــاهــــر المــســلاتــــي🔥

مالك:خدي مفاتيحه وطلع 
فرعون:بصوت يرجف.....بسرعه الحق خوك 
احمد:طلع ورا مالك 
محمد:خوك؟؟
انتم كيف تقدرو تكذبو بكل صدق هكي؟؟؟
مفكرتوش انكم بعدتو ولد وحرمتوه من عيلته؟؟؟
مفكرتوش ان حيجيكم يوم وتنكشفو 
تي كيف اديرو فينا هكي
كيف تخلو واحد يحارب عيلته ويحاول يقتل خوه بدون ما يعرف انهم يحملو نفس الدم !!!!....وطلع حتى هوا 

احمد:مااااالك استنى 
مالك:فتح باب السياره وعيونه مش شايفين شي حاس كل شي قدامه اسود.....انا بخير بخير 
خوذ المفتاح خليهم يفتحو على ساجده وتقعد في دارها متطلعش لين نجي 
احمد؛وين ماشي 
مالك:نبي نكون بروحي شويه متخافش ...وركب سيارته وطلع 
احمد:قعد يحاسب في نفسه من داخل....قراره ان مالك يعرف الحقيقه كان صح ولا غلط!!!؟

_________________________________

طلع مالك وكان حاس بي احقر شعور ممكن يحسه البني ادم 
الحقيقه يلي عرفها قبل دقايق هداته💔
مفيش شي في باله غير 
(امه ماتت مقتوله ع يد مختار )
(ساجده خناته مع خوه💔💔💔بدون ما تعلم!)
كل حاجه حلوه في حياته تختفي شوي شوي 
لدرجة حتى عيلته وخوته يلي شاد بيهم الضهر طلعو مش عيلته💔.....في اسوء من هكي !

   🔥رِوَايـــــــــات بـــَـنـُـــووتِـــة الشـِــيـــْـخ🔥
    🔥أروى الــــطـــاهــــر المــســلاتــــي🔥

حيدر:هه...وانت مصدق الكلام الفارغ هاذا!؟
عبدو:يشوف للارض...منقدرش ننكر💔
حسن:بملامح جديه....شن تقصد؟
عبدو:ربطت هلبا احداث في بعض!
قبل شهور تجي مرا تاخد من جدي في فلوس وفهمت انها تهدد فيه تفضحه لو معطاهاش وكان يعطي فيها💔
مره بصدفه سمعتها تقول جبرتني نقتل زوز وتوا نجبرك تعيشني في نعيم زي يلي عايش فيه 
حيدر:الشي هاذا ميعنيش ان فرخ فرعون يكون خوك 
عبدو:نفس العيون💔
حسن:شني؟
عبدو:نفس لون العيون انا وياه !!....نفس لون الشعر 
نفس النضره !
حيدر:شاف لي خوه وعرفو الاثنين ان عبدو قادر يضعف قدام مالك!!
_______________________________________

فاتت 5ساعات على اهل فرعون العيله كلها على اعصابهم خايفين !!
شنو ممكن يصير بعد يلي سمعه مالك؟
شنو بيدير؟
اما ساجده كانت في عالم تاني بروحها 
كل ما تسمع الباب انفتح قريب يغمى عليها من الخوف💔
انفتح الباب اي لكن متقدرش تطلع من الغرفه بعد ما سمعت احمد يقول لي سكينه مالك قلها متطلعش 
مش عارفه شنو ادير غير انها تصلي وتدعي وبس!!

مالك سيب كل شي وراه ومشي لي استراحته يلي ع البحر بروح مفيش حد معاه مفيش صوت يقاطعه غير صوت الموج بس! 
كيف بيكمل حياته؟مع منو ؟؟؟
كيف بيتقبل الكلام يلي نقال  فاق مالك على اذان المغرب!!...ناض شرب اميه 
توضى وصلى المغرب وخدي مفاتيحه
شاف بنضره طووووووويله للبحر وطلع ....

___________________________

نهال:وين طالع؟
انس:شوي ومروح بنشوف امي ليا3ايام عليها وبنخطم على محمد شويه 
نهال:امممبه...جيب معاك بطاطه
انس:حاضر يابطاطي الحلوه انتي ....وباسها 
نهال:ابتسمت...ربي معاك❤️

____________________________

اما احمد حس بي الملل وهوا يراجي في مالك امتى يروح؟!!!
طلع من حوش اهله وروح لي حوشه كان ناسي ياقوت والكلام يلي قاله ليها 💔💔💔💔
ناسي كل الكلام يلي يقتتتتتل مش يجرح بس 
خش يدور زي التايه زي الضايع وينادي عليها بس كان الحوش فااااااضي !
رمي نفسه ع السرير بعد ما تأكد ان ياقوت المره هاذي صدماته وخلاته 💔
عندها الحق فيه التصرف هاذا بس كان مصدووووم 
كيف طلعت !!!!!
__________________________________

يسرى:عبدو في واحد يبيك برا 
عبدو:منبي حد خليني في حالي وسكري الباب 
يسرى:قال يبيك ضروري وشكله واحد من عيلة فرعون
عبدو:نزل بسرعه قبل ما تكمل يسرى كلامها فتح الباب ....نعم 
مالك:كان عاطيه بضهر !
ولما سمعه تلفتله .....
عبدو:خش 
مالك:قعد يشوف للحوش فتره ....مش جاي باش نخش ولا شي ....نبي نسأل وماشي 
هبدو:مقلتش لي حد يلي سمعته لين تقررو او هاذا سؤالك!
مالك:بنضره حاده .....الكلام يلي قلته لي ساجده اليوم ع التالفون فيه منه!؟
عبدو:يشوفله وساكت 
مالك:جاوبني ....مرتي خانتني مع خوي ؟؟!
عبدو:........

حسن:كبرت الحكايه وبدي حتى يجي يهدرز عليه 
حيدر:انت عارف لو طلع صح الكلام شنو ممكن يصير !؟
كل شي ليه لانه الكبير بينا 
حسن:على جثتي...وطلع سلاحه 
حيدر:شنو ادير؟!😧
حسن:صوب على راس مالك السلاح وسحب 



قبل ما يضغط بثواني ادخل انس 💔.....يتبع

الفصل الرابع والعشرون من هنا

تعليقات



حجم الخط
+
16
-
تباعد السطور
+
2
-
close